Introduction of the Holy sites & Temples of Yalang Gewog, Tashi Yangtse District.
i བཀྲ་ཤིས་གཡང་རྩེ་རྫོང་ཁག་ ཡ་ལང་རྒེད་འོག་གི་གཡུས་ཚན་ཁག་ཚུ་ནང་ ཡོད་པའི་ གནས་དང་ལྷ་ཁང་ཚུ་གི་ངོ་སྤྲོད། ཞིབ་འཚོལ་དང་རྩོམ་བྲིསཿ བསྟན་འཛིན་ནོར་བུ།
རབ་གསལ་མེ་ལོང་། ❀❀❀
ii པར་ཐེངས་དང་པ། སྤྱི་ལོ་ ༢༠༢༡ ལུ། པར་དབང་© ཡ་ལང་རྒེད་འོག་བདག་སྐྱོང་ལུ་ཡོད། གྲོས་སྟོན་པ། ཆོས་སྲུང་དབང་འདུས། ཡ་ལང་རྒེད་འོག་གི་རྒཔོ། རྫོང་ཁག་ཚོགས་འདུའི་འཁྲི་འཛིན། བཀྲ་ཤིས་གཡང་རྩེ་རྫོང་ཁག། ཞིབ་འཚོལ་དང་རྩོམ་བྲིས། བསྟན་འཛིན་ནོར་བུ། མཐའ་དཔྱད་ཞུན་དག། སློབ་དཔོན་ཀུན་བཟང་ཕྲིནལས། ཀེ་ཨེམ་ཀྲི་ལས་སྡེ། བསོད་ནམས་བསྟན་འཛིན། ཀེ་ཨེམ་ཀྲི་ལས་སྡེ། བཟོ་བཀོད། བསོད་ནམས་བསྟན་འཛིན། ISBN 978-99980-970-0-1 BICMA No. 100000862
རྒྱལ་ཀུན་སྙིང་རྗེའི་རང་གཟུགས་པད་དཀར་འཆང་། །རྣམ་འཕྲུལ་ལྗོངས་འདིར་སྲིད་པ་ཉེར་བཟུང་ནས།། མངའ་འབངས་བུ་གཅིག་མ་བཞིན་བརྩེར་མཛད་པ། །མི་དབང་ཆོས་རྒྱལ་སྐུ་ཚེ་བརྟན་གྱུར་ཅིག།
ལྗོངས་འདིའི་མི་མང་བསོད་ནམས་ལས་གྲུབ་པའི། །པདྨའི་ལུང་གིས་རབ་བསྔགས་མི་ཡི་དབང་།། འཇིགས་མེད་སེངྒེ་དབང་ཕྱུག་མཚན་ཅན་མཆོག །སྐུ་ཚེ་ཡུན་བརྟན་མཛད་ཕྲིན་དཔལ་འབར་ཤོག།
དཔལ་ལྡན་འབྲུག་པའི་ཆོས་ཀྱི་རིང་ལུགས་ཆེ། །ཞིང་འདིར་ཡར་ཟླའི་མཆེད་པོར་སྤེལ་མཛད་པ།། ངག་དབང་འཇིགས་མེད་ཆོས་ཀྱི་གྲགས་པ་མཆོག །ཆོས་ཁྲིར་བརླིང་ཞིང་མཛད་བཟང་མཐར་རྒྱས་ཤོག།
ཆེད་བརྗོད། ༈ ད་ལན་ ངོམ་བསྟན་འཛིན་ནོར་བུ་གིས་ བཀྲ་ཤིས་གཡང་རྩེ་རྫོང་ཁག་ ཡ་ལང་རྒེད་ འོག་མངའ་ཁོངས་ཀྱི་གཡུས་ཚན་ཁག་ཚུ་ནང་ཡོད་པའི་ གནས་རྩ་ཅན་དང་ ལྷ་ཁང་དགོན་ སྡེའི་ལོ་རྒྱུས་ཚུ་ ཞིབ་འཚོལ་མཐིལ་ཕྱིན་འབད་དེ་ པར་རི་དང་བཅསཔ་སྦེ་ དཔེ་དེབ་པར་སྐྲུན་ འབད་མི་འདི་ལུ་ ང་ལས་ ཡིད་ཆེས་ངལ་རང་དང་བཅས་པའི་སྒོ་ལས་ བཀའ་དྲིན་ལེགས་སོའི་ གཟེངས་བསྟོད་ཡོད། དཔེ་དེབ་འདི་གིས་ རྒེད་འོག་འདི་ནང་ཡོད་པའི་ དམ་པའི་ཆོས་དང་འབྲེལ་བའི་ལོ་རྒྱུས་ཚུ་ ཁུངས་སྐྱེལ་ཚུགསཔ་མ་ཚད་ ལྷག་མི་ཚུ་གི་རྒྱུད་ལུ་ཡིད་ཆེས་དང་ དད་མོས་ལྷག་པར་འཕེལ་ ཏེ་ དགེ་བའི་བྱ་བ་ལུ་ཡང་ ལྷག་བསམ་རྣམ་དག་གི་སྒོ་ལས་ ངམ་ངམ་ཤུགས་ཀྱིས་ཞུགས་ ཚུགས་ནིའི་ ཁེ་ཕན་སྦོམ་འདུག། མཇུག་ར་ དཔེ་དེབ་ལྷག་མི་ཡོངས་ཀྱི་རྒྱུད་ལུ་ ཤེས་ཡོན་གསརཔ་ཐོབ་སྟེ་ ཇི་སྲིད་བསྐལ་པ་ མ་སྟོང་གི་བར་དུ་ རྒྱལ་ཁབ་ཀྱི་ནང་རྟེན་དེ་ཚུ་ ཡར་བསྐྱེད་དང་ཉམས་བསྲུང་འབད་ཚུགས་ནི་དང་ གཅིག་ཁར་ ང་བཅས་རའི་ འབྲུག་རྒྱལ་ཁབ་ཀྱི་གལ་ཆེ་བའི་ སྲོལ་ཁྱུན་བཟང་པོ་འདི་ལུ་ཞུགས་ ཏེ་ དམ་པའི་ཆོས་ཕྱོགས་ཀྱི་འགྲོ་དོན་རྒྱས་ནི་དང་ འབྲུག་མི་ཆ་མཉམ་ དགའ་སྐྱིད་དཔལ་ འཛོམས་ལུ་ ལོངས་སྤྱོད་ཚུགས་པའི་ སྨོན་འདེབས་ཞུ་ནི་ཨིན། ཤེས་རབ་རྒྱལ་མཚན། སྤྱི་ཚེས་ ༡༩།༣།༢༠༢༡ ལུ། ནང་སྲིད་དང་སྲོལ་འཛིན་བློན་པོ།
རབ་གསལ་མེ་ལོང་། 115 ༼བརྒྱད་པ། ཡ་ལང་གཡུས་ཚན་ནང་ཡོད་པའི་༽ གནས་དགོན། ༨.༡ ཡ་ལང་གཡུས་ཚན་གྱི་སྐོར། ཡ་ལང་གཡུས་ཚན་དེ་ ས་གནས་མདོ་གསུམ་ལས་ ཁ་ཡར་བལྟ་སྟེ་ སྣུམ་འཁོར་ནང་ དུས་ཡུན་ཆུ་ཚོད་ ༡ དེ་ཅིག་ འགོར་དོ་ཡོདཔ་ཨིན། སྣུམ་ འཁོར་ལམ་ཀི་ལོ་མི་ཊར་ ༡༥ ལྷགཔ་ཅིག་འདུག། རྒེད་འོག་བདག་སྐྱོང་ ཡིག་ཚང་ནང་ཡོད་པའི་ མི་རློབས་དང་ཁྱིམ་གྱི་གྲངས་རྩིས་ ༢༠༡༩ ཅན་ ཡ་ལང་གཡུས་མཚན་གྱི་མཐོང་སྣང་།
རབ་གསལ་མེ་ལོང་། 116 མ་དང་འཁྲིལ་བ་ཅིན་ གཡུས་ཚན་དེ་ནང་ལུ་ ཁྱིམ་གུང་པ་ ༩༧ དང་། མི་རློབས་གྲངས་ ༦༨༣ ལྷགཔ་ཅིག་ ཡོད་ལུགས་ཐོ་བཀོད་འབད་དེ་ འདུག། རྒེད་འོག་འདི་གི་འོག་ལུ་ཡོད་པའི་ གཡུས་ཚན་གཞན་ཚུ་དང་ འཕྱདཔ་ད་ ཡ་ལང་གཡུས་ཚན་དེ་ ཧ་ལམ་ཡར་རྒྱས་འགྱོ་བའི་གྲངས་ སུ་ཚུདཔ་ཨིན་མས། ༨.༢ ཡ་ལང་གཡུས་ཚན་གྱི་མིང་གནས་སྐོར། གཡུས་ཚན་དེ་གི་མིང་ ཡ་ལང་ ཟེར་བཏགས་དགོ་མི་དེ་ གཡུས་ཚན་འདི་ ནང་གི་ མི་རྒན་ཤོས་ཚུ་གིས་བཤད་སྲོལ་ལྟར་དུ་འབད་བ་ཅིན་ མོང་སྒར་ ཨ་བརྒྱ་གནས་མཇལ་བ་འགྱོ་སའི་ ལམ་ཁ་ལུ་ཡོད་པའི་ ཡ་རབས་ གནས་ཟེར་ས་ལུ་ ཡ་བརྒྱ་གཅིག་ཡོད་མི་ལས་ ཡ་གཉིས་འཕུར་འོང་སྟེ་ གཅིག་མོང་སྒར་ཡ་དྷཱི་ལུ་ཆགས་ཡོད་ཚུལ་དང་། གཅིག་ ས་གནས་འདི་ ཁར་ཆགས་ཡོད་མི་ལས་ རྟ་དྲངས་ཏེ་ གཡུས་ཚན་འདི་གི་མིང་ ཡ་ལང་ ཟེར་བཏགས་ཡོདཔ་སྦེ་བཤདཔ་ཨིན་པས།
རབ་གསལ་མེ་ལོང་། 117 ༨.༣ རྒོད་དཀར་དགོན་པ་བཀྲ་ཤིས་མཐོང་རྒྱ་གླིང་ཆགས་རབས། རྒོད་དཀར་དགོན་པ་བཀྲ་ཤིས་མཐོང་རྒྱ་གླིང་དེ་ ས་ཆ་ག་ནི་བ་མཐོང་ གསལ་ཆེ་བའི་ སྤོ་ཏོ་ཅིག་གུ་བཞེངས་ཏེ་འདུག །བླ་མ་དྭགས་ཀོང་གི་ བརྒྱུད་འཛིན་ཨིན་མི་ མཚམས་པ་བློ་གསལ་རྒྱ་མཚོའམ་ བསོད་ནམས་ རྡོ་རྗེ་གིས་ མི་རབས་ཀྱི་ངག་རྒྱུན་བཤད་པའི་ནང་གསལ། ད་རེས་གཙུག་ ལག་ཁང་བཞེངས་ཏེ་ཡོད་པའི་ས་ཁོངས་དེ་ དང་ཕུ་སྤང་ཉམས་དགའ་ ཏོག་ཏོ་ཡོད་ནི་འདི་གིས་ འཕྲལ་འཕྲལ་རང་ བྱ་རྒོད་ཚུ་འཕུར་འོངས་ཞིན་ ན་ ཆགས་ཏེ་སྡོད་དོ་ཡོད་པའི་ ལོ་རྒྱུས་བཤད་ནི་ཡོད་ཟེར་ཨིན་པས། བཀྲ་ཤིས་མཐོང་རྒྱ་གླིང་དགོན་པ།
རབ་གསལ་མེ་ལོང་། 118 སྤོ་ཏོ་འདི་གི་ནང་ན་མཚོ་ཆགས་ཏེ་ཡོད་པའི་སྒྲུབ་བྱེད་ཡང་ ཕྱོགས་བཞི་ ལས་ཆུ་བཞི་ཐོན་ནི་ཡོད་མི་ཚུ་ཡང་ སྒོམ་འདུས་རི་དང་ ཆུ་གི་བུ་ ག་ཤ་ རི་ བེམ་རི་ཚུ་ཨིན་རུང་ ད་རེས་ག་ཤ་རི་བསྐམས་ཏེ་མེད་ཟེར་ཨིན་པས། རམ་འཇར་བླམ་ཀུན་ལེགས་བསྟན་འཛིན་བཞུགས་སའི་ མཚམས་ཁང་ གི་གསོལ་ཆུ་ བེམ་རི་ཟེར་མི་དེ་ཨིན་ཁུངས་བཤད་ནི་འདུག། གཏེར་སྟོན་པདྨ་གླིང་པ་མཆོག་ ད་རེས་རྟ་དབང་གི་མངའ་ཁོངས་ཨིན་ པའི་ མོན་གྱི་ས་གནས་ཅིག་ནང་བྱོན་སྦེ་ རྟ་མགྲིན་གྱི་དབང་གནང་པའི་ བསྒང་ པད་གླིང་གི་ཆོས་བརྒྱུད་དར་ནིའི་རྟེན་འབྲེལ་ལུ་ ཆོས་སྲུང་གིས་ བྱ་རྒོད་དཀརཔོ་ཕོ་མོ་གཉིས་ལུ་སྤྲུལ་ཏེ་ འཕུར་འོངས་ཞིན་ན་ ས་གནས་ འདི་ཁར་རྡོ་ཕུ་གཉིས་གུ་ཆགས་ཏེ་ཐིམ་པའི་ རྐང་རྗེས་དང་བཅས་པ་ཡོད་ ཟེར་བཤད་རུང་ ད་རེས་རྡོ་ཕུ་འདི་ཨིན་ཟེར་ངོས་འཛིན་ འབད་ཚུགས་མི་ ག་ཡང་མིན་འདུག་ཟེར་བཤདཔ་ཨིན་པས། བླམ་དྭགས་ཀོང་ ནང་པའི་ཤེས་ཡོན་སྦྱངས་བརྩོན་འབད་བར་ སྨིན་གྲོལ་ གླིང་ལུ་བྱོན་སྦེ་ ཤེས་ཡོན་སྦྱངས་ཏེ་མཁས་ཐག་ཆོད་དེ་ ལོག་བྱོན་ནུག་ ཟེར་ཨིན་པས།
རབ་གསལ་མེ་ལོང་། 119 ལུང་བསྟན་དུས་ལུབབས་ཏེ་ དུས་རབས་ ༡༩ པའི་ནང་ བླམ་དྭགས་ ཀོང་གིས་ ལྷ་ཁང་བཞེངས་པའི་སྐབས་ ཉིནམ་རེ་ཆད་མེད་པར་ བྱ་རྒོད་ བཞི་འོངས་སྦེ་ ལྷ་ཁང་མ་བསྒྲུབས་ཚུན་ ལྡིང་བསྐོར་རྐྱབ་སྡོད་པའི་ལོ་ རྒྱུས་བཤད་སྲོལ་ཡོད་ཟེར་ཨིན་པས། ལྷ་ཁང་བསྒྲུབས་པའི་ཤུལ་ལས་ བླམ་དྭགས་ཀོང་ཁོ་ར་སྨིན་གྲོལ་གླིང་ལུ་བྱོན་སྦེ་ བླ་ཆེན་ཅིག་ལུ་ལྷ་ཁང་ གི་མཚན་བཏགས་གནང་ནིའི་དོན་ལུ་ ས་ཆའི་བཀོད་པ་ལ་སོགས་པ་ལོ་ རྒྱུས་ཁ་གསལ་ཞུས་པའི་འཕྲོ་ལས་ བླམ་གིས་ རྒོད་དཀར་བཀྲ་ཤིས་ མཐོང་རྒྱ་གླིང་ཟེར་ བཏགས་གནང་ཡོད་ཚུལ་གྱི་ར་ཁུངས་བཤད་ནི་འདུག་ ཟེར་ཨིན་པས། མི་མང་ཆེ་ཤོས་ཅིག་གིས་ བོད་དཀར་དགོན་པ་དང་ རྒོད་དཀར་དགོན་པ་ གཉིས་ གཅིག་ཨིན་ཟེར་མནོ་བསམ་བཏངམ་ཨིན་པས། དགོན་པ་འདི་ གཉིས་ ཆགས་གནས་རང་སོ་སོར་ཨིན་ཁུངས་བཤད་ནི་འདུག །རྒོད་དཀར་ དགོན་པ་བཀྲ་ཤིས་མཐོང་རྒྱ་གླིང་ལྷ་ཁང་དེ་ བླམ་དྭགས་ཀོང་མི་རབས་ཀྱི་ སྒེར་དབང་གི་ལྷ་ཁང་ཨིན་རུང་ བར་སྐབས་ཅིག་ལས་ མི་སེར་དམངས་ཀྱི་ བདག་དབང་སྦེ་ རྩིས་སྤྲོད་འབད་ཡོད་པའི་ལོ་རྒྱུས་བཤད་ནི་འདུག།
རབ་གསལ་མེ་ལོང་། 120 རྒོད་དཀར་དགོན་པ་བཀྲ་ཤིས་མཐོང་རྒྱ་གླིང་དེ་ མི་སེར་དམངས་ཀྱིས་ རྫོང་སར་མཁྱེན་བརྩེ་སྐུ་ཕྲེང་གསུམ་པ་ཐུབ་བསྟན་ཆོས་ཀྱི་རྒྱ་མཚོ་ མཆོག་ལུ་ཕུལ་ཡོདཔ་བཞིན་དུ་ སྐྱབས་རྗེ་རིན་པོ་ཆེ་མཆོག་གིས་ བསྟན་ འགྲོའི་ཕན་ཐབས་ལུ་དགོངས་ཏེ་ ད་རེས་ནངས་པ་ དགེ་སློང་ཞལ་གྲངས་ ༣༠ ལྷགཔ་ཅིག་དང་ མཁན་སློབ་གཉིས་ཡོད་ཟེར་ཨིན་པས། ༨.༤ རྟེན་གསུམ་གྱི་སྐོར། དགོན་པ་དེ་ནང་ ནང་རྟེན་གཙོ་བོ་ ཆོས་ལོངས་སྤྲུལ་གསུམ་དང་། གུ་རུ་ མཚན་བརྒྱད། དེ་ལས་ས་ཡི་སྙིང་པོ་དང་། ཡན་ལག་བདུན་པ། ཞབས་ དྲུང་རིན་པོ་ཆེའི་སྐུ་འདྲ་ཚུ་མཇལ་ནི་ཡོདཔ་མ་ཚད། གནས་བརྟན་བཅུ་ དྲུག་གི་ལྡེབས་རིས་ཚུ་ཡང་ མཇལ་ནི་འདུག། ༨.༥ དུས་མཆོད་བུམ་སྡེ། ལྷ་ཁང་འདི་ནང་ ལོ་ལྟར་བཞིན་དུ་ རང་ཟླ་དང་པའི་ནང་ པད་གླིང་སྒྲུབ་ ཆེན། རང་ཟླ་ལྔ་པའི་ནང་ སྤྲེལ་ཟླའི་ཚེས་བཅུ། རང་ཟླ་དྲུག་པའི་ནང་ ཆོས་འབུམ་ལྷག་སྟེ་ དམངས་ཀྱི་སྐུ་རིམ་གཏོར་ཟློག་དང་ཆོས་སྐོར།
རབ་གསལ་མེ་ལོང་། 121 རང་ཟླ་དགུ་པའི་ནང་ ལྷ་བབ་དུས་ཆེན་ཚེས་བཅུ། རང་ཟླ་བཅུ་པའི་ནང་ གསོལ་འདེབས་ཚེས་བཅུ་ཉིན་གྲངས་གསུམ་དང་། སྨྱུང་གནས་དཀརཔོ་ ཆ་གསུམ་བརྩི་སྲུང་ཞུ་སྲོལ་འདུག། ༨.༦ ལྷ་ཁང་གི་བདག་དབང་། ནང་སྲིད་དང་སྲོལ་འཛིན་ལྷན་ཁག་ སྲོལ་འཛིན་ལས་ཁུངས་ཀྱིས་པར་ སྐྲུན་འབད་ཡོད་མི་ འབྲུག་གི་རྫོང་གཞིས་དང་ལྷ་ཁང་དགོན་སྡེའི་ཐོ་ཡིག་ ཟེར་མི་ དཔེ་དེབ་དང་འཁྲིལ་བ་ཅིན་ རྒོད་དཀར་བཀྲ་ཤིས་མཐོང་རྒྱ་གླིང་ དགོན་པ་དེ་ བདག་དབང་ཧྲིལ་བུམ་ མི་སེར་དམངས་ལུ་ཡོདཔ་འབད་ ཐོ་བཀོད་འབད་དེ་འདུག། ༨.༧ ཡ་ལང་གཡུས་ཚན་ནང་ཡོད་པའི་ རྡོའི་ཕུརཔ་གཏེར་བཞེས་སའི་ལོ་རྒྱུས། ལྷ་ཁང་དེ་ཁ་ལས་ ཤར་ཕྱོགས་ཁ་ཐུགས་ལུ་ གཡུས་ཚན་གྱི་སྐྱེས་བཙན་ མཁར་བཟའ་བདེ་ཆེན་རྩེ་མོ་མཇལ་ནི་ཡོད། དེ་ཁ་ལས་ ནུབ་ཕྱོགས་ཁ་ཐུག་ ལུ་ དུས་ཡུན་སྐར་མ་ ༤༥ དེ་ཅིག་ རྐང་ཐང་འགྱོཝ་ད་ རྡོའི་ཕུརཔ་གཏེར་ བཞེས་བཞེསཔ་ཨིན་ཟེར་བའི་ རྡོ་དོང་སྦོམ་ཅིག་ཡང་ མཇལ་ནི་འདུག།
རབ་གསལ་མེ་ལོང་། 122 ཟུར་སྦྲགས། ༄༅། །ཡ་ལང་མཁར་བཟའ་བཙན་གྱི་གསོལ་མཆོད། རཾ་ཡཾ་ཁཾ། ཨོཾ་ ཨཱཧཱུཾ། ཀྱཻ༑ ནེའུ་གསེང་སྨྱུག་མ་ལྗོན་ཤིང་འཁྲིགས་པའི་དབུས། །ཚང་ཚིང་ མེ་ཏོག་ནོར་བུའི་བྲག་རིའི་སྟེང་། །རིན་ཆེན་དགའ་བའི་ཕོ་བྲང་མཛེས་པའི་ ནང་། །ཡུལ་ཕྱོགས་སྲུང་བའི་བཙན་རྒོད་མཁར་བཟའ་པ། །འབྲུ་བཅུད་ཛ་ གད་བདུད་རྩི་རྒྱ་མཚོ་འབུལ། །སྔོན་ཚེ་རྒྱལ་བའི་སྤྱན་སྔར་དམ་བཅས་ པའི། །རྗེ་བཙུན་མཁར་བཟའ་སྲས་བློན་མ་ལུས་པ། །འཁོར་དུ་གནོད་སྦྱིན་ དྲི་ཟ་ཚོགས་བཅས་ཀྱིས། །གསེར་སྐྱེམས་འདི་བཞེས་མགོན་སྐྱབས་སྡོང་ གྲོགས་མཛོད། །བྲག་བཙན་རྡོ་དང་ཤིང་ལ་གནས་པའི་བཙན། །ལྟེང་ཀ་ རྡོའི་ཕུརཔ་གཏེར་བཞེས་ས།
རབ་གསལ་མེ་ལོང་། 123 ཆུ་མིག་ལ་གནས་བཙན་རྣམས་དང་། །ཀླུ་བཙན་ཀླུ་བདུད་གཉན་རིགས་ ཐམས་ཅད་ཀྱིས། །གསེར་སྐྱེམས་འདི་བཞེས་མི་ཕྱུགས་ལོ་ཐོག་སྲུངས།། རྣལ་འབྱོར་བདག་ཅག་སྦྱིན་བདག་འཁོར་བཅས་ལ། །མཐུ་དང་ནུས་པ་ མ་གཡེལ་དཔུང་གཉེན་དང་། །མཐུན་རྐྱེན་མ་ལུས་མྱུར་དུ་འགྲུབ་པར་ མཛོད། །གསེར་སྐྱེམས་འདི་བཞེས་རྣལ་འབྱོར་བར་ཆད་སྲུངས། །སྦྱིན་ བདག་རྣམས་ཀྱི་ཀུ་རེ་ཀྱལ་ཀ་དང་། །རུ་ང་མ་མཛད་མེལ་ཚེ་བྱ་ར་དང་།། ཕན་དང་བདེ་བའི་ཕྲིན་ལས་མྱུར་དུ་འགྲུབ། །གསེར་སྐྱེམས་འདི་བཞེས་ བཅོལ་བའི་ཕྲིན་ལས་མཛོད། །ཡུལ་ཕྱོགས་འདི་ལ་ནད་ཡམས་མུ་གེ་ དང་། །རྒྱུ་སྐར་གཟའ་དང་རིམས་ནད་མ་ལུས་ཞི། །བཙའ་ཐན་སད་སེར་ ཇག་རྐུན་བསྲུང་བ་དང་། །བུ་ནོར་ལོངས་སྤྱོད་འཕེལ་བའི་དངོས་གྲུབ་ཞུ།། རྣལ་འབྱོར་བདག་ཅག་མཐུན་རྐྱེན་འགྲུབ་པར་མཛོད། །ཅེས་པའང་རམ་ སྦྱར་དང་ཡ་ལང་གི་བླ་མ་བསྟན་འཛིན་ཀུན་ལེགས་ཀྱིས་བྲིས་པའོ།། །།
རབ་གསལ་མེ་ལོང་། 125 ༼དགུ་པ། ཕུ་ཡངས་གཡུས་ཚན་ནང་ཡོད་པའི་༽ གནས་དགོན། ༩.༡ ཕུ་ཡངས་གཡུས་ཚན་གྱི་སྐོར། ཕུ་ཡངས་གཡུས་ཚན་དེ་ ས་གནས་མདོ་གསུམ་ལས་ སྣུམ་འཁོར་ནང་ དུས་ཡུན་ཆུ་ཚོད་ཕྱེད་དེ་ཅིག་ འགོར་དོ་ཡོདཔ་ཨིན། སྣུམ་འཁོར་ལམ་ཀི་ ལོ་མི་ཊར་ ༡༠ དེ་ཅིག་འདུག། རྒེད་འོག་བདག་སྐྱོང་ཡིག་ཚང་ནང་ཡོད་པའི་ མི་རློབས་དང་ཁྱིམ་གྱི་ གྲངས་རྩིས་ ༢༠༡༩ ཅན་མ་དང་འཁྲིལ་བ་ཅིན་ གཡུས་ཚན་དེ་ནང་ལུ་ ཁྱིམ་གུང་པ་ ༥༦ དང་། མི་རློབས་གྲངས་ ༤༣༥ ལྷགཔ་ཅིག་ ཡོད་ ལུགས་ཐོ་བཀོད་འབད་དེ་འདུག། ༩.༢ ཕུ་ཡངས་ལྕང་ལོ་ཅན་ཕོ་བྲང་གི་ལོ་རྒྱུས། གཡུས་ཚན་དེ་ནང་ཡོད་པའི་ ལྕང་ལོ་ཅན་ཕོ་བྲང་དེ་ སྤྱི་ལོ་ ༢༠༠༧ ལུ་
རབ་གསལ་མེ་ལོང་། 126 སའི་ཇོ་བདག་གཡུས་ཚན་འདི་ནང་ལས་ཨིན་མི་ མདོ་གསུམ་ཚོགས་པ་ ཨམ་བསོད་ནམས་རྒྱལ་མོ་གིས་ ས་ཆ་ཕུལཝ་བཞིན་དུ་ སྦྱིན་བདག་ རྡོ་རྗེ་དབང་འདུས་བཟའ་ཚང་ཚུ་གིས་ འགོ་འདྲེན་འཐབ་ཐོག་ མི་སེར་ དམངས་ཀྱིས་ བཞེངས་ཡོད་ལུགས་བཤད་ནི་འདུག། ལྷ་ཁང་གི་སྒྲུབ་དེ་ རྫོང་གསར་འཇམ་དབྱངས་མཁྱེན་བརྩེ་རིན་པོ་ཆེ་ ཐུབ་ བསྟན་ཆོས་ཀྱི་རྒྱལ་མཚོ་མཆོག་གིས་མཛད་གནང་ཡོད་ལུགས་བཤད་ནི་ འདུག།
ཕུ་ཡངས་ལྕང་ལོ་ཅན་ལྷ་ཁང་།
རབ་གསལ་མེ་ལོང་། 127 ༩.༣ རྟེན་གསུམ་གྱི་སྐོར། ལྷ་ཁང་དེ་ནང་བཞུགས་ཡོད་པའི་ བྱིན་ཅན་གྱི་ནང་རྟེན་ཚུ་ཡང་ རྒྱལ་ཚབ་ བྱམས་པ་མགོན་པོ། གུ་རུ་སྣང་སྲིད་ཟིལ་གནོན། རྗེ་བཙུན་སྒྲོལ་མ་བཅས་ དང་། གཏེར་གསར་གྱི་ལྷ་ཚོགས་ཚུ་བཞུགས་ཏེ་འདུག། ༩.༤ དུས་མཆོད་འབུམ་སྡེའི་སྐོར། ད་རེས་ མི་སེར་ཚུ་གིས་ ལྷ་ཁང་དེ་ནང་ ཚོགས་བསགས་སྒྲིབ་བྱང་གི་ དོན་ལུ་ ཆོས་འབུམ་དག་ཚར་དང་། སྨྱུང་གནས་དཀརཔོ་ཆ་གཅིག། དེ་ ལས་ཟླ་རིམ་བཞིན་དུ་ བཛྲ་གུ་རུ་ཚུ་བགྱངས་ཏེ་ ཚོགས་བསགས་སྒྲིབ་ བྱང་གི་བྱ་བ་ལུ་ བརྩོན་བཞིན་འདུག། ༩.༥ ལྷ་ཁང་གི་བདག་དབང་། ལྷ་ཁང་དེ་ ནང་སྲིད་དང་སྲོལ་འཛིན་ལྷན་ཁག་ སྲོལ་འཛིན་ལས་ཁུངས་ ཀྱིས་པར་སྐྲུན་འབད་ཡོད་མི་ འབྲུག་གི་རྫོང་གཞིས་དང་ལྷ་ཁང་དགོན་ སྡེའི་ཐོ་ཡིག་ཟེར་མི་ དཔེ་དེབ་དང་འཁྲིལ་བ་ཅིན་ མི་སེར་དམངས་ཀྱི་ ཨིན་ཁུངས་བཀོད་དེ་འདུག།
རབ་གསལ་མེ་ལོང་། 128 ༩.༦ ཕུ་ཡངས་གཡུས་ཚན་ནང་ཡོད་པའི་ རྡོ་ཆོས་ཀྱི་གླེགས་བམ། ལྷ་ཁང་དེ་ཁ་ལས་ ཤར་ཕྱོགས་ཁ་ཐུག་ ཁ་ཡར་ལྟ་དུས་ཡུན་སྐར་མ་༣༠ ལྷགཔ་ཅིག་ རྐང་ཐང་འབད་འགྱོཝ་ད་ རྡོ་ཆོས་ཀྱི་གླེགས་བམ་ བརྩེགས་ བཞག་བཞགཔ་བཟུམ་ཅིག་ མཇལ་ནི་ཡོད་པའི་ ལོ་རྒྱུས་འདུག། ཟུར་སྦྲགས། ༄༅། ཟླ་ཝང་བཙན་གྱི་གསོལ་མཆོད། ཀྱཻ༑ རི་བོ་སྤང་ལྗོངས་འཁྲིགས་ པའི་སྒང་འདབས་སུ། །སྔོན་ཚེ་པདྨའི་སྤྱན་སྔར་དམ་མནོས་པའི། །བཀའ་ ཡི་སྲུང་མ་ཟླ་ཝང་བཙན་རྒོད་ཆེ། །རྩ་བརྒྱད་སྟོང་སྦྱར་གསེར་སྐྱེམས་ ཕུད་ཀྱིས་མཆོད། །རྫིང་བུ་ལྟེང་ཀ་རིན་ཆེན་ལས་གྲུབ་པའི། །དགའ་བའི་ རྡོ་ཆོས་ཀྱི་གླེགས་བམ།
རབ་གསལ་མེ་ལོང་། 129 ནགས་ཚལ་གཞལ་ཡས་ཕོ་བྲང་ནས། །ཟླ་ཝང་ལྷ་བཙན་ཡུམ་སྲས་བློན་ འཁོར་བཅས། །འཁོར་དུ་བསྟན་སྲུང་གཏེར་གྱི་བདག་པོ་དང་། །གབ་ བརྩེགས་གནས་ཀྱི་སྲུང་མ་འཁོར་བཅས་ཀྱིས། །རིན་ཆེན་གསེར་སྐྱེམས་ འདི་བཞེས་བར་ཆད་སྲུངས། །མི་ནོར་ཕྱུགས་ཀྱི་དངོས་གྲུབ་གནང་བར་ མཛོད། །གཞན་ཡང་འཁོར་དུ་ལྷ་སྲིན་སྡེ་བརྒྱད་དང་། །བྲག་བཙན་ཤིང་ དང་ཆུ་མིག་གནས་པ་རྣམས། །གནོད་སེམས་སྤངས་ནས་བྱང་སེམས་ དང་ལྡན་པས། །གསེར་སྐྱེམས་འདི་བཞེས་འཕྲིན་ལས་སྡོང་གྲོགས་ མཛོད། །ཀླུ་བདུད་ས་བདག་གནོད་སྦྱིན་གཞི་ཡི་བདག །ནད་མུག་བཙའ་ ཐན་འཁྲུག་རྩོད་ཞི་བ་དང་། །ཆར་ཆུ་དུས་འབེབས་ལོ་ཕྱུག་རྟག་ཏུ་ ལེགས། །གསེར་སྐྱེམས་འདི་བཞེས་བཅོལ་བའི་ཕྲིན་ལས་མཛོད།། བདག་ཅག་འཁོར་བཅས་འགལ་རྐྱེན་བར་ཆད་ཞི། །མཐུན་རྐྱེན་བསམ་ དོན་ཆོས་བཞིན་གྲུབ་པ་ཡི། །མགོན་སྐྱབས་སྟོངས་གྲོགས་མ་གཡེལ་ ཕྲིན་ལས་ཀྱིས། །ཡིད་ལ་ཅི་འདོད་མྱུར་དུ་གྲུབ་པར་མཛོད། །ཅེས་པའང་རམ་སྦྱར་ དང་ཡ་ལང་གི་བླ་མ་བསྟན་འཛིན་ཀུན་ལེགས་ཀྱིས་བྲིས་པའོ།། །།
རབ་གསལ་མེ་ལོང་། 130 ཞིབ་འཚོལ་གྱི་ཁུངས་གཏུགས་ཡིག་ཆ། ༡༽ སྡེ་སྲིད་ཁྲི་རབསས་༡༣ པ་ ཆོས་རྗེ་ཤེས་རབ་དབང་ཕྱུག་གི་ དགེ་བའི་ཆོ་ག་རབ་ཏུ་གསལ་བའི་གཏམ་མུ་ཏིག་དོ་ཤལ། དཔལ་འབྲུག་ཞིབ་འཇུག་ལྟེ་བ། ཐིམ་ཕུག། ༢༽ ཀུན་མཁྱེན་འཇིགས་མེད་གླིང་པའི་རྣམ་ཐར། ཡུལ་ལྷོ་རྒྱུད་དུ་ བྱུང་བའི་རྫོགས་ཆེན་པ་རང་བྱུང་རྡོ་རྗེ་མཁྱེན་བརྩེའི་འོད་ཟེར་གྱི་ རྣམ་ཐར་ལེགས་བྱས་ཡོངས་འདུའི་སྙེ་མ། ༣༽ འབྲུག་གི་རྫོང་གཞིས་དང་ལྷ་ཁང་དགོན་སྡེའི་ཐོ་ཡིག། སྲོལ་འཛིན་ལས་ཁུངས། ༤༽ རྒེད་འོག་བདག་སྐྱོང་ཡིག་ཚང་ནང་ཡོད་པའི་ མི་རློབས་དང་ ཁྱིམ་གྱི་གྲངས་རྩིས་ ༢༠༡༩ ཅན་མ། ༥༽ ཟླ་ལམ་སྙན་ཞུ། དུས་མཆོད་འབུམ་སྡེའི་ཁ་གསལ། རྒེད་འོག་ བདག་སྐྱོང་ཡིག་ཚང་ནང་ལས།
རབ་གསལ་མེ་ལོང་། 131 ༦༽ གཡུས་ཚན་ཁག་གི་སྐྱེ་ལྷ་དང་ཡུལ་ལྷ་དཔེ་ཆ། ༧༽ གནས་ཡིག་ཀུན་ཕན་ལམ་སྟོན། བཀྲ་ཤིས་གཡང་རྩེ་རྫོང་ཁག་ འོག་གི། སྲོལ་འཛིན་ལས་འཁུངས། ༨༽ མིང་གནས་གསལ་བའི་འོད་ཟེར། རྫོང་ཁ་གོང་འཕེལ་ལྷན་ ཚོགས། ༩༽ མཚམས་པ་བློ་གསལ་རྒྱ་མཚོའམ་ བསོད་ནམས་རྡོ་རྗེ། བླམ་དྭགས་ཀོང་གི་མི་བརྒྱུད།
རབ་གསལ་མེ་ལོང་། 132 ངག་རྒྱུན་དྲི་བཀོད་ནང་ བཅའ་མར་གཏོགས་མི་དང་ རྒྱབ་སྣོན་གནང་མི་ ཚུ་གི་མཚན་ཐོ། ༡༽ སློབ་དཔོན་ཀུན་བཟང་ཕྲིན་ལས། ཞིབ་འཚོལ་དང་རྩོམ་སྒྲིག་ མཁས་མཆོག ༢༽ རྒཔོ་ཆོས་སྲུང་དབང་འདུས། ཡ་ལང་རྒེད་འོག། ༣༽ ཀརྨ། མེ་ལོང་མཁར་གཡུས་ཚན་ནང་གི་ཆོསཔ་རྒན་ཤོས། ༤༽ གྲུབ་པ། རོ་ལམ་གཡུས་ཚན་གྱི་གཙོ་འཛིན། ༥༽ དཀོན་མཆོག་ནོར་བུ། གནམ་ཐིག་གཡུས་ཚན་གྱི་གཙོ་འཛིན། ༦༽ ཚེ་དབང་རྡོ་རྗེ། ཡེར་འཕེལ་གཡུས་ཚན་གྱི་མི་རྒན།