Ă…rsmelding 2018
INNHALD Årsmelding frå Bryne sokneråd Årsmelding frå økonomiutvalet Årsmelding trusopplæringa Årsmelding Jungelgjengen Årsmelding Jungelkoret Årsmelding KFUM – KFUK speidaren Årsmelding 9:13 Årsmelding Familiefokus Årsmelding frå bibelkveldane Årsmelding frå Bryne diakoniutval Årsmelding frå misjonsutval Årsmelding frå Julemessa Bøn om vekst
s. 3 s. 6 s. 8 s. 10 s. 11 s. 12 s. 14 s. 15 s. 17 s. 18 s. 21 s. 22 s. 23
www.brynekyrkja.no | www.facebook.com/brynekyrkja | @brynekyrkja den opne famns kyrkje for gode relasjonar | raus i sitt mangfald | tydeleg i si retning 2
ÅRSMELDING BRYNE SOKNERÅD 2018 SOKNERÅDET 2018 Leiar Ola Undheim Nestleiar Kjell Ragnar Thu, medlem av fellesrådet Leif Christian Harboe Inger Bakke Berge Olaug Bekkeheien Hilde Hanevik Steinar Espevik Stein Arild Boi Pedersen, medlem av fellesrådet Sokneprest Stein Ødegård 1.varamann, Brit Signe Harbo Fuglestad 2. varamann, Allemayehu Fantahun Bjørn Inge Hauge møter også på møta i soknerådet
TILSETTE I BRYNE KYRKJELYD: Stein Ødegård, sokneprest Bjørn Inge Hauge, dagleg leiar/kyrkjelydsutviklar Johannes Kleppe, kyrkjelydsmedarbeidar 30% Elisabeth S. Obrestad, saksbehandlar 40% Gunhild Lande, kyrkjetenar, vaktmeister og reinhaldar i kyrkja Karin Sofie Ersland Olsen, kyrkjetenar Leif Andenes, klokkar Per Olav Egeland, kantor Marit H. Hetland, diakon. Marion Lende, kyrkjelydspedagog Kristine Åsbø, trusopplærar, permisjon Mari Ask Helland, vikar Ingfrid Time Nærland, kateket William Mikalsen Aarsland Soknerådet hadde 9 møte og behandla 27 saker i 2018. Me ønskjer å vera den opne famns kyrkje:
DEN OPNE FAMNS KYRKJE ei kyrkje med gode relasjonar, raus i mangfald og tydeleg i si retning. OPPOVER i Guds famn - Eit liv nær Gud INNOVER i kyrkje og fellesskap - Eit liv nær kvarandre UTOVER i byen og verda - Eit liv for andre.
Me vil at det skal vera ein god balanse mellom desse tre retningane. Soknerådet har difor i denne soknerådsperioden desse satsingsområda: 1. Gudstenestelivet blomstrar (Oppover) 2. Fleire søkjer dåp og trusopplæring (Innover) 3. Kyrkja engasjerer seg i lokalsamfunnet (Utover) 3
Årsmeldingane frå dei ulike gruppene viser også i 2018 at me meiner alvor med visjonen og satsingsområda. Det viser alle treffpunkta for barn og unge, der me verkeleg får så Guds ord til barna og familiane deira. Det skjer mykje spennande og flott arbeid. Økonomien er god, og det gir frihet til å driva det arbeidet me meiner er viktig for å oppfylla visjonen. Likevel arbeider me stadig for å få fleire gjevarar. Det gjer me særleg med tanke på satsinga Ung i Time. Me håpar og trur at fleire i kyrkjelyden ser verdien av å ta ansvar som faste gjevarar. For økonomien er også julemessa eit viktig arrangement. Julemessekomiteen gjer kvart år ein kjempeinnsats, og me er godt nøgde med både oppmøte og resultat, sjølv om resultatet gjekk litt ned i 2018. Nokre tankar om dei tre satsingsområda:
1.
GUDSTENESTELIVET BLOMSTRAR:
Gudstenesta er den viktigaste samlinga for kyrkjelyden. Frammøtet har gått litt ned på dei vanlege gudstenestene, men det har vore fleire barn på samlingane i Jungelgjengen. Det er svært gledeleg at fleire frivillige har meldt seg til teneste i Jungelgjengen. Familiefokus samlar fleire og fleire småbarnsfamiliar i brynekyrkja ein gong i månaden. Det er gildt å oppleva det store engasjementet på desse gudstenestene. Det er nå tre gudstenestegrupper som er med på å planleggja og gjennomføra gudstenester. Ny gruppe med unge vaksne starta i 2018. Kveldsgudstenestene har også dette året hatt gode, spennande og engasjerande tema. I vårsemesteret var temaet: Korset. Kvifor døydde Jesus på eit kors?, og haustsemesteret hadde temaet: Møte som set spor. Sjølv om mange har funne sin plass i eit blomstrande og variert gudstenesteliv, må utfordringa vår vera å få fleire med.
2.
FLEIRE SØKER DÅP OG TRUSOPPLÆRING
Korleis nå ut med informasjon om dåp i kyrkja? Dette er i dag ei utfordring fordi det ikkje lenger er lov å gå inn i folkeregisteret for å sjå kven som er fødde, og så senda ut invitasjon. Foreldra må nå sjølv ta kontakt med kyrkja. Det vil vera ei viktig satsing framover å få fleire til dåp. Me ser at dersom barna skal læra om Jesus, er det viktig at me held trykket oppe på dei ulike trusopplæringstiltaka som me kan invitera barn og unge til. Trusopplæringstiltaka har nå ei varierande oppslutning. Dette kan kanskje vera eit byfenomen.. Oppslutninga om konfirmasjon er stabil på rundt 90% av kyrkjemedlemmar. Det er bra. Ungdomsarbeidet i Bryne har slite i mange år. Det har vorte prøvd ulike tiltak og modellar for å få eit godt ungdomsarbeid, men det har til nå ikkje lukkast Nå håper me at satsinga på prosjektet «Ung i Time» vil hjelpa oss til også å nå dei unge. Dette er ei felles satsing mellom dei tre sokna, Undheim, Time og Bryne. Me vil tilsetja ein person i ei tre-årig prosjektstilling med eit overordna ansvar for alle tre kyrkjelydane. I tillegg vil me arbeida for å få ungdomsarbeidar/eitt-åring i dei ulike sokna. Det vert tilsett ein person i prosjektstillinga nå i løpet av våren 2019. Dette er eit viktig bønnetema. Bibelkveldane er trusopplæring for vaksne. Desse kveldane er viktige og det har vore godt frammøte. Bønnearbeidet er viktig. Kvar onsdag er det bønnesamling i kyrkja.
3.
KYRKJA ENGASJERER SEG I LOKALSAMFUNNET
Gjennom samarbeid med historielaget, kulturskulen og andre er Bryne kyrkje «ein open famn» for folk i byen og også for heile kommunen. Det vil vera viktig å fortsetja og også styrka dette samarbeidet. 4
Biskopen var på visitas i november/desember. Ho var imponert over arbeidet i Time og også her på Bryne. Ho oppfordra oss til å fortsetja det gode arbeidet, og sa mellom anna at ho ønskte at kyrkja kunne vera ei bru mellom jord og himmel, som mange finn vegen til, ofte eller sjeldan. Før visitasen arbeidde brynekyrkja grundig med kva me ser som gleder og utfordringar. Etter visitasen har me fått biskopen sine utfordringar til oss. Dette vil me følgja opp på årsmøtet. Me har eit stort misjonsengasjement. Nå støttar me ulike prosjekt for NMS og Stefanusalliansen. Me hadde i september eit spennande besøk av Ramazan, pastor i Antalya Evangelical Church i Tyrkia. Det er denne menigheten me støttar. Kva treng folk som bur i kyrkjelyden? Kva kan me som kyrkje bidra med til folk i byen vår? Korleis skapa vekst i kyrkja? Soknerådet brukar verktøyet Fokus – vekst i lokalmenigheten for å hjelpa oss med desse spørsmåla. Det er cirka 300 frivillige medarbeidarar som er med på dei ulike aktivitetane i kyrkja. Me er svært glade for at så mange er villige til å ta på seg små og store oppgåver. Me er og svært heldige som har så dyktige tilsette i kyrkja vår. Me er altså ein kyrkjelyd som både har tilsette og frivillige som er engasjerte og har mange visjonar for og tankar om kva kyrkja skal vera for folk på Bryne. Det gir oss eit godt grunnlag for det vidare arbeidet. Tusen takk til dykk alle for den viktige oppgåva kvar enkelt gjer.
Bryne, februar 2019 Ola Undheim soknerådsleiar
5
ÅRSMELDING ØKONOMIUTVALET 2018 Økonomiutvalet i 2018 har vore Terje Aase, Håkon Urstad, Leif Harboe, Elisabeth Skartveit Obrestad og Bjørn Inge Hauge. Saker me har hatt oppe har vore: a. Tilrettelegging for betaling ved hjelp av Vipps. Denne mobilappen har vorte einerådande når det gjeld mobil betaling, og ved overgangen til 2019 har me kutta ut moglegheiten for å gje ved hjelp av iZettle og bankkort. b. Offer i kyrkja utgjorde 194 543 til eiga verksemd og 226 151 til andre. Det er en auke på 25 355 samanlikna med 2017. c. Gjevartenesta i 2018 har óg hatt ein liten auke på vel 22 000. Resultatet vart då 558 700 for 2018 Takk til alle trufaste gjevarar! d. Rekneskapen for 2018 ser ut til å vise eit lite overskot som viser godt samsvar mellom budsjett og rekneskap for 2018. Bryne, 11.februar. 2019 For Bryne kyrkjelyd, Leif Harboe kasserar
6
«GÅ DIFOR OG GJER ALLE FOLKESLAG TIL LÆRESVEINAR: DØYP DEI TIL NAMNET ÅT FADEREN OG SONEN OG DEN HEILAGE ANDE OG LÆR DEI Å HALDA ALT DET SOM EG HAR BODE DYKK. OG SJÅ, EG ER MED DYKK ALLE DAGAR SÅ LENGE VERDA STÅR.» 7
TRUSOPPLÆRINGA ÅRSMELDING 2018 Dåpen forpliktar oss til opplæring. Trusopplæringa skal vera eit tilbod om systematisk og samanhengande opplæring for alle døypte barn og unge uansett funksjonsnivå. Vi har sidan oppstarten i august 2004 bygd opp nokre robuste fasetiltak for aldersgruppa 0-12 år. Trusopplæringa har vore i ordinær drift frå 10.07.2013. Alder
Tiltak
0 år
Dåpssamtale og dåp
0-1 år
Babysong/småsong
2 år
Undretur
3 år
Hausttakkegudsteneste Krøllekveld
4 år
Barnebibel
4 år
Adventsklubb
4-5 år
- Samling med Jungelkoret - Samling med Lye barnegospel - Samling med Supermix Aktivitetsdag
6 år
8
6-7 år, 1. kl
Dåpsskule
8-9 år, 2. kl
Pinsefart
9-10 år, 3.kl
Tårnagenthelg
10 år, 4 kl
På sporet av Jesus, ny
10 år, 5.kl
Lys vaken
11-13 år, 5-7. kl 12 år, 7. kl
24 H Festival
15 år, 9. kl
Konfirmasjon
17-18 år
Påskenatt i Time kyrkje
Leiartrening
Oppslutning 2018 (2017 i parentes) Bryne: 76 (71) Time: 33 (33) Undheim: 10 (9) Time: 9 av 60 = 15% (24%) Undheim: 18 av 24 = 75% (40%) Bryne: 19 av 70 = 27% (7%) Ikkje gjennomført (13%) Undheim: 8 av 11 = 73% (89%) Bryne: 14 av 70 = 20% (11%) Time: 13 av 40 = 33% (13%) Undheim: 16 av 20 = 80% (47%) Bryne: 42 av 103 = 41% (51%) Time: 17 av 36 = 47% (54%) Undheim: 14 av 18 = 78% (91%) Bryne: 26 av 103 = 25% Time: 8 av 36 = 22% Bryne: 11 av 89 = 12% (10%) Time: 7 av 43 = 16% (6%) Undheim: 5 av 18 = 28% (45%)
Anna
Bryne: 0 av 88 = 0% Time: 0 av 34 = 0% (2%) Undheim: 11 av 17 = 65% (53%) Bryne: 14 av 98 = 14% (8%) Time: 13 av 47 = 28% (50%) Undheim: 11 av 16 = 69% (83%) Bryne: 19 av 125 = 15% (28%) Time: 20 av 41 = 49% (56%) Undheim: 11 av 18 = 61% (67%) Bryne: 43 av 112 = 38% (25%) Time: 24av 46 = 52% (75%) Undheim: Annankvart år (68%) Bryne: 3 av 112 = 3% Time: 8 av 49 = 19% Undheim: 3 av 10 = 30% Bryne: 9 av 112 = 8% (30%) Time: 13 av 42 = 31% (9%) Undheim: 4 av 10 = 40% (75%) Bryne: 30 av 312 = 10% (11%) Time: 59 av 121 = 49% (36%) Undheim: 28 av 33 = 85% (91%) Time: 4 av 40 = 10% Undheim: 0 av 11 = 0% (19%)
1 dagssamling (planleggingsdag for skulen) B: Dåpsskulehelg T og U: 2 saml. + dåpsskulehelg 3 saml. ettermiddagstid
Bryne: 86 av 101 = 85% (86%) Time: 26 av 38 = 68% (90%) Undheim: 14 av 16 = 88% (111%) Bryne: 30 av 210 = 14% (17%) Time: 18 av 81 = 22% (26%) Undheim: 7 av 24 = 29% (59%)
1 samtale og gudsteneste
Samling annankvar veke 1 samling Utdeling av CD. 1 samling
1 gudsteneste 3 samling + gudsteneste 1 - 2 samlingar 1 samling
Fre/lør 5 timer + gudst. søndag. U: 3. og 4. trinn saman 1 samling lørdag
Fredag + gudsteneste
24 timar lørdag-søndag, inkl. overnatting + gudsteneste Hjelpeleiar på aktivitetsdag for seksåringar. Totalt 60 timar.
1 gudsteneste NB! Tala er usikre
Nytt av året er «På sporet av Jesus» for 4. trinn. Me vil gje 10-åringane ei oppleving der dei får "møta" bibelske personar som fortel om sine møte med Jesus. Hovudfokuset er å bli kjend med Jesus som sann Gud og sant menneske. Det var vandring mellom stasjonar ute og inne der barna fekk møta skodespelarar som var i rolle som ulike bibelske personar. Tretimars-opplegget vart avslutta med fest hos Sakkeus med måltid og leik. Det har ikkje vore ungdomsarbeid i Bryne sokn dette året, og ungdomsarbeidet har slite litt i dei to andre sokna. Det er vanskeleg å invitera til fasetiltak for ungdommar, når det ikkje er eit ungdomsarbeid å føra ungdommane vidare inn i. Det har vore tenkt og snakka mykje om kva og korleis ungdomsarbeid. Me ser fram til og gler oss til at samarbeidsprosjektet «Ung i Time» skal starta i 2019. Dette er ungdomsarbeid på tvers av sokna med nyoppretta prosjektleiarstilling. Det kontinuerlege barne- og ungdomsarbeidet er viktig grunnlag for forming av identitet, tru og fellesskap, og gjev rom for undring og vekst. Det er viktig å balansera satsinga på fasetiltaka med eit kontinuerleg tilbod i kyrkjelydane.
ORGANISERING: 2018 har vore eit år prega av optimisme, tiltakslyst og innsatsvilje, men også frustrasjon over ungdomsarbeidet. Alle planlagde tiltak for barne-fasane vart gjennomførte, men kun konfirmantarbeidet for ungdoms-fasen.
TRUSOPPLÆRINGSSTILLINGAR: Trusopplæringa har til saman 1,4 stillingar som er dekka av trusopplæringsmiddel. Sokneråda har vedteke å styrka trusopplæringa med innsamla midlar, og difor er stillingane innan trusopplæringa større enn det som blir dekka av overførte midlar. 60% kyrkjelydspedagog i Bryne (60% trusopplæringsmiddel): Mari Ask Helland (vikar for Kristine Åsbø) 60% kyrkjelydspedagog i Time og Undheim (50% trusopplæringsmiddel): Ragnhild Hanssen 50% kyrkjelydspedagog i Bryne (30% trusopplæringsmiddel): Marion Lende 100% kantor i Bryne (20% trusopplæringsmiddel): Per Olav Egeland 20% kyrkjelydsmedarbeidar (10% trusopplæringsmiddel): Johannes Kleppe 80% kateket Ingfrid Time Nærland, løna av Stavanger bispedøme Vi gler oss til å utvikla trusopplæringa vidare. Trusopplæringsplanen vil vera retningsgivande for det vidare arbeidet med trusopplæringa. Eg takkar dyktige medarbeidarar, både tilsette og uløna, for sterkt engasjement og god innsats for trusopplæringa! Det er i dette samspelet at arbeidet er mogleg å gjennomføra. Ei lita utfordring og oppmuntring går til leiarar i det kontinuerlege arbeidet om å vera med som medarbeidarar i fasetiltak for å laga linkar til deira eige arbeid.
Ingfrid Time Nærland Kateket
9
ÅRSMELDING JUNGELGJENGEN 2018 Bryne Kyrkje sin sundagsskule, Jungelgjengen, hadde 23 samlingar i 2018. 5-25 born kvar gong. Av dei 23 samlingane, var 12 av dei dåpsgudstenester. Det møtte mellom 5 og 25 born kvar gong på samlingane. Då det ikkje har vore noko skikkeleg rutine for registrering av born på sundagsskulen, er det uvisst kor mange born som har vore innom sundagsskulen til saman. Borna har vore til stades i fyrste del av gudstenesta før løva kjem og fylgjer borna med ned i kjellaren. Her har ein nytta seg av opplegget «Sprell Levende» av Søndagsskuleforbundet. Mari Ask Helland har vore stabsrepresentant i Jungelgjengen. Leiar: Randi Listøl Thu Medleiar: Heidi S. Harboe, Helga Johannessen, Margrethe Riskedal, Benedicte Nessa, Cecilie Cais, Trond Nessa, Atle Riskedal og Margunn Obrestad.
10
ÅRSMELDING JUNGELKORET 2018 I 2018 har Jungelkoret hatt 23 betalande medlemmar i alderen 4-10 år. Koret har hatt 17 øvingar i løpet av 2018. Det har delteke på Familiefokus i Bryne kyrkje 15. mai og 21. oktober, på julemessa 24. november, gudsteneste på julaftan og konsert med Bjarte Leithaug 29. november. Det blir 5 framføringar. Øvingane har vore på torsdagar i partalsveker frå kl. 17:15 – 18:30. Dei har sunget i 30 min. før enkel andakt og premieutdeling. Dei avsluttar med enkel kveldsmat og leik i kyrkjestova. Borna har med niste. Første øvinga etter sumarferien hadde dei Jarle Waldemar på besøk. 5åringar vart særskilt invitert til dette som ein del av trusopplæringa, men arrangementet var opent for alle frå 4år og oppover. I forbinding med bispevisitasen, fekk dei òg besøk av Bjarte Leithaug som hadde opplegg og konsert med Jungelkoret. Kor Bra, Lye Barnegospel og Supermix deltok òg på dette opplegget. Jungelkoret fekk òg eigne t-skjorter i år som nyttast ved framsyningar. Fram til sumaren 2018 var Anne Grethe Hognestad dirigent for koret og etter dette var Per Olav Egeland fungerande dirigent i tillegg til pianist. I tillegg har Jungelkoret fått oppretta eit styre i løpet av 2018 beståande av Dorthe Bekkeheien Hovland, Elisabeth Opshaug og Elisabeth Nese. Mari Ask Helland har vore stabskontakt. Jungelkoret har hatt to styremøter. Mari Ask Helland Trusopplærar
11
ÅRSMELDING 2018 BRYNE KFUM-KFUK SPEIDAREN MEDLEMSTALL 2018: Voksne: Ledere: 8 stk. betalende Ordinær medlem: 7 stk. betalende Totalt: 15 Speidere: Rovere: 3 stk. betalende Vandrere: 19 stk. betalende Stifinnere: 33 stk. betalende Oppdagere: 10 stk. betalende Totalt: 65
VÅREN 2018 I løpet av vårsemesteret hadde vi 16 ordinære samlinger. Vi dro på vinterspeider tur til Ådneram sammen med 55 speidere, foreldre og ledere. Under livsgledefestivalen deltok vi med «Speiding for en dag» et arrangement på Kaisersplass. På 17. Mai var vi med på folketoget. Overnattingsturen gikk denne våren til speiderhytta. Oppmøtet for våren var i snitt 43 speidere på hver samling.
HØSTEN 2018 I høst hadde vi 15 ordinære samlinger. Stifinnerne deltok Stifinner-ekspedisjonen med kretsen og de vant hele ekspedisjonen. Vandrerne deltok på JOTA/JOTI 1 dag med kretsen. Av andre arrangement deltok vi på lysmessa i Bryne kyrkje 9. desember. Oppmøtet for høsten var i snitt 45 speidere på hver samling. Samlingene for 2018 har som tidligere vært på mandager fra kl. 18.00 til kl. 19.30/20:00, med oppmøte på parkeringsplassen bak rådhuset. Det har vært stabilt godt oppmøte på samlingene dette året og spesielt medlemstallet for stifinnere og vandrere har økt. Stifinnerne utgjør den største medlemsmassen. Vandrerne har også blitt fler, og en kan merke at gjennomsnittsalderen på speiderne er høyere enn fjoråret. Det var en utfordring å få tilpasset opplegget til å passe alle aldersgruppene for våren og vi besluttet derfor å dele Vandrerne for seg selv. Dette har vært vellykket og vi har fått flere speiderne som har blitt vandrere. Mange foreldre er også med på samlingene våre. Dette er veldig positivt og det ser ut til at både voksne og barn trives godt.
LEDERE Gruppa med har hatt ni ledere. I høst hadde vi en sosial ledertur med overnatting til Frafjord. Selv om ledersituasjonen i dag er god, er den sårbar, særlig på grunn av den nye organiseringen. I løpet av 2018 hadde vi derfor behov for å utfordre flere til å bli med som ledere. Dette året og vi har rekruttert 2 ledere på slutten av året som blir med fra og med våren 2019. Både blant speidere og ledere er det en veldig positiv stemning og mange koser seg stort på samlingene. Leder for oppdagerne er Bjørnar Tollaksen Leder for stifinnerne er Runar Undheim Leder for vandrerne er Jan Erik Brudeli
12
KOMMUNIKASJON Vi brukte aktivt Facebook til å kommunisere med både foreldre og mellom ledere, men ved oppstart høsten 2018 tok vi i bruk Spond som system for kommunikasjon med foreldrene. Dette systemet har automatisk oppmøte statistikk og forenkler hverdagen som speiderleder.
Kjell Arild Nielsen Leder Bryne KFUK-KFUM Speidergruppe
KJÆRE FAR I HØGE HIMMEL, HØYR MI STILLE HJARTEBØN: KVAR EG ENN VERDA VANKAR, LAT MEG BLI SOM SONEN DIN. LAT MEG LEVA DEG TIL ÆRA, HEIDRE NOREG, FAR OG MOR, ANDRE FOLK TIL HJELP FÅ VERA, OG SO LYDA LOVA VÅR.
13
ÅRSMELDING FOR BRYNE 9:13 2018 9:13 er tweensarbeidet i Brynekyrkja. Ein torsdag i månaden kl. 17.30-19.30 er alle som går i 4-7. klasse velkomen på 9:13 i kjellaren i Bryne kyrkje. Vi har eit fast program kvar gong er: Felles oppstart, aktivitetsgrupper, samling med andakt oppe i kyrkjerommet og til slutt sist men ikkje minst: kafè med sal av mat som matlagingsgruppa har laga. Aktivitetsgruppene varierer litt frå kvar gong ut frå kven som er med som leiarar: Matlagingsgruppe, formingsgruppe, spel- og minglegruppe , dansegruppe, uteleik o.s.v. Etter at kjellaren i kyrkja har blitt pussa opp, har «spel- og minglegruppa» blitt utvida til at ungane kan bruka de forskjellige rom der dei kan veksla mellom å spela bordtennis, biljard, playstation, Nitendo, fotball- og ishockeyspill, ulike kort- og brettspel og andre byggje- og speleaktivitetar. Det er kjekt å sjå at ungane brukar og trivs i kyrkjekjellaren.
SAMLINGAR OG OPPMØTE Det har vore 8 samlingar, 4 på våren og 4 på hausten. Mange ungar kjem igjen kvar gong, og nye har kome til på kvar samling. Våren 2018 var det i snitt 24 born på samlingane, mens det våren 2018 var 69 ungar. Det er veldig kjekt å sjå at dette arbeidet vekst og at mange nye blir med. Det er flest born frå 4.og 5. klasse, men også ein god del 6,- og 7. klassingar. I 2019 vil vi ha fokus på å nå dei eldste endå betre og bygga bru over i ungdomsarbeidet. Dette er eit spanande utgangspunkt for arbeidet med å starta nytt ungdomsarbeid i 2019 og prosjektet Ung i Time.
FRIVILLIGHET Eit arbeid som 9:13 er heilt avhengig av mange trygge vaksne, og det er difor inspirerande at fleire nye vaksne har blitt med som frivillige medarbeidarar i 2018. Dette er noko leiargruppa har hatt fokus på i 2018. Hans Tore Hetland er leiar for arbeidet og Bjørn Inge Hauge overtok som stabskontakt i 2018 etter Marit Høie Hetland.
Takk til alle frivillige som legg ned ein stor innsats i dette viktige arbeidet.
Bjørn Inge Hauge Dageig leiar/kyrkjelydsutviklar
14
ÅRSMELDING FOR FAMILIEFOKUS 2018 Brynekyrkja ønskjer å vere ei kyrkje for gode relasjonar, raus i sitt mangfald, tydeleg i si retning. Familiefokus i Brynekyrkja skal væra eit lokalt misjonsarbeid på Bryne, som arbeider for at fleire bornefamiliar skal fylja etter Jesus Kristus og har tilhørighet til kyrkjelyden. Ein gong i månaden er det gudsteneste med Familiefokus i Brynekyrkja. På Familiefokus er det fleire born enn vaksne i sving når vi feirar gudsteneste. Vi ønskjer at borna skal få vera deltakande og involvert i gudstenesta. Vi ønskjer at det skal vera deira gudsteneste. Arbeidet drives av eit gudstenesteutval med ein representant frå Bryne Sokneråd og ein representant frå stab. Utvalet bestod i 2018 av: Rolf Heksestad, Svein Hareland, Anne Vold, Trond Arild Erga, Olaug Bekkeheien (BRS) og Bjørn Inge Hauge (tilsett kyrkjelydsutviklar). Vi gler oss over at mange born er involverte og at nye familiar finn sin plass i fellesskapet. Det er gledeleg å sjå den aukande oppslutninga på Familiefokus. Mange gjer uttrykk for at det er kjekt med alle barnefamiliane som kjem og det er flott å sjå at desse også finn sin plass i kyrkjelyden.
STATISTIKK 2018 Det er stor grunn til å gle seg over at ei langsiktig og viktig satsing gjev aukande oppslutning av barnefamiliar til gudsteneste i Brynekyrkja. Familiefokus har hatt god utvikling og i 2018 var det i snitt 180 store og små på gudsteneste.. År
2011
2012
2013
2014
2015
2016
2017
2018
Familiefokus gudstenester Deltakarar totalt Familiefokus
8
9
6
8
8
9
11
9
700
715
885
1048
999
1265
1670
1620
Gjennomsnitt Familiefokus
88
79
148
131
124
140
152
180
PEDAGOGISK OG TEOLOGISK INNHALD På Familiefokus brukar vi Søndagsskolen NORGE sitt undervisningsopplegg «Sprell levende». Vi bruker dei same tekstrekkene som Jungelgjengen. Dette for at borna skal kjenna igjen både opplegg og innhald når dei kjem på Jungelgjengen dei sundagane det ikkje er Familiefokus. Utgangspunktet for liturgi og form på Familiefokus gudstenestane er Søndagsskulen NORGE sitt gudstenestekonseptet «Sprell levande gudstenester»
ETTER SKULETID I 2015 starta vi ei eiga gudstenestegruppe for born (3 – 7 kl.) som samlast på tysdag etter skuletid same veka og planlegg komande gudsteneste. Her spis vi saman, leiker og planlegg gudstenesta. Dette opplegget er nå etter nokre år godt etablert og har vist seg å ver eit viktig grep for Familiefokus gudstenestane. I 2018 hadde vi 9 samlingar og 34 born har delteke. I snitt er det om lag 20 born med og planlegg neste gudsteneste. Dette har gitt augt gudstenestedeltagelse og augt medvirkning av born i gudstenesta. Det gjer noko med gudstenesta og fellesskapet.
15
LOVSANGSTEAM I 2018 har det på kvar gudsteneste vært med lovsangsteam leda av Jostein Tollaksen. Det gjer mykje med uttrykket på gudstenestane og det er flott å sjå at borna er med i lovsongen. Lovsangsteamet er også med på andre gudstenestar i Brynekyrkja. Dette har vært berikande for gudstenestearbeidet i Brynekyrkja.
TEKNIKARKOMPANIET I 2018 ble teknikarekompaniet etablert i Brynekyrkja. Rundt 20 vaksne og born er med å driv med lyd og skjermproduksjon. Dette arbeidet har fått ein stor oppsving i 2018 og fleire har blitt med som frivillige medarbeidarar på lyd og kameraprodusksjon. Fleire born er med i teknikarkompaniet og desse står for fleirkameraproduksjonen på Familiefokus. Dette gjer bl.a at det som skjer framme av drama og dans kjem tydleg fram på storskjermane.
ANDRE ARRANGEMENT Familiefokus arrangerte kyrkjelydsweekend til Tonstadlig hausten 2018. Det blei ei flott helg kor vi fekk kjenna gleda av å bygga fellesskap saman.
Bjørn Inge Hauge Dagleg leiar/kyrkjelydsutviklar
16
ÅRSMELDING FRA BIBELKVELDANE 2018 På grunn av mange arrangement omkring Luther-jubileumet valgte komiteen for bibelkveldane å flytta to kveldar frå hausten 2017 til våren 2018. Vi gjennomførte då to bibelkveldar om våren 2018 og tre hausten 2018. Komiteen bestod som tidligere av: Brit Frøyland, Jens Olav Mæland og Kjell Ragnar Thu. Klepp kyrkjelyd var med og støtta opp om tiltaket. På bibelkveldane i februar hadde vi fokus på liding sett ut frå Guds Ord og korleis me kan møte smerte og liding. Lidinga – problem og mysterium sette vi som overskrift over kveldane. Med oss til å undervisa hadde vi Hans Austnaberg, Johannes Høyvik og Håkon Kessel. Til bibelkveldane om hausten hadde vi teki utgangspunkt i Romarbrevet. Romarbrevet er ei omfattande framstilling av innhaldet i vår kristne tru, eit trusunivers og vi kalla opplegget «Trua sitt Univers». Til å undervise hadde vi fått med oss Harry Waldeland, Gunnar Salomonsen, Ludvig Bjerkreim, Karen Margrete Mestad, Kjell Børge Tjemsland og Jens Olav Mæland. To undervisningstimar kvar kveld med kaffipause i mellom. Lydfiler av undervisinga vart lagt ut på brynekyrkja.no. Det var god oppslutning på alle kveldane og komiteen fekk mange tilbakemeldingar om at dette er noko vi bør forsetja med. Fleire har gjennom disse kveldane fått meir kunnskap om Guds Ord.
Brit Frøyland
17
ÅRSMELDING BRYNE DIAKONIUTVAL 2018 Årsmeldinga omfattar oppgåver der diakoniutvalet saman med diakon og andre frivillige medarbeidarar er involverte. Det er mange som er med i forskjellige frivillige oppgåver i kyrkjelyden vår. Det er ikkje mogleg å nemna kvar einskild med namn, men diakoniutvalet ønskjer å takka kvar og ein for den viktige oppgåva dei står i.
BRYNE DIAKONIUTVAL I 2018 har Bryne diakoniutval bestått av Brit Signe Fuglestad (soknerådsrepresentant og leiar), Gro Tengesdal, Ola Solheim, Anna Maria Stensland, Elisabeth Vold og Guri Bergsaker Stokkeland. Marit Høie Hetland har vore diakon. Utvalet har hatt 4 møter. Det er utarbeida ein lokal plan for diakoni, som ligg til grunn for den diakonale verksemda i kyrkjelyden. Planen blir evaluert og oppdatert annan kvart år, neste gong er i 2019.
BESØKSTENESTE OG ARBEID FOR ELDRE Vi syns det er viktig med heimebesøk. Medlemmane i diakoniutvalet tilbyr jubilantbesøk med ei helsing til alle medlemmar i soknet som fyller 80, 90, 95 og 100 år. Fleire andre besøk blei også utført av både frivillige og tilsette. Kvart år arrangerer diakoniutvalet ein «Haustfest for alle +/- 60» på Bots- og bønedag i slutten av oktober. Denne festen er for alle i Time, Undheim og Bryne. Det blei ein veldig kjekk fest. Trygve Bjerkreim var tema på festen. Kåre Ekroll, Inger Kathrine Kjølleberg, Bjarte Lending og Anne Karin Lending song, spelte, fortalde, heldt andakt og las dikt. Alt inspirert av temaet. Det er stor dugnadsaktivitet og mange som hjelper til på haustfesten. Takk for alle bidrag. Diakoniutvalet i Time arrangerer også ein tilsvarande vårfest som er felles for heile Time. Denne festen var i mars i Undheim kyrkje, og det var også ein veldig kjekk fest. Kvar tredje torsdag i månaden er det Torsdagstreff i Bryne kyrkje. Det er eit treff for alle +/- 60. Programmet er variert med «kultur»-innslag, ei lita songstund med songar som gir gjenkjenning, matøkt- og drøs, og andakt. Dette er svært vellykka og fyller peisestova med 60-90 glade seniorar ein gong i månaden. Torsdagstreffet har ein eigen komité, og mange frivillige stiller opp her. Institusjonane i Time blir også jevnleg besøkte av prest eller diakon som held andakt eller gudsteneste der. Fleire frivillige deltek med song og pianospel. Her bur det bebuarar frå heile Time.
FLYKTNINGARBEID Brynekyrkja ønskjer å få vere med å bidra inn mot innvandrarar i Time. Det er ein frivillig flyktningkomité knytt til dette arbeidet. Brynekyrkja deltar på Snakkis-kafeen som kommunen arrangerer kvar måndag. Mange frivillige er med i Snakkis arbeidet, og her har mange relasjonar med innvandrarar blitt etablerte.
BØNEARBEID Eit bønebrev for Brynekyrkja blir kvart halvår laga av ein frivillig komité. Det er til utdeling og bruk for enkeltpersonar og grupper i Bryne kyrkjelyd. Kvar onsdag føremiddag er det eit ope bønemøte i Bryne kyrkje. Her samlast ei gruppe personar kvar gong og ber for kyrkja vår og for andre bønebehov. På sundagane blir det satt fram ei bønekrukke på gudstenestane. Her er det muligheit for å skriva bønelappar. Krukka blir bore fram under forbøna i gudstenestane.
ARBEID FOR MENNESKE MED UTVIKLINGSHEMMING Ein sundag i månaden er det «Sundagstreff». Dette er samlingar med gudsteneste tilrettelagt for menneske med utviklingshemming i Bryne kyrkje. Då er det først allsong, mat og drøs i peisestova. Etterpå er det gudsteneste i kyrkjesalen. Ein god gjeng blir samla her kvar gong. I februar deltok «Sundagstreff» saman 18
med kulturskulen sitt band «Bankers» på ei formiddagsgudsteneste i Bryne kyrkje. I forkant av dette arrangementet hadde «Sundagstreff» ein gudstenesteverkstad der dei førebudde seg til å delta i gudstenesta. I mai var det sommaravslutning med grilling i Undheim kyrkje. I oktober reiste ein god gjeng frå «Sundagstreff» på tur til Stavanger for å delta på Hausttakkefest i St.Petri kyrkje. Diakonen har også hatt skulebesøk i kyrkja med elevane frå avd. for kvardagslivstrening ved Bryne vgs, der blei det fortald om påsken.
FASTEAKSJONEN Tysdag 20. mars gjekk årets Fasteaksjon av stabelen. Konfirmantar og konfirmantforeldre gjekk med bøsser. Diakoniutvalet og frivillige er med i organiseringa. Resultatet for heile Time var kr. 153 911,- Av desse blei kr 91 231,- samla inn på Bryne. Dette var eit flott resultat. Mange var med både i gjennomføringa, samla inn og gav pengar i bøssene.
GRENSER OG GRENSELØSHET I fjor haust blei det laga eit dokument med retningslinjer for «Førebygging og handtering av seksuelle krenkingar». Dette arbeidet var felles for alle kyrkjelydane i Time. I den forbindelse blei det 15. mai arrangert ein temakveld med namn «Grenser og grenseløshet» i kyrkja. Marianne M. Fladen var med som foredragshaldar. Det blei fokusert på temaet om seksuelle krenkingar. Dette blei ein fin og viktig temakveld med godt oppmøte.
SORGARBEID Andre sundagskveld i januar blir det kvart år halde ein minnegudsteneste i Time kyrkje, organisert av Time diakoniutval. Mange pårørande kjem til kyrkja for å minnast dei som har døydd i året som har vore. Dette er eit felles arrangement for heile Time. Prest var Gunnar Frøyland, og Oddny Underhaug med songgruppa Shalom deltok med song. Namna blei lese opp og det blei tent lys på ein nydeleg lysinstallasjon. Laurdag før Allehelgensdag hadde Time diakoniutval arrangementet «Open kyrkje, tenn eit lys». Då blei kyrkjetorget i Time kyrkje halde ope, og folk kunne koma inn for å få varma seg, få noko å bita i og å samtala med nokon, medan dei besøkte gravene på kyrkjegarden. Inne i kyrkjesalen hadde vi ein times program med vekselvis orgelmusikk og skrift/diktlesing ved Per Olav Egeland og Leif Andenes. Det blei eit fint arrangement. Diakonane tek kontakt med etterlatne i heile prestegjeldet, og det blir arrangert sorgstøttegrupper i samarbeid med heile Jæren og Sandnes prosti. Gruppene startar opp fortløpande etter behov. Frivillige medarbeidarar er med som sorgstøttegruppeleiarar. Både deltakarar og gruppeleiarar kjem frå Time. 19. april blei det arrangert ein temakveld om sorg i Bryne kyrkje. Øystein Kindervåg, fortalde ifrå livet sitt. Temakvelden blei kalla for «I for store sko». Det vart ein fin kveld med godt oppmøte.
SAMLIVSARBEID Kyrkjelydane i Time har, saman med Jæren og Sandnes prosti, i ei årrekke hatt tilbod om samlivskursa "To på samme kurs" og ”Et annerledes språkkurs”. Dei siste åra har det kome inn færre påmeldingar til kursa, og dette tilbodet er nå lagt ned. Tusen takk til alle frivillige som har vore aktive i dette arbeidet. Samlivsarbeid er viktig, og prosessen med å finna ut kva retning dette arbeidet nå skal ta er i gong. Komiteen som har arbeida med samlivsarbeidet til nå oppfordrar sokneråda til å vera aktivt med i denne prosessen.
Tusen takk for stor innsats i det diakonale arbeidet på Bryne i 2018. Marit Høie Hetland Diakon
19
«KOM TIL MEG, ALLE DE SOM SLIT OG HAR TUNGT Å BER; EG VIL GJE DYKK KVILE!» 20
ÅRSMELDING FRÅ MISJONSUTVALET 2018 Misjonsutvalet (MU) skal vera pådrivar for at Bryne kyrkjelyd har eit levande engasjement for misjon lokalt og globalt. Utvalet består av Steinar Espevik (leiar), Hans Austnaberg (sekr), Helga Johannessen og Anne Kristine Røthing. Misjonsprosjekta dette året har vore «Midtausten» i regi av Det norske misjonsselskap og eit nytt prosjekt i regi av Stefanusalliansen: Støtte til Antalya Evangelical Church i Tyrkia. Det blei arrangert ei misjonssamling med fokus på Nord-Korea med Ketil Fuglestad 16. september, med svært god oppslutnad. Den 30. september arrangerte me ein misjonskveld, der hovudpastor i Antalya Evangelical Church, Ramazan Arkan, vitja oss og hadde hovudtalen. Utvalet har hatt fire samlingar i løpet av året og har gjennomført «Misjonsvindu» på fire gudstenester på våren og tre på hausten.
Hans Ausnaberg
«SENDT AV GUD TIL BYEN OG VERDA» 21
ÅRSMELDING JULEMESSA 2018 JULEMESSA – EIN FESTDAG! Julemessa var lørdag 24.11.18. På opningsmøtet var det fullt hus av små og store! Wenche Jess hadde flott andakt for ungane – og oss alle. Jungelkoret song og kulturskuleelevar opptrådde. Det blei solgt både graut, lapskaus og kakemat i kaféen og ellers salg av handarbeid, oppsatsar og småkaker mm + ein runde med åresalg. God stemning og ein gild føremiddag i kyrkja! Kl 18 var det fest for heile familien! Tale av Gunnar Frøyland og song av Frimenn. Me hadde aktivitetar for ungane under talen. Matpause med smørbrød og flotte kaker. Leiker, allsang, åretrekning og hovedtrekning. Svært mange i kyrkjelyden er med på denne store dugnaden. Det er mange som lagar varer til messa heime, både handarbeid og baking. Me har nokre lagekveldar på Rosseland skule på hausten. Der er me ein liten, men trufast gjeng. Bunaden blei og i år brodert av tri flinke damer i kyrkjelyden. Det betyr mykje for loddsalget på butikkane å ha denne gevinsten. Det er vanskelegast å skaffa folk til loddsalg på butikkar. I tillegg skulle me gjerne fått mange fleire til å ta med seg loddbøker heim. Med så flotte gevinstar, kunne me ha solgt mykje meir lodd. Resultatet for julemessa var kr 167.149,25% av nettoinntektene blir delt mellom kyrkjelyden sine misjonsprosjekt. Dette året til NMS og Stefanusalliansen. Resten er eit viktig bidrag til barne- og ungdomsarbeidet i kyrkja vår! Julemessa er ein stor dugnad gjennom heile året - og ein viktig dag i kyrkja! Ein stor TAKK til alle som på eit eller anna vis har delteke i dette viktige arbeidet! Julemessekomitéen dette året bestod av Synnøve Hatle Torunn Undheim Anne Brit Ree Hanne Bøssum Støle Inger Bakke Berge, ledar
22
23
Time kyrkjekontor Erlandsbakken 6 4340 BRYNE Tlf. 51770377 kyrkjekontoret@time-kyrkja.no http://www.brynekyrkja.no