Uitgawe 119 Swartland Joernaal 25 Mei 2022

Gratis • Free

Nuus met 'n verskil W/A: 061 555 0344 Tel: 076 844 0014 • www.swartlandjoernaal.co.za • Uitgawe 119

Kruger, Ferreira dra kroon

1

25 Mei 2022

25 Mei 2022

Theoné Kruger en Janko Ferreira is Dinsdagaand tydens die Hoërskool Swartland se ArtHSS aangewys as Mnr En Mej HSS vir 2022. Kayla le Grange is as die eerste prinses aangewys, met Brigitte Buys as tweede prinses. Jan Christiaan Smuts is die eerste prins met Tiaan le Roux as die tweede prins.

2

25 Mei 2022

So lyk die damvlakke van die Wes-Kaap

Eagles:

Saterdag het die Flying Eagles-rygbyklub van Malmesbury hulle eerste wedstryde in hul nuwe truie gespeel teen Windriders. Die tellings was: Flying Eagles 1ste span - 60; Windriders - 3; Flying Eagles 2de span - 24 Windriders - 5. Eerskomende Saterdag, 28 Mei 2022, speel die Flying Eagles teen Steenberg's Cove van St Helenabaai op Wesbank se C-veld.

Wedstryde begin om 14:45 met die eerstespan se wedstryd wat om 16:00 afskop.

Wen salon-tyd met Ella Bella Borg 'n bibberpakkie Tayla Erntze, die ystervrou agter Ella Bella-skoonheidsalon op Malmesbury, gee hierdie week 'n geskenkbewys ter waarde van R500 weg aan 'n gelukkige leser.

Al wat jy moet doen, is om die antwoord op die onderstaande vraag, jou naam en van te WhatsApp na 061 555 0344 teen Vrydag om 12:00 om hiervoor in aanmerking te kom.

VRAAG: Wie is die eienaar van Ella Bella op Malmesbury?

Wil jy dalk deel raak van die projek om te verseker Malmesbury se kinders voel veel warm hierdie winter?

Cynthia Slingers, Malmesbury se filantroop en gewese predikantsvrou, loods hierdie week die Borg-‘n-Bibberpakkie-projek.

Wil jy graag deel wees van hierdie projek?

Pak ‘n kombers (kniekombers is ook reg), mussie, sokkies en boksie cup a soup binne ‘n mooi sakkie of boksie en merk of dit bedoel is vir ‘n seun of meisie, en of die inhoud Groot, Medium of Klein is. Afgeepunte is die dorp se twee biblioteke en die afsnydatum is 10 Junie.

Slingers en haar helpers beoog om die Bibberpakkies op Jeugdag (16 Junie) uit te deel aan die ongeveer 70 kinders wat gereeld by sewe veiligheidshuise op Malmesbury versorg word.

Indien daar meer as die beoogde 70 pakkies ingesamel word, sal hierdie bydraes volgens Slingers se styl van deursigtigheid en betroubaarheid bestuur word.

Cynthia Slingers wil hierdie winter weer die kinders van Malmesbury warm hou.

25 Mei 2022

3

Sportpark van R40 miljoen vir Dirkie Uys en Moorreesburg Moorreesburg se Dirkie Uyssers is tans hard aan die fondse insamel vir die sportpark wat talle nuwe moontlikhede vir die skole en die dorp inhou.

Dit sal ook 'n jarelange droom verwesenlik en 'n groot bydrae tot die ekonomiese volhoubaarheid van die dorp bewerkstellig.

Die sportpark, met 'n geskatte oprigtings-onkoste van sowat R40 miljoen, se ontwikkeling het reeds in Julie 2020 begin en vorder fluks, maar befondsing maak die voltooi hiervan stadiger as beplan.

Die sportpark bestaan uit 'n astro-hokkieveld, gras-hokkieveld, rugbyvelde - waar krieket ook gespeel kan word - 'n 25m-lange swembad asook atletiek afrigtingsgeriewe.

Die area is egter te klein om 'n volledige atletiekbaan op te rig.

Die sportpark word agter en tussen Dirkie Uys se koshuise, Huis Botha en Huis Môrelig in Reservoirstraat gebou.

Die terrein sal gebruik word deur die hoërsowel as laerskool, maar die idee is dat die park vir afrigtingsklinieke, byeenkomste en liga-wedstryde deur die hele Swartland en Weskus gebruik kan word. "n Sportpark van so 'n kaliber kan binne twee jaar voltooi wees, maar omdat die skole en dus die projek van befondsing afhanklik is, het ons vir onsself 'n mikpunt van 5 tot 8 jaar gestel."

Volgens die skole kan die sportpark 'n enorme ekonomiese inspuiting wees vir die gemeenskap in terme van werkskepping en die behoud van plaaslike besighede.

"Met die daarstel van die sportpark is die moontlikhede baie groot. Skole van die Swartland en Weskus kan hul sportdae hier aanbied, ons kan ligas begin en groot toernooie kan hier aangebied word. Met ons koshuise reg langs die sportpark bied dit geleenthede vir klubs en selfs provinsies om toer-toernooie hier aan te bied waar verblyf benodig word," - aldus 'n woordvoerder van Dirkie Uys. Wat die projek nou 'n bietjie kniehalter, is befondsing en doen die skole 'n beroep op alle besighede, weldoeners, ondersteuners en oud-leerders om die projek te ondersteun met donasies.

Besighede en individue wat hierin wil belê, sal ook van 'n artikel 18A-kwitansie voorsien word, wat weer vir belastingdoeleindes gebruik kan word.

Die projek benodig ook spesialiste met kundigheid rondom die tipe ontwikkeling om hul kennis en kundigheid beskikbaar te stel.

Kontak enige van die volgende persone met navrae, of as jy betrokke wil raak.

Neem kennis dat hierdie ontwikkeling op Departement grond geskied en dat die skole met elke fase van die ontwikkeling die nodige goedkeuring van die Departement ontvang om voort te gaan. Fase 2 is goedgekeur deur die departement.

Kontak die onderstaande persone met navrae.

4

25 Mei 2022

Jongboer van die Jaar wink vir Lochner Eksteen Lochner Eksteen van Eksteen Boerdery buite Piketberg is vanjaar 'n finalis aan die Agri WesKaap se Jongboer van die Jaar-kompetisie.

Lochner is die sewende geslag Eksteens wat op dié deel van die familieplaas boer.

Hier plant hulle koring en teel stoet-Nguni en Bonsmara-beeste.

Jaarliks word dieselfde aantal koring geplan.

"Ons plant nie agter die prys aan nie. Ons hou ons oorhoofse kostes laag en doen baie van die werk op die plaas self, saam met 'n klein werkersmag. Enige huurkope word ook so gou as moontlik afbetaal," vertel Lochner se pa,

Hannes. Volgens hom is elke jaar verskillend en is daar jaarliks nuwe uitdagings en geleenthede wat hulle pad kruis.

"Dis die onvoorspelbaarheid wat dit interessant maak. Dis die nuwe kalwers van die nuwe seisoen, die soms vinnige verhandeling van diere en kommoditeite, die oes wat soms baie beter is as wat jy verwag het en jy werk vir jouself."

As die Eksteen-familie hul nalatenskap kon bepaal, sal hulle onthou wil word as die mense wat nie net vir hulself geboer het nie, maar wat 'n verskil in die omgewing en gemeenskap probeer maak het.

Lochner Eksteen in sy element op die plaas buite Piketberg.

Op die plaas word daar met koring, stoet-Nguni en Bonsmara-beeste geboer.

25 Mei 2022

Hoe gemaak met… …vernuwing van ‘n bestaande tuin 1. Begin deur ‘n basiese raamwerk saam te stel deur na die volgende belangrike dinge te kyk: 1.1 Die klimaat van die omgewing asook na die mikroklimaat van dié deel van die tuin wat gaan bepaal watter plante gebruik gaan word. Is dit winderig of lekker beskut?

Hoeveel son of skaduwee? Het jy baie spasie of is dit ‘n klein hoekie? Die humiditeit: is dit nat en klam of droog?

1.2 Dan kom ons by die voorbereiding van die grond – Baie belangrik!

Indien die tuingedeelte klein is, dan is dit maklik om die grond te verbeter en die spesiale toestande te skep vir die spesifieke plante wat u daar wil plant.

Indien die area baie groot is, raak die projek net groter en meer arbeidsintensief. Die byvoeg van baie kompos en ander produkte, soos beenmeel, langfos, supers, rapid raiser en nog baie meer is die regte resep. Pasop: Onthou wanneer jy fynbos soos Proteas, Tolbos en Speldekussings plant – gebruik net kompos 2. Gebruik die volgende beginsels van tuinontwerp.

2.1 Skep balans – Die indruk wat die tuin skep is belangrik, soos is daar ‘n

aangename balans?

2.2 Eenheid – Onthou die tuin is ‘n verlengstuk van die huis, bv. wanneer jy by ‘n venster uitkyk, moet dit soos ‘n baie mooi skildery lyk.

2.3 Verhouding – die groottes van komponente in die tuin.

Hierdie eerste drie is die belangrikste beginsels, maar kyk ook na die volgende: • Vorm - Sal dit by die geheel inpas?

• Tekstuur – Te veel van een tipe is vervelig • Te veel verskeidenheid is te besig • Kleur of kontras – te veel van dieselfde kleur of tipe loof kan oordonderdend wees.

• Gebruik verskeie blaarvorms en kleure om goeie kontras te bereik • Sagte kleure laat ‘n area groter vertoon, maar baie sterk kleure omvou ‘n mens en laat dit beknop lyk. Hoë mure kan met ‘n sagte ge-

dempte kleur soos byvoorbeeld blou/groen geverf word om saam te smelt met die agtergrond.

• Skep ‘n illusie van ruimte. Die oog moet mislei word – gebruik ‘n mooi uitsig om die tuin te vergroot en onthou, strak lyne word versag met plante. Selfs spieëls kan ook in die tuin gebruik word om die illusie van diepte te skep of ‘n vervelige hoekie meer interessant te laat lyk met die weerkaatsing.

Die wateroppervlak van ‘n poeletjie of visdam kan ook die lig weerkaats en só ‘n illusie van diepte skep.

Selfs ‘n traliewerk teen ‘n muur of selfs ‘n “deur” geverf teen ‘n muur, skep ‘n illusie van ruimte (en maak jou nuuskierig – wat is aan die anderkant?) ‘n Padje wat deur ‘n tuinbedding kronkel na ‘n deur of ‘n hek (selfs al lei dit na nêrens) lei dit die oog verder as die werklike ruimte.

Volgende keer (29 Junie) kyk ons na die tuinplan.

Bronne geraadpleeg: “Pragtuine op kleinskaal in Suid-Arika – struik.

Groetnis George Retief

5

6

25 Mei 2022

Resep vir die week

Gestoofde ribbetjies

Kopkrapper van die week

Moeilikheidsgraad: BAIE!

Bestanddele

Skaapribbetjie heel of in stukkies opgesny Worcestersous Braaivleisspesery 2 uie Suurlemoensap Aartappels Sout en pepper Gekerfde groenboontjies Rooiwyn

FNB Classic Clashes '22

1

Metode

Braai uie in bietjie olie en voeg bietjie suurlemoensap by. Haal uit en braai ribbetjie in eie vet (kan ook suurlemonsap by gooi). Gooi uie terug en gooi aartappels by. Geur met sout en pepper. Voeg ook gekerfde groenbone by en laat hulle lekker met mekaar gesels. Jy kan ook rooiwyn byvoeg as jy wil.

Bron: liplekker.co.za

Swartland Weer Woensdag, 25 Mei '22 - Dinsdag, 31 Mei '22

10/19 07/20 08/23 10/21 09/18 09/18 09/18 Gedeeltelik bewolk met 'n 55% kans op reën

Gedeeltelik bewolk

Gedeeltelik bewolk

Gedeeltelik bewolk met 'n 25% kans op reën

Gedeeltelik bewolk met 'n 65% kans op reën

Gedeeltelik bewolk met 'n 85% kans op reën

Lieflike sonskyn dag

Garth Fransman 076 125 1186 gfransman@pytbyte.co.za

Program uitgegee deur

Classic Clashes:

Hierdie naweek is dit weer tyd vir die jaarlikse FNB Classic Clashes, waar die rugby- en netbalspanne van Schoonspruit Sekondêr van Malmesbury en Piketberg Hoërskool mekaar die stryd aansê. Vanjaar word die kragmeting op Piketberg aangebied. Dit is die eerste keer sedert 2019 wat dié gewilde byeenkoms aangebied word en beloof om opwindende sport op te dis. Swartland Joernaal is die uitgewer van die amptelike program, in samewerking met FNB Classic Clashes. Dit is ook ons gesoute bemarker, Karin Neethling, se 15de keer wat sy hierdie programboek onder haar vlerk neem en seker maak dat hy die lig sien.

7

25 Mei 2022 GELUKWENSING Congratulations

PIETER STUURMAN – 23 Mei – Baie geluk my man met jou 70ste verjaardag.

Ek hoop daar sal nog vele mooi jare wees. Baie liefde – jou vrou Burna

26 Mei - ELWOUNA VAN WYK - Baie geluk met jou verjaarsdag. Mag God jou vele jare spaar. Van: van Wyk-, Dreyer- en van der Ventel familie

GARTH VAN WYK – 26 Mei - Baie geluk met jou verjaarsdag. God se rykste seen. Ons is baie lief vir jou. Liefde - jou vrou Lena, seun Revando en breë familie

27 Mei – ROBYN KOOPMAN – Veels geluk met

jou 60ste verjaarsdag my neef. Wens jou alle voorspoed en seëninge op jou pad vorentoe. Geniet jou dag. Van: jou niggie Girina en kinders

KEZIA ARENDSE – 28 May - May the angels continue guiding you, may you have fun and may all your wishes come true as you turn 7 today.

You are loved and cared for. Happy birthday! Love Dad, Mom, Keeghan, Imraan, ouma’s, oupa, aunts, uncles and cousins

ELGURNEN – 28 Mei Baie geluk my skat met jou verjaarsdag. Mag daar nog baie geseënde jare voorlê. Met liefde van Amelia

JAN NEL – 29 Mei – Baie Geluk met die groot 60!

Mag net goedheid en guns Pappie volg. Bly die liefdevolle mens wat u is.

Baie, baie lief vir jou. Van: Jenevi, Thinus, en al die kleinkinders

A Big happy birthday to my Hubby. May God bless and keep you for many years to come.

Love you Always - Wifey: Randy Gelukkige verjaardag broer – Mooi en geseënde lewensjaar. Lekker verjaar – Jou susters, broer en die breë familie

Kyk wie word 20 jaar oud - Baie geluk my oudste dogter LOGAN WILLIAMS. Mag God jou ryklik seën, vele uitgespaarde jare. Met baie liefde.

Van: Mammie, oom Pat, susters, broers en Caylo

Raai wie verjaar op 29 Mei – PEO, baie geluk met jou verjaarsdag. Mag jy ‘n wonderlike dag hê.

Van: Bella

Geluk met jou geboortedag DANICO WILLIAMS op 31 Mei. Mammie is oneindig lief vir jou.

Geniet jou dag. Van: Mammie en jou ouma

MEMORIUM In Memoriam

SHIRLEY PETERS - Liefdevolle suster (Shirley) die verlange is nog steeds daar, maar ons weet dat jy jou 80ste verjaarsdag by die Helmelse Vader vier saam met die engele in die hemel. Liefde - jou susters Ruth & Margaret Dit is jou tweede verjaardag in die hemel.

Nou vier jy jou 80ste verjaardag saam met die engele. Die vermisting is nog altyd daar, maar ons berus ons in die Here se wil. Rus in vrede tot ons weer ontmoet. Met liefde – Girina, AWF lede van St Michaels, All Angels, Parish Abbotsdale en koorlede

DANNY WILLIAMS – 26 Mei - Reeds 3 jaar weg van ons my man, dit voel nog soos gister. Die verlange is so groot, daar gaan nie ‘n dag verby wat ons jou nie mis nie, maar ons gun jou die ewige rus. Tot ons weer ontmoet - Jou vrou, kinders en kleinkinders

28 Mei – FRANS GEDULDT – Dis nou Pappa se 5de jaar in die hemel.

Die verlange is nog baie daar en die hartseer, maar Pappa bly nog in ons harte. Rus sag. Van: jou vrou, kinders en kleinkinders

8

25 Mei 2022

W/A: 061 555 0344 • Tel: 076 844 0014 • Uitgawe 119 • 25 Mei 2022

Rugby: Darling en Wesbank pak mekaar

Die spanne van Abbotsdale en Never Despair het die naweek kragte gemeet.

Abbotsdale het met 24-10 geseëvier.

Foto: David Howburgh Darling Rvk speel Saterdag gasheer vir Wesbank Rvk met albei spanne wat weet dat ‘n loesing hulle planne erg in die wiele kan ry.

Darling is tans vol selfvertroue, ná hulle Wittewater Villagers 'n behoorlike les geleer het. Die krane was omtrent oopgedraai in die eerste helfte en Wittewater Villagers moes keer vir al wat hulle werd was. Teen rustyd was die telling reeds 45-0 in die guns van Darling en het Wittewater-ondersteuners gebid vir die dag om verby te gaan. Darling het die tweede helfte nie so goed begin soos die eerste nie en 'n paar sagte drieë afgestaan, maar later was dit weer eenrigting-verkeer en Darling het die wedstryd gewen met 64-26. Vir Darling was Shane Samuels en Jaden Lewis die groot uitblinkers wie onderskeidelik 'n driekuns en tweekuns van drieë behaal het.

Die kaptein, Earl Lewis, se korrel na die pale was ook weer reg, ná hy 8 van 9 drieë verdoel het en ook 'n strafskop oorgeklits het. Darling Rvk weet egter Wesbank bied hierdie naweek 'n heel nuwe uitdaging en met die spanne wat onderskeidelik 2de en 3de in die liga lê, sal nie een van hulle terug wil staan nie. Wesbank wroeg steeds oor sy naelskraapse oorwinning oor Moorreesburg die vorige Saterdag. Wesbank was basies gebêre deur 'n oorgehaalde Moorreesburg, maar teen die einde van die wedstryd het hulle verwoed aangeval en na 'n hele paar strafskoppe, het die kaptein heeltyd geskrum, maar toe die skeidsregter weer 'n strafskop aan Wesbank toedien, het Gurdwill le Fleur 'n vinnige tikskoppie geneem om die wedstryd vir Wesbank te beklink.

Wesbank sal egter nie weer so 'n wedstryd wil beleef teen Darling op Darling se tuisveld nie en sal wil opmaak daarvoor. Darling is oorgehaal om sy stempel af te druk en behoort die wedstryd met minder as 10 punte te wen.

Moorreesburg Rvk, wie in die vierde plek is en 'n goeie seisoen beleef, speel Saterdag gasheer vir Abbotsdale Rvk wie in die eerste plek onoorwonne voortveg. Moorreesburg kan hom self ongelukkig ag, ná hy die vorige Saterdag beter rugby teen Wesbank gespeel het, maar steeds verloor het met die tyd reeds verstreke.

Die wedstryd tussen Moorreesburg en Wesbank het teen 'n hewige pas begin, met veral Wesbank wat die pas aangegee het, met 'n drie en strafskop. Moorreesburg het kop gehou en was ook

kort daarna op die telbord. Toe die manne gaan water drink, was daar niks te skei tussen die twee spanne nie met die telling op 11-11.

Die afrigters moes baie hard gepraat het en albei spanne het in die tweede helfte weer verwoed aangeval met die klein Generaal Jaydon Markus aan die spits. Markus se vlugvoetigheid en flinke denke, het dit moeilik gemaak vir Wesbank op verdediging. Moorreesburg se 8-tal was ook op die dag uitmuntend en het Wesbank Rvk by tye hoofbrekens besorg. Dissipline was egter 'n spanner in die werke vir Moorreesburg.

Vir Moorreesburg het Jehann Bonn en Brendon Erasmus weer agter die pale gaan kuier.

Moorreesburg sal egter baie uit hierdie wedstryd neem, wanneer hulle Saterdag besoek ontvang vanaf die voorloper Abbotsdale Rvk. Abbotsdale het die vorige Saterdag 'n Never Despair-span aangedurf wie nog vol selfvertroue was, aangesien hulle in die vorige wedstryd die span van Darling geklop het. Die wedstryd tussen hierdie twee aartsvyande het glad nie teleurgestel nie en het teen 'n vurige tempo begin. Dit was veral die voorspelers van beide spanne wat behoorlik onder mekaar ingeklim het en selfs in die skrums was daar min te kies tussen die spanne.

Abbotsdale kon egter hulle gebiedsvoordeel in punte omskep toe die binnesenter Linkem Josephs met brute krag die verdediging van Never Despair oopgekloof het om onder die pale te druk. Abbotsdale se kaptein, Millroy Isaacs, het kort voor rustyd weer agter die pale gaan kuier om die telling 14-0 te maak in die guns van die tuisspan.

In die tweede helfte het Never Despair baie beter gespeel met die taktiese skoppe van Sherwin Dyson wat hulle op die voorvoet gehou het.

Delano Baarman en Henry Jeffries was puik vir Never Despair in die vaste-los en het telkemale oor die voordeellyn gekom. Abbotsdale het egter koelkop gebly en die plaasvervanger-flank, Shane Niemand, is oor vir Abbotsdale se derde drie.

Never Despair kon laat in die tweede helfte twee drieë druk. Abbotsdale sal baie lugtig wees vir 'n Moorreesburg-span wie nog nie die seisoen op sy tuisveld geklop is nie. Die stryd tussen hierdie twee spanne behoort weer vir groot opwinding te sorg met Moorreesburg wat vir 'n groot opskudding sal sorg om Abbotsdale met minder

as 7 punte te klop.

Saron Rvk het Saterdag gasheer gespeel in die derby-stryd teen sy buurdorp, Porterville.

Die gemoedere het omtrent hoog geloop tussen hierdie spanne en met die afskop het die hulle mekaar beter leer ken met 'n paar vuishoue en kophoue wat rondgeswaai was. Die wedstryd het voortgegaan en was 'n titaniese stryd tussen die twee aartsvyande. Die senter, Luwellyn Titus, en die skrumskakel, Martin Gordon, was weer uitmuntend vir Saron. Losskkakel Jesriel Engelbrecht het ook Saron op die voorvoet gehou. Hulle pak voorspelers het ook 'n goeie dag beleef met hulle vurige kragspel en verdediging met veral Conley van Ryhn wie Porterville groot kopsere besorg het. Saron was op die dag baie beter as Porterville en het 5 drieë gedruk teen die 2 van Porterville. Saron reis Saterdag na 'n Good Hopes span wie die vorige Saterdag sy eerste oorwinning behaal het teen Koringberg Rvk op laasgenoemde se tuisveld.

Good Hopes Rvk sal wil voortbou op sy oorwinning en behoort sy tuisveld tot sy voordeel gebruik wanneer hy Saron naelskraap sal klop met minder as 5 punte.

Koringberg Rvk reis Saterdag na Never Despair steeds opsoek na hul eerste oorwinning.

Die Tier is tans in 'n ontstuimige bui en Koringberg sal sy storie moet ken in hul poging om die Tier se stert te knoop.

Koringberg het Saterdag teen Good Hopes weer 'n droom begin gehad en binne die eerste 10 minute reeds 14-0 voorgeloop. Good Hopes het egter die damwal van Koringberg gebreek en ook gaan kuier agter die pale. Koringberg was na Good Hopes se drie baie beter op verdediging.

Koringberg het weer op al sy silinders gevuur met kaptein Jeandre de Wee en Robin Jagers aan die spits. Albei spanne het heeltyd drieë gedruk en daar was nie baie te skei tussen die spanne op verdediging en op die aanval nie. Met die telling op 35-33 in die guns van Good Hopes het Koringberg weer verwoed aangeval en met nog 'n aanval was die senter van Koringberg in sy spore gestuit met Good Hopes wat omgekeerde balbesit bewerkstellig het en die doodskoot geplant het om die wedstryd te beklink met 53-33.

Robert in SA-visskiet

Robert Moreland, gesoute restauranteur en bo-baas-duiker, verteenwoordig eersdaags in Junie die Wes-Kaap in die SA Visskiet-kampioenskappe.

Robert, wie se restaurant op Malmesbury, Beef and Barrel, getuig van al sy visskiet-geleenthede, is 'n ou hand as dit by hierdie sportsoort kom.

Robert is in die Westelike Provinise se A-span opgeneem saam met Derrick Dunning en JC le Roux.

Volgens Robert is dit 'n groot eer en voorreg om aan hierdie kompetisie deel te neem.

Hy het reeds in 2019 hiervoor gekwalifiseer, maar weens die inperkings, kon die kompetisie nie plaasvind nie.

Nou is die lang gewag verby en kan Robert sy droom en passie, naas die restaurant, uitleef.

Die kostes verbonde aan die kompetisie beloop R12 000.

"Ons moet ons eie fondse bekom sodat kandidate, soos ek, kan deelneem. Dit is 'n groot voorreg om gekies te word en ek ag myself baie geseënd om hierdie jaar te kan deelneem," sê Robert.

Indien enige iemand bereidwillig en in staat is om enige bydrae te lewer tot die fonds, "sal dit hartlik waardeer word".

Die bankbesonderhede is soos volg: Nedbank RW Moreland Rek nr. 128 504 1488 Current Account Verwysing: Donasie

Koringberg sal dus homself wil skop dat hulle nie die knoop deurgehak het nie. Die taak raak net groter vir Koringberg wanneer hulle Never Despair besoek met Spairs wat verdere sout in Koringberg se wonde sal vryf met 'n oorwinning van meer as 7 punte.

Wittewater Villagers Rvk reis Saterdag na Porterville Rvk wie sal wil opmaak vir sy loesing teen sy buurspan Saron. Wittewater Villagers is steeds sonder 'n oorwinning en sal hom regmaak vir 'n opskudding. Dinge lyk egter nie so rooskleurig vir die besoekers nie en hul strewe na 'n eerste oorwinning sal ten minste nog 'n week moet wag wanneer Porterville gemaklik met meer as 10 punte sal wen.

Ons sien weer uit na hope genot en vuurwerke op die Swartland rugbyvelde die komende Saterdag.

• Abri Adonis