AWEMainta.com
Local
Diasabra 12 di Maart 2011
7
E boluntarionan di Valero Volunteers a traha hunto cu Aruba Way Foundation pa asina yuda Fundacion Pa Nos Comunidad Aporte valioso di e contratistanan di Valero a contribui na e exito di e evento
E idea pa yuda Fundacion Pa Nos Comunidad a bin, door cu na November 2010, Fundacion Pa Nos Comunidad a acerca Valero Volunteers cu e peticion pa yuda nan cu e Dia Nacional di coleccion di cuminda. Door cu e refineria tabata den e proceso di mantencion grandi (turnaround) e tempo ey a dicidi pa pone e peticion riba
lista di espera. E presidente di Valero Volunteers a priminti Fundacion Pa Nos Comunidad di haci un “Valero Food Collection Day” den e refineria mes despues di e periodo di mantencion grandi. E prome “Valero Food Collection Day” pa Fundacion Pa Nos Comunidad a tuma luga dia 7
y 8 di februari den e refineria y tabata un exito rotundo. E lidernan di e proyecto Francisco de Graf y Micah Cicilia tabata tin e tarea di encurasha empleadonan y tambe contratistanan pa participa na e “Food Collection Day” pa Fundacion Pa Nos Comunidad. En total empleadonan y contratistanan a contribui 175 caha di cum-
inda y productonan di prome necesidad pa duna Fundacion Pa Nos Comunidad, aportando asina na diferente famia den necesidad cu tin na Aruba. Contratistanan cu a aporta na e bon causa ta: Mourick, CERD, Douhsar, Arends Inspection, Aledda, Oduber Contractor, Custom Contractor, De Cuba Electrical, Wescar, Albo, Johnson Enterprises, U.T.L.T., Goedecke, Croon, Taxi Auto Service (T.A.S.). Ta di remarca ayudo di Douhsar Contractor cu a presenta na e “drop off” post cu un flatbed y forklift pa asina baha un caha inmenso di cuminda y producto di prome necesidad. Oduber Contractor tambe a yuda en grandi door di haci entrega di un check na Fundacion Pa Nos Comunidad na balor di Awg. 1.500,Aruba Way Foundation, cu ta e fundacion di empleadonan di Valero, cu ta contribui na e fondo di Aruba Way Foundation pa asina e fundacion por contribui den forma monetario na fundacionnan cu ta haci trabounan valioso den nos comunidad a haci entrega di un donacion substancial pa yuda cu e causa di Fundacion
Pa Nos Comunidad: yuda tur esnan cu ta den necesidad riba nos isla! Empleadonan Gregory Kwidama y Ireno Yarzagaray a entrega un check na balor di Awg. 42.000,- na Fundacion Pa Nos Comunidad den nomber di tur empleado di Valero Aruba Refinery. Representante di FPNC, esta Claudie Wegdam a keda sumamente contento e sorpresa aki. Un danki ta bay na tur empleado di Valero Aruba Refinery, contratistanan y empleadonan di e contratistanan cu a uni pa asina contribui na e bon causa. Un biaha mas un muestra cu si nos tur uni y pone man na obra hunto nos por logra cosnan grandi y yuda e comunidad di nos dushi isla Aruba.