Page 1


DIAHUEBS 12 DECEMBER , 2013

Pa logra Pre-Clearance gobierno di Hulanda ta sostene Aruba Durante su bishita na Hulanda Prome Minister di Aruba Mike Eman tabatin un encuentro fructifero cu secretario di estado di Finanzas Weekers. Bou di e mandatario aki Aduana Hulandes ta resorta cu ta un di e actornan den e proyecto Pre-Clereance. Un proyecto cu ta avansando. Weekers ta un di e personanan indica pa papia cu ne riba e avance aki y di e siguiente pasonan cu mester

tuma.

Prome Minister Eman: “Si na cierto momento e proyecto aki keda realisa mester di Inmigracion di Hulanda na Aruba mescos cu mester di Aduana Hulandes na Aruba”. Eman a splica cu e proyecto aki ta wordo encamina hunto cu secretario di estado di Husticia Teeven tambe. Bou di Teeven Inmigracion ta cay. Den

Cambio den composicion familiar na Aruba a influencia fondo di AOV Gobierno di Aruba hunto cu partnernan di diferente sector den comunidad den e plataforma Dialogo Social a bin ta discutiendo ampliamente cual ta e miho formula pa e fondo di pensioen (AOV) por sigui financia su mes awor y den futuro. Tin diferente aspecto cu a influencia e fondo aki y loke cu sigur a hunga un rol, segun a wordo splica door di Martijn Blankestein, director di Oficina Central di Estadistica, ta cu e composicion di nos comunidad a cambia drasticamente den e ultimo 50 añanan. “Nos a cambia for di un sistema pyramide unda cu un grupo grandi ta traha y un grupo chikito ta cobra pensioen,” Balkestein a splica den un declaracion duna. Gobierno di Aruba ta den discusion pa subi e edad di pensioen di 60 pa 65 aña, tambe e prima, realisando esaki den fase. Si no haci cambio den e fondo AOV, pa november 2014 caba Gobierno di Aruba mester cuminsa hinca placa den e fondo, cual no tabata e intencion ora cu el a wordo crea na 1960. Meta di e fondo aki ta pa evita pobresa bou di un grupo di e poblacion cu no tin otro entrada na momento cu e bandona mercado laboral. Gabinete Mike Eman II ta kere cu mester haci tur lo posibel pa garantisa existencia di e fondo. Mientras cu na Hulanda ya caba tin un consensus pa hisa e edad te na 67 aña, na Aruba, mirando e forma di traha ta un tiki mas pisa, a propone pa subi’e den un fase di diez aña pa 65 aña. E cambio aki ta necesario, splica door di diferente persona ultimo dianan y tambe door di sr. Blankestein di CBS, pasobra den su actual forma e no ta funciona mas. Hendenan awendia ta biba hopi mas largo pero menos hende ta drenta e proceso laboral. Tempo cu e fondo a wordo introduci, e director CBS a trece dilanti, tabatin un grupo rond di 14 mil persona trahando y un grupo di un poco mas di 1600 persona ricibiendo pensioen. Loke cu a causa un problema den e periodo cu a sigui ta cu e ratio di fertilidad a cambia drasticamente den un periodo di 16 aña, mientras cu na otro paisnan di mundo, e ta tuma un siglo (100 aña) pa mira e cambionan aki. Aruba a pasa di un periodo cu tin un averahe di 5.3 yiu pa famia pa 1.7 yiu pa famia awendia. Esaki a hunga un rol hopi grandi cu awe e fondo di pensioen mester wordo adapta.

e grupo conhunto di trabou cu ta trahando riba e proyecto di Pre-Clearance tin otro ministerionan envolvi mescos tambe Schiphol y KLM di parti di Hulanda. “E grupo di trabou tabatin como meta studia e factibilidad di un Pre-Clearance na Aruba. Den e grupo di trabou aki tin Inmigracion, Aduana y Triple A di parti di Aruba envolvi den e proyecto”. Pa haci e proyecto aki bira un realidad Aruba ta hayando cooperacion di varios secretario di estado y tambe minister-

nan di Hulanda. Eman a bisa cu realisacion di e proyecto aki no ta algo facil, pasobra no ta Hulanda so mester tuma decision, pero Union Europeo tambe. “Esaki pasobra cu una bes e pasaheronan haya nan Pre-Clearance na Aruba nan a wordo ‘gecleared’ na mes momento pa drenta Union Europeo”. Esaki ta motibo cu ta trahando duro pa haya aprobacion di Brussels tambe”. Eman a bisa di ta contento cu cada bes ta logrando di yega un paso mas cerca di realisacion di e proyecto aki. Esaki

ta bay encera cu Aruba ta bay haya algo cu ningun otro parti di mundo tin. “Un Pre-Clearance pa Estados Unidos y uno pa Europa. Mi ta contento cu nos insistencia y vision a trece nos ya caba asina cerca di por realisa algo asina unico y importante pa Turismo di Aruba”. Secretario di estado Weekers pronto lo ta na Aruba unda e lo haci un bishita na e PreClereance Mericano pa haya un idea con autoridadnan Mericano a organisa e Pre-Clearance na Aruba.

www.dahuasecurity.com Caribbean Distributor Cell: 5932050 info@dahuapro.com

Cost-effective IR PTZ Dome Camera

NVR6000

7

128 Channel Super Network Video Recorder


DIAHUEBS 12 DECEMBER , 2013

Grupo Meiers Weltreissen di Alemania

Encanta cu loke nan a mira cu Aruba por brinda na turistanan

Recientemente e compañía Meier’s Weltreissen cu ta socio di Aruba Tourism Authority na Alemania cu ayuda di Sra. Rita Morozow representante di Aruba na Alemania, a logra trece un grupo grandi di agentenan di biahe pa conoce Aruba. Despues di e accion aki ta spera cu cada un di nan por bende Aruba como destinación turístico mihor. Ta asina cu desde aña pasa e compañía Meier’s Weltreissen a compromete pa trece e grupo grandi aki di 102 agente di biahe pa conoce Aruba. Cu e compromiso aki ATA su representante na Alemania y Hulanda a cuminsa traha duro pa logra trece e mihor agentenan di biahe pa conoce Aruba. Aparte di e grupo aki Meier’s a trece pa acompanja cu cada grupo un líder cu a yuda cu e comunicación entre e agentenan di biahe y e hoteleronan y ATA. Por bisa cu desde prome anochi e grupo cu a yega cu KLM a keda encanta cu Aruba, ora nan a disfruta di un dushi cena na Moomba Beach. E siguiente dia otro grupo a yega y anochi casi henter e grupo tabata na Aruba y nan a disfruta di un velada ameno ariba e deck y beach di Bucuti &Tara Suites. E anochi siguiente na Papiamento Restaurant Meier’s Weltreissen y ATA a yama henter e grupo bon bini

na Aruba cu e apertura oficial. E anochi aki a wordo entretene pa Touch of Steel cu a pone tur hende baila. Durante nan bishita e agentenan di biahe por a inspecciona y bishita varios hotel Renaissance Aruba Resort, Westin Aruba, Hyatt Regency y Amsterdam Manor Beach Resort como tambe conoce e isla cu El Tours bou guianan nan cu ta papia Aleman y nan por a disfruta di un paseo ariba catamarán pa cortesía di Red Sail Sport y pa e ocacion aki cada un di nan a bisti un t-shirt cu ta bisa Aruba ta Dushi. El Tours tambe tabata nan groundhandler. Un agradicimiento ta bai na tur e hotelnan cu a hospeda e agentenan di biahe cu ta Divi Village, Manchebo Beach Resort & Spa,Westin Aruba,Occidental Grand y Aruba Marriott Aruba Resort & Stellaris Casino. E representantenan di ATA cu a contribui cu e programa tabata Sra. Amayra Boekhoudt hunto cu Sra. Rita Morozow di Alemania. E objetivo principal di ATA pa invita gruponan di agentenan di baihe ta pa nan por experiencia y disfruta di Aruba como producto turístico y asina por bende mihor como destinación y alaves ta crea un lazo entre e agente di biahe y e hotelero y otro partnernan den turismo. ATA lo ta pendiente pa mira e resultadonan den 2014.

Aruba Tourism Authority ta gradici tur partnernan den turismo

8


PAGINA 10

Otro siman Corte ta muda bek pa edificio historico renoba den Emanstraat

ORANJESTAD (AAN): Hanneke Mol, ta e Huez di Corte di Prome Instancia cu a wordo apunta pa atende cu prensa riba tur loke tin di haber cu Corte. Den un combersacion cu e Magistrado el a informa cu a yega asina leu cu Corte ta bay muda bek pa nan edificio renoba combina cu un parti

nobo. Tabata na Februari 2008 cu a yega e momento cu Corte no por a sigui funciona den nan edificio historico den Emanstraat y mester a muda pa Wayaca, unda nan a bin ta trahando pa casi 6 aña. Awor e edificio historico renoba ta cla y tambe e parti nobo.  

DIARIO

For di momento cu nan a muda pa Wayaca, esaki tabata bou di un encargo di un team cu a sigui traha y awor lo ta encarga cu e mudansa bek pa Emanstraat. For di inicio di december caba a cuminsa cu preparacion pa empaketa tur loke ta bay bek pa Emanstraat. Material cu no ta sirbi mas, a deshaci caba di nan. Mobilario ta bay sigui wordo uza, a bay caba pa e sede nobo. Personal di Corte ta traha te cu diabierna 3’or, ora cu e computernan ta wordo paga y desconecta. Riba dialuna, diamars y dialuna, personal di Corte lo ta mudando nan resto di material y cashinan pa e edificio den Emanstraat. Personal di Corte ta contento, pasobra aunke nan a adapta nan mes na e edificio na Wayaca, e espacionan tabata limita, no por a atende bon cu publico y tampoco e tabata agradabel pa esnan cu mester atende casonan den Corte. Mr. Mol a splica cu den e edificio na Wayaca nan tabatin 4 sala pa tene audiencia, cu espacio limita pa e publico cu kier presencia e casonan aki, mientras cu den e sede nobo tin 6 sala pa atende caso, di cual 2 ta den e edificio nobo (un pa casonan penal y otro pa casonan civil). Den e salanan

DIAHUEBS 12 DECEMBER 2013

nobo, tin mas espacio tambe pa publico cu ta presencia e casonan, y ademas pa siguridad, nan ta separa di resto di sala. Pero tambe e edificio den Emanstraat lo ta uno mas agradabel pa personanan cu un of otro handicap. Na Wayaca, ora cu tabatin personanan cu un of otro limitacion, mester a haci uzo di sala di bisiñanan den e edificio of partinan abou, cualnan no ta adecuado.  Un problema cu nan tabatin den e edificio temporal di Wayaca tabata

cu e no ta brinda suficiente siguridad y privacidad pa e acusadonan. Den e edificio nobo di Corte, e acusadonan ta yega den un bus cu ta drenta un tipo di sluis cu ta hiba nan den e edificio. Pues ningun hende pafo lo mira e presonan. Pero tambe tin otro aspectonan di siguridad den entrada di edificio y a separa e parti di oficina for di e area unda cu ta atende cu publico. Esaki ta permiti e miembronan di Corte traha den tur trankilidad.

OPROEPING:

De griffier van het Gerecht in Eerste Aanleg van Aruba roept hierbij op: - Eustance SAMUEL, geboren op 21 mei 1913 in Grenada, zonder bekende woon- of verblijfplaats om op 11 maart 2014 om 8:45 uur voor de rechter in het Gerechtsgebouw in Aruba te verschijnen, teneinde te worden gehoord in verband met een door Much Ichsan Moebin, ingediend verzoek m.b.t. benoeming bewindvoerder (EJ-2781/13). de Griffier, E.E. de Weever


DIAHUEBS 12 DECEMBER 2013

Feliz ganado di “Lotto di Dia” a keda “sin palabra”

ORANJESTAD (AAN): “Lotto di Dia” a conoce un solo ganado di e premio grandi di Afl. 134.000, esta Elvis V. E ganado di e premio a pasa na oficina di Lotto pa cobra su premio y ainda tabata asina den shock di alegria cu e no tabatin palabra pa describi con contento e ta. El a conta henter su famia y su amigonan cu el a gana 134 mil Florin, pero e sorpresa

tabata asina fuerte cu e no tabata sa ainda mes kico e ta bay haci cu e bunita suma aki. E susto di alegria a laga e ganado di Lotto di Dia sumamente contento, pero tambe sin palabra. Lotto por cierto tambe ta sumamente contento di por entreg’e su check gordo pa disfruta di su premio con cu e ta scoge pa haci esaki.

PAGINA 23

DIARIO

Den proyecto di seguridad di waf

Aruba Reef Care Foundation ta yuda cu midimento bao di laman y riba superficie

ORANJESTAD (AAN): Durante un conferencia di prensa na TNO, presidente di Aruba Reef Care Foundation Castro Perez a papia tocante un proyecto entre Aruba Reef Care, TNO y Aruba Ports Authority (APA), cu ta un proyecto pa seguridad di nos waf, for di parti di laman.

Perez a gradici APA, TNO y gerencia Santa Rosa y Aruba Marina Park pa traha riba e proyecto aki. Un di e testnan cu ta bay wordo hasi ta cu ta bay uza microphone cu lo graba movecion den laman di nos waf, unda cu e grabacionnan di microphone lo duna un

indicacion si ta pisca ta pasando den laman, si ta hende cu ta duik, boto etc. Segun Perez, el a evalua kico e ventaha ta di e investigacion y midimento cu ta bay tuma lugar bao di laman. “E pisca Gutu, kreeft etc. ta hasi sonido bao di laman y usando e tecnologia aki na cierto momento bo por hasi un bon calculacion di unda tin rif saludable of no”. “E areanan unda cu tin mas sonido di bida marino, eynan e rifnan muy probablemente ta mas saludable”, segun Perez. Presidente di Aruba Reef Care Foundation a indica cu nan lo uza dos boto y buceadornan ta bay haci awe Diabierna y Dialuna midimentonan bao di awa, na mitad di profundidad y tambe riba superficie, pa asina por determina ki tipo di sonido un diver ta produci y ki tipo di sonido otro cosnan ta produci.

Aruba Bank ta invita un y tur pa e gran final

Bin cera conoci cu e school ganado di e proyecto Good4TheNeighborhood 2013

ORANJESTAD (AAN): Diabierna awor, dia 13 december Aruba Bank ta anuncia e school ganado di e di 4 proyecto social ‘Good4TheNeighborhood’ cu a tuma luga den e simannan atras den diferente bario di Aruba. Un total di 4 school secundario a participa y e expectativanan ta hopi halto pa mira con nan lo presenta nan proyecto final na comunidad y tambe haya sa cua school

y proyecto ta resulta den e ganado absoluto. Aruba Bank ta invita comunidad di Aruba completo pa bin asisti e gran evento final, cu lo tuma lugar na Palm Beach Plaza Mall, 6’or di atardi. E studiantenan di e schoolnan cu a participa lo duna un presentacion di nan proyecto. E proyecto di ‘Good4TheNeighborhood’ ta specialmente dirigi pa nos hobennan, unda cu nan ta

haya chens pa desaroya diferente habilidad y conocemento relaciona cu traha den ekipo, planifica y ehecuta un proyecto social pa bienestar di nos comunidad. E team di hurado cu a presencia tur e proyectonan a keda encanta y contento cu cada proyecto, cu e alumnonan a ehecuta. Tur e studiantenan bou di guia di nan docentenan y e coordinador di Aruba Bank a traha cu hopi dedicacion y disciplina pa por a realisa nan proyecto y demostra nan talentonan organizatorio y creativo. Bin apoya y admira e proyectonan di e schoolnan, cera conoci cu e school ganado y alavez disfruta di un dushi ambiente, ya cu DJ Nutzbeatz lo entretene tur hende na e gran final di ‘Good4TheNeighborhood 2013’. Ban sostene, apoya y balora nos hobennan cu nan proyecto social den e barionan di Aruba di Good4TheNeighborhood 2013’ diabierna awor dia 13 di december na Palm Beach Plaza Mall.


PAGINA 30

DIARIO

DIAHUEBS 12 DECEMBER 2013

Pa hisa seguridad di waf

Microphone-nan special pa detecta si tin menaza den laman

ORANJESTAD (AAN): Aruba Ports Authority hunto cu Aruba Reef Care Foundation y TNO uni forza den un proyecto di TNO, cu ta pa aumenta e seguridad di parti di laman pa waf. Dr.ir. Martijn Clarijs lider di proyecto di TNO durante un conferencia di prensa Diaranzon a splica cu e proyecto ta pa solucionnan di seguridad di waf pa futuro.

El a splica cu e tecnologia completo no tey ainda, e ta den desaroyo. E siman aki testnan ta bay wordo hasi, unda cu ta hasiendo varios midimento rond di e waf di crusero y Dialuna ta bay hasi un test, pa mustra kico e tecnologia por hasi. Segun Clarijs, si bo wak seguridad di wafnan, bo ta haya un diferencia grandi

entre e banda di tera y esun di laman. E parti di tera ta bon cubri, pero e banda di laman tin menos atencion. Tin solucionnan riba mercado cu ta mas pa industria y aplicacionnan di defensa, cu ta hopi caro. Pesey a busca un solucion alternativo cu ta mas barata y ta funciona hopi bon den wafnan. Segun Clarijs, e tecnologia ta detecta intrusonan for di banda di laman. Den futuro lo por tin mas menaza for di banda di laman y pesey ta importante pa test e sistema aki, prome cu di berdad tin un menaza. E tecnologia ta inclui microphone-nan den laman cu ta graba tur sonido. E testnan ta yuda pa hasi un distincion entre e diferente tipo di sonidonan, pues sonido di pisca chikito, grandi, un hende cu ta duik cu tanki, un boto etc. Atravez di e sonido graba

Ban duna un man na Fundacion Pa Nos Comunidad

ORANJESTAD (AAN): Fundacion Dominicana Arubiano Juan Pablo Duarte ta haci un yamada publico pa pueblo di Aruba yuda contribui pa pone un sonrisa riba cara di varios persona den necesidad. Presidente di e fundacion Winston Tavarez ta duna di conoce cu ta bay tin un actividad dia 15 di December cu lo wordo yama duna un man na bo ruman. Actualmente e fundacion ta colectando comestible den un forma di donacion pa e persona nan di menos recurso y na unda cu a scoge Fundacion pa nos Comunidad. Actualmente na e fundacion tin 250 famia registra cu ta den momentonan

duro y cu ta di menos recurso. No mester ta necesario pa ta placa , pero cu un contribucion di un bleki di cuminda of paña cu no ta uza mas tambe ta posibel. Representante di Fundacion pa nos Comunidad Sra. Indra Stamper tambe tabata tey presente y ta contento cu Fundacion Dominicana Arubiano Juan Pablo Duarte kier aporta cu e Fundacion pa comunidad di Aruba. E fundacion actualmente tin 250 famia cu mester yuda tur luna, pesey mes e peticion na comunidad si por contribui pa tin un sonrisa den cas di un otro famia cu tin necesidad. Danki na e comunidad cu ta aporta por yuda e otro

famianan den necesidad. E temporada di December ta un temporada hopi dificil unda cu mester tin alegria y amor, pero tambe tin cas nan cu tin tristeza unda cu nan no tin un pan pa por pone riba mesa pa nan come cena di Pasco ya cu no tin manera. Pero cu bo ayudo sea cu bo por aporta cu bleki di cuminda, paña of placa nos tur ta aportando pa tin un felicidad den un otro cas cu tin mester di dje. Actualmente tin diferente tipo di famia cu tin mester di ayudo manera sra nan di 80 aña cu no tin famia y tambe tin mucha nan hoben cu yiu, pero cu nan no ta haya trabao cu nan por yuda nan mes y brinda nan yiu e siguranza di cuminda cu nan yiu merece. Fundacion pa nos comunidad ta hopi agradecido na Fundacion Dominicana Arubiano Juan Pablo Duarte cu lo bay duna un man pa por colecta mas cuminda cu ta posibel pa e famianan por logra haya y cu nos tur ta contribui pa crea un sonrisa riba cada famia nan cara. E evento ta cuminsa for di 10or di mainta te cu 7or di anochi diadomingo awor 15 di December na avenida Milo Croes 35A na Dakota . Tambe por yama na telefon 5825890 of na 5920533

door di e asina yama ‘hydrophones’, por determina si tin un menaza, of si ta trata

di un pisca of algo otro den laman.

Minister Juan David Yrausquin:

Semper Gobiernonan a gasta rond di 60 miyon mas di loke a wordo presupuesta pero esaki mester cambia ORANJESTAD (AAN): Tur cos ta mustra cu diabierna mester bai trata e presupuesto supletorio di país Aruba. Esaki ta un suma di 60 miyon florin. Den entrevista cu minister di Finanza Juan David Yrausquin el a splica cu e retonan ta grandi y tin hopi trabou pendiente pa haci, principalmente pa cumpli cu programa di partido y locual a pone como meta. Aunke su persona a cuminsa pa contesta preguntanan riba e presupuesto supletorio, ainda nan no a ricibi un fecha for di Presidente di Parlamento riba cual e reunion publico lo tuma luga. Si el a splica cu pa algun aña caba Gobierno na fin di aña ta haci un inventarisacion di entrada y gastonan, y ta manda ley pa Parlamento pa duna un resultado di e maneho financiero. Asina Parlamento ta haya den un forma rapido un bista di con e parti financiero a bay den e aña cu ta cabando. E aña'ki e Minister a splica tin un situacion unda cu tin mas gasto di loke a wordo presupuesta, cu ta algo cu lo no ta desea pa ta asina. Apesar cu e no ta algo deseabel, e no ta straño tampoco den historia di Aruba. Ta hustamente door cu Gobierno a crea e proceso aki, Parlamento ta haya sa mas lihe di e cifranan compara cu den pasado. den 2002 pa 2008, e suma averahe extra cu ta gasta pa aña tabata rond di 61 miyon florin. Structuralmente Gobiernonan a bin ta gastando mas di loke tin presupuesta, pero awor den e mesun aña Parlamento ta haya sa di esaki enbes di spera pa algun aña riba e resultado aki.

Tambe e cuentanan anual cu ta wordo entrega mas lihe, ta permiti Parlamento haya un bista mas cla y lihe di loke ta finanza di Gobierno. Minister Yrausquin a splica cu for di 2011 a cuminsa cu e proceso cu, segun Constitucion, Parlamento ta wordo informa di e cifranan anual di e aña cu a pasa. E aña ey a logra trece up-to-date cuentanan anual di 25 aña cu tabata atrasa. E mandatario ta kere sinembargo cu pasobra den pasado semper a gasta mas, mester sigui gasta mas di loke tabata presupuesta. Pesey pa aña 2014 Gobierno ta bay traha pa den un forma diligente, for di inicio di aña percura cu loke wordo presupuesta ta e gastonan cu a wordo haci tambe. Pa aña nan cu ta bin, tin metanan cla y esey ta encera cu gastonan mester baha y entradanan mester subi. Tin diferente forma cu a wordo proponi y Gobierno a compromete su mes pa realisa esaki. El a splica cu e Ministernan a compremete nan mes cu un linea di gasto di 1350 miyon florin. Pues e gastonan awor mester baha for di 1400 miyon florin pa 1350 miyon florin. Esaki ta e parti primordial di Gobierno. Pero tambe tin un meta poni pa nivel di entrada, pero e mas importante ta e gastonan. Di e forma aki, Parlamento tin un miho bista con e Gobierno ta bay funciona. "E lo no bay ta facil pero conhuntamente nos mester traha riba esaki," e mandatario a duna di conoce.


DIAHUEBS 12 DECEMBER 2013

DIARIO

PAGINA 31

MEP mirando cu turistanan cu entrada halto a baha y esnan cu entrada abao a subi!

Cifranan ultimo ta demostra cu turistanan di menos calidad ta bishitando Aruba ORANJESTAD (AAN); Segun Partido MEP, contrario na e maneho turistico sumamente positivo cu a ser hiba durante e 8 aña di Gabinete Oduber, nos ta mira awe con bao di Gabinete Eman e maneho riba tereno di turismo no ta bayendo dje positivo ey manera cu Minister Otmar Oduber ta pinte tur dia.

Nos por a mira con e ministro aki ta gaba constantemente cu e cantidad di turistanan a aumenta durante e ultimo 4 añanan, cu e hotelnan ta haciendo mihor negoshi y cu mas placa ta worde laga atras door di e turistanan. Sinembargo segun e ultimo cifranan di turismo publica den e Statistical Yearbook 2012 di CBS, henter e storia y fantasia di Otmar Oduber a cay completamente na awa. Den e Statistical Yearbook 2012 ta ser treci padilanti e informacion di e gastonan averahe pa dia cu e turistanan ta haci na Aruba (‘Average daily expenditure’), cual gastonan bao di Gabinete Eman a baha desde 2009 en adelante, esta for di Afl. 183,90 na 2009 te na Afl. 151,51 na 2012.

Pues e turistanan ta gastando un averahe di 32 Florin menos pa dia bao maneho di Gabinete Eman y esaki compara cu e maneho hiba bao di Gabinete Oduber. No solamente esey, pero turistanan for di Merca, Venezuela, Hulanda, Brazil, Antiyas Hulandes y Canada ta gastando na 2012 hopi menos pa dia compara cu 2009. Esaki ta significa cu pa gran parti turistanan cu menos poder di compra ta bishitando Aruba actualmente. Turismo di menos calidad: Den e Statistical Yearbook nos por mira tambe cu e turistanan cu tin un entrada halto di mas cu 89500 Florin pa aña a baha for di 55% na 2009 te 45.8% na 2012 y e turistanan cu tin un entrada abao di 53700 Florin a crece for di 11.8% na 2009 te 16% na 2012. Alavez por constata cu e

turistanan cu ta bin Aruba cu pre-paid package a aumenta for di 39.7% na 2009 te 57.1% na 2012. Y esnan cu ta bin cu pakete all inclusive a mas cu redobla, esta for di 20.7% na 2009 te 45.9% na 2012. Pues por wel di ta cu e cantidad di turistanan pa Aruba y tambe e entradanan total a aumenta, pero cifranan concreto ta demonstra cu e poder di compra di e turistanan individual a baha drasticamente durante e ultimo 4 añanan. No ta un secreto, pero un y tur por constata con durante e ultimo lunanan aki un gran cantidad di turista no ta tuma taxi mas pa y for di Aeropuerto, pero ta prefera di sjouw cu nan maletanan pa nan yega na nan hotelnan y vice versa (‘rugzaktoerisme’). Pregunta ta, si esaki ta e mehoracion di calidad di turismo cu Minister Otmar Oduber ta papia di dje constantemente? Cu e gastonan pa dia cu e turistanan ta haci a baha drasticamente durante e ultimo 4 añanan, e minister lo por puntra e trahadornan di Food & Beverage den hotelnan, e doñonan di tienda y supermercadonan, e taxistanan, e lugarnan di entretenimento y casino, e car rentalnan etc. Hecho ta cu e maneho di e gobierno actual ta dirigi na sigui busca turista barata, contrario na e gobierno di MEP cu durante 8 aña a stimula tur e hotelnan pa ‘upgrade’ nan facilidadnan cu mas di 500 miyon Dollar y alavez ta e gobierno cu a percura pa trece e promer y unico hotel di 5 strea na Aruba, esta Ritz Carlton cu a habri recientemente. Conclusion ta cu nos mester stop di tapa solo cu un dede y biba cu e realidad cu turistanan cu entrada halto a baha y esnan cu entrada abao a subi drasticamente den e ultimo tempo y esaki danki na Gabinete Mike Eman y AVP.

Importante pa mayornan pasa tempo cu nan yiunan Algo hopi importante y cu ta duna bon resultado den e relacion di mayor y yiunan ta pasa tempo cu otro. Ta berdad cu mayoria tata y mama sa haci esaki, aunke tin tatanan y mamanan no tin tempo pa dedica na nan yiunan riba dje ta zundra nan pa cualkier cos. Si nan yiunan haci algo cu no ta na nan agrado nan ta cla pa insulta y zundra nan yiunan adolescente. Ta importante pa sa cu e hobennan ta pasa den e proceso di adolescencia y no mester fervela nan. Si tin mayornan cu no sa esaki of por a lubida, pasobra tur hende na bida ta pasa den esaki, e ta e proceso di cambio di mucha pa adulto den cual e hoben ta trata establece su identidad y esaki no bay asina facil. Ta trata di un proceso basta largo. Kiermeen, hopi di e hobennan tanto mucha muher y mucha homber ta pasa den estadonan di animo cu e cambionan aki ta trece cune y hopi di nan hasta por expresa cu ningun hende ta compronde nan. Tin hoben cu apesar cu nan ta den un ambiente bon na cas ta sinti tristo, deprimi, sin smak manera algun sa bisa, nan curpa ta bira manera floho y esaki tambe tin di haber cu nan desaroyo, cu en realidad no ta floho nan ta pero nan ta pasando den e proceso aki. Tin hobennan ta haya malbeis facil, tin mucha muhernan ta sinti hopi malestar y dolor cu nan menstruacion, otro dianan ta bay mas suave. Tur esaki ta afecta un poco den nan comportacion y ta pesey cu mama y tata mester mustra comprension cu nan yiunan, esaki no ta bay asina facil tampoco. Mayoria tata y mama ta traha, nan tin nan mesun asuntonan personal, tempo ta cortico y yiunan ta exigi di hopi atencion, pero a trece nan na mundo. Esaki no ta nifica cu e yiunan mucha homber of mucha muher mester haya nan kier tur ora, pero mayornan por mustra comprension y mas ainda hopi amor y cariño cu lo suaviza cualkier malestar, rabia, problema emocional, y ta evita nan bira hiperactivo. E otro cos cu tata y mama mester tin pa cu nan yiunan den desaroyo ta un tonelada di pasenshi. Imagina con delicado un situacion asina aki ta, pasobra cualkier hende grandi mes por sinti su mes ofendi cu un palabra of gesto cu no a cay den bon tera, cuanto mas un hoben mucha muher of mucha homber den proceso di desaroyo con nan lo sinti ? Hopi mucha ta critica nan mayornan, pero despues ta sinti compleho di culpabilidad, pasobra nan sa cu nan mayornan tin razon, den loke nan ta bisa, pero tin hoben cu no kier razona y mucho menos reconoce cu nan ta fout y cu mester obedece reglanan di cas. Si riba tur esaki ni mama ni tata ta na cas pa sostene nan, y si nan yega cas mes ta bao un zundramento contra nan yiunan adolescente den proceso di desaroya confrontacion explosivo ta inevitable. Tin mayornan ta insulta nan yiunan, palabra malo ta cay e tipo di expresionnan aki dirigi contra yiunan ta haci nan mas rebelde, mihor trata e manera mas corecto cu nan y sigur nan lo sa di coopera tambe. Pa publicacion yama DIARIO na e number 582-6747 manda carta of personalmente. Danki pa e confianza. Skirbi pa : Josefina.


PAGINA 38

DIARIO

Rotonde di aeropuerto tambe ta ilumina

DIAHUEBS 12 DECEMBER 2013

President Stichting Arubaanse Carnaval (S.A.C.)Sra. Tecla Kelly Hernandez

Minister Otmar Oduber a mustra su sosten grandi pa celebracion di Aruba su Carnaval

ORANJESTAD (AAN): Dialuna mainta .Stichting Arubaanse Carnaval (S.A.C.) a reuni cu Minister Otmar Oduber y e punto di agenda tabata e celebracion di Carnaval 60. Sra. Tecla Kelly Hernandez a indica cu e reunion a bay hopi bon y ta premira cu Carnaval lo bay ta hopi grandi mes pa a単a 2014, caminda S.A.C. lo ta celebrando Carnaval su Hubileo di Diamanta, esaki ta 60 a単a di Aruba su Carnaval. Minister Oduber lo duna su apoyo na e fundacion aki y S.A.C. ta sinti e sosten pa por sigui haci mas pa Carnaval di Aruba. Minister Oduber a yega na e palabracion cu S.A.C. cu su ministerio lo yuda pa e celebracion di Carnaval 60 lo ta uno sumamente grandi y lo contribui na su promocion a traves di diferente canal. Den e reunion tabata presente Directora di Oficina di Turismo,Ronella Tjin Asjoe-

ORANJESTAD (AAN)Dialuna anochi a tuma lugar apertura di e rotonde banda di aeropuerto. Akinan Aruba

Airport Authority N.V. a percura pa decora e bunita rotonde aki den un ambiente unico di Pasco.

Croes y directiva di Directie Cultuur, Siegfried Dumfries y Frank Croes, caminda a trece diferente puntonan dilanti pa combina Carnaval cu turismo y nos cultura en general. Sra. Tecla Kelly Hernandez a indica cu Minister Oduber tanto como Minister como carnavalista semper a duna e cooperacion y aki por a corda den e gobernacion aterior Minister semper tabata tey pa S.A.C. yuda engrandece nos Carnaval y pa por trece mas turista Aruba pa disfruta di dje. Sra. Tecla Kelly Hernandez por ultimo a indica cu cu ora reuni cu Minister Oduber, e ta sinti cu e mandatario sa over di kico e ta bay. Pasobra tur minister kier yuda pero e conocemento cu Minister Otmar Oduber tin riba Carnaval ta mes of hasta mihor cu esun di Sra. Tecla Kelly mes.


Diahuebs December 12 2013

Pagina 12

Lider di partido MEP, sra. Evelyn Wever-Croes

Gobierno ta kibra su propio disciplina y ta un falta di respet serio pa Parlamento Den un conferencia di prensa di partido MEP, Lider di MEP, sra. Evelyn Wever-Croes ta comenta cu na momento cu a analiza e presupuesto supletorio cu Gobierno ta bin pidi 60 miyon pa e gastonan aki y sin duna casi splicacion pasobra riba como 50 pagina di e documento cu ta consisti di casi 80 pagina, como 50 di e pagina ey bo ta mira skirbi: “Nos a tuma un personal den servicio” pero nan no ta menciona cuanto personal. Nan no ta bisa pakico mester a kibra nan mesun regla di personeel stop. Tampoco nan ta bisa cual placa ta envolvi. Esakinan ta e preguntanan cu a wordo haci. “Nos ta haya cu un gobierno cu ta bin pasa un presupuesto den luna di Juni den e aña aki caminda cu e ta bisa cu tin un personeelstop pues no ta bay tuma ningun hende

den servicio anto 5 luna despues bo ta bin informa parlamento cu bo a dicidi toch di bay tuma hende den servicio pa un suma cu ta casi 60 miyon florin anto mi ta kere cu esaki ta un manipulacion hopi grandi y ta un falta di respet serio pa e parlamento pero tambe bo ta kibra bo propio disciplina y ta pesey hendenan no por confia e gobierno di AVP. Esaki nan ta preguntanan cu nos a

haci tambe y nos ta spera di haya contesta riba nan” segun sra. Wever-Croes. E personeel stop ta parti di e ley di presupuesto cu a pasa na Juni. Presupuesto ta un ley. Sra. wever-Croes ta sigui bisa cu: “E ley cu a pasa 7 di Juni ta bisa cu tin un personeelstop di parti di gobierno. Awor e gobierno aki mes a kibra e propio ley aki. El’a trahe pero esey no ta duna bo derecho di kibr’e. Gobierno a trahe, parlamento a aprob’e y mester bay parlamento prome cu dicidi di kibr’e. Gobierno a dicidi di kibr’e sin pasa Parlamento. Na momento cu gobierno kibra un ley bo por cana tur e camindanan cu bo por cana pero na momento cu nan bin parlamento anto e 13 parlamentarionan di AVP dicidi di bay PRO e documento aki, nan a laba cabez, rins’e e y cos a caba”.

TNO y APA ta firma un acuerdo pa trece “Waterside Security Solutions” pa Aruba

MADURO HEAVY EQUIPMENT N.V.

Santo pa Basha, Santo pa Pleister, Crushed Sand, Piedra, Tera pa Mata, Graniet. Tambe nos ta Rosa

Tereno, Coba Pos y Fundeshi. ROOI BOSAL 49 TEL .: 585-1708 FA X .:585-6299

-Desde September 11, 2001, trafico liber di mercancia y hende na wafnan a cambia cu introduccion di regulacionnan riba nivel global, manera ta e caso cu e codigo ISPS. Pa provee siguridad pa turistanan y carga, Aruba Port Authority (APA) a dicidi di tuma pasonan pro activo y a cuminsa cu e buskeda pa opcionnan pa solucionnan pa cu “waterside security”, o sea siguridad na banda di lama. A considera cu 90% di tur producto importa ta yega nos isla pa medio di waf y e mercado di turismo crucero ta representa un entrada anual di mas of menos 84 miyon dollar Mericano. Como resultado di e investigacion, APA a cera un convenio cu TNO, e organizacion Hulandes pa investigacion cientifico, cual ta trahando riba e solucion nobo pa “waterside security” for di aña 2010. E proyecto di investigacion tabata wordo sosteni pa, entre otro, e ministerio di defensa di Hulanda y e waf di Rotterdam, bao di e nomber “SOBEK”. E tecnologia aki no ta afecta medio ambiente y por ta considerablemente mas barata cu solucionnan existente. E colaboracion entre TNO, AVIC y Duana Hulandes, apoya pa Port

of Rotterdam y Polis maritimo di Rotterdam a resulta den un prototipo basico pa deteccion di buceadonan y boto, cual a wordo demostra den e waf di Rotterdam na luna di maart 2012. Un concepto di SOBEK a wordo poni den awanan noord-west di Europa, pero e medio ambiente submarino acustico di Aruba obviamente lo ta diferente: temperatura, e cantidad di salo den awa y zonidonan produci pa e biologia submarino, tur tin nan influencia riba e medio ambiente acustico submarino. Tecnologia SOBEK mester wordo adapta pa funciona den e circunstancianan aki. Coleccion di data lo tuma lugar riba dia 16 di December, 2013.


Diahuebs December 12 2013

Pagina 6

Turistanan cu entrada halto a baha y esnan cu entrada abao a subi!

Cifranan ultimo ta demostra cu turistanan di menos calidad ta bishitando Aruba

Contrario na e maneho turistico sumamente positivo cu a ser hiba durante e 8 aña di Gabinete Oduber, nos ta mira awe con bao di Gabinete Eman e maneho riba tereno di turismo no ta bayendo dje positivo ey manera cu Minister Otmar Oduber ta pinte tur dia. Nos por a mira con e ministro aki ta gaba constantemente cu e cantidad di turistanan a aumenta durante e ultimo 4 añanan, cu e hotelnan ta haciendo mihor negoshi y cu mas placa ta wordo laga atras door di e turistanan. Sinembargo segun e ultimo cifranan di turismo publica den e Statistical Yearbook 2012 di CBS, henter e storia y fantasia di Otmar Oduber a cay completamente na awa. Den e Statistical Yearbook 2012 ta ser treci padilanti e informacion di e gastonan averahe pa dia cu e turistanan ta haci na Aruba (‘Average daily expenditure’), cual gastonan bao di Gabinete Eman a baha desde 2009 en adelante, esta for di Afl. 183,90 na 2009 te na Afl. 151,51 na 2012. Pues e turistanan ta gastando un averahe di 32 florin menos pa dia bao maneho di Gabinete Eman y esaki compara cu e maneho hiba bao di Gabinete Oduber. No solamente esey, pero

turistanan for di Merca, Venezuela, Hulanda, Brazil, Antiyas Hulandes y Canada ta gastando na 2012 hopi menos pa dia compara cu 2009. Esaki ta significa cu pa gran parti turistanan cu menos poder di compra ta bishitando Aruba actualmente.

Turismo di menos calidad Den e Statistical Yearbook nos por mira tambe cu e turistanan cu tin un entrada halto di mas cu 89500 florin pa aña a baha for di 55% na 2009 te 45.8% na 2012 y e turistanan cu tin un entrada abao di 53700 florin a crece for di 11.8% na 2009 te 16% na 2012. Alavez por constata cu e turistanan cu ta bin Aruba cu pre-paid package a aumenta for di 39.7% na 2009 te 57.1% na 2012. Y esnan cu ta bin cu pakete all inclusive a mas cu redobla, esta for di 20.7% na 2009 te 45.9% na 2012. Pues por wel di ta cu e cantidad di turistanan pa Aruba y tambe e entradanan total a aumenta, pero cifranan concreto ta demostra cu e poder di compra di e turistanan individual a baha drasticamente durante e ultimo 4 añanan. No ta un secreto, pero un y tur por constata con durante e ultimo lunanan aki un

gran cantidad di turista no ta tuma taxi mas pa y for di Aeropuerto, pero ta prefera di sjouw cu nan maletanan pa nan yega na nan hotelnan y vice versa (‘rugzaktoerisme’). Pregunta ta, si esaki ta e mehoracion di calidad di turismo cu Minister Otmar Oduber ta papia di dje constantemente? Cu

e gastonan pa dia cu e turistanan ta haci a baha drasticamente durante e ultimo 4 añanan, e minister lo por puntra e trahadornan di Food & Beverage den hotelnan, e doñonan di tienda y supermercadonan, e taxistanan, e lugarnan di entretenimento y casino, e car rentalnan etc. Hecho ta cu e maneho di e gobierno actual ta dirigi na sigui busca turista barata, contrario na e gobierno di MEP cu durante 8 aña a stimula tur e hotelnan pa ‘upgrade’

nan facilidadnan cu mas di 500 miyon dollar y alavez ta e gobierno cu a percura pa trece e promer y unico hotel di 5 strea na Aruba, esta Ritz Carlton cu a habri recientemente. Conclusion ta cu nos mester stop di tapa solo cu un dede y biba cu e realidad cu turistanan cu entrada halto a baha y esnan cu entrada abao a subi drasticamente den e ultimo tempo y esaki danki na Gabinete Mike Eman y AVP.

121213