Issuu on Google+

il passo di Efesto Poesia 5


© 2011 ATí Editore S.r.l. www.atieditore.it prima edizione Ottobre 2011 ISBN 978-88-89456-41-5


Renzo Favaron

Un de tri tri de un


6


7


8


EcEtERa EcEtERa

Parché no’ te-ssì, chi xe che sa de ti? ’Na neoda lontana, la brosema o la pónta dea matita che intardiga. Parché te-ssì sta anca se l’ora no’ dura o no’ xe scominsià. chie xe che sa? Posti -ma distanti cofà i Poli. Jorni -ma tuti no’ pì andà che restà. Siensio, caro ae paroe. Gnente altro, mare. La pónta dea matita intardiga e ’desso xe cofà se no’ se podesse segnare che on ecetera ecetera invesse del nome. Parché no’ te-ssì, no te-ssì parché no’ ghe xe gnente da dai, parché no’ ghe xe gnete da taser. E cussì xe senpre. Posti -ma distanti cofà i Poli. Jorni -ma tuti no’ pì andà che restà. 9


E ti, par ti stessa -cara a la forma, e ti, par ti stessa -pifaro, verso e piera.

10


PRENSENzE E coNPaRSE

11


12


tE GERi omo

a Egidio M. Fusse mi cofà ti, ma n’antro, sensa essarlo qua, ’desso, n’antro cofà ti, qua, ’desso, lo stesso sensa essarlo. invesse... Sòto tera xe cue’o che gera e tra mi e ti ghe xe ’na piera, ’na dura realtà de mutismo. Par cue’i cofà ti no’ ghe xe pì tenpo, cofà se gente fusse mai sucesso: invess ti, giovanoto, cura te gavevi pa’l dopo... Fusse mi cofà ti, qua, ’desso, n’antro passando anca par mato. Sarìa pì fasie, se ‘no ghe fusse chéa piera, de mezo el tenpo morto cofà un inpedimento, sarìa lo stesso sensa essarlo. Xe stacanbià la quinta e ùn cofà ti no’ pol pì ciapar posto. Del to coragio no’ ghemo pì bisogno, ma solo par paura. 13


te geri omo, te geri omo altro che ’sti qua de ’desso. Fusse mi cofà ti anca a la to de ’na quinta che no’ varda gnessuno. tanti de ’sti qua i xe pì morti de ti, che ti ’ssì sta’ ’na boca che se umiliava pa’l mondo, ma libera fra i cirri pì alti, dal tono de vose che no’ deventava mai publica opinion. te savissi, quanto vorìa parlarte, ma no’ posso dirte gnente. Fa, ’Gidio, ’ncora.... parlame, svegiame se dormo, parché vogio inparar la parte de chi xe sta’ omo.

14


StoLtE SPiERE

inbriaghi... saltà su co’ i bigati in-te ’l servelo, santi, sghir, mascare svanpìe... i morti, pì balordi de prima i sa rìdare de gusto in facia a cue’o che xe caro e perso in malo modo, stolte spiere che sul leto de morte el pì grave sacramento no ’l gera ’ncora abastanza serio.

15


L’ULtima tovaGia

No’ gavarìa che parole fruae da ’doparar, de le cua’i no’ trovo al caso gnanca una de adata. apollonia, apollonia, apollonia, el nome dovarìa bastar... Da solo el vale cuanto no’ sa gnessuna parola... Ricama, apollonia, ricama cue’a che te ciami “l’ultima tovagia” da ventani.

16


ESSaRE No’ SE PoL?

Par cue’o che vorìa essare e no’ so’, par cue’o che so’ e no’ vorìa essare, stranìo me sento - sóto ’na luse ciara come de star cuà ma no’ fin in fondo. No’ xe da poco, se sa, darse senpre on viso pa’ sentir el peso de ’na roba voda, ma cue’o che inporta pì de ’sto vivare xe sentirse ciari sóto cue’a luse.

17


oN PENSiER

me par che sia inverno da tanto tenpo, che senpre ghe sia stada la neve che gà inpenìo le strade... E cuesto insieme a on pensier che pì se fa ciaro, pì patisso: el pensier de no’ essar mi cuà, ma n’antro, n’antro che de mio gà la sgussa, che parla par mi cô no’ verzo gnanca boca, fantasma ’ncora mio ch’el vive sensa dormir, anca se no ’l xe sveio.

18


DomaN

Doman... parché doman? on pensier pa’ no’ morie, pa’ vivare anca el presente, cofà se sfrisarlo co’ l’idea podesse avissinarlo o rendarlo manco cruo. Doman... no’ ghe sarà doman, n’antro tenpo no’ ghe sarà che no’ sia cuesto...

19


UN moRto caNta

cuanti mostri dismissià in-tei tó cuadri: carogne, mati, àlbori brusà, cue’i morti che iè pì vivi dei vivi, ’sai pì morti dei morti... No’ pì corpo che onbra, me par de cognossarlo cuel diaolo che ogni tanto vien zó da ’na vecia tela, scrupoloso de rancurar su tute le aparission dolenti. ’N’ànema sgionfa de difeti ghe lassarò portar via... cuanti mostri dismissià in-tei tó cuadri: carogne, mati, àlbori brusà, cue’i morti che iè pì vivi dei vivi, ’sai pì morti dei morti...

20


aNData

Par cuesto la casa no’ gera pì, propio pì ’na casa... al so posto... gnente, gnanca l’idea che no’ ghe sia pì gnente. Silensio: ansi, ’desso la tera xe concimà da bò de fero ’ndove ’na òlta... Dìsime ’na busìa, mati che ’vé urlà mai pì, disì n’antra òlta che vivo, parché no’ fa soste ’l dolore che pì forte urge de cualsiasi vita, pì grande de la vita che se roba anca se no’ esiste on vivare, ma solo l’idea de star qua de la cuae sé se lagna cofà pa’ ’na rapina.

21


’N’ombRa DE caRNE

’N’onbra de carne vien su da ’na scala de neve. Passi sensa peso, persi pa’ ogni strada, vissina o desmentegà da tute le mape; ’ntorno a ’na canpagna bianca, in-tea cuae no’ se ricognosse pì gnente, el vento sùpia ’traverso ’na vose che no’ sente gnessuno. Se ’scolta on respiro che no’ par pì essare vivo, n’antro sentire sfrisa la pèle e a la testa no’ ’riva on rumor o ’na parola. Fóra da la luse e dal scuro de la note, ’ndove el ricordo xe tuto e al vivare no’ se pensa pì, là, donche, pa’ tacarse a le robe l’onbra de fredo se coparìa.

22


’SPEto

De cue’o che son gnanca ’na parola. onde éli ’ndà, xéli paralizà, che da ani no’ sento el nome... ’Speto, no’ posso che ’spetar calcossa de cue’o che vorìa e intanto par mi essare ’fa on Robinson crusuè... E anca mi... ’ndove xe che me trovo? No’ so, gnente parte o ’riva. cualche òlta par sbaglio se visitemo (sensa savere parché), parlemo, ani luse distanti, co’ l’inpaziensa de no’ fermarse tanto... E dopo che se ghemo incontrà - cossa resta? Gnente. Sensa che possa ’ndare via, torno a casa. “verzi el gas”, ripete alora ’na vose. “No, ’speto”, rispondo, Devo solo no’ domandarme pì gnente e ’spetare, ’spetare ’l giorno che gnessuno sarà ricordà. alora girerò tute le manopole del gas.

23


La comEta

Stela da ’na galassia a l’altra in giro da secoli e secoli, dàme la man, fàme ’ndare par tera e par mar, portàme lontan. No’ ghe xe ’na strada in-te le strade, on brivido de morte fresca ’travesa canpi e strade cô ’riva utuno. Se va cofà sé se fusse de le piere, resti de cissà che essare de ’na òlta, pì fiapi e bianchi de l’erba co’ fadiga spuntà da sóto on marmo. ah, ti ’ssì tornà, Halley, puntuale ti ’ssì tornà, astro caro, ti ’ssì restà a portar ’na luse e la note de la vita pa’ on atimo se gà fato ciara. Sì, no’ inporta se tuto va via, Halley passerà ’ncora, passerà senpre. che la sia benedeta, che la sia, no’ ghe xe poco tenpo pa capire, ’ncora manco pa’ essare.

24


’L maGNaFoGo

25


26


DavaNti a Lo SPEcio

Sì, che emossion cô fasevo urlar la xente de paura, par via de la barba che deventava rossa ogni òlta che spuavo fogo da la boca: pareva che se brusasse anca la testa, el colo... E po’, l’altro truco: insenociarse par tera e fare fiame tanto alte da dar l’inpression che le tocasse i cuerti de le case... curavo ben anca l’aspeto: prima de tuto dovevo someiarghe a on fachiro; gera par cuesto necesario spalmarse sul corpo pomate che a la pèl ghe fasesse ciapar on color carminio, sensa parlar de serte pastiglie co’ le cuai me se ingrossavva parfin la buéla pi ’sconta in modo da farme credare de ’ver el diaolo in corpo. Dopo (pa’ inbroiare fin in fondo la propria origine) bastava on sbrìndolo ’torno ai fianchi e on sugamàn sporco in testa... Sì, ghe ’n’avaìa da contar... ’na vita intiera che me passa davanti toco par toco, òmini e fati e nature ’ncora vive drento lo schermo de la mente, ma tartassà dal tenpo ’fa le vece pelicole a sedese milimetri, mute e in bianco e nero. Eco, se me volto indrìo sento cofà n’antro al posto mio... 27


ator che no ’l gà mai fato pì de la senplice conparsa, calà in fondo a ’na parte senpre uguale e da indovinar drìo a le quinte, a la stessa maniera de cualche fantasma che resta eternamente ’sconto in-tea pì totale oscurità... cussì, da drento l’antico dei giorni se sera, parfin la memoria no’ vale gnente, gnente la propia arte se a inpararla xe golosa ’pena la propria imagine distante de snarocioso, che ’ncora sogno in fotogrami ormai fermi, sensa luse, drento pensieri fredi, pì de là che de cuà...

28


Pagine da Un de tri Favaron