24
Local
Diabierna 2 di December 2011
Francisco Beltran Petrochi a bira di 8 morto di trafico DIARAZON aochi pa mas o
menos 10 y 10, Central di Polis ta wordo notifica di un accidente cu lo a tuma lugar riba e caminda di Catiri. PATRUYA Policial di Noord cu ta acudi n’e sitio ta bin encontra cu un Suzuki Swift oranje (numera A-3274) cu lo a baha caminda y accidenta riba un baranca dilanti di un cas. E cas ta keda den becindario di Eumar Locks & Keys na Catiri. E Chauffeur tabata basta grave y a wordo hiba cu urgencia pa Hospital, cu ambulance. Na yegada e victima a wordo pronuncia
AR
UB
A
morto pa dr. Nuboer. E victima a keda identifica como: Francisco Beltran Petrochi, naci na Aruba dia 10 di october 1957 (54 aña) y tabata biba na Tamarijn # 33. Dolor di e caso aki tambe sigur ta, cu su yiu Andre, kende ta traha como reportero/fotografo pa 24Ora a bin hay’e cu su tata accidenta. Expertonan di trafico di Cuerpo Policial ta investigando con e accidente fatal aki a sosode. Te ainda no ta parce cu tin mas vehiculo envolvi y ta sospecha cu velocidad poco halto lo a hunga un rol den e resultado fatal di e
accidente. Di parti Cuerpo Policial y igualmente di AWEMainta, nos ta manda palabranan di forza y condolencia pa famianan di e fayecido. Francisco Beltran Petrochi a bira e di 8 victima di trafico pa aña 2011. Di parti di Cuerpo Policial kier recorda publico cu fin di aña ta yegando y mirando con druk camindanan ta bira y tambe e estado di tempo ultimamante, pa por fabor maneha cu cautela pa evita mas desgracia.
AWEMainta.com