1 minute read
Lleguen les ánimes
Next Article
Lleguen les ánimes pel occidente
La seronda n’Asturies ye tiempu de vivos y bien vivos, pero sobremanera na parte occidental del país atopamos la so cara más mística, más oculta, onde se produz la conexón coles solombres de la nueche. El cultu a les ánimes y a los muertos forma parte del imaxinariu social y mitolóxicu d’Asturies dende tiempos remotos que funden los sos raigaños en rituales y creecies llenes de maxa y misteriu, como, La Santa Compaña o Güestia que ye una de les lleendes que más se rellaten nel occidente d’Asturies, principalmente en Villayón. Otra de les lleendes más inquietantes de la zona ye la del Güercu, la imaxe d’un alma que se presenta a una persona poco enantes de morrer. Nun fala nin fai xestu dalgunu, pue atopase per un camín o trabayando la tierra. Quien la ve, salúdala, pero enxamás nun recibe contestación dala, cuando llega a casa o al pueblu, recibe la noticia de qu’esa mesma persona acaba de morrer fai unos momentos y n’otru llugar distintu. Ye una de les creencies más enraigonaes y los casos puen cuntase por miles. Les apaiciones de difuntos non siempres tienen que tener forma humana, nin tar envueltos en sudarios, nun falten lleendes nes que l’alma adopta la forma d’un animal. El poeta y párrocu asturianu Antón de Marirregera escribía nel sieglu XVII unos versos que yá referíen esta creencia:
