Pecyn Gwybodaeth Maethu Dewi Sant

PECYN GWYBODAETH MAETHU

CROESO I DEWI SANT Diolch am eich ymholiad! Gobeithiwn y bydd y wybodaeth ganlynol yn ddefnyddiol i chi wrth i chi gymryd eich cam cyntaf ar y llwybr i fod yn ofalwr maeth.

Mae’r llyfryn hwn wedi’i gynllunio i roi trosolwg i chi o’r broses faethu, o’r cychwyn cyntaf pan fyddwch yn gwneud ymholiad am y tro cyntaf hyd at gael plentyn i symud i’ch cartref, a’r cymorth cyson y byddwch yn ei dderbyn.

LLYTHYR ODDI WRTH CATE

Diolch am eich diddordeb mewn maethu gyda Gwasanaeth Maethu Dewi Sant. Rydym wrth ein bodd eich bod wedi cymryd y cam cyntaf hwn gyda ni. Mae Dewi Sant yn elusen ddi-elw ac rydym yn ymfalchïo mewn cynnig cefnogaeth o’r eiliad y byddwch yn gwneud y penderfyniad i ddod yn rhiant maeth hyd at ddod yn deulu, a thu hwnt. Rydyn ni yma i chi bob cam o'r ffordd, gan gynnig cymorth fel y norm, p'un a ydych chi'n rhiant maeth newydd neu wedi bod yn rhiant maeth ers blynyddoedd lawer.

Rydym yn croesawu ceisiadau gan bob sector o’r boblogaeth ac rydym yn seilio ein gwaith ar y gred fod yna lawer o bobl allai ddod yn ofalwyr maeth a rhoi’r anogaeth sydd ei angen ar blant i gyflawni eu potensial. Gall maethu fod yn heriol ond gall hefyd roi boddhad mawr. Gobeithiwn, wrth i chi edrych dros y pecyn gwybodaeth hwn, y bydd yn rhoi trosolwg llawn i chi o’r broses faethu gyda Dewi Sant, a gwybodaeth a fydd yn eich helpu i benderfynu a ydych am symud ymlaen.

Cofiwch ein bod ni yma i ateb unrhyw gwestiynau sydd gennych, a p'un ai fi neu un o'm tîm fyddwch chi'n siarad ag ef i ddechrau, edrychwn ymlaen at glywed gennych.

Catherine Gates Rheolwr Tîm Maethu

Gates Cate CATE, RHEOLWR TÎM MAETHU

PECYN GWYBODAETH MAETHU 1

AM DEWI SANT

1

BETH YW MAETHU?

2

GWNEUD CAIS I FAETHU

3

Y CAM CYNTAF

5 7

YR AIL GAM

8

HYFFORDDIANT A CHEFNOGAETH

8

TALIADAU A BUDD-DALIADAU

9

Y CAMAU NESAF

DOD O HYD I LEOLIADAU

YNGHYLCH DEWI SANT Mae Gwasanaeth Maethu Dewi Sant yn rhan o Wasanaeth Plant ehangach Dewi Sant sydd hefyd yn cynnwys: Gwasanaeth Mabwysiadu Dewi Sant, sef asiantaeth fabwysiadu hynaf Cymru.

AFKA Cymru sef Cymdeithas Maethu, Mabwysiadu a Gofal Perthnasau Cymru sy'n cynnig hyfforddiant a chyngor i'r sector sefydlogrwydd yng Nghymru. Cymdeithas Plant Dewi Sant Gwasanaeth Mabwysiadu Dewi Sant AFKA Cymru.

Mae holl deulu Dewi Sant yn ymroddedig i gefnogi a hyrwyddo bywyd teuluol, beth bynnag fo’i drefn, i bobl yng Nghymru. Rydym yn elusen ac felly nid er elw.

BETH YW MAETHU?

Mae yna lawer o resymau pam fod angen teulu maeth ar blant a phobl ifanc ac mae llawer o wahanol fathau o faethu sydd i gyd yn adlewyrchu anghenion y plant sy'n dod i mewn i'r system ofal, a'u teuluoedd.

Efallai mai dim ond am ychydig ddyddiau y bydd yr angen hwn, unwaith yn unig, neu fel cymorth rheolaidd. Neu gallai fod am sawl mis tra bod penderfyniadau’n cael eu gwneud mewn perthynas ag anghenion hirdymor plant, megis cymorth i ddychwelyd adref gyda theulu, maethu tymor hwy neu fabwysiadu.

Mae rhieni maeth yn gweithio fel rhan o'r tîm o amgylch y plentyn. Maent yn arbenigwyr gofal plant sy'n gweithio fel rhan o dîm o weithwyr proffesiynol sy'n cynnig cariad, anogaeth a chynhesrwydd i’r plant, i'w helpu i gyflawni eu potensial a chael profiad cadarnhaol o fywyd teuluol. Yn ddelfrydol ac fel arfer bydd hyn yn digwydd yn ddaearyddol agos at eu cartref eu hunain. Mae bod yn ofalwr maeth yn dod gyda’i 1 heriau, ond hefyd gwobrau enfawr o allu gwneud gwahaniaeth ym mywydau plant.

GWNEUD CAIS I FAETHU Yn ychydig dudalennau nesaf y pecyn gwybodaeth hwn byddwn yn esbonio proses yr asesiad maethu a’r camau mae’n rhaid eu cymryd i ddod yn rhiant maeth cymeradwy a bod mewn sefyllfa i fod yn barod ar gyfer lleoliad plentyn neu blant.

Rydym yn gwerthfawrogi y gall y camau hyn ymddangos yn llethol ac rydym yn annog unrhyw un sydd â diddordeb mewn maethu i gysylltu â ni am sgwrs gydag aelod o’n tîm profiadol i siarad am y broses, am eich amgylchiadau chi, ac am anghenion plant a’r holl fathau gwahanol o faethu.

Mae angen i ni o leiaf sicrhau bod ymgeiswyr: Dros 21 oed - gydag o leiaf un ystafell wely sbâr.

Yn byw yng Nghymru.

Heb gael eich collfarnu na'ch rhybuddio am rai troseddau penodol. (Mae yna rai troseddau a fydd yn eich atal rhag mabwysiadu, ond nid yw llawer o droseddau yn gwneud hynny. Os oes gennych rybuddion neu euogfarnau blaenorol, trafodwch gyda ni).

Ddim yn berchen ar unrhyw gŵn a ddiffinnir yn y categori ‘cŵn gwaharddedig’ fel y’u categoreiddiwyd gan Defra.

Mae ein hadran Cwestiynau Cyffredin ar ein gwefan yn mynd i lawer mwy o fanylion am amgylchiadau unigol, ac rydym yn argymell ei darllen. Ond rydyn ni’n deall, fel mae pob plentyn yn wahanol, bod pob teulu yn wahanol, ac efallai bod rhywbeth yr hoffech chi ei drafod gyda ni nad yw wedi ei grybwyll. Yn lle meddwl nad oes gobaith i chi faethu, cysylltwch â ni i siarad amdano.

2

Y CAM CYNTAF Ni ddylai Cam Un gymryd mwy na dau fis ac mae'n ymwneud yn bennaf â hyfforddiant, gwiriadau a’r tystlythyrau a nodir isod. Bydd hefyd rhai tasgau paratoi i chi eu cwblhau.

Gwiriadau a thystlythyrau ar y cam hwn: Gwiriad DBS y DU – anfonir e-bost atoch i gwblhau DBS ar-lein. Bydd Dewi Sant yn talu cost y DBS yn y DU yn unig.

Gwiriadau tramor - os ydych wedi byw dramor am gyfnod estynedig ers 18 oed. Byddai unrhyw gostau yn daladwy gennych chi.

Asesiad Iechyd/Meddygol gyda’ch Meddyg Teulu – rhaid i’r asiantaeth gael adroddiad ysgrifenedig am iechyd darpar fabwysiadydd. Mae’n hanfodol bod gwiriad meddygol yn digwydd cyn gynted â phosibl o fewn y cyfnod o ddau fis er mwyn iddo gael ei ystyried gan gynghorydd meddygol yr asiantaeth.

Gwiriad Awdurdod Lleol o'r 10 mlynedd flaenorol.

Gwiriadau CiW (Plant yng Nghymru) neu OFSTED mewn perthynas â'r ymgeiswyr eu hunain.

Gwiriadau cyflogaeth gan gyflogwr presennol, neu gan gyfrifydd os ydych yn hunangyflogedig. Bydd angen gwiriad gan gyflogwyr blaenorol os ydych wedi gweithio gyda phlant neu bobl agored i niwed.

Gwiriadau eraill gan aelodau’r cartref, e.e. aelodau eraill o'r teulu neu oedolion sy'n byw yn eich cartref.

Geirdaon personol a theuluol. Dylai'r rhain gynnwys o leiaf ddau ganolwr nad ydynt yn perthyn i chi ac, os ydych yn gwneud cais fel cwpl, mae'n ddefnyddiol cael geirda hirsefydlog gan bob darpar ofalwr.

Geirda cyn bartner. Pan fo darpar ofalwr wedi magu plant neu ofalu am blant lle roedd perthynas arwyddocaol, byddai geirda yn cael ei geisio. Rydym yn deall y gall hyn fod yn anghyfforddus, ond mae angen sicrhau bod plant yn ddiogel. Pe byddai risg sylweddol gan bartner blaenorol am unrhyw reswm, yna ceisir tystiolaeth allanol o'r berthynas honno gan ganolwyr neu ffynonellau eraill.

Gwiriadau ysgol neu feithrinfa. Os oes gennych blentyn yn byw gyda chi ar hyn o bryd, byddwn yn gofyn am eirda ysgol neu feithrinfa.

Gwiriadau SSAFA. Os ydych chi erioed wedi cael eich cyflogi gan y fyddin/RAF/Lluoedd Prydain, mae angen gwiriad SSAFA. Asiantaethau Maethu a Mabwysiadu Eraill. Os ydych yn ofalwr maeth gydag asiantaeth arall ar hyn o bryd, neu wedi gwneud cais o'r blaen i fod yn ofalwr maeth neu riant mabwysiadol, byddwn yn gofyn am eirda gan yr asiantaethau hynny.

Ar gyfer rhai o’r gwiriadau bydd angen cael golwg ar wybodaeth hynod bersonol er mwyn cadarnhau hunaniaeth yr ymgeisydd e.e. cyfrif banc, slip cyflog ac ati. Efallai y bydd sieciau a geirdaon eraill sy'n berthnasol i'ch cais, a byddai'r rhain yn cael eu trafod gyda chi fesul achos. Ar bob pwynt yn y broses asesu, bydd y Gweithiwr Cymdeithasol sy'n asesu yn ceisio bod mor gefnogol â phosibl.

3

Y CAM CYNTAF Paratoi i Faethu - Y Cam Cyntaf Byddwch yn cael eich gwahodd i fynychu cwrs tridiau Paratoi i Faethu a fydd yn rhoi dealltwriaeth o’r mathau o blant sydd angen teuluoedd maeth, sut y gall eu profiadau o gam-driniaeth neu esgeulustod effeithio ar eu hymddygiad a/neu ddatblygiad, a sut y gall rhianta therapiwtig helpu. Cynhelir y cwrs dros dri diwrnod olynol, a rhaid i chi fynychu pob diwrnod.

Mae yna ddull cyfunol o gyflwyno’r cwrs, yn rhannol ar lein, a phan yn bersonol fe’i cynhelir yng Nghaerdydd.

Cwblhau’r Cam Cyntaf ar ddiwedd y Cam hwn Mae eich gweithiwr cymdeithasol yn cyflwyno adroddiad i reolwr a bydd penderfyniad yn cael ei wneud a allwch symud ymlaen i’r Ail Gam ai peidio.

Gellir cynnal cyfarfod adolygu gyda rheolwr. Os na allwn barhau am unrhyw reswm, bydd y rhesymau dros hyn yn cael eu rhannu gyda chi. Bydd y penderfyniad hwn yn cael ei gadarnhau mewn ysgrifen.

4

YR AIL GAM .

Ar ôl cwblhau y Cam Cyntaf yn llwyddiannus, rydym yn eich croesawu i Ail Gam yr asesiad maethu. Bydd eich gweithiwr cymdeithasol yn trefnu ymweliadau wythnosol yn ystod yr Ail Gam ac yn cwblhau asesiad manwl ohonoch. Mae eich gweithiwr cymdeithasol yn debygol o osod tasgau y bydd angen i chi eu cwblhau.

Rydym yn argymell bod yn gwneud yn siwr fod gennych yr amser a’r lle i gwblhau’r tasgau hyn ac na fyddwch yn cael digwyddiadau bywyd arwyddocaol ar yr adeg hon, e.e. symud tŷ, adeiladu estyniad i dŷ, gwyliau estynedig. Ein nod yw cwblhau yr Ail Gam o fewn pedwar mis a bydd gennych chi a'ch gweithiwr cymdeithasol ddyddiad panel y byddwch yn gweithio tuag ato.

Yn ystod yr Ail Gam byddwn yn casglu: Gwybodaeth amdanoch chi ac, os ydych chi'n gwneud cais fel cwpl, yn trafod eich perthynas Gwybodaeth am eich teulu ehangach a’ch rhwydwaith cymorth Gwybodaeth am eich cartref a'i addasrwydd ar gyfer plentyn Eich profiad gofal plant a'ch gallu i fagu plant Eich anghenion dysgu, a deall goblygiadau hirdymor gofal maeth Eich gallu i gefnogi plant o gefndiroedd a allai fod yn wahanol i'ch rhai chi. h.y. tarddiad hiliol, crefydd, diwylliant, iaith a chyfeiriadedd rhywiol.

Gwiriad cyfryngau cymdeithasol a fydd yn cael ei gwblhau gyda chi.

Rydym yn cydnabod y gall y broses asesu fod yn frawychus, ond rydym yno i'ch cefnogi drwy'r broses.

Ein nod yw bod yn agored ac yn onest gyda chi trwy gydol y broses gyfan. Os bydd gennym unrhyw bryderon, byddwn yn trafod y rhain gyda chi cyn gynted â phosibl. Rydym hefyd am i chi fod yn agored ac yn onest gyda ni ac, os oes gennych unrhyw amheuon, eu rhannu gyda ni.

5

Ar ddiwedd yr asesiad, bydd eich gweithiwr cymdeithasol yn ysgrifennu ei adroddiad yn yr hyn a elwir yn ‘Ffurflen F’. Bydd hwn yn cael ei gyflwyno i banel maethu Dewi Sant gydag argymhelliad eich gweithiwr cymdeithasol am eich addasrwydd i faethu. Os na allant wneud argymhelliad cadarnhaol am unrhyw reswm, bydd hyn yn cael ei drafod gyda chi.

YR AIL GAM .

Bydd y ‘Ffurflen F’ yn cael ei rhannu gyda chi, i chi ei darllen ac ychwanegu eich barn. Mae tystlythyrau yn gyfrinachol, yn ogystal â’r gwiriadau a ddarperir gan drydydd parti, ac ni ellir rhannu'r rhain â chi. Fe'ch gwahoddir i fynychu'r panel a gynhelir yn ein swyddfa yng Nghaerdydd, mae hwn yn gyfle gwych i aelodau'r panel gwrdd â chi'n bersonol. Wedyn, bydd y panel yn gwneud argymhelliad.

Byddwch yn cael gwybod am yr argymhelliad hwn dros y ffôn o fewn 24 awr i gynnal y panel. Yna anfonir yr argymhelliad hwn, ynghyd â'r cofnodion, at yr ADM sydd ag uchafswm o 10 diwrnod gwaith i benderfynu a ydych yn addas i faethu. Byddwch yn cael gwybod am hyn trwy lythyr. Os caiff eich cais ei gymeradwyo, byddwch wedyn yn rhieni maeth cymeradwy a gellir eich ystyried ar gyfer y plant sydd ar gael. Bydd mwy am hyn yn cael ei esbonio yn yr adran nesaf.

Bydd eich Gweithiwr Cymdeithasol yn eich cefnogi yn hyn o beth. Os na all Dewi Sant eich cymeradwyo fel rhywun addas i faethu, gallwch naill ai dderbyn hyn a thynnu’n ôl, gofyn i naill ai Dewi Sant adolygu’r penderfyniad, neu wneud cais i’r Mecanwaith Adolygu Annibynnol (IRM) am adolygiad. Mae gennych 20 diwrnod i ofyn am hyn yng Nghymru.

6

DOD O HYD I LEOLIADAU Drwy gydol eich asesiad, byddwch chi a’ch gweithiwr cymdeithasol yn trafod oedrannau, anghenion a chefndir y plant y byddech chi’n ystyried eu maethu.

Gwneir hyn drwy ddefnyddio astudiaethau achos, eich cyfeillio â gofalwyr maeth presennol, a hefyd drwy sgyrsiau am eich cryfderau a'ch sgiliau eich hun a thrafodaethau ar eich dewisiadau o ran darpariaeth faethu. Bydd hyn yn helpu i benderfynu beth allwch chi ei gynnig a sut olwg fydd ar eich statws cymeradwyo. Unwaith y bydd y penderfyniad ADM wedi'i wneud, bydd eich gweithiwr cymdeithasol yn eich cyfeirio at y 4C's (Consortiwm Comisiynu Plant Cymru) lle byddwch yn dangos eich bod ar gael i weithwyr cymdeithasol gofal plant sy'n chwilio am y lleoliad cywir ar gyfer plentyn neu blant, ac sy'n gallu anfon proffiliau i chi eu hystyried.

Os yw eich gweithiwr cymdeithasol yn meddwl bod cyfatebiaeth dda, bydd yn trafod anghenion y plentyn, a’r cryfderau a’r anghenion cymorth posibl a allai ddod yn sgil y lleoliad gyda chi. Byddant yn penderfynu gyda chi a ydynt am gynnig lleoliad i chi.

Os bydd yr holl bartïon yn cytuno mai dyma'r cydweddiad cywir yna bydd paratoadau'n dechrau i drosglwyddo'r plentyn i'ch cartref. Fel arfer, bydd eich gweithiwr cymdeithasol yno i’ch cefnogi yn y paratoadau hyn, dros ddyddiau cynnar y lleoliad a thu hwnt, gan ymweld yn rheolaidd, cyfathrebu â chi, â gweithiwr cymdeithasol y plentyn ac unrhyw weithwyr proffesiynol eraill sy’n gysylltiedig.

7

Fel rhiant maeth, bydd gofyn i chi gadw cofnodion dyddiol unwaith y lleolir plentyn. Bydd y rhain yn cael eu rhannu a'u defnyddio i lywio penderfyniadau a wneir ar ran y plentyn yn eich gofal ac i gefnogi arferion gofalu diogel, a gallant chwarae rhan hanfodol i helpu’r plant sy'n derbyn gofal ddeall eu hamser gyda chi a'u taith i’r blynyddoedd dilynol.

HYFFORDDIANT A CHEFNOGAETH Mae bod yn rhiant maeth yn gofyn am lawer o wahanol sgiliau, profiadau a chefnogaeth. Yn Dewi Sant rydym yn cydnabod bod angen cefnogi rhieni maeth i fod y gofalwyr gorau y gallant fod felly rydym yn cynnig amrywiaeth eang o hyfforddiant i’n teuluoedd.

Mae gennym gyfres orfodol o gyrsiau hyfforddi yn ogystal â chyfleoedd hyfforddi pwrpasol, gan fod pob lleoliad yn wahanol a bydd angen set wahanol o sgiliau. Rydym yn adolygu ein pecyn hyfforddi yn rheolaidd i sicrhau ein bod yn cynnig hyfforddiant perthnasol o safon uchel.

Rydym yn elwa o’r berthynas agos ag AFKA Cymru a’n partneriaeth â The Family Place ac yn cynnig hyfforddiant a chyngor gan arbenigwyr blaenllaw yn y maes.

Bydd ein gofalwyr yn derbyn cefnogaeth ymroddedig nid yn unig gan eu gweithiwr cymdeithasol, ond hefyd gan dîm ehangach teulu Dewi Sant.

TALIADAU A BUDD-DALIADAU Yng Ngwasanaeth Maethu Dewi Sant, rydym yn parchu ac yn dathlu rôl hollbwysig ein gofalwyr maeth. Er nad arian fydd y prif gymhelliant i chi ddod yn ofalwr maeth, rydym yn deall ei fod yn bwysig iawn. Unwaith y byddwch wedi eich cymeradwyo ac wedi croesawu plentyn/plant i'ch bywyd, byddwch yn derbyn taliad wythnosol ar gyfer pob plentyn. Mae’r taliad hwn yn cynnwys ffi faethu sydd i bob pwrpas yn gyflog i chi a lwfans plentyn sy’n talu’r costau cysylltiedig â gofalu am y plentyn, gan gynnwys cymryd rhan mewn hobïau a diddordebau, dillad, bwyd, a threuliau’r cartref. I’r rhan fwyaf o rieni maeth, bydd hwn yn ddi-dreth ac yn annhebygol o effeithio ar unrhyw fudd-daliadau rydych yn eu derbyn.

Ar gyfer ein strwythurau talu presennol gweler yr adran ‘Taliadau a Budd-daliadau’ ar ein gwefan.

8

01/24

Y CAMAU NESAF

Gobeithiwn fod y pecyn gwybodaeth hwn wedi bod yn ddefnyddiol i chi ddarganfod mwy am faethu a Dewi Sant.

Os oes gennych ddiddordeb mewn darganfod mwy, cysylltwch â ni am sgwrs gydag aelod o’n staff cyfeillgar, profiadol a gwybodus.

02920 667007 info@stdavidscs.org www.stdavidsfosterservice.org

ARHOSWCH YN Y DDOLEN Dilynwch ni ar Instagram, Facebook ac YouTube

STAY IN THE LOOP Follow us on Instagram, Facebook & YouTube

DONATE As a registered Charity you may like to consider supporting the work of St David’s. Your contribution will help ensure that every child with an adoption plan in Wales is placed with a loving family and supported to reach their full potential. HERE

Registered Office: 28 Park Place, Cardiff CF10 3BA St David’s Children Society is registered as a charity with the Charity Commission for England and Wales (Registration No: 509163) and a company limited by Guarantee (Registered Cardiff 1546688) St David’s Fostering Service is the brand name of the St David’s Children Society’s foster service.

Mae Cymdeithas Plant Dewi Sant wedi ei chofrestru fel elusen gyda Chomisiwn Elusennau Cymru a Lloegr (Rhif Cofrestru: 509163) a chwmni cyfyngedig drwy Warant (Cofrestredig Caerdydd 1546688) Gwasanaeth Maethu Dewi Sant yw enw brand gwasanaeth maethu Cymdeithas Plant Dewi Sant. © St David’s Children Society 2024