MAE'R DAITH NEWYDD DDECHRAU
YMUNWCH Â’R SGWRS
YNYRHIFYN HWN
LLYTHYRGAN YPRIFSWYDDOG GWEITHREDOL
Annwyl Ddarllenwyr,
Wrth i ni symud ymlaen gyda'n gilydd i 2025, rwy ' n gyffrous i gyflwyno'r rhifyn newydd hwn o ' n cylchlythyr chwarterol, o ' r enw "Mae’r Daith Newydd Ddechrau" Mae’r rhifyn hwn yn canolbwyntio ar gyfnod hanfodol ôl-fabwysiadu, gan gynnig cymorth, cyngor ac adnoddau i helpu teuluoedd i ffynnu wrth iddynt barhau â’u taith ar ôl mabwysiadu.
Yn y rhifyn hwn, byddwn yn tynnu sylw at yr ystod o wasanaethau cymorth ôlfabwysiadu a ddarparwn, o gyngor ac arweiniad i grwpiau cymorth a hyfforddiant, i gyd wedi’u cynllunio i gynorthwyo teuluoedd wrth iddynt lywio eu pennod newydd gyda’i gilydd. Gyda’n Gwasanaeth Mabwysiadu Gyda’n Gilydd rydym yn cynnig grwpiau cymorth seicoleg arweiniol i deuluoedd a sesiynau ymgynghori seicoleg un i un Mae'r gwasanaethau hyn yn hanfodol i sicrhau bod teuluoedd yn teimlo eu bod yn cael eu cefnogi a ' u grymuso bob cam o ' r ffordd.
Byddwch hefyd yn dod o hyd i wybodaeth am ein Diwrnodau Teuluol sydd ar ddod - cyfleoedd i deuluoedd gysylltu, rhannu profiadau, a chreu atgofion parhaol.
Yn ein herthygl "Mae'n OK peidio bod yn OK," byddwn yn mynd i'r afael â realiti iselder ar ôl mabwysiadu, gan gynnig sicrwydd a chyngor ymarferol i rieni a allai fod yn cael trafferth yn ystod y cyfnod hwn
Byddwn hefyd yn cyflwyno Pecyn Adnoddau wedi’i guradu, yn llawn llyfrau, cymunedau ar-lein, a mwy i arwain teuluoedd ar eu taith. I’r rhai sy’n ystyried mabwysiadu eilwaith, byddwn yn archwilio’r opsiynau a’r ystyriaethau wrth feddwl am ehangu eu teuluoedd unwaith eto.
Gobeithiwn y bydd y rhifyn hwn yn rhoi’r gefnogaeth a’r ysbrydoliaeth sydd eu hangen arnoch wrth i chi barhau ar eich taith. Cofiwch ein bod ni, Dewi Sant, yma i chi bob cam o ' r ffordd
Cofion cynnes,
Jason Baker
JASON BAKER, PRIF SWYDDOG GWEITHREDOL
CWRDDAGAELODO’R TÎM: MARTINAMCCROSSAN
Dirprwy Gyfarwyddwr a Rheolwr
Gwasanaethau Mabwysiadu
C: Rydych wedi cael gyrfa hir ac ymroddedig ym maes mabwysiadu a maethu. Beth arweiniodd at arbenigo yn y maes hwn?
A: Ers cymhwyso fel gweithiwr cymdeithasol yn 1997, rydw i bob amser wedi gweithio gyda phlant a theuluoedd, ac wedi canolbwyntio ar fabwysiadu a maethu Mae helpu plant i ddod o hyd i sefydlogrwydd, cariad a pherthyn yn rywbeth sy’n rhoi boddhad mawr Dros y blynyddoedd, rwyf wedi gweithio i awdurdodau lleol, yn datblygu polisiau, a nawr yn Dewi Sant, ac mae hyn wedi rhoi persbectif eang i mi ar yr heriau a’r cyfleoedd o fewn mabwysiadu.
C: Fe ymunoch chi â Dewi Sant yn 2018 ac wedi cymryd rolau arwain allweddol. Beth sy ' n gwneud y sefydliad hwn yn arbennig i chi?
A: Mae Dewi Sant yn lle gwych i weithio. Mae gennym dîm hynod fedrus a phrofiadol sy ' n mynd yr ail gam bob dydd. Mae’r diwylliant yma yn un o ofal, cefnogaeth, a gweld cryfderau pob plentyn a theulu rydym yn gweithio gyda nhw Mae’n fraint bod yn rhan o sefydliad sy’n rhoi anghenion plant wrth wraidd popeth a wnawn
C: Fel Dirprwy Gyfarwyddwr a Rheolwr Gwasanaethau Mabwysiadu, pa agweddau ar eich rôl ydych chi'n eu mwynhau fwyaf?
A: Er fy mod yn mwynhau ochr strategol a rheolaethol fy rôl, rwyf hefyd yn gwerthfawrogi'n fawr gallu cadw mewn cysylltiad â'r teuluoedd rydym yn gweithio gyda nhw Rwy’n ymwneud â grwpiau cymorth, camau cyfarfod, a hyfforddiant paratoi, sy’n golygu fy mod yn dal i gael meithrin perthynas â mabwysiadwyr a gweld eu teithiau’n atblygu. Mae darparu’r gefnogaeth barhaus honno n rhywbeth rydym yn wirioneddol dda yn ei neud fel sefydliad, ac mae’n rhywbeth rwy’n falch wn ohono.
: Gall mabwysiadu fod yn broses gymhleth ac mosiynol. Sut mae Dewi Sant yn cefnogi euluoedd drwyddo?
: Mae cefnogaeth wrth wraidd yr hyn a wnawn ydym yn cydnabod nad yw mabwysiadu yn orffen gyda lleoliad mae’n daith gydol oes ydym yn cynnig ystod o wasanaethau, o hyfforddiant paratoi i gefnogaeth ôl-fabwysiadu, gan gynnwys mewnbwn therapiwtig, grwpiau cymorth cymheiriaid, a digwyddiadau lle gall teuluoedd gysylltu â’i gilydd. Mae ein hymagwedd yn ymwneud â gwrando, deall, a gweithio ochr yn ochr â theuluoedd i'w helpu i lywio unrhyw heriau sy ' n codi.
C: Gan edrych ymlaen, beth yw eich gobeithion ar gyfer gwasanaethau mabwysiadu yn Dewi Sant?
A: Rwyf am inni barhau i adeiladu ar ein cryfderau— darparu cymorth rhagorol, dadlau dros anghenion plant, a sicrhau bod mabwysiadwyr yn teimlo’n hyderus ac wedi’u paratoi’n dda Mae mabwysiadu’n esblygu, ac mae angen inni barhau i addasu hefyd, boed hynny drwy wasanaethau cymorth arloesol, gwell cysylltiadau â theuluoedd biolegol, neu ffyrdd newydd o helpu plant i ddeall hanes eu bywydau. Rwy’n gyffrous am y dyfodol ac wedi ymrwymo i sicrhau bod Dewi Sant yn parhau i fod ar flaen y gad o ran gwasanaethau mabwysiadu.
MAE'NOKIBEIDIO BODYNOK
Deall Iselder Ôl-Fabwysiadu
Mae mabwysiadu plentyn yn aml yn cael ei ddisgrifio fel profiad trawsnewidiol sy’n cadarnhau bywyd. Gall ddod â llawenydd mawr, gobaith, ac ymdeimlad o gyflawniad wrth i deuluoedd newydd gael eu ffurfio. Fodd bynnag, i rai rhieni mabwysiadol, nid yw cerdded y llwybr o greu teulu bob amser yn llawn hapusrwydd a rhwyddineb. Ar ôl cyffro’r lleoliad a’r addasiadau cychwynnol, nid yw’n anghyffredin profi teimlad y cyfeirir ato’n aml fel y felan ôl-fabwysiadu. Er y gall canlyniadau emosiynol mabwysiadu fod yn annisgwyl ac weithiau’n llethol, mae’n bwysig cofio: mae’n OK i beidio bod yn OK.
Beth yw Iselder Ôl-Fabwysiadu?
Mae Iselder ôl-fabwysiadu yn cyfeirio at y newid emosiynol y mae rhai rhieni mabwysiadol yn ei bro ar ôl cyffro cychwynnol y lleoliad mabwysiadu. Fel arfer mae’n gyfnod o deimlo wedi’n llethu, yn bryderus, neu’n ansicr ynghylch y newidiadau sy’n digwydd yn eich bywyd. Er ei bod yn normal teimlo’n emosiynol yn ystod dyddiau cynnar mabwysiadu, gall iselder ôl-fabwysiadu weithiau bara am wythnosau neu fisoedd wrth i rieni addasu i ddeinameg newydd eu teulu.
Mae’n hanfodol deall bod y teimladau hyn yn normal ac nid ydynt yn golygu eich bod yn methu fel rhiant. Yn union fel y gall rhieni biolegol brofi cymysgedd o emosiynau ar ôl genedigaeth, gall rhieni mabwysiadol wynebu heriau tebyg Efallai y byddwch yn teimlo cymysgedd o lawenydd, euogrwydd, tristwch, rhwystredigaeth, neu hyd yn oed ymdeimlad o unigrwydd
Pam Mae Iselder Ôl-Fabwysiadu yn Digwydd?
Mae yna lawer o resymau pam y gall iselder ôl-fabwysiadu ddigwydd Mae’r newid o ddod yn rhiant, ni waeth sut y byddwch chi'n dod yn rhiant, yn brofiad emosiynol ddwys. Ar gyfer rhieni sy ' n mabwysiadu, gall fod ffactorau straen ychwanegol hefyd, fel:
Addasu i rolau newydd: Gall y broses o ddod yn rhiant, yn enwedig pan nad dyna’r llwybr yr oeddech yn ei ddisgwyl neu’n ei ragweld, greu newid mewn hunaniaeth sy’n anodd ei lywio. Disgwyliadau vs realiti: Ar ôl mabwysiadu, efallai y bydd disgwyliadau uchel y bydd popethmewn bywyd yn berffaith, ond gall y realiti fod yn fwy heriol na ' r disgwyl. Galar a cholled: Gall rhieni mabwysiadol a phlant brofi teimladau o alar dros golledion y gorffennol - megis colli teulu biolegol neu golli'r bywyd yr oeddent yn gyfarwydd ag e.
Heriau bondio: Gall datblygu cwlwm cryf gyda'ch plentyn gymryd amser ac amynedd. Weithiau gall gymryd mwy o amser nag yr ydych yn ei ddisgwyl, gan arwain at rwystredigaeth neu amheuaeth. Diffyg cefnogaeth: Os ydych chi’n teimlo’n ynysig neu os nad yw eraill yn deall beth rydych chi’n mynd drwyddo, gall hyn gynyddu teimladau o unigrwydd neu o fod yn annigonol
Sicrwydd: Nid ydych ar eich pen eich hun
Yn gyntaf ac yn bennaf, mae ' n bwysig gwybod nad ydych ar eich pen eich hun Mae llawer o rieni mabwysiadol yn mynd trwy deimladau tebyg. Mae'r profiad hwn, er ei fod yn anodd, yn rhan o ' r daith. Nid yw eich teimladau yn eich gwneud yn rhiant drwg, ac nid ydynt ychwaith yn adlewyrchu eich gallu i ofalu am eich plentyn. Mewn gwirionedd, mae cydnabod yr anawsterau a cheisio cefnogaeth yn arwydd o gryfder ac ymrwymiad i les eich teulu. Yng Ngwasanaeth Mabwysiadu Dewi Sant, rydym yn deall y gall iselder ar ôl mabwysiadu fod yn rhan o’r broses. Rydyn ni yma i'ch helpu a 'ch cefnogi trwy'r amser anodd hwn, gan gynnig arweiniad a chefnogaeth. Nid oes rhaid i chi lywio hyn ar eich pen eich hun - mae ein tîm yn barod i gerdded ochr yn ochr â chi a sicrhau bod gennych yr adnoddau a ' r cymorth sydd eu hangen arnoch.
Cyngor Ymarferol ar gyfer rheoli Iselder Ôl-Fabwysiadu
Er nad oes ateb cyflym ar gyfer iselder ôl-fabwysiadu, mae sawl ffordd o reoli a llywio’r cyfnod heriol hwn:
Rhowch amser a bod yn rasol atoch eich hun: Mae addasu yn cymryd amser Byddwch yn amyneddgar gyda chi'ch hun a gadewch i chi'ch hun deimlo'r hyn rydych chi'n ei deimlo Mae'n iawn peidio â chael popeth wedi'i sortio ar unwaith
Ceisio cymorth: Boed hynny’n ymwneud â rhieni mabwysiadol eraill, neu’n estyn allan i grwpiau cymorth mabwysiadu, gall siarad ag eraill sy’n deall fod yn gysur. Siaradwch â’ch gweithiwr cymdeithasol am sut rydych chi’n teimlo Mae eich emosiynau’n ddilys, ac rydych chi’n haeddu cefnogaeth.
Ffocws ar hunanofal: Mae gofalu amdanoch eich hun yr un mor bwysig â gofalu am eich plentyn. Neilltuwch amser ar gyfer gweithgareddau sy ' n meithrin eich hunan-les - boed hynny'n sicrhau digon o orffwys, ymarfer corff, mwynhau hobi, neu ddim ond cymryd egwyl pan fo angen. Gosod disgwyliadau realistig: Deall bod y daith o fabwysiadu yn gallu bod lan a lawr. Bydd cyfnodau o lawenydd, ond hefyd cyfnodau o frwydro. Mae'r ddau yn normal, ac nid yw ' r naill na ' r llall yn lleihau'r cariad a ' r gofal sydd gennych am eich plentyn.
Bondio ar eich cyflymder eich hun: Gall y broses o fondio gyda'ch plentyn gymryd amser. Peidiwch â'i frysio na theimlo dan bwysau gan eraill. Yn union fel dych chi'n dysgu am eich plentyn, mae yntau'n dysgu ymddiried a theimlo'n gyfforddus gyda chi. Estynnwch allan am gymorth proffesiynol os oes angen: Os bydd eich teimladau'n parhau neu ' n mynd yn llethol, peidiwch ag oedi cyn estyn allan at weithiwr proffesiynol Gall eich Meddyg Teulu, Ymwelydd Iechyd a gweithwyr cymdeithasol gynnig arweiniad a chymorth wedi'u teilwra i'ch anghenion
Gall iselder ar ôl mabwysiadu fod yn rhan anodd ond arferol o’r daith fabwysiadu. Mae'n arwydd eich bod yn llywio dyfroedd emosiynol dwfn, ac er y gall y ffordd ymddangos yn anodd, yn y pen draw mae ' n rhan o ' r broses ehangach o adeiladu teulu
Nid ydych chi ar eich pen eich hun, ac mae eich
teimladau'n gwbl ddilys Estynnwch allan am gefnogaeth, ymarfer hunanofal, a chofiwch, yn union fel unrhyw bontio arall, bod amser ac amynedd yn allweddol. Yn y diwedd, bydd y cwlwm a adeiladwch gyda'ch plentyn, er y gall gymryd amser, yn fwy na gwerth y daith.
Yng Ngwasanaeth Mabwysiadu Dewi Sant, rydym yma i chi, yn cynnig ein cefnogaeth barhaus i’ch helpu drwy uchafbwyntiau ac isafbwyntiau’r broses fabwysiadu. Mae'n OK peidio bod yn OK - ond mae hefyd yn iawn gofyn am help a chymryd y camau sydd eu hangen arnoch i wella, tyfu, a ffynnu gyda'ch gilydd fel teulu
Adnoddau
·Gwrandwch ar Gyfweliad Dr Lynn Snow yn siarad â Jane Poore, Ymgynghorydd
Mabwysiadu, yn trafod, beth ydyw, ar bwy mae y iselder ar ôl mabwysiadu’n effeithio |
CoramBAAF
Syndrom Iselder Ôl-fabwysiadu (PADS): Beth ydyw, beth all gweithwyr proffesiynol ei wneud i helpu rhieni mabwysiadol i ddelio ag ef gan SM Macrae
Goblygiadau Adolygiad Ymarfer Diogelu Plant Cumbria cwestiynau Whooley
Cadwch mewn Cysylltiad: info@stdavidscsorg
CYMORTH GYDOLOES
Mae pob mabwysiadu yn dechrau gyda phlentyn, ac mae stori pob plentyn yn unigryw. Yn eu blynyddoedd cynnar, efallai y bydd plant wedi profi trawma a all gael effeithiau parhaol. Rydym yn cydnabod bod mabwysiadu yn rhoi boddhad ond hefyd yn heriol, a bod magu plant ag anghenion cymhleth yn aml yn gofyn am gymorth parhaus. Dyna pam rydyn ni yma - wrth eich ymyl bob cam o ' r ffordd - yn gweithredu fel canllaw cyfrifol a chefnogol i deuluoedd
Rydym yn cynnig amrywiaeth o gymorth ôlfabwysiadu, gan gynnwys:
Grwpiau cymorth a chyfarfodydd mabwysiadwyr
Dathliadau'r haf a ' r Nadolig
Hyfforddiant a gweithdai
Cefnogaeth 1 i 1 rheolaidd gan ein tîm gwaith cymdeithasol medrus
Gwybodaeth, cyngor a chymorth i gael mynediad at y gwasanaethau cywir ar gyfer eich plentyn
Ein gwasanaeth Mabwysiadu Gyda’n Gilydd, sy’n cynnwys ymgynghoriadau 1 i 1 gyda seicolegydd clinigol a mynediad at raglenni a arweinir gan
seicolegwyr arbenigol i gefnogi rhianta therapiwtig
Grŵp Facebook caeedig a arweinir gan
fabwysiadwyr ar gyfer cymorth cymheiriaid
Cylchlythyr chwarterol
Mae teuluoedd sy ' n mynychu ein grwpiau cymorth a dathliadau tymhorol yn aml yn aros yn gysylltiedig â'n gwasanaeth am flynyddoedd ar ôl i'r gorchymyn mabwysiadu gael ei roi. Rydym yn cynnig cymorth gydol oes ac yn croesawu cyswllt gan deuluoedd sy’n mabwysiadu ar unrhyw adeg boed ar gyfer cyngor untro neu gymorth i gael mynediad at ymyriadau therapiwtig.
EINGWASANAETH MAETHU
Rydym wrth ein bodd yn rhannu ein bod wedi cymeradwyo ein gofalwyr maeth cyntaf yn ddiweddar, a ddechreuodd eu taith gyda ni i ddechrau drwy ystyried mabwysiadu Mae ein gwasanaeth maethu newydd bellach hefyd yn cynnwys teulu a oedd wedi mabwysiadu’n flaenorol drwy Dewi Sant ac sy’n mynd drwy’r paratoi a’r asesu i fod yn ofalwyr maeth gyda ni Mae’r teuluoedd hyn yn ychwanegu aelwydydd maethu newydd yng Nghymru, lle mae prinder difrifol o ofalwyr maeth gyda llawer o blant yn aros yn hir am gartrefi sefydlog a chefnogol.
Rydym wrthi’n recriwtio gofalwyr maeth newydd i ymateb i’r angen hwn am ofalwyr maeth yng Nghymru. Rydym yn darparu cyngor personol ac adnoddau cynhwysfawr i’ch arwain drwy’r broses faethu, gan sicrhau eich bod yn cael eich cefnogi’n llawn gan Gymdeithas Dewi Sant, i wneud gwahaniaeth ystyrlon ym mywyd plentyn. Os oes gennych ddiddordeb mewn dysgu mwy am sut y gallai dod yn ofalwr maeth edrych i chi, ac yn awyddus i gael effaith barhaol ar fywyd plentyn, mae croeso i chi gysylltu a ni yn fostering@stdavidscs.org.
Mae gofalwyr maeth yn derbyn ffioedd a lwfansau i gefnogi'r rôl, gweler ein gwefan am y wybodaeth ddiweddaraf. Yn Dewi Sant, rydym yn gyffrous i gyflwyno camau cynnar ein Gwasanaeth Maethu newydd, sy’n canolbwyntio ar gwrdd ag anghenion esblygol plant mewn gofal
Wrth i ni gychwyn ar y daith newydd hon, rydym yn falch o gyhoeddi ein bod wedi moderneiddio’r model lleoli, a fydd yn golygu ein bod yn canolbwyntio’n llwyr ar ddarparu gofal i blant 0-12 oed Mae’r dull hwn yn caniatáu inni neilltuo adnoddau i sicrhau bod plant ifanc yn cael y gofal gorau posibl yn ystod eu blynyddoedd ffurfiannol, ac mae hyn yn cynnwys gwasanaeth pontio i gefnogi plant sy’n symud allan o gartrefi preswyl i aelwydydd maethu neu fabwysiadu neu ddychwelyd at deulu biolegol.
Rydym hefyd yn falch o fod mewn sefyllfa i gynnig Parhad Cynnar Cymreig, gan helpu i sicrhau bod anghenion plant yn cael eu diwallu cyn gynted â phosibl, a bod eu sefydlogrwydd hirdymor yn cael ei flaenoriaethu. Er mai megis dechrau y mae ' r gwasanaethau hyn, rydym wed ymrwymo i'w twf a ' u datblygiad er mwyn darparu gofal o ' r safon uchaf i blant sy ' n agored niwed. Rhowch alwad i ni. Gyda'n gilydd, gallwn ddarparu'r cariad, gofal, a sefydlogrwydd y mae plant yn eu haeddu yn ystod eu blynyddoedd mwyaf ffurfiannol.
BLWCH O ADNODDAU
Mae'r Pecyn Cymorth Adnoddau i Fabwysiadwyr yn ganllaw cynhwysfawr sydd wedi'i gynllunio i gefnogi unigolion a theuluoedd wrth iddynt lywio'r daith fabwysiadu. Mae’r pecyn cymorth hwn yn cynnig cyfoeth o wybodaeth ymarferol, cyngor ac adnoddau wedi’u teilwra i anghenion unigryw mabwysiadwyr ar wahanol gamau o’r broses.
O'r penderfyniad cychwynnol i fabwysiadu, trwy baru a lleoli, i gefnogaeth ôl-fabwysiadu, mae ' r blwch o adnoddau wedi'i strwythuro i ddarparu arweiniad bob cam o ' r ffordd Mae'n cynnwys adrannau ar ddeall y fframwaith cyfreithiol, paratoi ar gyfer mabwysiadu, a rheoli'r heriau emosiynol a all godi. Yn ogystal, mae ' n ymdrin â phynciau hanfodol fel ymlyniad, gofal wedi'i lywio gan drawma, ac awgrymiadau ar gyfer meithrin cysylltiadau teuluol cryf.
Mae'r pecyn cymorth hefyd yn cynnwys cyfraniadau gan fabwysiadwyr profiadol, gweithwyr cymdeithasol, a seicolegwyr, gan gynnig mewnwelediadau bywyd go iawn a chyngor proffesiynol. Mae adnoddau megis rhestrau gwirio, templedi, a llenyddiaeth a argymhellir wedi'u cynnwys i helpu mabwysiadwyr i fod yn drefnus ac yn wybodus
P’un a ydych newydd ddechrau arni neu’n chwilio am gymorth parhaus, nod y Blwch Adnoddau i Fabwysiadwyr yw eich grymuso â’r wybodaeth a’r offer sydd eu hangen i greu amgylchedd cariadus, cefnogol i’ch plentyn. Mae'r adnodd hwn yn gydymaith amhrisiadwy i sicrhau profiad mabwysiadu llyfn a chadarnhaol.
LLYFRAU
Adopting a Child, Jennifer Lord, 2021, 12fed argraffiad
Mae'r canllaw cynhwysfawr hwn yn lyfr sydd wedi gwerthu fwyaf ac yn adnabyddus am ei esboniadau clir am fabwysiadu. Mae'n ymdrin ag ystyr mabwysiadu, proffiliau amrywiol plant sy ' n aros i gael eu mabwysiadu, y mathau o deuluoedd y mae asiantaethau'n eu ceisio, a chanllawiau gam wrth gam ar sut i lywio'r broses fabwysiadu Mae cynnwys astudiaethau achos byr yn helpu darllenwyr i ddeall senarios bywyd go iawn a deall y daith fabwysiadu yn well
The Pink Guide to Adoption for Lesbians and Gay Men, Nicola Hill, 2020, 3ydd argraffiad
Adnodd arloesol sydd wedi'i deilwra'n benodol ar gyfer unigolion LGBTQ+ sy ' n ystyried mabwysiadu. Mae'n darparu archwiliad manwl o ' r broses fabwysiadu o safbwynt LGBTQ+, gan fynd i'r afael â heriau ac ystyriaethau unigryw. Mae'r llyfr wedi'i gyfoethogi â dyfyniadau a straeon gwir, sy ' n ei wneud yn ganllaw anhepgor i unrhyw berson lesbiaidd neu hoyw sy ' n ystyried mabwysiadu.
Flying Solo, Julia Wise, 2007
Mae'r llyfr ysbrydoledig hwn yn ymchwilio i realiti rhianta sengl ar ôl mabwysiadu Gan dynnu ar brofiadau personol, mae ' r awdur yn rhannu straeon twymgalon, camgymeriadau, a mewnwelediadau gwerthfawr. Mae'r llyfr yn atseinio'n ddwfn gyda mabwysiadwyr sengl, gan gynnig cyngor ymarferol ac awgrymiadau da ar gyfer llywio cymhlethdodau magu plentyn mabwysiedig yn annibynnol.
The Adopter’s Handbook, Amy Neil Salter, 2018
Yn adnodd hanfodol ar gyfer rhieni sy’n mabwysiadu, mae’r llawlyfr hwn yn darparu gwybodaeth gynhwysfawr, adnoddau, a gwasanaethau trwy gydol y daith fabwysiadu a thu hwnt. Wedi’i drefnu mewn fformat cyfeirio cyflym, mae’n cynnig mewnwelediad i sefydliadau defnyddiol ac yn rhoi’r wybodaeth sydd ei hangen ar deuluoedd i gefnogi plant mabwysiedig a meithrin llesiant teuluoedd.
Promoting Attachment and Resilience, Gillian Schofield a Mary Beek, 2014
Mae’r canllaw ymarferol hwn wedi’i gynllunio i gefnogi mabwysiadwyr i ddarparu gofal sensitif i blant cythryblus sydd wedi profi trawma a cholled. Mae'n cyflwyno'r model Secure Base o roi gofal, gan gynnig fframwaith gwerthfawr a dull sy ' n seiliedig ar gryfderau ar gyfer deall anghenion ac ymddygiadau plant Mae'r llyfr yn amlinellu dimensiynau gofal sy ' n hanfodol i blant ffynnu a chyflawni eu potensial
The Unofficial Guide to Adoptive Parenting, Sally Donovan, 2014
Wedi'i ysgrifennu o safbwynt hynod bersonol, mae ' r llyfr hwn yn cynnig cyngor realistig i rieni sy ' n mabwysiadu. Mae’n pontio gwybodaeth broffesiynol am drawma ac ymlyniad â phrofiad uniongyrchol yr awdur fel rhiant i ddau o blant sydd wedi dioddef trawma. Mae darllenwyr yn cael mewnwelediad i lywio heriau o ddydd i ddydd, ymateb i doriadau, a meithrin eu plentyn mabwysiedig tra’n cofleidio amherffeithrwydd.
oetal Alcohol Spectrum Disorder: Parenting a child with an invisible disability, Dr. Mary Mather a Julia Brown, 2014
Mae’r llyfr unigryw hwn yn mynd i’r afael â heriau magu plant â FASD (Foetal Alcohol Spectrum Disorders). Mae Dr Mather, arbenigwr meddygol enwog, yn esbonio'r rhesymau y tu ôl i ymddygiad y plentyn, tra bod Julia Brown, rhiant i ddau o blant ag FASD, yn rhannu strategaethau ymarferol a gwybodaeth bywyd go iawn Mae'r llyfr yn werthfawr nid yn unig i rieni ond hefyd i weithwyr proffesiynol sy ' n cefnogi teuluoedd y mae FASD yn effeithio arnynt
Adoption Conversations: What, when and how to tell, Renée Wolfs, 2008 - Mae'r canllaw manwl hwn yn canolbwyntio ar fynd i'r afael â chwestiynau a allai fod gan blant mabwysiedig ac yn cynnig awgrymiadau ar gyfer esboniadau sy ' n briodol i'w hoedran. Er ei fod yn trafod anghenion plant sydd wedi’u mabwysiadu’n rhyngwladol yn bennaf, mae’r cyngor ymarferol a gynigir yn berthnasol i unrhyw blentyn mabwysiedig, gan helpu rhieni i lywio sgyrsiau pwysig gyda sensitifrwydd a dealltwriaeth.
Cyfres The Parenting Matters gan CoramBAAF
Mae'r gyfres hon yn drysorfa o wybodaeth arbenigol a phrofiadau bywyd go iawn sy ' n ymdrin â chyflyrau iechyd amrywiol plant. Mae mabwysiadwyr a gofalwyr maeth yn rhannu eu profiadau ac yn cynnig cyngor ymarferol, gan wneud y llyfrau hyn yn adnoddau amhrisiadwy i unrhyw un sy’n ystyried magu plentyn â heriau iechyd penodol. Mae'r pynciau'n cynnwys Trawma, Anhwylderau Genetig, Trais yn y Cartref, Materion hunan-niweidio, Materion Iechyd Meddwl, Rhieni'n Camddefnyddio Sylweddau, Oedi Datblygiadol, Materion Cwsg, a mwy
AR-LEIN
Canolfan Ragoriaeth mewn Trawma Plant
Post Institute
Bryan Post yn cyflwyno persbectif unigryw ar thiau cam-drin ac esgeuluso plant, gan fynd i'r afael ag ddygiadau hirhoedlog sy ' n deillio o ' r profiadau hyn Mae dull yn ymestyn i gyflyrau amrywiol fel Anhwylder yniad Adweithiol, Her Gwrthwynebol, ADHD, istiaeth, PTSD, Iselder, a Gorfywiogrwydd, gan ddarparu einiad gwerthfawr i rieni ac addysgwyr. Archwiliwch fwy ianel YouTube The Post Institute
Mae’r platfform cydweithredol hwn yn dwyn ynghyd arbenigedd o Inspire Training Group, Cymdeithas Genedlaethol y Rhieni Therapiwtig, Sarah Naish (Siaradwr ac Awdur Allweddol), Canolfan Rhianta a Lles
The Haven, a SAfER Fostering Mae eu fideos yn ymdrin â phynciau fel rhianta PACE, technegau dadddwysáu, a deall plant sydd wedi'u trawmateiddio Archwiliwch yn ddyfnach ar sianel YouTube y Ganolfan Ragoriaeth mewn Trawma Plant - The Centre of Excellence in Child Trauma YouTube Channel
Seicoleg SEWAS
Wedi'i theilwra'n benodol ar gyfer rhieni sy ' n mabwysiadu, mae ' r gyfres YouTube hon gan South East Wales Adoption Service Psychology yn ymchwilio i faterion sy ' n ymwneud â mabwysiadu. Mae'r pynciau'n cynnwys cefnogi'ch plentyn, hunanofal i rieni, a deall effaith trawma ar yr ymennydd. Archwiliwch eu cynnwys ar Sianel YouTube Seicoleg SEWAS
Beacon House
Gwasanaeth therapiwtig arbenigol sy ' n canolbwyntio ar drawma a cholled, mae Beacon House yn rhoi cipolwg ar atgyweirio trawma cynnar, y cysyniad o 'Ffenestr Goddefgarwch', a thechnegau sylfaen Dysgwch fwy o ' u fideos ar Sianel YouTube Beacon House
Gwasanaeth Mabwysiadu Dewi Sant
Cael mynediad at weithdai ac adnoddau ar fabwysiadu trwy eu gwefan Vimeo. Mae'r pynciau a drafodir yn cynnwys Gweithdy Teulu a Ffrindiau, grwpiau mabwysiadu brodyr a chwiorydd, a rhianta PACE. Mae rhywfaint o gynnwys wedi'i ddiogelu gan gyfrinair, yn hygyrch gyda'r cyfrinair Workshop123. Archwiliwch eu cynigion yn Vimeo Cymdeithas Plant Dewi Sant
AUK Cymru - Mae AUK yn darparu ystod o wasanaethau cymorth ledled Cymru
TELEDUAFFILMIAU
Lost Boys & Fairies
Stori gerddorol dwymgalon am gw Gabriel, ar eu taith fabwysiadu, a ys Fabwysiadwr Dewi Sant. Mae'r stor uchafbwyntiau a ' r isafbwyntiau em yn eu hwynebu, o heriau cymdeith fuddugoliaethau llawen. Trwy gerdd deimladol, mae eu stori yn dangos cael ei ddiffinio gan waed ond gan a ' r bond dwfn y maent yn ei rannu.
The Stories We Bring with Us
Negeseuon ar gyfer rhieni mabwysiadol gan bobl fabwysiedig" PAC-UK greodd y ffilm fer hon a gomisiynwyd gan Dîm y Strategaeth Fabwysiadu
Genedlaethol trwy Raglen Arweinwyr yr
Asiantaethau Mabwysiadu Rhanbarthol, a ariennir gan yr Adran Addysg. Cynhyrchwyd gan
Thunderbrain Productions. Dewch o hyd i ragor o wybodaeth am PAC-UK Yma
Ein Bywydau Cyfres 6: Searching for My Other Mam
Mae Gerallt Wyn Jones, a fagwyd yn Gymraeg gan ei rieni gwyn mabwysiadol, yn cychwyn ar daith i ddod o hyd i'w rieni biolegol Wedi'i eni'n ddu i fam wen heb briodi ym 1973, rhoddwyd Gerallt i ffwrdd pan oedd yn ychydig wythnosau oed Wedi'i fagu yn y gogledd-orllewin gwyn iawn, yn siarad Cymraeg, roedd bob amser yn teimlo'n wahanol. Bron i 50 mlynedd yn ddiweddarach, gan ofni y gallai fod yn rhy hwyr, mae ' n chwilio am ei dad du, ei dreftadaeth, a ' r fam wen ifanc a deimlai nad oedd ganddi ddewis ond ei roi i ffwrdd. Cyswllt BBC iPlayer
Adoption Shared – Black Voices
Mae cyfres o bodlediadau yn canolbwyntio ar fabwysiadu yn y gymuned Ddu. Wedi'i gynnal gan Eddie Elliott ar gyfer We Are Family, mewn partneriaeth ag Adopt London. Mae'r podlediadau'n cynnwys rhieni sy ' n mabwysiadu, mabwysiadwyr, a gweithwyr proffesiynol mabwysiadu yn rhannu eu profiadau. Cliciwch y ddolen ar gyfer podlediadau Lleisiau Du, sy ' n amlygu llawenydd a heriau mabwysiadu o fewn y gymuned Ddu.
Gwrandewch yma
Black Ballad
Mae platfform ffordd o fyw yn y DU ar gyfer menywod Du, hefyd yn cynnal podlediad o ' r enw "The Realities of the Adoption Process and How We Can Better Centre Adoptees."
Mae'r bennod hon yn cynnwys pum menyw Ddu Brydeinig yn rhannu eu safbwyntiau unigryw ar fabwysiadu. Mae’n archwilio’r profiad o fabwysiadu plentyn ac yn pwysleisio pwysigrwydd canoli mabwysiadwyr. Diolch yn arbennig i’r menywod anhygoel ac Adopt London am ddod â’r podlediad hwn yn fyw, yn ogystal â thîm cynhyrchu Black Ballad
Gwrandewch yma
PODLEDIADAU
Truth Be Told
Mae'r podlediad yn cynnwys straeon go iawn gan deuluoedd mabwysiadol yng Nghymru, gan gynnig golwg wirioneddol ar fabwysiadu P'un a ydych chi ystyried mabwysiadu, yn aros i ddechrau teulu, neu ' n rhiant yn barod, nid ydych chi ar eich pen eich hun yn wynebu heriau. Mae mabwysiadu yn agored i bawb, waeth beth fo'ch cefndir.
Gwrandewch ar fabwysiadwyr amrywiol yn rhannu eu profiadau a dewch o hyd i ysbrydoliaeth ar gyfe eich taith fabwysiadu Yma
Y Podlediad A&F
Archwiliwch fwy am faethu, mabwysiadu, perthynas, a pharhad plant gyda The A&F Podcast, Gwrandewch yma
New Family Social
Adoption, Fostering & Tea: The New Family Social Podcast Adoption, & Fostering yn sgwrsio gyda phobl sydd wedi ei wneud, o elusen fabwysiadu a maethu LGBTQ+ y DU, New Family Social. Gwrandewch Yma
Mum… Again
Yn ‘Mum… Again,’ mae Angela Frazer-Wicks yn rhannu ei thaith ryfeddol fel mam, gan gynnig persbectif pwerus ar fabwysiadu a phrofiadau teuluol. Gwrandewch Yma
Spotlight on FASD
Spotlight on FASD yw podlediad cyntaf y DU sy ' n ymroddedig i Sbectrwm Anhwylderau Alcohol y Ffoetws (FASD), sy ' n mynd i'r afael â phynciau o ddiagnosis i addysg. Cyrchwch y fersiwn sain ar Apple Podcasts Yma
FEIBS CADARNHAOL 2025
Rydym wrth ein bodd i barhau i gynnig ychwanegiad arbennig i'n cylchlythyr safonol Ym mhob rhifyn, rydym yn cynnwys Rhestr Chwarae Positive Vibes Dewi Sant casgliad wedi'i guradu'n ofalus o alawoni godi calon a theimlo'n dda a gynlluniwyd i ysbrydoli positifrwydd a dod â llawenydd i wrandawyr.
Wedi'i chreu gan Gymdeithas Plant Dewi Sant, mae ' r rhestr chwarae hon yn ein hatgoffa o bŵer cerddoriaeth wrth hybu lles emosiynol a gwydnwch. Gyda chyfuniad o genres ac artistiaid, mae’n amlygu caneuon sy’n annog gobaith, undod, a thwf personol, gan ei wneud yn drac sain perffaith i deuluoedd, plant, a chefnogwyr fel ei gilydd
P'un a ydych yn dathlu cerrig milltir neu ' n chwilio am eiliad o godi calon, mae Rhestr Chwarae Positive Vibes Dewi Sant yn siŵr o fywiogi eich diwrnod.
Gwrandewch Yma
CYSYLLTWCH
Gwasanaeth Mabwysiadu Dewi Sant 28 Plas y Parc, Caerdydd CF10 3BA
029 2066 7007 neu info@stdavidscsorg
DILYNWCH NI
Dilynwch ni ar Instagram, Facebook a YouTube
RHODDWCH
Fel Elusen gofrestredig efallai yr hoffech ystyried cefnogi gwaith Dewi Sant Bydd eich cyfraniad yn helpu i sicrhau bod pob plentyn sydd â chynllun mabwysiadu yng Nghymru yn cael ei leoli gyda theulu cariadus a’i gefnogi i gyrraedd ei lawn botensial YMA
Swyddfa Gofrestredig: 28 Plas y Parc, Caerdydd CF10 3BA
Mae Cymdeithas Plant Dewi Sant wedi’i chofrestru fel elusen gyda Chomisiwn Elusennau Cymru a Lloegr (Rhif Cofrestru: 509163) a chwmni cyfyngedig drwy Warant (Caerdydd Cofrestredig 1546688)
Gwasanaeth Mabwysiadu Dewi Sant yw enw brand gwasanaeth mabwysiadu Cymdeithas Plant Dewi Sant.
St David’s Children Society is registered as a charity with the Charity Commission for England and Wales (Registration No: 509163) and a company limited by Guarantee (Registered Cardiff 1546688) St David’s Adoption Service is the brand name of the St David’s Children Society’s adoption service
© Cymdeithas Plant Dewi Sant 2024
