Introduction of the Holy sites & Temples of Yalang Gewog, Tashi Yangtse District.
i བཀྲ་ཤིས་གཡང་རྩེ་རྫོང་ཁག་ ཡ་ལང་རྒེད་འོག་གི་གཡུས་ཚན་ཁག་ཚུ་ནང་ ཡོད་པའི་ གནས་དང་ལྷ་ཁང་ཚུ་གི་ངོ་སྤྲོད། ཞིབ་འཚོལ་དང་རྩོམ་བྲིསཿ བསྟན་འཛིན་ནོར་བུ།
རབ་གསལ་མེ་ལོང་། ❀❀❀
ii པར་ཐེངས་དང་པ། སྤྱི་ལོ་ ༢༠༢༡ ལུ། པར་དབང་© ཡ་ལང་རྒེད་འོག་བདག་སྐྱོང་ལུ་ཡོད། གྲོས་སྟོན་པ། ཆོས་སྲུང་དབང་འདུས། ཡ་ལང་རྒེད་འོག་གི་རྒཔོ། རྫོང་ཁག་ཚོགས་འདུའི་འཁྲི་འཛིན། བཀྲ་ཤིས་གཡང་རྩེ་རྫོང་ཁག། ཞིབ་འཚོལ་དང་རྩོམ་བྲིས། བསྟན་འཛིན་ནོར་བུ། མཐའ་དཔྱད་ཞུན་དག། སློབ་དཔོན་ཀུན་བཟང་ཕྲིནལས། ཀེ་ཨེམ་ཀྲི་ལས་སྡེ། བསོད་ནམས་བསྟན་འཛིན། ཀེ་ཨེམ་ཀྲི་ལས་སྡེ། བཟོ་བཀོད། བསོད་ནམས་བསྟན་འཛིན། ISBN 978-99980-970-0-1 BICMA No. 100000862
རྒྱལ་ཀུན་སྙིང་རྗེའི་རང་གཟུགས་པད་དཀར་འཆང་། །རྣམ་འཕྲུལ་ལྗོངས་འདིར་སྲིད་པ་ཉེར་བཟུང་ནས།། མངའ་འབངས་བུ་གཅིག་མ་བཞིན་བརྩེར་མཛད་པ། །མི་དབང་ཆོས་རྒྱལ་སྐུ་ཚེ་བརྟན་གྱུར་ཅིག།
ལྗོངས་འདིའི་མི་མང་བསོད་ནམས་ལས་གྲུབ་པའི། །པདྨའི་ལུང་གིས་རབ་བསྔགས་མི་ཡི་དབང་།། འཇིགས་མེད་སེངྒེ་དབང་ཕྱུག་མཚན་ཅན་མཆོག །སྐུ་ཚེ་ཡུན་བརྟན་མཛད་ཕྲིན་དཔལ་འབར་ཤོག།
དཔལ་ལྡན་འབྲུག་པའི་ཆོས་ཀྱི་རིང་ལུགས་ཆེ། །ཞིང་འདིར་ཡར་ཟླའི་མཆེད་པོར་སྤེལ་མཛད་པ།། ངག་དབང་འཇིགས་མེད་ཆོས་ཀྱི་གྲགས་པ་མཆོག །ཆོས་ཁྲིར་བརླིང་ཞིང་མཛད་བཟང་མཐར་རྒྱས་ཤོག།
ཆེད་བརྗོད། ༈ ད་ལན་ ངོམ་བསྟན་འཛིན་ནོར་བུ་གིས་ བཀྲ་ཤིས་གཡང་རྩེ་རྫོང་ཁག་ ཡ་ལང་རྒེད་ འོག་མངའ་ཁོངས་ཀྱི་གཡུས་ཚན་ཁག་ཚུ་ནང་ཡོད་པའི་ གནས་རྩ་ཅན་དང་ ལྷ་ཁང་དགོན་ སྡེའི་ལོ་རྒྱུས་ཚུ་ ཞིབ་འཚོལ་མཐིལ་ཕྱིན་འབད་དེ་ པར་རི་དང་བཅསཔ་སྦེ་ དཔེ་དེབ་པར་སྐྲུན་ འབད་མི་འདི་ལུ་ ང་ལས་ ཡིད་ཆེས་ངལ་རང་དང་བཅས་པའི་སྒོ་ལས་ བཀའ་དྲིན་ལེགས་སོའི་ གཟེངས་བསྟོད་ཡོད། དཔེ་དེབ་འདི་གིས་ རྒེད་འོག་འདི་ནང་ཡོད་པའི་ དམ་པའི་ཆོས་དང་འབྲེལ་བའི་ལོ་རྒྱུས་ཚུ་ ཁུངས་སྐྱེལ་ཚུགསཔ་མ་ཚད་ ལྷག་མི་ཚུ་གི་རྒྱུད་ལུ་ཡིད་ཆེས་དང་ དད་མོས་ལྷག་པར་འཕེལ་ ཏེ་ དགེ་བའི་བྱ་བ་ལུ་ཡང་ ལྷག་བསམ་རྣམ་དག་གི་སྒོ་ལས་ ངམ་ངམ་ཤུགས་ཀྱིས་ཞུགས་ ཚུགས་ནིའི་ ཁེ་ཕན་སྦོམ་འདུག། མཇུག་ར་ དཔེ་དེབ་ལྷག་མི་ཡོངས་ཀྱི་རྒྱུད་ལུ་ ཤེས་ཡོན་གསརཔ་ཐོབ་སྟེ་ ཇི་སྲིད་བསྐལ་པ་ མ་སྟོང་གི་བར་དུ་ རྒྱལ་ཁབ་ཀྱི་ནང་རྟེན་དེ་ཚུ་ ཡར་བསྐྱེད་དང་ཉམས་བསྲུང་འབད་ཚུགས་ནི་དང་ གཅིག་ཁར་ ང་བཅས་རའི་ འབྲུག་རྒྱལ་ཁབ་ཀྱི་གལ་ཆེ་བའི་ སྲོལ་ཁྱུན་བཟང་པོ་འདི་ལུ་ཞུགས་ ཏེ་ དམ་པའི་ཆོས་ཕྱོགས་ཀྱི་འགྲོ་དོན་རྒྱས་ནི་དང་ འབྲུག་མི་ཆ་མཉམ་ དགའ་སྐྱིད་དཔལ་ འཛོམས་ལུ་ ལོངས་སྤྱོད་ཚུགས་པའི་ སྨོན་འདེབས་ཞུ་ནི་ཨིན། ཤེས་རབ་རྒྱལ་མཚན། སྤྱི་ཚེས་ ༡༩།༣།༢༠༢༡ ལུ། ནང་སྲིད་དང་སྲོལ་འཛིན་བློན་པོ།
རབ་གསལ་མེ་ལོང་། 21 ༼གཉིས་པ། ཆེ་མ་གཡུས་ཚན་ནང་ཡོད་པའི་༽ གནས་དགོན། ༢.༡ ཆེ་མ་གཡུས་ཚན་གྱི་སྐོར། ཆེ་མ་གཡུས་ཚན་དེ་ རྒེད་འོག་ལྟེ་བ་ལས་ རྐང་ཐང་སྦེ་ དུས་ཡུན་ཆུ་ ཚོད་༤ ལྷགཔ་ཅིག་ འགྲོ་འགྲུལ་འབད་བའི་ཤུལ་ལུ་ ལྷོདཔ་ཨིན་པས། གཡུས་ཚན་དེ་ སྡུག་སྟི་གཡུས་ཚན་ནང་འགྱོ་སའི་ གཞུང་ལམ་གྱི་འོག་ ལུ་ ཆགས་ཏེ་འདུག། རྒེད་འོག་བདག་སྐྱོང་ཡིག་ཚང་ནང་ཡོད་པའི་ མི་ རློབས་དང་ཁྱིམ་གྱི་གྲངས་རྩིས་ ༢༠༡༩ ཅན་མ་དང་འཁྲིལ་བ་ཅིན་ གཡུས་ཚན་འདི་ནང་ལུ་ ཁྱིམ་གུང་པ་ ༤༢ དེ་ཅིག་དང་ མི་རློབས་གྲངས་ ༣༢༠ ལྷགཔ་ཅིག་ ཐོ་བཀོད་འབད་དེ་འདུག། ༢.༢ ཆེ་མ་གཡུས་ཚན་གྱི་མིང་གནས་སྐོར། ས་གནས་ཀྱི་མིང་ ཆེ་མ་ཟེར་སླབ་དགོ་པའི་ར་ཁུངས་དེ། གཡུས་དེ་ ནང་གཞི་བཅགས་མི་ མི་སེར་ཚུ་གིས་ ཚལ་མ་བརྫམས་ཞིན་ན་ གཞི་
རབ་གསལ་མེ་ལོང་། 22 བཅགས་མི་ལས་རྟ་དྲང་སྟེ་ བཏགས་ཡོདཔ་སྦེ་ བཤདཔ་ཨིན་པས། མ་ གཞི་ ཆེ་མ་ཟེར་མི་ཡིག་སྡེབ་ཁོ་རང་ལུ་ གཞི་བཞག་པ་ཅིན་ སྦོམ་ཆུང་ ངམ་ཆེ་ཆུང་གི་དབྱེ་བ་ཕྱེ་ནིའི་ གཞི་ཅིག་ལུ་ གོ་དོ་ཡོད་རུང་། གཡུས་སྐད་ ནང་ལས་འབད་བ་ཅིན་ ཆེ་མ་ ཟེར་མི་ཚིག་དེ་ ཚལ་མ་བརྫམས་ཏེ་ མེར་ བཏང་ཞིན་ན་ ལོ་ཐོ་བཏབ་ས་བཟོ་མི་ལུ་ ཆེ་མ་ཟེར་སླབ་ནི་འདུག། ཆེ་མ་གཡུས་ཚན་གྱི་མིང་སྡེབ་དེ་ ཧེ་མའི་ཡིག་ཆ་ཚུ་ནང་ལུ་ ཕྱེ་མ་ཟེར་ བྲིས་ཏེ་ཡོད་རུང་། ད་རེས་ནངས་པ་ ཆེ་མ་ཟེར་འབྲི་སྲོལ་དར་ཁྱབ་སོང་ ཡོདཔ་མ་ཚད་ སྤྱི་ལོ་ ༢༠༡༩ ལོར་ རྫོང་ཁ་གོང་འཕེལ་ལྷན་ཚོགས་ ཀྱིས་ རྩོམ་སྒྲིག་དང་ པར་སྐྲུན་འབད་ཡོད་མི་ མིང་གནས་གསལ་བའི་ འོད་ཟེར་ནང་ལུ་ཡང་ ཆེ་མ་ཟེར་ ཐོ་བཀོད་འབད་དེ་འདུག། ༢.༣ ཆེ་མ་པའི་མི་རྒྱུད། རྒན་ཤོས་ཚུ་གིས་ ངག་རྒྱུན་བཤད་སྲོལ་ལྟར་དུ་འབད་བ་ཅིན་ ད་ལྟོ་ཆེ་ མ་ལུ་ གཞི་བཅགས་མི་ མི་ཚན་ཚུ་གི་མི་རྒྱུད་ངོ་མ་དེ་ མོང་སྒར་ཤེལ་ ཆུ་ལས་ཨིནམ་སྦེ་སླབ་ནི་འདུག། ཁྲལ་དང་འུར་ལཱ་ཚུ་གིས་འབད་མ་
རབ་གསལ་མེ་ལོང་། 23 ཚུགས་པར་ བྱོག་འོང་སྦེ་མོན་རྟ་དབང་ ༼ཨ་རུ་ནཱ་ཅཱལ་པར་དེཤ༽ དང་འབྲུག་པའི་ས་མཚམས་ཁ་ལུ་ཡོད་པའི་ འབྲུག་པའི་ས་ཁོངས་ ས་ གནས་ཆོར་ནང་ཟེར་ས་ལུ་ གཞི་བཅགས་ཏེ་སྡོད་ཡོདཔ་འབད་བཤད་ནི་ འདུག། ཨིན་རུང་ ཤུལ་ལས་ རིམ་གྱིས་འབད་ ད་ལྟོ་སྡོད་སའི་ ས་གནས་ཆེ་མ་ ལུ་ གཞི་ཆགས་ཡོད་པའི་ ལོ་རྒྱུས་བཤད་ནི་འདུག། དེ་ལུ་ ཞིབ་འཚོལ་ པ་ ང་རའི་ཁ་ཐུག་ལས་ཡང་ བདེན་པ་འདུག་ཟེར་ ཡིད་ཆེས་བསྐྱེད་ ཚུགས་མི་དེ་ གཙོ་བོ་ ཆེ་མ་གཡུས་ཚན་ནང་ལུ་ཡོད་མི་ མི་སེར་ཚུ་གིས་ ཡུལ་ལྷ་གསོལ་བའི་སྐབས་ དགྱེས་ཕུ་རྐྱངམ་གཅིག་གིས་ མ་དོ་བར་ ཡུལ་ལྷ་མདའ་འུང་པ་ཡང་ རྟེན་སྲོལ་ཡོད་ནི་འདི་གིས་ཨིན། ༢.༤ ཆེ་མ་ཨོ་རྒྱན་རྣམ་གྲོལ་ལྷ་ཁང་གི་ལོ་རྒྱུས། མི་ལོ་ ༣༠ དེ་ཅིག་སོང་ཡོད་པའི་ ཨོ་རྒྱན་རྣམ་གྲོལ་ལྷ་ཁང་དེ་ ཆེ་མ་ གཡུས་ཚན་གྱི་མི་དམངས་ཀྱིས་ ཕྱག་མཆོད་ཕུལ་སའི་རྟེན་སྦེ་ རང་ ལུགས་གནམ་ལོ་ལྕགས་རྟ་ལོ་ལུའམ་ སྤྱི་ལོ་ ༡༩༩༠ ལོར་ མི་སེར་
རབ་གསལ་མེ་ལོང་། 24 དམངས་ཀྱིས་ གཡས་རུབ་གཡོན་རུབ་འབད་དེ་ བཞེངས་ཡོདཔ་འབད་ བཤད་ནི་འདུག། ད་ལྟོ་ ལྷ་ཁང་བཞེངས་ཡོད་མི་ ས་ཆ་ངོ་མ་དེ་ སའི་ཇོ་ བདག་ལྟའུ་ལ་གི་ཨིན་རུང་བསྟན་པ་དང་སེམས་ཅན་གྱི་དོན་ལུ་དམིགས་ ཏེ་ ཕུལ་ཡོད་ལུགས་བཤད་ནི་འདུག། ༢.༥ རྟེན་གསུམ་གྱི་སྐོར། ད་རེས་ ལྷ་ཁང་དེ་ནང་ རྟེན་གསུམ་བྱེ་བྲག་ཚུ་གི་གྲལ་ལས་ མཚམས་པ་ བཟང་པོ་དང་། ཡ་ལང་རྒེད་འོག་གི་རྒཔོ་ ཆོས་སྲུང་དབང་འདུས་གཉིས་
ཨྱོན་རྣམ་གྲོལ་ལྷ་ཁང་།
རབ་གསལ་མེ་ལོང་། 25 ཀྱིས་མཉམ་རུབ་འབད་དེ་ སྒྲུབ་གནང་པའི་ རྒྱུ་ཟངས་ལས་སྒྲུབ་པའི་ སྟོན་ པའི་སྐུ་འདྲ་དང་། སྤྱན་རས་གཟིགས་ཀྱི་སྐུ་འདྲ། དེ་ལས་གུ་རུ་རིན་པོ་ ཆེའི་སྐུ་འདྲ་ཚུ་མཇལ་ནི་ཡོདཔ་མ་ཚད་ རྗེ་བཙུན་འཇམ་དཔལ་དབྱངས་ ཀྱི་སྐུ་འདྲ་དང་། རྗེ་བཙུན་སྒྲོལ་མའི་སྐུ་འདྲ་ཚུ་བཞུགས་ཏེ་འདུག། དེ་ལས་གཏེར་གསར་ལྷ་ཚོགས་ཚུ་གི་ལྡེབས་རིས་ཚུ་མཇལ་ནི་ཡོད་པའི་ ཁར་ གསུང་རྟེན་བཀའ་འགྱུར་དང་། ཆོས་འབུམ། ཉི་ཁྲི། བརྒྱད་སྟོང་དང་ བཅས་པ་ཡང་ བཞུགས་སུ་གསོལ་ཏེ་འདུག། ༢.༦ དུས་མཆོད་འབུམ་སྡེའི་སྐོར། ད་རེས་ནངས་པ་ ལྷ་ཁང་དེ་ནང་ རང་ཟླ་བཞི་པའི་ནང་ ཆོས་འབུམ་དག་ ཚར་ཉིནམ་གཉིས་ཀྱི་རིང་ ལྷག་གནང་དོ་ཡོདཔ་མ་ཚད། ཉིནམ་གསུམ་ པའི་སྐབས་ ཆོས་འབུམ་གདན་ཞུས་ཏེ་ གཡུས་སྐོར་རྐྱབ་སྲོལ་འདུག། རང་ཟླ་དྲུག་པའི་ནང་ གཏེར་འཆམ་བགེགས་བསྐྲད་དང་ བླ་མ་ནོར་བུ་རྒྱ་ མཚོའི་ཚེས་བཅུ་བཅས་ ཉིནམ་གསུམ་གྱི་རིང་ འགོ་འདྲེན་འཐབ་སྲོལ་ འདུག།
རབ་གསལ་མེ་ལོང་། 26 གཏེར་འཆམ་བགེགས་བསྐྲད་ཀྱི་ལས་རིམ་ ཁ་གསལ་ཚུ་ བསྟན་འཛིན་ ནོར་བུ་གིས་ རྩོམ་སྒྲིག་འབད་མི་ བཀྲ་ཤིས་གཡང་རྩེ་རྫོང་ཁག་ ཡ་ལང་ རྒེད་འོག་ མེ་ལོང་མཁར་གཡུས་ཚན་གྱི་སྐྱེངས་འཆམ་སྐོར་ ཟེར་མི་དཔེ་ དེབ་ རྫོང་ཁ་གོང་འཕེལ་ལྷན་ཚོགས་ཀྱི་ཡོངས་འབྲེལ་ཐོག་ལས་ བཀྲམ་ སྤེལ་འབད་མི་ནང་ལུ་གཟིགས་གནང་། ༢.༧ ལྷ་ཁང་གི་བདག་དབང་། སྤྱིར་བཏང་ ལྷ་ཁང་བཞེངས་ཡོད་མི་ ས་ཆ་དེ་ སྒེར་གྱི་ཨིནམ་མ་ཚད་ རྟེན་གསུམ་ཚུ་ཡང་ མཚམས་པ་བཟང་པོ་དང་། ཡ་ལང་རྒེད་འོག་གི་ རྒཔོ་ཆོས་སྲུང་དབང་འདུས་གཉིས་ཀྱིས་ འགོ་འདྲེན་ཐོག་ལུ་ བསྒྲུབས་ གནང་ཡོད་རུང་ ནང་སྲིད་དང་སྲོལ་འཛིན་ལྷན་ཁག་ སྲོལ་འཛིན་ལས་ ཁུངས་ཀྱིས་པར་སྐྲུན་འབད་ཡོད་མི་ འབྲུག་གི་རྫོང་གཞིས་དང་ལྷ་ཁང་ དགོན་སྡེའི་ཐོ་ཡིག་ཟེར་མི་ དཔེ་དེབ་དང་འཁྲིལ་བ་ཅིན་ ཨོ་རྒྱན་རྣམ་ འགྲོལ་ལྷ་ཁང་དེ་གི་ བདག་དབང་ཧྲིལ་བུམ་དམངས་ལུ་ཡོདཔ་འབད་ ཐོ་བཀོད་འབད་དེ་འདུག།
རབ་གསལ་མེ་ལོང་། 27 ༢.༨ མཁའ་འགྲོ་བྷ་ག་དང་གཞན། ཡར་འཕེལ་གཡུས་ཚན་ནང་ དང་ཕུའི་གཞུང་ལམ་ཁར་ ས་གནས་ཐུ་ལུང་ ཟོར་ཟེར་སར་ རྡོ་ཕུ་ཅིག་གི་ལོགས་ལུ་ བྷ་ག་(མོ་མཚན) དོད་རིལ་རི་སྦེ་ ཡོདཔ་ཨིན་རུང་ ཤུལ་ལས་མི་ཚུ་གིས་ སྤོག་སྟེ་མེདཔ་བཏང་ཡོད་པའི་ ལོ་རྒྱུས་བཤད་ནི་འདུག། ཆེ་མ་གཡུས་ཚན་གྱི་གདོང་གཏད་ མོན་རྟ་ཝང་གི་མངའ་འོག་ཨིན་པའི་ བྲག་སྟེང་གཡུས་ཚན་གྱི་མཇུག་ལས་མར་ སྒང་སྦུལ་བཟུམ་ཅིག་ཡོད་ མི་སྐེད་པར་རྡོ་ཕུ་སྦོམ་ཅིག་འདུག། དང་ཕུ་བདུད་ཀྱིས་ གནོད་འཚུབ་ བཀལ་བར་འོངམ་ད་ ཨོ་རྒྱན་གུ་རུ་རིན་པོ་ཆེ་གིས་ ཆེ་མ་གཡུས་ཚན་གྱི་ མཇུག་ལས་ཕར་ རྡོ་ཕུ་བཀོ་སྦེ་ དམ་ལུ་བཏགས་གནང་གནངམ་ཨིན་ ཟེར་བའི་ལོ་རྒྱུས་བཤདཔ་ཨིན་པས།
རབ་གསལ་མེ་ལོང་། 33 ༼གསུམ་པ། མེ་ལོང་མཁར་གཡུས་ཚན་ནང་༽ ཡོད་པའི་གནས་དགོན། ༣.༡ མེ་ལོང་མཁར་གཡུས་ཚན་གྱི་སྐོར། མེ་ལོང་མཁར་གཡུས་ཚན་དེ་ རྒེད་འོག་ལྟེ་བ་ལས་ རྐང་ཐང་སྦེ་ དུས་ ཡུན་ཆུ་ཚོད་༤ ལྷགཔ་ཅིག་ འགྲོ་འགྲུལ་འཐབ་པའི་ཤུལ་ལུ་ ལྷོདཔ་ཨིན་ པས། གཡུས་ཚན་དེ་ སྡུག་སྟི་གཡུས་ ཚན་ནང་འགྱོ་སའི་ གཞུང་ལམ་གྱི་ ལྟག་ལུ་ཆགས་ཏེ་འདུག། རྒེད་འོག་ བདག་སྐྱོང་ཡིག་ཚང་ནང་ཡོད་པའི་ མི་རློབས་དང་ཁྱིམ་གྱི་གྲངས་རྩིས་ ༢༠༡༩ ཅན་མ་དང་འཁྲིལ་བ་ཅིན་ གཡུས་ཚན་འདི་ནང་ ཁྱིམ་གུང་པ་༢༩ དེ་ཅིག་དང་ མི་རློབས་གྲངས་༢༠༢ ལྷགཔ་ཅིག་ ཐོ་བཀོད་འབད་དེ་འདུག། མེ་ལོང་མཁར་གཡུས་ཀྱི་མཐོང་སྣང་།
རབ་གསལ་མེ་ལོང་། 34 ༣.༢ མེ་ལོང་མཁར་གཡུས་ཚན་གྱི་མིང་གནས་སྐོར། གཡུས་ཚན་འདི་གི་མིང་ མེ་ལོང་མཁར་ ཟེར་བཏགས་དགོ་མི་དེ་ ཕམ་ རྒན་ཤོས་ཚུ་གིས་ ངག་རྒྱུན་ལོ་རྒྱུས་བཤད་པའི་ནང་གསལ། ཧེ་མ་ གཡུས་འདི་གི་གདོང་ཕྱོགས་ལུ་ཡོད་མི་ བྱང་ཕུག་དང་། ཁམས་དྭངས་ གཡུས་ཚན་གཉིས་ནང་གི་མི་ཚུ་གིས་ གཡུས་ཚན་དེ་ནང་བལྟ་བའི་སྐབས་ རྡོ་ག་ར་མེ་ལོང་བཟུམ་ འོད་ཤར་ས་མཐོང་ཡོདཔ་མ་ཚད། གཡུས་ཚན་གྱི་ ཆགས་ཚུལ་རྣམ་པ་དེ་ཡང་ མེ་ལོང་ཧེན་ཏེ་ བཞག་ཞགཔ་བཟུམ་མཐོང་ ཡོད་མི་ལས་ མེ་ལོང་མཁར་ ཟེར་བཏགས་ཡོད་ལུགས་བཤད་ནི་འདུག། ངག་རྒྱུན་གཞན་ཅིག་བཤད་པའི་ནང་གསལ། གཡུས་ཚན་ཆགས་སའི་ ས་གོ་ཅིག་ནང་ རྡོ་ཕུ་ཅིག་གུ་མེ་ལོང་བཟུམ་ འོད་ཤར་ནི་ཡོདཔ་ལས་ གཡུས་ཚན་གྱི་མིང་ཡང་ མེ་ལོང་མཁར་ཟེར་བཏགས་རུང་ རྡོ་ཕུ་འདི་ ཁྱིམ་རྐྱབ་མི་ཚུ་གིས་ སྤོགས་ཡོད་ལུགས་བཤད་ནི་འདུག། ཨིན་རུང་ ཞིབ་འཚོལ་པ་ ང་རའི་ཧོངས་ལས་འབད་བ་ཅིན་ ཤར་ཕྱོགས་ ཁ་ཐུག་དང་། ལྷག་པར་དུ་ གཡང་རྩེ་རྫོང་ཁག་འོག་ལུ་ ས་གནས་ཀྱི་
རབ་གསལ་མེ་ལོང་། 35 མིང་ འཇམ་མཁར། འཕང་མཁར། བཙན་མཁར། ཟེར་ཡོད་མི་ཚུ་ག་ར་ ལྷ་སྲས་གཙང་མའི་སྐབས་ བཏགས་ཡོདཔ་ལས་ མེ་ལོང་མཁར་ ཟེར་ མི་གཡུས་ཀྱི་མིང་གནས་དེ་ཡང་ ལྷ་སྲས་གཙང་མའི་ མི་རྒྱུད་ཅིག་གིས་ བཏགས་ཡོདཔ་ ཧ་གོཝ་ཚུགས་པས། དེ་མ་ཚད་ གཡུས་ཀྱི་མིང་སྡེབ་ དེ་ སྤྱི་ལོ་༢༠༡༩ ལོར་ རྫོང་ཁ་གོང་འཕེལ་ལྷན་ཚོགས་ཀྱི་རྩོམ་སྒྲིག་དང་ པར་སྐྲུན་འབད་ཡོད་མི་ མིང་གནས་གསལ་བའི་འོད་ཟེར་ནང་ལུ་ཡང་ མེ་ ལོང་མཁར་ཟེར་ ཐོ་བཀོད་འབད་དེ་འདུག། ༣.༣ གཡུས་ཚན་དེ་ནང་ སྔོན་མ་ལས་ལྷ་ཁང་ཡོད་ཚུལ། ཀུན་མཁྱེན་འཇིགས་མེད་གླིང་པའི་རྣམ་ཐར་ནང་ལས་ གཡུས་ཚན་དེ་ནང་ ལུ་ ཁོ་གི་སློབ་མ་ ཁ་རག་སྒོམ་ཆུང་ ཟེར་མི་ཅིག་གིས་ ལྷ་ཁང་ཅིག་ བཞེངས་ཡོད་པའི་ ལོ་རྒྱུས་འཐོན་ནི་ཡོད་རུང་། ས་གོ་འདི་ནང་ཨིན་ཟེར་ བའི་ ཁུངས་སྦྲགས་ཚུགས་མི་ ག་ཡང་མིན་འདུག། ཨིན་རུང་ གཡུས་ ཚན་འདི་ནང་ དུས་རབས་༡༨ པའི་ནང་ བཞེངས་ཡོད་པའི་ སྣག་ཚང་ གཅིག་དང་། སྤྱི་ལོ་༡༩༨༨ ལོར་བཞེངས་ཡོད་པའི་ ལྷ་ཁང་གཅིག་ འབདཝ་ད་ བསྡོམས་ལྷ་ཁང་གཉིས་འདུག།
རབ་གསལ་མེ་ལོང་། 36 ༣.༤ བསམ་གཏན་ཆོས་གླི་ལྷ་ཁང་གི་ལོ་རྒྱུས། ལྷ་ཁང་གཉིས་ཀྱི་གྲལ་ལས་ མེ་ལོང་མཁར་དགོན་པ་ལུ་ཡོད་མི་ ཐོག་ ཚད་༡ འབད་མི་ མི་ལོ་༣༣ ལྷགཔ་ཅིག་སོང་ཡོད་པའི་ལྷ་ཁང་དེ་ རང་ ལུགས་གནམ་ལོ་ ས་མོ་འབྲུག་ལོ་ རང་ཟླ་དང་པའི་ཚེས་༡ ལུའམ་ སྤྱི་ ལོ་༡༩༨༨ ཀྱི་ལོ་ལུ་ གཡུས་ཚན་དེ་ནང་ལས་ར་ཨིན་མི་ གཙོ་འཛིན་ཉི་ མ་གིས་ འགོ་འདྲེན་འཐབ་སྟེ་ གཡུས་ཁའི་མི་སེར་ཚུ་གིས་ བཞེངས་ ཡོད་ལུགས་བཤད་ནི་འདུག། ཨིན་རུང་ ད་རེས་མཇལ་སྲོལ་ཡོད་མི་ ལྷ་ཁང་དེ་ ཧེ་མའི་ལྷ་ཁང་ སྤྱི་ལོ་ ༢༠༠༧ གི་ལོ་ལུ་ གཞུང་གིས་ བསམ་གཏན་ཆོས་གླིང་ལྷ་ཁང་།
རབ་གསལ་མེ་ལོང་། 37 མ་དངུལ་རྒྱབ་སྐྱོར་གནང་ཐོག་ལས་ ཉམས་བཅོས་འབད་དེ་ བཞེངས་ ཡོད་མི་དེ་ཨིན་པས། ༣.༥ ལྷ་ཁང་བཞེངས་དགོ་པའི་དམིགས་ཡུལ། ལྷ་ཁང་དེ་ བཞེངས་དགོ་པའི་ དམིགས་ཡུལ་གཙོ་བོ་ར་ ཧེ་མ་གཡུས་ ཚན་དེ་ནང་ ཆོས་ཕྱོགས་ཀྱི་ལས་རིམ་དང་། གཤིན་གསོན་གྱི་དགེ་རྩ་ ཚུ་ སྒྲུབ་སའི་ལྷ་ཁང་ཅིག་མེད་པར་ འཕྲལ་འཕྲལ་སྒེར་གྱི་ཁྱིམ་ཚུ་བརྙ། འཕྲལ་འཕྲལ་ཞིང་ནང་ལས་ཕར་ གནས་སྐབས་ཀྱི་གུར་སྤུབས་ཏེ་ དཀའ་ སྡུག་ལེ་ཤ་མྱོང་དགོཔ་འབྱུང་ཡོད་མི་ལུ་བརྟེན་ བཞེངས་ཡོདཔ་འབད་ བཤད་ནི་འདུག། ༣.༦ ལྷ་ཁང་གི་ཆགས་ཚུལ། བསམ་གཏན་ཆོས་གླིང་ལྷ་ཁང་དེ་ དགུང་སྔོན་དབྱིངས་ལུ་ ལྷོད་ལྷོདཔ་ དང་འདྲ་བའི་ས་ཆ་ ཤར་ཕྱོགས་ཁ་ཐུག་ བཙན་འཁོར་སུམ་བརྒྱ་དྲུག་ཅུའི་ རྒྱལཔོ་ ཡོངས་གྲགས་ཅན་གྱི་ཆོས་སྐྱོང་སྲུང་མའི་ བཞུགས་གནས་ཚོང་ ཚོང་མ་དང་། ལྷོ་ཕྱོགས་ཁ་ཐུག་ བྱང་ཕུག་རྩེ། ནུབ་ཕྱོགས་ཁ་ཐུག་ ཡར་
རབ་གསལ་མེ་ལོང་། 38 འཕེལ་སྐྱེས་བཙན་སྐྱེན་ཕུ་དང་། བྱང་ཕྱོགས་ཁ་ཐུག་ དགྱེས་ཕུའི་གནས་ ཚུ་གིས་ བསྐོར་བའི་སྦུག་ལུ་ གཟི་བརྗིད་ཆེ་ཏོག་ཏོ་སྦེ་ ཆགས་ཏེ་འདུག། ༣.༧ ལྷ་ཁང་གི་མཚན་གནས་ཀྱི་ཁུངས། ལྷ་ཁང་གི་མཚན་ བསམ་གཏན་ཆོས་གླིང་ ཟེར་གསོལ་དགོ་པའི་ར་ ཁུངས་དེ་ གནས་སྐབས་སུ་ གཡུས་འདི་ནང་གི་མི་སེར་ཚུ་གི་ བསམ་ པའི་དོན་ཐབས་ཅད་ཡིད་བཞིན་དུ་འགྲུབ་ནི་དང་། ཐར་ཐུག་གཏན་གྱི་བདེ་ བ་བླ་ན་མེད་པ་ཡང་དག་པར་ རྫོགས་པའི་སངས་རྒྱས་ཀྱི་གོ་འཕང་ཐོབ་ ནིའི་ དགོས་པ་ཡོད་པའི་གུ་ ལྷ་ཁང་དེ་ནང་རྟེན་གསུམ་བྱིན་ཅན་བཞུགས་ ཏེ་ཡོདཔ་ལས་ ཆོས་ཕྱོགས་ཀྱི་ལས་རིམ་འགོ་འདྲེན་འཐབ་མི་ཚུ་ལུ་ བརྟེན་ཏེ་ གཡུས་ཚན་དེ་ནང་ལུ་ མི་ནོར་ཕྱུགས་གསུམ་ལུ་ ནད་ཡམས་ མ་བྱུང་པར་ དགའ་སྐྱིད་ལྡན། ལོ་ཐོག་ཚུ་ལུ་དགོ་པའི་ཆར་ཆུ་ཚུ་ དུས་ལུ་ བབས་ཏེ་ བཀྲ་ཤིས་གཡང་ཆགས་ནིའི་ རྟེན་འབྲེལ་ལུ་དམིགས་ཏེ་ གཙོ་ འཛིན་ཉི་མ་ཁོ་རང་གིས་ གསོལ་གནང་ནུག།
རབ་གསལ་མེ་ལོང་། 39 ༣.༨ ལྷ་ཁང་བཞེངས་གནས། བླམ་གིས་ལྷ་ཁང་ཅིག་ གསར་བཞེངས་འབད་ནི་གི་ ཐུགས་བཞེད་གནང་ མི་དང་འབྲེལ་ ད་ལྟོ་ ལྷ་ཁང་བཞེངས་ཡོད་སའི་ ས་ཆ་དྲིས་མཱལ་༡༥ ལྷགཔ་ཅིག་འབད་མི་དེ་ སའི་ཇོ་བདག་ཨཔ་ཀརྨ་དང་ ཨམ་ང་ལེགས་ བཟའ་ཚང་གཉིས་ཀྱིས་ཕུལ་ཡོདཔ་ཨིན་པས། ཁོང་བཟའ་ཚང་གཉིས་ཀྱིས་ ལྷ་ཁང་བཞེངས་ནི་གི་དོན་ལུ་ ས་ཆ་དེ་སྦེ་ ཕུལ་མི་དེ་ ཁོང་ར་ བཟའ་ཚང་གཉིས་ལུ་ མཁས་འདོད་དང་གྲགས་འདོད་
སངས་རྒྱས་ཀྱི་བསྟན་པ་མི་ཉམས་ གོང་འཕེལ་དང་། ཉམས་པ་སོར་ཆུད་འབད་ནིའི་དོན་ལུ་དང་། ལྷག་པར་དུ་ གཡུས་ཚན་དེ་ནང་ ཚོགས་བསགས་སྒྲིབ་བྱང་འབད་སའི་ རྟེན་ཁྱད་པར་ ཅན་ཅིག་འབྱུང་ཐབས་ལུ་དམིགས་ཏེ་ ཕུལ་ཡོད་ལུགས་བཤད་ནི་འདུག། ༣.༩ རྟེན་གསུམ་གྱི་སྐོར། ལྷ་ཁང་དེ་ བཞེངས་ཚར་ཞིནམ་ལས་ བླམ་ཉི་མ་ཁོ་ར་གིས་ར་ ཕྱི་ཁ་ལས་ དད་ལྡན་གྱི་སྦྱིན་བདག་ཚུ་འཚོལ་ཏེ་ སངས་རྒྱས་དཀོན་མཆོག་གི་ཚབ་
ཀྱི་མིང་ཐོབ་ནི་གི་དོན་ལུ་མེན་པར་
རབ་གསལ་མེ་ལོང་། 40 རྒྱུ་ཟངས་ལས་གྲུབ་པའི་ ཁྲུ་གང་རེ་འབད་མི་ ཆོས་ལོངས་སྤྲུལ་གསུམ་ གྱི་སྐུ་འདྲ་དང་། རྗེ་བཙུན་འཇམ་དཔལ་དབྱངས་ཀྱི་སྐུ་འདྲ། དེ་ལས་ རྗེ་བཙུན་སྒྲོལ་མའི་སྐུ་འདྲ་བཅས་དང་། གཏེར་གསར་ལྷ་ཚོགས་ཚུ་གི་ ལྡེབས་རིས་ཚུ་ཡང་བཞེངས་གནང་ནུག། ད་རུང་ རྒཔོ་ཆོས་སྲུང་དབང་འདུས་གྱིས་གཙོས་པའི་ དད་ལྡན་གྱི་སྦྱིན་ བདག་ཚུ་གིས་ བསྟན་པའི་སྐུ་འདྲ་མི་ཚད་མ་ཅིག་ཡང་ ཕུལ་ཏེ་འདུག། ཆོས་དཀོན་མཆོག་ བསྟན་འགྱུར་ཆ་ཚང་གཅིག་དང་། ཆོས་འབུམ། ཉི་ ཁྲི། བརྒྱད་སྟོང་དང་བཅས་པ་ཚན་གཅིག། དེ་བཟུམ་སྦེ་ དགེ་འདུན་ དཀོན་མཆོག་གི་ཚབ་ གཏན་ཀྱང་ལྷ་ཁང་ནང་སྡོད་མ་དགོ་པའི་ ཆོསཔ་ དྲུག་འབད་མི་ཅིག་ བསྐོ་བཞག་གནང་མི་ལས་ ད་ཚུན་གྱི་བར་ན་ སངས་ རྒྱས་ཀྱི་བསྟན་པ་ཚུ་ མི་ཉམས་གོང་འཕེལ་སོང་བཞིན་འདུག།
རབ་གསལ་མེ་ལོང་། 41 ༣.༡༠ དུས་མཆོད་འབུམ་སྡེའི་སྐོར། གོང་གི་དམིགས་ཡུལ་དང་འཁྲིལ་ ལྷ་ཁང་དེ་ནང་ ད་རེས་ནངས་པ་ མི་ སེར་ཚུ་གིས་ ཚོགས་བསགས་སྒྲིབ་བྱང་གི་དོན་ལུ་གོ་སྐབས་བཟང་པོ་ ཐོབ་ཡོད་མི་ཚུ་ཡང་། ལོ་བསྟར་བཞིན་དུ་རང་ཟླ་དང་པ། བདུན་པ། དགུ་པ་ ཚུ་ནང་ ཆོས་འབུམ་དག་ཚར་ཉིནམ་གཉིས་རེ་ལྷག། ཉིནམ་གསུམ་པའི་ སྐབས་ ཆོས་འབུམ་གདན་ཞུས་ཏེ་ གཡུས་ཚན་གླིང་སྐོར་རྐྱབ་སྲོལ་འདུག། ཟླཝ་དྲུག་པའི་ནང་དམངས་ཀྱི་སྐུ་རིམ་སྐྱེངས་འཆམ་ ཟེར་མི་བགེགས་ བསྐྲད་དང་། བླ་མ་ནོར་བུ་རྒྱ་མཚོའི་ཚེས་བཅུ་བཅས་ཉིན་གྲངས་གསུམ་ གྱི་རིང་ འགོ་འདྲེན་འཐབ་སྲོལ་འདུག། དེ་མ་ཚད་ ཟླ་རིམ་བཞིན་དུ་ ཡར་ ངོའི་ཚེས་བཅུ་ཐམ་ལུ་ ཨོ་རྒྱན་གུ་རུ་རིན་པོ་ཆེ་གི་ དུས་བཟང་ཁྱད་པར་ ཅན་དང་འབྲེལ་ ཚོགས་མཆོད་ཚུ་ འཕུལ་སྲོལ་འདུག། ༣.༡༡ ལྷ་ཁང་གི་བདག་དབང་། སྤྱིར་བཏང་ ལྷ་ཁང་བཞེངས་ཡོད་མི་ ས་ཆ་དེ་ སྒེར་གྱི་ཨིནམ་མ་ཚད་ རྟེན་གསུམ་གྱི་བྱེ་བྲག་ཚུ་ཡང་ གཙོ་འཛིན་ཉི་མ་གིས་ འགོ་འདྲེན་འབད་
རབ་གསལ་མེ་ལོང་། 42 དེ་ བསྒྲུབས་ཡོདཔ་ཨིན་རུང་། ནང་སྲིད་དང་སྲོལ་འཛིན་ལྷན་ཁག་ སྲོལ་ འཛིན་ལས་ཁུངས་ཀྱིས་པར་སྐྲུན་འབད་ཡོད་མི་ འབྲུག་གི་རྫོང་གཞིས་ དང་ལྷ་ཁང་དགོན་སྡེའི་ཐོ་ཡིག་ཟེར་མི་ དཔེ་དེབ་དང་འཁྲིལ་བ་ཅིན་ ལྷ་ ཁང་གི་བདག་དབང་ཧྲིལ་བུམ་ དམངས་ལུ་ཡོདཔ་འབད་ ཐོ་བཀོད་ འབདདེ་འདུག། ༣.༡༢ མེ་ལོང་མཁར་གཡུས་ཚན་ནང་ཡོད་པའི་ སྣག་ཚང་གི་ལོ་རྒྱུས། དུས་རབས་༡༨ པའི་ནང་ མི་དམངས་ནས་བཞེངས་ཡོད་པའི་ ཡོངས་ གྲགས་ལུ་ སྣག་ཚང་ཟེར་སླབ་མི་དེ་ མེ་ལོང་མཁར་གཡུས་ཚན་གྱི་ མེ་ལོང་མཁར་སྣག་ཚང་།
རབ་གསལ་མེ་ལོང་། 43 མཇུག་མཚམས་ཅིག་ནང་ བཞེངས་ཏེ་འདུག། མི་གི་ངག་རྒྱུན་ལོ་རྒྱུས་ དང་འཁྲིལ་བ་ཅིན་ མེ་ལོང་མཁར་ལུ་ཡོད་པའི་སྣག་ཚང་དེ་ ཧེ་མ་བཀྲ་ ཤིས་སྒང་རྫོང་ཁག་ དྲུང་ཁག་འབད་སྡོད་པའི་སྐབས་ ཁྲག་སྒོམ་དྲུང་པ་ ཡོངས་གྲགས་ལུ་དྲུང་པ་ཏེ་ཏེ་ ཟེར་ཞུ་མི་གིས་ བདག་འཛིན་འཐབ་སྡོད་ ལུགས་བཤད་ནི་འདུག། ས་གནས་དེ་ཁར་ དྲུང་པ་གི་སྣག་ཚང་རྐྱངམགཅིག་མེན་པར་ དེ་ཁ་ལས་ ཁ་མར་ལྟ་སྟེ་ དུས་ཡུན་སྐར་མ་ ༥ ལྷགཔ་ཅིག་གི་ས་ཁར་འགྱོཝ་ད་ དྲུང་པ་གི་ཨ་རིང་མིང་ དྲག་ཤོས་ཨ་རིང་ ཟེར་ཚུད་ཡོད་པའི་ ཆུ་ཞིང་ཡང་ འདུག། མི་ཚུ་གིས་ བཤད་སྲོལ་ལྟར་འབད་བ་ཅིན་ ཧེ་མ་ཨ་རིང་དེ་ཁ་ ལས་ ལོ་ཐོག་ཚུ་ དུས་ཚོད་དང་འཁྲིལ་ཏེ་ བསྡུ་གསོག་འབད་དེ་ སྣག་ ཚང་ནང་བཞག་དགོ་ ཟེར་བཤད་ནི་འདུག། ཨིན་རུང་ ཤུལ་ལས་ ཁྲལ་བསྡུ་བླང་གི་རིམ་པ་ཚུ་ མེདཔ་སྦེ་འགྱོ་བའི་ ཤུལ་ལུ་ སྣག་ཚང་དེ་ མེ་ལོང་མཁར་དང་ ཆེ་མ་གཡུས་ཚན་གཉིས་ མཉམ་རུབ་ཀྱིས་ལྷ་ཁང་ཅིག་སྦེ་ བསྒྱུར་བཅོས་འབད་ཡོདཔ་སྦེ་བཤད་ནི་
རབ་གསལ་མེ་ལོང་། 44 ཡོད་རུང་། ཆུ་ཞིང་ཨ་རིང་དེ་ནང་ ཆེ་མ་ལུ་ཡོད་པའི་ དྲུང་པ་གི་མི་བརྒྱུད་ ཅིག་གིས་ ལཱ་འབད་དེ་འདུག། ཧེ་མ་སྣག་ཚང་འདི་ ཐོག་ཚད་གཉིས་འབད་ རང་ལུགས་འབྲུག་པའི་ སྒྲིང་ ཁྱིམ་གྱི་བཟོ་བཀོད་ནང་ཡོདཔ་ཨིན་རུང་། ཤུལ་ལས་ སྤྱི་ལོ་ ༢༠༠༤ ལས་འགོ་བཙུགས་ འབྲུག་གཞུང་གི་མ་དངུལ་རྒྱབ་སྐྱོར་ཐོག་ལས་ ལྷ་ ཁང་གི་བཟོ་བཀོད་ནང་ བསྒྱུར་བཅོས་དང་བརྒྱ་བསྐྱེད་འབད་དེ་ ལྷ་ཁང་གི་ མཚན་ཡང་ བདེ་ཆེན་ཆོས་གླིང་ལྷ་ཁང་ ཟེར་བཏགས་གནང་སྟེ་འདུག། ༣.༡༣ རྟེན་གསུམ་གྱི་སྐོར། ལྷ་ཁང་དེ་ནང་ མཚམས་པ་བཟང་པོ་གིས་ཕུལ་བའི་ རྒྱུ་ཟངས་ལས་གྲུབ་ པའི་ ཆོས་ལོངས་སྤྲུལ་གསུམ་གྱི་སྐུ་འདྲ་དང་། རྗེ་བཙུན་འཇམ་དཔལ་ དབྱངས་ཀྱི་སྐུ་འདྲ། དེ་ལས་རྗེ་བཙུན་སྒྲོལ་མ་བཅས་ཀྱི་སྐུ་འདྲ་དང་། གུ་ རུ་སྣང་སྲིད་གཟིལ་གནོན་གྱི་མཐོང་གྲོལ་ཆེན་མོ་ཚུ་མཇལ་ནི་ཡོདཔ་མ་ ཚད།
རབ་གསལ་མེ་ལོང་། 45 མི་དབང་མངའ་བདག་རིན་པོ་ཆེའི་ དགུང་སྐེག་བཟློག་ཐབས་ལུ་ རྒེད་ འོག་རེ་ནང་ འཕགསཔ་སྤྱན་རས་གཟིགས་ཀྱི་སྐུ་འདྲ་རེ་གནང་མི་དེ་ཡང་ རྒེད་འོག་དེ་གི་འོག་ལུ་ཡོད་པའི་ ལྷ་ཁང་བཅུ་གཅིག་གི་མིང་ཐོ་གུ་ རྒྱན་ ཤོག་འཐུ་སྐབས་ ལུང་བསྟན་མེ་ལོང་མཁར་སྣག་ཚང་ལུ་ བབས་མི་དང་ འཁྲིལ་ ད་རེས་ནངས་པ་ ལྷ་ཁང་དེ་ནང་གདན་འདྲེན་ཞུས་ཏེ་འདུག། ལྷ་ཁང་དེ་ནང་ ལྷ་ཆེན་རྩ་གསུམ་གྱི་ལྡེབས་རིས་དང་། མཁན་སློབ་ཆོས་ གསུམ་གྱི་ལྡེབས་རིས། འཛམ་གླིང་མཛེས་པའི་རྒྱན་དྲུག་དང་ མཆོག་ གཉིས་ཀྱི་ལྡེབས་རིས་ཚུ་ བཞུགས་ཏེ་ཡོདཔ་མ་ཚད། བླམ་ཉི་མ་གིས་ཕུལ་ བའི་ རྒྱ་ཤོག་གི་བཀའ་འགྱུར་ཆེན་མོ་ཆ་ཚང་གཅིག་ཡང་ དེ་ནང་འདུག། ༣.༡༤ དུས་མཆོད་འབུམ་སྡེའི་སྐོར། ད་རེས་ནངས་པ་ ལྷ་ཁང་དེ་ནང་ མེ་ལོང་མཁར་དང་ ཆེ་མ་གཡུས་ཚན་གཉིས་ ཀྱི་ མི་སེར་ཚུ་གིས་ མཉམ་རུབ་ཐོག་ ལོ་ཨ་རྟག་ར་ རང་ཟླ་བཞི་པའི་ནང་ ཚོགས་འཁོར་དང་། རང་ཟླ་ལྔ་པའི་ནང་ སྤྲེལ་ཟླ་ཚེས་བཅུ་དང་འབྲེལ་ མཐོང་ གྲོལ་ཆེན་མོའི་ མཇལ་ཁ། དེ་ལས་རང་ཟླ་བརྒྱད་པའི་ནང་ བཀའ་འགྱུར་
རབ་གསལ་མེ་ལོང་། 46 དག་ཚར་ལྷག་གནང་སྟེ་ མཇུག་ལུ་ཆོས་སྐོར་ཟེར་ བཀའ་འགྱུར་གདན་ འདྲེན་ཞུས་ཏེ་ ཉིནམ་གཉིས་ཀྱི་རིང་ གཡུས་བསྐོར་རྐྱབ་སྲོལ་འདུག། ༣.༡༥ ལྷ་ཁང་གི་བདག་དབང་། ད་རེས་སྣག་ཚང་དེ་ ནང་སྲིད་དང་སྲོལ་འཛིན་ལྷན་ཁག་ སྲོལ་འཛིན་ལས་ ཁུངས་ཀྱིས་པར་སྐྲུན་འབད་ཡོད་མི་ འབྲུག་གི་རྫོང་གཞིས་དང་ལྷ་ཁང་ དགོན་སྡེའི་ཐོ་ཡིག་ཟེར་མི་ དཔེ་དེབ་དང་འཁྲིལ་བ་ཅིན་ དམངས་ཀྱི་ལྷ་ ཁང་སྦེ་ ཐོ་བཀོད་འབད་དེ་འདུག། ༣.༡༦ གཡུས་ཚན་དེ་ནང་གི་སྐྱེ་ལྷ་ མེས་མེས་དགྱེས་ཕུའི་ཕོ་བྲང་གི་སྐོར། མེ་ལོང་མཁར་གཡུས་ཚན་ནང་ལས་ཡར་ ཁ་གྱེན་འཛེགས་ཏེ་ ཚལ་མ་ ནང་ དུས་ཡུན་ཆུ་ཚོད་༡.༣༠ ལྷགཔ་ཅིག་འགྱོཝ་ད་ གཡུས་ཚན་གྱི་སྐྱེས་ བཙན་ཅིག་ཨིན་མི་ མེས་མེས་དགྱེས་ཕུ་བཞུགས་སའི་ ཕོ་བྲང་ཨིན་ཟེར་ བའི་ བྱག་གི་གདོང་སྒོར་ཡོད་པའི་ སྤང་དགའ་ཏོག་ཏོ་ཅིག་ནང་ ལྷོདཔ་ ཨིན་པས། ས་གནས་དེ་གི་མིང་ལུ་ གཡུས་སྐད་ནང་ལས་ ཕོ་བྲང་གུབ་ ཀ་ ཟེར་སླབ་སྲོལ་འདུག།
རབ་གསལ་མེ་ལོང་། 47 གཡུས་མི་ཚུ་གིས་ བཤད་སྲོལ་ལྟར་དུ་འབད་བ་ཅིན་ སྤང་དེ་དང་གདོང་ སྒོར་ཡོད་པའི་བྱག་དེ་ནང་ གཡུས་ཚན་དེ་ནང་གི་སྐྱེ་བཙན་ཅིག་ཨིན་མི་ མེས་མེས་དགྱེས་ཕུ་གིས་གཙོས་པའི་ གཡོག་འཁོར་ཚུ་བཞུགས་ས་ ཨིན་ ཟེར་བཤདཔ་མ་ཚད་ ཡུལ་ལྷ་དཔེ་ཆའི་ནང་ལས་ཡང་། མཐོན་ པོའི་རི་བོ་ནོར་བུ་སྤུངས་འདྲའི་སྟེང་། །སྤང་ལོ་སྔོ་ལྗང་མཛེས་པའི་ནགས་ འདབས་སུ། །ལྷ་བྱ་ཚངས་པའི་གསུང་སྙན་ཀྱུ་རུ་རུ། །ཁུ་བྱུག་སྔོན་མོའི་ གསུང་སྙན་ལྷང་ལྷང་སྒྲོག། །གཅན་གཟན་སྣ་ཚོགས་ངར་སྐད་འུ་རུ་རུ།། དཀར་སེར་དམར་ལྗང་མེ་ཏོག་སྣ་ཚོགས་སྐྱེས། །བུང་བའི་ཟློས་གར་རྐང་ དྲུག་རྩེད་མོ་བརྩེ། །ནེའུ་གསེང་གཡུ་ལོ་བརྒྱན་པའི་ལྟོ་བ་རུ། །སྟུག་པོ་ བཀོད་ལྟར་གཞལ་ཡས་ཁང་བཟང་དུ། །རིན་ཆེན་སྣ་ཚོགས་བརྩེགས་པའི་ གདན་གྱི་སྟེང་། །སྐུ་མདོག་དམར་སེར་རྣལ་འབྱོར་ཆས་ཀྱིས་བརྒྱན།། ལུས་ལ་སྒོམ་ཐག་དབུ་ལ་པད་ཞྭ་གསོལ། །ཕྱག་གཡས་ཌཱ་རུ་གཡོན་པ་ དྲིལ་བུ་གསིལ། །ཞབས་གཉིས་བརྐྱང་སྐུམ་རྒྱལ་པོ་རོལ་པའི་སྟབས།། གཡས་སུ་བཙན་རྒོད་བནྡྷེ་སྐུ་མདོག་དམར། །གཡོན་དུ་དུག་བཙན་བནྡྷེ་ སྐུ་མདོག་སྨུག །རྒྱབ་ཏུ་གཤན་པ་སྣ་ཚོགས་མདའ་གཞུ་འཛིན། །མདུན་ དུ་གསང་ཡུམ་མཛེས་མ་མོན་མོའི་ཆས། །སྣ་ཚོགས་རྒྱན་གྱི་ཕྱག་ཞབས་
རབ་གསལ་མེ་ལོང་། 48 གདུ་བུས་མཛེས། །འཁོར་དུ་སྲང་ཕང་གནས་སྲུང་དྲག་པོས་བསྐོར། །ལྷ་ བཙན་ཀླུ་གསུམ་དྲེགས་པའི་དཔུང་དང་བཅས། །འཁོར་བཅས་མ་ལུས་ གནས་འདིར་བྱོན་ལ་བཞུགས། །ཟེར་འཐོན་ནི་འདུག། ཧེ་མ་འབད་བ་ཅིན་ བྱག་དེ་ཁར་ རྡོ་རང་བྱུང་གི་བང་རྔ་དང་། བྱ་དང་ཕགཔ་ཚུ་གི་རྐང་རྗེས་ཚུ་ མཇལ་ནི་ཡོད་ཟེར་ཨིན་རུང་ ད་རེས་ནངས་པ་ ས་གནས་དེ་ ཚལ་མ་ཅིག་ ལུ་ གྱུར་ཏེ་འདུག། ༣.༡༧ གཡུས་ཚན་དེ་ནང་ཡོད་པའི་ མེས་མེས་གནས་ཕུག་གི་གནས། དེ་ཁ་ལས་ དུས་ཡུན་ཆུ་ཚོད་ཕྱེད་ལྷགཔ་ཅིག་ མར་བབས་འོང་ཞིན་ ན་ གཡོན་ཁ་ཐུག་སྐར་མ་༡༥ དེ་ཅིག་འགྱོཝ་ད་ དགྱེས་ཕུའི་དཔེ་ཆ་ ནང་ལས། འཁོར་དུ་སྲང་ཕང་གནས་སྲུང་དྲག་པོས་བསྐོར། །ཟེར་ཐོན་དོ་ བཟུམ་སྦེ། གཡུས་སྐད་ནང་ལས་ མེས་མེས་གནས་ཕུང་ ཟེར་སླབ་སྲོལ་ ཡོད་པའི་ བྱག་ཕུག་སྦོམ་ཅིག་མཇལ་ནི་འདུག། བྱག་ཕུག་དེ་གི་མགུ་ལུ་ ག་ནི་བ་ བདེ་ཉམས་ཆེ་བའི་ མི་གྲངས་༢༠ ལྷགཔ་ཅིག་ཤོང་པའི་ཐང་ཅིག་ནང་ཨ་མ་ཇོ་མོ་གསོལ་ས་ཨིན་ཟེར་བའི་
རབ་གསལ་མེ་ལོང་། 49 རྡོ་རང་བྱུང་གི་མཆོད་ཁྲི་ཅིག་མཇལ་ནི་འདུག། བྱག་ཕུག་དེ་གི་རྩ་བར་ མི་ གྲངས་༡༥ ཙམ་ཤོང་པའི་ ཆོ་གུ་བཏང་ས་ བྱག་ཕུག་མཇལ་ནི་ཡོདཔ་ མ་ཚད དེ་གི་རྩ་བར་ ལས་སྒྲིབ་དག་ས་ཨིན་ཟེར་བའི་ སྒྲིབ་པ་བཤུད་ས་ ཅིག་ཡང་ མཇལ་ནི་འདུག། གཡུས་མི་ཚུ་གིས་ བཤད་སྲོལ་ཡོད་པའི་ ངག་རྒྱུན་ལོ་རྒྱུས་དང་འཁྲིལ་ བ་ཅིན་ གཡུས་ཚན་དེ་ནང་ ཆར་ཆུ་དུས་སུ་མ་བབས། ལོ་ཕྱུགས་རྟག་ཏུ་ མ་ལེགས་པ་པ་ཅིན་ ས་གནས་དེ་ཁར་སོང་སྟེ་ བསང་དང་གསེར་སྐྱེམས་ ཚུ་ ཕུལ་དགོ་ཟེར་ཨིནམ་དང་། དེ་སྦེ་འབད་བ་ཅིན་ མེས་མེས་གནས་ ཕུག་གིས་དངོས་གྲུབ་གནངམ་ཨིན་ ཟེར་བཤདཔ་ཨིན་པས། ཧེ་མ་ བྱག་ཕུག་འདི་གི་རྩ་བར་ བླམ་མགོན་པོ་ ཟེར་མི་ཅིག་གིས་ གཞི་ བཅགས་ཡོད་པའི་ མཚམས་ཁང་ཅིག་སྡོད་ཡོད་རུང་ ད་རེས་ནངས་པ་ མཚམས་ཁང་འདི་ ཉམས་ཆག་ཤོར་ཏེ་ མཇལ་མི་ཚུགས་པས།
རྫོགས་པ་ཆེན་པོ་ཀློང་ཆེན་སྙིང་ཐིག་གི་བླ་བརྒྱུད་དམ་པ་
རབ་གསལ་མེ་ལོང་། 50 ༣.༡༨ གདན་ས་སྲང་ཕང་མ་ལུ་ཡོད་པའི་ བླམ་ཨོ་རྒྱན་ཚེ་རིང་གི་གཟིམ་ ཅུང་སྐོར། དེ་ཁ་ལས་ཚུར་འོངམ་ད་ ག་ནི་བ་མཐོང་གསལ་ཆེ་བའི་ སྤོ་ཏོ་ཅིག་གུ་
རིག་འཛིན་ འཇིགས་མེད་གླིང་པའི་བརྒྱུད་འཛིན་གྱི་སློབ་མ་ ཡོངས་གྲགས་ལུ་ ཚོང་ ཚོང་རིན་པོ་ཆེ་ཟེར་ ཞུ་མི་གི་སློབ་མ་ བླམ་ཨོ་རྒྱན་ཚེ་རིང་གི་གཟིམ་ཅུང་ དེ་མཇལ་ནི་འདུག། ཧེ་མ་གཟིམ་ཅུང་དེ་ ཐོག་ཚད་ཅིག་སྦེ་མཇལ་ནི་ཡོད་ རུང་། ཤུལ་ལས་ བླམ་ཁོ་རའི་ མི་བརྒྱུད་བདེ་ཆེན་དབང་འདུས་ཀྱིས་ ཐོག་ཚད་གཉིས་སྦེ་བཟོ་སྟེ་ ཐོག་དང་འོག་གཉིས་རའི་ནང་ མི་སྡོད་བཏུབ་ སྦེ་བཟོ་ནུག། ༣.༡༩ གདན་ས་སྲང་ཕང་མ་བཏབ་གནང་མིའི་ ལོ་རྒྱུས་དང་། ཡང་སྲིད་ རིམ་འབྱོན། བླམ་ཨོ་རྒྱན་ཚེ་རིང་ཁོ་ར་ སྐུ་ན་ཆུང་ཀུའི་བསྒང་ལས་ ཚོང་ཚོང་རིན་པོ་ ཆེའི་སྐུ་མདུན་ལུ་བཅར་ཏེ་ ཐོས་བསམ་སྒོམ་གསུམ་གྱི་ཡོན་ཏན་ཚུ་ སྦྱངས་བརྩོན་མཛད་ཡོདཔ་མ་ཚད་ ད་རུང་ བོད་ལུ་བྱོན་ཏེ་ གྲྭ་ཚང་དང་
རབ་གསལ་མེ་ལོང་། 51 དགོན་སྡེ་ཁག་གི་བླམ་ལེ་ཤ་ཅིག་ལས་ རྫོགས་ཆེན་གྱི་ཆོས་ཚུ་ཞུ་ནུག། ཨིན་རུང་ མ་འོངས་ལུང་བསྟན་དང་འཁྲིལ་ ལོག་འབྲུག་ལུ་བྱོན་ཞིན་ན་ ད་ལྟོ་ཡོད་སའི་ས་གནས་ མེ་ལོང་མཁར་སྲང་ཕང་མ་དགོན་པ་ལུ་ སྐུ་ མཚམས་གནང་བཞུགས་བཞུགསཔ་ཨིན་པས། བླམ་དེ་ སྐུ་མཚམས་གནང་བཞུགས་པའི་སྐབས་ལས་ར་ གཡུས་ཚན་ འདི་ནང་གི་དད་ལྡན་སྦྱིན་བདག་ཚུ་གིས་ རྩ་བའི་བླམ་སྦེ་བཞུགས་དགོ་ པའི་ གསོལཝ་བཏབ་མི་ལུ་ ཞལ་གྱིས་བཞེས་ཏེ་ མེ་ལོང་མཁར་གྱིས་ གཙོས་པའི་ཆེ་མ། སྡུག་སྟི། ཡེར་འཕེལ། བཅས་ཀྱི་གསོན་པོའི་རིམ་གྲོ་ དང་ ཡར་ངོ་མར་ངོའི་ཚེས་བཅུ། དེ་ལས་ གཤིན་པོའི་དགེ་རྩ་མི་ཤི་དབང་ བསྐུར་ཚུ་ གང་ལ་གང་འདུལ་གྱི་འགྲོ་དོན་མཛད་གནང་སྟེ་ བཞུགས་པའི་ བར་ན་སྐུ་ན་བགྲེས་ཏེ་ བཤགས་སོང་ནུག། ཤུལ་ལས་ཡང་སྲིད་གཉིས་ པ་དེ་ བཀྲ་ཤིས་བསྒང་ཕོངས་མེད་ལུ་ སྐུ་འཁྲུངས་པའི་ལོ་རྒྱུས་གོ་ཡོད་ རུང་ ཁོང་ར་མི་ཚན་ཚུ་ ཉམ་ཆུང་འབད་ནི་འདི་གིས་ གདན་འདྲེན་ཞུ་མ་ ཚུགས་པར་ དེ་ཁར་ར་དགོངས་པ་རྫོགས་པའི་ལོ་རྒྱུས་འདུག།
རབ་གསལ་མེ་ལོང་། 52 ཨིན་རུང་ དང་པ་བླམ་ཁོ་རའི་ཐུགས་སྨོན་དང་། གཉིསཔོ་ནང་མི་བཟའ་ ཚང་ཚུ་གི་རེ་འདོད། གསུམ་པ་གཡུས་ཚན་དེ་ནང་གི་མི་སེར་ཚུ་གི་ ཁ་ རྗེ་བསོད་ནམས་ལས་བརྟེན་ཏེ་ ཡང་སྲིད་གསུམ་པ་ ལོག་སྟེ་ར་ མེ་ལོང་ མཁར་གཡུས་ཚན་ནང་ ཁོང་རའི་བཟའ་ཚང་ནང་ལུ་བྱོན་གནང་ནུག། ལོ་རྒྱུས་ཚུ་དང་འཁྲིལ་བ་ཅིན་ ད་ལྟོ་ཡོད་པའི་ཡང་སྲིད་དེ་ ཁོ་ར་དགུང་ ལོ་༣-༤ དེ་ཅིག་སྦེ་བཞུགས་པའི་སྐབས་ལས་ར་ དགེ་སློང་ནང་འགྱོ་ནི་ ཨིན་ ཟེར་གསུངས་ཡོདཔ་མ་ཚད་ བླམ་ཆོསཔ་གི་ཆས་ཚུ་ལུ་སེམས་ ཆགས། དེ་ལས་ཧེ་མ་ གཡུས་ཁར་ཚར་གཅིག་ཡང་མ་ལྷོད་རུང་ ལྷོད་ ལྷོདཔ་བཟུམ་སྦེ་ ས་གནས་ཀྱི་མིང་དང་། སྐུ་གོང་མའི་ཅ་ལ་ཚུ་འཚོལཝ་ སོགས་ ཡ་མཚན་ཅན་གྱི་བྱ་སྤྱོད་ལེ་ཤ་སྟོན་པའི་ ལོ་རྒྱུས་འདུག། རང་ཟླ་༡ པའི་ཚེས་༣༠ ལུ་ གཟའ་སྐར་དགེ་བའི་ཉིནམ་དང་འབྲེལ་ བཀྲ་ཤིས་ཕུག་ཨ་ནེམོ་གྲྭ་ཚང་གི་བླམ་ཡེ་ཤེས་ཚེ་རིང་ལུ་ དགོངས་སྐོར་ ཞུས་ཏེ་ དགེ་སློང་ནང་བཙུགས་ནིའི་སྐྲ་ཕུད་བཞེས། ན་བཟའ་གསོལ་བའི་ སྐབས་ སྤྲུལ་སྐུ་འཇིགས་བསལ་ནམ་མཁའ་དགྲ་འདུལ་རིན་པོ་ཆེ་དང་།
རབ་གསལ་མེ་ལོང་། 53 སྤྲུལ་སྐུ་བསྟན་པ་ནོར་བུ་རིན་པོ་ཆེ་གཉིས་ཀྱིས་ ཨ་ལོ་འདི་ ཅི་དང་མ་ འདྲ་བའི་སྐྱེས་བུ་ཅིག་ཨིན་པའི་ ལོ་རྒྱུས་གསུངས་ཡོདཔ་ལས་ སྐུ་ གསུམ་མཎྜལ་དང་བཅསཔ་སྦེ་ མཚན་འཇིགས་མེད་མཚོ་སྐྱེས་དབང་པོ་ ཟེར་གསོལ་གནང་ནུག། དེ་གིས་ཡང་ མ་དོ་བར་ རང་ཟླ་༡ པའི་ཚེས་༡༥ དུས་ཆེན་གྱི་ཉིནམ་དང་ འབྲེལ་ སྤྲུལ་སྐུ་ཐོགས་མེད་རིན་པོ་ཆེ་མཆོག་གིས་ཡང་ ཨ་ལོ་འདི་ ཅི་ དང་མ་འདྲ་བའི་སྐྱེས་བུ་ཅིག་ཨིན་པས། བླ་མ་ཁྱོད་ཀྱིས་ལེགས་ཤོམ་སྦེ་ བདག་འཛིན་འཐབ་གནང་ ཟེར་གསུངས་གནང་མི་དང་འཁྲིལ་ ད་རེས་ བླམ་མཆོག་གིས་ བདག་འཛིན་འཐབ་ཐོག་ལས་ ཨོ་རྒྱན་གུ་རུ་རིན་པོ་ ཆེའི་སྦས་གནས་ བུམ་ཐང་སྟངས་ བྱང་ཆུབ་དགའ་བའི་འཚལ་དགོན་ པར་ སྐུ་ཡོན་ཚུ་ གསན་སྦྱངས་འབད་བའི་བསྒང་འདུག།
རབ་གསལ་མེ་ལོང་། 54 ཟུར་སྦྲགས། ༄༅། །ཆེ་མ་དང་ མེ་ལོང་མཁར་གཡུས་ཚན་གཉིས་ཀྱི་སྐྱེ་ལྷ་ མེ་མེ་ དགྱེས་ཕུའི་དཔེ་ཆ། རཾ་ཡཾ་ཁཾ༔ ཨོཾ་ཨཱཿཧཱུཾ༔ ལནགསུམ། མཐོན་པོའི་རི་བོ་ ནོར་བུ་སྤུངས་འདྲའི་སྟེང་། །སྤང་མོ་སྔོ་ལྗང་མཛེས་པའི་ནགས་འདབས་ སུ། །ལྷ་བྱ་ཚངས་པའི་གསུང་སྙན་ཀྱུ་རུ་རུ། །ཁུ་བྱུག་སྔོན་མོའི་གསུང་ སྙན་ལྷང་ལྷང་སྒྲོགས། །གཅན་གཟན་སྣ་ཚོགས་ངར་སྐད་འུ་རུ་རུ། །དཀར་ སེར་དམར་ལྗང་མེ་ཏོག་སྣ་ཚོགས་སྐྱེས། །བུང་བའི་ཟློས་གར་རྐང་དྲུག་ རྩེད་མོ་རྩེ། །ནེའུ་གསེང་གཡུ་ལོ་བརྒྱན་པའི་ལྟོ་བ་རུ། །སྟུག་པོ་བཀོད་ ལྟར་གཞལ་ཡས་ཁང་བཟང་དུ། །རིན་ཆེན་སྣ་ཚོགས་བརྩེགས་པའི་ གདན་གྱི་སྟེང་། །སྐུ་མདོག་དམར་སེར་རྣལ་འབྱོར་ཆས་ཀྱིས་བརྒྱན།། ལུས་ལ་སྒོམ་ཐག་དབུ་ལ་པད་ཞྭ་གསོལ། །ཕྱག་གཡས་ཌཱ་རུ་གཡོན་པ་ དྲིལ་བུ་གསིལ། །ཞབས་གཉིས་བརྐྱང་སྐུམ་རྒྱལ་པོ་རོལ་པའི་སྟབས།། གཡས་སུ་བཙན་རྒོད་བནྡྷེ་སྐུ་མདོག་དམར། །གཡོན་དུ་དུག་བཙན་ བནྡྷེ་སྐུ་མདོག་སྨུག །རྒྱབ་ཏུ་གཤན་པ་སྣ་ཚོགས་མདའ་གཞུ་འཛིན།། མདུན་དུ་གསང་ཡུམ་མཛེས་མ་མོན་མོའི་ཆས། །སྣ་ཚོགས་རྒྱན་གྱིས་ ཕྱག་ཞབས་གདུ་བུ་མཛེས། །འཁོར་དུ་སྲང་ཕང་གནས་སྲུང་དྲག་པོའི་
རབ་གསལ་མེ་ལོང་། 55 བསྐོར། །ལྷ་བཙན་ཀླུ་གསུམ་དྲེགས་པའི་དཔུང་དང་བཅས། །འཁོར་བཅས་ མ་ལུས་འདིར་བྱོན་གདན་ལ་བཞུགས། །ཁྱོད་ལ་མཆོད་པ་དམ་པ་འབུལ་ བ་འདི། །སྨན་དང་རཀྟ་བ་ལིང་གཏོར་མཆོད་འབུལ། །གཙང་མའི་གསེར་ སྐྱེམས་མཆོད་པ་འདི་བཞེས་ལ། །ཆར་ཆུ་འབེབས་ཤིང་ལོ་ཕྱུགས་ལེགས་ པར་མཛོད། །ཟླ་རྒྱས་ས་ལ་རྒྱུ་བའི་སྲོག་ཆགས་དང་། །སྔོ་བསངས་གནམ་ ལ་འཕུར་བའི་གཤོག་འཛིན་ཁྱུ། །རི་དྭགས་སྣ་ཚོགས་བག་ཕེབས་འགྱུ་ བ་སོགས། །དགྱེས་ཕུའི་ལྷ་བཙན་འཁོར་དང་བཅས་ལ་འབུལ། །མཆོད་ ཡོན་ཞབས་བསིལ་མེ་ཏོག་བདུག་སྤོས་དང་། །མར་མེ་དྲི་ཆབ་ཞལ་ཟས་ རོལ་མོའི་ཚོགས། །མར་ཐུད་ཕྲུམ་དང་འོ་མ་ཞོ་ལ་ སོགས། །དགྱེས་ཕུའི་ ལྷ་བཙན་འཁོར་དང་བཅས་ལ་འབུལ། །རྒྱལ་སྲིད་སྣ་བདུན་འཕན་དང་ བ་དན་བསྒྲེངས། །དྲི་ཞིམ་བསང་གི་བདུག་པ་འཐུལ་བ་འདི། །དགྱེས་ ཕུའི་ལྷ་བཙན་འཁོར་དང་བཅས་ལ་འབུལ། །བརྒྱུད་གསུམ་བླ་མ་ཀུན་ མཁྱེན་ཀློང་ཆེན་རབ་འབྱམས་དང་། །རིག་འཛིན་པདྨ་གླིང་པ་ལ་སོགས་ ཀྱིས། །བཀའ་བསྒོས་དམ་ཚིག་གཉན་ལས་མ་འདའ་བར། །འགལ་རྐྱེན་ བར་ཆད་བསལ་བའི་ཕྲིན་ལས་མཛོད། །དབྱེར་མེད་འཇིགས་བྲལ་བདུད་ འཇོམས་གླིང་པ་ཡི། །བསྟན་དང་བསྟན་འཛིན་བསྟན་པའི་སྐྱེས་བུ་དང་།།
རབ་གསལ་མེ་ལོང་། 56 བསྟན་ལ་དད་པའི་བདག་ཅག་འཁོར་བཅས་རྣམས། །ཚེ་དངབསོད་ ནམས་འཕེལ་བའི་ཕྲིན་ལས་མཛོད། །གང་ཞིག་ཡིད་ལ་དྲན་པཙམ་ གྱིས་ནི། །འདོད་པའི་དངོས་གྲུབ་མ་ལུས་སྟེར་མཛད་པའི། །དགྱེས་ཕུའི་ ལྷ་བཙན་དྲག་པོ་ཁྱེད་རྣམས་ཀྱིས། །འགལ་རྐྱེན་བར་ཆད་བསལ་བའི་ གྲོགས་མཛོད་ཅིག །སརྦ་མངྒ་ལཾ། །དགེའོ༎ ༎
རབ་གསལ་མེ་ལོང་། 130 ཞིབ་འཚོལ་གྱི་ཁུངས་གཏུགས་ཡིག་ཆ། ༡༽ སྡེ་སྲིད་ཁྲི་རབསས་༡༣ པ་ ཆོས་རྗེ་ཤེས་རབ་དབང་ཕྱུག་གི་ དགེ་བའི་ཆོ་ག་རབ་ཏུ་གསལ་བའི་གཏམ་མུ་ཏིག་དོ་ཤལ། དཔལ་འབྲུག་ཞིབ་འཇུག་ལྟེ་བ། ཐིམ་ཕུག། ༢༽ ཀུན་མཁྱེན་འཇིགས་མེད་གླིང་པའི་རྣམ་ཐར། ཡུལ་ལྷོ་རྒྱུད་དུ་ བྱུང་བའི་རྫོགས་ཆེན་པ་རང་བྱུང་རྡོ་རྗེ་མཁྱེན་བརྩེའི་འོད་ཟེར་གྱི་ རྣམ་ཐར་ལེགས་བྱས་ཡོངས་འདུའི་སྙེ་མ། ༣༽ འབྲུག་གི་རྫོང་གཞིས་དང་ལྷ་ཁང་དགོན་སྡེའི་ཐོ་ཡིག། སྲོལ་འཛིན་ལས་ཁུངས། ༤༽ རྒེད་འོག་བདག་སྐྱོང་ཡིག་ཚང་ནང་ཡོད་པའི་ མི་རློབས་དང་ ཁྱིམ་གྱི་གྲངས་རྩིས་ ༢༠༡༩ ཅན་མ། ༥༽ ཟླ་ལམ་སྙན་ཞུ། དུས་མཆོད་འབུམ་སྡེའི་ཁ་གསལ། རྒེད་འོག་ བདག་སྐྱོང་ཡིག་ཚང་ནང་ལས།
རབ་གསལ་མེ་ལོང་། 131 ༦༽ གཡུས་ཚན་ཁག་གི་སྐྱེ་ལྷ་དང་ཡུལ་ལྷ་དཔེ་ཆ། ༧༽ གནས་ཡིག་ཀུན་ཕན་ལམ་སྟོན། བཀྲ་ཤིས་གཡང་རྩེ་རྫོང་ཁག་ འོག་གི། སྲོལ་འཛིན་ལས་འཁུངས། ༨༽ མིང་གནས་གསལ་བའི་འོད་ཟེར། རྫོང་ཁ་གོང་འཕེལ་ལྷན་ ཚོགས། ༩༽ མཚམས་པ་བློ་གསལ་རྒྱ་མཚོའམ་ བསོད་ནམས་རྡོ་རྗེ། བླམ་དྭགས་ཀོང་གི་མི་བརྒྱུད།
རབ་གསལ་མེ་ལོང་། 132 ངག་རྒྱུན་དྲི་བཀོད་ནང་ བཅའ་མར་གཏོགས་མི་དང་ རྒྱབ་སྣོན་གནང་མི་ ཚུ་གི་མཚན་ཐོ། ༡༽ སློབ་དཔོན་ཀུན་བཟང་ཕྲིན་ལས། ཞིབ་འཚོལ་དང་རྩོམ་སྒྲིག་ མཁས་མཆོག ༢༽ རྒཔོ་ཆོས་སྲུང་དབང་འདུས། ཡ་ལང་རྒེད་འོག། ༣༽ ཀརྨ། མེ་ལོང་མཁར་གཡུས་ཚན་ནང་གི་ཆོསཔ་རྒན་ཤོས། ༤༽ གྲུབ་པ། རོ་ལམ་གཡུས་ཚན་གྱི་གཙོ་འཛིན། ༥༽ དཀོན་མཆོག་ནོར་བུ། གནམ་ཐིག་གཡུས་ཚན་གྱི་གཙོ་འཛིན། ༦༽ ཚེ་དབང་རྡོ་རྗེ། ཡེར་འཕེལ་གཡུས་ཚན་གྱི་མི་རྒན།