Gure Artean 84

2022ko martxoa Nº

84

Zkia.

• Inauteriak • Martxoaren 8a • Santa Ageda • Eskola kirola

GURE ARTEAN 84. 2022ko martxoa

ERREDAKZIOA eta LAGUNTZAILEAK Juan Inazio Sudupe Koldo Gurrutxaga Nerea Aguado Sara Almendro Kristina Arrizabalaga Jose Antonio Estrella Aitor León Iosu Irizar Maddi Ormazabal Alai Batzako monitoreak EA30eko taldea Ainhize Subinas Joanes Karrera Cristina Garate Salestar Misioak taldea Igor Ignacio Denis Galarza Julen Etxaniz Zubiaurre Igeri Elkartea Eskola Kirola taldea Mikel Pastrian Julene Iturbe Naia Arrizabalaga Eguzkilore taldea Jaiki taldea Jon Urresti Monica Gonzalez Intza Garate Ana Ruiz de Azua Amaia Alberdi Andoni Elduaien Maxixatzen Floreagako lankideak

-2-

ÍNDICE / AURKIBIDEA Agurra ............................................................................................................ 3 Eguberrietan .................................................................................................. 4 Bisitariak ................................................................................................... 4 IGEren Mariskada ..................................................................................... 4 XX Gazte Astea......................................................................................... 4 Elkarrizketak .................................................................................................. 5 Nerea Aguado ........................................................................................... 5 Sara Almendro .......................................................................................... 7 Kristina Arrizabalaga ................................................................................. 9 Jose Antonio Estrella ...............................................................................11 Aitor León................................................................................................ 13 Danborrada.................................................................................................. 15 On Bosco ..................................................................................................... 16 Batasunaren festa ................................................................................... 16 On Bosco festa ....................................................................................... 16 Santa Ageda ................................................................................................ 18 Inauteriak ..................................................................................................... 19 Martxoaren 8a ............................................................................................. 20 Kartel eta txapa lehiaketa ....................................................................... 20 Martxoaren 8a, kronika ........................................................................... 22 Txuri-txuri..................................................................................................... 24 Alai Batza .................................................................................................... 25 Alai Batza. Eguberriak ............................................................................ 25 Alai Batza. Kronika.................................................................................. 27 Alai Batza. Inauteriak ............................................................................. 29 Alai Batza. Federazioa ........................................................................... 30 EA 30 ........................................................................................................... 31 Basoko argazki lehiaketa ........................................................................ 31 Azterkosta sariak .................................................................................... 32 Azterkosta txiki ........................................................................................ 33 Gela frutazaleena.................................................................................... 34 Hezeguneak ............................................................................................ 34 Munoaundiko urmaela ............................................................................ 35 Munoaundiko basoak .............................................................................. 36 Zuhaitz landaketa.................................................................................... 37 Azterkosta erakusketa ............................................................................ 38 Pastorala ..................................................................................................... 39 Gabonsaria ............................................................................................. 39 Pastoral kanpaina ................................................................................... 40 Hausterre ................................................................................................ 40 JYD Ukrainari laguntza ................................................................................ 41 Ukrainari laguntza. Salestar Misioak....................................................... 41 Ukraina: Bakearen aldeko otoitza ........................................................... 42 Salestar boluntzariotza ........................................................................... 43 Kirolak.......................................................................................................... 44 Julen Etxaniz........................................................................................... 44 Denis Galarza ......................................................................................... 44 Zubiaurre Igeri Elkartea .......................................................................... 45 Eskola kirola............................................................................................ 45 Bertsoak ...................................................................................................... 47 Julene Iturbe ........................................................................................... 47 Naia Arrizabalaga.................................................................................... 48 Jaiki ............................................................................................................. 49 Motzean ....................................................................................................... 50 Patioa martxan ........................................................................................ 50 Munibe Arkeologia Taldea ....................................................................... 50 Txirrindularitza saioak ............................................................................. 51 Anaitasuna Mendi Bazkuna .................................................................... 52 LH2 - Arangoitira goiz pasa..................................................................... 52 Trikuharrien itzulia ................................................................................... 53 Selma ...................................................................................................... 54 Eskola lanak............................................................................................ 55 Jolasak .................................................................................................... 55

GURE ARTEAN 84. 2022ko martxoa

AGURRA Kaixo guztioi.

Hola a todos.

Hemen duzue Gure Artean aldizkariaren 84. alea. Oraindik ez dira Aste Santuko oporrak hasi, baina bigarren ebaluazioa amaitu da, eta orain komeni da aldizkaria zuenganatzea, oporren ondoren bi hilabete eskas izango baititugu ikasturtea amaitu aurretik… Pandemiaren inguruko egoera gero eta hobea dela dirudi. Ezin ditugu kezka guztiak albo batera laga, Covid19a oraindik gure artean baitago, eta agian inoiz emango digu ezustekoren bat… Agintariek erabakitako neurriak zuzen betetzen ahaleginduko gara, pandemiaren bi urte luzeetan egin dugun bezala. Dena den, gure inguruan pandemiaren ondorengo udaberria loratzen ari dela dirudi, eta hori oso pozgarria da. Hala ere, pozgarriagoa izango litzateke txerto aukerak herrialde guztietara iristea, herrialde pobretuenetara ere bai. Komunikabideetan lehen dena Covid19a bazen, orain dena Ukrainako gerra da lerro buru eta berri emanaldi guztietan erdigunea. Gauzak diren bezala esan behar dira, agian agintari boteretsu batzuei gustatzen ez bazaie ere. “Ukrainaren inbasio bidegabea” esan behar da… egia inongo hitz leun eta koipetsuz estali gabe. Gezurra dirudi XXI mendean neurri honelako gerra bat sortzea, non eta Europan… Ahaztu gabe munduan gaur egun 25 gerra edo gatazka armatu daudela martxan. Betikoek ordaintzen dute fakturarik handiena, jende xehe eta pobreak. Betikoak aberasten dira gero eta gehiago, neurri guztien gainetik.

Llega a vuestras manos el número 84 de la revista Gure Artean. Todavía no han comenzado las vacaciones de Semana Santa, pero ya ha finalizado la segunda evaluación y conviene publicar la revista ahora, ya que tras las vacaciones apenas tendremos dos meses antes de finalizar el curso. La situación en torno a la pandemia parece cada vez mejor. No podemos dejar de lado todas las preocupaciones, ya que el Covid19 todavía está entre nosotros, y quizá alguna vez nos dé alguna sorpresa. De todas formas, en nuestro entorno parece que está floreciendo la primavera posterior a la pandemia, lo que es muy gratificante. Sin embargo, sería más alentador que las posibilidades de vacuna llegaran a todos los países, incluso a los países más empobrecidos. Si antes en los medios de comunicación todo era Covid19, ahora todo es la guerra de Ucrania como titular y centro en todas las retransmisiones de noticias. Hay que llamar a las cosas por su nombre, aunque quizá a algunos dirigentes poderosos no les guste. Hay que hablar de “la invasión injusta de Ucrania”, sin disimulos ni eufemismos. Parece mentira que en el siglo XXI surja una guerra de estas dimensiones en Europa. Y no olvidemos hay 25 guerras o conflictos armados en marcha en el mundo. Los de siempre son los que pagan la mayor factura, la gente menuda y pobre. Se cantan cada vez más los de siempre, por encima de todas las dimensiones.

Frantzisko Aita Santuak Ukrainaren aldeko otoitza eta baraua eskatu ditu. Bestalde gure gizartean solidaritate zeinu eta ekintzak ugari biderkatu dira. Salestarrak gogor ari dira lanean Ukrainan bertan. 42 salestar bizi dira han, 11 komunitatetan, eta hantxe gelditu dira guztiak, gizarteko pertsona zaurgarrienei laguntzen. Ukrainarekin muga duten herrietan, errefuxiatu asko jaso dituzte Salestarren etxeetan. Diru laguntzak biltzen ari da Salestar Misioak taldea, munduko beste Salestar talde askorekin batera.

El Papa Francisco ha pedido oración y ayuno por Ucrania. Por otra parte, en nuestra sociedad se han multiplicado los signos y acciones de solidaridad. Los salesianos trabajan duro en la propia Ucrania. 42 Salesianos viven allí, en 11 comunidades, y allí se han quedado todos, ayudando a las personas más vulnerables de la sociedad. En los pueblos fronterizos con Ucrania, han recibido muchos refugiados en las casas de los Salesianos. El grupo Salesianos Misiones está recaudando ayudas económicas, junto a otros muchos grupos salesianos del mundo.

Festa asko bizi izan ditugu 2022 urtearen lehen hiru hilabetean: On Bosco, Danborrada, Inauteriak, … San Jose egunean ez dugu festa berezirik egin, IGEren erabakiaren arabera. Eta Garizuman sartuta gaude orain buru-belarri. Nork bere burua hobetzeko garai egokia da, itxaropenaren garaia. Urrats txikiz osatutako bidea, gure oinak bata bestearen ondoren… Udaberria ate-joka dugu. Animo asko guztioi!!!

Hemos vivido muchas fiestas en los tres primeros meses del año 2022: Don Bosco, Tamborrada, Carnavales,… El día de San José no celebramos ninguna fiesta especial, según la decisión de la AMPA. Y ahora estamos metidos de lleno en la Cuaresma. Es un buen tiempo para mejorar uno mismo, es el tiempo de la esperanza. Un camino de pequeños pasos, nuestros pies se suceden en la puerta de la primavera. Muchos ánimos a todos!!!

Juan Inazio Sudupe. Komunitate Zuzendaria. -3-

GURE ARTEAN 84. 2022ko martxoa

EGUBERRIETAN

Bisitariak Eguberrietako oporren bueltan, bi salestar misiolari izan ditugu bisitan gure komunitatean. Mikel Garmendia salestar azpeitiarra Tanzanian dago azken urteetan. Benin aldean eta Hego Afrikan eman ditu urte batzuk. Egun batzuk igaro ditu Azpeitian familiarekin eta bisita ederra egin zigun urtarrilaren hasieran. Inazio Arrieta, “Ixkurre”, Ekuadorren ari da salestar misiolari gisa lanean azken urteetan. Orain Quito hiriko eskola salestar handi batzuen Zuzendaria da. Aurretik Cayambe herrian egon zen, nekazal giroko eskualdean lanean. Aita eta familia bisitatzera etorri ohi da abendu inguruan. Gure komunitateko Esteban Arrietaren iloba da. Ondo segi zuen eginkizunetan!!!

XX Gazte Astea Gazte Asteko egutegia egiteko, Irene Nogalesen (Floreaga, DBH1) marrazkia izan da aukeratua. Zorionak!!!

IGEren Mariskada Abenduaren 24an, arratsaldeko 8:00etan egin da Floreagako Guraso Elkartekoen Mariskadaren zozketa herriko plazan. Zenbaki saritua 16630a izan da eta berehala agertu da irabazlea: Mila eta Rikardo Larrañaga “Patri”. Zorionak!!!

-4-

GURE ARTEAN 84. 2022ko martxoa

ELKARRIZKETAK

Nerea Aguado Nerea Aguado Floreagako ikasle ohia da. Azken urte hauetan ikastetxeko irakaslea da. Galdera batzuk egin dizkiogu Gure Artean aldizkarirako. Zein dira zure umetako oroitzapenak? Oroitzapen asko eta zoragarriak ditut. Ez naiz inoiz geldirik egon den umea izan eta horrek eskolaz kanpoko ekintza askotan parte hartzera bultzatu ninduen. Hala ere, oroitzapen gehien familia giroan ditut. Familia handia gara eta betidanik eduki izan dugu oso harreman estua elkarrekin. Lehengusu, osaba-izeba eta aiton-amonekin une eder asko igarotakoa naizela gogoratzen dut. Eta eskolako oroitzapenak? Eskolako oroitzapen ugari ere baditut. Irakasleek askotan esan ziguten gela ona ginela eta neuk ere horrela oroitzen dut. Oso harreman berezia eta estua genuen elkarrekin eta gaur egun ere horrela jarraitzen dugu. Poza ematen du hainbeste urte eta une partekatu dituzun pertsonekin elkartzen jarraitzeak. Egiten ditugun afari guztietan gogoratzen ditugu anekdotak eta barre galantak egiten ditugu.

edukitzen genuen eta gogotsu joaten nintzen. Bertako begiraleek lan bikaina egin izan dute beti haurrak eta gaztetxoak gustura sentiarazteko eta hori baloratu behar den zerbait da. Horrenbeste urte eta gero oraindik horrelako ekimen bat martxan egoteak asko esan nahi du. Eskertzekoa dela esango nuke. Floreagan DBH bukatu ondoren, ze ikasketa bide egin duzu? Floreaga amaitu eta gero batxilergoa egin nuen gaur egungo Azkoitia BHIn. Bertan giza zientzien arloa aukeratu nuen, garbi neukalako hizkuntzekin lotutako zerbait nahi nuela ikastea. Hori horrela, bigarren batxilergoan nengoela hispaniar filologia egitea aukeratu nuen eta hurrengo lau urteak Gasteizen igaro nituen ikasketa horiek eginez. Behin gradua aterata, DBH eta batxilergoan klaseak eman ahal izateko beharrezkoa den masterra egin nuen.

Nola baloratzen duzu zure ume denborako Alai Batza? Zenbat larunbat igaro ote nituen bertan… Esperientzia mundiala izan zen. Ekintza desberdinak egiteko aukera

Noiztik Floreagan beraietan?

irakasle?

Zer

helburu

dituzu

Duela urtebete hasi nintzen. Masterra egiten ari nintzela Covid laguntzak eman zituen Eusko Jaurlaritzak, eta horren ondorioz, lan eskaintza egin zidan ikastetxeak. Lanean hasteko eta esperientzia lortzeko aukera bikaina zela pentsatu nuen. Egia esan, hasieran bitxia egin zitzaidan nire irakasleak izan zirenekin lan egitea, baina oso esperientzia onuragarria izaten ari da; eskertzekoa da eman didaten laguntza eta gertutasuna eta horrek nire buruarekin konfiantza handia hartzen lagundu dit.

pbsport@euskalnet.net

AZKOITIA Ibai-Ondo, 7 943 025 688

Nagusia, 87 943 852 098

-5-

GURE ARTEAN 84. 2022ko martxoa

gurasoen eta irakasleon arteko elkarlana beharrezkoa da. Esaterako, ikasleek beraien ikasketa prozesuan eduki ditzaketen zailtasunak modu egokian konpondu ahal izateko bai gurasoek eta baita irakasleek ere prozesu horretan inplikatuta egon behar dugu. Ikasleek hori sentitu behar dute. Komunikazio hori ez balego, oso zaila izango litzateke ikasleek modu egokian aurrera egitea. Ez dira adin errazak beraientzat, aldaketa askoko garaiak baitira. Gurasoek asko eskertzen digute elkarlan hori. Garbi dago beraiek ere elkarlanari garrantzia ematen diotela. Ikasleen kasuan, egia da agian batzuk besteek baino denbora gehiago behar izaten dutela beraien onerako dela ohartzeko, baina momentua iristean, eskertzen dute. Inauteria ospatu dugu, mundua buruz behera jartzeko garaia. Gure gizartean zer aldatzea nahiko zenuke? Nire helburua ikasleei ahalik eta heziketa onena ematea da. Garbi eduki behar dugu ikasleak, ikasle izan aurretik, pertsonak direla eta garrantzitsua deritzot guztia arlo akademikora ez bideratzea. Nire helburu nagusia ikasle bakoitzari bere buruarekin duen konfiantza hobetzen laguntzea da; horrela, segurtasun gehiagorekin jokatu ahal izateko.

Gauza asko aldatuko nituzke, baina batez ere guztiok berekoikeriak alde batera utzi eta enpatia edota adeitasun gehiagorekin jokatzea gustatuko litzaidake. Pertsona bakoitzak bere motxila darama eta ezin dugu sekula jakin besteak zer ari diren bizitzen. Eskerrik asko!

Nola ikusten dituzu eskola sistemaren azken urteetako aldaketak? Aldaketa nabarmenak egon dira urte gutxitan eta ez dakit horrenbeste aldaketek onurak edo kalteak zer ekartzen dituen. Egia da azken urteetako aldaketa batzuk onuragarriak izan direla eta bide horretatik jarraitu behar dela, baina beste aldaketa batzuk sustraitik egin behar direla esango nuke. Horren adibide bat jartzearren, geroz eta ikasle gehiagok antsietatea edukitzeak azterketak edo lanak gerturatzen hasten diren bakoitzean, sistemak huts egiten duela adierazten du. Izan ere, arrazoia ez da beti ikasgaiak eguneratuta eraman ez izatea edo antolaketa txarra egitea. Beraz, garbi dago sisteman aldaketak egin behar direla, baina betiere ikasleen ongizate psikologikoa kontutan hartuz. Zein dira, zure ustez, heziketan bai ala bai landu behar ditugun baloreak? Zenbat eta balore gehiago landu ikasleekin orduan eta heziketa hobea jasoko dutela garbi dago. Bizitzarako ezinbestekoak diren guztiak esango nituzke, baina batez ere errespetua, laguntasuna, tolerantzia, enpatia, konpromisua... Azken finean, ezin dugu ahaztu ikasleen heziketa etxetik datorrela, baina irakasleok ere badugu zer nolako erantzukizuna. Covid19a guregana gelditzeko asmoz etorri zela dirudi. Nola eragiten dio gure eguneroko eskolako bizitzari? Guztion arteko harremanak asko aldatu dira eta horrek dudarik gabe eragin du eskoletan. Ez da xamurra ikasleen aurpegiak ikusteko aukerarik ez izatea, horrek distantzia handia ezartzen baitu gure arteko harremanean. Gertutasun gutxiago dagoela esango nuke. Horrez gain, denbora asko igaro da pandemia hasi zenetik eta neke psikologiko handia dugu guztiok. Irakasleok gure lana ahalik eta ondoen egiten ahalegintzen gara, baina batzuetan ez da erraza. Ezinezkoa da etxetik klaseak jarraitzen dituztenei eta klasean daudenei arreta eta denbora berdina eskaintzea aldi berean. Nola ikusten duzu irakasleen eta gurasoen elkarlana eskolan? Ezinbestekoa iruditzen zait. Guztiok helburu berbera dugu eta ikasleei hori transmititu behar diegu. Hori lortzeko

-6-

TESTA Edaria: Ura Janaria: Aitaren patata tortila Idazle bat: Ezingo nuke bat aukeratu Liburu bat: Memorias de una salvaje Mutil izen bat: Aner Neska izen bat: Laia Kirola: Korrika egitea edo mendira joatea Serie bat: La casa de papel Aktore bat: Jaime Loreto Aktoresa bat: Hande Erçel Bidaia bat: Grezia Mendi bat: Erlo Hondartza bat: Zarautz Nazio bat: Euskal Herria Herri edo hiri bat: Donostia Musikari bat: Olatz Salvador Museo bat: Louvre Kolore bat: Urdina Urtaro bat: Udaberria Zaletasunak: Familiarekin eta lagunekin egotea, bidaiatzea Pertsonaia historiko bat: Frida Kahlo

GURE ARTEAN 84. 2022ko martxoa

Sara Almendro Sara Almendro Floreagako ikasle ohia da. Erizaintza arloko ikasketak egin ondoren, alor horretan, bereziki Odol Emaileekin, ari da lanean. Galdera batzuk egin dizkiogu “Gure Artean” aldizkariaren 84. alerako. Zein dira zure lagunak…?

txikitako

oroitzapenak,

familia,

Oroitzapen bereziki onak gordetzen ditut anai-arrebekin. Lau gara, eta gurean beti egon da soberan entretenimendua. Beti Kataluniako herri berdinera joaten ginen oporretan, eta hango oroitzapen ugari ditut, hondartzan jolasean beraiekin. Zein da zure eskolako oroitzapenak? Ditudan oroitzapen onenak lagunekin txangoetan joaten ginenekoak dira. Prestatzen genituen dantza eta antzerkiekin gogoratzen naiz... DBH4ko Madrilgo txangoa dut bereziki gogoan, agian azkena izan zelako. Autobusean bueltan oso ondo pasa genuela oroitzen naiz. Floreagan ikasketak bukatu ondoren, zein ikasketa ibilbide egin duzu? Floreaga amaitzerakoan batxillergo zientifikoa burutu nuen Azkoitian. Ondoren, Donostiako Medikuntza eta Erizaintza Fakultatean erizaintzako gradua burutu nuen. Azkeneko praktikak ZIU pediatriko eta neonatalean burutu nituen. Bereziki gustatu zitzaidan etapa hura, gustatuko litzaidake horren inguruan espezializatzea. Bestalde, laugarrengo urtean nengoela, odol-emaileen elkarteko erizainek eskaintzen zuten kurtso bat egin nuen; hor izan nuen haiekin nire lehenengo hartu-emana.

Nolakoa izan da zure orain arte zure erizaintza lana? Nik suerte handia izan dut, karrera bukatu nuenetik leku berean bainago lanean. Hau arraroa izaten da gure esparruan, bereziki lehen urteetan leku askotatik ibiltzea izaten da ohikoena. Transfusio eta Giza-Ehunen Euskal Zentroan (TGEEZ) egiten dut lan. Hau Donostian aurkitzen da, Manuel Lekuona kalean Antiguoko auzoan. Bertan, odol emaileekin egiten dugu lan, odol ateratze eta aferesiak eginez. Hala ere, ni gehiago herrietako odol-ateraldietan ibiltzen naiz. Odola ematea garrantzitsua da gure gizartean. Zein dira odol premiak? Momentuaren araberakoa izaten da, adibidez, Gabon inguruan odol eskasi handiko denboraldi bat egon da, eta horri aurre egiteko deialdi bat egin da. “Maratoi” horretan 5000 odol emate lortzeko helburua jarri zen 15 egunetako epean, eta emaitza 5024koa izan zen. Oso erantzun ona izan da, baina garrantzitsua da jendeak ohitura mantentzea, pazienteek behar dutenean stockean egon dadin, bizi kalitatea mantentzeko eta organismoak funtzio bitalak egin ahal ditzan. Azkoitian odol emaile talde handia dago. Nola ikusten duzu herriko talde hori? Gipuzkoan odol gehien ematen duen herria Azkoitia da. Jendeak inplikazio handia dauka, bai odol- emaileek bai eta guztia organizatzen dutenek ere, hiru astero izaten baita odol-emate saioa Azkoitian. Azkoitia solidaritate eredua da, odol-emaile fidelizatuekin, horrek segurtasun transfusionala handitzen duelarik. Zer esango zenioke odola eman ala ez pentsatzen ari den norbaiti’ Agian beldurtuta dagoen norbaiti? Prozesu seguru eta azkarra da. Normalean 5-10 minututan egiten da ateraketa, eta zure denboraren tarte txiki horrekin hiru pertsonei laguntzeko aukera dago. Agian lehenengo aldiz datozenei, norbaitekin etortzeko esango nieke, betiere errazagoa baita norbait ondoan duzula pausoa ematea.

Bar Alejandro

-7-

GURE ARTEAN 84. 2022ko martxoa

Hala da, lau anai-arrebek Floreagan burutu genituen ikasketak, eta ilobek bide berdina jarraitzen dute. Floreagak eskaintzen duen gertutasuna dut gustuko, bai eta ikastetxean dagoen Alai Batzako taldea ere, umeentzat ekarpen oso ona egiten duela uste dut. Hobetze aldetik, garrantzi gehiago emango nioke osasun mentalari, heziketa psikologikoa indartuz. Guraso eta ikasle askok irakurriko zure hitzak: zer aholkatuko zenieke, bai ikasleei, bai gurasoei? Eta koronavirusa dela eta, aholkurik bai?

Hala ere, erizaintza ekipoak prozesuan lagunduko die, galderak erantzunez, entretenituz, pertsonaren beharrak kontuan izanez. Unibertsitate eta FP zentroetan ere sesioak egiten ditugu eta bertan lehenengo aldiko jende ugari etortzen da. Esperientzia ona izaten da orokorrean eta jendea bueltatu egiten da. Nola aldatu zuen lana COVID-19 dela eta? Barne gestioan aldaketa batzuk izan ditugu, adibidez, orain aurretiazko txandarekin egiten dugu lan. Bestalde, ziurgabetasuna egon ohi da. Odol-emaileak COVIDa izaten dutenean, odola eman ezin duten epe bat egoten da, sintomatologia arina izanda ere, horrek odol erreserbak jaistea ekartzen duelarik. Bestalde, ekipoa osatzen dugunon artean ere bajak egon daitezke, ez dakigu nahikoak izango garen sesioak egiteko... Horrelako zalantzak sortu dizkigu gaixotasunak.

Eguneroko gauza txikiengatik horrenbeste ez kezkatzea aholkatuko nieke. Askotan hain garrantzitsuak ez diren gauzei izugarrizko garrantzia ematen diegu. Koronabirusak momentua bizi behar dela ere erakutsi digu, momentuan dauden beharrei dauzkagun errekurtsoekin adaptatu behar dugula. On Bosco jaia igaro da. Zer gustatzen zaigu On Boscoren bizitzan? Gehien gogoratzen dudana umeei laguntzeko gogoa da. Gaur egun eredu hartu beharko genukeela uste dut, arlo horretan behintzat. Inauteria ospatu dugu, mundua buruz behera jartzeko garaia. Gure gizartean zer aldatzea nahiko zenuke? Aldatu, ez dakit, baina enpatikoagoak izatea guztiontzat onura izango litzatekeelakoan nago. Bestalde, lehen komentatu dudan moduan, osasun fisikoari ematen zaion garrantzia emango nioke mentalari ere, bereziki gaur egun bizi dugun egoeran.

Jende askoren iritziz, erizainak pertsonak oso ondo zaintzen ahalegintzen zarete. Zer iruditzen zaizu? Zein dira erizainen ezaugarri garrantzitsuenak?

Eskerrik asko!

Zaintzeak esanahi asko ditu erizaintzan. Ez da berdina pertsona osasuntsu edo gaixoa zaintzea, ez eta sendatze prozesuan edo zainketa paliatiboen prozesuan dagoen pertsona baten ondoan egotea, edo bere jaioberria zainketa intentsiboen unitatean duten gurasoen ondoan egotea ere. Dudarik gabe erizainak behar dituen trebezia teknikoez aparte, ondoan egoten jakitea behar du erizainak, entzuten jakitea.

Edaria: Limoi ura Janaria: Patata frijituak Idazle bat: Alice Sebold Liburu bat: The Lovely Bones Mutil izen bat: Ian Neska izen bat: Gretta KIROLA: Yoga Pelikula bat: Un monstruo viene a verme Aktoresa bat: Elisabeth Moss Bidaia bat: Grezia MENDI BAT: Ogoño Hondartza bat: La Paella Herri edo hiri bat: Torredembarra Musikari bat: Birdy Museo bat: Louvre Kolore bat: Urdina Urtaro bat: Uda Zaletasunak: Bidaiatzea, toki berriak ezagutzea Pertsonaia historiko bat: Florence Nightingale

Horregatik, n jendea eremu espezifiko eta espezializaturik egotea garrantzitsua da, kalitatezko zainketak eskaini ahal izateko. Zein izaten dira zure lanarekin lotutako pozak eta tristezia aldiak? Karrerako laugarren urtean nengoela erditze geletan praktikak egiteko aukera izan nuen. Jaiotza askotan izan nintzen, eta poztasun eta emozio handiko momentuak bezala gogoratzen ditut. Tristura handienak aldiz, kontsultetan bizi izan ditut, diagnostiko txarrak ematerako garaian. Zure familiak lotura handia du Floreaga ikastetxearekin. Nola ikusten duzu Floreaga Ikastetxea? Zein dituzu gustuko gauzak? Eta zertan hobetu beharko genuke?

-8-

TESTA

GURE ARTEAN 84. 2022ko martxoa

Kristina Arrizabalaga Kristina Arrizabalaga Floreagako ikasle ohia da. Alai Batzaren hasieran parte hartu zuen. Orain ikastetxeko bi neska-mutilen ama da. Eta Zubillagan lanean ari da. Galdera batzuk egin dizkiogu “Gure Artean” aldizkariaren 84. alerako Zein dira zure txikitako oroitzapenak? Atte ta amakin egiten genituen pasioak eta mendi bueltak. Gero askotan afari merienda egiten genuen etxetik kanpo, Martitten, Urrategin, Txerlokuen… Eta eskolakoak? Hamabi urte nituela mutilekin nahastu ginela lehenengo aldiz ikastetxe berrian. Guretzat aldaketa oso handi izan zen, neskak bakarrik eta monjekin egoten ohituta izanik, salestarren dinamikan sartzea. Dena oso desberdina. Floreaga eskola utzi ondoren, zer ikasketa egin dituzu? Azpeitiko institutora joan nintzen, orduko BUP eta COU ikastera eta ondoren Kimikan lizentziatu nintzen.

Zein dira, zure ustez, eskolan transmititu behar diren giza baloreak? Errespetua eta berdintasuna dira nire ustez garrantzitsuenetakoak. Inor ez da besteak baino ez gehiago ez gutxiago, eta hori ikasi beharra degu, baino ez eskolan bakarrik, denok eguneroko bizitzan. Hitzez denok ezagutzen ditugu balore horiek baino gero praktikan… Nola ikusten duzu irakasleen eta gurasoen elkarlana eskolan? Nire ustez gurasoak ez gera gehiegi inplikatzen. Nire kasuan, beste askoen kasuan bezala, denboragatik da. Etxetik kanpo lana egiteak denbora asko lapurtzen dizu eta askotan nekatuegia sentitzen zara edozein gauza egiteko etxetik kanpo.

Zein izan da zure lan ibilbidea? Ikasten ari nintzen bitartean klase partikularrak ematen nituen, diru pixka bat lortzeko. Gero, karrera amaitzen ari nintzela praktikak egin nituen Oñeder enpresan eta han bertan pare bat ordezkapen egin ondoren, 2000 urtean Sidenor-ren hasi nitzen (Zubillagan) eta han jarraitzen det. Alai Batzaren hasierako taldeko partaide izan zara. Zein dira garai hartatik gordetzen dituzun oroitzapenak? Oroitzapen ederrak. Gazteak ginen eta ilusio osoz hartu gendun proposatu ziguten partaidetza hura. Gauza berri bati hasiera eta forma emateko gure laguntza nahi zuten. Gainera, jende pila bat ezagutzeko aukera izan nuen, ume eta heldu. Mutil eta neska baten ama zara… Zuen seme-alabentzat Floreaga ikastetxea aukeratu duzue. Zergatik? Nola sentitzen duzu? Nik ume umetatik bizi izan dut salestar giroa etxean, aitagatik. Ondoren neuk izan nuen aukera mundu horretara gerturatzeko eta nire seme alabak hezkuntza hori ezagutzea nahi nuen eta senarrak eragozpenik jarri ez zuenez, hemen dira biak.

•

g o x o t e g i a

Zure iritziz, zein dira Floreagaren arlo sendoak eta hobetu beharrekoak? Arlo sendoa, dudarik gabe, salestar ildoa jarraitzea. Ume eta gazteekin gauzak egitea eskola orduetatik kanpo, ikasleek jolas orduetan irakaslegoa gertu sentizea. Ta hobetzekotan, agian, teknologia aldetik bultzadatxo bat ematea hezkuntzari, liburu eta paper gutxiagorekin. Ikusi dugu pandemia honetan posible dala. Ez da erreza, gauzak aldatzeko denbora behar da, baina hasiera bat izan duenez, jarraitu daiteke lantzen. Nola lortzen da enpresan lana egitea eta etxeari eustea, aldi berean? Ez da erreza, baina etxeko denok gara kontziente dugunarekin, eta ahal den mailan denok jartzen dugu gure aldetik gauzak aurrera ateratzeko. Azken denboran, telelana egin dudan honetan, konturatzen zera horrelako aukerekin errazagoa dela “famili kontziliazio” deritzoten hori lortzea, baina herrialde honetan ez dugu ardura gehiegi gai horiekin momentuz, oraindik lan asko dago egiteko.

•

688 850 174

-9-

GURE ARTEAN 84. 2022ko martxoa

Nola ikusten duzu Azkoitiko herria, bere nortasunean eta gauza onetan? Nire ustez gaur egun bizi dugun indibidualismo delako hori nabarmentzen da. Gero eta jende gutxiago inplikatzen da elkar lanean edo ekimen kolektiboetan parte hartzera, ez dakit nola esan, herri txiki kutsu hori galtzen ari da.

TESTA Edaria: Ura Janaria: Ensaladilla rusa Idazle bat: Ken Follet Liburu bat: El Clan del Oso Cavernario (saga bat da) Mutil izen bat: Haritz

Covid19aren egoera xelebrean gaude. Nola ikusten duzu? Ba al duzu mezurik emateko alor honetan?

Neska izen bat: Maddi

Egoera hau luze doa, eta uste det denok aspertzen ari garela, lehen ezagutzen gendun bizitzara bueltatzeko gogoa dugu.

Pelikula: El misterio de la bruja de Blair

Bakoitzak bere ideiak izateko eskubidea du eta defendatzeko, baina hori ere errespetu baten barnean.

Aktoresa bat: Meryl Streep

Mezua, ba pazientzia, espero dudala laster lehenera bueltatzea.

Mendi bat: Pirineoak

Kirola: Hipika Aktore bat: Christopher Lambert Bidaia bat: Finlandia Hondartza bat: Mundaka Nazio bat: Euskal Herria

On Bosco jaia igaro da. Zer gustatzen zaizu On Boscoren bizitzan?

Herri edo hiri bat: Azkoitia

Ba ume eta gazteekiko hartu zuen ardura hori.

Museo bat: National Gallery, Londres

Egia da askotan pentsatzen dugula bizitzako etapa hau errezena dela eta alaiena, baina beti ez da horrela, haur edo nerabe bakoitza mundu bat da, bere arazoekin, bere pozekin, eta norbait hor egotea, norbaiten laguntza gertu sentitzea beharra dezun momentu horietan oso garrantzitsua da eta On Boscok hortik jo zuen, eta gainera arazo guztiei aurre irrifar batekin eginez.

Kolore bat: Berdea

Inauteria ospatu dugu, mundua buruz behera jartzeko garaia. Gure gizartean zer aldatzea nahiko zenuke? Gaur egun Inauteririk gabe ere nahiko hankaz gora dabil gure mundu hau. Gustatuko litzaidake errespetua izatea denontzat balore garrantzitsuena, ez egin besteari zeuri egitea nahi ez duzun hori, ta horrela gauzak beste era batetara egingo genituzke. Eskerrik asko!

Masailaria

- 10 -

Musikari bat: Leonard Cohen

Urtaro bat: Udazkena Zaletasunak: Musika eta sukaldaritza Pertsonaia historiko bat: Gandhi

GURE ARTEAN 84. 2022ko martxoa

Jose Antonio Estrella Floreagako IGE-AMPA Batzordeko kide den Jose Antonio Estrellari GURE ARTEAN aldizkarirako elkarrizketa bat eskatu diogu. Hona hemen zuen eskura. Mila esker, Jose Antonio!! Nor da Jose Antonio Estrella? 1984ko irailaren 23an jaiotako Azkoitiarra. Bastarrikalden bizi izan nintzen 26 urte bete nituen arte, gurasoen etxean. 2011n etxea erosi eta nire emaztearekin batera bizitzera joan nintzen, gaur egun familia polit bat osatu dugu bi alaba, txakur eta guzti. Floreagan egin nituen ikasketak eta hemen bukatu eta gero Azkoitiko profesionalean Erdi maila mekanikako gradu bat egin ondoren, Azpeitian jardun nuen lanean 2 urtez, ondoren Sidenorren hasi nintzen eta gaur egunera arte bertan jarraitzen dut lanean. Bizikletan ibiltzea dut gogoko baina 2 ume txiki edukita horretarako denbora gutxi gelditzen zait. Zure txikitako eta eskolako oroitzapenak … Oroitzapen politak dauzkat, ume bihurri xamarra nintzen agian… Bastarrikalden hazi nintzen eta gogora etortzen zaizkit umetan han ibiltzen ginela bertan bizi ziren beste umeekin jolasean.

Eskolako oroitzapenak ere oso onak dauzkat; bertan egin nituen nire lehenengo lagunak, gustura joaten nintzen eskolara, ez nintzen izan nahi adina ikasle ona baina, behintzat ikasketak bukatu nituen. Aipatu behar dut eskolaren oroitzapenekin batera Alai Batzakoak ere etortzen zaizkidala burura… han pasatzen genituen gure aste bukaerak. Konturatu gabe aste osoa pasatzen nuen Floreagan sartuta, astean zehar eskolan eta aste bukaeratan Alai Batzan. Zergatik ekarri dituzue alabak Floreagara? Egia esan, ez genuen dudarik eduki. Gu, emazteak eta biok, Floreagan ikasitakoak gara, eskola ezagutzen dugu, irakasleak ere bai eta bertan irakasten diren baloreak atsegin ditugu; orduan nahiko erreza izan zen erabaki hau hartzea: Biok ondo egon ginenez hemen igarotako urteetan, gure bi alabentzat ere egokia izango litzatekeela iruditu zitzaigun.

- 11 -

GURE ARTEAN 84. 2022ko martxoa

Nolatan sartu zinen Guraso Batzordean? Bueno ba… Guraso elkarteak, Somalora eskolako familientzat aste-bukaera pasa joatea antolatzen zuen urtero. Emaztearen lehengusuak aldez aurretik joandakoak ziren eta ea animatuko al ginen joatera komentatu ziguten. Oso ondo pasa zutenez, ba gu ere joan ginen. Bertan geundela, Martak, gaur egungo elkarteko presidenteak, elkartea kide faltan zegoela esan zidan eta bera sartzeko prest egongo zegoela eta ea ni ere sartzeko prest egongo al nintzatekeen galdetu zidan eta biok batera sartu ginen elkartean orain dela 3 urte. Nolakoa da zure eginkizuna Guraso Batzordean? Taldeak antolatzen dituen ekitaldietan laguntzea, azkena abenduaren 24an mariskadaren zozketan adibidez, papeletak saltzen egon nintzen. Egia esan, nahiko nukeena baino denbora gutxiago daukat, gauza gehiagotan parte hartu ahal izateko. Nolako giroa duzue Guraso Elkartekoen artean? Estimatzen al du zuen lana jendeak? Oso giro polita dugu, azken finean denak bolondresak gara, inor ez da behartuta joaten; orduan errazago da. Herri mailan hainbat ekitaldi antolatuz, eskolaren izena plazaratzen dugu. Orduan nik uste dut jendeak estimatzen duela, gustura hartuko genituzke kide berriak ere, hauen faltan baikaude. Nola baloratzen duzu gurasoen eginkizuna semealaben heziketan? Oso garrantzitsua dela uste dut, etxean txikitatik ematen dira lehenengo urratsak umeen heziketan, kargu hau irakasleen gain soilik ezin dugu laga. Nik uste dut gure umeen heziketa edifizio baten eraikuntza bezala izan behar duela: zimentazio onak eduki behar ditu, gero eraikitzen dihoan adinean behera ez etortzeko eta zimentazio hori txikitatik gurasoen esku dagoela uste dut. Floreagan zer hobetu nahiko zenuke? Lehen aipatu dudan bezala, nik txikitan gustura askorik joaten nintzen eskolara eta nire bi alabak ere bertan ikasten daude. Orduan gauza handirik ez nuke aldatuko. Ze oroitzapen dituzu On Boscoren Laguntzailearen festen inguruan?

eta

Maria

Irrikatan egoten nintzen noiz helduko ziren zain, azken finean eskolako egunerokotasuna guztiz aldatzen zen: zinea, jokoak egun politak izaten ziren, lagun giroan ederki pasatzen genuen.

- 12 -

Mila esker, Josean

TESTA Edaria: Garagardoa Janaria: Paella Idazle bat: Matilde Asensi Liburu bat: El ultimo catón Mutil izen bat: Igor Neska izen bat: Edurne Kirola: Bizikletari lotutako edozein Pelikula: American history X Aktore bat: Nicolas Cage Aktoresa bat: Cameron Diaz Bidaia bat: Ezkon bidaian New Yorkera egindakoa Mendi bat: Txindoki Hondartza bat: Getariko Malkorbe Nazio bat: Mexiko Herri edo hiri bat: Donostia Musikari bat: Kutxi Romero Museo bat: Moma Kolore bat: Gorria Urtaro bat: Negua Zaletasunak: Bizikletan ibiltzea Pertsonaia historiko bat: Malcolm X

GURE ARTEAN 84. 2022ko martxoa

Aitor León Aitor León Poveda Floreagako ikasle ohia da. Itzultzailea da lanbidez. Antzerki musikaletan ikusi dugu, adibidez K-Baret ikuskizunean. Musika sortzailea da eta disko bat editatu berri du.

Antzerki musikaletan ikusi zaitugu. Nolakoa izan da zure esperientzia? Zer nabarmenduko zenuke?

Zein dira zure ume garaiko oroitzapenak?

Antzerki musikal batean parte hartzea neure bizitzan inflexio-puntu bat izan zen. Neure buruarengan konfiantza irabazteko ezinbestekoa, barruan dudan pasioa ezagutzeko giltza eta neure pasio berdina duten hainbeste lagunekin bat egiteko aukera. Gezurra dirudi, baina eremu pertsonalean gauza asko eman dizkit antzerkiak eta musikak.

Egia esan ez dut txikitako oroitzapen askorik. Animaliak eta bideo-jokoak nituen gustuko, eta horretan aritzen nintzen askotan. Lagunekin tartean behin ere kalera irteten nintzen, eta larunbatero lez, Alai Batzara gerturatzen ginen. Hazten joan ahala, telesail eta pelikula musikalak ikusten hasi nintzen, eta hortik musikarako dudan grina. Eta eskolako oroitzapenak? Eskolan ondo pasatzen nuen orokorrean. Zenbatetan iritsi ote zitzaidan ebaluaketa amaierako oharretan “asko hitz egiten du” mezua… Hori bai, ez nintzen ia inoiz arazoetan sartzekoa. Nirekin jatorrak ziren guztien laguna nintzen ni. Irakasleekin ondo eramaten nintzen, eta noiz edo noiz hanka sartu arren, guztien oroitzapen oso ona gordetzen dut.

Zerbaitekin geratu beharko banintz, egin ditudan ezinbesteko lagunekin eta lan gogorraren fruitua plazaratzearen harrotasunarekin geratuko nintzateke.

Floreagan, ikasle garaian, zer izan duzu gustukoena?

Proiektu osoa bideratzeko lana, konstantzia eta ilusioa izan ditut bidelagun. Banekien hau zela nire ametsetako bat, eta inoiz baino gehiago saiatu naiz egia bihurtzen.

Irakasleen gertutasuna eta konfiantza. Gure eskolaren indarguneetako bat iruditzen zait hori. Alai Batza eta ADS ere ezinbestekoak iruditzen zaizkit. Lagunekin biltzeko tokiak ziren. ADS-n balore garrantzitsuetaz hitz egiten dela uste dut, gizartean elkarrekin bizitzen ikasteko nahitaezkoak. Askotan albo batera uzten dira gaztaroan edo ez ditugu aintzat hartzen, baina gure eguneroko bizitzan funtsezkoak iruditzen zaizkit. Errespetua, eskuzabaltasuna, laguntasuna, tolerantzia… batzuk aipatzearren. DBH ondoren, zer ikasketa egin dituzu? DBH eta letretako batxilergoa amaitu ondoren, Itzulpengintza eta Interpretazio ikasketak egin nituen Gasteizen lau urtez. Ondoren, Tenerifen ibili izan nintzen Konferentzien Interpretazioaren inguruko master bat egiten. Gaur egun, itzultzaile gisa egiten dut lan.

Hiru urteko lanaren ondoren, “Solsticio de Invierno” diskoa auto-editatu duzu. Zein da zure proiektu honen orain arteko historia? Nola moldatu zara lan osoa zuk bideratzeko?

Pianoa ikasten orain dela zortzi bat urte hasi nintzen, nire kantu gustukoenak jotzen ikasteko asmotan. Behin oinarrizko ezagutza bat lortu nuenean, nire kantu gustukoenak ikasi eta ikasi aritu nintzen, denek nolabaiteko antzekotasun bat zutela konturatu arte. Kantu bat neuk asmatzea bururatu zitzaidan, ikusi eta ikasi nituen patroi batzuei jarraiki. Orduan sortu nituen lehen abestia, bigarren bat, hirugarren bat… Poliki-poliki, zenbait abesti pilatzen joan nintzen, proiektu bat bilaka zitezkeela konturatu arte, nire bizitzako azken bizpahiru urteak laburbiltzen zituena. Formatu fisikoaren zalea naizenez, nostalgiagatik edo, neure proiektua fisikoan ateran nahi nuela erabaki nuen. Diseinatzaile grafikoa den nire lagun batekin harremanetan jarri nintzen, baita fabrikazio-enpresa batekin ere, eta dena nire kabuz finantzatu dut.

- 13 -

GURE ARTEAN 84. 2022ko martxoa

Zein dira zure musikaren ezaugarri edo “etiketak”? Eta kantuetako gaiak? Ez nuke jakingo musika-etiketa bakarra jartzen. Nire estiloa pop-ean sartuko litzateke, hori bai. “Solsticio de Invierno” izenak dioen bezala, neguko solstizioan kokatzen da, abenduaren 21ean. Horixe da urteko egunik ilunena, eta diskoak ere nire bizitzako zenbait une ilun biltzen ditu. Hala eta guztiz ere, hortik aurrera, egunak argitzen joaten dira. Hori da nire proiektuaren gakoa. Ekaitzaren ostean dator barea, horren esperantza izan behar dugu beti. Arrakastarik gabeko amodioak, botereharremanak, norberarekin izaten ditugun krisiak, historien amaierak, antsietatea… Gai horiek jorratzen dituzte disko honetako abestiek, nire ondoeza baretzen lagunduz. Hiru hizkuntza desberdinetan sortzen dituzu kantuak. Nola erabakitzen da zein hizkuntza aukeratu? Abestiak sortzerakoan, musika konposatzen dut lehendabizi. Letra ondoren etortzen da, melodia eta erritmoek iradokitzen didatenaren arabera. Eta horren arabera etortzen dira hizkuntzak ere. Itzultzailea naizenez, ezin aukeratu. Kantu azkarragoek ingelesera eramaten nautela uste dut; motelagoek, berriz, euskara zein gaztelaniara. Kuttunagoak ditut agian. Eskolako mundura etorriz, zein dira eskolak bereziki zaindu behar dituen baloreak? Pertsonen arteko berdintasuna eta errespetua. Pertsonak garenez gero, horixe merezi dugu guztiok. Errespetua, enpatia, zintzotasuna… Horiek landuko bagenitu txikitatik, mundua leku ederrago bat izango litzateke. Eta ez eskolan bakarrik landu; hezkuntza etxetik hasten dela garbi dago. Inauteriak ospatu ditugu, egoera berezian bada ere. Mundua buruz behera jartzeko garaia da. Zer jarri nahiko zenuke buruz behera gure gizartean? Aurreiritziak eta intolerantzia. Eskerrik asko!

- 14 -

TESTA Edaria: Ardo txuria Janaria: Risottoa Kolore bat: Berdea Urtaro bat: Uda Mutil izen bat: Gari Neska izen bat: Noa Idazle bat: Amélie Nothomb Liburu bat: Cosmética del enemigo Aktore bat: Andrew Garfield Aktoresa bat: Emma Stone Pelikula bat: Tick, tick… Boom! Musikari bat: Lady Gaga Museo bat: Natural History Museum (Londres) Mendi bat: Teide Hondartza bat: Nogales (La Palma, Kanariar Uharteak) Bidaia bat: Lanzarote lagunekin Nazio bat: Euskal Herria Herri edo hiri bat: New York Zaletasunak: Kantatzea eta musika orokorrean Pertsonaia historiko bat: Marsha P. Johnson

GURE ARTEAN 84. 2022ko martxoa

DANBORRADA San Sebastian egunez, urteroko danborrada egin zuten urtarilaren 20an, osteguna, Floreaga Salestar Ikastetxeko haurrek. Ikasleek ikastetxeko geletan edota barruko patioan jo zituzten San Sebastianetako doinuak. Beste urteetan jendaurrean eta atari zabalean egiten dute danborrada, baina, COVID-19a tarteko, aurten danborrada beren artean egitea erabaki zuen ikastetxeak.

BAGERA! GU ERE BAI. GU BETI POZEZ, BETI ALAI!

MERTZERIA Guardia, 7 • 20720 AZKOITIA (Gipuzkoa) Tel.: 943 85 07 31

- 15 -

GURE ARTEAN 84. 2022ko martxoa

ON BOSCO

Batasunaren festa Urtarrilaren 30ean, igandean, Ikasle Ohien Batasunaren Meza izan zen Floreagako elizan, San Joan Boscoren egunaren bezperan. Meza ondoren talde argazkia atera zen eskolako sarrerako eskaileretan. Kide batzuk falta ziren, Covid19a dela eta konfinatuta baitaude, baina hala ere datorren urtean berriro elkarrekin biltzeko desioa adierazi genuen. Salestarrak Floreaga Ikastetxean 1938-1947 urteetan egon ziren euren lehen etapan. Orduko ikasle ohi ugari urtero elkartzen dira BATASUNAREN FESTA ospatzera urtarrilaren amaieran. Azken urteetan anaia-arteko bazkaria izan dugu Hotel Loiolan, baina aurten, pandemiaren egoera dela eta, ez da egin bazkari hori. Ea hurrengo urtean…

On Bosco festa Egun berezia izan zen Urtarrilaren 31, On Boscoren eguna, astelehena. Horregatik, ekintza ezberdinez beterik eduki GENUEN eguna: jolasak, euskal kirol eta jolas tradizionalak, lehiaketak (kahoot lehiaketa barne), Ekain Txouren malabarismoen ikuskizun bikaina, pelikula eta, nola ez?, esnezko ogia eta txokolatea eguerdian edota meriendatzeko. Ederki ospatu genuen!

- 16 -

GURE ARTEAN 84. 2022ko martxoa

- 17 -

GURE ARTEAN 84. 2022ko martxoa

SANTA AGEDA Otsailaren 4n, Santa Ageda bezperan, kopla kantari ibili ginen. Makila hartu eta natura esnatzen saiatzeaz gain, gure herriko agintari, saltzaile eta herritarrak zirikatzen ibili ginen, ohiturari jarraituz. Covid-a dela eta ezin izan genuen guk nahiko genukeen bezala ospatu, baina esan beharra dago, giro alaian, gozatuz, ospatzea lortu genuela. Txikienak ikastetxean gelditu ziren eta, bakoitzak bere burbuila mantenduz, betiko koplak abestu zituzten. LHko ikasle batzuk, berriz, irakasle bakoitzarentzat koplak prestatzen aritu ziren aurreko asteetan eta 4an abestu zizkieten; irakasleren bat erantzutera animatu zen bat-batean! Eta azkenik, zaharrenak, DBH4koak herrian zehar Santa eskean ibili ziren eguerdi aldean. Herrira jaitsi eta alkateari, erretoreari, baserritarrei, harakinei, tabernariei, herritarrei… kopla kantari aritu zitzaizkien. Alaitasunez eta ilusioz, guztioi geure kultura transmititzen jarrai dezagun! FLOREAGA EUSKARAZ, EUSKARAREKIN eta EUSKARAREN ALDE!

- 18 -

GURE ARTEAN 84. 2022ko martxoa

INAUTERIAK Iritsi dira Inauteriak Floreagara ere. Aurtengoak ere bereziak izan dira. Egoera dela eta, aurrez aho batez hartu zen erabakiaren arabera desfilerik ezin izan dugunez egin, izugarrizko festa ospatu dugu ikastetxean, otsailaren 25ean. Ikasle eta irakasle guztiok festarako prestatu gara eta gure mozorro dotoreenekin jantzi gara. Lagunekin eta irakasleekin jolasean ibili gara, dantzatuz gozatu egin ditugu, aurpegiak margotzeko aukera izan dugu eta karetak margotu ditugu… gure lagunak nor diren asmatzen ere ibili gara! A zer mozorroak ekarri dituen jendeak! Ondoren, gutako asko herriko plazara jaitsi gara, festari jarraipena ematera. Modu berezi batean izan arren, ez dugu oztoporik izan festa erraldoi bat egiteko eta gure ingurukoekin arratsalde alai batez gozatzeko.

- 19 -

GURE ARTEAN 84. 2022ko martxoa

MARTXOAREN 8A

Kartel eta txapa lehiaketa Azkoitiko Hezkidetza foroak Martxoak 8rako DBHkoentzat kartel lehiaketa eta LH5 eta 6koentzat txapa lehiaketa bat antolatu zituen. Gure ikasleek lan bikain ugari egin zuten. DBH4ko Ibai Martinek kartel lehiaketako 3. saria irabazi zuen. Ibairen kartelean “Inoiz baino indartsuago” leloa irakur daiteke. Martxoaren 4an, 11:00etan Berdura Plazan jaso zuen 50€-ko saria. Martxoaren 4tik 11ra bitartean, ikasleek egindako kartelen bilduma bat erakusgai egon zen Berdura Plazan. LHn aurkeztu diren txapa guztien artean Ainara Guerrak egindako txapa diseinua izan zen aukeratua. Ainararen diseinua erabiliz udalak LH5 eta 6ko ikasle guztientzat M8rako txapak egin zituen. Zorionak Ibai eta Ainara! Zorionak baita ere M8rako lanketan gogoz aritu zareten guztioi! Lan zoragarriak egin dituzue!

Iriarte Margolaria, 1 20720 AZKOITIA • (Gipuzkoa) Tel.: 943 85 20 52 • Faxa: 943 85 20 91 j.artetxe@fkkopistegia.es • www.fkkopistegia.es

- 20 -

GURE ARTEAN 84. 2022ko martxoa

- 21 -

GURE ARTEAN 84. 2022ko martxoa

Martxoaren 8a, kronika Martxoak 8a, Emakumeen Nazioarteko Eguna dela eta, ikastetxean “ITXURAREN” gaia lantzen aritu gara aurten Emakundek atera duen “Benetan? Hau da guretzat nahi duzuena?” lelopean. Emakumeak pairatzen duen “itxura ona” izatearen jazarpena azalarazi nahian. Aurten udaletxetik 2 lehiaketa proposatu zizkiguten Daitekeren eskutik, kartel lehiaketa eta txapa lehiaketa, bietan ikastetxeko ikasleak saritu suertatu direlarik. DBH3ko ikasleek “Egunon bereziak” prestatu dituzte LHko ikasleentzat. DBHko beste mailetan ere, gela bakoitzeko ikasle talde batek landu ditu DBH3koek prestatutako aurkezpenak. Horrez gain, LHko ikasleek historiako emakume esanguratsuei buruzko lanketa bat egin dute, hauen irudiak ikastetxeko kortxoetan apaindu eta egun garrantzitsu hau aldarrikatuz. Ikasleek lan ikaragarria egin dute! Ospatu dezagun guztion artean martxoaren 8a!

Suspentsioak. Diagnosi unibertsala. Elektromekanika. Olio aldaketa dtmazp@arrakis.es Urola kale, 6 AZPEITIA Tel .: 943 15 12 60 - Fax: 943 15 73 76

- 22 -

GURE ARTEAN 84. 2022ko martxoa

- 23 -

GURE ARTEAN 84. 2022ko martxoa

TXURI-TXURI Haur Eskolako umeak gozamen handia hartu zuten otsailaren hasieran, paperarekin jolasten. Elurra mara-mara ari balitz bezala gelditu zen gela: txuri-txuri!!

- 24 -

GURE ARTEAN 84. 2022ko martxoa

ALAI BATZA

Alai Batza. Eguberriak Abenduaren 23an DBH3-4koak Bilbora joan ziren egunpasa. “The Rombo Code” scape-room ekintzan parte hartu eta Guggenheim museo inguruan ibili ziren. Egun zoragarria.

Abenduaren 26an LH eta DBH1ekoak ere Bilbon aldean izan ziren. Basauriko “KNS Ocio y Aventura” Parkean goiz zoragarria igaro zuten. Bazkaltzera Deustuko Salestar ikastetxera hurbildu ziren. Gainera Alai Batzako kamiseta berriak estreinatu zituzten.

- 25 -

GURE ARTEAN 84. 2022ko martxoa

PINTURA EN GENERAL INTERIORES / EXTERIORES

Javier Odriozola Etxaniz Xabier Larrañaga Goenaga

Ugarte, 3 - 1º Móvil: 609 13 46 24 659 97 62 72 20720 AZKOITIA (Gipuzkoa)

jatetxea Etxeko sukaldaritza Kale Nagusia, 95 Tel. 943 85 28 88

- 26 -

20720 AZKOITIA (Gipuzkoa)

GURE ARTEAN 84. 2022ko martxoa

Alai Batza. Kronika 2022.01.15

2022.01.29

Gabonetako oporren ostean Alai Batzak ere berriro ekin dio larunbateroko jardunari. LH4koak Altxorraren Bila ibili ziren Floreagako Ikastetxe osoan zehar. Froga ezberdinak gainditu behar izan zituzten pistak lortzeko. Amaieran, eskuratutako pista guztiekin hitz bat asmatu behar izan zuten, hor baitzegoen ezkutatuta altxorra!

On Bosco eguna gerturatzen ari denez, modu berezi batean ospatu genuen Alai Batzako kide guztiok egun handia. Begiraleok egun guztian zehar egon ginen Floreaga Ikastetxean haurrei hainbat ekintza eta jolas eskaini ahal izateko. Umeak lau txanda desberdinetan etorri ziren, mailaren arabera. Goizeko hamarretan LH4koak azaldu ziren eta jarraian LH5ekoak. Arratsaldean, aldiz, LH6koak eta DBH koak izan genituen gurean, ekintza oso bereziak eta apartekoak osatzen. Goiko patioan elkartu ginen eta 90 minutuz zailtasun ezberdina zuten 5 jolas egin genituen. Boloak, 4 ilaran, globoak lehertu… Proba bakoitzean ahalik eta puntuazio altuena lortzea zen gela bakoitzaren helburua. Egun bikaina izan genuen eta guztiak oparitxo batekin joan ziren etxera.

Froga batzuetan zailtasun gehiago izan zituzten arren, arratsalde bikaina pasatu zuten umeek eta etxera altxor eta guzti itzuli ziren!

2022.01.22 Larunbatean LH5 eta LH6koak izan genituen gurean. Hainbat jolas eta ekintza desberdin egin genituen, batzuk goiko patioan eta beste batzuk berriz ikastetxe barruan, eguraldi hotzagatik.

QSFTBMEF G O Z O T E G I A

Nagusia, 114 • Tel. 943 85 10 71 Nagusia, 41 • Tel. 943 85 18 34 AZKOITIA - 27 -

GURE ARTEAN 84. 2022ko martxoa

2022.02.05

2022.02.12

Larunbatean LH4koak (16:30-18:00) eta DBH1ekoak (18:15-19:45) izan genituen gurean. Hasieran eskulan txiki bat egin genuen ikastetxe barruan: harizko giltzatako bat. Ondoren, goiko patiora joan ginen hainbat jolas egitera: Lince, sokasaltoa, 3 ilaran, saskibaloia… Oso ondo pasatu zuten haurrek eta asko gozatu zuten!

LH5 eta LH6koekin elkartu ginen Floreagan. Hasieran, taldetan banatu eta geletara igo ginen 45 minutuz ADS egiteko. Oso gai garrantzitsuak jorratu genituen. Horien artean, pobrezia edota gaixotasunak. Aukera polita izan zen guztion iritziak elkarbanatu eta haurren ikuspuntua zein den jakiteko. Ondoren, sarreran eta goiko patioan tailer txiki bat eta jolasak egin genituen. Oso ondo pasatu genuen guztiok! (Maddi Ormazabal)

- 28 -

GURE ARTEAN 84. 2022ko martxoa

Alai Batza. Inauteriak Otsailaren 26an Alai Batzan Inauteria ospatu zen, AB Zirkua osatuz. Monitoreen mozorroak oso egokiak ziren: akrobata, pailazoa, indartsua, aurkezleak, mimoa, animalien domatzailea, tigrea eta lehoia, … Gymkana ederra egin zen: Zirkuko pertsonaia bakoitzarekin zerikusia duten jolasak egin ziren: Zirkuitu gimnastikoa, Malabareak, Txinga jolasa, mimika adierazpena, Simonek dio, Katu-katu,… Azkenean Desfilea eta gozoki banaketa izan ziren.

- 29 -

GURE ARTEAN 84. 2022ko martxoa

Alai Batza. Federazioa Otsailaren 12an Alai Batzako hiru kide Deustun izan ziren, FEDERAZIOAren urteroko asanbladan. Guretik Amaia Arteaga, Iosu Irizar eta Juan Inazio Sudupe joan ziren. Aukera ederra izan zen gure inguruko beste Salestarren Gazte Zentroetako monitore eta koordinatzaileekin topaketa izateko.

Zona Industrial Juin Txiki, pab.6 - 20720 AZKOITIA (Gipuzkoa) Tel: 943 85 24 56 - Email: gesa@gonzaloescartin.net

Merkatua plaza, 60 943 852 579 AZKOITIA

ZENTRO MEDIKOA - TEST PSIKOTEKNIKOAK

Ibai-Ondo, 26 • 20720 AZKOITIA Tel./Fax. 843 85 27 68 E-mail: autoeskolaetxaniz@euskalnet.net - 30 -

GURE ARTEAN 84. 2022ko martxoa

EA 30

Basoko argazki lehiaketa Eguberri oporrak hartu baino lehen, inguruko basoetara egin genituen bisitetan, argazki lehiaketa baten parte hartzeko aukera eskaini zen. Urtarrilean zehar finalisten arteko bozketa oso estua izan zen. On Bosco egunean eman zen jakitera azken emaitza, zein den irabazlea. Irabazleak DBH2Ako Ada, Aritz, Julen eta Aiman izan dira!! ZORIONAK!! Aipamen berezi jaso dute, DBH4Bko Jakes, Inar, Roberto eta Julen!! Zorionak!! Eskerrak eman denon parte hartzeagatik eta gogoratu, basoan elkar ikusiko dugu!! Ondo izan!! …

- 31 -

GURE ARTEAN 84. 2022ko martxoa

Azterkosta sariak Azterkostako aurtengo lehiaketako irabazleak izan dira Ainhize Subinas (LH5) eta Joanes Karrera (DBH4B) .ZORIONAK!!! Hona hemen beraiekin izandako elkarrizketa laburrak eta egindako lanaren argazkiak.

AINHIZE SUBINAS

JOANES KARRERA

Nola jakin zenuen Azterkosta lehiaketa martxan zela?

Nola jakin zenuen Azterkosta lehiaketa martxan zela?

Andereñoak esan zidan. Zer egin duzu lehiaketa irabazteko? Imajinazioa erabili nuen. Zer zen saria? Jaso al duzu? Non? Bai, sariak jaso ditut ekoetxean. Bi jolas, ur botila eta kataloxak. Berriro parte hartuko al zenuke? Bai, oso ederra da. Ingurumena maite al duzu? Bai, asko gustatzen zait.

- 32 -

Aspalditik hartzen dugu parte. Nire aitak izan zuen proiektu honen berri. Zer egin duzu lehiaketa irabazteko? Bermeoko kostaren eta itsas izar baten argazkia atera dut. Zer zen saria? Jaso al duzu? Non? Naturaz gozatzeko tresnak batez ere: motxila bat, mendiko makila… Meatzaldea Ekoetxean jaso nuen. Berriro parte hartuko al zenuke? Bai hurrengo urtean ere saiatuko naiz parte hartzen. Ingurumena maite al duzu? Bai. Ekintza amaigabeak egin daitezke bertan, gainera gu denon etxea da eta zaindu beharra dugu.

GURE ARTEAN 84. 2022ko martxoa

Azterkosta txiki Asko ikasi dugu eta oso ondo pasa dugu gure kostaldeari buruzko jolasa egiten. Itsasoko animaliak euren tokian kokatu ditugu. Itsas ertza txukun-txukun egotea nahi dugu!!

- 33 -

GURE ARTEAN 84. 2022ko martxoa

Hezeguneak Hezeguneen Nazioarteko Eguna ospatu zen otsailaren 2an. Hezeguneek uholdeetatik eta izurriteetatik babesten gaituzte, ur eskasia ekiditen dutela, eta bioaniztasunaren zaindari dira… Hezegune asko desagertu dira eta beste hainbat galzorian daude, baina horietako asko berreskuratzen eta “sendatzen” hasi gara. Hona inguruan ditugun hezegune batzuk:Txingudiko Padurak (EkoetxeaTxingudi),UrdaibaikoBiosferakoErreserba(Ekoetxea Urdaibai), Urdaibai Bird Center, Salburuako Hezegunea (Gasteiz),…

Gela frutazaleena Osasuntsuak al dira gure hamaiketakoak? Gai hau landu dute DBH 3koek eta bideo bidez azaldu digute azukre erantsi gehiegi duten produktuak jaten ditugula. Hamaiketako osasuntsuena eta bidez batez, hondakin gutxi sortzen dituena, fruta dela ondorioztatu dute. Hau bultzatzeko, lehiaketa berria jarri dugu martxan: gela frutazaleena. Ostiraletan, fruta ekartzen dugu hamaiketako bezala eta ekoliderrek zenbatzen dute. Patio berdeko Ostadar Txokoan ikus dezakezue nola doan sailkapena. Ekainean jakingo dugu gela irabazlea zein den eta sari ederra jasoko dute! Animatu guztiok, lehiaketa estu doa eta!!

LARRAMENDI JAUREGI Julio Urkijo 13 behea 20720 Azkoitia - Gipuzkoa Tlf. 943 851 961 jilarramendi@euskalnet.net www.larramendijauregui.com

Pol. Ugarte - Pab. 95 20720 AZKOITIA (Gipuzkoa)

Alberdi Mekanizatuak S.L. Ugarte 2-3-4 • Aptdo 63 20720 AZKOITIA (Gipuzkoa) Tel.: (34) 943 85 29 70 • Fax: (34) 943 85 13 38 www.alberdimek.com

- 34 -

GURE ARTEAN 84. 2022ko martxoa

Munoaundiko urmaela Ingurumen Hezkuntzaren Nazioarteko Eguna ospatu zen urtarrilaren 26an. Munoaundiko urmaela eraikitzeko lanetan aritu ziren herriko ikastetxeetako ikasleak. Orain, putzua urez beteko dute “modu naturalean”. Eskolako Agenda 2030 programaren barruan, baso berri bat eta urmaela eraikiko dituzte Munoaundin, eta Ingurumen Hezkuntzaren Nazioarteko Eguna aprobetxatu dute herriko ikasleek urmaelaren putzua egiteko, pikatxoia eta pala eskuetan. Udalak jakinarazi duenez, “modu naturalean” beteko dute putzua orain, animaliak hara joan daitezen.

- 35 -

GURE ARTEAN 84. 2022ko martxoa

Munoaundiko basoak Udalak, Munoaundi inguruko pinutegi bat garbitu eta EA2030n parte hartzen dugun herriko ikastetxeen erabilerarako utzi du hektarea inguruko eremu bat. Helburua bertako basoa sortu eta erabilera didaktikoa ematea da. Azken asteetan, honekin lotutako hainbat ekintza burutu dituzte DBH 4.mailakoek. Hasteko, urmaela sortu zuten: zuloa geruza desberdinez estali, lurra bota, hesiak ipini… Ikastetxe desberdinetako ikasleek txandaka burutu zituzten zeregin hauek.

Ondoren, gelan, urmaelaren inguruko eremu huts hori nola irudikatzen zuten marraztu zuten, hau da, sortuko dugun basoaren diseinua egin zuen ikasle bakoitzak. Horietatik, Gaizka Nogalesena izan da hautatua. Marrazki hori oinarritzat harturik, ikasle talde bat eremua markatzera igo zen, otsailaren 25ean; esolen bidez, zuhaitz landaketarako prest utzi zuten guztia. Azkenik, martxoaren 10ean, beste talde batek bertako espezieak landatu zituen: haritzak, erramuak, urkiak, gaztainondoak… Ea nola gelditzen den herriko ikasleek auzolanean sortutakoa!

- 36 -

GURE ARTEAN 84. 2022ko martxoa

Zuhaitz landaketa Urola Bizirik natur taldeak Munoaundin zuhaitzak landatzeko hitzordua jarri zuen otsailaren 12rako. Hainbat herritarrek askotariko zuhaitzak landatu zituzten Azkoitiko Udalak taldeari emandako lursail zatian. Orotara, 60 zuhaitz sartu zituzten Artadi mintegiko arduradun Geert Roelsen aholkuak jarraituz; besteak beste, astigarra, gurbitza, hurritza, artea eta lizarra landatu zituzten Munoaundin. Landaketaren inguruko xehetasunak azaldu zituzten Roelsek eta Urola Bizirik taldeko Iñaki Eizagirrek lanean hasi aurretik, eta, ondoren, aitzur-lanean aritu ziren hainbat haur, gazte eta heldu natur taldearen lursailean. Datozen asteetan eta hilabeteetan jarraituko omen dute lanean.

APE

terapia zentroa Koldo Aranbarri • Reflexoterapia • Diafreo • Osteopatia Jandonianiz 6b AZKOITIA 943 850 008 688 610 676 www.erromakozubia.com

- 37 -

GURE ARTEAN 84. 2022ko martxoa

Azterkosta erakusketa Urtarrileko tutoretza saioetan, itsasoa, klima aldaketa, biomimetika eta beste hainbat gairi buruzko bitxikeriak landu genituen ikastetxean eduki genuen erakusketari esker.

Optometria - audio zentroa

ESTIBALIZ ARIZNABARRETA MARIAN IRIONDO optometristak

Exámenes visuales completos / Terapia visual: ojo vago, disfunciones binoculares, problemas de aprendizaje... / Integración de reflejos primitivos / Terapia auditiva SENA / Ortoqueratología nocturna / Audífonos, tapones baño-ruido

www.optikairiondo.com Kantauri plaza, 8. Zumaia. tel.: 943 86 04 86 Nagusia, 53. Azkoitia. tel.: 943 85 19 84

- 38 -

GURE ARTEAN 84. 2022ko martxoa

PASTORALA

Gabonsaria On Ángel Fernández Artime da gaur egungo Salestarren Errektore. 2022rako mezu, “aguinaldo” edo gabonsaria eskaini dio Salestar Familia osoari, On Boscok egin ohi zuen bezala. Hau da leloa: Egin ezazue dena maitasunez, eta ezer ez indarrez edo derrigortuta. 2022an Saleseko San Frantziskoren heriotzaren IV. Mendeurrena ospatzen da. On Boscok esan ohi zuen: “Saleseko San Frantziskoren karitateak eta gozotasunak gidatzen naute une oro”.

Hona On Angelek proposatzen digun programa: - Erabat Jainkoarena izatea. Jainkoaren maitasuna eta hurkoarenganako maitasuna bizi izatea. - Frantziskoren humanismoa, bere nahia eta guztiekin elkarrizketan hasteko gaitasuna, adiskidetasunari ematen dion balio handia. - Probidentzian konfiantza: Jainkoaren bihotzean konfiantza izan inolako erreserbarik gabe. - Bihotzaren eztitasuna eta maitasuna, giza bihotzarekiko konfiantza. - Eukaristiarekin eta gurutzearen garrantzia.

Jesusen

- Mariarenganako konfiantza. - Modu egokian komunikatu, jendeak uler dezan, euren egoerari moldatuz. - Don Boscok bezala gazteei laguntzea: fedearen bidean laguntzeko artea, batez ere Jainkoa ezagutzen ez duten eta, aldi berean, askotan jakin gabe, Haren gose eta egarri diren munduko hainbeste mutil, neska eta gazteri.

- 39 -

GURE ARTEAN 84. 2022ko martxoa

Pastoral kanpaina Hona hemen ikasturte honetako Pastoral Kanpainako bigarren hiruhileko kartela. Zer iradokitzen dizu? Slogan edo leloa nabarmena da: BIZIPOZEZ GAINEZKA, kolore berdez. Irudian hiru adiskideen arteko besarkada adierazten zaigu, bizkar aldetik hartutako argazkian. Lehenhiruhilekoan“elkartzea”landugenuen,bigarrenean“ITXAROPENA”eta udaberrian “zaintza” landuko dugu.

Hausterre Martxoaren 2a Hausterre eguna izan zen, Garizumaren hasiera. Inauterien ondoren berriro eskolara itzuli ginen asteazken hartan. Ostiralean, talde txikietan, Hausterre elizkizuna egin genuen. Floregako kaperan Esteban Arrietak eginiko Gurutz bidearen 14 koadroak zeuden jada ikusgai, horman eskegita. LHko neska eta mutilek Tutoretzan landutako euren oinen marrazkiak ekarri zituzten, Garizumako bideari hasiera emateko asmoan. Zer egin dezakegu zoriontsuak izateko? Eta besteei zoriontsu izaten laguntzeko? Garizuma garai indartsua da kristau egutegian. Aste Santua eta Pazko garaia prestatzeko 40 egun dira, bost aste eta erdi. Garai honetan garrantzi handia ematen diogu bihotz-berritzeari. Horretarako bidean lagungarri ditugu otoitza (egunero tartetxo bat hartuz), baraua (zentzu zabalean, kalte egiten diguna kentzea) eta limosna (besteei gure laguntza ematea, ahal dugun moduan: denbora eskainiz, tratu gozoa emanez,…) Garizumako bide on guztioi!!!

- 40 -

GURE ARTEAN 84. 2022ko martxoa

JYD UKRAINARI LAGUNTZA

Ukrainari laguntza. Salestar Misioak Otsailaren 24an Errusiako armada Ukrainan sartu zen eta gerra krudel bati hasiera eman zion Putinek. Ordutik hona, pertsona ugari hil dira gatazkan, gehienak zibilak, eta jende ugarik, bi milioi eta erdi pertsona baino gehiagok, ihes egin dute eta ondoko herrialdetan hartu dute babes, errefuxiatu gisa. Oinarrizko baliabideak beharko dira, inbasio egoera lazgarri honetan. Ekimen asko sortu dira gure gizartean, Ukrainako kaltetuei laguntzeko. Hainbat banku kontu zabaldu dira, ekarpen ekonomikoak egin ahal izateko.

Bibrka hirietan). Bereziki familiarik gabeko haurrei eskaintzen diete etxe bat aukera bat bizitzan aurrera egiteko. Gainera, 9 parrokia, 3 eskola eta 5 aisialdiko gazte zentro eskaintzen dituzte. Beraiek adierazi dutenez, Ukrainan geldituko dira guztiak, eta lehen baino ume eta familia behartsu gehiagori eskainiko dizkiete etxebizitza bat eta oinarrizko zerbitzuak. Salestarren www.salesianos.info webgunean, Ukrainako egoera orokorrari eta hango salestarren lanari buruzko informazioa zabaltzen ari dira. Ikus, adibidez, https://salesianos.info/blog/ayuda-urgente-yacogida-para-la-poblacion-refugiada-de-ucrania/ Bestalde, Ukrainatik ihesi doazen errefuxiatuen harrera egiten ari dira hainbat Salestar Komunitate, bereziki Polonian, Eslovakian,Errumanian,Moldavian,Hungarian,…EtaItalianere bai, Venezia, Catania eta Torinon. Diru eta hornidura laguntzak Poloniako salestarren bitartez iristen dira Ukrainara. Mundu guztiko Salestarrak Ukrainara laguntza bidaltzen ari dira. Erretore Nagusiak laguntza honen koordinazioa sustatu du. “Misiones Salesianas” erakundeak ondo antolatu du laguntzarako bidea. “Beharrezkoa da bakearen aldeko apustu sendoa, eta nazioarteko Eskubidea bete dadin exijentzia adieraztea. Ezin gaitezke ezer egin gabe gelditu”, adierazi du Ana Muñoz, Salestar Misioen bozeramaileak.

Azkoitiako parrokia gauza batzuk biltzen ari da, diruaz gain: umeentzat pixoihalak, haurrentzat esnea, lozakuak, … FrantziskoAita Santuak ere solidaritatea eta otoitza eskatu ditu, Ukrainako bakearen alde. 42 Salestar bizi dira Ukrainan, hamaika komunitateetan (Kiev, Leópolis,Yitomir,Dnipró,Odesa,Korostioshev,Peremysljanyeta

Guk,FloreagakoHeziketaElkarteak,otoitzeanetadiru-laguntza honetan bat egiteko aukera dugu. Hona hemen honetarako estekak. LAGUNTZA EMATEKO: https://acortar.link/wkB2fg Bizum: 38078 Mila esker guztioi

- 41 -

GURE ARTEAN 84. 2022ko martxoa

Ukraina: Bakearen aldeko otoitza Martxoaren 2an, Hausterre egunean, Eliz atarian Azkoitiako kristau komunitateak deitutako elkarretaratze isila eta otoitz laburra izan ziren, Ukrainaren eta bakearen alde, arratsaldeko elizkizunaren ondoren. “Gerrarik ez, Ukrainako herriarekin bat” lelopean elkartu ziren ehundaka pertsona eliz atarian. “Gerrarik ez!” zioen pankartaren bueltan elkartu eta bost minutu inguruko kontzentrazio isila egin zuten, kandelak piztuta. Amaieran, “Egin gaitzazu pakearen zerbitzari” abestia kantatu zuten.

HARATEGIA Karpos frutategia Ibaiondo kalea, 16 - TLF: 943 85 28 96

- 42 -

- Iñigo Urbistondo Trenbidearen Zumardia, 5 behea • 20720 AZKOITIA (Gipuzkoa) Tel.: 943 02 50 66

GURE ARTEAN 84. 2022ko martxoa

Salestar boluntzariotza 2022komartxoaren5eaneta6an,Astudillon(Palentzia)Santiago el Mayor Inpektoriako Boluntario Misiolari Salestarraren hirugarren prestakuntza-jardunaldia egin zen. Topaketak hainbat hiri eta Salestar etxetatik iritsitako 31 boluntario bildu zituen: Arevalo, Deustu, Azkoitia, Estrecho, Puertollano, Aranjuez, Salamanca, Ciudad Real, Alcala de Henares, Parla, León, Valladolid, Soto del Real,… Misioetako Prokura eta Gazteak eta Garapenako Formazio taldekoekin batera. Azkoitiatik Igor Ignacio Floreagako irakaslea izan zen partaideen artean. Boluntarioak Salestar Komunitatearin biziko dira udan, eta horregatik garrantzi handia eman zitzaion norberaren “izaera” salestarrari, eta gure heziketa zerbitzu eta estiloari.

Gainera, Boluntarioak biziko diren herrialde eta komunitateetan inkulturazioak duen garrantziaz ere aritu ziren. Lan egingo duten misiolariengandik behatzeko eta ikasteko jarrera baloratu zen, baita Pastoral Hezkuntza Proiektua bizi ahal izateko jarrera ere. Boluntario bakoitza udako egonaldia non egingo duen ere aztertu eta banatu zen: Destinoak hauek dira: Mexikon bi presentzia,Angola, Ekuador, Bolivia, Peru, Kolonbia eta Guatemala. José Carlos Sobejano, koordinatzaileak, voluntario bakoitzarekin hitz egin eta destinoak banatu ziren. Igor Mexiko aldera joango da, Ciudad Juarez hirira. Onena opa diegu guztiei, bereziki Igorri.

- 43 -

GURE ARTEAN 84. 2022ko martxoa

KIROLAK

Denis Galarza Denis Galarza Gipuzkoako kadete mailako txapeldun geratu zen Ataunen, urtarrilaren 2an. Zorionak!!

Julen Etxaniz Julen Etxaniz Lizarrako Txapelketan Azpitxapeldun izan zen Infantil (2009) mailan, 18-12 galdu zuen Hernaniko Osesen aurka. Malerrekako Pilota Txapelketako finala jokatu zuten martxoaren 5ean Julen Etxaniz eta Jon Arregi Oteizako kideek, eta haiek txapela etxeratzea lortu zuten. Izan ere, 18 eta 2 irabazi zuten Oiartzungo bikotearen kontra jokatutako neurketa. Martxoaren 12an Zizur Nagusiko Lau eta erdiko txapelketan irabazle izan zen bere adinekoetan. Errioxako Naiarako Paraguayo pilotaria hiru tantotan utzi zuen finalean.

aloña larrañaga optiko optometrista julio urkijo, 8 tel. 943 85 25 11 - 44 -

20720 azkoitia gipuzkoa

GURE ARTEAN 84. 2022ko martxoa

Zubiaurre Igeri Elkartea Urtarrilaren 24an Zubiaurre Igeriketa Klubeko senior, junior eta infantil mailako mutilen taldea, tartean Eneko Larrañaga, bigarren postuan sailkatu zen Gipuzkoako Kopa sariketan, Tolosaldea IKT-ren atzetik. Nesken taldeak ere lan bikaina egin zuen, laugarren postua eskuratuz. ZORIONAK DENEI!!!!!!

Eskola kirola 2021-2022 ikasturteko eskola kirola ere ez da izaten ari nahi genukeen bezalakoa. Gogoan ditugu, hala nola, herriko beste ikastetxeekin batera egiten genituen mendi irteerak, bailarako beste herrietako ikasleekin antolatutako atletismo edo herri kirol saioak, saskibaloi zein futboleko partidak Floreagako elastikoarekin… hala ere, eta bakoitza bere taldetxoarekin baldin bada ere, ikasleek ariketa fisikoa egiteko eta kirol modalitate ezberdinak ezagutzeko lanean ari gara.

- 45 -

GURE ARTEAN 84. 2022ko martxoa

Orain arte, asteburuetan eskaini ditugun kirolak hauek izan dira: mendizaletasuna, igeriketa, eskubaloia, futbola, saskibaloia, esku-pilota, txirrindularitza, herri kirolak eta tenisa. Guztietan, udaletxeaz gain, kirol horietan espezializatuta dauden talde edo kirol elkarteen laguntza izan dugu: Txerloia Tenis Kluba, Peña Elorza eta Jokin Ormaetxea txirrindularitza taldeak, Herri Kiroletako federazioa, Iraurgi SB, CD Anaitasuna, Anaitasuna Mendi Bazkuna, Munoandi Eskubaloi Elkartea, Zubiaurre Igeriketa Elkartea eta Oteiza Pilota Elkartea. Eskerrik asko talde guztiei ikasleei kirol hauetan lehenengo pausoak emateko aukera luzatzeagatik eta eskainitako denboragatik. Lehen aipatu bezala, aurten ere, kirol saioetako segurtasuna bermatzeko neurri nagusiena gelako talde egonkorrak mantentzea da. Hau da, maila bakoitza talde bat da eta ez dago nahasketarik. Momentuz, horrelaxe jarraituko dugu ikasturte honetan. Dena den, argi daukagu ikasleak osasuntsu hazteko, harremanak egiten ikasteko, kirol kulturan hezteko, euskaraz jarduteko eta bere osotasunean haurren garapenerako, ezinbestekoa dela kirola egitea adin horietan, beraz, hau bermatu beharra daukagu. Datorren ikasturtera begira jarriz, normaltasunera eta pandemia aurretiko eskola kirol formatura bueltatzea espero dugu. Mikel Pastrian

- 46 -

GURE ARTEAN 84. 2022ko martxoa

BERTSOAK

Julene Iturbe Julene Iturbe Epelde bertsolari azkoitiarrak irabazi zuen Euskal Herriko bertsolari gazteentzako XXI. Abra Saria, Getxon (Bizkaia), Algortako Azebarri kultur elkartean, otsailaren 11n. Martxoaren 5ean Bilboko Zirika herri gunean aritu zen bertsotan beste hiru lagunekin batera, “Bertso errondan”. Martxoaren 24an Bilboko 7Katu Gaztetxean jokatuko den finalerako sailkatu zen Julene. Martxoaren 13an, igandean, Azkoitiko Udalaren Berdintasun sailak Floreaga Ikastetxeko On Bosco aretoan antolatutako “Ez da kasualitatea” bertso saio musikatua izan zen, martxoaren 8aren bueltan. Oholtzaren gainean lau emakume bertsotan: Maddalen Arzallus, Alaia Martin, Oihana Iguaran eta etxeko bertsolaria, Julene Iturbe. Gai-jartzailea ere emakumea, Eresti Oiarbide; eta musikariak Gari Otamendi biolinarekin, eta Araitz Bizkai gitarrarekin. Bertsozaleek erantzun polita eman zuten; aretoa ez zen bete, baina eserleku asko bai. Saio bikaina izan zen.

- 47 -

GURE ARTEAN 84. 2022ko martxoa

Naia Arrizabalaga Urtarrilean, Mungian (Bizkaia) antolatzen duten bertso paper lehiaketaren XXIV. edizioan izan zen saritua Naia Arrizabalaga bertsolari azkoitiarra, gazteen mailan. “Hasieraren amaiera” izenburuko bertso sortarekin San Antontxu XXIV. bertso paper lehiaketan gazteen mailako bigarren saria eskuratu zuen Naiak. Haren aurretik, lehen saria, Izaro Bilbao mungiarrak eskuratu du “Argitik itzalera” izenburuko bertso sortarekin. Martxoaren 13an XI. Erniarraitz Sariketako bigarren saioa izan zen, Zestoako Kultur Etxean. Aitor Tatiegi, Naia Arrizabalaga, Garazi Navarro, Imanol Albizu, Aimar Sorazu eta Oihana Arana aritu ziren kantuan. Oihana izan zen irabazlea eta hurrengo fasera igaro zen. Naiak aurreneko sariketa zuen. Jauzi dezentea dago Eskolartekotik eta antzeman egiten da, baina Naiak badu berezko bertutea aurrera egiteko kikildu gabe.

1915ean ERAIKIA ESTACIÓN DE SERVICIO

AZPEITIA - AZKOITIA, S.L.

Martin Deuna, 3 • 20720 AZKOITIA (Gipuzkoa) Tel. / fax: 943 85 14 07

%2ko deskontua gure txartelarekin - 48 -

GURE ARTEAN 84. 2022ko martxoa

JAIKI Gabonetako tailerrak izan zuen harrera ikusirik, negua amaitu aurretik beste eskulan tailer bat egin genuen, otsailaren 19an, larunbatean. Oraingoan, bi eskulanekin osatu genuen eguna. Alde batetik erabilera anitzeko kristalezko potetxoak apaindu genituen decopatch teknika erabiliz. Bestetik, gure irakurketarako baliagarri diren, orri muga pertsonalizatu batzuk apaindu genituen norberen irudimenari bidea libre utzita. Pandemiaren egoera kontuan izanda, momentuz tailerrak LH1-8-3 mailetara bakarrik eskaini ahal izan ditugu. Baina ea laster kurtso gehiagotara zabaltzeko modua dugun eta beste mota batzuetako ekintzei ere tartetxo bat egiten diegun.

- 49 -

GURE ARTEAN 84. 2022ko martxoa

MOTZEAN

Patioa martxan Otsailaren erdi aldean, Haur Parkerako bidea garbi gelditu zen. Urte batzuetan hor izan ditugu aldamioak eta tunela, etxe berriak egiten ari ziren bitartean inongo istripurik gerta ez zedin jarritako babesa. Bestalde, goiko patioan ere kendu da etxe berrien

eraikuntzarako jarri zen egurrezko hesia. Zementuzko hesiak mugatzen du patioa, eta sare bat jarri da baloiak etxearen kontra joan ez daitezen. Toki asko berreskuratu dugu. Martxoaren 14an, jolas orduan, goiko patioko futbol kanpoan berriro ere gelen arteko futbito partida bikaina ikusteko aukera izan genuen, bi urte luzeren ondoren.

Munibe Arkeologia Taldea Otsailaren 9an, DBH1kook Munibe Arkeologia Taldekoen bisita jaso genuen. Aurretik Geografia eta Historiako klaseetan historiaurrea landu genuen eta beraien bisitak Urola bailarako lehen biztanleak nola eta non bizi ziren imajinatzen lagundu zigun. Gainera, garai hartako tresna,

- 50 -

erremienta eta harriak ekarri zizkiguten eta esku artean ibili genituen, historiaurreko gizakiak bagina bezala. Oso hitzaldia interesgarria eta aberasgarria izan zen. Iosu Irizar

GURE ARTEAN 84. 2022ko martxoa

Txirrindularitza saioak Txirrindularitzako federazioaren eskutik, Lehen Hezkuntzako 5 eta 6. mailek, aukera paregabea izan zuten kirol honetaz gozatzeko eta ikasteko, otsailaren 11tik 17ra. Federazioko bi monitorek antolatu eta aurrera eman zituzten gela bakoitzak jaso zituen bi saioak. Saio hauek, gorputz hezkuntza ikasgaitik antolatu ziren, hain zuzen honako helburu hauekin: bizikletan ibiltzen ikasteko aukera eskaintzea, ibiltzen zekiten ikasleen trebetasunak hobetzea, kirol honekiko harremanak estutzea eta egunerokotasunean bizikleta gehiagotan ibiltzeko ohiturak bultzatzea. Amaitzeko, ikasleek oso gustura ibili ziren eta asko ikasi eta gozatu zuten. Jon Urresti

- 51 -

GURE ARTEAN 84. 2022ko martxoa

LH2 - Arangoitira goiz pasa Otsailaren 10ean goizko irteera bat egin genuen landareen erreinua ikasteko asmoz. Lehen Hezkuntzako 2.mailako bi gelek egin genuen irteera. Arangoiti aldera abiatu ginen eta inguruan ditugun zuhaitz motak ezagutu genituen. Landareen sailkapena ere egin genuen. Hamaiketakoa jan eta naturan jolasean ibili eta gero, ikastetxera itzultzeko ordua iritsi zitzaigun. Beste irteera bat egiteko gogoz geratu giñen!! Mónica González

Anaitasuna Mendi Bazkuna Otsailaren 10ean, Anaitasuna Mendi Bazkunak emanaldi bikaina eskaini zuen Floreagako On Bosco aretoan. Adolfo Madinabeitia mendizale ospetsuak Patagonian egindako hainbat eskalada saiori buruzko dokumental zoragarria proiektatu zuen eta, jarraian, ikusleekin elkarrizketa interesgarria izan zen-

- 52 -

GURE ARTEAN 84. 2022ko martxoa

Trikuharrien itzulia Aspaldi agertu zuten DBHko ikasle batzuek Elosu aldeko Trikuharrien Itzulia egiteko asmoa. Eta otsailaren 26an, larunbatez, bira hori egin genuen, PR-Gi24 bidea jarraituz, DBH4ko ikasle eta irakasle talde txiki batek. Kotxez joan ginen Elosua aldera, Santutxura. Handik Agarreburu mendiko tontor eta antenara igo ginen pistaz. Hantxe ondoan aurkitu genuen ibilaldiko lehen trikuharria: Agarreburu. Trikuharri honetan oso ondo gorde dira harlauza handiak. Orain urte gutxi dena sasiak janda zegoen, baina orain ikusteko moduan dago, eta erdiko ganbara burdinez aseguratuta dago. Handik Elosumendi edo Keixeta tontorrera bidean, Frantsesbaso trikuharria ikusi genuen. Lurra jasota dago eta indusketa lana nabaria da. Keixeta tontorretik behera, Maurketa tumuluaren eta Leipago tontorraren albotik igaro ginen. Segituan iritsi ginen Keixetako Egiya trikuharrira. Oso ondo nabarmentzen da nola eraikitzen zituzten hildakoentzako harri pila hauek eta ganbera oso ondo zainduta dago.

Aldapa gogortu egin zitzaigun Hirukurutzeta tontorrera zuzenean igotzerakoan. Mokadu bat jan eta aurrera egin genuen. Hirukurutzetako trikuharria bisitatu genuen; benetan handia da, agian inguruan handiena. Gero Harribiribileta izeneko zutarria ikustera eta ukitzera hurbildu ginen. Handik Kurutzebakar tontorrera jarraitu genuen. Hantxe bertan dago izen bereko tumulua. Jarraian, Karakateko bidea utzi eta Osintxu aldera jaisten hasi ginen. Berez beste trikuharri mordoska bat ikusiz Soraluzeraino joan daiteke. Aizpuruko Zabala trikuharria eta ustezko elur-zulo bat ikusi ondoren, Azkonako Haitzak izeneko mendi tontorrera igo ginen. Handik Pol-pol iturrira segitu genuen. Keixetatik Elosuko Santutxura iritsi ginen pistaz. Aukera bikaina izan zen gure herriaren historiaurreko ondarea pixka bat hobeto ezagutzeko. Eta, nola ez?, elkarrekin une ederra igaro genuen Etxezan Mirariren albondigak dastatuz.

- 53 -

GURE ARTEAN 84. 2022ko martxoa

Selma “Selma” (Ava DuVernay, 2014) drama film estatubatuarra da. Selmatik Montgomeryra egin ziren beltzen boto eskubideen aldeko martxetan oinarrituta dago. Martin Luther King Jr. da protagonista nagusia. Common rap kantariaren “Glory” abestiak Oskar saria jaso zuen. Dbh4n ikusi da Erlijioko ikasgaiaren barruan. Hona hemen Intza Garatek blogean idatzitako iruzkina.

oraingo honetan zuriak eta beltzak batera zeuden; beste aldean, berriz, militarrak. Hauek separatzeko agindua jaso zuten eta bidea ireki zioten baina Martin atzera bota eta azkenean, ez zuten zeharkatu. Beste guztiak haserretu egin ziren, aukera bikain bat galdu zutela pentsatuz. Zuri batzuk hil egin zituzten beltzen alde agertu zirelako. Martinek nahi zuena boto eskubidea lortzea zen, ondorengoei mundu hobe bat uzteko. “Tenemos que votar, no manifestarnos” esaldiarekin garbi utzi zuen beraien helburua. Biktimak auzietara joan ziren eta manifestua onartu zitzaien. Boto eskubidea lortu nahi zuten eta tratu txarrekin amaitu. Goi-karguetakoek uste zuten beltzak inoiz ez zirela asebete sentitzen. Hala ere, lege bat onartzea lortu zuten barrerak kentzeko (boto eskubidea onartuz). “No pensaré en lo que quiero hoy, pensaré en lo que quiere Dios” esaldia ere esan zuen. “SELMA” pelikulan Martin Luther King Jr.-en bizitza kontatzen da. “I have a dream” hitzaldia eta Bakearen Nobel Saria jaso ondorengo bizitza eta borroka (biolentziarik erabili gabe). Bere bizitzan zehar hainbat hitzaldi eman zituen beste beltz batzuen aurrean. Guztiak injustiziei eta betetzen ez diren eskubideei buruz (boto-eskubidea). Johnson Presidentearekin ere hitz egiten du. Etxe zurira ere joaten da. Hainbat esaldi interesgarri esaten ditu: “No viviremos la vida plenamente si no estamos dispuestos a morir por los que queremos”. Esaldia hau berak eman zuen bigarren hitzaldian, poliziak gizon bat tiroz hil ondoren. Beti hiltzeko beldurrez bizi ziren, oso gertu ikusten zuten heriotza. Hori dela eta, bere emazteak honako esaldi hau esan zuen: “No puedo acostumbrarme a al muerte, a la cercanía de la muerte”. Borrokak irauten zuen bitartean, poliziak Martin Luther King Jr. ikertu zuen: telefono deiak, bisitatzen dituen lekuak... guztiak ze ordutan gertatzen diren kontuan hartuta. Hainbat manifestu ere egin zituzten beraien eskubideen alde. Manifestu baten ondoren, beltz asko kartzelan sartu zituzten. Selmatik Montgomeryra joan nahi zuten boto eskubidea bermatzeko. Horretarako, zubi bat igaro behar zuten. 500 beltz baino gehiago elkartu ziren. Tartean jende asko hil zen eta zauritu asko egon ziren. Oso irudi gogorrak iruditu zaizkit. Zubiaren beste aldean, zuriak “¡Fuera de aquí!” deiadarka zeuden. Beste martxa bat ere egin nahi zuten. Horretarako akordio bat eskatu zion presidenteak, martxa atzeratu behar zuen baina hark ez zuen onartu eta indikatu ez bezala, martxa aurrera atera zuen. Berriro zubi berdinean zeuden, baina

- 54 -

Azkenean, guztiak batera zubia zeharkatzen agertzen dira. Oso pozgarria iruditzen zait momentu hori ikustea. Izan ere, amaieran agertzen denez, 13 urteko borroka bat izan zen, oso gogorra. Zoritxarrez, 39 urterekin soilik hil zuten M. L. King. Iritzia: Filma, orokorrean gustatu zait. Nahiko interesgarria iruditu zait jakitea boto eskubidea lortzeko egin behar izan zuen guztia. Hitzaldi, zein manifestazioak. Oso gogorra egin zait, ordea, jasaten zituzten tratu txarrak ikustea. Batzuetan ez ditugu kontuan hartzen dauzkagun eskubide guztiak eta ez litzateke gaizki egongo besteen azalean jartzea gure bizitza baloratzeko. Horrelako pelikulak horretarako balio dutela esango nuke. Intza Garate (DBH4B)

GURE ARTEAN 84. 2022ko martxoa

Eskola lanak

Jolasak

Oraingoan, AIREAri buruz egindako kartela dugu ikusgai. Kartelean airearen hainbat osagarriren zikloa aurkezten da.

LABIRINTOA Zer bide egingo dute Josek eta Mariak Jesus aurkitzeko?

- 55 -