32
Local
Dialuna 6 di Mei 2013
AWEMainta.com
Cla pa expande su halanan
Aruba Airlines ta haci su prome buelo charter
Como patrocinado oficial di “Europe meets the Americas”
“Cu esaki nos ta inicia un era nobo den aviacion na Aruba... nos ta masha contento di por realisa nos prome buelo come r c i a l , aunke ta un buelo c harter”, asina Onno de Swart, Director di A r u b a A i r-
lines a bisa na ocasion di nan prome buelo for di Aruba pa Bogota, Colombia. Esaki no ta un ruta nobo di e aerolinea ainda, pasobra keto bay ta atendiendo cu permisonan n ’ e paisnan unda lo cum-
insa bula, pero si e ta e prome buelo comercial, den forma di un charter. Algun siman pasa Departamento di Aviacion Civil a entrega e compania su AOC, cu cual nan por cuminsa opera buelonan comercial for
di nos isla. Na aña 2012 a haci un inyeccion miyonario den e compania pa por busca avionnan mas grandi y cu plannan pa bula pa destinacionnan mas leu. E aña aki a keda cla cu e AOC nobo p’e ekiponan y e plannan nobo di e compania y awor ta bay cuminsa cu buelonan comercial y despues buelonan riba rutanan permanente. Cu un capital miyonario inverti den e compania, Aruba Airlines tin 30 empleado caba, di cual gran mayoria ta local, y cu plannan concreto pa cuminsa bula pronto pa Maracaibo, Panama, Sao Paolo, Miami y Newark. Den e di dos fase lo bula tambe pa Bogota, Valencia y otro destinacionnan mas. Como patrocinado oficial di e evento di “Europe meets the Americas”, Aruba Airlines cu honor a bay busca e participantenan for di Brazil y for di Colombia durante e prome buelo aki for di Bogota. “Nos ta kere den e concepto di
un hub comercial pa Aruba. Nos isla ta situa convinientemente pa fungi como un gateway den aviacion tambe. Pesey mes nos plannan pa p.e. busca pasahero for di Venezuela, pasa Aruba cu nan y sigui pa Brazil y Merca entre otro”, asina Onno de Swart a splica. “Esaki riba su ta un forma di uza Aruba como gateway y cu e speransa cu e mesun pasaheronan aki lo keda dos of tres dia extra riba nos isla sea ta ora di bay of ora di regresa”, asina e director di e compania a enfatisa. E prome buelo aki a conta cu un cantidad di invitado y prensa local cu a compaña e personal di cabina den e buelo pa trece posibel inversionistanan pa haci negoshi cu Aruba of via Aruba cu Europa. A saliden oranan di merdia for di Aruba, a baha na Bogota y regresa nos isla mesora bek cu e invitadonan y prome pasaheronan di e prome buelo di Aruba Airlines.