Uitgawe 47 Swartland Joernaal 2 Desember 2020

Swartland • Bergrivier

Gratis • Free

1

Nuus • News

2 Desember 2020

Swartland en Weskus

Nuus met 'n verskil

Tel: 022 487 1670 • www.swartlandjoernaal.co.za • Uitgawe 47

Swartlander trap diep spore in Weskus

2 Desember 2020

'n Klein stukkie geskiedenis het hom Maandag, aan die Weskus afgespeel met die eerste sooi wat gespit is om die Langebaan Manoraftree-ontwikkeling van stapel te stuur. Die Moorreesburger, Bruwer de Jager, tweede van links, speel 'n integrale rol in hierdie ontwikkeling. By hom is van regs Hannes Kotze (KLS Consulting), Bruwer de Jager (Devmark), Jean Ehlers (Devmark), Dries Venter (Saldanhabaai Munisipaliteit), André Kruger (Saldanhabaai Munisipaliteit), Walter Hart (Langebaan Manor-verkoopsverteenwoordiger) en Charl Howburg (Westland Civils).

2

2 Desember 2020

Nuus • News

Op die sakerusbank met...Lavern Maarman one man show.

V. Hoe raak die besigheid jou daaglikse lewe?

Dit is so 'n wonderlike ondervinding, daagliks werk ek met nuwe mense, maak nuwe kennisse en werk saam met ander klein besighede. Op so 'n manier help ons mekaar om die ekonomie te groei.

@ Die Herehuis Tel: 022 487 1771 •Abri Adonis Alhoewel die wêreld vordering toon ten opsigte van gelykheid in die werksplek, is daar steeds baie hindernisse vir vroue-entrepeneurs.

Veral in die Swartland is dit moeilik vir vroue om 'n suksesvolle besigheid te begin en ook kompeterend te bly.

Dit kort natuurlik tyd, energie en goeie vernuf.

Hierdie week gesels ek met Lavern Maarman van Malmesbury, wat haar passie vir grafiese en digitale ontwerp, omskep het in n interessante besigheidsidee wat groot belangstelling lok.

V. Wie is die vennote in die besigheid?

Ek is die alleen eienaar. Soos hulle sê: It's a

V. Wat het jou motiveer om so 'n besigheid te begin?

Natuurlik het die pandemie my in die rigting gedruk, maar dit was eintlik n seëning gewees.

Ek het net daai hupstoot in die regte rigting nodig gehad om sodoende een van my passies uit te leef in die vorm van die besigheid.

V. Vertel ons bietjie meer van die besigheid?

My geregistreerde besigheidsnaam is 'Lekke La Vie' . Dit behels grafiese ontwerp dienste, enige materiaal wat ontwerp moet word vanaf uitnodigings tot pamflette, plakkate en t-hempde. Dis regtig 'n interessante veld om in te werk. Dan my breinkind, 'Lavi's Protea Collection wat 'n reeks handgetekende en digitale geïllustreerde proteas (my gunsteling blom) bevat. Ek ontwerp dit self en dit word op items soos oorbelle, t-hempde, rokkies en meer gedruk deur middel van digitale tegnologie.

V. Is daar potensiaal vir n besigheid soos joune om uit te brei?

Ja, elke dag leer ek net meer en meer hoe om die besigheid te groei. Die ideaal is om later uit te brei en sodoende werk te skep.

V. Wat is jou doelwitte en wat beoog jy om te bereik met die besigheid?

Ek het drome, baie groot drome, maar ek vat dit stap vir stap. Ek het die geleentheid gekry om van my items oorsee te stuur. So ja, daar is hoop en baie potensiaal vir n besigheid soos myne.

V. Hoe ontvang jul gemeenskap n konsep soos jul besigheid?

Met my reeks van proteas, het baie mense al vir my gesê dat nie almal van proteas hou nie.

Teenoor die res wat lief is daarvoor aangesien dit ons nasionale blom is. Ek dink proteas illustreer ons tuiste.

V. Wat dink jy is die grootste uitdagings vir jong entrepreneurs om hul besigheid te begin veral in vandag se moeilike ekonomiese toestande?

Ek dink finansies is die grootste uitdaging veral in die moeilike ekonomiese omstandighede.

V. Hoe sal jy jou ondersteuningkorps (familie) beskryf aangaande jou besigheid?

My man is my grootste ondersteuner. Hy help my met pakkies stuur, help my om fotos te neem en natuurlik gee hy my genoeg tyd om bestellings uit te kry deur daar te wees en te help om die seuns besig te hou.

V. Watter advies het jy / julle vir ander potensiële entrepreneurs, besigheidsmanne/ vroue?

Leer meer by ander entrepreneurs, bou op jou vaardighede en moenie bang wees om kanse te vat nie.

Bo: Lavern Maarman.

Onder: Haar protea-motief word individueel geskets en maak van elke item dan 'n unieke geskenk.

Foto: Mark Wiiliams (The skilled craftman)

Nuus • News

•TOEKENNING ONTVANG

2 Desember 2020

CK spog met beste eenheid vir veediefstal in Wes-Kaap Die Wes-Kaap Veediefstalkomitee wat onder die RPO Wes-Kaap resorteer, maak jaarliks toekennings aan die Beste Lid van 'n Veediefstaleenheid en die Beste Veediefstaleenheid in die provinsie. Agri WesKaap se Landelike Veiligheidsbeleidskomitee gee ook jaarliks 'n toekenning aan die Beste Landelike Veiligheidskoördineerder. Al die toekennings is tydens Agri Wes-Kaap se jaardinee op 25 November oorhandig.

Beste Veediefstaleenheid Die toekenning gaan vanjaar aan die Malmesbury Veediefstaleenheid. Die eenheid bestaan uit 10 lede en twee administratiewe personeel. Die waarnemende bevelvoerder is Adjudant-Offisier Rudi Lourens. Tussen 1 April 2019 en 31 Maart 2020 het die Eenheid 284 sake ontvang en 'n 71% oplossyfer gehad. Dit het onder meer bestaan uit 175 veediefstalsake met 65 arrestasies en 9 gevalle van bedreigde spesies diefstal met 15 arrestasies. Van 79 aangemelde grootvee-diefstal is 72 teruggekry, van 518 aangemelde kleinvee-diefstal is 101 teruggekry, van 73 aangemelde varkdiefstal is 25 teruggekry en van 15 aangemelde pluimveediefstal is 11 teruggekry.

Jaco van den Berg, voorsitter van die WesKaap Veediefstalkomitee, sê veediefstaleenhede is krities belangrike rolspelers in die veebedryf.

"Ons vereer graag die Malmesbury Veediefstaleenheid vir hulle uitsonderlike diens aan ons produsente en die sektor. Die Malmesbury-eenheid se suksesse spreek van harde werk en hulle lojaliteit aan die produsente in die gebied wat hulle bedien, help om die landbousektor te versterk. Ons het groot waardering vir die goeie samewerking wat ons met die Eenheid het."

Beste Lid van 'n Veediefstaleenheid Vanjaar is die toekenning vir die vierde

agtereenvolgende jaar aan Sers TS Moletsane van die Beaufort-Wes Veediefstaleenheid gemaak.

In die 2019/2020 finansiële jaar het Sers Moletsane 58 sake ondersoek waarvan 45 met 66 inhegtenisnemings in die hof gaan draai het. In 34 van die 45 sake wat hof toe is, is skuldigbevindings bereik. Luitenant-Kolonel Johan Smit, Wes-Kaapse koördineerder van veediefstal van die SAPD, sê Sers Moletsane is 'n gedissiplineerde, toegewyde, gedetermineerde en hardwerkende lid. Hy respekteer altyd die klaers, verdagtes, aangeklaagdes, hofbeamptes, ander lede en sy senior kollegas. Hy kom altyd besonder goed voor en mense bewonder sy vermoëns, sy dissipline en sy entoesiasme om sake op te los.

Optrede wat deur hom uitgevoer word, word altyd behoorlik beplan en uitgevoer binne die kortste tydsraamwerke, met min hulpbronne en uitgawes. Ondersoeke wat deur hom gedoen word, word behoorlik en buitengewoon goed gedoen om te verseker dat sake op hofrolle geplaas word en om skuldigbevindings te verseker. Hy besef sy doelstellings en verantwoordelikhede en gee net sy beste om sy doelwitte te bereik.

Hy glo in wat hy doen en is trots om met die eenheid verbind te word. Hy is altyd bereid om veel verder te gaan as die pligte wat van hom verwag word. Hy is altyd bereid om te help, ongeag watter tyd van die dag of nag. Hy huiwer nooit om na ure en vir lang tydperke te werk sonder vergoeding of enige klagtes nie.

Hy is altyd bereid om sy kollegas by te staan. Hy sal nooit 'n misdaadtoneel of die prosessering van beskuldigdes verlaat om huis toe te gaan voordat al die werk voltooi is nie.

Hy is voortdurend op soek na geleenthede om sy kennis op sy huidige gebied uit te brei,

omdat hy daarna streef om 'n kundige te wees oor die onderwerp van veediefstal. Hy het 'n wye kennis van die wet en rig elke ondersoek daarvolgens. Vanweë die manier waarop hy hom teenoor die publiek, ander lede, aanklaers, prokureurs en landdroste gedra, word hy dikwels geprys vir sy professionaliteit.

Jaco van den Berg, voorsitter van die WesKaap Veediefstalkomitee, sê Sers Moletsane se toewyding aan veeprodusente verdien erkenning. "Ondersoekbeamptes van sy kaliber is 'n aanwins vir die landbousektor. Ons het net die hoogste agting en respek vir die erns waarmee hy sy werk doen."

3

Kontak ons by 022 487 1670 vir jou advertensiespasie of stuur 'n epos aan admin@swartlandjoernaal.co.za!

4

2 Desember 2020

Nuus • News

Youth council: Saldanha Bay Municipality inaugurated its fourth Youth Council at a special ceremony held at the White City Multipurpose Centre in Saldanha recently. The Youth

Council will serve the youth of the Saldanha Bay municipal area and work together with youth orientated organisations to address issues relating to peer pressure, substance abuse and the school drop-out rate. The elected Youth Councillors are a fair representation of all wards in the Saldanha Bay Municipal area and attend high schools within the municipal towns. The newly elected Youth Councillors are: Alexi Frick, Anke Austin, Caro-lee Cupido, Charlize Ramsden, Christo de Wet, Crestobell Kamowa, Damian Cleophas, Isiah Mataka (Junior Mayor), Jaden Tromp (Junior Deputy Speaker), Janesta Swarts, Jason Geldenhuys, Kaylin Hector, Leila Louw, Lothan Love, Makwenkwe Khanyisa, Pieter Kotze, Sade Williams, Saleni Aviwe, Skhokele Torheni (Junior Speaker), Stacey Langley (Junior Deputy Mayor) and Tashlyn Engelbrecht. Saldanha Bay Municipality welcomed its new Youth Council and wished them well for their 2020/21 term of office.

Dokumentêr: Kaaps moet voortleef HOPEFIELD - Só ernstig is Chevãn Van Rooi om die taal wat in die Kaapse Skiereiland gepraat word behoue te laat bly, dat hy besluit het om sy Meestersgraad daaroor te doen.

Die Meestersgraad behels die sosiosintaktiese studie van sekere eienskappe in die grammatika van Kaaps, ’n dialek van Afrikaans wat oorwegend op die Kaapse Vlakte gepraat

word. Hy konsentreer sy studie in Manenberg.

Terselfdertyd skiet Chevãn en bekende filmvervaardiger Jaak Erasmus ook ’n dokumentêre film oor die studie. Chevãn voel dat film ’n kragtige instrument is om ’n storie te vertel en met sy projek poog hy om vermaak en storievertelling te laat saamvloei.

Chevãn was as kind nie ’n voorstaander

van die gebruik van die Afrikaanse taal nie. Negatiewe konnetasies het hom laat glo dat dit die taal van die onderdrukker was en was daarom weerstandig teen die gebruik daarvan.

Sy oë het egter oopgegaan nadat sekere groepe druk begin toepas het om Afrikaans as onderrigtaal by sekere universiteite en skole te verwyder. Om hierdie medium van kommunikasie sommer net te verwyder is amper om ook Kleurlingmense, wat die taal in baie fasette en variëteite gebruik, eenkant toe te skuif. Hy voel dat Kleurlingmense jarelank in ’n groot mate polities en maatskaplik op die kantlyn geskuif was en dat so ’n stap hulle sal verhoed om onderrig te ontvang in ’n taal wat vir hulle bekend en gemaklik is.

Verder is Afrikaans ook ’n taal uniek aan Suid-Afrika, wat Suid-Afrikaners maak wie en wat hulle is, en dit dien as verdere dryfveer vir sy studie.

Chevãn doen sy Meestersgraad by die Universiteit van Wes-Kaapland onder die toesig van dr Erin Pretorius, ’n legende en leier in akademie, asook prof Theresa Biberauer, wat in Cambridge gebaseer is, maar ook professor is aan die UWK. In 2019 het Chevan die eer te beurt geval om

as Beste Honneursstudent in die Fakulteit Kuns en Geesteswetenskappe aangewys te word, ’n toekenning wat hy nederig, maar trots, koester.

Intussen benodig Chevãn en Jaak nog fondse om die dokumentêr van sy studie klaar te skiet.

Persone wat belangstel om in die projek te belê kan sy webblad, www.kaapsestudent.co.za besoek om verdere inligting daaroor te kry. * Alhoewel Chevãn in The Connifers, ’n klein voorstad van die groter Blue Downs area in Kaapstad gebore en getoë is, het hy noue bande in Hopefield gevorm nadat sy ouers ’n kleinhoewe daar gekoop het. Hulle woon nou permanent daar. Chevãn is die jongste van André en Jennifer Van Rooi se drie kinders.

Nuus • News

Brown ontvang SAVMO-toekenning

• Madi Pieterse LANGEBAAN – Die hoof van die Weskus Musiekakademie en direkteur van die Weskus Jeugorkes, Carina Brown, het pas die SAVMO (Die Suid-Afrikaanse Vereniging van Musiekonderwysers) - toekenning ontvang vir uitnemendheid in musiekonderrig gedurende 2020.

Dit is ’n groot eer vir die WesKaap aangesien sy een van slegs ses ontvangers landwyd is wat hierdie gesogte toekenning vanjaar ontvang het. Die toekenning word gegee aan mense wat ’n buitengewone bydrae gelewer het tot musiekonderrig binne sy of haar eie gemeenskap.

Carina is die afgelope 25 jaar die dryfkrag in musiek- en jeugontwikkelingsprogramme aan die Weskus.

Haar West Coast Music Academy is die grootste professionele musiekakademie aan die Weskus met meer as 600 leerders van vier omliggende dorpe. Sy het sestien personeellede en drie uitgebreide openbare werke-programme.

Studente van die akademie verskyn gereeld op die ererol van uitstekende presteerders aan UNISA, Rockschool South Africa en Trinity College in Londen.

Carina is ’n stigterslid en direkteur van die Weskus Jeugorkes, wat ongeveer 350 leerders betrek. Onder beskerming van hierdie orkes, wat dubbele status het as ’n nie-winsgewende maatskappy en ’n openbare liefdadigheidsorganisasie, kan sy gelyke geleenthede in musiekonderrig bied aan histories benadeelde leerders.

Leerders kan intern inskryf vir geakkrediteerde eksamens deur middel van verskillende eksamenrade en tersiêre programme van die

2 Desember 2020

Universiteite van die Vrystaat en Stellenbosch wat beskikbaar is via satellietkampusse.

Die Jeugorkes bied internskappe en werksgeleenthede aan oudstudente, onderwysers en bestuurspersoneel.

Die Akademie se splinternuwe blokfluitprojek bied gratis blokfluitonderrig aan onderwysers wat kreatiewe kuns en lewensvaardighede in primêre skole aan die Weskus gee en daar word beoog om ongeveer 2 300 leerders hierby te betrek.

5

6

2 Desember 2020

Nuus • News

Malmesbury Superspar, Kwekery, Bergzicht Dierekliniek palm toekennings in by Sakekamer-kompetisie

Wenners! Die Malmesbury Sakekamer het verlede week tydens 'n geslote geleentheid vanjaar se wenners in die Diensverskaffer van die Jaar-kompetisie aangewys. In die afdeling vir Groot Besighede (links) het Malmesbury Superspar die kroon gedra, met AR24 in die tweede plek, gevolg deur die Sabino Canyon Spur.

Links onder: In die afdeling vir Medium Besighede het Malmesbury Kwekery die louere ingeoes, met Le Minnie Attorneys in die tweede plek, gevolg deur Henk's Vleismark/Kekkel en Kraai.

Regs onder: In die afdeling vir Klein Besighede het Bergzicht Dierekliniek die toekenning vir die beste dienslewering ontvang, gevolg deur Beyond Beauty en Malmesbury Guesthouse.

Individu:

In die afdeling vir die beste dienslewering deur 'n individu, het Dr Sanel Lourens die eerste plek behaal, gevolg deur MarĂŠ Nel en Julian Naicker. Bo is Nel, Dr Lourens en Julienne Hoogbaard, vorige wenner van die toekenning.

Nuus • News

2 Desember 2020

7

8

2 Desember 2020

De Jager deel van Langebaan-geskiedenis

LANGEBAAN - 'n Klein stukkie geskiedenis het hom Maandag, 30 November op dié pragtige Weskusdorp afgespeel met die eerste sooi wat gespit is om die Langebaan Manor-aftreeontwikkeling van stapel te stuur.

Volgens die nasionale bemarkingsbestuurder van die Devmark Eiendomsgroep, Bruwer de Jager, Moorreesburger in murg en been, sal die ontwikkeling uit 100 vrystaande huise, 60 deeltitel-woonstelle, 40 bystandseenhede en 20 versorgingseenhede vir verswakte bejaardes bestaan. Die kontrakteur vir die projek is Westland Civils, wat hand-aan-hand saam met KLS Raadgewende Ingenieurs sal werk. Die eksterne siviele werke begin in Breëstraat wat oploop tot by Langebaan Manor.

Die eerste eenhede behoort teen einde 2021 gereed te wees vir okkupasie.

Bruwer het benadruk dat die prima strandmeereenhede vinnig verkoop en voornemende kopers aangeraai om spoedig met die bemarkingspan kontak te maak om teleurstelling te voorkom.

Tot op datum is eenhede van fases een en twee ter waarde van R80 miljoen reeds verkoop. Die bemarking van fase drie begin binnekort. Pryse wissel tussen R1,87 miljoen en R3,495 miljoen en sluit beide BTW en oordragkoste in.

Nuus • News

Kopers kom van oral in Suid-Afrika. Volgens Bruwer is daar 'n definitiewe tendens vir afgetredenes om na kusdorpe te beweeg en Langebaan Manor is geen uitsondering nie.

Langebaan Manor is ideaal geleë met alle geriewe, insluitende die munisipale kantore, biblioteek, winkels en medici slegs 'n kort afstand van die ontwikkeling. Die uitgestrekte wit strand wat die Langebaan Strandmeer omring is ook naby en behoort 'n groot trekpleister te wees vir dié wat gereeld die buitelug opsoek.

Langebaan bied ook verskeie ander aktiwiteite soos gholf, watersport en stappaaie en die ingang na die Weskus Nasionale Park is 'n hanetree daarvandaan geleë.

Outentieke Weskus-argitektuur is ingespan om die uniekheid van die ontwikkeling te verseker. Kopers kan verseker wees van kwaliteit standaard luukse toebehore en kan ook die keuse van opsionele ekstras uitoefen.

Kontak gerus die bemarkingspan vir verdere inligting. Walter Hart se kontakbesonderhede is 072 795 5371 / walter@langebaanmanor.co.za of Christiaan Sleigh s`n 064 544 7524 / christiaan@ langebaanmanor.co.za. Die web-adres is www. langebaanmanor.co.za.

•Madi Pieterse

Desember Wegbreek!! Bushman’s Cave Akkommodasie & Kampering • Bekostigbare wegbreek na die Noordelike Cederberge buite Clanwilliam.

• ‘n Gesinsvriendelike- en misdaadvrye omgewing met allerlei vermaak.

• Alle staanplekke het sy eie water- en kragpunt.

• Genoegsame kliniese ablusie en toilette.

• Lekker groot en veilige swembad.

• Vier 4x4 Roetes beskikbaar.

• Kom geniet die plaaslewe en pluk jou eie spanspek!!

• Daguitstappies na plekke van belang.

• Volwassenes R75 per dag / Skoliere R40 per dag / Voorskool gratis.

• 25% Afslag vanaf 5de dag en langer.

• Chalets beskikbaar teen vanaf R500 per nag.

Kontak: 027 482 2918

Bo: Die rolspelers by Maandag se sooispit van die nuwe aftree-oord op Langebaan.

Nuus • News

Train your brain Grysstof-genot

2 Desember 2020

Wen kaartjies na Juanita du Plessis

Twee gelukkige lesers sal elk 'n kaartjie wen na die vertoning van Juanita du Plessis op Dwarskersbos op 12 Desember.

Stuur 'n WhatsApp met die slagwoord Juanita na 061 555 0344 teen Maandag 7 Desember teen 12:00, met jou naam, van en tuisdorp.

Wenners sal telefonies in kennis gestel word.

9

10

2 Desember 2020 Stuur gerus jou familiekennisgewings na

061 555 0344.

Nuus • News

Wen kaartjies na die Skuurdans

Twee gelukkige lesers sal elk 'n kaartjie wen na die skuurdans op Skerpkop, buite Moorreesburg, op 12 Desember.

Stuur 'n WhatsApp met die slagwoord Skuur na 061 555 0344 teen Maandag 7 Desember teen 12:00, met jou naam, van en tuisdorp.

Wenners sal telefonies in kennis gestel word.

2 Desember 2020 Nuus • News Geklassifiseerd • Classifieds • Geklassifiseerd • Classifieds • Geklassifiseerd • Classifieds

ZAYRON LA FLEUR 3 Desember. Baie, baie geluk aan ons oudste seun met sy 11de verjaarsdag.

Mag jou dag oorspoel word met seëninge, vreugde, hope geluk en baie liefde. Ons is baie lief vir jou. Van: Mammie, Pappie en jou boetie Zaydian Dankie aan ons Hemelse Vader vir my kleinseun Zayron La Fleur se lewe wat Hy vir elf jaar gespaar het. Baie geluk boeta geniet jou dag ouma weet Mammie en Pappie gaan jou leke bederf en ouma Rita Gomas self ----------------------------3 Desember - Kyk wie word 60? DEON BALIE. Baie geluk met jou verjaarsdag, mag God se rykste seën op jou lewe rus. Baie liefde - Jou vrou, kinders en kleinkinders.

Geluk met oupa se verjaarsdag. Mag Oupa se dag vol vreugde, geluk, seëninge en propvol liefde wees. Baie dankie vir alles. Liefde - Marquin, Jamy en kinders ----------------------------3 December – LUCINDA SEPTEMBER - Happy birthday, may God bless you and keep you many more years. May you stay the wonderful, loving and caring person

that you are. From Searle& Stephnay Geluk Cinda met jou verjaardag. Alles wat mooi is met al jou jare vorentoe. Lief vor jou.

Van: Blom jou broer, kinders en kleinkind ----------------------------5 Desember - “Happy birthday”- MICHELLE - Mag die Here vir jou baie jare spaar. Jy moet lekker verjaar.

Van: Keanon en almal in die huis ----------------------------Kyk wie word een op 3 Desember? Gelukkige verjaardag SHANDE. Mag die Here vir jou nog baie jare spaar.

Baie liefde – Benoline en baba Theresa ----------------------------29 November LETICIA HENDRICKS. Veels geluk met jou verjaarsdag my liefste

sussie. Mag God jou ryklik seën met lieflike jare vorentoe. Mag Drome bewaar word en bly die stunning girl wat jy is. Lief vir jou baie. Van: Ouers, Sheneen, Marshen, Lechaan, Carlisle en Junior.

----------------------------26 November CARLISLE HENDRICKS. Geluk met jou verjaarsdag antie se liefste kind. Mag God jou ryklik seën met jou vyfde verjaarsdag en ek glo jy gaan net geseënde jare vorentoe hê. Liefies vir jou baie – antie Sheneen, Leticia, Oupa, Ouma, Lechaan, Marshen en Junior ----------------------------MCHAILINE – 3

Desember - Raai wie word een? ons klein prinsessie. Baie geluk met jou eerste verjaarsdag. Mag ons Hemelse Vader jou nog baie jare spaar.

Liefde: Ouma, Pa, Chriswill, Liam & EJ Veels geluk ons blom, Michailine. Ons hoop jy geniet jou eersye verjaarsdag. Lief vir jou blom. Van: Ouma Kinna, Adam, Shannon, Candice & Coledon Let wel: Weens 'n tekort aan spasie, word slegs die bewoording van hierdie week se geklassifiseerdeafdeling geplaas.

BUYING

or

SELLING

FURNITURE WE OFFER THE BEST PRICES

YOU CALL WE COLLECT

Malmesbury 022 482 3788

CCFMALAUG18

GELUKWENSING Congratulations

11

12

Nuus • News

2 Desember 2020

2 Desember 2020 • www.swartlandjoernaal.co.za • Tel: 022 487 1670

Hentu se duif kraai koning Die 2020 wedvlugseisoen het aanvanklik gesukkel om af te skop as gevolg van die Covid19 beperkinge.

Al die lede was egter baie opgewonde toe ‘n ietwat verkorte seisoen van 15 weke wel ingepas kon word.

Vanuit die staanspoor was die kompetisie baie sterk.

Die duiwe van Hentu Hayman, wat deelgeneem het as Cross Border Lofts, was vir die 2de agtereenvolgende jaar die Klub Kampioen.

Johan Steenkamp het in die 2de posisie geëindig en het baie goeie rekenskap van homself gegee.

Kotze Familie Hokke (Erlo Kotzé) het in ‘n verdienstelike derde posisie geëindig.

Marais Hokke (Kobus Marais) het die meeste wedvlugte gewen met n totaal van 7.

Die verskillende kategorie wenners vir 2020 is soos volg : Kortafstande : 1ste : Cross Border Lofts 2de : Marais Hokke (KSD)

3de : Kotze Familie Hokke

Middelafstande : 1ste : Bordeaux A 2de : J Steenkamp 3de : Cross Border Lofts

Langafstande : 1ste : J Steenkamp 2de : Kotze Familie Hokke 3de : Cross Border Lofts

Jongduif punte : 1ste : Cross Border Lofts 2de : J Steenkamp 3de : Kotze Familie Hokke

Ou Duif Punte : 1ste : Kotze Familie Hokke 2de : J Steenkamp 3de : Marais Hokke (KSD)

Duif met Meeste Punte : 1ste : Kotze Familie Hokke

2de : Marais Hokke (KSD) 3de : Limbardi (Rudi Lombard) Algehele Kampioen : 1ste : Cross Border Lofts 2de : J Steenkamp 3de : Kotze Familie Hokke

Die bestuur bedank weereens almal vir die goeie en gesonde gees en sportmanskap wat geheers het tydens die seisoen. Die kompetisie tussen die lede was baie goed en beloof om volgende seisoen net nog strawwer te wees.

Die interessante en opwindende seisoen was egter oorskadu deur die tragiese heengaan van ons Voorsitter, Pieter Loubser.

Hy gaan ‘n groot leemte laat en die lede van die Malmesbury Posduif Vereniging eer sy nagedagtenis!"

Enige iemand wat belangstel om meer uit te vind oor die sport kan gerus die waarnemende Voorsitter, Johan Steenkamp, kontak op 082 823 7541

Die Dorings hou klubvergadering Bo is Hentu Hayman met sy kampioen-duif.

Die Dorings se volgende vergadering vind plaas op Sondag, 6 Desember 2020 te Alfa Sportgronde se A-veld Klubhuis om 14:00. Alle afrigters en span bestuurders moet die vergadering bywoon. Elke lid moet 'n lidmaatskapfooi van R100 saambring. Kontak die sekretaris/wedstryd-sekretaris Julie September via Whatsapp/Facebook vir alle navrae by 065 275 2187

ATLANTIS VEILING

GPS: S 33° 35.0587’ E 018° 29.2129’

BATEVERMINDERINGS VEILING! IN OPDRAG VAN WEST COAST KOLLEGE! HIERDIE VEILING WORD ONDER STRENG COVID-19 MAATREËLS AANGEBIED

DONDERDAG, 10 DESEMBER 2020 | 11:00 | ATLANTIS WEST COAST KOLLEGE ATLANTIS KAMPUS (NEIL HARE ROAD, ATLANTIS INDUSTRIAL).

Werkswinkel toerusting: 3 Woodmajor CT 381 houtmasjiene. 9 Oscilloscopes (verskillende tipes). Woodworker MX 5057 ‘’router’’. Woodworking MJ345 fynbandsaag. Woodworker 8'' ‘’Jointer’’. Woodmajor stof kollekteerders. Woodmajor ‘’spindle’’ (swaardiens). Woodmajor boor. Woodmaster houtmasjien. 2 Colhester Student 1800 draaibanke.

2 Colhester Student 2000 draaibanke. 4 Turnmaster TA draaibanke. 2 Amtec EL4 kragtrollies (3 fase). Arfa RF812N bandsaag. TA Grinmaster MD200D tafelsnyer. Turnmaster NB200 kragopwekker. Transarc sweismasjien. ‘’Cutt off’’ masjien. 2 UP ‘’miling’’ masjiene (vertikaal).

Rekenaar-& kantoor toerusting: LG rekenaarskerm. Aantal Dell rekenaarskerms. HP drukker. Aantal Dell Latitude skootrekenaars. Aantal Dell Vostro skootrekenaars.

Aantal Acer skootrekenaars. Dell oorhoofse projektor. Aantal rekenaar skakels. D-Link skakel ‘’24 poort’’. Aantal Procurve rekenaar skakels “24 poort’’.

Aantal HP skakels. 2 Dell rekenaarbokse. Proline rekenaarboks. LG rekenaarboks.

Ander gereedskap en losgoedere: Kudu Rotary 750 grassnyer. Aantal plastiek stoele.

NAVRAE Wilhelm van Niekerk (083 284 7100; Bemarker; Malmesbury). Dieter Schutte (079 500 7525; Veilingskoordineerder; Paarl).

Nota: Ontrekkings en toevoegings kan plaasvind. Katalogusinligting sal dag van veiling beskikbaar wees.

www.bkb.co.za

AFSLAERS: Posbus 3, Paarl, 7620 | Ceciliastraat 100, Suider-Paarl, 7646Tel: 021 807 8900 | Reg. No. 98/12435/06

TERME: Slegs bankgewaarborgde tjeks of elektroniese betalings op dag van veiling. 2% Hanteringsfooi sal verhaal word op kontant asook alle kaart

transaksies.Elektroniese oorplasingsfasiliteite beskikbaar. FICA dokumentasie word vereis by registrasieproses. Alle goedere word met ‘n reserweprys

verkoop en ’n reg bestaan om the bie deur of namens die eienaar of afslaer, tensy anders aangedui. Die regulasies van die Wet op Verbruikersbeskerming, 2008 is beskikbaar by http://www.gov.za/documents/consumer-protection-act-regulations. Besigtig die veilingsreëls by www.bkb.co.za.