Her blir det fest

hundorp 2021:

1000 år –1000 historier

tUSenÅrSFeSt: - Her blir det fest, lovar Mariann Bjelle (f.v.), Ole Tvete Muriteigen, Bjørn Kjellsson Sletten og Stian Stø Dørum. Begge Foto: geir teigØyen

Feiringa av at det er 1000 år sidan møtet mellom Olav den heilage og Dale-Gudbrand, toppar seg i den store Tusenårsfesten på DaleGudbrands gard den siste helga i juli.

ifølgje Snorre Sturlason, møtte kong Olav Haraldsson hersen Dale-Gudbrand på Hundorp i 1021, ei hending som markerer skiljet mellom «gamal» og «ny» tid i landet. I soga om Noreg har soga om dølane vorte ståande som eit bilete på kristninga av landet. – Dette skal feirast i heile år! Gudbrandsdalen har 1000 historier å by på, og vi skal dele mange av dei, gjennom konsertar, utstillingar, digital tidsreise, skuleprosjekt, vandringar, foredrag og kyrkjebesøk, er kvartetten vi nylig møtte på Dale-Gudbrands gard einige om: Ole Tvete Muriteigen (ordførar i SørFron), Bjørn Kjellsson Sletten (prosjektleiar/Sør-Fron kommune), Stian Stø Dørum (prosjektmedarbeidar/Sør-Fron kommune) og Mariann Bjelle (Innlandet fylkeskommune). – Vi byrja å planlegge jubileet for seks-sju år sidan, og det er stort at det nå kan realiserast. Og vi må sjå lenger enn til vår eigen navle. Dette handlar om heile Gudbrandsdalen, og alle kommunane i dalen deltek gjennom ymse arrangement, seier Tvete Muriteigen.

i denne artikkelen må vi nøye oss med å nemne berre nokre av dei mange spanande arrangementa. 15. juni var det offisiell opning av ei historisk utstilling av historiske dimensjonar. I ein spesialbygd containar på Dale-Gudbrands gard viser Gudbrandsdalsmusea fram over tusen år gamle arkeologiske funn frå SørFron og frå fjellet. – Kulturminna frå Kjorstad og

arKeoLogiSK utStiLLing:

Rasmus Stauri har hatt hovudansvaret for å få på plass Selrenning-utstillinga.

Kulturminna frå Kjorstad og Hundorp er praktfunn i arkeologisk samanheng.

Rasmus stauRi eldsjel

Hundorp er praktfunn i arkeologisk samanheng. Funna er til dagleg trygt plassert i magasin på Kulturhistorisk museum i Oslo, men nå kjem dei heim, seier Rasmus Stauri, som har hatt det overordna ansvaret for utstillinga.

– raSmuS har verkeleg vore ei eldsjel, med kunnskapen sin og engasjementet sitt, seier Ole Tvete Muriteigen, som også skrytar av innsatsen til Ingar Gundersen ved Arkeologisk museum i denne samanhengen. Utstillinga har fått namnet Solrenning og er ope kvar dag fram til 15. september.

Under tittelen «Tusen år på garden Steig» var det 19. juni historiske foredrag kvar time gjennom heile dagen. – Tusenårsfesten 29. – 31.juli på Dale-Gudbrands gard blir heile årets høgdepunkt. I tre heile dagar til ende skal 1000-årsjubileet feirast, med musikk og dans, kulturelle innslag, talkshow, gudstenester og konsertar. Vi får besøk av nasjonalt kjende namn, lokalt kjende andlet og heilt nye bidragsytarar, seier Bjørn Kjellsson Sletten.

Sjølve festen er delt opp i tre dagar, og kvar dag har sitt eige tema: FORTID, der ein ser attende på historia, og det handlar om opplysning. NÅTID, der temaet er refleksjon. FRAMTIDA, der det er ungdommen sjølv som er i førarsetet, både på og bak scena.

tuSenårSfeStenS fyrste dag, torsdag 29. juli, startar med gudsteneste i Sør-Fron kyrkje, «Gudbrandsdalsdomen». Seinare på dagen blir det offisiell opning ved ordførar Ole Tvete Muriteigen, og «spoken word»-artist Jeaninne Lukusa Harrison og biskop Solveig Fiske skal bidra. Eit bestillingsverk med den lokale felespelaren Rasmus Kjorstad står programmet. På ettermiddagen og kvelden blir det to framsyningar av «Signe frå Bjølstadmo», Hans Rotmo og Hans Løkken sitt musikalske verk. Dette har aldri vore oppført i Gudbrandsdalen tidlegare. Rebekka Opdahl Christiansen og Anders Baasmo har hovudrollene. Dirigent er Elsine Haugstad frå Ringebu, og Trondheimssolistene, Lillehammer Operakor og spelemannslag med spelemenn frå heile dalen deltek. – Dette blir eksklusivt! Det blir i fyrste omgang lagt ut 200 billettar per framsyning, kanskje to kohortar på 200. I tillegg blir framsyninga streama direkte til olsokfeiringa på Stiklestad, fortel Mariann Bjelle.

Fredag 30. juli er temaet nåtid, der ein skal reflektere over tida vi lever i i dag. Programmet for denne dagen er i endring, så arrangørane legg foreløpig ikkje ut billettar til denne dagen.

Laurdag 31. juLi er ungdommens dag. Programleiarar for dagen er Iman Meskini og Sofie Frost. Også programmet for denne dagen er i endring, men det som er klart, er at det blir «Sola stod opp»-morgonkonsert så tidleg som klokka halv seks om morgonen. Ellen Horn, Heidi Gjermundsen Broch og Oslo Strings skal sørgje for at publikum får ein god start på dagen. Og så kjem vikingskipet. Det har blitt rodd motstraums i tre dagar frå Losna og kjem til Hundorp utpå dagen. Feiringa blir avslutta med eit brak – Ragnarock med musikk, dans og visningar av ungdommar frå heile fylket. – Og så er vi stolte av app’ane Hidden og Hidden AR, som skal gjere det mogleg å bli med vikingjenta Ingrid 1000 år attende i tid og gå på ei digital oppdagingsferd på Dale-Gudbrands gard, seier Stian Stø Dørum, som legg til at det kan vere nyttig for publikum å følgje med på heimesida til Hundorp 2021, fordi talet på billettar blir begrensa.

Under 900-årsjubileet i 1921 var det heile 8000 tilskodarar til stades. – Vi hadde ambisjonar om mange tusen i år også, men pandemien gjer at vi må tenkje nytt. Men det er viktig for oss at absolutt alle som har lyst til å vere med på tusenårsfesten, skal få høve til det. På gardsplassen på Dale-Gudbrands gard blir det ope marknad kvar dag, den arkeologiske utstillinga er ope, og det er ymse arrangement rundt omkring, seier ordførar Ole Tvete Muriteigen.