Gure Artean 75

2019ko apirila Nº

75

Zkia.

• Haur Eskola • Inauteriak • On Stefano Martoglioren bisita • IGE: San Jose eguna

GURE ARTEAN 75. 2019ko apirila

ERREDAKZIOA eta LAGUNTZAILEAK Juan Inazio Sudupe

Agurra............................................................................................................. 3

David Villahoz

Eguberrietako kronika.................................................................................... 4

Zezilio Salas Koldo Gurrutxaga Koldo Calvo On Stefano Martoglio Mikel Pastrian Ane Aranbarri Albizuri Xabier Arenaza Yara Duran Itsas Salbamendua

Joanes Karrera irabazle............................................................................. 4 San Jose egoitzan..................................................................................... 4 Olentzero................................................................................................... 5 Mariskada.................................................................................................. 5 Erregeak.................................................................................................... 6 Gabon Kanten emanaldia.......................................................................... 7 Gabon egunean kantari............................................................................. 7 On Stefano Martoglio..................................................................................... 8 Mikel Pastrian............................................................................................... 10 Ane Aranbarri Albizuri................................................................................... 12 Xabier Arenaza............................................................................................. 14

Nerea Machado

Yara Duran................................................................................................... 16

Iñaki Arakistain

On Bosco Jaiak 2019................................................................................... 18

Marea Urdina Hodei magoa Haur Eskola eta Haur Hezkuntzako hezitzaileak Cristina Garate

Itsas Salbamendua.................................................................................. 19 Iñaki Arakistain – Drangnag-Ri................................................................ 20 Marea Urdina........................................................................................... 21 Hodei Magoa............................................................................................ 22 Floreagako Ikasle Ohien Festa................................................................ 22

Maria Arenas

CCS. OB marrazki lehiaketa.................................................................... 23

Lorea Arenas

Santa Eskea Floreagan................................................................................ 24

Ana Ruiz de Azua Iosu Irizar

Haur Eskola.................................................................................................. 25 Haur Hezkuntza............................................................................................ 26 Inauteriak...................................................................................................... 28

Mailu Irizar

Martxoaren 8a.............................................................................................. 30

Ama Alberdi

San Jose: Gurasoen Festa........................................................................... 31

Olatz Gabilondo

Martxoak 21: Down Sindromea.................................................................... 32

Joanes Karrera Alberdi Amets Karrera Alberdi Mª Axun Epelde

Apirilak 2: Autismoa...................................................................................... 33 Ipuin Lehiaketa............................................................................................. 34 JyD: Gazteak eta Garapena......................................................................... 37 Eskola Agenda 21........................................................................................ 38

Ane Etxeberria

Usurbilgo Lanbide Eskola: Argitu programa............................................. 38

Manex Platero

Kontsumo tailerrak................................................................................... 39

Eguzkilore Solidaritate Taldea Roxali Sarasua

Baratza..................................................................................................... 39 Talorik nahi?............................................................................................. 40 Ureztatze patruila..................................................................................... 40 Patruila berdea......................................................................................... 40

Joakin Sudupe

Herri diagnostikoa.................................................................................... 41

Alai Batzako monitoreak

Flysch....................................................................................................... 42

Maxixatzen Azkoitiko Udala: komunikazio arloa Anaitasuna Mendi Bazkuna

Horma eta Urola dokumentala................................................................. 42 Alai Batza..................................................................................................... 43 Kirolak.......................................................................................................... 46 Motzean........................................................................................................ 50

Ipuin Lehiaketako idazleak

Amets Karrera: Azterkosta saria.............................................................. 50

CCS lehiaketako marrazkilariak

Agustin eta Ali: Zesatek? saria................................................................. 50

Argazkien emaileak Floreagako lankide, guraso eta ikasleak

-2-

ÍNDICE / AURKIBIDEA

DBH1: Zelulak.......................................................................................... 50 Azkoitia-Azpeitia Maratoi erdia................................................................ 51 LH3: Udaletxea ezagutzen ...................................................................... 51

GURE ARTEAN 75. 2019ko apirila

AGURRA Oraindik gogoan ditugu Eguberrietako jaiak, San Sebastianetako Danborrada, On Boscoren festa eta Inauterietako ospakizunak… Hiruhileko luze honen amaierara iristen ari gara pixkanaka, Aste Santuko oporretara. Martxoan On Stefano Martoglioren bisita izan genuen, Erretore Nagusiaren izenean etorri zen guregana On Stefano, Salestarren Mediterraneoko nazioen Erregionala. Floreaga eskolako lankideei hitzaldi labur bat eskaini zien, Alai Batzako eta IGEko kideekin bilerak egin eta eskolako gaztetxo eta umeei Egun Onak eman zizkien, batez ere solidaritatea azpimarratuz… Gainera, Azkoitiko Alkate jauna eta Erretore jauna bisitatzeko hitzorduak izan zituen. Salestar Kongregazio osoarekin batasun zeinu bat izan da. San Jose egunean, gure ikastetxearen eta Guraso Elkartearen jaia ospatu genuen. Gurekin izan zen On Juan Carlos Perez, gure Probintziala. Urte-garai honetan zehar hainbat sentsibilizazio egun berezi izan ditugu: Martxoaren 8an emakumearen eskubideen ospakizuna eta eskakizunekin bat egin dugu. Martxoaren 21ean, Down Sindromearen nazioarteko egunean, kolore desberdinetako galtzerdiak jantzi eta eskegi genituen. Apirilaren 2an Marea Urdina mugimenduarekin bat egin dugu, autismoa dutenen alde eguna urdinduz… Aurrera doaz gure EA21eko ekintza ugari eta aberasgarria. Oporren usainean, oraindik Korrika, Korrika Txikia, Alai Batzaren Kantaldi - Jaialdia eta DBHkoen Ikas bidaiak ditugu aurrean. Festa eta jaiez gain, eguneroko eskolako lana aurrera doa, orduz-ordu, egunez-egun pixkanaka egiten den lan garrantzitsua: ikastea, adi egotea, ahalegintzea, ondokoak errespetatzea, elkar laguntzea, elkarrekin aurrera egitea… Hausterre egunean hasi genuen ibilbidea Aste Santua eta Pazkoa badatoz… Maitasun eta itxaropen egunak dira. Gure maitasunez bere bizia eman zuen Jesusen bizitza, heriotza eta piztueraren ospakizuna. Aleluia!! Ondo pasa oporrak!!!

Todavía guardamos en nuestra memoria las fiestas de Navidad, la Tamborrada de San Sebastián, la fiesta de Don Bosco y la celebración de los Carnavales… Este largo trimestre está llegando a su fin. Las vacaciones de la Semana Santa llaman a nuestra puerta. Don Stefano Martoglio nos visitó en nombre del Rector Mayor de los Salesianos en el mes de marzo. Es el Regional encargado de la zona del Mediterráneo. Tuvo una charla a los educadores de Floreaga, en un momento de acción de gracias; mantuvo reuniones con los monitores de Alai Batza y padres de la IGE, habló a los niños y jóvenes de Floreaga en los Buenos Días y subrayó la necesidad de la solidaridad. Además visitó al Sr. Alcalde y Sr. Párroco de Azkoitia. Han sido unos días de unidad con toda la Congregación Salesiana. El 19 de marzo celebramos San Jose, la fiesta de Floreaga y de la IGE-AMPA. Tuvimos la alegría de recibir entre nosotros a D. Juan Carlos Pérez, Provincial salesiano. En estos meses hemos celebrado varias jornadas internacionales de sensibilización especial. El 8 de marzo nos unimos a la fiesta y la reivindicación de los derechos de la mujer. El 21 de marzo, en el día internacional del Síndrome de Down, nos pusimos calcetines de colores diferentes y los colgamos en varios sitios de la escuela. El 2 de abril nos hemos unido a Marea Urdina en la sensibilización en torno a las personas autistas, tiñendo el colegio de azul… Nuestras actividades en torno a la Eskola Agenda 21 siguen su rumbo… En las vísperas de las vacaciones, nos esperan la Korrika, Korrika Txikia, la Kantaldi – Jaialdia de AB y los viajes de estudios de la ESO. Además de las fiestas y celebraciones, seguimos trabajando hora a hora, día a día, en la labor escolar de cada día. Este trabajo cotidiano, pausado, es esencial para nosotros. Cada día aprendemos, estamos atentos, nos esforzamos, respetamos a los demás, nos ayudamos mutuamente, caminamos juntos hacia adelante… El camino que comenzamos el Miércoles de Ceniza sigue adelante y la Pascua está a punto de llegar. Es un tiempo de amor y esperanza: la celebración de la vida, muerte y resurrección de Jesús, que se enregó por todos en la cruz. Aleluya!! Felices vacaciones!!

Juan Inazio Sudupe. Komunitate Zuzendaria. -3-

GURE ARTEAN 75. 2019ko apirila

EGUBERRIETAKO KRONIKA

Joanes Karrera irabazle Joanes Karrerak (DBH1) irabazi zuen abenduko Artxamendi Gazte Topalekuko eguberrietak oporretako ekintzen kartel lehiaketa. Zorionak!!!

San Jose egoitzan Floreagako LH4Ako neska eta mutilak San Jose Egoitzan izan ziren, Eguberri bezperatan, abenduaren 18an. Jaialdi – omenaldi xume bat eskaini zieten Egoitzako pertsonei.

-4-

GURE ARTEAN 75. 2019ko apirila

Olentzero Abenduaren 20a, egun handia izan zen Floreagan. Haurrak urduri zeuden Olentzeroren bisita espero zutelako eta arratsaldeko 15.00tan ikazkina, pipa hortzetan zuela, eskolan sartu zen haurrak ezagutzera.

Oooooh‌ luze eta emozioz betea zen. Gabon-kantak abestu ondoren, eurek idatzitako gutunak eman zizkioten eskura. Lan asko zuela esanez joan zen gure Olentzero maitea.

Mariskada Abenduaren 24an Floreagako IGEko mariskada bikainaren zozketa egin zen. Borja Maruri eta Alazne Esnaola izan ziren saridunak. Zorionak!!!

-5-

GURE ARTEAN 75. 2019ko apirila

Erregeak Aurten ere, Erregeak izan ditugu gure artean. Abenduaren 21ean, goizeko hamarrak alderako Baztartxora hurbildu zaizkigu han bildu garenon dantzak, bertso eta abestiak ikusi eta entzutera. Banan-bana gure eskutitza eman diegu eta beraiek trukean goxokiak eman dizkigu-

ConsultorĂ­a informĂĄtica Open source - Software libre Informatika aholkularitza Tel. +34 677 93 42 59 - +34 943 02 69 02 anajuaristi@avanzosc.es - www.avanzosc.es Julio Urkijo 34 - Azkoitia

-6-

te. Bukaeran gure EKARRIKO!!!! ozen entzun dutenez, ea zer moduz portatzen zaizkigun. LH 3, 4, 5 eta 6koak ez dira atzean geratu. Hauek On Bosco antzokian bere jaialdia izan dute. Gabon kantak, sari banaketak, denetik izan dute.

GURE ARTEAN 75. 2019ko apirila

Gabon kanten emanaldia Abenduaren 22an, igande eguerdian, hainbat lagun bildu ziren Baztartxo antzokian, Floreaga Salestar Ikastetxeak antolatzen duen gabon kanten emanaldiaz gozatzeko. Aurtengoa XXIX. edizioa izan da, eta aretoa jendez goraino bete da.

Jaialdiari bukaera emateko, guztiek batera abestu dute Azkoitiko Miguel Mari Azpiazu konpositoreak sortutako ‘Gabonak Gabon’ kanta. Bestalde, herriko kaleetan ere gabon kantak entzuten dira bozgorailuetatik; gabon giroa usain­ tzen da nonahi.

Gabon egunean kantari Goizeko 9:30ean bueltan, eta Balda plaza topaleku­ tzat hartuta, umoretsu hasi dugu ibilbidea. Urtero legez, lehen geldialdia Zaharren Egoitzan. Goiza aurrera zihoan heinean, indarrak berreskuratzeko Plaza Berriko elkartean izan dugu hamarretakoa.

Eta gaurkoan gainera, kategoriazko gonbidatuak izan ditugu, ikastetxetik luzatu zen deialdiari jarraituz etorri zareten guraso, ikasle, ikasle ohi eta irakasle guztiak! Mila esker guztioi!

-7-

GURE ARTEAN 75. 2019ko apirila

ON STEFANO MARTOGLIO Martxoaren erdialdean Gipuzkoan ibili da On Stefano Martoglio salestarra, bertako Salestar komunitateak bisita­ tzen, Erretore Nagusiaren izenean.

Intxaurrondo pare bat egun igaro ondoren, Urnietako komunitatea bisitatu du; Donostian egin dio bisita On Jose Ignacio Munilla Gotzainari. Martxoaren 7 eta 8an Azkoitiko komunitatea eta Floreaga Ikastetxea bisitatzen ari da.

On Stefano Salestarren Kontseilu Nagusiko kidea da. Bere ardura da Europako Hegoaldeko Salestar Probintzien koordinazioa: Espainiako bi probintziak, Portugal, Italia, Grezia, Ipar Afrika eta Ekialde Hurbila (Siria, Libano, Palestina, Israel, Iran, Irak, Egipto, Libia, Maroko) eta Balkanetako Salestar probintziak.

-8-

On Stefanoren bisitaren helburua erlijiosoa da gehienbat: Salestar komunitate eta anaia bakoitzarekin hitz egitea, eta misioa indartzea. Aukera baliatu du Floreaga eskolako lankideei hitzaldi labur bat eskaintzeko, Erretore Nagusiaren izenean eskerrona adierazteko, eskolako gaztetxo eta umeei Egin Onak emateko, batez ere solidaritatea azpimarratuz… hainbat irakaslerekin hitz egiteko… Gainera, Azkoitiko Alkate jauna eta Erretore jauna bisitatzeko hi­ tzorduak izan ditu.

Salestar komunitateak eta ikastetxeak asko eskertzen dute bisita hau. Salestar Kongregazio osoarekin batasun zeinu bat da, eta animo asko eman dizkigu gure ebanjelizatze eta eskolako heziketa lana aurrera eramaten gogotsu jarraitzeko.

GURE ARTEAN 75. 2019ko apirila

Don Stefano Martoglio ha visitado las comunidades salesianas de Gipuzkoa en nombre del Rector Mayor a principios de Marzo de 2019. Tras la visita a Donostia y a Urnieta (que incluyó una visita de cortesía a Mons. José Ignacio Munilla), ha pasado dos intensos días en la casa de Azkoitia.

Además de hablar con la comunidad salesiana y con cada hermano, ha mantenido reuniones con el Claustro de Floreaga, los animadores de Alai Batza y a algunos miembros de la Junta de AMPA… siempre en actitud de escucha. El viernes 8 hablón en los Buenos Días a los chicos y chicas de DBH-ESO y de Primaria. Tuvo encuentros con el Director Pedagógico del colegio, con el Sr. Alcalde de Azkoitia y con el Sr. Párroco. Hemos vivido su visita como un don de Dios, fuerza para continuar mejorando en nuestra vida comunitaria y en nuestro servicio educativo y evangelizador. Muchas gracias!!!!

Etxeko sukaldaritza

-9-

GURE ARTEAN 75. 2019ko apirila

MIKEL PASTRIAN Azken urteetan Floreagan irakaskuntzan ari da Mikel Pastrian. Galdera ­batzuk egin dizkiogu aldizkarirako.

Nor da Mikel Pastrian?

Noiztik Floreagan irakasle? Zer ikasgai ematen dituzu?

Haurtzaroa bizitzako etapa eder bat da eta oso zoriontsua nintzela esango nuke. Aparteko ardurarik gabe, lagunekin futbolean ondo pasatzea besterik ez nuen buruan. Lagunekin zein familiarekin bizitako oroitzapenak ahaztezinak dira.

Nola ikusten duzu Floreaga lantzen ari den Konfiantzaren Pedagogia?

Mikel 26 urteko mutil azkoitiar bat da, Floreaga ikastetxeko irakaslea eta Anaitasuna futbol taldeko jokalaria. Bere lanbidea zein zaletasunak maite dituen pertsona eta batik bat, maite duen jendearekin egotea, bidaiatzea, ondo pasatzea‌ gustuko duena. Txikitako oroitzapenak

Eskolako oroitzapenak

Aurreko galderan haurtzaroan zoriontsu nintzela aipatu dut eta honek zerikusi handia dauka Floreagarekin, etapa honen zatirik handiena eskolan izan baitzen. Beti gogoratuko ditut gelan gertatutako anekdota barregarriak, oraindik ere batzuk komentatzen ditugu lagun artean. Ezin ahaztu Alai Batzan lagun zein monitoreekin pasatutako ordu mordoa: ping-pong partidak, saskibaloi zein futbol txapelketak, karaokea, play stationa‌ ez ginen aspertzen. Floreagak haurtzaroko eta beraz, bizitzako zati handi bat hartzen du nire bizitzan.

- 10 -

Bi asteko ordezkapen labur bat egin ostean, 2015-2016 ikasturtean hasi nintzen irakasle lanetan. Jadanik, ia konturatu gabe, hirugarren ikasturtea da aurtengoa. Hizkuntza berriak asko erakartzen ninduten eta atzerriko hizkuntza, hau da, ingeleseko espezialitatea ikastea aukeratu nuenez ikasgai hori irakasten dut gaur egun. Bestetik, heziketa fisikoko espezialitatea ere egin nuen eta lehenago edo geroago hau ere probatzea gustatuko litzaidake.

Floreaga ikastetxeko hezkuntza komunitatea osatzen dugunontzat aldaketa handia izan da aurtengoa eta ilusioz eta gogoz hartu dugu berau. Hezkuntzak gaur egungo errealitatera moldatu beharra dauka ikasleei heziketa integrala eskaintzeko eta horrek berrikuntzak dakartza. Aurten txikienekin hasi garen arren, metodologia hau beste etapetara zabaltzea izango da etorkizun hurbileko pausoa. Oraindik lan asko dago aurretik, baina aurreraka goaz.

Kirol zalea eta kirolaria zara. Umeak entrenatzen ere aritua zara. Zein izan da zure ibilbidea? Txikitatik futbolzale amorratua izan naiz eta berdin jarraitzen

GURE ARTEAN 75. 2019ko apirila

du zaletasun horrek. Anaitasunako alebin taldean 11-12 urterekin hasi nintzen jokatzen eta oraindik ere jarraitzen dut. Hainbeste urte betiko lagunekin, hainbeste buelta Txerloira‌ familia haundi bat gara eta bizitzako momentu ahaztezin asko bertan bizi izan ditut. Gainera, lanetik deskonektatzeko eta kirola egiteko aukera eskaintzen dit. Entrenatzaile moduan ere egin ditut denboraldi batzuk, eskola kirolean zein Anaitasunan, baina momentuz futbola utzi arte ez dut berriro hasteko asmorik. Nola ikusten dituzu eskola sistemaren azken urteetako aldaketak?

Argi daukat gaur egun dagoen hezkuntza sistemak orokorrean gabezia asko dituela eta honek bide beretik jarraitzearen arrazoia hein handi batean agintariena dela ere iruditzen zait, halaxe komeni zaielako izango da. Aldaketak beraz, behetik izan beharko du. Egun erabiltzen dugun sistema aztertu eta heziketa on bat eskaintzeko moduko sistema alternatibo ezberdinak bilatzea, probatzea eta ezartzea da gure lana. Zure iritziz, zein dira Floreaga ikastetxearen gauzarik onenak, alde batetik, eta hobetu beharrekoak, bestetik? Zalantzarik gabe ikastetxe barruan daukagun familia

giroarekin geratuko nintzateke. Floreagako hezkuntza komunitatean denok ezagutzen dugu elkar, eta hori indargune haundi bat dela iruditzen zait. Bestetik, ikastetxean gaur egun garrantzitsuak diren gaiak (berdintasuna, inklusibitatea, ingurumena-Agenda21‌) lantzeko lan zein proiektu ezberdinak egiten ditugu eta hori ere alderdi onenetan sartuko nuke. Hobetzekoak ere asko daude eta hobekuntza horiek lortzeko egiten dugu lan.

TESTA Edaria: ura

Janaria: gurasoek prestatutako edozer Idazle bat: George RR Martin

Liburu bat: Oriente Medio, Oriente roto. (Mikel Ayestaran). Kirola: futbola

Pelikula: Interstellar

Aktore bat: Peter Dinklage

Aktoresa bat: Jennifer Lawrence Bidaia bat: Kroazia

Hondartza bat: jende gutxi dagoen edozein Nazio bat: Euskal Herria

Herri edo hiri bat: Herria, Azkoitia. Hiria, berriz, Copenhague. Kolore bat: beltza Urtaro bat: uda

Zaletasunak: ingurukoekin egotea, futbolean jolastea, serieak ikustea‌ Pertsonaia historiko bat: Nikola Tesla

- 11 -

GURE ARTEAN 75. 2019ko apirila

ANE ARANBARRI ALBIZURI Ane Aranbarri Floreagako ikasle ohia da. Batxilergo ikasketak amaitu ostean Alemanian bizi da. Galdera batzuk egin dizkiogu “Gure Artean” aldizkariaren 75. alerako.

Zein dira zure lagunak…?

txikitako

oroitzapenak,

familia,

Txikitako oroitzapen oso onak ditut, familia handia gara bai ama zein aitaren aldetik eta beti jendez inguratuta ospatu izan ditugu ospatu beharrekoak. Adin berdineko lehengusu bat ere badut, beraz, asko partekatu dugu txikitatik. Denbora gehiena San Martin auzoan igarotzen nuen, eskolatik irten eta segituan joaten nintzen amonaren etxera, baita batzuetan lagunak eraman ere. Gogoan ditut baita ere igandero gurasoekin eta anaiarekin Attolan egiten nituen egun pasak. Beste era batera gozatzen nuela iruditzen zait. Zein dira zure eskolako oroitzapenak?

Jende gutxiko gela izan gara beti. Floreaga amaitzean gogoan dut 16 pertsona ginela eta elkarren artean harreman ona genuela. LH-ko hainbat gauza ditut gogoan: esaera zaharrak margotzea, “punto de cruz” egitea edo denok gogoan ditugun eskola irteera zein kanpaldiak. Kurtso bukaerako jaialdia ere gustuko nuen eta ostiraletan Don Bosco aretora abestera joateagatik klaseak lehenago bukatzea ere bai. Floreaga amaitu eta agur moduan grabatu genuen bideoa zein Elkarrekin bideoa ikusten jarraitzen dut noizean behin. Floreagan ikasketak bukatu ondoren, zein ibilbide egin duzu (ikasketak eta lana)? Floreaga amaitu ostean Batxilergoa egin nuen, giza eta gizarte zientzien modalitatean. Hau amaitzean selektibitatea egin nuen nahiz eta oso garbi ez eduki zer ikasi nahi nuen. Uda eta gero Alemaniako Erlangen herrira etorri nintzen familia alemaniar batera. Alemanian bizi zara. Nola bururatu zaizu han bizitzea?

Beti izan ditut gustuko hizkuntzak eta ingelesaz gain alemana ikasi nahi nuen. Batxilergoa amaitu eta ez nuen garbi ikusten zer ikasi nahi nuen. Ez nuen nahi gustatzen

- 12 -

ez zitzaidan ikasketarik egitea, beraz, Alemaniara etorri nintzen alemana ikastera, hasieran familia alemaniar batean Au Pair bezala lanean eta gero neure kontura alemaneko klaseetara joaten. Bi urtez alemana ikasi ostean itzulpengintza eta interpretazio ikasketak hemen hastea erabaki dut. Zein izan dira Alemanian gehien gustatu zaizkizun tokiak eta beraien ezaugarriak? Bost hilabetez Erlangen herrian bizi izan nintzen, Nuremberg ondoan. Erlangen ez da oso ezaguna baina unibertsitate ezagun bat du, beraz, gazte asko bizi da bertan eta leku ona da bizitzeko. Berlin ere bisitatu nuen ikaskideekin eta beste leku batzuetan ere izan naiz baina dirudienez nire lekua Munichen aurkitu dut. Bi urte daramatzat Munichen bizitzen eta oso pozik nago. Oso hiri internazionala da eta Bavariako hiriburua denez, bavariar kultura edonon ikusi eta sentitu daiteke. Niri pertsonalki asko gustatzen zait kultura hau, nahiz eta hasieran kostatu egiten den, bi urtez ohitzeko denbora dezente eduki dut. Jende alemana jende hotza eta bihozgabea denaren mitoa gezur hutsa dela esan dezaket.

Nolakoa da zure eguneroko martxa? Nola moldatzen zara hizkuntzaren aldetik? Zara arropa dendan ari naiz lanean eta egunaren arabera dendaren irekiera edo itxiera egitea tokatzen zait. 10 hilabetez ari naiz moda munduan lanean saltzaile bezala eta gustura nago, gainera alemana erabiltzen dugu bai bezeroekin zein langileon artean eta horrek asko lagundu dit. Denbora librea lagunekin egoteko edo unibertsitatera sartzeko azterketa prestatzeko erabiltzen dut. Nola ikusten duzu Azkoitia Europako erdi aldetik?

Azkoitia oso txikia ikusten dut Munich bezalako hiri batean bizi ondoren. Baina txikitasun eta epeltasun horrek bere

GURE ARTEAN 75. 2019ko apirila

xarma du eta faltan botatzen da, horko lasaitasun eta paisaiak batez ere. Azkoitira joatea etxera joatea da beti. Zer giza balore behar ditugula iruditzen zaizu?

Nire ustez garrantzitsuena errespetua da. Beste pertsonak errespetatzeaz gain pertsona hauen ideologia, kultura eta ohiturak errespetatzea. Atzerrian bizitzeak asko laguntzen du gauza hauek ikusterako orduan. Urruti baina gertu. Sare sozialak, komunikazioa‌ nola ikusten dituzu?

internet,

Gaur egun oso erraz komunikatzen gara denok elkarrekin. Bi egunetik behin edo batzuetan egunero hitz egiten dut etxekoekin eta ez telefonoz bakarrik, bideo txata erabilita ere bai. Beraz, ez dut batere arazorik ikusten, esan bezala, urruti baina gertu.

TESTA Edaria: Garagardoa Janaria: pasta

Idazle bat: Jasone Osoro

Liburu bat: El niĂąo con el pijama de rayas Mutil izen bat: Mikel

Neska izen bat: Maite Kirola: Dantza

Pelikula: Harry Potterren guztiak Aktore bat: Alan Rickman

Aktoresa bat: Cameron Diaz

Don Boscoren festa ospatu berri dugu. Zer esaten dizu Don Bosco hitzak?

Bidaia bat: Praga

Zer ekarriko duzu Azkoitira hurrengo etorreran?

Nazio bat: Alemania

Don Bosco hitzak solidaritatea ekartzen dit burura.

Etxekoak eta lagunak ikusteko gogoa beti bezala. Deskantsatu eta pilak kargatzeko beharra. Vielen dank, dass ihr mir die MĂśglichkeit gegeben habt, meine Erfahrungen mit euch zu teilen. Machts gut!

Eskerrik asko nire esperientzia zuekin partekatzeko aukera emateagatik. Ondo izan!

Mendi bat: Xoxote

Hondartza bat: Itzurun Herri edo hiri bat: Azkoitia

Musikari bat: Gorka Urbizu Museo bat: Guggenheim Kolore bat: Beltza

Urtaro bat: Udaberria

Zaletasunak: Hizkuntzak

Pertsonaia historiko bat: Gandhi

- 13 -

GURE ARTEAN 75. 2019ko apirila

XABIER ARENAZA Xabier Arenaza Plazaola Floreagako ikasle ohia da. Informatika ikasketak egin ondoren, alor horretan ari da lanean. Azkoitiko irratian ere aritzen da. Galdera batzuk egin dizkiogu “Gure Artean” aldizkariaren 75. alerako.

Zein dira zure txikitako oroitzapenak, familia, lagunak…?

Nire haurtzaroko zati handiena Floreagako patioan igaro dut. Alde batetik, Floreagako ikaslea izan nintzelako eta bestalde, Floreagako auzokidea. Bi bider Floreagakoa naizela esan dezaket, jeje. Lagunarte polita izan dut bi inguruetan, ez naiz kexatzen. Zein dira zure eskolako oroitzapenak?

Momentu onak eta txarrak oroitzen ditut, gehienoi berdin gertatuko zaigula pentsatzen dut. Onak kontatzekotan: izebak, balkoitik jolas denboran botatzen zizkidan jakiak, Somaloko udalekuak, DBHko azken urteetako jolas denboretako elkarrizketak, eskola atarian izaten genuen komiki, musika eta bideojokuen kontrabandoa) edota Jesus Mari Mirandak, “Txubek” klase batetik kaleratuak izan ginen hiru laguni interneta zer zen erakutsi zigun lehen aldi hura… Oroitzapen tristeak ere baditut, iseka batzuk gogoan ditut eta eskola kirolean jokalari txarrok jasaten genuen bazterketa ere bai. Floreagan ikasketak 2000. urtean bukatu ondoren, zein ibilbide egin duzu (ikasketak eta lana)? Ordenagailuak atsegin nituen eta inertziaz eta konturatzerako, informatika ikasketak burutuak nituen Ibaetako Informatika Fakultatean. Karrera amaierako proiektua Tecnalian egin nuen eta ordutik, hantxe nabil informatika eta ikerkuntza mundua uztartzen.

Matadeixe martxan da 1996tik berriro. Zer da Matadeiko ekintzetan sortzen den giroa? Neu aspaldian ez naiz Matadeiko asanbleatik igaro, baina

- 14 -

zorte handia dugu azkoitiarrok, horrelako kulturaren plaza bat eta musutruk lanerako prest dagoen jendea izatearekin herrian. “Kontrako eztarrixe” irrati librean aritzen zara. “Zakel Zaltuk” programak hainbat saio eskaini du. Zer kontatzen digugu honi buruz? Bai, Kontrako Eztarrixen informatikako kontuekin laguntzekotan sartu nintzen eta mikrofono aurrean bukatu dut. Bi saiotan aritzen naiz: Hankak Lurrin-en Miel Rodrigez eta Iñaki Segurola “Ogrue”rekin, eta “Zakel Zaltuk” irratsaioan, Ekaitz Etxezarreta eta Juan Bautista Mendizabal historialariekin.

Zakel Zaltuk proiektu pertsonalagoa eta apur bat egoista dela esan daiteke, neure ezjakitasuna asetzeko sortua izan zelako. Xabier Muniberen “Mozkorra Parregarri” opera Baztartxon eskaini zutenean, Juan Bautistak hitz batzuk eskaini zizkion Juan Ignazio Uriari, Frankismoaren ondorengo Azkoitiko lehen alkateari. Orduan konturatu nintzen ze gutxi nekien herriko historiaz, eta hori konpontzeko ideiarekin sortu zen irratsaioa. Ekaitzi eta Juan Bautistari oso eskertua nago, segituan animatu ziren eta. Jada 3 urte betetzera goaz elkarrekin, Ekaitzek dioen moduan, “Azkoitiko errelato historiko mastikaue” kontatzen. Gainera, herrian oso harrera ona izaten ari da. Hala ere, irratiak uneotan oso bizi gutxi du. Norbait irratsaioren bat egitera animatzen bada, ongi etorria izango da.

Azkoitiko Bidaia Tertuliak taldean sartuta zaude. Iaz 18. edizioa antolatu zenuten. Konta iezaguzu pixka bat… Ez dago asko esateko. Hasieran batean, Bidai Tertualiak antolatzen zituen taldeak, antolaketari uztea erabaki zuen. Sasoi hartan, gustura joaten ginen tertuliak aditzera eta bi

GURE ARTEAN 75. 2019ko apirila

aukera genituen: gehiago ez zirela egingo onartzea edota geu sartzea antolaketan. Bigarren aukera hartu genuen. Ez da lan zaila 4 hitzaldi antolatzea, baina norbaitek egin behar du. Floreagan gelakideak izandako jendearekin nabil antolakuntzan eta harremana ez galdetzeko aitzakia polita da. Gainera, jende interesgarri asko ezagutzeko parada ematen digute tertuliek.

TESTA Edaria: Ura

Janaria: Kroketak / Txokolatea Idazle bat: Eider Rodriguez

Horrelako proiektuetan, belaunaldi aldaketak burutzea kosta egiten da eta herriko proiektu askotan entzuten den arazoa da. Tabernetan potea eramatearekin konparatzen dut nik. Denok ere nahiago dugu potea beste batek eramatea eta edaria eskura etortzea, potea norberak eramatea baino. Horrelako proiektuetan ere antzera gertatzen da, erosoago da beste batzuk egiten badute, baina kontuan hartu behar da jende hori nekatzean, etena etortzen dela.

Liburu bat: Pildoras Azules (Frederik Peeters)

Floreaga auzoan bizi zara. Zein dira auzo honen premia eta eskari handienak?

Musika talde bat: The soundtrack of our lives

Floreagako auzoaren ezaugarri nagusia aldapa da eta bertako auzokideen adina ere goraka doa; ondorioz, premia nagusiena irisgarritasun arazoak konpontzea da. Azken urteotan, zenbait auzokide lanean ari dira gai horren inguruan, eta dirudienez, hurrengo urteetan lan horrek fruituak ekarriko ditu.

Pelikula: Cinema Paradiso Bidaia bat: Australia Mendi bat: Iparla

Hondartza bat: Itzurun

Nazio bat: Euskal Herria

Herri edo hiri bat: Azkoitia

Koadro bat: Las cĂŠlebres Ăłrdenes de la noche (Anselm Kiefer) Urtaro bat: Udazkena

Zaletasunak: Jolastea

Pertsonaia historiko bat: historiako liburuetan aipatzen ez diren herritar langileak

Don Bosco jaiak ospatu berri ditugu. Zer esaten dizu Don Bosco izenak? Don Bosco salestar komunitatearen kontraesanak erakutsi izan dizkidan pertsonaia izan da. Ikasle bezela, ia urtero ikusten genuen Don Boscoren pelikula eskolan. Pelikula horretan, Don Boscok gazteak etxean hartu eta ikasketak nola ematen zizkieten erakusten da. Ideiak horretatik sortu da, adibidez, guk hainbeste ordu pasa ditugun Alai Batza.

Guraso eta ikasle askok irakurriko zure hitzak: zer aholkatuko zenieke, bai ikasleei, bai gurasoei? Ez naiz inor inori aholkurik emateko, bakoitza bizi dadila ahal duen ondoen, inor zapaldu gabe. Mila esker

- 15 -

GURE ARTEAN 75. 2019ko apirila

YARA DURAN Yara Duran Floreagako ikasle ohia eta Alai Batzako monitorea da. Bere ibilbidea loturik dago Alai Batzarekin eta ADS taldeekin. Galdera batzuk egin dizkiogu “Gure Artean” aldizkarirako

Nola deskribatuko zenuke Alai Batzako monitoreen arteko giroa?

Monitoreen artean dugun giroa oso ona da, nik esango nuke familia giroa daukagula. Gainera aurten monitore talde berri bat sartu da eta hauek freskuraz eta gogoz beteriko giroa transmititu digute. Beraz orain arte talde lan bikaina egiten jarraitzeko eta haurrengatik eta haurrentzat lana egiteko, elkarri lagundu eta babesa eman behar diogu guztia ondo atera dadin.

Logroño eta Somalo kanpaldietan parte hartu duzu bai monitore gisa, eta lehenago, zure ikasle garaian. Zer balore dituzte kanpaldiek? Kanpaldien bitartez, hainbat balore transmititzen saiatzen gara. Horietako batzuk, laguntasuna, solidaritatea, errespetua eta tolerantzia direla esango nuke. Balore hauek ekintza eta jolas desberdinen bitartez lantzen ditugu eta gero hauei buruzko hausnarketa bat egiten dugu, hobeto barneratu ahal izateko.

Horrez gain, kanpaldiak hitza aipatutakoan, bururatzen zaidan lehenengo hitza alaitasuna da. Umea nintzenean, urte guztia igarotzen baitnuen egun horien zain, aurreko urteetan egin nituen lagunak eta monitoreak ikusteko irrikaz egoten nitzelako. Gaur egun ere berdina sentitzen dudala aitortu beharra daukat, beti gustatu izan zait etxetik kanpo lo egitea eta hau esperientzia berezia da. Zure iritziz, “Uztaila Jolasean” ekimenak zer ematen die Azkoitiko ume eta familiei? “Uztaila Jolasean” ekimenak, izugarrizko askatasuna eta lasaitasuna ematen die familiei, ez baitute pentsatu behar ea norekin utzi beharko dituzte beraien seme-alabak.

Haurrei orde, dibertsioa eta lagun berriak emateko aukera bikaina eskaintzen die ekimen honek. Horrez gain, monitoreontzat ere izugarrizko esperientzia da, haur desberdin askorekin topo egiten dugulako, eta hauek behar desberdinak dituztelako. Beraz, nik pertsonalki asko

- 16 -

ikasi dut zentzu horretan, esperientzia pertsonal bikaina baita. Bai norberak bere buruaren funtzionamendua zein den deskubritzeko eta baita gainontzekoen emozioak eta bizipenak ezagutu eta kudeatzeko ere. Alai Batzan eta Gazte Zentroan… Zein dira zuri gehien gustatzen zaizkizun ekintza edo atalak? Alai batzan, dudarik gabe, gehien gustatzen zaidan ekintza, Somalora aste bukaera pasatzera joaten garenekoa da. Zoritxarrez, badira 3-4 urte ez dela ekintza hori ematen, haurren eskolaz kanpoko ekintzak direla eta. Beraz, ekintza horren inguruan izan dudan esperientzia bakarra umetan joaten nintzenekoa eta premonitore gisa joan nintzenekoa dut, geroztik ez baita berriro ere egin. Horrez gain, AB gaua ere nire ekintza gustokoena dela esango nuke. Giro desberdin bat sortzen delako bertara etortzen diren haur eta monitoreen artean. Ez baita ohiko larunbat baten antzekoa izaten, larunbat honetako gaua berezia bihurtzen da, bertan egiten ditugun ekintzen ondorioz. Gauari hasiera emateko, guztiak elkarrekin afaltzen dute, gero jolasak egiten ditugu, gu, monitoreak, mozorrotuak gaudela, beraz, horrek ere berezitasuna ematen dio. Azkenik, egunari amaiera bikaina emateko, pelikula bat ikusten dugu landu dugun gaiarekin erlazioa duena. Horretarako, norberak bere lo-sakua hartzen du eta Alai Batzako gelara ateratzen gara, lo-sakua lurrean ipini eta bertan sartzen gara, guztiak elkarren ondoan. Pelikula amaitzean, haur bakoitza egokitu zaion gelara joaten da, oraingoan lo egitera. Nahiz eta ez diren oheak egoten, sortzen den lagun giroa bikaina izaten da, egunero ez baitute lagun kuadrilla baten ondoan lo egiten.

Gazte klubari dagokionez, beldurrezko gaua da nire ekintzarik gustukoena, honek transmititzen dituen tentsioa eta beldurra ez direlako beste egoera batean sentitu ditzakedan berdinak. Horrekin batera, gazteei sustoak ematea gustuko dut, nahiz eta batzuetan ez beldurtu gure mozorroengatik edo apaingarriengatik, ikastetxea ilunpetan ikusteagatik beldurtzen dira.

GURE ARTEAN 75. 2019ko apirila

Orokorrean, aurrera ematen ditugun ekintza guztiak ditut gustuko, ez baitira bi ekintza berdinak direnak. Ahal den imajinazio gehien erabilita prestatzen saiatzen gara, eta ahal den originalenak izaten ere ahalegina egiten dugu. Nolakoa dira Gazte Zentroaren ostiral eta Alai Batzaren larunbata arrunt bat? Zer egiten da?

Ostiraletan arratsaldeko 16:00etan ematen diogu hasiera gure aste buruari eta larunbatean gaueko 21:00 amaitzen da. Nahiz eta denbora asko igarotzen dugula eman, bertan zaudenean, denbora oso azkar pasatzen da, gustuko lekuan, gustuko pertsonekin egoten garelako.

Hasteko, ostiral arratsaldeetan 16:00retan monitoreak elkartzen gara, Alai Batzako sala guztia prestatzeko asmoz. 17:15ean ematen zaio hasiera ADS taldeei, LH56.mailakoak izaten dira lehenengoak eta geroago, talde bakoitzeko kideak, egokitutako monitorearekin hitz egin ondoren adosten duten ordutegian DBHkoak ematen dute ADS. Saio bakoitzak, ordubete inguru iraun ohi du, monitore bakoitzak kontrolatzen du bere taldearekin zemat denbora egon. 20:00retan ematen zaio amaiera ADS momentuari, beraz, LH4, 5, 6 eta DBH1ekoei etxera joateko ordua iristen zaie. Eta ordu horretatik aurrera, hau da, 23:00ak arte Gazte Kluba egoten da, bertan DBH2tik Batxiler 2. urtera arte bitarteko gazteak egoteko baimena dute. Bestalde, larunbatetan 16:30etan ematen zaio hasiera arratsaldeari, eta 20:00retan amaiera. Arratsaldean zehar, hainbat ekintza desberdin burutzen ditugu, esaterako; tailerra, 5etako momentua, txapelketak, Bideomovie, 7retako momentua eta Guneak. Tailerrari 5etan ematen zaio hasiera, haurrak Alai Batzara sartu bezain pronto dute aukera bertan izena emateko, gero mikrofonotik esaten ditugu joan behar dutenen izenak. 5etako momentuan

egin daitezkeen ekintzak adibidez, ruleta, Twister, baloi errege‌ izan daitezke. Txapelketetan berriz, 3x3, zaku karrerak, play station‌ Bideomovien, asteburu bakoitzean gai desberdin bat lantzen dute, eta 7retako momentuan ere jolas desberdinak egoten dira, Just Dance, Mario Kart, Sing Star, etab., adibidez. Azkenik, Guneak daude, ekintza hau aurten burutatu zaigu, beraz, berria da. Tailer honetan, hainbat gai lantzen dira, esaterako, magia, dantza, zientza tailerra, etab. 20:00retan “Minutu bat goizeroâ€? Pirritx, Porrotx eta Marimototsen abestia jartzen dugu, eta jada, haurrak badakite etxera joateko ordua iritsi zaiela. Haurrak joaten direnean, monitoreak eta premonitoreak gelditzen gara, orudan, guztia jasotzen dugu, eta amaitutakoan bilera bat egiten dugu, non bertan monitoreak bakarrik gelditzen garen. Bileran asteburua ebaluatzen dugu, egon diren arazoak, egin diren ekintzak ondo edo gaizki atera diren eta beste hainbat gai tratatzen ditugu. Mila esker

TESTA Edaria: Ginkasa

Janaria: Amonaren patata egosiak kostillarekin Mutil izen bat: Ander

Neska izen bat: Kalare Kirola: Aerobik

Pelikula: Palmeras en la Nieve Aktore bat: Mario Casas

Aktoresa bat: Berta Vazquez

Bidaia bat: Mexiko, Rivera Maya Mendi bat: Izarraitz

Hondartza bat: Zarautzkoa Nazio bat: Euskal Herria

Herri edo hiri bat: Azkoitia Musikari bat: Melendi

Museo bat: Ez naiz museozalea Kolore bat: Horia Urtaro bat: Uda

Zaletasunak: Dantza egitea

Pertsonaia historiko bat: Don Bosco

- 17 -

GURE ARTEAN 75. 2019ko apirila

DON BOSCO JAIAK 2019 Urtarrilaren amaieran Don Bosco jaiak ospatuko dira Floreaga ikastetxe eta elizan, San Joan Bosco 1888ko urtarilaren 31n hil zela gogoratuz. Larunbatean, 26an, Floreagako Hezkuntza eta Pastoralgintza komunitatearen afaria izango da Joseba jatetxean. Han bilduko dira Salesatarrak, irakasleak, Alai Batzako monitoreak, Guraso Elkarteko batzordekideak… Astehenean, 28an, SMH Itsas Salbamentuko kide batzuk etorriko dira, euren ekintzen berri ematera, 15:00 17:00, Don Bosco aretoan. Asteartean, 29an, Iñaki Arakistain mendizale azkoitiarrak Drangnag Ri (6801 metro) mendiaren igoeraren berri emango digu, 16:00 - 17:00. Ibilbide bikaina egin berri dute eta sari batzuk jasotzen ari dira.

- 18 -

Asteazkenean, 30ean, Marea Urdina taldeak bere proiektuaren berri emango digu, 15:30-17:00. Gainera, Baztartxo udal aretoan Hodei Magoak “Uraren sekretuak” magia saioa eskainiko die Haur eta Lehen Hezkuntzako neska eta mutilei, 16:00-17:00. Ostegunean, 31n, zine emaldiak, elizkizunak, jolas saioak eta lehiaketak izango dira, egunean zehar. Otsailaren 3an, Ikasle Ohien Batasunaren festa izango da. Meza Floreagan izango da, 12:00etan. Ondoren talde argazkia egingo dugu. Bazkaria Hotel Loiolan izango da 14:00etan. Bazkaritarako txartelak Lujan dendan har daitezke, 24 euroren truke, urtarrilaren amaierara arte. Zorionak guztioi, Don Boscoren jaietan!!

GURE ARTEAN 75. 2019ko apirila

Itsas Salbamendua Urtarrilak 28, On Bosco astearen barruan, SMH eta Esku Bidez, Floreaga ikastetxean izan ginen, ZUK dokumentala ikusi eta ikastetxeko gaztetxoei mediterraneo ertainean bizi den egoeraren berri emateko, gure gazteek egiaren berri lehen eskutik jakin dezaten. SMH (salvamento Maritimo Humanitario) Gobernuz kanpoko erakunde bat da. 2015eko azaroan, Egeo itsasoan (Grezia) sortutako krisi humanitarioaren ondorioz sortu zen, beste irtenbiderik gabe, itsasoa zeharkatzera ausartzen diren pertsonei lagundu eta sorosteko. Pertsonen bizitza babestea da erakundearen helburua, boluntariotzan, elkarkidetasunean, gizatasunean, unibertsaltasunean, berdintasunean, inpartzialtasunean eta duintasunean oinarrituta.

Esku Bidez-en funtsa, berez, ez da hainbeste gauzak eta ekintzak egitea, baizik eta, zenbait egoeren aurrean, jendea gogoetara bultzatu eta sentsibilizatu. Barneratuta daukagu okerren dauden pertsonen egoera guztion ardura ere badela. Eta, horren aurrean, beste guztion laguntza eta patu hori aldatzeko ahalegina konponbidea izan daitezke.

Nerea Machado

PINTURA EN GENERAL INTERIORES / EXTERIORES Javier Odriozola Etxaniz Xabier Larrañaga Goenaga Ugarte, 3 - 1º Móvil: 609 13 46 24 659 97 62 72 20720 AZKOITIA (Gipuzkoa)

1915ean ERAIKIA - 19 -

GURE ARTEAN 75. 2019ko apirila

Iñaki Arakistain - Drangnag-Ri Joseba Larrañaga eta Iñaki Arakistain mendizale azkoitiarrek Himalaiako Rolwaling haraneko (Nepal) Drangnag-Ri mendia igo dute, 2018ko irailaren amaieran, Mikel Zabalza nafarra eta Alberto Fernandez elgoibartarrarekin batera. 6.801 metroko piramide formako mendia da, haitzez, elurrez eta izotzez inguratua. Mendiaren ibilbide berri bat ireki dute, zehazki, hego-mendebaldeko ertza. ‘Bizipenak’ izena jarri diote ibilbideari. Iñaki On Bosco aretoan izan genuen, bere esperientzia kontatzen, bideo proiekzio bat tarteko. Mendi handi eder haietako ikuspegiak goraipatu zituen. Bestalde, bizkarrean eraman beharreko zamak dituen zailtasunak komentatu zituen, estilo alpinoan joan baitziren, material guztia eraman eta mendia garbi utziz. Baita “alturako gaitza” eta bide berri bat zabaltzeak dituen arriskuak ere. Gailurrean denbora gutxi eman zuten, izugarrizko hotza egiten zuelako, eta jaitsiera ere nahiko zaila izan zen. Dena den, mendi irteera hau gozada izugarria izan da.

LARRAMENDI JAUREGI Julio Urkijo 13 behea 20720 Azkoitia - Gipuzkoa Tlf. 943 851 961 jilarramendi@euskalnet.net www.larramendijauregui.com

- 20 -

GURE ARTEAN 75. 2019ko apirila

Marea Urdina On Bosco astearen barruan, Floreagako aretoan izan genituen Marea Urdina taldeko hiru kide. Saio bizi eta interesagarria eskaini ziguten. Hainbat bideo labur ikusi genituen eta ekintza sinboliko batzuk egin genituen denon artean, giro zoragarria sortuz. Marea Urdina oso ezaguna egin zen 2018ko udan antolatu zuen igerialdi jendetsuarengatik. Hona hemen elkartearen ezaugarri batzuk:

Marea Urdina elkartea sortu dute, aniztasun funtzionala dutenen inklusioa bermatzeko

Marea Urdinak elkarte izaera hartu du, iaz egindako egitasmoak hartu zuen dimentsioaren ikusita. Taldekideek adierazi dutenez, gizarteak orduan emandako “babesak” argi utzi zuen bailara sentsibilizatuta zegoela behar bereziak dituzten herritarrekiko, eta hori hala izanik, beste pauso bat emateko unea iritsi dela azpimarratu dute.

Adierazi dutenez, Marea Urdineko sustatzaileek hasieratik izan dute garbi egitasmotik lortutako soberakinak herriari berari itzuli behar zizkietea, hau da, “herritik sortua eta herriarentzat” izan behar zuela egitasmoak. Hori egin ahal izateko, egitura egonkorra sortuko zutela agindu zuten joan zen uztailean, eta horretan aritu dira azken hilabeteetan. Izan ere, ekimenari elkarte izaera emateaz gain, berriz zehaztu dituzte helburuak. Elkartearen arabera, xedea bakarra da: inlusioa. Hain zuzen ere, gizarteko arlo guztietan gauzatu nahi dute inklusioa, aniztasun funtzionala duten pertsonek herrian egiten dituzten ekintza eta dinamika guztietan beraien lekua izan dezaten. Horretarako, herriko eragile desberdinei “inklusioaren betaurrekoak” jarriko dizkiete. “Aurrerantzean, gugana etortzen den orori galdetuko diogu zer egin dezaketen inklusioaren alde”. Beraz, indarrak jarriko dituzte edozein egitasmo,

ekintza, saio, ikastaro edota jardunaldietan inklusioa lan­ tzen, baina elkarteak jakitun da aniztasun funtzionala duten pertsonen beharren arabera, ezingo dutela edozein ekintzetan parte hartu. Kasu horietan, elkartea bera arduratuko da egokitutako jarduerak antolatzen. Era berean, sentsibilizazio eta kontzientziazio ekimenak bultzatuko dituzte bailaran. “Iaz egin genuen ekimenean ikasi genuen sentsibilizazioa dela gizarte inklusibo bat eraikitzeko zimentua”, berretsi dute. Hori guztia aurrera eramateko egitura juridiko baten beharra ikusi du taldeak, eta haren baliabide ekonomikoak “egoki” kudeatzeko zein taldea bera “gardena” izateko sortu dute elkartea. Joan zen azaroan egin zuten bilera aniztasun funtzionala duten pertsonen senideekin, eta oraingoz, Urola Kostako 20 familia batu dira elkartera: bederatzi azkoitiar, hamar azpeitiar eta zumaiar bat. Era berean, elkartean talde eragile bat sortu dute, elkartea kudeatzeko, akzio planak zehazteko eta horiek aurrera eramateko.

ZENTRO MEDIKOA - TEST PSIKOTEKNIKOAK

Ibai-Ondo, 26 • 20720 AZKOITIA Tel./Fax. 843 85 27 68 E-mail: autoeskolaetxaniz@euskalnet.net - 21 -

GURE ARTEAN 75. 2019ko apirila

Hodei magoa Baztartxo udal aretoan Hodei magoa izan genuen urtarrilaren 30an, Floreagako LH eta HHko umeei saio bat eskaintzen. Bere magia eta umoreaz, uraren zikloa landu zuen. Nola agertzen den ura aintzira eta lakuetan, ibai eta itsasoetan, lainoetan, izotz moduan‌ Gainera hiru urrezko arau eman zizkigun:

-

Ura ez da bota behar

-

Ez dira ibaiak eta itsasoak zikindu behar

-

Ura edan behar da

Saio ederraz gozatu eta gure lurra zaintzen ikasi genuen, bereziki ura zainduz.

Floregako Ikasle Ohien Festa Otsailaren 3an, igandean, Floregako garai bateko Salestarren Ikasle Ohien festa izan zen. 12:00etako mezaren ondoren, talde argazkia egin zen. 14:00etan lagun arteko

- 22 -

bazkari ederra egin zen Hotel Loiolan. 28 lagun elkartu ziren bazkarira.

GURE ARTEAN 75. 2019ko apirila

CCS DB Leihaketa CCSk, Salestarren editorialak, 75 urte bete ditu aurten. Marrazki lehiaketa handi bat antolatu du “On Bosco imajina ezazu� lelopean. Espainiako toki guztietatik, 4.000 marrazki aurkeztu dira.

Floreagatik 30 marrazki bidali ditugu: batzuk LH 3-4 mailakoak eta besteak LH 5-6 mailakoak. Amets Karrerak LH 3-4ko hirugarren saria jaso du. Zorionak!!!

Amets Karrera. LH3

Amaia Sudupe. LH5

June Aguado. LH5

Araia Urcola. LH6

Ane Varela. LH6

- 23 -

GURE ARTEAN 75. 2019ko apirila

SANTA ESKEA FLOREAGAN Otsalaren 4an, astelehenean, Floreagako DBH4ko neska eta mutilak (16 urte) goizeko 11:00 aldean ibili ziren herriko kaleetan zehar, Santa Eskean kantatzera. 11:15etan, ateri zegoenez, Haur Hezkuntzako umeak irten ziren kalera kantura, Ipar kalean behera, Eliza atarira, Plaza Berrira, Herriko Plazara eta berriro Floreaga, 12:15 LH eta DBHkoei kantatzera.

Arratsaldean, Floreagako gazte eta helduen talde bat kantuan aritu zen, Jóvenes y Desarrollo – Gazteak eta Garapenako kideekin batera. 18:45-21:00 tartean, gutxi gora behera. Talde honetan kantatzeko aukera ematen diogu etorri nahi duen edozeini.

- 24 -

GURE ARTEAN 75. 2019ko apirila

HAUR ESKOLA Eguneroko jardunean gauza berri asko egiteko aukera daukagu Haur Eskolan: irina eta pastarekin jolasteko, paperaren testuraz gozatzeko, inauterietako mozorroak frogatzeko, kartoi eta kaxekin esperimentatzeko‌ Psikomotrizitatea lantzeko. Mundu berri bat deskubritzen Konfiantzaren Pedagogiaren eskutik!

- 25 -

GURE ARTEAN 75. 2019ko apirila

HAUR HEZKUNTZA Haur Hezkuntzan, mahai-sentsorialarekin lanean aritu gara. On Bosco egunean otoitz labur bat eduki genuen kaperan. Zapu igelaren mugimenduak aztertu genituen.

Imanek nola funtzionatzen duten ikusi genuen, metalezko tresnak itsatsita gelditzen zirenean. Urtarrilaren 18an San Sebastianetako Danborrada itzela izan genuen goiko patioan, eguraldia lagun.

- 26 -

GURE ARTEAN 75. 2019ko apirila

ETA HANDITAN, ZER?

Azken aste hauetan Haur Hezkuntzan lanbideak landu ditugu. Lanbide desberdinetan aditu bilakatu gara eta horretarako gurasoen laguntza izan dugu.

Lehenengo, Arturo Garateren bisita izan genuen, Gillenen aitatxorena. Arkitekto batek zer egiten duen azaldu zigun eta gure etxeak herriko zer lekutan dauden ere erakutsi zigun. Hurrengo bisita Jokin Eizagirre suhiltzailearena izan zen, Elene eta Ekiren aitatxo. Bere lanaren berri eman zigun eta erabiltzen dituzten arropak eta kaskoak probatzeko aukera ere izan genuen. Azkenik, Rebeca Garate etorri zitzaigun, Jurdanen amatxo. Erizainek zer lan egiten duten kontatu zigun eta min hartutakoan zauriak nola sendatu behar diren ere erakutsi zigun. Beraiei esker, pila bat ikasi dugu eta gutako askori handitan arkitekto, suhiltzaile edota erizain izateko gogoa piztu zaigu. Eskerrik asko zuen bisitengatik!

Pol. Ugarte - Pab. 95 20720 AZKOITIA (Gipuzkoa)

- 27 -

GURE ARTEAN 75. 2019ko apirila

INAUTERIAK Aurtengoan bai! Eguraldi onak lagunduta, martxoaren 1ean, ostiralean, Azkoitiko kaleetan zehar erakutsi ditugu gure mozorro ederrak. Iaz, eguraldi txarra egin zuenez, eskolan egin genuen festa itzela eta zoragarri pasatu genuen. Hala ere, zehar hainbeste lan egin ondoren, bageneukan herrian egindako mozorroak erakusteko gogoa.

2018ko gaiari helduz, Edurne zuri, Familia Adams, Grease, Zombiak, Toy Story, Shrek, Nemo eta Peter Pan izan ditugu gurean besteak beste. Mary Popinsek ere bisitatu gintuen. Bestetik, aipatzekoa da iaz lehenengo aldiz irten zuen Floreagako Batukada taldeak aurten ere festa girotzen lagundu duela. Aurten ez da Urnietako Salestarren txaranga etorri, lan arazoak zirela eta. Ea hurrengoan!!

Nola ez, eskerrak eman aurtengo Inauteriak ospatzeko lagundu duten ama, amona horiei! Ondo pasa festak eta gozatu!

- 28 -

GURE ARTEAN 75. 2019ko apirila

Alberdi Mekanizatuak S.L. Tel.: (34) 943 81 17 38 IRIARTE MANUTENCIÓN S.L. Bº Landeta, C/ Antzibarrena nº3 Fax: (34) 943 81 02 69 http://www.tpiriarte.com 20730 AZPEITIA e-mail: irene@tpiriarte.com (GIPUZKOA) SPAIN

Ugarte 2-3-4 • Aptdo 63 20720 AZKOITIA (Gipuzkoa) Tel.: (34) 943 85 29 70 • Fax: (34) 943 85 13 38 www.alberdimek.com

Masailaria

- 29 -

GURE ARTEAN 75. 2019ko apirila

MARTXOAREN 8A Martxoaren 8an, Emakumearen Nazioarteko Eguna ospatzeko ekintza ugari izan dira atzo eta gaur ikastetxean.

Ekitaldiak hasteko, atzo, Egun Onak DBH3-ko ikasleen esku izan ziren. Gelaz gela, Emakumearen eguna ospa­ tzearen zergatia azaldu eta ikasle bakoitzari koloretako bihotz bat eman zitzaion, bertan emakumeen aldeko mezuak idazteko aukera emanez. Ikastetxeko lehenengo solairuan, bihotz horiek itsatsi zituzten kartel handi batean eta eskolako atarian izango dugu ikusgai egunotan.

Gaurkoan ere, Egun On bereziak izan ditugu, bideo, irudi, kanta eta bertsoekin. HH eta LH ikasleek, kolore moredun folioak erabiliz Emakumearen 8aren sinboloa marraztuko da jolastokian.

Honez gain, HHko ikasleak, lore bat egin dute amatxori oparitzeko DBHn berriz, DBH 3 eta DBH 4ko neskekin, herrian antolatu diren ekintzetan parte hartu da.

Ibai-Ondo, 24 • Tel. 943 85 25 59 • AZKOITIA

- 30 -

GURE ARTEAN 75. 2019ko apirila

SAN JOSE: GURASOEN FESTA Urtero moduan, martxoaren 19an, San Jose eguna, Floregako Gurasoen festa eguna ospatu dugu. Eguraldi aldakorra izan dugu, beraz patio berdean jarri dira futbolin eta ping-pong jolasak eta barra, txorizo pintxo zoragarriak, salda eta edariak banatzeko.

Txistulariak gidari, Euskal Dantzen emanaldi bikaina ere ikusi dugu. Ipuin lehiaketan irabazle suertatu direnei bertan eman zaizkie euren sariak. Zorionak guztioi!!

- 31 -

GURE ARTEAN 75. 2019ko apirila

MARTXOAK 21: DOWN SINDROMEA Martxoak 21 Down Sindromearen Nazioarteko eguna dugu eta, gure etxean, ikusgarritasuna emateko galtzerdiei bizia eman diegu. Pare ezberdinak jantzi ditugu eta soinean izateaz gain, bazter guztietan zintzilikatu ditugu.

- 32 -

Gure galtzerdi parea bezala, guztiok gara ezberdin, baina bizitzaz gozatzeko eskubide bera dugu gutako bakoi­ tzak, beraz EZ NAZAZU GELDITU esan bat eginik ozenki, gizarte inklusibo baten alde.

GURE ARTEAN 75. 2019ko apirila

APIRILAK 2:AUTISMOA Autismoa duten pertsonei bizi kalitatea hobetzen laguntzeko beharra sentitzen dugu. Honela, gizartearen parte izanez bizitza oso eta atseginago bat ahalbidetzen laguntzea nahi dugu. Hori helburu izanik apirilaren 2an gure ikastetxean ekintza ugari izan eta disfrutatu ditugu. Gainera

autismoari buruzko “Gauza harrigarriak gertatzen dira” bideoaren euskarazko bertsioa moldatu dute Mirari Iturbe eta Laura Larrañagak. Lan bikaina! https://vimeo.com/327890443

Optometria - audio zentroa

ESTIBALIZ ARIZNABARRETA MARIAN IRIONDO optometristak

Exámenes visuales completos / Terapia visual: ojo vago, disfunciones binoculares, problemas de aprendizaje... / Integración de reflejos primitivos / Terapia auditiva SENA / Ortoqueratología nocturna / Audífonos, tapones baño-ruido

www.optikairiondo.com Kantauri plaza, 8. Zumaia. tel.: 943 86 04 86 Nagusia, 53. Azkoitia. tel.: 943 85 19 84

- 33 -

GURE ARTEAN 75. 2019ko apirila

IPUIN LEHIAKETA

2019ko ipuin lehiaketako IRABAZLEAK LH 3A. BARAZKIAK (Denis Aramendi, Sara Alonso, Jone Lizarralde, Iker Pozo)

LH3B. LAU PROAK (Nikole Soraluze, Niko Garate, Nahomy Izagirre, Eneko Martin)

LH 4A. AZKOITIARRAK (Julen Etxaniz, Nayra Olaizola, Iker Caceres, Erik Santiago)

LH4B. 4 MISTERIOTSUAK (Abdulmanan Asif, Imanol Martinez, Elene Astigarraga, Maria Vargas) LH 5A. ENTSALADATARRAK (Asier Redondo, Eriet Zubizarreta, Aitor Juaristi, Ariane Larrañaga) LH 5B. LAUKOTE ONENA (Ladis Lete, Julen Amado, Irati Larrañaga, Markel Alberdi)

LH 6A. MILISKIOAK (Beñat Alonso, Aimar Ormazabal, June del Carmen, Bidane Galarza) LH 6B. LIBURUAK MARTXAN (Kristina Epelde, Nora Aranbarri, Maria Iraeta, Alaine Ubeda) DBH 1A. ELENE ELDUAIEN

DBH 1B. MADDI LARRAÑAGA DBH 2A. ARIANE MATEOS

DBH 2B. MARINA ZUBIZARRETA LH 3A TOMATE POTOLOA

Bazen behin tomate bat egunero jaten ari zena eta egunero potoltzen ari zen. Ile txikian zituen, gorri gorria zen eta begi marroiak zituen. Egun baten bere lagun batek, porruak barre egin zion bera argala zegoelako. Esan zion: – Oso potoloa zaude! Gimnasiora joan beharko duzu! Tomateak erantzun zion:

– Eta zuk gehiago jan beharko duzu!- erantzun zion tomateak negarrez.

Etxera joan zen eta gau hartan pentsatu zuen herritik joango zela. Ohera sartu zenean lo gelditu zen eta amets bat eduki zuen: Herritik alde egin zuela oso potola zegoelako. Esnatu zenean amets bat zela ikusi zuen. Egun hartan; gosaldu, prestatu eta alde egin zuen. Denek berarengatik galdetzen zuten. Porrua tomatearekin gogoratzen hasi zen. Eta tomatea etorri egin zen. Porruak barkamena eskatu zion eta berriz ere denak lagunak egin ziren. Eta poz-pozik bizi ziren denak baratzean.

ESTACIÓN DE SERVICIO

AZPEITIA - AZKOITIA, S.L.

Martin Deuna, 3 • 20720 AZKOITIA (Gipuzkoa) Tel. / fax: 943 85 14 07

%2ko deskontua gure txartelarekin

- 34 -

GURE ARTEAN 75. 2019ko apirila

LH 4B AZENARIOA ETA UNTXIA

Behin batean aita eta umeak baserriko baratza batean barazkiak landatzen ari ziren. Hurrengo egunean, umeak eskolatik irten eta gero berriro baratzera bueltatu ziren. Iritsi zirenean azenarioak ez zeuden. Pentsatzen zuten uda zenez lehortuta zeudela eta berriro landatu zituzten. Bi umeek eskolatik ihes egin zuten baratzeko misterioa jakiteko. Ikusi zuten harrizko pareta puskatuta zegoela eta umeek azkar-azkar aitari abisatu zioten. Aita iritsi zenean harrituta geratu zen:

– Hau egin duena harrapatzen badut ez dakit zer egingo dudan.

Eta harrizko pareta konpondu zuten. Arratsaldean bueltatu zirenean berriro ere pareta puskatuta zegoen eta aita nazkatzen ari zen. Gauean zuhaitzetan kamara batzuk ipini zituen eta aitak mugikorretik ikusten zuen zer gertatzen zen.

Aita ia-ia lo hartuta zegoela soinu susmagarri bat entzun

LH 5B URAZA LAGUNGABEA

Bazen behin uraza bat, egunero mila litro malko erortzen zitzaizkiona. Behin baserritarrari hazia erori zitzaion eta ez zen konturatu erori egin zitzaiola. Herri horretan, hainbeste euri egiten zuenez uraza hasi egin zen, horregatik lagunik gabe bizi zen.

Egun batean, 30ºko eguraldia egin zuen. Txakur bat eta katu bat egun osoan jolasean aritu ziren belardian eta uraza zapal-zapal eginda utzi zuten. Uraza oso minduta zegoen. Hurrengo egunean txakurra eta katua berriz ere jolastera LH 6A LETXUGAREN IRAGANA

Garai batean, munduko letxugarik onenak, naturalenak, zaporetsuenak (hau da: Euskal Herrikoak) asko saltzen ziren. Hasieran landatu eta gero azoketan saltzen zituzten.

Baina egun batean, fabrika batzuk letxugak fabrikatzen hasi ziren, horrela diru asko lortzen zelako. Lehenengo, hostoekin forma eman, eta gero, krema berde batekin kolorea ematen zioten. Noski, besteak baino merkeagoak ziren eta pixkanaka-pixkanaka jendea hauek erosten hasi zen, natural-naturalak zirelakoan. Orduan, letxuga naturalak triste, haserre, penatuta zeuden, ez zirelako saltzen. Zerbait egin nahi zuten lehengora itzultzeko, eta zakar. Baratza guztietako letxugak elkartu egin ziren, bilera handi batean, ea ideiaren bat okurritzen zitzaien. Halako batean, hau otu zitzaion bati: – Badakit! Badakit! Bareei laguntza eskatuko diegu!

zuen. Berriro pareta puskatuta zegoen eta aita kopetatik gora zegoen, baratza ikusi zuen eta untxi txiki bat zegoen azenarioak kentzen. Aitak umeak esnatu, baratzera joan eta untxia harrapatu egin zuten. Pareta puskatuta utzi zuten eta untxia umeentzat laga zuen aitak. Hala bazan edo ez bazan sar dadila kalabazan eta irten dadila Azkoitiko plazan.

irten zirenean, ohartu ziren uraza oso minduta zegoela, eta pentsatu zuten jolastera irten behar zutenean kontu handiz ibiltzea. Egun berean, baserritarraren seme alabak belardira irten zirenean futbolean jolastera konturatu ziren uraza bat negarrez ari zela. Seme alabak, iturrira joan ziren ur bila urazari botatzeko. Eta uraza egun batzuk pasatu ondoren indarberritu egin zen. Eta haurrak bere lagunak egin ziren. Horrela jarraituz gero, egunero ura botatzen zioten eta pentsatu zuten barazki gehiago jartzea uraza bakarrik ez sentitzeko. Baratza handi bat jartzea lortu zuten belardian eta urazak lagun asko egin zituen handik aurrera. Baserritarrari asko gustatu zitzaion lagun asko edukitzea. Hauek, letxuga artifizialen fabrikara joan, eta dena txikituko dute!

Bareekin hitz egin, baina hauek ez zeuden oso konforme. Trukean letxugek beraien hosto pare bat emango zioten jateko. Azkenik, kostata, baina akordioa onartu eta hurrengo egunean lanean hasiko ziren.

Egunsentian, han abiatu ziren bare guztiak fabrikara. Tomate pila bat hartuta, laster heldu ziren. Heldutakoan, isilka-isilka, bertara sartu eta izugarrizko guda egin zuten. Elkarren artean tomateak botaz, tomateak jasoz, beste batzuk jaten. Letxuga artifizialek galdu egin zuten eta fabrika bertan behera geratu zen. Azkenean bareak letxugen soroetara heldu eta honela esan zioten: – Guk egin dugu gure zatia. Orain zuen txanda da.

Eta egun haietatik aurrera, bareak letxugak jaten hasi ziren, eta horrela jarraitzen dute, betirako.

aloña larrañaga optiko optometrista julio urkijo, 8 tel. 943 85 25 11

20720 azkoitia gipuzkoa - 35 -

GURE ARTEAN 75. 2019ko apirila

MARINA ZUBIZARRETA. DBH 2B BENETAKO ETSAIA

Bazen behin oso bihurria zen ume bat. Eskolara joaten zenean, inoiz ez zuen egun oso bat gela barruan igaroten, beti kalera bidaltzen baitzuen irakasleak bere jarrera txarrarengatik. Ikasketetan oso azkarra zen arren, jendearekin izan beharreko portaera egokia nolakoa zen inoiz ez zuen ikasten. Txikitan zintzo-zintzoa zen, baina lagun egin zuen oso gaiztoa zen beste ume bat, eta bera bezalakoa bihurtu zen. Maltzurkeri handiak egiten zituzten biek batera. Lagun horrekin goizero zubian geratzen zen. Egun batean, eskolarako bidean oso gauza arraroak gertatu zitzaizkien. Lehenengo, ohikoa zuten bezala, zubira jaitsi ziren elkartzeko eta errekako ura oso zikina eta lehor-lehorra ikusi zuten. Ahateak ere oso ile gutxirekin eta triste ikusten ziren. Biek elkarri begiratu zioten harrituta.

Bidean aurrera zihoazen heinean, lurra asko mugitzen zen, erortzen bezala ari ziren. Bazirudien lurrikara moduko bat zegoela. Bat-batean, zuhaitz bat erori zen; gutxigatik salbatu ziren. Heldu ziren leku batera jada ez zegoena horrelakorik eta sekulako lasaitasuna sentitu zuten gorputz barruan. Oraindik nahiko luzea zen eskolarako bidea.

Bizi ziren herrian ez zen ohikoa bero handia egitea, normalean euri asko eta hotz handia egiten zuen. Bada, egun horretan ez; egun horretan guztiz kontrakoa gertatu zen: izugarrizko beroa egiten zuen, jasanezina; baina aldi berean haizea ere bazegoen.

Jada oso gertu zeuden eskolatik, ez zen asko falta hara iristeko. Eta halako batean, kostata, baina iritsi ziren eskolara. Han zeuden ikasle eta irakasle guztiak beraien zain, guztiak elkartuta. Hori ikusi zutenean, bi lagunek elkar begiratu zuten, harrituta. Egun hartan gertatzen ari zen guztia oso arraroa zen: lehortea, lurrikara, ikasle eta irakasleak elkartuta gelara sartu aurretik… Pauso txikiak emanez lagunengana gerturatu ziren. Lagunak konturatu ziren zerbait gertatzen zitzaiela eta batek galdetu zien:

- 36 -

– Zer dela eta aurpegi horiek? – Zera… oso gauza arraroak gertatu zaizkigu eskolarako bide osoan- erantzun zien besteak. – Nolako gauzak?- galdetu zien beste batek. – Bada… ibaia lehor-lehor, lurra mugitzen, zuhaitzak erortzen eta… sekulako beroa; baina hemen ez dago horrenbestekoa!- erantzun zion oraindik gertatutako guztia sinetsi ezinik.

Bat-batean irakasleak eta gainerako ikasle guztiak hurbildu zitzaizkien. Eta horrela esan zien irakasleetako batek:

– Lur, hau guztia engainu bat izan da. Gure helburua zen ikustea zuk nola erreakzionatuko zenukeen honen aurrean, eta ikusi dugunez ez zaizu oso atsegina izan esperientzia hau. Gainera, elkartu zaren lagun horrek ez dizu onik egingo; ohartzen ez zaren arren, zure etsaia da. Eta azkenekoz, gertatutakoa amets modukoa da, baina egi ez bihurtzea komeni zaigun amets bat.

Gauean, Lur ohean zegoela, irakasleak ez zionari buruz pentsatzen ari zen eta jabetu zen orain arte egin zuen kaltearengatik. Errudun sentitzen zen, baina horrelakorik gehiago ez egitea argi zuen. Gau hartako ametsa, egunean zehar gertatutakoaren guztiz aurkakoa zen. Hori zen egi bihurtu beharreko ametsa.

GURE ARTEAN 75. 2019ko apirila

JYD - GAZTEAK ETA GARAPENA

Recogida de alimentos para Sierra Leona Maiatzaren 17 eta 18an Sierra Leonarako janari bilketa egingo dugu herriko dendetan. Sierra Leona, situado en el África Occidental, es uno de los países más pobres del mundo. El Estado destina menos del 1% del PIB a la protección de la infancia y miles de niños y niñas están expuestos a la violación de sus derechos. Una cruenta guerra civil y posteriormente el ébola produjeron una elevada mortandad y cientos de niños y niñas quedaron huérfanos y desprotegidos. Recientemente, unas fuertes inundaciones afectaron a las cosechas y provocaron escasez de alimentos y el aumento de la desnutrición y de la mortalidad infantil. La Fundación Jóvenes y Desarrollo (JyD), junto a la ONG local Don Bosco Fambul desarrollan un proyecto de protección a la infancia más desfavorecida. Tú también puedes comprometerte y colaborar con los niños y niñas de Sierra Leona. Entréganos algún alimento no perecedero (Latas de atún, arroz, legumbres, pasta…) y nosotros nos encargaremos de llevárselo. También puedes colaborar con el proyecto de Protección de la infancia de JyD en Sierra Leona depositando tu donativo en el siguiente número de cuenta del Banco Popular: ES11 0075 0001 89 060090 1494. ¡Tu ayuda llegará íntegramente a la población más necesitada! Para más información: https://www.jovenesydesarrollo.org/ o en Floreaga ikastetxea.

Azkoitiko Udalaren laguntza Azken urteetako lan-hildoari jarraituz, Azkoitiko Udalak JYDk aurkezturiko proiektu bati dirulaguntza (12.076,98€) eman dio, 2018ko jardun ekonomikoaren barruan. Proiektuan Ekuadorreko emakume nekazarien ahalduntzea bideratzen da. Mila esker!

688 850 174

- 37 -

GURE ARTEAN 75. 2019ko apirila

ESKOLA AGENDA 21

Usurbilgo Lanbide Eskola: Argitu programa Gipuzkoako Diputazioaren Gipuzkoa argitu programaren barruan DBH2ko ikasleok energiaren arloa landu dugu zenbait saioetan energia motak, egungo energia ereduaren arazoak, energia berriztagarrien funtzionamendua, energiaren kostuak… aztertuz. Lanketari amaiera emateko martxoaren 15ean Usurbilgo Lanbide Eskolan egon ginen. Lanbide Heziketako zentro hau erreferentzia da energia berriztagarrietan eta, horrela, bertako eguzki energiako, eoliko, edota geotermikoko instalakuntzak ikusi genituen eta bere funtzionamendua ezagutu. Gainera, hiru tailer interesgarri egin genituen:

- 38 -

–Lehena, termografo baten funtzionamendua ezagutu eta gela bateko puntu beroenak eta hotzenak aurkitu; –Bigarrena, plaka fotoboltaiko batean oinarrituriko argi instalazio sinple bat egitea; –Azkena, instalazio termiko baten elementuak ezagutu eta eskema batean instalazioa marraztea.

Benetan interesgarria iruditu zaigu bisita eta material honen lanketa. Argi dugu denok energia berriztagarriak etorkizuna direla eta egun erabiltzen ditugunak poliki-poliki albo batera utzi behar ditugula.

GURE ARTEAN 75. 2019ko apirila

Kontsumo tailerrak Otsailaren azken astean eta martxoaren lehenengoan Kontsumo Tailerrak izan genituen. Honakoak izan dira aurten landu diren gaiak: LH 1ekoak “Jostailuak eta litxarreriak”, LH 2koak “Garraiobideak eta jostailuak”, LH 3koak “Arriskuak eta elikagaiak”, LH 4koak “Bideojokuak eta publizitatea”, LH 5ekoak “Produktu baten bizi zikloa eta etiketa”

eta LH 6koak “Etxeko ekonomia eta energia. DBH 1-2koek ere hainbat eduki landu dituzte: “Produktu baten bizi zikloa, bideojokuak, telefono mugikorrak eta gorputzaren gurtza”. Gauza berri eta interesgarriak ikasteaz gain, hainbat produktu ere sortu ditugu, hala nola, jogurta eta arkatz jasangarria.

Baratza HH3tik hasi eta LH3ra arte baratza zaintzeko ardura dugu. Egutegi bat dugu eta astero joaten gara txandaka baratza zaintzera. Bertan lan desberdinak egiten ditugu: erein, landatu, ureztatu, belar txarrak kendu…eta gero gainera, uzta jaso, zozketa egin eta etxera eramaten ditugu entsalada goxo-goxoa jateko!

- 39 -

GURE ARTEAN 75. 2019ko apirila

Talorik nahi? Martxoak 12ko arratsaldea ederki pasa zuten LH 1koek irin artean. Taloak nola egiten diren ikasteaz gain, beraiek egindakoak janez atera ziren. Merienda ezin hobea!

Ondo apuntatu errezeta, behar den tokian gorde, bestela badakizue zer gertatzen den gauza hauekin‌ Behar duzunerako, kitto! Ezin aurkitu!

Hemen gurea: eguzkiaren koloreko eta ondo zehetutako arto irina, bizitasuna emateko baina tentsioa igotzen ez duen gatz pittin bat, ura nahasten joan plastilinaren trinkotasuna lortu arte, baina osagai magikoa ahaztu gabe: LH1eko umeen esku trebeen ikutua.

Berauek badakite jada gurean urtetako ohitura diren taloak nola egin. Eta zuk?

Ureztatze patruila

Patruila berdea

Ikastetxe barruan dauden landareak zaintzeaz arduratzen gara. Landareen hezetasun maila neurtzen dugu, ureztatu, hosto zaharrak kendu‌Berde kolorea mantentzen saiatzen gara ikastetxeko korridoreetan!

Eskolan zehar ibiltzen gara ea dana bere lekuan dagoen: komunak txukun dauden, korridoreak txukun dauden, zakarrontzien etiketak ondo dauden, landareak ondo zainduta dauden‌

- 40 -

GURE ARTEAN 75. 2019ko apirila

Herri diagnostikoa Ebaluazio honetan, buru belarri ibili gara aurtengo gaiari dagokion herri diagnostikoa burutzen. Ziklo bakoitzak gai bat landu ondoren (elikagaiak, lanbideak, erosketak herrian, moda eta teknologia), zertan hobetu dezakegun aztertu dugu. Maiatzean alkateari egingo diogun bisitarako hobekuntzak prestatzen ere ari gara.

Otsailaren 8ko Egun Onak eko-ordezakarien eskutik jaso genituen. Alkateak idatziko gutuna irakurri ziguten. Bertan, alkateak, udaletxean iaz egindako proposamenei erantzuna eman zien.

Bar Alejandro

- 41 -

GURE ARTEAN 75. 2019ko apirila

Flysch Martxoaren 22an, marea baxua eta eguraldi bikaina aprobetxatuz, goiz pasa ederra egin zuten DBH 3koek. Zumaiara joan ziren Flysch-ean bizi diren izaki bizidunak aztertzera. Animalia zein landare desberdinak ikusi eta es-

pezie bakoitzaren inguruko informazioa jaso zuten. Amaieran, ingurumenaren alde keinu txiki bat egiteko tartea ere hartu zuten, zaborra jasoz.

Horma eta Urola dokumentala DBH 4n, ekosistemen egitura eta dinamikarekin lotuta, bigarren ebaluazioan zehar honako bi jarduera hauek egin ditugu: Xabier Arenasek eta Luis Juaristik Urola ibaia izeneko dokumentala aurkeztu ziguten, dokumentala ikusi genuen, eta ondoren, haiek egindako dokumentalari buruz hitz egi-

- 42 -

teko eta galdetzeko aukera izan genuen. Oso interesgarria izan zen.

Iriarte Margolariaren kaleko aurrez aurre dauden bi hormen azterketa egin genuen. Lan honen helburua horma horiek ekosistemak diren ala ez ondorioztatzea zen, horretarako, metodo zientifikoaren urratsak erabiliz.

GURE ARTEAN 75. 2019ko apirila

ALAI BATZA

Kronika Abenduaren 26a. PINera Irteera

PINera bisita egin dugu. Goizeko 9ak aldera 4 autobus abiatu gara Barakaldo aldera, 230 pertsona baino gehiago. Bertan egun guztia pasa dugu eta hainbat ekintzetan parte hartzeko aukera izan dugu, barrakak, izotz pista, tailerrak, dantzak‌ Oso ondo pasa dugu eta lagunekin egun berezi bat pasatzeko aukera paregabea izan da. Alai Batzako begirale guztion izenean, ONDO PASA GABONAK eta URTE BERRI ON!

Urtarrilaren 18-19

LH 4.mailakoek Somaloko kanpaldiaren azalpena dute, parte hartzera animatu daitezen. Ondoren, tailerrean hegazkin bat egin dugu, geuk nahi genuen bezala adornatuta. Patioko jolasean baloi erregen ibili gara eta horrekin batera AB Championseko finalerdiak eta finalak jokatu dira.

Urtarrilaren 11-12

Indartsu itzuli gara oporretatik. Gaurkoan, ekintza asko izan ditugu. Hasteko, bisita oso berezi bat eduki dugu: San Jose egoitzako lagunak etorri zaizkigu eta ederki ibili gara beraiekin jolasean eta merendatzen. Oso momentu berezia izan da guretzat, adineko pertsonak eta haurrak elkarrekin denbora partekatu dugulako. Hauek joan direnean, gure ohiko ekintzekin hasi gara. Tailerrean gozoki goxo bat prestatu dugu, gero ederki sartu dena. Patioko jolasean baloi eserizka ibili gara eta oso ondo pasatu dugu. Guneetan magia tailerra izan dugu, trikimailuak ikasi ditugu, geroago gure lagunen aurrean martxan jartzeko. Bideomovien AB TxanpiĂąon grabatu dugu, AB Champions ekintzari hasiera eman diogunez, hau omentzeko. Azkenik, 19etako momentuan galderen jolas batean ibili gara eta pilo bat ikasi dugu. Ostiralean, berriz, ADS taldeak izan genituen arratsaldean eta Gazte Kluban Kontrabandista jolasean aritu ginen, oso jolas entretenigarria.

Bideomovien tailerraren tutoriala grabatu dugu. Gainera, magia tailerrarekin jarraitu dugu, pixkanaka-pixkanaka mago bihurtzeko. Azkenik, 19:00etako momentuan Stop the bus jolasean ibili gara. Kantaldi/Jaialdiko papera banatu dugu eta batzuk entseatzen ere hasi dira. Animatu eta parte hartu! Urtarrilaren 25-26 ON BOSCO FESTA

Ostiralean, ADS taldeak izan genituen eta On Boscori buruz hitz egin genuen. Gauean, aldiz, Gazte Kluban afaldu ostean gorputza mugitzeko aukera izan genuen aerobic saio batean. Oso ondo pasa genuen koreografia politak egiten.

Larunbatean, On Bosco festa erraldoia ospatu genuen. Jolas erraldoi eta ezberdinen bidez puntuak lortu behar genituen mailazka. Ondoren, pista batzuen bidez maila bakoitzak bere altxorra bilatu behar izan genuen, a ze nolako poza eman zigun topatzeak eta barruan zeuden jaki goxoak ikusteak. Jarraian, indarrak hartzeko mokadutxo bat jan genuen. Egunari amaiera emateko, dantza saio bikaina izan genuen eta just dance erraldoian parte hartu genuen. Kanpaldietan izena emateko epea irekita dago eta ­otsailaren 9a izango da azken eguna.

- 43 -

GURE ARTEAN 75. 2019ko apirila

Otsailaren 1-2

Eguraldi txarrari aurre eginez, asteburu dibertigarri bat pasa dugu Alai Batzan. Ostiralean, ADS taldeetan gai berriei buruz hausnartu genuen. Gauean, aldiz, Gazte Kluban, urteko lehiaketan parte hartu genuen, ederki pasa genuen persona famatuen adinak asmatzen. Larunbatean, ekintza ezberdin ugari izan genituen. Hasteko, tailerrean arrain polit batzuk egin genituen, eta ederki geratuko dira gure logeletan. Marro-marrozka jolasteko aukera izan genuen eta bilarreko txapelketan ere hartu genuen parte. Pixkanaka, Kantaldi-jaialdiko entseguekin hasi gara. Bideomovie taldeak bideo berezi bat grabatu du, laster izango duzue ikusgai. Guneen kasuan, antzerkiarekin aritu gara jolasean, oso ondo pasa dugu jolas ezberdinak egiten. Azkenik, High School Musical Dancean dantza ederrak egin ditugu. Nahiz eta trumoia eta tximistak kanpoan egon, guk eguzkia atera diogu arratsaldeari. Otsailaren 8-9

Ostiralean ADS taldeetan elkartu ginen. Gauean zortearen erruletan jolastu genuen Gazte Kluban. Ze ondo pasa genuen jira eta bira!

Larunbatean, berriz, betiko ordutegian elkartu ginen. Tailerrean triku bat egin genuen; txapelketetan pala txapelketa eder bat eduki genuen eta oso ongi aritu ginen pilotarekin jolasean! Arratsalde erdian zortearen erruletan ere aritu gara jolasten. Kantaldi–jaialdiko entseguak aurrera doaz. Bideomovien bidaiei buruzko bideo bat egin dugu, laster edukiko dugu ikusgai. Zazpietako momentuan, kinect sports jokoan jolastu genuen. Otsailaren 15-16

Ostiralean, ADS taldeetan gai ezberdinak landu genituen eta hitz egin eta hausnartzeko tarte polita izan genuen. Beldurrezko gaua bertan behera gelditu zen.

- 44 -

Larunbatean, ohiko ordutegia izan genuen. ADS taldeak izan ondoren, tailerrean hariz eta ponpoiez eginiko flamenko polit batzuk egin genituen. “4 ilaran” txapelketa erraldoian ere parte hartu genuen. Bideomovie taldeak bideo berri bat grabatu du eta laster izango duzue ikusgai. Kantaldi-jaialdiko entseguekin ere jarraitu dugu, izan ere, data gero eta gertuago dago. 7tako momentuan, abesten aritu gara. Espero dugu bihar ez duela euririk egingo. Otsailaren 22-23

Eguraldi onarekin jarraituz ostiralean ordutegi normala izan genuen. ADS taldeetan gai desberdinak jorratu genituen eta gero jolasean ibili ginen. Gazte kluban 8etan Zortearen Erruletako finala jokatu genuen. Larunbatean berriro ere eguzkiak lagundu gintuenez, ekintza ugari izan genituen arratsalde osoan zehar. Tailerrean “amets harrapaiguak” egin genituen, 5etako unean “twistter” jolasean ibili ginen, 3X3 ko txapelketak ere izan genituen. Bideomovien inauterietako bideo dibertigarri bat egin dugu, web orrian ikusgai egongo dena. Kantaldi – jaialdiko entseguak ere aurrera doaz. 7 etako momentuan “just dance” jokoarekin dantza eder batzuk egin genituen. Martxoaren 2

Inauteria ospatu genuen Alai Batzan. Kolore-kolore eta gustu guztiak… Begiraleak haurtxoz mozorrotu ginen eta gure lagunaren urtebetetze festa ospatu genuen. Tarta desagertu zen, ordea, eta denon artean jolasen bidez aurkitu genuen. Indarrak hartu ondoren, gure mozorroak erakutsi eta dantzan amaitu genuen eguna. Era guztietako mozorroak ikusi genituen, polit eta dibertigarriak!! Aurtengoan hauek izan ziren irabazleak:

– Banakakoa: Freddy Mercury (xurgagailu eta guzti) – Taldekakoa: Bob Belaki.

Oso ondo pasa genuen eta dagoeneko datorren urteko inauterien zain gaude.

GURE ARTEAN 75. 2019ko apirila

Martxoaren 9

Martxoaren 8an, ostiralean, Boskotaldea Federazioko Gazte Zentroen Topaketa ospatu genuen Azkoitian. 19:00tan eman genion hasiera festari eta gauerdira arte luzatu zen festa. Parte hartzaileak iristean merienda eman eta taldeko argazkiak atera genituen. Jarraian aukera zabala genuen disfrutatzeko: puzgarriak, laser tag, simuladoreak, photocall… Oso ondo pasa genuen saltoka eta argazkiak ateratzen. Gainera, kanpaldietan egindako lagunekin egotera aukera paregabea izan zen. Bederatziak eta laurden aldera afaltzeko ordua iritsi zen eta gurasoek goxo-goxo prestatutako ogitartekoak eta hanburgesak jan genituen. Ze goxoa zegoen dena. Ondoren, izugarrizko ekintza berezi eta berria izan genuen. Street Scape izeneko ekintza dibertigarria. Mugikorrera aplikazio bat jaitsi genuen eta bertako jarraipenen bidez herrian zehar enigma eta igarkizunak asmatu eta erantzun behar izan genituen. Azkenean talde batek ezkutuko kutxa irekitzea lortu zuen. Jokoaren bidez taldea lanean aritu ginen eta kanpotik etorritakoek herria ezagutzeko aukera ere izan zuten.

Azkenik, otoitz eta hausnarketa momentu baten ondoren, oparitxo bat eman ziguten gure bidea aurkitzen jarraitzeko. Oso ondo pasa genuen, datorrenaren zain geratzen gara. Martxoaren 9

LADS taldeak izan genituen eta ondoren ekintza ugariz gozatzeko aukera izan genuen: tailerrean marko polit batzuk egin genituen. Katu-katu jolasean ere jolastu genuen. Kantaldi-jaialdia gerturatzen ari denez, azkeneko entseguetan ere aritu ginen.

Martxoaren 22-23

ADS taldeetan pelikula batzuk ikusterari ekin genion. Ondoren, Gazte Kluban, karta txapelketa erraldoia antolatu genuen.

Larunbatean, ekintza ugari izan genituen. Tailerrean, erle hori-beltz politak egin genituen. Kantaldi-jaialdiko entseguekin ere jarraitu genuen. Patioko jolasean kateazka ibili ginen elkar harrapatzen. Ipuinen gunean ipuinak kontatzen eta asmatzen egon ginen, eta Bideomovie taldeak txisteei buruzko bideo bat grabatu zuen. Azkenik, “kahoot” jolasean ibiltzeko aukera izan genuen. Kantaldi-Jaialdia ikusteko sarrerak salgai jarri dira 3€tan ikastetxeko idazkaritzan edota zuzendaritzan. Martxoaren 29-30

Gazte Kluban “Tu Cara Me Suena” show erraldoia izan genuen. Oso ondo pasa genuen imitazioak eta abestiak ikusten. Zelako artistak!

Larunbatean, aldiz, ekintzaz beterik izan genuen arratsaldea. Hasteko, Korrikaren aldeko gure keinua egin genuen. Eta guztiok batera “Korrika Txiki” izan genuen. Ondoren, lekukoak zeukan mezua irakurri genuen. Izan ere, Alai Batzan euskaraz jolastu nahi dugu, euskaraz dantza, euskaraz bizi nahi dugu!

Bestetik, tailerrean dordoka berezi batzuk egin genituen. Baloi erregen ere jolastu ginen eta futbolin txapelketa eta ping-pong txapelketa amaitu genituen. Ipuinen gunean ipuin polit batzuk idatzi genituen eta 7etan “Just dance”n gorputza mugitu genuen.

Bideomovie taldeak magiari buruzko bideoa grabatu du eta laster izango duzue bideoa ikusgarri. Mario Karten ere ibili gara, bolantearekin autoak gidatzen. Oso ondo pasa dugu. Martxoaren 15-16

Gazte Kluban Hi Selfie! lehiaketan parte hartu genuen. Oso ondo pasa genuen taldezka argazki bitxiak imitatzen. Oso argazki bitxiak eta dibertigarriak atera genituen.

Larunbatean, eguzkiak lagundu gintuen eta arratsalde zoragarri bat igaro genuen. Tailerrean, kareta berezi batzuk egin genituen. Bostetan bonbazka jolasari hasiera eman genion eta baloiarekin jolasaldi ederra izan genuen. Bideomovie taldeak Challenge ezberdinak grabatu dituzte eta laster ikusi ahalko duzue gure web orrian. Sukaldaritza gunean, animali goxo batzuk sortun genituen binbo eta patatak erabilita. Zazpietan, Zer izango da? izeneko jolas berri batean jolastu genuen. Oso ondo pasa genuen.

- 45 -

GURE ARTEAN 75. 2019ko apirila

KIROLAK KIROLARI ONENAREN SARIA

Abenduaren 22an 2018an nabarmendu diren kirolariak bildu dira udaletxeko bilkura gelan. Bozketa egin ondoren, Joseba Diaz izendatu dute urteko kirolari onena. Javier Zubizarreta alkateak eman dio oroigarria.

Alkateak guztiak zoriondu ditu, eta azpimarratu du talentuaren eta baloreen eredu direla. Guztira, hamabost modalitatetako kirolariak aukeratu dituzte. Ekitaldiaren amaieran, joan den apirilean zendu zen Antton Oñederraren familiartekoak omendu dituzte, «kirolari asko eman diolako hainbat urtetan». Oñederra urte askoan izan zen Azkoitiko haurren txirrindularitzako irakaslea, eta hark antolatzen zuen, besteak beste, Azkoitiko gaztetxoen txirrindularitzako lasterketa ezaguna. JOSEBA DIAZ. Hona hemen bere palmaresa:

- Euskal Herriko kilometro bertikaletan txapeldun 2018.

- Hainbat garaipen mendiko lasterketetan: Sant Lary Patou, Moncayoko bertikala, Belagoako bertikalak, Cabraleseko hiru bertikalak, Euskaltrail, Trail valle de Tena… - 2017an espainiako bertikalen kopan garaile 23 urtez azpikoetan, podiuma senior mailan. - Munduko kopako Transvulcania proban hamargarren maratoian zein bertikalean, 2017an.

- Haurra zenetik atletismo munduan marka garrantzi­ tsuak lortu ditu, besteak beste, Euskadiko kross txapelketan podiumak, pistan 3000 metrotan 8:53, Espainiako kross txapelketara hainbat bider joan da Euskadiko selekzioarekin, Soriako maratoi erdia irabazi… - Horri guztiari gehitu behar zaio taldeko Fisioterapeuta lanak egiten dituela eta entrenatzaile lanetan aritzen dela.

ARRAUNA

Zumaiako taldean urola barreneko neskak ere gogor ari dira. Galdetu bestela Nahikari Galarraga eta Laia Aranbarriri.

- 46 -

GURE ARTEAN 75. 2019ko apirila

PILOTA

Mirari Arzalluzek eta Amaia Aizpuruk irabazi dute Aisiako Emakumea Pilotariko Paleta Txapelketa Azkarra. Emakume pilotariak izan ziren protagonista larunbatean Tolosako Beotibarren. Guztira 20 emakumek eman zuten izena, Beotibar pilotalekuan jokatu zen emakumeen pala txapelketa azkarrean parte hartzeko. 10 bikote horietatik 5 palista Azkoitiko Emakumea Pilotari taldekoak izan ziren.

Herri-mailako txapelketa azkarraren ostean Ezker Hormako Emakumea Pilotari Txapelketako finalak jokatuko ziren, 17:15ean hasita bi final ikusteko aukera izan zen. Larunbateko jaialdiaren inguruko informazio zehatzagoa eta argazkiak Tolosaldeko atarian.

Goizeko 10:00etan hasi ziren lehenengo pilota partidak. Azkoitiarrak ÂŤnahiko ondoÂť hasi ziren, baina Amaia Aizpuru eta Mirari Arzallus azkoitiarrek osatutako bikoteak soilik aurrera egitea lortu zuen. Finalerdietan 15-5 irabazita, finalean sartu ziren. Azken partidan, Larraitz Etxaniz eta Amaia Gonzalez aurkariak mendean hartu zituzten 15-4 markagailuarekin. Honenbestez, azkoitiarrak txapeldun!

Jon Etxaniz eta Alex Juaristi Oteiza Pilota Kirol Elkarteko pilotariek haurren mailako Mendebaldeko Errendimendu Txapelketa irabazi zuten joan den ostiralean, martxoak 29, Soraluzeko pilotalekuan. Jon Etxaniz eta Alex Juaristi Oteiza Pilota Kirol Elkarteko pilotariek 18 eta 10 menderatu zituzten Azpeitiko Ilunpe elkarteko Bidezabal eta Odriozola, Soraluzeko Udalekoa pilotalekuan. Hasierako ligaxkan sailkatzea lortu ez zuten bikoteek jokatu dute Mendebaldeko Errendimendu Txapel­ keta, eta bikote azkoitiarrak irabaztea lortu du. Martxoaren 30ean, zapatuan, jokatu ziren XLV. Atano Buruz Buruko Txapelketako finalak, Gurea pilotalekuan. Ehun lagun inguru elkartu ziren Gurean, eta guztira sei final ikusteko aukera izan zuten. Otsailaren hasieran hasi zuten Atano Buruz Buruko Txapelketaren 45. edizioa, eta martxoaren 30ean, zapatuan, amaitu zuten. Beren finalak irabazi zituzten 8 urteko Unax Oteizak eta 10 urteko Julen Etxanizek.

GIMNASIA ERRITMIKOA

Ezagutzen al duzue boskote hau? Gimnasia erritmikako DBH 3ko neskak dira: Aitana, Mirari, Ruth, Laura eta June.

- 47 -

GURE ARTEAN 75. 2019ko apirila

IGERIKETA

Azken hilabeteetan emaitza ikusgarriak lortu dituzte Alazne eta Elene Sudupe ahizpek eta Naroa Arangurenek. Zorionak!

TENIS

Tenisean asko aurreratzen ari dira, besteak beste, Manex Salas, Luka Diaz de Cerio, Ibai eta Lara Martin anaiaarrebak.

- 48 -

XAKE

Denis Valor nabarmendu da Azkoitiko txikienen xake taldean. Azkoitiko taldeak, oro har, emaitza bikainak jaso ditu eta udaletxeak harrera berezia egin die.

GURE ARTEAN 75. 2019ko apirila

MENDIA

Azkoitiko mendizaleak Iturriotz-Zelatun-Etumeta ibilaldian eta Zumaia Flysch ibilaldi neurtuan ibili dira.

Aimar Arregi (DBH 4B) udan Monte Perdidora igo zen bere etxekoekin eta Iñaki Arakistainekin. Eskupideratik gora igo ziren, kranpoi eta guzti. Hasi du 3.000ko mendien karrera. Zorionak!

APE

terapia zentroa Koldo Aranbarri

• Reflexoterapia • Diafreo • Osteopatia

Jandonianiz 6b AZKOITIA 943 850 008 688 610 676 www.erromakozubia.com

- 49 -

GURE ARTEAN 75. 2019ko apirila

MOTZEAN

Amets Karrera: Azterkosta saria Aurten Amets Karrerak, LH3.mailako ikaslea, irabazi du Azterkostako 1. kategoriako argazki lehiaketa!

Zer da Azterkosta? COASTWATCH itsasbazterrari buruzko Europako Ingurumen Hezkuntza programaren Euskal Autonomia Erkidegorako egokitzapena da AZTERKOSTA. Europako proiektu hori 80ko hamarkadaren amaiera aldera sortu zen Irlandan, eta 1992tik dugu gure artean. Harrezkero, itsasbazterraren berezitasunak ezagutarazten, horrek dituen arazoak jakinarazten eta gizartea kostaldeko gune naturalak babesteko beharraz kontzientziatzen lagundu nahi duen tresna dugu AZTERKOSTA. AZTERKOSTAk Euskal Herriko kostaldearen egoerari buruzko balorazio orokorra egiteko aukera ematen du, eta baita kostaldeko kudeaketa hobetzeko iritziak eta ideiak jasotzeko ere: arazoak antzeman, legearen aurkako ekintzak salatu edo kontserbatzeko interesgarriak diren eremuak proposatu.

Agustin eta Ali: Zesatezue? saria Urtxintxak antolaturiko “ZESATEZUE?” bideo lehiaketan lehen saria irabazi dute (300 euro). Zorionak bikote! https://vimeo.com/313752417

Itsasoaren aurrean euskara, gure hizkuntza, defendi­ tzen dute. Ezinbestekoa dugu gure eguneroko bizitzan, guk mundua euskaraz bizi dugu.

DBH 1: Zelulak DBH1ean, bi geletako ikasleek Biologia eta Geologiako klaseetan zelulak egiten aritu gara: Zelula prokariotak eta Zelula eukariotak (animalia zelula eta landare-zelula). Paperezko kartulinetan egin ditugu. Kolore ezberdinetako plastilina erabili dugu. Guztiak zoragarri gelditu dira. Hiru talde ibili gara gela bakoitzean proiektua egiten. Talde lanean egin dugu guztia, bakoitza gauza ezberdinez arduratzen. Hitzak: Ane Etxeberria eta Manex Platero Argazkiak: Mº Axun Epelde

- 50 -

GURE ARTEAN 75. 2019ko apirila

Azkoitia -Azpeitia Maratoi Erdia Azkoitia-Azpeitia lasterketa ospatzen dela eta, gure ikasleek, maila altueneko korrikalarien bisitaz gozatzeko aukera izan dute. Hasiera hunkigarria izan da, Diego GarcĂ­a zenaren bizitzaz eta lorpenez aritu zaigu film motza ikusiz. Ondoren, frogari buruzko zenbait informazioa eman digute.

Azkenik, Azkoitia-Azpeitia lasterketan aurreneko postuetan izango ditugun korrikalariak ezagutu ditugu. Ingelesez aritu gara beraiekin eta beraien bizimoduaz hitz egin digute. Mila esker guregana gerturatu zaretenoi! Datorren urtean hemen espero zaituztegu!

LH3: Udaletxea ezagutzen Martxoaren 26an, Floreagako LH 3. mailako neska-mutilak udaletxera joan ziren erakundearen funtzionamendua hobeto ezagutzeko. Lehendabizi, pleno aretoan bilduta, Javier Zubizarretaren eskutik eskolan ikasitako kontzeptuak gogora­ tzeko aukera izan zuten; eta ondoren, eraikineko gela desberdinak ezagutzera abiatu ziren. Gune bakoitzean,

udaleko langileek eskaintzen den zerbitzuaren berri eman zieten.

Lerro hauek aprobetxatzen ditugu udaletxean gurekin egon ziren pertsona guztiei eskerrak emateko egindako harrerarengatik; eta batez ere, ibilbidea egin genuen bitartean gurekin egon ziren Javier Zubizarretari eta Mari Jose Arregiri.

- 51 -

ON BOSCO