Austevoll FrP
JA – kommunen Austevoll
Program for 2023 - 2027
Samferdsle
Ombodsrolla: Minst mogleg byråkrati og offentleg styring
Best på eldreomsorg
JA- kommunen Austevoll Kvalitet i skulen og ungdomssatsing
Kultur for alle
Renate Møgster Klepsvik OrdførarkandidatStabil og tydeleg styring
Framstegspartiet ynskjer vekst og utvikling i Austevoll. Vi legg til rette for næringsliv og innbyggjarar gjennom JA-haldning og offensiv satsing på oppvekst, omsorg, kultur, samferdsle og næringsutvikling.
• JA-haldning: I Austevoll skal me sei JA til alt me ikkje har god grunn til å sei nei til.
• Samferdsle: Betre opprusting av kommunale vegar, større satsing på fylkeskommunale vegar, ferjeog snøggbåttilbod og prisar. Kommunen treng òg fleire gode ladestasjonar for el- bilar i heile kommunen. Me vil jobbe meir strategisk opp mot fylkeskommunen for betre vegar, gang og sykkelstiar, fleire rutestopp og nattferje / sundagsruter heile året. Eg er både ordførarkandidat og kandidat til fylkestinget, så skal Austevoll ha ordføraren i fylkestinget, er det berre FrP som kan sikre dette.
• Ombodsrolla: Minst mogeleg byråkrati og offentleg styring: Austevoll kommune skal møta innbyggjarar og næringsliv med ei positiv og løysingsorientert innstilling. Austevoll FrP er nær folket, og alltid tilgjengeleg for innbyggjarane.
• Kultur for alle: Austevoll FrP er klar på at det neste store utbyggingsprosjektet etter Storebø skule må bli kulturhus, og me vil starta planlegging av dette saman med relevante samarbeidspartnarar i kulturlivet snarast.
• Best på eldreomsorg– me prioriterer kjerneoppgåver, og skal ha ein god eldreomsorg. Kommunen skal jobba på lag innbyggjarar som møter akutte tidsavgrensa eller permanente utfordringar som gjer at dei treng tilpassa omsorg- eller hjelpebehov.
• Kvalitet i grunnskule og ungdomssatsing– med topp kvalifiserte tilsette i skulen, oppdaterte læreverk og gode læringsarena inne og ute. Eit større fokus på mental helse for ungdom gjennom førebyggjande arbeid og eit breitt fritidstilbod
JA-kommunen
Austevoll FrP har ei JA- haldning ovanfor innbyggjarar og næringsliv i plan og byggjesaker. Me seier JA til alt me ikkje har god grunn til å sei nei til. Me er på innbyggjarar og næringsliv si side, og finn tolkingar av regelverk og planar som kjem dei til gode når dei ynskjer å få til noko. Me kjempar innbyggjarane si sak når kommunen har sagt ja, men Statsforvaltaren seier nei.
JA- haldninga gjeld òg på andre område. Det handlar om korleis me ynskjer å møta den enkelte innbyggjar. Innbyggjarar som møter utfordringar som gjer at dei treng tilpassa omsorg- eller hjelpebehov, skal møta ein kommune som spelar på lag, og som etter beste evne jobbar fram dei beste løysingane innafor det mange opplever som eit firkanta regelverk.
JA- haldninga omfattar òg dei tilsette i Austevoll kommune! Alle tilsette er viktige for at Austevoll skal kunna gje dei beste tenestene til innbyggjarane, og derfor er det viktig for Framstegspartiet å ta vare på dei tilsette, og sikra at arbeidsmiljøet vert opplevd som godt og meiningsfylt.
Det handlar om korleis kommunen ynskjer å møta den enkelte innbyggjar
Eit godt samarbeid mellom administrativ leiing, politisk leiing og arbeidstakarorganisasjonane er ein viktig nøkkel til eit godt arbeidsmiljø for alle.
FrP vil:
• Ha en ansvarleg økonomisk styring av kommunen slik det var alle 12 år FrP styrte
• Sei JA til ein kommune utan eigedomsskatt
• Hyppig rullere kommuneplanen og gjennom den sikre utvikling av Austevoll
• Sikre at Austevoll blir ein meir open kommune med betre arbeidsmiljø
• Sei JA til eit vindmøllefritt Austvevoll
JA – kommunen Austevoll Austevoll Frp
Samferdsle
Samferdsle handlar for austevollingane om noko heilt anna enn firefelts motorvegar som dei snakkar om på austlandet. Austevoll FrP er opptatt av at borna våre skal ha trygge vegar til skule og fritidsaktivitetar.
Trygge, gode vegar
Kommunen har fleire strekningar som treng både vedlikehald og utbetringar. Me vil kjempe på gjennom kontaktnett i fylkeskommunen og andre styresmakter for å sikra vegane våre i heile kommunen. Me må jobba for både små trafikksikringstiltak og gang og sykkelvegar, og for å få fortgang på dei større prosjekta som Mjåsund bru i Torangsvåg, Storebøvegen og Selbjørn bru- Fagerbakke.
Snøggbåt og ferje
Me skal ikkje gløyme at sjøen er ein del av vegen vår, anten me reiser med ferje eller snøggbåt. Eit viktig satsingsområde for Austevoll kommune må vera å få eit betre ferjetilbod på kveld og natt, buss som korresponderer, fleire snøggbåtavgangar og lågare prisar på snøggbåten.
Prioritering av trygge, gode vegar, snøggbåt, ferje og fastlandssamband
Fastlandssamband
Dersom Austevoll kommune ynskjer å bli landfast med bru, må me bruka tid og krefter på dette arbeidet frå kommunen si side. Austevoll FrP ynskjer å knyte Austevoll til Hordfast og jobbe for samtidig utbygging. Me ynskjer å etablera eit eige selskap Austevollfast AS som skal jobba for å sikre framdrift i arbeidet, slik at Austevoll ikkje blir liggjande endå meir bakpå i dette arbeidet.
FrP vil:
• Vera pådrivar overfor fylket for spleiselag på veg utan bompengar
• Jobba for at ferjene framleis skal vera gratis
• Jobba for at båtrutene til øyane òg blir gratis
• Jobba for fleire busskur
• Jobba for betre bussruter i heile kommunen
• Få fleire ladestasjonar for el- bilar
• Jobba aktivt for eit betre ferjetilbod på kveld og natt.
Kultur
Kultur skapar samhald og fellesskap, og i Austevoll yrer det av krefter som har mykje å by på kulturelt. Austevoll FrP meiner kultur og gode samlingsplassar er blitt nedprioritert dei siste åtte åra, og er klar for at no er det kulturen sin tur!
Austevoll Frp meiner at no er det kulturen i uttrykksformer som kunst, teater, dans og musikk kommunen bør setja høgast på prioriteringslista når det kjem til framtidige investeringar. Me ynskjer å snarast koma i gang med planlegging og prosjektering av eit kulturhus som rommar alle kulturområde.
Ein flott samlingsstad for både den lovpålagde kulturskulen med musikk, maling, dans og drama, og innbyggjarinitiativ som konsertar og utstillingar. Eit godt samfunn med kjensle av fellesskap og felles mål vert til gjennom sosiale samkome, og kultur er ein viktig ingrediens for å oppnå slike fellesskap. Me vil vera sterk pådrivar og spela på lag med kulturlivet i kommunen!
Austevoll FrP vil i tett samarbeid med kulturskule, musikkråd, kulturråd og andre samarbeidspartar, setja i gang arbeidet med planlegging av kulturhus, slik at me kan ha eit realistisk mål om å få dette på plass.
Kultur skapar samhald og fellesskap, og FrP vil vera pådrivar og spela på lag med kulturlivet i kommunen
FrP vil:
• Vera pådrivar for å koma i gang med planlegging og prosjektering av kulturhus
• Spela på lag med kulturlivet i Austevoll for å få til fleire kulturelle samlingsarena og arrangement
• Vera lagspelar og bidragsytar for å få på plass eit korpstilbod for born og unge
• Sikra god samordning og kommunikasjon mellom Austevoll kommune og kulturfeltet
• Ta vare på og vidareutvikla kulturskattar som Hufthamartunet og gjera det mest mogleg tilgjengeleg for folk flest.
• Etablera e-sportsenter i Austevoll
Ombodsrolla
For oss i Framstegspartiet står rolla som ombodsperson for innbyggjarane høgt i kurs. At FrP sine representantar er ombodspersonar, betyr kort og greitt at det som er viktig for deg, er viktig for oss! Det handlar om politikarar og kommuneleiing som er klar over at kommunen er til for innbyggjarane, ikkje omvendt!
Eit viktig stikkord for ombodsrolla er tilgjengelegheit! Det skal vera lett å få tak i politisk leiing både på telefon, e-post og for fysiske møte. Me ynskjer eit opnare kommunehus og kort responstid når folk tek kontakt med kommunen. Møter med kommunen skal sjølvsagt vera gratis! Ombodsrolla handlar om at me som lokalpolitikarar møter innbyggjarane med respekt og vilje til å setja oss inn i deira utfordringar eller ynskjer, og at me er løysingsorientert i forhold til vegen vidare, utan unødvendig byråkrati og offentleg styring.
Når me står saman er me sterke, og det å involvere og det å inkludere breitt, har stor verdi. Dette gjeld både når det er behov for å påverke prosessar internt i Austevoll og når me treng påverke andre styresmakter for å oppnå det beste for Austevoll og våre innbyggjarar.
Eit viktig stikkord for ombodsrolla er tilgjengelegheit. Kommunen er til for innbyggjarane, ikkje omvendt!
FrP vil:
• Alltid møta innbyggjarane med respekt og vera løysingsorientert.
• Vera tilgjengeleg for ein prat om smått og stort som er viktig for deg.
• Involvera og lytta til dei tillitsvalde når det gjeld arbeidsmiljø og andre saker som vedkjem dei tilsette.
• Involvera innbyggjarar og vera ein aktiv pådrivar for open kommunikasjon.
• Ha meir openheit i saker, og eit ope kommunehus der møter er gratis.
Omsorg
Helse- og omsorg er blant dei viktigaste primærtenestene kommunen har ansvar for. Austevollingane skal kjenna seg trygge på å bli møtt med respekt, løysingsvilje og gode teneste når behovet melder seg, anten det er akutte og mellombelse behov eller meir langsiktige behov for auka omsorg, uansett alder.
Kommunal drift
Austevoll FrP er tydeleg på at tilsette innafor omsorgssektoren treng stabilitet, og vil ikkje endre på driftsmodellen som i dag er kommunal. Ein ny runde med spørsmål om konkurranseutsetjing av tenestene, vil kunna bidra til uro i organisasjonen, noko me ikkje ynskjer. Tenestene skal framleis liggja under kommunal drift.
Auka grunnbemanning
Andre kommunar har med hell redusert sjukefråværet i eldreomsorga ved å auka grunnbemanninga i eldreomsorga. Austevoll FrP meiner dette kan vera ei løysing som fører til mindre stress og ein betre arbeidskvardag for dei tilsette, og meiner Austevoll kommune må gjera tilsvarande tiltak innafor eldreomsorga.
Austevollingane skal kjenna seg trygge på å bli møtt med respekt, løysingsvilje og gode tenester
Demenskoordinator
Austevoll kommune har i dag ikkje ein eigen demenskoordinator, som kan rettleie og hjelpe familie og pårørande til demente. Austevoll FrP vil ha få dette på plass. Kunnskap om demens gjer det lettare å takle dei utfordringane demenssjukdom medfører for familie og nære venner å takla utfordringane dei står overfor.
FrP vil:
• Sikra at heimetenesta vert levert i heile kommunen, også på øyane.
• Kjempa for å behalde ambulansebåten for å tryggja austevollingane.
• Ha eit godt tilbod med faste legar og psykologar.
• Sikra eit godt helse- og omsorgstilbod til innbyggjarar i alle aldersgrupper.
Me vil gjera dei rette tinga rett når det kjem til å leggja til rette for ein trygg og god oppvekst for born og unge. For Austevoll FrP er det sjølvsagt at skulane våre skal vera best mogleg rusta for å sikra born og unge ein god skulekvardag.
Kvalifiserte tilsette i skulen, gode skulebygg og oppdaterte læremidlar er viktige føresetnader for vidare utvikling og skulegang. Kommunen kan framleis strekkje seg eit stykke når det kjem til å leggja til rette for opplæring på meir praktiske læringsarena for skulane. Saman med skulane vil me vurdera korleis me kan inkludera alle elevar i ein meiningsfull skulekvardag. Der det finns alternative læringsarena, vil me leggja til rette for at skulen kan nytte seg av desse, dersom skulen vurderer det til beste for elevane.
For Austevoll FrP er det ei prioritert oppgåve å støtta og vidareutvikla eksisterande fritidstilbod innafor kultur og idrett i samarbeid med dei unge. Me har òg foreslått at nye aktivitetar, som til dømes organisert e-sportsenter og skatepark kan vera gode supplement til dagens tilbod,
Skulane våre skal vera best mogleg rusta for å sikra born og unge ein trygg skulekvardag og god opplæring
men blitt nedstemt på det. Me vil kjempa vidare, saman med ungdomsrådet og andre interesserte, for å få eit mest mogleg variert og inkluderande kultur og fritidstilbod som dei unge ynskjer.
FrP vil
• Ha gode skulebygg tilpassa behovet
• Bidra til at skulane får den fleksibiliteten dei treng for å nytta alternative læringsmetodar
• Samarbeida med private for å yte gode barnehagetilbod og jobbe for mest mogleg løypande opptak
• Etablera e-sportsenter i Austevoll.
• Ha tett dialog med ungdommen og møta deira ynskjer og behov
Kvalitet i grunnskule, og ungdomssatsing
Saman skal me sørgja for forandring i Austevoll
JA-Kommunen
JA!
JA!
Kandidater for Austevoll FrP
1. Renate Møgster Klepsvik
2. Helge Andre Njåstad
3. Lene Hatlevik Rabben
4. Øystein Fammestad
5. Kai Eliassen
6. Edvard Johannes Stangeland
7. Geir Bergflødt
8. Anita Storebø Salthella
9. Per Espen Vik
10. Emil Økland
11. Anne Marie Otterå Halstensen
12. Lene Andersen
13. Robin Jarnes
JA
14. Haakon Daniel Økland
15. John Otto Haugsbakk
16. John Inge Vik
17. Georg Kenneth Fedøy
18. Lisbeth Haugland Vik
19. Ingelin Landa
20. Lars Hvidevoll
21. Ole Kristoffer Tøkje
22. Kjetil Ivar Aase
23. Nils Heine Bussesund
24. Kurt Thomassen
25. Olav Njåstad
26. Jostein Blænes
kommunen Austevoll
JA – kommunen Austevoll Austevoll Frp Følg oss på facebook: Austevoll FrPI år er det både kommuneog fylkestingsvalg.
I valg lokalet finner du to valglister:
Rosa kant for kommunevalget Blå kant for fylkestingsvalget.
I kommunevalet kan du retta på røystesetlane (vegleiing står på røystesetlane):
Setje kryss ved ein kandidat for å gje han/ho en ekstra personstemme
Føre opp ein listekandidat frå et anna parti for å gi han/ho ei ekstra personstemme
Alle som fyller 18 år i løpet av 2023, og er busett i kommunen pr 30. juni, har stemmerett.
Du treng ikkje væra norsk statsborgar for å ha stemmerett ved lokalval;
- Nordiske statsborgarar har stemmerett om dei er busett i kommunen før 30. juni - Utanlandske statsborgarar frå utanfor Norden har også stemmerett om dei har vore busett i Norge dei siste tre åra.
Det einaste du treng å ha med deg i vallokalet er gyldig legitimasjon m/bilde. Du treng ikkje valkortet (blir sendt i Posten), men dette lettar arbeidet i vallokalet.
Tidlegstemming starter 3.juli, og ordinær forhåndsstemming er åpen fra 10.august.
Verdiskapingsfylket Vestland
Stem FrP ved kommuneog fylkestingsvalet!
Fylkesordførarkandidat
Vestland FrP
Terje Søviknes
FrPs prioriteringar i fylket:
- Fritt skuleval og satsing på yrkesfag
- Utbygging og vedlikehald av fylkesveg
- Nei til bybane over Bryggen
- Nei til bompengefinansiert bybane til Åsane
- Ja til eit godt kollektivtilbod i heile fylket
- JA-haldning i arealsaker
- Verdiskaping og arbeidsplassar
Vestland FrP stiller ei knallsterk liste til fylkestingsvalet 2023:
1. Terje Søviknes (Bjørnafjorden)
2. Sigbjørn Framnes (Stord)
3. Renate Møgster Klepsvik (Austevoll)
4. Martine Jordana Baarholm (Bergen)
5. Frank Willy Djuvik (Kinn)
6. Stig Abrahamsen (Askøy)
7. Helge Stormoen (Bergen)
8. Sigurd Andrè Maraas (Fitjar)
9. Gustav Bahus (Bjørnafjorden)
10. Rita Navarsete (Sogndal)
11. Hogne Bleie (Stad)
12. Frode Nygård (Kvam)
13. Anita Garlid Johannessen (Øygarden)
14. Martin Virkesdal Jonsterhaug (Bergen)
- Stem for eit offensivt Vestland!
15. Mary Ann Mostraum (Alver)
3. kandidat i fylkestingvalet Renate Møgster Klepsvik