13
Eresoinka Pepita Embilen lehen pausoak musikan Eresoinka taldea erakusketaren barnean sartzeko arrazoi nagusiena Pepita Embil, Placido Domingoren ama, bertako partaide izan zelako da. Pepita Embil Getarian jaio zen 1918 urtean, eta Eresoinkan ibili ondoren, zarzuelako kantari gisa atera zuen bizimodua Madril eta Mexikon.
Eresoinkaren emanaldia iragartzeko kartela Pariseko Antzokian. Pepita Embil. (Argazkiak: Eresoinka liburutik)
Eresoinka, erbestean Agirre lehendakariak sortu zuen talde folkloriko bat izan zen. 1937an sortua, beste bi urteko ibilbide oparoa izan zuen. “Gerra galduta, Euskal Herriko Koru Nazional bat sortu nahi izan zuen Eusko Jaurlaritzak. Euskal kulturaren sua ez itzaltzea lortu nahi zen honekin” kontatu du Josebak.
Eresoinkako kideak, tartean Pepita Embil getariarra dela -biribil zuriz markatutakoa-.
Abesteaz gain, antzerkiak, dantzak… egiten zituzten. Izugarrizko arrakasta izan zuten Europan zehar. “Frantzian, Belgikan, Holandan, Ingalaterran… leku askotan izan ziren, eta eszenatoki garrantzitsuenetan abesten ibiltzen ziren” esan du. 1967an Baionan grabatutako diska atera zuen Eresoinkak. Bertan, taldeak iraun zituen hiru urte horietan abestutako kantarik esanguratsuenak gorde ziren.