GRADDIO
CHI AC YN GOBEITHIO Y BYDDWCH CHI BOB
AMSER YN RHAN O DEULU ANHYGOEL PDC ANHYGOEL.
Dr Ben Calvert, Is-Ganghellor
CROESO
Ar ran Prifysgol De Cymru, mae'n bleser mawr gennyf groesawu ein holl raddedigion o PDC yma heddiw.
Mae graddio yn garreg filltir allweddol yn eich bywyd – bydd llawer ohonoch wedi symud i ffwrdd o gartref am y tro cyntaf ac wedi dysgu byw'n annibynnol, efallai mai rhai ohonoch fydd y person cyntaf yn eich teulu i raddio, fel yr oeddwn i, neu, i eraill, efallai eich bod wedi dychwelyd i astudio i ddatblygu eich gwybodaeth a'ch sgiliau. Gobeithio y byddwch chi i gyd yn mwynhau'r foment arbennig hon o gydnabyddiaeth ac yn cael diwrnod hynod gofiadwy.
Rwy'n ffyddiog bod eich amser yn y Brifysgol wedi ehangu eich gorwelion, wedi agor llwybrau i gyfleoedd gyrfa cyffrous a heriol, ac wedi'ch trwytho ag ysbryd ymholi ac awydd am ddysgu gydol oes.
Mae heddiw hefyd yn ddiwrnod arbennig i'ch ffrindiau a'ch teuluoedd sydd wedi'ch cefnogi yn eich astudiaethau, ac rydym yn estyn croeso cynnes iddynt. Mae eu synnwyr o falchder yn cael ei rannu'n gyfartal gan ein staff sydd wedi'ch addysgu, eich annog a'ch tywys ar eich taith academaidd. Graddio yw uchafbwynt ein blwyddyn academaidd bob amser ac rydym yn falch o fod gyda chi i ddathlu.
Wrth i ni edrych tua'r dyfodol, gobeithiwn y byddwch yn mynd ymlaen i fod yn llysgenhadon dros y Brifysgol a phopeth yr ydym yn ceisio'i gyflawni. Cadwch mewn cysylltiad, dywedwch wrthym am gamau nesaf eich taith, ac ymunwch â'n cymuned gyn-fyfyrwyr werthfawr. Cofiwch, byddwch bob amser yn rhan o'n teulu PDC anhygoel.
Pob lwc i chi gyd yn eich anturiau yn y dyfodol: byddwch yn feiddgar, yn ddychmygus, ac, yn bwysicaf oll, byddwch yn ysbrydoliaeth i'ch cyfoeswyr trwy wneud i bethau ddigwydd.
Is-Ganghellor
EIN HANES
180 MLYNEDD O HANES
Sefydlwyd Prifysgol De Cymru yn 2013 yn dilyn uno Prifysgol Morgannwg a Phrifysgol Cymru, Casnewydd. Mae ganddynt hanes cyfoethog ac amrywiol, a gallant olrhain eu gwreiddiau yn ôl dros 180 o flynyddoedd.
Sefydlwyd Sefydliad Mecaneg Casnewydd i ddarparu addysg bellach i weithwyr a masnachwyr.
Daeth y coleg yn un polytechnig, gan gynnig diplomâu uwch, graddau israddedig ac ôl-raddedig.
Daeth Coleg Merthyr Tudful yn rhan o Brifysgol Morgannwg.
Ffurfiwyd PDC yn dilyn uno Prifysgol Morgannwg a Phrifysgol Cymru, Casnewydd.
Agorodd Sefydliad Technegol Casnewydd, a adwaenir yn lleol fel yr ‘Ysgol Gelf’.
Unwyd Coleg Addysg Caerllion, Coleg Celf a Dylunio Casnewydd a Choleg Technoleg Gwent i ffurfio Coleg Addysg Uwch Gwent.
Agorodd Prifysgol Morgannwg ei hadeilad ATRiuM yng Nghaerdydd, gan gynnig cyfleuster dysgu pwrpasol i fyfyrwyr diwydiannau creadigol.
Datgelwyd datblygiad gwerth £15m i Barc Chwaraeon PDC, gan gynnwys y cae pêl-droed 3G maint llawn cyntaf mewn prifysgol yng Nghymru.
Ffurfiodd arweinwyr diwydiannol Ysgol Mwyngloddiau De Cymru a Sir Fynwy, a ailenwyd yn ddiweddarach yn Ysgol Mwyngloddiau a Thechnoleg.
Enillodd Coleg Polytechnig Cymru yn Nhrefforest statws prifysgol a daeth yn Brifysgol Morgannwg.
Daeth Coleg Brenhinol Cerdd a Drama Cymru yn is-gwmni sy'n eiddo llwyr i Brifysgol Morgannwg.
Cwblhawyd Clinig Ceireopracteg newydd gwerth £6.5m – cartref i Sefydliad Ceireopracteg Cymru (WIOC) – gan ddod â holl elfennau dysgu, addysgu ac ymarferol y cwrs ynghyd ar Gampws Trefforest.
Agorodd Coleg Hyfforddi Caerllion i hyfforddi myfyrwyr gwrywaidd fel athrawon.
Daeth yr Ysgol Mwyngloddiau a Thechnoleg yn Goleg Technegol Morgannwg, gan adlewyrchu ei bortffolio cynyddol.
Derbyniwyd Coleg Addysg Uwch Gwent i Brifysgol Cymru fel Coleg Prifysgol Cymru, Casnewydd.
Lansiwyd Athrofa Prifysgolion Blaenau'r Cymoedd fel partneriaeth rhwng Prifysgol Morgannwg a Phrifysgol Cymru, Casnewydd.
Mae gwaith adeiladu yn mynd rhagddo'n gyflym ar Calon - ein hadeilad Cyfrifiadura, Peirianneg a Thechnoleg newydd ar Gampws Trefforest - sydd i fod i agor yn 2026.
Sicrhaodd Coleg Prifysgol Cymru, Casnewydd Gymeradwyaeth y Cyfrin Gyngor i ddefnyddio'r teitl Prifysgol Cymru, Casnewydd.
Agorodd Campws Casnewydd, gan ddod yn gartref i fyfyrwyr o Ysgol Fusnes Casnewydd a llawer o Ysgol y Cyfryngau a Dylunio.
AM Y SEREMONI
Y BYRLLYSG
Mae’r byrllysg seremonïol yn seiliedig ar arf a ddefnyddiwyd fel symbol o awdurdod. Ffon fetel neu bren wedi’i haddurno ydyw a gaiff ei chario gan gludwr y byrllysg. Mae’n cynrychioli statws brenhinol neu sefydliad mawr mewn seremoni ddinesig, neu wrth gynnal busnes deddfwriaethol neu weithredol. Mewn cyd-destun academaidd, mae’n symbol o awdurdod y Brifysgol i ddyfarnu graddau a chynnull digwyddiadau mawr fel y seremoni heddiw.
Cafodd y pastwn ei gynllunio yn arbennig ar gyfer y Brifysgol gan y darlithydd a’r artist arobryn Jeremy Spencer, a’i weithgynhyrchu gyda thîm o beirianwyr a phrentisiaid yn GE Aviation Wales, a gefnogwyd gan gwmnïau arbenigol lleol. Cafodd ei gyflwyno am y tro cyntaf ar gyfer gorseddu’r Canghellor, ac mae’n cyfuno cynllun a deunyddiau modern gyda thraddodiad y pastwn academaidd.
ARFBAIS Y BRIFYSGOL
Mae arfbais Prifysgol De Cymru yn adlewyrchu gorffennol a dyfodol y Brifysgol. Enw’r dyluniad yw Arfbais Cyflawni, a’r elfen bwysicaf yw’r darian. Mewn herodraeth, y maes yw’r enw a roddir i wyneb y darian, sydd mewn gwyrdd, i gynrychioli lleoliad y Brifysgol a’r disgyblaethau amgylcheddol a gaiff eu hastudio yma.
Uwchben y darian, gwelir y llyw, sy’n gysylltiedig â chyrff corfforaethol. Ar ben y llyw, o fewn y coronbleth, o ddefnydd sidan arian a gwyrdd, mae’r arfbais. Mae’r arfbais yn dangos y ddraig goch gydag adennydd ar agor yn gafael mewn matrics cof fferrit cyfrifiadur, sy’n cynrychioli agweddau technegol y Brifysgol a’r cysylltiad rhwng yr hen a’r newydd. Ceir dwy ddraig yn cynnal y darian, sy’n adlewyrchu Cymru a natur ryngwladol y Brifysgol.
GWISG ACADEMAIDD
Fe welwch amrywiaeth o wisgoedd academaidd yn y seremoni heddiw. Mae gwisg academaidd Prifysgol De Cymru yn dilyn y traddodiadau a sefydlwyd yn yr Oesoedd Canol, pan aeth prifysgolion gwreiddiol y byd Gorllewinol ati i addasu gwisg yr oes i amlygu eu hysgolorion.
Mae’r gŵn yn seiliedig ar y roba, sef gŵn a fyddai’n cael ei wisgo o dan y cappa clausa, gwisg a oedd yn debyg i glogyn hir. Mae gwahanol fanylion y wisg academaidd bellach yn cynrychioli’r brifysgol a’r radd y mae’r sawl sy’n ei gwisgo yn perthyn iddi.
Mae cyflau is-raddedigion a Meistri’r Brifysgol yn amrywiadau ar goch a llech-lwyd, ac mae gwisg lawn ffurfiol gradd Doethur wedi’i gwneud, yn draddodiadol, o ddefnydd coch sidanaidd llachar. Mae uwch swyddogion prifysgolion Prydain, ar y cyfan, yn gwisgo gwisg nodedig fwy coeth.
Dyluniwyd a chrëwyd gŵn y Canghellor yn arbennig ar gyfer Prifysgol De Cymru, ac mae’n dilyn ffurf draddodiadol gwisg seremonïol sy’n arwydd o bwysigrwydd ers yr unfed ganrif ar bymtheg. Gwelir y math hwn o ŵn hefyd mewn gwisg ffurfiol swydd-ddeiliaid gwladol fel Llefarydd Tŷ’r Cyffredin a’r Arglwydd Ganghellor.
Mae gŵn Canghellor y Brifysgol wedi’i gwneud o ddefnydd damasg coch ‘truro’, wedi’i addurno â gwyn, gydag addurniadau llwyd ar y blaen. Gelwir yr addurniadau lliw arian ar y llewys yn ‘fotymau’. Penwisg grwn, meddal yw het y Canghellor, a chaiff ei galw’n Fonet Tuduraidd, ac mae’i gwreiddiau wedi hen sefydlu yn nhraddodiadau academaidd y DU. Mae Is-Ganghellor ac uwch swyddogion y Brifysgol yn gwisgo gynau nodedig yn seiliedig ar y cynllun cyffredinol hwn.
EDRYCH YN ÔL AR 2024/25
UCHAFBWYNTIAU ALLWEDDOL O'R FLWYDDYN DDIWETHAF
02 – Dathlu ymchwil ysbrydoledig yng Ngwobrau Ymgysylltu ac Effaith PDC 2024
Dathlwyd ymchwil PDC yn y pumed Gwobrau Ymgysylltu ac Effaith blynyddol ym mis Hydref. Roedd y Gwobrau’n dathlu ymchwil cydweithredol, cyfnewid gwybodaeth, a gweithio mewn partneriaeth yn ogystal ag effaith y gwaith hwnnw ar ein cymunedau a’r gymdeithas ehangach yng Nghymru, yn genedlaethol ac yn rhyngwladol.
01– PDC yn codi 59 lle yng Nghynghrair Prifysgolion People & Planet Gwelodd PDC gynnydd enfawr yn nhabl Cynghrair Prifysgolion People & Planet 24/25, gan osod PDC yn safle 23 ymhlith 149 o sefydliadau yn y DU ac yn safle 4 yng Nghymru. Mae'r Gynghrair yn graddio prifysgolion y DU mewn modd annibynnol, yn seiliedig ar berfformiad amgylcheddol a moesegol yn unig. Derbyniodd PDC sgôr o 100% ar gyfer polisi ac ymgysylltu amgylcheddol, ac 88% ar gyfer rheoli carbon, sy’n adlewyrchu ein targed o ddod yn garbon niwtral erbyn 2040.
03 – Adroddiad Canmoladwy
Ofsted ar gyfer prentisiaethau heddlu PDC
Yn dilyn arolygiad trylwyr gan Ofsted (Swyddfa Safonau mewn Addysg, Gwasanaethau Plant a Sgiliau) o brentisiaethau plismona’r Brifysgol, derbyniodd PDC y dyfarniad swyddogol ‘Da’ yn gyffredinol, yn ogystal â dyfarniad ‘Rhagorol’ ar gyfer Ymddygiad ac Agweddau.
04 – Myfyrwyr arloesol yn dathlu llwyddiant mewn prentisiaeth gradd ddigidol
Graddiodd y grŵp cyntaf o fyfyrwyr i gwblhau’r brentisiaeth gradd ddigidol ym mis Gorffennaf. Mae'r radd yn canolbwyntio ar yr angen i bartneriaid diwydiant arwain a chefnogi'r cwricwlwm, gan roi'r sgiliau i raddedigion ffynnu yn eu sector. Ymhlith y partneriaid mae Capgemini, Admiral, y Swyddfa Ystadegau Gwladol, GIG Cymru, a Sony.
05 – Llwyddiant yn safle tablau cynghrair PDC
Cyrhaeddodd PDC ei safle uchaf erioed yn Guardian University Guide 2025, gan godi 21 lle i safle 51 o'r 122 sefydliad ar y rhestr. Mae'r
Brifysgol hefyd wedi codi 18 lle yn safleoedd diweddaraf y Complete University Guide 2026 i safle 77, sef y cynnydd uchaf gan sefydliad yng Nghymru.
07– Mwy o lwyddiant i PDC yng Ngwobrau STEM Cymru
Roedd PDC yn llwyddiannus yng Ngwobrau STEM Cymru eto eleni, sy’n dathlu’r sefydliadau a’r unigolion sy’n gwneud gwahaniaeth i’r agenda STEM. Enillodd y Brifysgol wobr Prosiect Ymchwil y Flwyddyn am ei gwaith ar wrtaith silicon organig cynaliadwy sy’n rhyddhau’n araf (SIFER), dan arweiniad Dr Christian Laycock.
06 – PDC yn sicrhau cyllid i feithrin talent a chyflogadwyedd yn y sectorau creadigol Dyfarnwyd bron i £70,000 o gyllid gan Lywodraeth Cymru i PDC, o’r Gronfa Sgiliau Creadigol, sy’n cael ei rhedeg gan Cymru Greadigol, i gefnogi twf Gŵyl Trochi –digwyddiad amlgyfrwng blynyddol sy’n cael ei redeg yn gyfan gwbl gan fyfyrwyr y Diwydiannau Creadigol – drwy raglen datblygu sgiliau newydd.
08 – Adnewyddu Campws Casnewydd yn gwella cyfleusterau i ddefnyddwyr
Cafodd Campws Casnewydd PDC ei adnewyddu i wella ei gyfleusterau ar gyfer cydweithwyr, myfyrwyr, a’r gymuned leol. Roedd hyn yn cynnwys datblygu dau fan arbenigol newydd: Canolfan Ymchwil ac Arloesi Hydra (HRIC) a Hyb Ymgysylltu Casnewydd, cartref i dimau’r Stiwdio Sefydlu, Cyfnewidfa PDC a digwyddiadau.
09 – Llwyddiant cyllid ymchwil i gefnogi menywod Du a Lleiafrifoedd Ethnig yr effeithir arnynt gan drais a cham-drin domestig Dyfarnwyd mwy na £300,000 o gyllid i’r Brifysgol gan Ymchwil Iechyd a Gofal Cymru ar gyfer prosiect ymchwil ar raddfa fawr yn canolbwyntio ar gymorth i fenywod Du a Lleiafrifoedd Ethnig yr effeithir arnynt gan Drais yn Erbyn Menywod, Cam-drin Domestig, a Thrais Rhywiol.
10 – Adeilad Clinig Ceireopracteg newydd ar agor nawr Mae Clinig Ceireopracteg newydd PDC, gwerth £6.5m – cartref Sefydliad Ceireopracteg Cymru (WIOC) – bellach wedi'i gwblhau ac mae ar agor i gleifion cyn croesawu myfyrwyr newydd ym mis Medi. Mae'r adeilad yn dwyn ynghyd holl elfennau dysgu, addysgu ac ymarferol y cwrs ar Gampws Trefforest.
11 – Graddedigion PDC yn gweithio ar ffilmiau Wallace a Gromit a Kensuke's Kingdom a enwebwyd am BAFTA Gweithiodd cyn-fyfyrwyr o gyrsiau Animeiddio a Ffilm PDC ar rai o ffilmiau mwyaf llwyddiannus y flwyddyn ddiwethaf, gan gynnwys Wallace & Gromit: Vengeance Most Fowl, a enillodd ddwy BAFTA, a Kensuke's Kingdom, a gafodd ei henwebu am y Ffilm Orau i Blant a Theuluoedd.
12 – PDC yn lansio cynllun lleoliad gwaith gyda Cherddorfa a Chorws Cenedlaethol Cymru'r BBC Lansiodd PDC gynllun lleoliad gwaith ôl-raddedig newydd gyda Cherddorfa a Chorws Cenedlaethol Cymru'r BBC, gan gynnig cyfle i fyfyrwyr ddysgu gan gerddorfa symffoni broffesiynol fel rhan o'u hastudiaethau. Fel rhan o'r rhaglen, mae myfyrwyr yn cysgodi peirianwyr sain a thechnegwyr wrth iddynt weithio gyda cherddorion proffesiynol mewn amrywiaeth o ddigwyddiadau cerddoriaeth fyw, gan gynnwys cyngherddau, darllediadau a recordiadau stiwdio.
13 – Myfyrwyr PDC yn dylunio ardal allweddol o adeilad newydd Calon mewn prosiect traws-Gyfadrannol Cafodd myfyrwyr PDC gyfle i ddylunio rhan allweddol o adeilad newydd Calon ar Gampws Trefforest. Rhoddodd cystadleuaeth, a sefydlwyd i hyrwyddo ymgysylltiad myfyrwyr â'r prosiect adeiladu, gyfle i fyfyrwyr gyfrannu syniadau arloesol y gellid eu hintegreiddio o bosib i'r dyluniad terfynol. Roedd y tîm buddugol yn cynnwys myfyrwyr Dylunio Mewnol o Gampws Caerdydd.
14 – PDC a Phêl-droed Stryd Cymru yn mynd i'r afael ag allgáu cymdeithasol drwy chwaraeon Partnerodd PDC â Phêl-droed Stryd Cymru, elusen sy'n defnyddio pŵer pêl-droed i gefnogi unigolion sy'n wynebu heriau fel problemau iechyd meddwl, caethiwed, digartrefedd ac ynysu cymdeithasol. Gwelodd y cydweithrediad fyfyrwyr a chydweithwyr yn cymryd rhan weithredol mewn sesiynau Pêl-droed Stryd Cymru, gan helpu i chwalu rhwystrau a meithrin gwell dealltwriaeth o faterion cymdeithasol yn y byd go iawn.
15 – ‘Prifysgol Entrepreneuraidd Cymru': PDC yn y tri uchaf yn y DU ar gyfer busnesau newydd i raddedigion
Atgyfnerthodd PDC ei safle fel arweinydd o ran meithrin talent entrepreneuraidd, gan osod y tri uchaf yn y DU o ran cyfanswm nifer y busnesau graddedig yn ffigurau diweddaraf HESA. Cadwodd PDC ei theitl hefyd fel y gorau yng Nghymru ar gyfer busnesau newydd i raddedigion am y bumed flwyddyn yn olynol.
16 – Partneriaeth prifysgolion Cymru yn gweithio i ganfod llygryddion a ddefnyddir yn y diwydiant awyrennau
Sicrhaodd partneriaeth rhwng PDC a Phrifysgol Bangor fwy na £400,000 mewn cyllid gan Airbus Endeavr, menter ar y cyd rhwng
Airbus Defence and Space a Llywodraeth Cymru, i ddatblygu teclyn arloesol a ddefnyddir i ganfod llygryddion niweidiol, a elwir yn PFAS (sylweddau per- a polyfflworoalkyl), a ddefnyddir yn y diwydiant awyrennau.
17 – Gwobrau Coleg Nyrsio Brenhinol Cymru | Myfyrwyr nyrsio Anabledd Dysgu PDC wedi'u cydnabod am eu gwaith allgymorth
Cafodd dau fyfyriwr nyrsio Anabledd Dysgu PDC eu cydnabod yng ngwobrau Coleg Nyrsio Brenhinol (RCN) Cymru 2024. Fe'u henwebwyd gan arweinydd eu cwrs ar gyfer Gwobr y Myfyrwyr Nyrsio am eu gwaith allgymorth wrth godi proffil nyrsio anabledd dysgu yn ystod prosiect gydag Addysg a Gwella Iechyd Cymru (AaGIC), sydd wedi cael y clod am gynnydd sylweddol mewn ceisiadau prifysgol ledled De Cymru.
18 – Cannoedd o fyfyrwyr ysgol a choleg yn cael blas ar yrfa mewn seiberddiogelwch
Cymerodd tua 300 o fyfyrwyr o ysgolion a cholegau ledled Cymru ran mewn digwyddiad llwybrau seiberddiogelwch a gyflwynwyd gan CyberFirst Wales, PDC a phartneriaid yn y diwydiant, a gynhaliwyd ar Gampws Casnewydd. Rhoddodd y digwyddiad flas ar addysg uwch i fyfyrwyr rhwng 11 a 18 oed a chodi ymwybyddiaeth o addysg seiberddiogelwch a'r llwybrau i'r diwydiant a'r byd academaidd. .
CROESO I'CH CYMUNED ALUMNI
Llongyfarchiadau, a da iawn chi! Mae ein cyn-fyfyrwyr yn rhan o gymuned fywiog o dros 250,000 o raddedigion anhygoel o bedwar ban byd. Rydyn ni yma i gefnogi eich rhagolygon yn y dyfodol ac arddangos eich talentau.
Mae sawl rheswm dros gadw mewn cysylltiad, rhwydweithio, mwynhau digwyddiadau, cyfleoedd dysgu gydol oes a gwirfoddoli. Rydym wrth ein bodd yn cynnwys ein graddedigion a hyrwyddo eich gwaith caled mewn amrywiaeth o ffyrdd, boed hynny yn ein cylchlythyr neu drwy ein sianeli cyfryngau cymdeithasol gweithredol. Cadwch eich manylion cyswllt yn gyfredol i glywed am hyn i gyd, a mwy! Rydyn ni wrth law i'ch cefnogi chi am oes ar ôl graddio.
Mae manteision bod yn un o raddedigion Prifysgol De Cymru yn ymestyn ymhell y tu hwnt i'ch cymhwyster newydd. Rydyn ni’n ffodus o gael cyn-fyfyrwyr mor amrywiol, yn wneuthurwyr ffilm, cyfreithwyr a gweithwyr gofal iechyd proffesiynol ac yn hyfforddwyr chwaraeon rhyngwladol, digrifwyr enwog, a pherchnogion busnesau bach, a phob gyrfa bosibl arall, ledled y byd.
Fel graddedigion, byddwch yn parhau'n rhan o Deulu PDC ac yn dod yn llysgenhadon gydol oes i'r Brifysgol. Fel y genhedlaeth nesaf o grewyr, arweinwyr, ac entrepreneuriaid arloesol, dymunwn bob llwyddiant i chi. Croeso i'r gymuned! E-bost: alumni@southwales.ac.uk | Ymweld â: www.southwales.ac.uk/cymraeg/alumni/
ASTUDIO ÔL-RADDEDIG
P'un a ydych chi'n awyddus i ddatblygu eich gyrfa, dod yn arbenigwr yn eich maes, neu barhau i ddysgu am bwnc rydych chi'n ei garu, gallai cwrs ôl-raddedig yn PDC fod y cam nesaf perffaith. Rydym yn cynnig cyrsiau amser llawn, rhan-amser a dysgu o bell ar draws ystod o bynciau, ac efallai y byddwch chi'n gymwys i gael ein gostyngiad i gyn-fyfyrwyr. Mae telerau ac amodau yn berthnasol. Ewch i: www.southwales.ac.uk/cymraeg/astudio-ôl-raddedig/
ADDEWID GYRFAOEDD GRADDEDIGION PDC
Mae Gyrfaoedd PDC wrth law i'ch helpu i ddilyn eich uchelgeisiau gyrfa. Datglowch fynediad i raddedigion i CareersConnect lle gallwch fwcio apwyntiadau gyrfa gyda'n Hymgynghorwyr Gyrfaoedd profiadol am hyd at ddwy flynedd ar ôl graddio, yn ogystal ag archwilio gwybodaeth ein canllaw i raddedigion, swyddi gwag i raddedigion a chofrestru ar gyfer rhybuddion swyddi wedi'u teilwra a digwyddiadau gyrfaoedd.
Byddwch hefyd yn elwa o fynediad gydol oes i'n hadnoddau Gyrfaoedd PDC ar-lein. P'un a ydych chi'n mireinio'ch CV, yn ysgrifennu cais sy'n sefyll allan neu'n paratoi ar gyfer cyfweliadau a chanolfannau asesu, mae Pecyn Cymorth MyCareer ar gael ar alw 24/7 i'ch cefnogi. Ewch i: Ymweld â: bit.ly/GraduateUSW
CYMORTH GYDA GWAITH LLAWRYDD A CHYCHWYN BUSNES
Mae Menter PDC yn cynnig cymorth i raddedigion sydd â diddordeb mewn gweithio'n llawrydd neu ddechrau eu busnes eu hunain. Rydym yn cynorthwyo i ddatblygu, profi a lansio eich syniadau. Rydym yn cynnig cymorth un-i-un, cyllid a digwyddiadau i roi'r wybodaeth, yr hyder a'r rhwydweithiau i chi ddechrau gweithio i chi'ch hun. Ewch i: bit.ly/USWEnterprise
Yn y Stiwdio Sefydlu, rydym yn darparu rhaglen gymorth bwrpasol ar gyfer busnesau newydd, lle gwych i weithio, a'r cyfle i dyfu eich cysylltiadau busnes trwy ein rhwydweithiau a digwyddiadau amrywiol. Mae gennym dri deorydd busnes (Caerdydd, Casnewydd a Threfforest), gydag aelodaeth am ddim i raddedigion USW am hyd at 3 blynedd ar ôl graddio. Ewch i: www.entrepreneurship.wales/cy/catref/
DEILLIANNAU GRADDEDIGION – MAE EICH LLAIS YN CYFRIF
Rhannwch eich llwyddiant yn yr Arolwg Canlyniadau Graddedigion, sef arolwg cenedlaethol sy'n nodi gweithgareddau a safbwyntiau graddedigion. Maen nhw'n cysylltu â ni tua 15 mis ar ôl i chi adael y brifysgol am eich cyfraniad i lais cyfunol graddedigion y DU. Bydd eich cyfraniad yn helpu myfyrwyr presennol a myfyrwyr y dyfodol i wneud dewisiadau gwybodus a helpu PDC i werthuso a hyrwyddo cyrsiau. Ymweld â: cy.graduateoutcomes.ac.uk/