Stjórnbúnaður í sjávarútvegi

STJÓRNBÚNAÐUR Í SJÁVARÚTVEGI

NÚTÍMAVÆÐING SKIPAFLOTANS Á síðustu árum hefur þróun innan sjávarútvegsins verið hröð og tækniframfarir hafa leitt af sér öruggari starfsumhverfi og betri nýtingu á verðmætustu auðlind Íslendinga.

Verkís hefur tekið að sér fjölmörg verkefni í stjórnbúnaði innan sjávarútvegsins, m.a. forritun, hönnun, ráðgjöf og gerð rafmagnsteikninga.

Meðal kerfa sem Verkís hefur tekið þátt í að forrita eru: • Sjálfvirk lestarkerfi • Lausfrystar, krapa- og ísvélar • Karfaflokkarar, lifrar- og hrognadælur • Færibandakerfi, lyftur og kranar • Hitastýringar á kælikerfum • Vöktun á kælingu og síritun

HUGBÚNAÐARGERÐ Mikilvægt er að óskir verkkaupa endurspeglist í virkni kerfissins og að hægt sé að gera breytingar eftir þörfum þegar kerfið er komið í notkun. Skjákerfisviðmót skal vera auðskiljanlegt og einfalt í notkun.

Hugbúnaðargerð Verkís felur í sér: • Virknilýsingar í samráði við verkkaupa • Reglun mótora og dælna • Forritun allra helstu gerða stýrivéla og tíðnibreyta • Kunnáttu á alla helstu samskiptastaðla • Hönnun skjákerfis með möguleika á tengingu við gagnagrunna, viðvaranasögu og gröf • Söfnun mæligilda í SQL gagnagrunn

RAFMAGNSDRIFIN FÆRSLA Í nútíma fiskvinnslu er gerð krafa um hraða færslu á fiski og fiskikörum með færiböndum, mótordrifnum lyftum og dælubúnaði fyrir vatn svo fátt eitt sé nefnt. Uppsetning á slíkum búnaði kallar á sérþekkingu í servó-drifum, tíðnibreytum, nemum og skynjurum, viðeigandi samskiptastöðlum og forritun.

Hugbúnaðargerð Verkís felur í sér: • Servó-drifin færibönd, lyftur og þriggja ása kranar • Vatnssprautunar- og dælukerfi • Tíðnistýrðir mótorar • LIDAR og RADAR skynjarar • Aflskápar og rafdreifingar

GLUSSA- OG LOFTKERFI Í fiskvinnslu er nauðsynlegt að geta fært til miklar þyngdir og skorðað þær af í öryggisskyni. Þar koma glussa- og loftkerfi oft að góðum notum og eru sérfræðingar Verkís vel að sér í forritun þeirra. Á meðal þeirra kerfa sem Verkís hefur hannað eru: • Hliðrænt stýrðir glussalokar • Rafstýrðir glussalokar tengdir á CAN-bus • Loftstýrðir lokar og drif • Loftstýrðir hlerar, sogskálar, læsingar og bremsur

DÍSELRAFSTÖÐVAR Verkís státar af breiðri þekkingu og reynslu í innkaupum, hönnun og þjónustu við díselrafstöðvar.

Verkís býr að öflugum rafbúnaðarhópum og í þeim starfa, meðal annarra, fyrrum vélstjórar til margra ára á fiskiskipum.

Verkís hefur m.a. þekkingu og reynslu á forritun og gangsetningu DEIF stjórnbúnaðar fyrir rafstöðvar.

Meðal verkþátta sem Verkís sér um vegna díselrafstöðva eru: • Útreikningar á aflþörf • Fyrirkomulag, kæling og hljóðvist • Hönnun olíukerfa • Hönnun afldreifingar • Stjórnkerfi • Rekstur og prófanir

Húsavík

18.09.2019