Swartland • Bergrivier 1
11 Maart 2020
Free • Gratis
Nuus met 'n verskil
Tel: 022 487 1670 • www.swartlandjoernaal.co.za
11 Maart 2020
Binne: Spies Praktyk spog met titel as SA se #1-praktyk en adviseur
Oorwinnaars stap teen kanker
Kanker-oorwinnaars en hul ondersteuners het die afgelope naweek hul ondersteuning in die stryd teen kanker gewys met die jaarlikse Relay for Life wat op die Malmesbury-skougronde gehou is. Burgemeester Tijmen van Essen, ook 'n oorwinnaar het saam met die groep 'n ronde om die veld gedoen.
Fiets:
Chene en Annika Venter van Darling het verlede jaar vir die eerste keer aan die Kaapse-fietstoer deelgeneem as deel van bewusmaking teen Friedreich's Ataxia, 'n spiersiekte waaraan die tweeling ly. Vanjaar het hulle 'n treetjie verder gegaan en hul rit aan Charley McNeil Wheatley, 'n jong seun van Darling, en ook Bianca Wright, opgedra. Die tweeling en hul "drywers" het die wedren in 5 uur 29 minute voltooi en het dit weer baie geniet. Vrydagaand is hulle op die plaas Windhoek, tussen Yzerfontein en Darling, onthaal en sterkte toegewens met die rit van Sondag.
Bradley Arendse van Malmesbury, wat drie maande gelede 'n nieroorplanting ondergaan het, het ook die fietstoer voltooi in 'n tyd van 6:28. Nou sien hy uit na die Nasionale Oorplantingspele wat in Junie gehou word.
Nuus • News