AWEMainta.com
Diabierna 11 di Januari 2013
Local 25
SETAR a anuncia cu Caiso & Soca Monarch 2013 PPV ta accesibel riba Internet tambe
SETAR a anuncia recientemente cu esunnan cu e Caiso & Soca
Monarch 2013 PPV ta disponibel tambe pa esunnan cu kier mir’e via Internet. E prijs ta $55.00 y pa aplica mester bay riba www. setar.aw click riba e icon di Caiso banda rechts abou y sigui instruccion. E ta specialmente pa esunnan cu ta biba afo y tin gana di experiencia e competencia pa e Caiso & Soca Monarch 2013 di Aruba su Carnaval. Ademas e Caiso & Soca Monarch 2013 PPV ta obtenibel via Cable digital na canalnan 112 y 333 HD. Manera ta conoci loke cu antes semper tabata conoci como “Calypso & Roadmarch Contest” a bira den Carnaval 2013: “Caiso & Soca Monarch Contest”. E evento lo tuma luga durante 3 anochi di pre-final, dianan 15, 16 y 17 di januari 2013 y e anochi final ta diasabra dia 19 di januari, 2012 na Joe Laveist Sportpark na San Nicolas. Clientenan interesa den e pakete por pasa cualkier Teleshop di SETAR, SETAR Store of yama 525-1700 pa aplica. Pa mas informacion pa registra por bishita www.setar.aw