Miðvikudagur 18. október 2023 // 39. tbl. // 44. árg.
MEÐAL EFNIS Síða 14
Tugir mála vegna fíkniefna og peningaþvættis Á síðasta ári rannsakaði lögreglan á Suðurnesjum sextíu og níu mál vegna smygls á fíkniefnum, peningaþvættis og flutningi á reiðufé úr landi. Það sem af er þessu ári eru málin orðin fimmtíu og átta. Þetta kemur fram í tilkynningu frá lögreglustjóranum á Suðurnesjum. Í þessum málum voru sakborningar handteknir á Keflavíkurflugvelli við komu til landsins eða handteknir vegna gruns að vera með illa fengið fé á leið úr landi. Lagt hefur verið hald á 65 kg af kókaíni, 14.000 töflur af oxycontin, 1.800 töflur af contalgin, 100 kg af kannabis, amfetamínbasa og önnur efni sem bönnuð eru hér á landi. Um 60 milljónir kr. í reiðufé hafa verið haldlagðar í aðgerðum tollgæslu og lögreglu. Tolleftirlit í komusal flugstöðvar hefur reynst árangursríkt. Það er síðan í höndum lögreglu að rannsaka mál áfram og leiða í gegnum dómskerfið. Þessu tengt þá sátu áttatíu menn í gæsluvarðhaldi að kröfu lögreglunnar á Suðurnesjum árið 2022 í samtals 2.903 daga, eða að jafnaði átta menn á dag, alla daga ársins. Í ár er talan komin í níutíu og sex, samtals 2.617 dagar, eða um tíu menn á dag það sem af er ári. Í dag sitja tíu menn í gæsluvarðhaldi vegna innflutnings á fíkniefnum.
Jana gefst ekki upp! Á göngum lögreglustöðvarinnar við Hringbraut á mánudag, skömmu eftir að stöðinni var lokað fyrir almenningi. VF/pket
Lögreglustöðinni lokað vegna raka og myglu Lögreglan á Suðurnesjum hefur lokað lögreglustöðinni við Hringbraut í Keflavík vegna raka og myglu. Lögreglustöðinni var skellt í lás í hádeginu á mánudag. Næstu dagar og vika fara í að koma starfseminni sem var á stöðinni við Hringbraut í starfsstöð við Brekkustíg. Reyna á að nota hluta húsnæðisins við Hringbraut áfram, t.a.m. fangageymslur. Þar þarf að tryggja góð loftgæði og aðstöðu fyrir lögregluvakt á meðan fangar eru í húsinu. Framkvæmdasýsla ríkisins gerði úttekt á húsnæði lögreglunnar við Hringbraut. Rannsókn leiddi í ljós
Lögreglustöðin við Hringbraut í Keflavík.
raka í veggjum og gólfum. Þá greindist einnig mygla á þeim stöðum sem sýni voru tekin. Mygla var áberandi á varðstofu lögreglunnar. Þá má vel finna lykt í húsnæðinu sem bendir til þess að þar sé bæði raki og mygla. „Framkvæmdasýsla ríkisins tók út innanrými hússins fyrr á árinu. Niðurstaða þeirrar úttektar er ekki góð. Hér er raki í öllum veggjum og öllum gólfum. Þar sem sýni voru tekin kemur í ljós mygla. Það eru góð ráð dýr og ekkert annað fyrir mig að gera en að huga að öryggi minna starfsmanna. Einhverjir í mínu liði og þeir sem eiga hér vinnustað hafa kvartað undan óþægindum í einhvern tíma. Ég er aftur á móti sannfærður um það að þetta hús sé búið að vera í slæmu ásigkomulagi mjög lengi og þar ræður væntanlega bara mjög lélegt viðhald og ekki brugðist við þegar þess hefur þurft. Nú stend ég frammi fyrir því að flytja starfsemi úr lögreglustöðinni og þetta er ekki alveg vandalaust,“ segir Úlfar Lúðvíksson, lögreglustjóri á Suðurnesjum, í samtali við Víkurfréttir. Nánar á vef Víkurfrétta, vf.is. Þar má m.a. horfa á sjónvarpsviðtal við Úlfar Lúðvíksson um málið.
Síða 4
Ræturnar liggja djúpt Síða 8
Ógeðslega spennandi hrollvekja Apptilboð - afsláttur í formi inneignar
NÝR ÞÁTTUR Á FÖSTUDÖGUM HORFÐU Á ÞÁTTINN Á VF.IS
19–22. október
Allt hakk
16 SÍÐUR Í ÞESSARI VIKU • STÆRSTA FRÉTTA- OG AUGLÝSINGABLAÐIÐ Á SUÐURNESJUM