2 minute read
Pfimi Interlaken
Frou Ilsebill u Pfingschte
Am Fischer si Frou Ilsebill, wo geng meh will u üse Wunsch nach Zfriedeheit chönne Erfüllig finde mit Pfingschte. Wie das geit?
Wär kennt nid das Dilemma: Ändli Winter, erschte Schnee. Aber es isch chalt u pflotschig. Wärs doch Früehlig! Die erschte Blueme gniesse. Nur, was leggi a? Am Morge ischs grüsli chalt. Am Mittag Tshirt Wätter u am Abe ummi gfroore. Summer, wo bisch? Chuum Chleider mit üs schleppe. Das fägt – bis ufd Hitz. Es dörft chlei chüeler si. Herbscht, du wirsch ersehnt mit dine Farbe ure guete Ärnti. Nur d Stürm u der Näbel bruchtis nid. Hoffentli schneiets gli. Go schlittle, schiine u e stressfreii Wiehnachtszyt… Bini dere Frou Ilsebill ähnlicher, als mir lieb isch? Wei dChind nid so schnäll wie möglich gross wärde? Hei nid älteri Mönsche der Wunsch, nomal jung zsi? U im mittlere Alter? Ischs nid eso, dass geng no meh dörft si? Nur Falte u Kilos nid. Der Fischer u si Frou sitze am Schluss wieder im Daheim, wosi vo Afang a hei gha. Straft Gott ihri Unzfriedeheit? I gloube nid. Zfriedeheit chönne mir a jedem Ort läbe u Gott überal nach si. U si wie Gott? Mir si ihm ähnlich gschaffe. Damit mir das Erkenne u nid vergässe, het Jesus sine Fründe vorem erschte Pfingschte versproche, er schicki üs e Bistand, e Fründ, e Fürsprächer. Dä hilft üs, im Winter über dVielfalt vode Schneeflocke zstuune u voll Fröid am Nachbar der Schnee hälfe wägzruume. Mir chönne im Frühelig über Zerwache vor Natur stuune. U im Summer dankbar si für jede Rägeguss u Sunnestrahl. Mir fröie üs mit de Buure uf ne grossi Ärnti u gniesse zFarbespiel im Herbscht. Bi Dunkelheit u Näbel wüsse mir, dass zLiecht i üs isch u kümmere üs um dNachbari, wos nid so guet het i der Zyt. Mir chönne vo üs wäg luege u gshe, wie guets üs geit – egal wied Umständ si. Zfriede im Hie u Jetz. Ohni Angscht vorem Morn u Truur über geschter. Will mir nie allei si, unändlich koschtbar. Jede Momänt gliebt u willkomme. Es chraftvolls Läbe, egal wie schwach i bi. I ha nüt zverliere, will i scho alles ha. Meh Himmel uf Ärde. Schöni Pfingschte!
Daniela Francioli-von Allmen
www.pfimi-interlaken.ch
3800 Matten-Interlaken Telefon 033 822 19 73 vonallmen-schmiede.ch
Metallbau Hufbeschlag
Für ein schönes Zuhause!
SONDERAUSSTELLUNG
9. Mai – 31. Oktober 2021
Hauptstrasse 111 · 3855 Brienz
Carl Binder
Brienz–Paris–Brienz
