16
Local
Un vehiculo cora scur a pasa dal un auto na cumana y a sigui core bay
Diasabra 11 di September 2010
AWEMainta.com
Trahador di Serlimar a cay pa di 2 biaha for di truck y a keda herida
Diabierna mainta ora cu un ciudadano a lanta y a sali pa bay traha a wak cu un auto color burgundy a pasa dal su auto y sigui core bay, mesora ela yama polis y a avisa di e caso aki. e departamento di trafico di Oranjestad ta buscando e auto burgundy aki cu sla na banda drechi y a hit and run na Cumana entre diahuebs anochi y diabierna mainta.
Diabierna merdia a drenta informe di cu na Ponton un trahador di Serlimar a cay pa di 2 biaha for di truck, mesora a dirigi un ambulans na e sitio. na yegada di e ambulans a bin constata cu e trahador tabata keha di hopi dolor, nan a atende di biaha y a transporte pa hospital pa e ricibi mas tratamiento.
Detenido a purba horca curpa den cel na warda di Shaba Diabierna atardi a drenta informe di un caso di intento di suicidio den cel di detenidonan na warda di Shaba mesora a dirigi un ambulans na e sitio. na yegada di e ambulans na e warda di polis na Shaba e agentenan a indica cu e detenido M. lo a purba pone fin na su bida. e personal di ambulans a atende na e sitio y despues a mira su situacion a dicidi di transporta e detenido cu urgencia pa hospital.