New Binanuaanan ni San Isidro Labrador

sinasabi na an banwaan na inaapod

Pili ngunyan nagpuon sa Binanuaanan. Digdi enot nagkaigwa nin komunidad na binubuo nin mga parauma. Alagad, ining lugar na ini haraning gayo sa Isarog na kun sain yaon an mga cimaronnes na minaperwisyo sa mga parauma sa paagi kan paghabon asin iba pa. Kun kaya man, an mga tawo minawot na ibalyo an banwaan sa ibang lugar.

Pinili ninda, iyo na ining kinamumugtakan kan presenteng lugar kan Pili. Sa paglipat kan banwaan, dai man nawara an Komunidad sa Binanuaanan. Ini padagos na nabuhay asin nagtalubo. Sa pagdakula kaini, ini binanga sa duwa, Binanuaanan Sur asin Binanuaanan Norte. Mala ngani, dai pa nahahaloy, na mukna man an Sitio New Binanuaanan.

Ang Sitio New Binanuaanan, nakaugat pa man giraray sa kapinunan kan enot na komunidad na nagbilog digdi: mga parauma. Huli ta sinda nag-uuma, sinda igwa nin mga camarin kun sain dinadara ninda an saindang mga ani asin giniginik. Asin pag may ginik, kadakol mga tawo kaiyan kun kaya man igwang apat na may sadiring camarin an nagurouay na magbugtak nin kapilya harani sa sarong camarin sa daga ni Mercedes Soliman. Ini namukna kan taon 1962 asin pinili nindang patron si San Isidro Labrador.

Si San Isidro iyo an pinili ninda ta siya saro man na parauma. Pagmalain an panahon, maluya an ani, o kadakol peste, an mga parauma mina nobena asin prusisyon para maghagad tabang sa saindang patron. Ini nagin sarigan ninda, kaya kan paglipat nin kapilya sa daga ni Simeon Bendaña kan 1964, si San Isidro pa man giraray an pinili nindang patron. Asin sa parehong taon nabilog man an enot na Pastoral Council kan komunidad sa pamamayo ni Juan Baracena.

Hasta ngunyan padagos na nagtatalubo asin nabubuhay an komunidad sa Sitio New Binanuaanan. Igwang duwang klaster an minatipon kada Domingo para sa SKK Prayer Meeting: saro sa Bendaña compound asin saro man sa kapilya kan Sitio. Ini pinapangatamanan kan saindang Pastoral Council sa pamamayo ni Mrs. Juliet Juanillas, asin minamawot ninda ngunyan na mas pakusugon ini sa paagi kan pag-alok kan mga hobenes. h Rev. Nick Llaguno

Mga Anunsyo

via crucis sa patyo Kada byernes na hapon, igwa po kitang Via Crucis sa patyo.

Pinapakiulayan an gabos na dai magparada kan saindong mga awto sa patyo tanganing dai makaulang sa pag-Via Crucis.

pagpalista sa pps

Pwede na pong magpalista sa Pili Parochial School an mga aking magradwar sa Grade 10. Igwa an Parochial School nin

GAS, ABM, HUMMS, asin STEM. Libre gabos apwera kan School Uniform asin ID. Iaandam kan iskwelahan na sinda makatrabaho tulos paka-gradwar o makakuang scholarship sa Ateneo de Naga o sa CBSUA sa paagi kan Consuelo Chito Madrigal Foundation.

PAILIHAN simanahan na bulletin kan Parokya ni San Rafael Arkanghel Pili, Camarines Sur 4418

PARISH PRIEST

PAROCHIAL VICARS

STAFF

PHONE MOBILE

EMAIL

Fr. Wilmer Joseph S. Tria

Fr. Rex Luis L. Hidalgo

Fr. Enrico J.N. Paglinawan

Anaflor T. Cea

Mercy B. Orbon

(+63 54) 205 1025

(+63 910) 644 2225 straphaelpili@gmail.com

Straphaelpili

kun buót po nindong mag-ambag nin paghurup-hurop o artikulo sa Pailihan, o kun igwa kamong mga riparo, mag-email saná sa pailihansrap@gmail.com nakatalaan ordinahan sa pagkapadi sa Abril 15 si Reberendo Dominique Llaguno, sarong dyakuno kan Parokya. Kun may buot man kamong ipaaram na makakaulang kan saiyang ordinasyon, ipaisi sa Kura Paroko na iyo an mataong rekomendasyon dapit saiya sa Obispo.

Pangataman sa kadagatan

LAUDATO SI, 41 sa mga tropikal asin subtropikal na kagadatan, makukua ta an mga bahura (coral reefs) na pwedeng ikumpara sa mahihiwas na kagubatan kan kadagaan, huli ta an mga ini iyo an harong nin milyun-milyon na mga linalang, kaibahan na an mga sira, kasag, mga kabibe, asin iba pang hayop pati na an algae. Dakol an mga bahura kan kinaban an gadan na o dagus-dagos nang nararaot. “Siisay an naggibo kan abang gayon na kinaban kan kadagatan tanganing magin sementeryo sa irarom nin tubig, daing kulor asin daing buhay?”

TINGRAW PAGTUBOD resulta kan pagkaubos kan kagubatan, pagtanom sa prosesong monoculture, mga ati hali sa mga industriya asin mga mandatang paagi nin pagsira, urog na an paggamit nin cyanide asin dinamita. Pinapalala pa ini kan paglangkaw kan temperatura kan mga kagadatan. An gabos na ini nakakatabang tanganing mahiling ta na an lambang pakiaram sa kapalibutan pwedeng igwa nin mga konsekwensya na dai tulos namamaanan, dangan na igwang mga gawi nin pag-abuso nin mga rekurso makuri nanggad an darang pagkaraot na sa huri nadalihig sa irarom kan kadagatan. (2015, Papa Francisco)

An pangyayaring ini huli nanggad sa polusyon na nakaaabot sa dagat bilang hurup-hurop: Ano an halaga sako kan kadagatan? Ano an pwede kong magibo bilang tabang para mapangatamanan an kadagatan? h Vic Nierva