Glennerstrasse 22a
7130 Ilanz info@surselva.info Schweiz www.surselva.info
Communicaziun allas medias dils 17 da fevrer 2026
La «primavera» 2026 fa ord Glion in marcau primavaun viv
Glion, ils 17 da fevrer 2026
Sonda, ils 11 d’avrel 2026 semida Glion dallas 10.00 entochen las 17.00 puspei en in marcau d’eveniments. Varga 40 fatschentas da Glion e contuorn arvan lur portas ed envidan all’exposiziun da primavera. Visitadras e visitaders astgan selegrar d’in viadi aventurus tras las stizuns, la gastronomia e las fatschentas. L’occurrenza stat sut l’enzenna dallas sentupadas persunalas e muossa las purschidas economicas, innovativas e creativas dalla regiun.
Ina plattafuorma pil commerci regiunal e sentupadas persunalas. La «primavera» ei s’etablida ils davos onns sco plattafuorma impurtonta pil commerci ed ella unescha ton las persunas indigenas sco era quellas che possedan sescundas habitaziun ni ils hosps dalla regiun. Varga 40 interpresas presentan lur purschidas actualas ed ils survetschs specialisai e dattan investas exclusivas en lur lavur. La paletta ei vasta e meina dalla cussegliaziun cumpetenta el sectur dallas bancas, dallas segiradas, immobilias, la digitalisaziun, l’energia solara ed igl accumpignament da formaziun entochen tier las fatschentas tradiziunalas, las buticas cun bia charme ni tiels survetschs innovativs. Era purschidas da sanadad dall’apoteca, la drogaria, la naturopata ni era dil specialist da physio ni fitness ein dalla partida e dattan informaziuns davart il beinesser e la prevenziun.
Attracziuns, moda e divertiment el cor da Glion
Las garaschas d’auto da Glion e contuorn vegnan puspei a retrer gronda attenziun culs pli novs models d’auto. Cumplettau vegn quella purschida tras l’exposiziun dils pli novs models da velo e la cussegliaziun professiunala vitier. Ellas localitads dil coworking gest all’entschatta dil Städtli datti inspiraziuns pil di da nozzas ed autras fiastas. La stizun da fluras muossa ils pli novs trends da fluras en creaziuns captivontas ed il salun da coiffeur fa las frisuras adattadas per caschuns specialas. L’exposiziun da curtgin cun grill e mobiglias d’iert arrundescha las purschidas per amaturas ed amaturs da Lifestyle.
Era ellas stizuns da moda ed accessoirs arriva la sesiun da primavera. Revistas da moda allas 13.30 ed allas 16.00 avon la Casa Surselva presentan trends ord la papetaria e libraria, la stizun da secund maun ed igl opticher. Quellas revistas vegnan accumpignadas cun musica da DJ Torn e sault dalla gruppa da Line-Dance Surselva Stompers. Daferton delecteschan Clau Maissen e Rees Coray cun lur musica a caschun dil giubileum da 15 onns dad expert surselva.
Segirtad, gudiment e purschidas per l’entira famiglia
La segirtad e l’organisaziun da survetsch fan medemamein part dil program. Ils pumpiers Ilanz/Glion muossan sin plaz co els ageschan el seracass e la Polizia cantunala dil Grischun informescha sur da prevenziun ed agen schurmetg.
Pils hosps giuvens datti sminca per affons e permiez la via stat puspei ina sablunera surdimensiunala. Sil tschancun serrau dalla Via dil Glogn envida ina tenda cun tavolata dil Hotel Rätia da far in paus e star pacific. Denton porscha era la gastronomia da Glion, denter auter la Casa Casutt, da far ina pausa gustusa.
Premis attractivs grazia alla carta da bullar
La carta da bullar appreziada resta in element central dalla „primavera“. Cun visitar silmeins sis faschentas e rimnar leu mintgamai in bul separticipeschan las visitadras ni ils visitaders alla concurrenza cun premis attractivs. Da gudignar datti in telefonin Samsung S26 Ultra ella valeta da 1300 francs, sponsurau dad expert surselva ensemen culla Swisscom, in abo da skis digl onn 2026/2027
Surselva
Glennerstrasse 22a
7130 Ilanz
info@surselva.info
Schweiz www.surselva.info
dallas pendicularas Breil ella valeta da 770 francs, dus bons ella valeta da mintgamai 500 francs dallas garaschas d’auto da Glion e contuorn sco era duas Ilanzer-Card da mintgamai 500 francs, sponsurau dall’Uniun da commerci e mistregn da Glion e contuorn.
In segn ferm per unitad e regiunalitad
Franca Strasser, presidenta dall’Uniun da commerci e mistregn da Glion e contuorn fa attenta sill‘impurtonza dall’occurrenza per la regiun: «La primavera ei bia dapli ch’in’exposiziun. Ella fa vesibla la vastadad e la forza innovativa da nossas interpresas e scaffescha sentupadas denter la glieud. Per Glion e l’entira regiun ei quei in segn ferm per unitad e regiunalitad vivida.»
Culla «primavera» 2026 puntuescha Glion in’ulteriura gada las interpresas vivas, engaschadas e multifaras. Visitadras e visitaders astgan selegrar sin in di primavaun plein scuvretgas. Ulteriuras informaziuns datti silla pagina web dall’uniun da commerci e mistregn da Glion e contuorn: www.hgv-ilanz.ch
Contacts per medias:
• Alice Bertogg, menadra biro d’informaziun Surselva Turissem Glion 081 920 11 05, alice.bertogg@surselva.info
• Franca Strasser, presidenta Uniun da commerci e mistregn Glion e contuorn (HGVI), 079 385 65 09, strasser@immobilias.ch
• Ann-Cathrin Uhl, communicaziun e marketing 081 552 02 03, ann-cathrin.uhl@surselva.info
fegliet: cheu
Ulteriuras fotografias: cheu fontauna: Surselva Tourismus AG / Pieder Cadalbert
Glennerstrasse 22a
7130 Ilanz
info@surselva.info
Schweiz www.surselva.info
La Surselva: Ina destinaziun turistica dominanta dallas Alps orientalas duront igl entir onn
La destinaziun turistica Surselva ha da porscher bia: In bellezia mund alpin, territoris da skis attractivs, plazzas da golf, la Ruinaulta cun in dils tschancuns ils pli attractivs dalla Viafier retica, l'enconuschenta planira aulta dalla Greina, la Val Frisal, la cultura viva ed ils lungatgs singulars dil romontsch sursilvan ed il tudestg dils gualsers, uniuns activas, las grondas occurrenzas culturalas open air Lumnezia ed opera viva, ils bials vitgs autentics ed intacts cun perlas architectonicas, il center regiunal da cumpra a Glion cun siu marcau vegl particular sco er ina populaziun hospiteivla, tier la quala appartegnan ton ils indigens sco era ils segundindigens. www.surselva.info