APPENDIX NOTES
[f. 3]
I
PREFIXED TO THE A ( B.M. MS. Harl. 880)
' ' TEXT
Several of our fathers out of England passing by this place, for Gand, prest the necessity of the work, and hinted at me, as
the fittest man to undertake it . Iidem in ipsam congregationem iterum ferventissime urserunt; sed sine fructu : nam P. Provincialis, et varii ipsi intimi Amici (P. Ant . Lucas) censuerunt expectandum donec historia illa ab aliquo Laico ( Comite de Castlemaine vel Rogerio Lestrangio ) Anglice conscriberetur : atque deinde a quopiam e Societate Latine reddatur. Hinc nihil illic conclusum.
Reducem me Gandavo Redux et ipse P. Carolus Pultonus aggressus est, ut modestiam meam, qua me Provinciae illi imparem causabar, impugnaret: tandemque evicit ut meam operam addicerem, modo et rerum gestarum series , et necessarii sumptus aliunde, nimirum ex communibus facultatibus suppeditarentur. Utrumque in se suscepit et operam suam prolixe addixit . Monui insuper , efficiendum, ne onus regiminis collegii Audomarensis mihi injunctum , per se grave, frequenti officialium bonorum amotione et aliorum plerumque ineptorum substitutione, gravius fiat. Visus ei sum in hoc non injusta petere : seque promisit Londino scripturum, et ad R.P.N. et ad alios, quorum intererat. Die 28 Julii, 1685. Epistolam accepi a R.P.N. 7 ejusdem datam, in qua haec verba continentur: Nunc ego R.V. studium mihi proprie deposco: quo rem longe gratissimam faciet mihi, Societati, et Provinciae isti Anglicanae, in cujus gloriam redundabit opera ipsius. Peto autem ut succisivis horis, et quasi per otium suscipiat curam scribendae totius Hystoriae confictae conspirationis Serviet hic R.V. labor et in Anglia, et caedis PP. nostorum gloriae nostrorum ut dixi, et maxime opportunus aliquando erit hystoriae Societatis. His acceptis mandatis die sequenti 29 Julii ad P. Tho. Stapletonum Collegii Leodiensis Rectorem (cui a sex annis id oneris injunxeram) scripsi rogatum , ut quae ad id parata haberet, mecum communicare non gravaretur. Petii porro in specie 1, quae vulgata fuerunt hac de re opuscula, 2, scripta P. Gulielmi Parkeri, sive Culcheth , qui Hystoriam adornabat , + [at top of page ] Praefationi futurae utilia erunt , quae habet Gul. Parker ubi Gul . Plessingtoni absolvit hystoriam + 3, aliorum scripta eo pertinentia: quae sive a me, sive ab aliis obtinuerat, 4, Suas ipsius observationes. Et addixi me grati animi sensum data occasione testaturum. 5, Celleriae opus gallice editum.