AWEMainta.com
Local 15
Diahuebs 3 di Maart 2011
Relaciona cu trabaonan di infrastructura den Playa
Mester tin mihor planificacion y si por traha den oranan di anochi Di acuerdo cu mr. Andin Bikker
ARUBA no solamente ta wordo afecta dor di e crisis economicofinanciero mundial, pero tambe awor tambe p’e propio Gobierno cu un cantidad di seramento di caminda, limitando hende pa yega p.e. centro di Oranjestad.
Asina mr. Andin Bikker, lider di Democracia Real a duna di conoce. Tur hende ta di acuerdo cu mester drecha infrastructura den centro di Playa, pero e planificacion ta laga masha di desea. E trabaonan aki sigur tin su impacto, pero negativo riba e area den becindario. Pesey un apelacion riba e Minister concerni pa tene cuenta cu e planificacion. Loke ta tumando lugar aworaki
ta lo minimal di henter e plan cu Gobierno tin pa cambia henter infrastructura di centro di Oranjestad. Pesey mester tin un mihor planificacion pa no perhudica e comerciantenan y trafico en general. Tambe Andin Bikker a duna di conoce, cu mester cuminsa cambia mentalidad di ora di trabao. Pakico e trabaonan aki no por ser haci den oranan di anochi, unda no tin actividad comercial y tampoco tin trafico y si mester hasta den fin di siman. Esaki ta tuma lugar caba den ciudadnan grandi, y nos di Aruba mester siĂąa for di esaki, pa nos por ta mas eficiente y productivo.