2
Local
Diaranson 18 di Januari 2012
AWEMainta.com
Mester pone un paro na wega di palabra
Postura tuma pa Evelyn Wever-Croes ta uno infantil y hasta chistoso Ora di kier pronk cu pluma di otro, segun drs. Paul Croes DRS. Paul Croes, Presidente di Parlamento a sinti necesidad di coregi un mal informacion cu ta wordo suministra dor di e.o. lider di MEP, mr. Evelyn Wever-Croes, kende ta duna e impresion cu ta MEP so a sobresali den e reunion InterParlamentario na St. Maarten. Siendo cu ta apenas 5 minuut el a hiba palabra p.e. durante un dia henter di trabao. Pueblo merece di haya informacion corecto, pero e impresion a ser crea, cu esaki no tabata e caso. For di diferente publicacion den prensa, specialmente for di MEP, via di su lider, Evelyn Wever Croes, kende ta duna e impresion eroneo di loke cu a tuma lugar na St. Maarten, manera cu ta e input di MEP so tabata asina valioso. Hasta Evelyn Wever Croes a hay’e ta declara cu hasta e Presidente di Parlamento di Aruba
mester a bay di acuerdo cu un di e proposicionnan di MEP, p.e. e “5-leden debat”, siendo cu esaki tabata un discusion entre mr. Andin Bikker y su persona pa haci cambio di Reglamento di Ordo nobo di Parlamento. E ta un discusion di 8 pa 9 luna caba, pero e no ta nada nobo di MEP. Ademas ta varios punto den Reglamento di Ordo lo tin cu ser cambia y no uno so, manera Evelyn Wever Croes kier laga pasa. Pero tambe e postura cu MEP a tuma, ta haci comosifuera ta MEP so a representa Aruba den e reunion Inter-Parlamentario aki, segun drs. Paul Croes. Esaki categoricamente no ta berdad, segun e lider di delegacion Arubano. Di acuerdo cu Paul Croes, di 4 dia di reunion cu tabatin su fraccion di MEP a hiba 5 minuut di palabra lo ta hopi. Un actitud hasta infantil, Paul
Croes a califica Evelyn WeverCroes, kende kier laga pasa cu dor di MEP, Hulanda a haya postura di MEP esun mas corecto. E realidad ta cu tur fraccion den dicho reunion, a hiba palabra, y no a exclui MEP di hiba palabra y no a exclui nan tampoco for di ningun comision, segun Paul Croes. Pero den tur comision tabatin representacion di Parlamento. Hasta oposicion ta mas hopi cu e representacion di fraccion di mayoria. Chistoso, ora cu MEP a sali dilanti, haci comosifuera cu ta MEP a defende autonomia y Status Aparte di Aruba. Como lider di delegacion drs. Paul Croes ta sinti e necesidad di coregi e informacionnan aki, cu ta eroneamente suministra, pasobra tur miembro di e delegacion a duna nan contribucion y no a bin di MEP so.
Evelyn WeverCroes a hiba solamente 5 minuut di palabra so y awor kier pronk cu pluma di ot r o , s e -
gun drs. Paul Croes. Pesey pa kita tur impresion eroneo cu ta MEP so a haci un trabao sublime, mester coregi esaki, y pesey Paul Croes a bin afo. Tambe e por a tende cu awor Evelyn Wever Croes a bin declara cu ta na St. Maarten el a bin haya mas informacion di Cas di Europa y e trab-
aonan di TNO na Aruba, pero si Evelyn Wever-Croes atende e presentacionnan cu tabatin di TNO na Aruba, e lo tabata mihor informa. Si Evelyn Wever-Croes no kier asisti, ta su problema y pesey no ta na su lugar p’e duna informacion cu no ta corecto y no ta basa riba berdad. Hasta su comportacion tabata uno chistoso y hasta infantil, segun Paul Croes.
Minister di Husticia cu elogio pa Cuerpo Policial y agentenan cu a destaca den trabao na 2011
DURANTE un ceremonia
diamars mainta na Centro di Husticia na Macuarima, Alto Comisario di Polis, Comisario di Polis y Minister di Husticia y Enseñansa a entrega certificado di reconocimento na 6 miembro di Cuerpo Policial kendenan durante 2011 a “go the extra mile”, pues a haci un esfuerso extra den bienestar general di nos comunidad. Alto Comisario Dolfi Richard-
son, Comisario Trudy Hassel y Minister Arthur Dowers a invita famia y amigonan di esnan cu a wordo honra pa ta presente n’e ocasion special aki. Agentenan policial ta: Lubienshka Dijkhoff, Eduardo Bremo, Leandro Donato y Davidson Eduards a ricibi un certificado di reconocimento y tambe a menciona kico nan contribucion special na Pais Aruba tabata durante 2011. Edgar Maduro y Richard van
den Brug, a haya mencion special pa nan reaccion liher y profesional ora cu durante ora di trabao un colega a bira malo y di biaha nan a cuminsa administra prome auxilio y a resucita nan colega. Minister Arthur Dowers a expresa cu e ta contento di wak cu Cuerpo Policial di Aruba a tuma iniciativa di reconoce esnan cu a destaca pa nan motivicion y
trabao excepcional, añadiendo cu e lo encurasha otro departamentonan pa cuminsa haci esaki tambe. Minister Dowers a gradici y felicita tur polis y Korpsleiding pa nan trabao duro. El a enfatisa cu unda tur hende ta traha duro, foutnan ta wordo cometi y ta lamentabel cu loke ta wordo menciona y condena semper t’e foutnan y cu e ta contento pa
wak cu aki accionnan positivo ta wordo aprecia, treci dilanti y comparti cu comunidad. Minister Dowers a conclui bisando cu e ta satisfecho di wak hopi polis hoben ta wordo reconoci y cu e ta spera nan por sirbi como ehempel y motivacion pa nan coleganan of ken sa cu lo ta nan mes lo ta para den e mes lugar atrobe otro aña.