ЕЛ ЖӘНЕ ӘЛЕМ oral_oniri@inbox.ru
Бейсенбі, 28 қараша 2013 жыл
«Болашаққа» «Болашақ» стипендианты бiлiм алғаннан кейiн елге оралып, Қазақстан аумағында кем дегенде 5 жыл жұмыс iстеуге мiндеттi. Сәкен ӘБІЛХАЛЫҚОВ, «Орал өңірі»
Е
гер республикалық комиссия рұқсат берсе, онда ол шетелде жұмыс iстеуге қала алады. Оның да шарты бар. Яғни стипендианттың қызметi ел мүддесiмен қабысуы тиіс. Себебi оның бiлiм алуына салық төлеушiлердiң қаражаты жұмсалды және ол мемлекетке қажет мамандық бойынша оқуға арнайы жiберiлді. Бұл жөнiнде кеше ҚР Президентi жанындағы
Шектеулер жұмсарды
талап күшеймек
ОКҚ-да өткен брифинг барысында ҚР Білім және ғылым министрлігіне қарасты «Халықара лық бағдарламалар орталығы» АҚ-ның президенті Ғани Нығыме тов мәлiмдедi. – «Болашақ» бағдарламасының әкiмшiсi ретiнде бiзге аталған бағ дарламаны жетiлдiру жолдарын әзiрлеу бойынша нақты тапсырма лар берiлдi. Бағдарлама адам капиталын дамыту саласындағы елдiң озық жобасы болып қалуы үшiн саннан бұрын сапаға мән берген дұрыс. Соған орай стипендианттар мен түлектердi iрiктеу процесiн қа таңдатуды қамтамасыз ету қажет. Бүгiнде елiмiзде бағдарламаға iрiк
теудiң төрт кезеңi бар: бiрiншiсi – ағылшын және өзге де шет тiлдерiн бiлу; екiншiсi – қазақ тiлiн бiлу; үшiншiсi – психологиялық тестiлеу; төртiншiсi – бұл меморган, ЖОО, ұлттық институттардың өкілдерінен құралған тәуелсiз сарапшылық комиссия. Енді магистрлер мен докторанттарды дайындауға үлкен көңiл бөлiнбек. Себебi елге ғылыми-инно вациялық бағыттағы кадрлар қажет. Осы мақсатта елдегi үздiк ЖОО-лармен бiрлескен бағдар ламалар арқылы PhD-докторанттарын дайындап шығаруға ден қойылмақ, – дедi Ғани Ны ғыметов.
Ел қауіпсіздігі – Парламент назарында
Еламан БАДЕНҰЛЫ, «Орал өңірі»
«Қазмедиа» орталығында кезекті баспасөз мәслихаты өтті. Онда «Қазақстан Республикасының тұңғыш Президенті - Елбасы Н.А.Назарбаевтың Қазақстандағы парламентаризмді дамытудағы және әлемдегі ядролық қауіпсіздікті сақтаудағы рөлі» конференциясы туралы Қазақстан Парламенті Мәжілісінің Халықаралық істер, қорғаныс және қауіпсіздік комитетінің төрағасы Мәулен Әшімбаев журналистерге жан-жақты баяндады.
Мәулен Сағатханұлы алдымен шетелдік сарапшылардың осы конференцияда берген ба ғаларына тоқтала келіп, бүгінде Қазақстанда тиімді заңнамалық орган құрылғандығын атап айтты. – Үкіметпен тығыз жұмыс жа саудың арқасында ел өмірінің кез келген саласын реттейтін маңызды заңдар пайда болды. Осы бесінші шақырылымды ғана ала тын болсақ, өткен жылғы қаңтар дан бері Мәжіліс 160 заң жобасын қарап және мақұлдап, олар-
ды Сенатқа жолдады. Олардың 144-ін Сенат та, Мемлекет басшысы да қолдады. Қазір бұл құжаттар заңдық күшіне енді, – деді Мәулен Әшімбаев. Сонымен қатар ол Қазақстан да Ядролық отын банкін құру жобасына тоқталды. «Қазіргі кезде еліміздің Үкіметі мен МАГАТЭ (Атом энергиясы жөніндегі халықаралық агенттік) арасында Қазақ станда Халықаралық ядролық отын банкін құру тұрғысында ке ліссөздер жүргізіп жатыр. Осы
11
орайда бұл келіссөздердің негізгі қағидасы еліміздің қауіпсіздігіне, болашағына, халықтың денсау лығына кері әсерін тигізбеуге ті келей қатысты», - деді депутат. ҚР Парламенті Ауғанстанды өңірлік ынтымақтастыққа тарту мәселелерін талқылауды жалғастыруда. – Биыл көктемде біздің делегация Ауғанстанға сапарлап, ел Парламенті мен мемлекеттік органдарында бірқатар кездесулерді өткіздік. Онда 2014 жылдан кейінгі ауған болашағы, сондай-ақ алдағы жылдары Ауғанстанды өңірлік ынтымақтастыққа тарту мәселе лерін талқыладық. Желтоқсан айында ауған делегациясының ҚР Парламентіне келуі күтілу де. Онда біз бірқатар кездесу лер өткізіп, Ауғанстанды өңірлік ынтымақтастыққа тарту мәселелері бойынша талқылауы мызды жалғастырамыз», – деді М.Әшімбаев мәслихат соңында.
Күні кеше ғана Ресейдің араағайындық етуімен Швейцарияның Женева қаласында Батыс пен Иран арасындағы келіссөздер сәтті аяқталды. Осы елге қарсы қолданылған шектеулер ішінара ж ұ м с а р т ы л ы п , Иран Ислам Рес п у б л и к а с ы н ы ң (ИИР) ядролық бағдарламасын бейбіт мақсатта дамыт уына кедергі алып тасталынды. Аталмыш келісім осы мұсылман еліне не бермек? Біріншіден, әлемдік қауымдастық тарапынан Иранды оқшаулау саясаты біртіндеп әлсірейді. Парсы елінің АҚШ, Батыс және өзге елдермен мәдени-рухани, саяси қарым-қатынастары қайтадан жанданады. Нәтижесінде өзін онсыз да қолдайтын Ресей, Қытай және басқа елдердің көмегімен Иран шектеулер кезінде жоғалтқанын түгендемек. Екіншіден, шектеудің шінара алынуы елдің эконо микалық ахуалын оңалтады. 25 қарашада АҚШ осы елдің өзінде сақтаулы тұрған, 8 миллиард долларды құрайтын активтерін ашты. Мұның маңызы өте зор. Өйткені шектеудің кесірінен Иран тек өткен жылы кірісінің 80 пайызын құрайтын табысынан айырыл ған болатын. Тауар импортына тәуелді ұлттық ақшаның құнсыздануы 40 пайызға жетті. Енді оның бәрі аятолла Хомейнидің Отаны үшін көрген түстей болмақ.
Аштық жариялады Қазір түрмеде отырған Украинаның бұрынғы Үкіметбасы Юлия Тимошенко таяуда уақыты шектелмеген аштық жариялады. Оның талабы – ел президенті В.Янукович жақында Вильнюсте өтетін халық аралық басқосуда Еуроодақпен ынтымақтасу және еркін сауда аймағы жөніндегі келісімге қол қоюы тиіс. Юлияның бұл талабы туралы оның қорғаушысы Сергей Власенко БАҚ өкілдерін хабардар етті. Өйткені Украина үкіметі Еуроодақпен жақындасуға қарсы. «Мен жүздеген мың қандастарымның Украина мен бүкіл әлемде алаңға шығып, қарсылық танытқаны үшін бақыттымын. Олар бізді басқарушы мафияның ұлттың еуропалық таңдауын өлтіруіне жол бермеу және өмірімізді өксітпеуі үшін алаңға шықты. Оларды қолдаймын және жақтаймын», деді Юлия Тимошенко. Саясаткер осы талабымен тікелей В.Януковичке де шығатынын айтты. Қазір Украи наның астанасы – Киевте және басқа ірі қалаларында қарсылық шерулері өтуде.
Ғаламтор деректері бойынша дайындаған Серік ИХСАНҒАЛИ
Әлеуметтік жаңару – тұрмыс бақуаттылығының кепілі Еламан ӘЙПІШЕВ, «Орал өңірі» ҚР Президенті жа нындағы Орталық комму никациялар қызметі ұйымдастырған кезекті брифингте Премьер-ми нистрдің орынбасары Ербол Орынбаев, Денсаулық сақтау министрі Салидат Қайырбекова, Еңбек жә не халықты әлеуметтік қорғау министрі Тамара Дүйсенова, Білім және ғылым министрі Аслан Сәрінжіпов еліміздегі әлеу меттік жаңарту мәселелері туралы әңгімелеп, БАҚ өкілдерінің сауалдарына жауап береді.
- 2013 жылы әлеуметтік жаңарту мәселесі қоғамның және еліміздің ішкі саяси өмірінің басты назарында болды. Соңғы 15 жылда әлеуметтік бағыттағы қоғамның негізі қаланды, қазақстандықтар дың кірістері 16 есеге өсті. Табыс тары күнкөріс минимумынан төмен азаматтардың саны 7 есеге азайды, жұмыссыздар саны екі есеге қысқарды, – деді Үкімет басшы сының орынбасары Ербол Орынбаев өз сөзінде. Ербол Тұрмаханұлының мәлім деуінше, әлеуметтік қауіпсіздік және азаматтардың бақуаттылығы – елімізді дамытудағы басты мақ саттардың бірі болып қала береді. 2012 жылы жан басына шаққанда ғы жалпы ішкі өнім 12 мың АҚШ долларын құраса, биылғы жылы бұл көрсеткіш 13 мың 326 долларға жетеді деп күтілуде. Атап айтқан да, Дүниежүзілік банктің мәліметі бойынша Қазақстан 2011 жылы орташа деңгейден табысы жоғары
елдердің қатарына еніп, бүгінде Түркия, Бразилия, Малайзия секілді елдермен қатарласып, бұл бағыттағы өзінің көрсеткіштерін нығайта түсуде. Баспасөз мәслихатында сөз алған үш министр Үкіметтің әлеуметтік саладағы жұмысының басты қағидаттары қандай, әлеу меттік жаңарту жүйесі бойынша 2013 жылы қандай жаңа тиімді тетіктер енгізілді, ұлттың сау лығын қамтамасыз етудің негізі неде және білім мен ғылым жүйесіндегі қолға алынып жатқан жаңа бағыттар мен алда тұрған міндеттерге жан-жақты тоқталды. ҚР Еңбек және халықты әлеуметтік қорғау министрі Тамара Дүй сенова «Жұмыспен қамту – 2020» бағдарламасына сәйкес жүзеге асып жатқан жұмыстар туралы айта келіп, тұрғындарды әлеумет тік қорғау ісі де министрліктің назарында болатынын ашық мәлім деді. – Қазіргі уақытта жұмыс бе-
рушілердің жауапкершілігін күшейту үшін Әкімшілік және қыл мыстық кодекстердің жобаларында жалақыдағы сәйкессіздікке қатысты құқықбұзушылықтың жа ңа нормасы енгізілуде. Жобалар Мәжілістің қарауында. Яғни аталған нормаға сәйкес, бірдей жұмы сы үшін бірдей жалақы алудағы жұмысшы құқығының бұзылғаны үшін әкімшілік, сонымен қатар қылмыстық жауапкершілік қарастырылады, - деді Тамара Дүйсенова. ҚР Денсаулық сақтау министрі Салидат Қайырбекова денсаулық сақтау саласының тиімділігін арттыру мақсатында оның басқару, ұйымдастыру және қаржыландыру жүйесі қайта құрылып жатқа нын мәлім етті. Соңғы бес жылда ана өлімі 3 есе дерлікке азайса, бала туу көрсеткіші бір жарым есеге өсті. Қазақстанда жүрекқан тамырлары аурулары әлі де өлім-жітімнің бірінші себебі болып отырғаны, денсаулық сақтау
жүйесінің мардымсыз қаржылан дырылуы, өңірлерде салынып жатқан медициналық нысандар дың білікті мамандармен жа сақталу керектігі де баса айтылды. – Соңғы 15 жылда білім саласына қарастырылған шығыстар 9,5 есеге ұлғайды. Білім берудің барлық сатысын түбегейлі жаң ғыртуға бағытталған Білім беруді дамытудың мемлекеттік бағдарламасы іске асырылуда, – деді ҚР Білім және ғылым министрі Аслан Сәрінжіпов. Министр 11 қазанда өткен Үкіметтің кеңейтіл ген отырысында Мемлекет басшысы кәсіптік-техникалық оқудың жағдайына, материалдық-техни калық базалардың ахуалына, жа тақхана және оқытушылардың жетіспеу мәселесіне орай берген тапсырмаларының орындау жә йіне тоқталды. Баспасөз мәслихатына қатыс қан Үкіметтің төрт бірдей мүшесі журналистердің сан-салалы сауалдарына толыққанды жауап берді.