Frettabref_Stapa-vor25

Ávöxtun sjóðsins Ársfundur og ársskýrsla Lykiltölur úr ársreikningi Breytingar hjá Tryggingastofnun Nýjar umsóknir Hætt við afnám persónuafsláttar Nýting séreignar inn á lán var framlengd

Fréttabréf Vor 2025

Fréttabréf Stapa lífeyrissjóðs

|

Vor 2025

Þekkir þú réttindi þín hjá Stapa?

Sjóðfélagayfirlit Fer sparnaðurinn þinn í kostnað?

Uppbygging í Múlanum Undirbúðu framtíðina – kíktu á vefinn

2%

Ávöxtun sjóðsins

Ríkisskuldabréf

Árið 2024 var almennt gott á eignamörkuðum, þar sem allir eignaflokkar sjóðsins skiluðu jákvæðri nafnávöxtun. Verðbólga hjaðnaði töluvert og eftir fjögurra ára tímabil hárra vaxta og verðbólgu, hóf Seðlabankinn vaxtalækkunarferli í október.

Nafnávöxtun tryggingadeildar nam 11,3% á árinu 2024 samanborið við 6,2% árið 2023 og raunávöxtun 6,3% samanborið við neikvæða raunávöxtun upp á 1,7% árið 2023. Innlend hlutabréf skiluðu hæstri ávöxtun meðal eignaflokka en ávöxtun erlendra hlutabréfa fylgdi þar skammt á eftir. Ávöxtun á innlendum skuldabréfum var um og yfir væntingum.

Töluverðar sveiflur hafa verið í ávöxtun sjóðsins á undanförnum árum en viðmið sjóðsins er að skila árlegri 3,5% raunávöxtun. Þrátt fyrir neikvæða raunávöxtun áranna 2022 og 2023, sem vegið hefur þungt í að draga niður langtímaávöxtun, hefur meðaltalsávöxtun síðustu 10 ára verið yfir viðmiði eða 3,7%. Í séreignardeild var nafnávöxtun varfærna safnsins 12,7% og áræðna safnsins 14,4% árið 2024. Innlána safnið skilaði ávöxtun umfram viðmið, sem má rekja til hárra innlánskjara á tímabilinu.

Fréttabréf Stapa lífeyrissjóðs

|

Vor 2025

36%

11,3% NAFNÁVÖXTUN

Innlend hlutabréf 41% Erlend skuldabréf Erlend hlutabréf Skammtímabréf og innlán

5%

17%

Nafnávöxtun tilgreindrar séreignar var 10,8% á árinu 2024.

Vegna smæðar deildarinnar í heild er einungis eitt safn í boði, tilgreinda varfærna safnið. Árið 2025 byrjaði með krafti, jafnt hérlendis sem erlendis og var janúarmánuður góður fyrir alla eignaflokka, þá sérstaklega hlutbréf. Órói færðist yfir markaði í febrúarmánuði með tilkomu nýs forseta í Bandaríkjunum. Mikil óvissa ríkir í kringum stefnumál hans og áttu miklar lækkanir sér stað í framhaldinu, þá sérstaklega í áhættusamari eignum eins og hlutabréfum.

Skuldabréf hafa haldið ágætis dampi í þessu umróti en ekki vegið fyllilega á móti lækkunum hlutabréfa. Væntingar eru um að það dragi úr óvissunni á næstu mánuðum.

Ársfundur

Lykiltölur úr ársreikningi

Þriðjudaginn 13. maí kl. 14:00 verður ársfundur Stapa haldinn í Hótel Valaskjálf á Egilsstöðum. Á dagskrá eru hefðbundin ársfundarstörf. Fulltrúaráð fer með atkvæðisrétt á ársfundum en fundurinn er opinn öllum sjóðfélögum og eru þeir hvattir til að mæta.

Nánari upplýsingar eru birtar á stapi.is.

Breytingar á hreinni eign

2024 2023 Iðgjöld................................................................................

20.096 19.021 Lífeyrir.................................................................................

(12.372) (11.122) Hreinar rekstrartekjur....................................................

44.173 22.478 Rekstrarkostnaður..........................................................

(610) (551) Hækkun á hreinni eign.................................................

51.287 29.826 Hrein eign frá fyrra ári..................................................

379.238 349.411 Hrein eign til greiðslu lífeyris................................

430.524 379.238

Efnahagsreikningur í árslok

Ársskýrsla Rafræn ársskýrsla Stapa er komin út. Líkt og undanfarin sex ár er skýrslan á vefsíðuformi, sem er bæði umhverfisvænt og hagkvæmt.

2024 2023 Eignarhlutir í félögum og sjóðum............................

251.751 221.804 Skuldabréf.........................................................................

167.493 149.319 Bundnar bankainnistæður...........................................

206 230 Kröfur..................................................................................

4.222 2.719 Ýmsar eignir......................................................................

272 281 Handbært fé.....................................................................

6.976 4.957 Skuldir.................................................................................

(395) (72) Hrein eign til greiðslu lífeyris................................

430.524 379.238 Hrein eign tryggingadeildar........................................

Hrein eign séreignardeildar........................................

Hrein eign tilgreindrar séreignardeildar................

419.760 9.700 1.064

370.043 8.418 777

Tryggingafræðileg staða........................................

Nafnávöxtun............................................................

Hrein raunávöxtun..................................................

4,4% 11,3% 6,3%

2,5% 6,2% -1,7%

Fjárhæðir í milljónum króna Fréttabréf Stapa lífeyrissjóðs

|

Vor 2025

Breytingar hjá Tryggingastofnun Hægt er að fresta töku lífeyris frá Tryggingastofnun (TR), líkt og hjá lífeyrissjóðum og fá varanlega hækkun á greiðslum vegna frestunarinnar. Heimild til hækkunar hjá TR er þó bundin því skilyrði að viðkomandi hafi ekki áður fengið greidd eftirlaun frá lífeyrissjóðum. Breytingin mun aðeins gilda um þá sem eru fæddir 1958 og síðar.

Ef einstaklingur hefur hafið töku lífeyris úr lífeyrissjóði þá mun sá upphafsdagur vera viðmiðunardagur fyrir frestunarhækkanir TR. Miðað verður við upphafsdagsetningu eftirlauna úr lífeyrissjóðum og ef það er aðeins sótt úr um einum sjóði af mörgum verður miðað við upphafsdagsetningu úr fyrsta sjóði.

Fréttabréf Stapa lífeyrissjóðs

|

Vor 2025

Dæmi: a) Einstaklingur fæddur 1958 eða síðar byrjaði á greiðslum úr lífeyrissjóði 67 ára en sækir um hjá TR 70 ára. Hann fær ekki hækkun þar sem hann hefur hafið töku lífeyris úr lífeyrissjóði. b) Einstaklingur fæddur 1958 eða síðar sem byrjar á greiðslum frá TR 68 ára og á sama tíma hjá lífeyrissjóði. Þessi einstaklingur fær hækkun fyrir 1 ár hjá TR. Engin breyting verður hjá þeim einstaklingum sem óska eftir að byrja hjá TR fyrir 67 ára aldur þar sem þeir þurfa að vera búnir að sækja um og fá samþykkta töku úr öllum lífeyrissjóðum.

Nánar á vefsíðu TR.

Nýjar umsóknir Stapi hefur tekið í notkun nýjar umsóknir fyrir sjóðfélaga.

Umsóknirnar fara nú í gegnum Signet forms, sérsniðnar að Stapa til að bæta upplýsingagjöf til sjóðfélaga og auka sjálfvirkni ferla. Fyrsta útgáfa hefur verið birt en áfram verður unnið að þróun og endurbótum.

Allar ábendingar eru vel þegnar og má senda á stapi@stapi.is.

Hætt við afnám persónuafsláttar Í síðasta fréttbréfi greindum við frá fyrirhuguðu afnámi persónuafsláttar til þeirra lífeyrisþega sem eru með heimilisfesti erlendis. Það er skemmst frá því að segja að ríkisstjórnin ákvað að falla frá þessari breytingu og tók hún því ekki gildi um síðustu áramót.

Fréttabréf Stapa lífeyrissjóðs

|

Vor 2025

Nýting séreignar inn á lán var framlengd Um síðustu áramót var almenn heimild til skattfrjálsar nýtingar séreignar inn á lán vegna íbúðarhúsnæðis til eigin nota framlengd og gildir nú til 31. desember 2025. Virk ráðstöfun framlengdist sjálfkrafa.

Viðmiðunarfjárhæðir eru áfram þær sömu, árleg hámarksfjárhæð fyrir einstakling er 500.000 kr. en fyrir hjón og einstaklinga sem uppfylla skilyrði til samsköttunar er hámarksfjárhæð 750.000 kr. Allar upplýsingar um nýtingu séreignarsparnaðar inn á lán er að finna á vefsíðu Skattsins.

Fréttabréf Stapa lífeyrissjóðs

|

Vor 2025

Þekkir þú réttindi þín hjá Stapa?

Uppbygging lífeyrissparnaðar hjá Stapa Deild

Iðgjöld launþega sem hlutfall af launum

Ávinningur

Erfist

Úttekt

Ávöxtun

Ævilöng eftirlaun Áfallalífeyrir (örorku-, maka- og barnalífeyrir)

Frá 60 ára

Í hlutfalli við ávöxtun sjóðsins

Sjóður

Frá 62 ára

Ávöxtunarleið tilgreindrar séreignar

Sjóður Skattfrjáls ráðstöfun til kaupa á fyrstu íbúð eða inn á íbúðalán.

Nánar á vef Skattsins

Frá 60 ára

Ávöxtunarleið að vali sjóðfélaga

Skylduiðgjald í lífeyrissjóð er 15,5% Samtrygging

Tilgreind séreign

4%

8%

Hægt að greiða allt að 3,5% af skylduiðgjaldi úr samtryggingu í tilgreinda séreign

3,5%

0-3,5%*

Valfrjáls viðbót við skylduiðgjald Séreign

Sjóðfélagi greiðir 2-4% og fær þá greitt 2% mótframlag frá launagreiðanda sem jafngildir launahækkun

Launþegi

Fréttabréf Stapa lífeyrissjóðs

|

Launagreiðandi

Vor 2025

2-4%

2%

* Hafa ber í huga að ef greitt er í tilgreinda séreign þá hefur það áhrif til lækkunar á réttindum í tryggingadeild.

Sjóðfélagayfirlit Réttindi sjóðfélaga byggja á þeim iðgjöldum sem skila sér til Stapa. Það er því afar mikilvægt að rýna vel yfirlit frá sjóðum og bera þau saman við iðgjöld sem dregin eru af launum.

Hnipp frá Island.is Stapi nýtir sér þjónustu Ísland.is og sendir hnipp á sjóðfélaga þegar nýtt yfirlit er birt á vefnum.

Ef iðgjöld hafa ekki skilað sér er mikilvægt að hafa samband við sjóðinn innan 60 daga frá dagsetningu yfirlits.

Vefur sjóðfélaga er aðgengilegur ofarlega til hægri á stapi.is

Yfirlitin eru birt tvisvar á ári undir Skjöl á sjóðfélagavef og á Ísland.is.

Sjóðfélagar með skráð netfang í Mínar upplýsingar á vefnum fá sendan tölvupóst þegar nýtt yfirlit er birt.

Sjóðfélagi getur óskað eftir að fá yfirlit í bréfapósti með því að skrá það undir Mínar upplýsingar á sjóðfélagavef eða með því að hafa samband við sjóðinn. Það er mikilvægt að yfirfara samskiptaupplýsingar, bæði á sjóðfélagavef og á Ísland.is, til að upplýsingar komist með réttum hætti til skila.

Fréttabréf Stapa lífeyrissjóðs

|

Vor 2025

Fer sparnaðurinn þinn í kostnað?

Inn á borð Stapa hafa komið mál sjóðfélaga sem varða séreign og tilgreinda séreign sem þeir hafa greitt til erlendra vörsluaðila.

Kostnaður sem fellur á sjóðfélaga er oft mjög mikill í þessum tilvikum, auk þess er mismunandi hvort hægt er að nýta séreign hjá þessum aðilum til fyrstu íbúðarkaupa.

Stapi hvetur sjóðfélaga til að kynna sér þessi mál vel áður en gengið er frá samningum.

Fréttabréf Stapa lífeyrissjóðs

|

Vor 2025

Uppbygging í Múlanum Ánægjulegt er að segja frá því að framkvæmdir við Múlann í Neskaupstað eru á áætlun og ljóst að húsið í heild sinni verður hið glæsilegasta. Vandað hefur verið til allra verka, jafnt innan húss og utan og er uppsetningu nánast lokið á skrifstofurýmum. Þann 25. apríl sl. flutti Stapi sig um set og er að koma sér fyrir í nýju rými í viðbyggingunni. Þær stöllur Lilja Salný og Svala munu taka vel á móti ykkur nú sem fyrr.

Myndir af facebook síðu Múlinn samvinnuhús.

Fréttabréf Stapa lífeyrissjóðs

|

Vor 2025

Undirbúðu framtíðina – Kíktu á vefinn! Á sjóðfélagavefnum getur þú skoðað margvíslegar upplýsingar um eign þína hjá sjóðnum og ýmislegt fleira.

Mundu að skrá netfangið þitt á sjóðfélagavefin n!

Réttindi þín til eftirlauna

Samkeppnishæf íbúðalán

– Skoðaðu áunnin lífeyrisréttindi – Reiknaðu framtíðarlífeyri – Lífeyrisgáttin sýnir réttindi í öllum samtryggingasjóðum

– Upplýsingar um lánsrétt eru á vefnum – Skoðaðu stöðu lánsins þíns og greidda gjalddaga – Fylgstu með aukainnborgunum – Þú getur skoðað vexti og endurgreiðsluform lánsins – Reiknaðu hvernig afborgun þróast miðað við mismunandi verðbólguspá

Réttindi þín byggjast á greiddum iðgjöldum – Fylgstu með að iðgjöld skili sér frá launagreiðanda – Iðjaldayfirlit sýnir greiðslur sem berast til sjóðsins – Sjóðfélagayfirlit eru birt í Skjölum

Fréttabréf Stapa lífeyrissjóðs

|

Vor 2025

Við innskráningu á sjóðfélagavef er hægt að nota rafræn skilríki eða auðkennisappið.

Strandgötu 3, 600 Akureyri og Bakkavegi 5, 740 Neskaupstað

Afgreiðslutími skrifstofu: Akureyri kl. 9:00–12:30 og 13:00–15:00. Neskaupstaður kl. 9:00–12:00 Sími: 460 4500 Fréttabréf Stapa lífeyrissjóðs

|

|

www.stapi.is

|

stapi@stapi.is

Vor 2025 Umbrot og teikningar: Blek hönnunarstofa – blekhonnun.is Ljósmyndir: Gyða Henningsdóttir og Einar Guðmann