1 minute read
njäälgis
Next Article
nuorâKyevtis lává čáállám ohtâsii tihtâKirje
Čällee: Fabrizio Brecciaroli
Leggistâm soroidân lyeniliitán – Tiivtah tobdoin (Kove: Kaisla Suominen)
Kaisla Suominen já Emma Saari lává eidu valmâštum Aanaar pajetääsist, mut sunnust lii jo tihtâkirje valmâšin noomáin Leggistâm soroidân lyeniliitán – Tiivtah tobdoin. Kirje lii kyevtikielâlâš. Tiivtah láá vistig čallum suomâkielân, já talle toh láá jurgâlum anarâškielân. Kirje kukkodâh lii suulân 50 sijđod, já fáárust láá ohtsis masa 30 tihtâd. Suulân pele tiivtâin lii čáállám Kaisla, já loopâid lii čáállám Emma. Suoi lává čáállám oovtâst tuše oovtâ tiivtâ.
Nieidah lává ain lijkkum tivttáid, já muáddi ive tassaaš suoi čäliškuođijn taid eenâb. Talle eenikielâ tiijmijn lâi ohtii taggaar pargopittá, et ferttij čäälliđ tiivtâ. Kaisla já Emma máttáátteijee – Marke Laaksonen – huámášij, et suoi láin uáli jo moovtâ tiivtâi čälimist, já iävtuttij, et ličij hitruu čäälliđ tihtâkirje. Nieidah iävá ubâ smiettâmgin ovdâlist, et tot ličij lamaš máhđulâš. Kirje čäällim lii kuittâg uáli jo stuorrâ pargo – eromâšávt vuáđuškovlâláid. Mut kuuloold šoddii lase tiivtah, já forgâ toh lijjii tuárvi ennuv oovtâ kiirján.
Inspiraatio tivttáid lii puáttám eellimtoskeest. Kirje lii juohhum neelji uásán kieđâvuššum teema mield: