24
Local
Diahuebs 3 di Januari 2013
AWEMainta.com
Accidente pa motibo di preferencia na Pavia DIALUNA atardi altura di Pavia Country Club un accidente di auto a tuma luga unda dos persona a resulta herida, di biaha a despacha Polis y ambulance cu urgencia na e sitio. Na yegada di patruya a topa cu un Pontiac shinishi A-6047 y un tercel cora A-28955 riba caminda kibra a constata cu e chauffeur di e Pontiac pa un of otro motibo no a regula e distancia di e tercel biniendo ariba y sali su dilanti. Personal di ambulance a atende ambos victima.
Despues di tiro homber ta cende sofa na candela a trece panico den Kudawecha
DESPUES di tiro pasa di 1 or di marduga alarma grandi a keda bati pa un homber cu lo a cende su cas completo auto y tur cos pafo na candela, aki a despacha Polisnan di Noord y dos truck cu urgencia pa wak si ta e caso y drenta accion. Na yegada di e prome unidad di brandweer y Polis a topa cu un candela den e cura di cas unda e homber no mucho bon di cabes a cende su sofanan na candela. E tabata blo zundra y autoridad no sa ki lo a pase pero si a calme. Esaki a trece un panico un rato den e bisindario.