8
Local
Diahuebs 5 di Mei 2011
AWEMainta.com
Segun Evelyn Wever-Croes
Aruba mester di hendenan den Gobierno cu ta cumpli cu locual nan priminti ULTIMO tempo nos ta tende hopi tocante e promesanan di gobierno, cu no ta wordo cumpli. AVP a priminti den campaña cu nan lo baha gastonan di awa y coriente, mientras cu nan tawata sa cu nan no por haci esey. Toch nan a prefera di haci promesanan falso, y awor nan no por cumpli. Luna pasa nos Prome Minister mr. Mike Eman, ora nan a pone bou di presion, a declara cu den un aña Aruba lo ta libera di e brandstof clausule. Den menos di 3 siman, su colega Minister Mike de Mesa, a sali y desmenti otro promesa falso di nos prome Minister Eman.
Mescos a pasa cu e promesa falso di AVP pa elimina e BBO, ta e mesun Minister Mike de Mesa mester a admiti cu e no por cumpli cu e promesa ey. Locual ta mas di lamenta ta cu gobierno no ta purba haci nada tampoco pa baha gastonan di awa y coriente, es mas, nan ta haciendo diferente maniobra cu ta aumenta e gastonan di awa y coriente. Gobierno no ta ataca e situacion cu gerencia di ELMAR ta haya bonusnan extremadamente halto, manera 30 pa 50 mil florin. Gobierno ta forsa hendenan cu a sostene nan de campaña,
cu trabounan den ELMAR cu ta paga mas di 10 mil florin pa luna. Gobierno ta pone un persona den servicio di ELMAR pa mercadeo, y ta busca un otro compania di mercadeo pa ELMAR, siendo cu pa hopi aña ELMAR a funciona sin tanto gasto di mercadeo. Pa un compania estatal cu tin monopolio, e necesidad pa mercadeo no ta halto tampoco! Gobierno ta laga ELMAR paga pa periodistanan liga na gobierno biaha cu gobierno. Tur e gastonan adicional aki gobierno por a evita, y asina baha e gastonan di awa y coriente.
Pesey mi a sugeri pa haci un audit de e companianan di utilidad, pa mira con por baha e gastonan y con por bin cu un maneho mas social pa yuda esnan cu no por paga nan cuentanan tur fin di luna. Ya na 2008 Parlamento a bay di acuerdo unanimamente pa haci un audit y e rapport di e audit ta cla, pero
ainda Parlamento no por a haye. Pues no solamente e gobierno aki no por cumpli cu su promesa di baha costo di awa y coriente, nan mes ta causando e gastonan aki pa aumenta. Nos pueblo ta cansa di tanto mentira. Aruba mester di hendenan den gobierno cu ta cumpli cu locual nan priminti.
Un Caraña di varios kilo pisca banda di De Palm Island
Mother’s day
Garden Brunch All-You-Can-Eat Buffet Door prizes & Special promotions Live Entertainment in Garden Ambiance
Menu tropical fresh fruit yogurt house salad & dressings waldorf salad danish, pancake & toast beef & veggie soup _____ ____________
fillet of grouper beef lasagna mango salsa festive rice western scrambled egg roasted herb potato _____ ____________
cheese cup cake & muffins
orange juice
coffee
tea
Sunday, may 8 2011 from 10am - 1pm in our Garden Awg 55+ bbo p/p Awg 25 + bbo (kids 3-12)
Special Guest: Mom Reservations Only - pls register at our cashiers or for more info contact Giesla(592-2772)/ Sorayda (583-2650 ext 223) or mail: event@fantasticgardensaruba.com visit us on the web: www.fantasticgardensaruba.com or
TABATA diamars anochi, algo despues di 10 or cu un pisca Caraña di como 19 kilo a wordo captura pa Marcel Briesen y Ederick Croes compaña pa Naftaly James y Marylaine Yarzagaray. Esaki a sosode banda di De Palm Island. Caraña ta un pisca masha dushi mes pa come. E grupo aki sigur lo haci un “banquete” cu e “catch of the day” aki.