BA Perfformio

byw creu cynhyrchu…

BA Perfformio

0300 500 1822 www.ydds.ac.uk

Y CELFYDDYDAU PERFFORMIO

BA Perfformio

PRIF FFEITHIAU Cynnwys y cwrs

Meysydd astudiaeth

Mae’r BA Perfformio yn rhaglen cyfrwng Cymraeg arloesol a chyffrous sydd wedi’i hanelu at y myfyrwyr hynny sydd â’u bryd ar yrfa yn y diwydiannau perfformio. Bwriad y radd yw meithrin sgiliau a chreadigrwydd perfformwyr aml ddisgyblaethol fydd â’r gallu, yr adnoddau a’r potensial i weithio a chynhyrchu gwaith mewn sawl maes, arddull a chyfrwng.

Byddwch felly yn datblygu: • ymwybyddiaeth greadigol gyflawn; • hyder yn eich syniadau a’ch mynegiant creadigol; • adnoddau personol er mwyn gwireddu eich syniadau.

• • • • •

Gwneir hyn drwy osod a sefydlu sgiliau angenrheidiol yn y flwyddyn gyntaf o astudiaeth. Yna, bydd modylau’r ail flwyddyn yn cynnig cyfle i archwilio a mentro ymhellach ac yn ddyfnach i’r maes, ac yn y flwyddyn olaf, rhoddir y sgiliau oll ar waith mewn cynyrchiadau cyhoeddus a phrosiectau ymarferol.

Mae gan yr Ysgol draddodiad hir o fynd â chynyrchiadau theatr a sioeau cerdd ar daith, sy’n fodd o roi rhagflas i’n myfyrwyr o heriau a gofynion realistig y byd perfformio proffesiynol.

Yn ogystal â datblygu sgiliau perfformio'r unigolyn, datblygir hefyd sgiliau trosglwyddadwy buddiol, gan gynnwys gwaith sgriptio a meistroli sgiliau creadigol digidol. Yn ogystal, datblygir sgiliau beirniadol a dadansoddol, gyda’r bwriad o ddatblygu perfformwyr ac ymarferwyr adfyfyriol, sydd yn gallu pwyso a mesur elfennau o’u gwaith a’u crefft mewn perthynas â gwerthoedd cynhyrchu safonol.

• • • • •

Technegau llais a llefaru Hyfforddiant corfforol Technegau actio ar gyfer y sgrîn a radio Perfformio yn gerddorol Agweddau ar fusnes y diwydiant perfformio Sgriptio Creu a llwyfannu Dadansoddi testunau a chymeriadau Prif gynyrchiadau Prosiect personol

Prif nodweddion • Cynyrchiadau dan gyfarwyddyd tiwtoriaid a chyfarwyddwyr proffesiynol • Cyfle i ddatblygu doniau newydd a chyfleoedd i'w harddangos • Cyfle i ymestyn sgiliau creadigol a herio galluoedd academaidd • Cyfleoedd niferus i berfformio yn y Brifysgol ac ar daith • Gweithdai ymarferol • Cyfle i astudio dramor yn yr Unol Daleithiau • Sesiynau hyfforddiant unigol • Siaradwyr gwadd ac ymweliadau • Sgiliau trosglwyddadwy helaeth i hybu cyflogadwyaeth a chyfleon gyrfaol • Bwrlwm o weithgaredd allgyrsiol gan gynnwys cyngherddau a pherfformiadau • Awyrgylch Cymreig a phrofiad o fywyd unigryw Y Drindod Dewi Sant • Côr y Drindod Dewi Sant • Cyfleoedd i weithio yn y diwydiannau perfformio a chyfryngol • Cyfle i geisio am Fwrsarïau y Brifysgol ac am Ysgoloriaethau y Coleg Cymraeg Cenedlaethol • Cyfle i gymryd rhan yng Ngŵyl Y Drindod Dewi Sant, Gŵyl!

Cod UCAS BA Perfformio - W470

Lleoliad Campws Caerfyrddin

Hyd y cwrs 3 blynedd llawn-amser

Gofynion derbyn Gwahoddir pob ymgeisydd i glyweliad er mwyn asesu eu priodoldeb i'r rhaglen. Mae angen meddu ar sgiliau llythrennedd da, gan amlaf, gyda TGAU Gradd C neu uwch yn y Gymraeg.

Cyfleoedd gyrfa Mae graddedigion y Brifysgol i’w gweld yn fynych ar y teledu ac yn perfformio ar lwyfannau ar hyd a lled Cymru a thu hwnt. Mae nifer ohonynt hefyd yn gweithio yn gyfarwyddwyr, cynhyrchwyr ac yn ymchwilwyr, ac mewn meysydd ehangach gan gynnwys byd addysg, hamdden a gwasanaethau cyhoeddus.

www.ydds.ac.uk | 3

Gwybodaeth bellach Am fwy o wybodaeth, cysyllter â: Mair George 01267 676669 m.george@ydds.ac.uk Neu ewch i’r wefan www.ydds.ac.uk/cy/ysgoltheatrcerddarcyfryngau