8
Local
Diamars 6 di Oktober 2009
AWEMainta.com
Chofer ta bisa cu el a wak lus berde siendo luznan di trafico no ta funciona
Dialuna merdia a sosode un accidente n’e cruzada banda di Adventure Golf. Segun declaracion di e chofernan un ta bisa cu e luznan no ta trahando y ta sigui core riba su caminda di preferencia, mientras un otro chofer cu tabata bini di banda di Amsterdam Manor y ta declara cu el a wak e luz berde y pesey mes el a pasa. N’e sitio mes por mira claramente cu e luznan no ta funcionando.
N’e Minister nobo
SADA ta spera cu lo evalua pa Douane bira un cuerpo autonomo
Directiva di SADA kier a
informa cu su Strategisch Beleidsplan Douane 2009 (businessplan) a wordo entrega na 6 partido politico prome cu eleccion 2009. (Falta dos partido solamente pa haya esaki ainda). Un bez mas Directiva di SADA kier a yama danki na tur esnan cu di un of otro forma a sa di yuda SADA cu awe nan por ta orguyoso di nan Strategisch Beleidsplan Douane 2009. Tambe SADA a pidi e gobernantenan cu a haya e mandato den e eleccion ultimo, pa sea asina bon di evalua tur e posibilidadnan cu tin p’asina Douane por bira un cuerpo autonomo, cu ta delibera directo cu e Minister y tambe manteniendo e reglanan di nan Convenant y nan ranglijst cu sigur SADA ta defende tur momento, según Sharina G. Hernandez, Presidente di SADA. Keda pendiente pa cualkier informacion of reunion cu nan lo yama dentro di poco!