Issuu on Google+

Vschinauncha da Zuoz program d'acziun 2020

2|3


Cuntgnieu pagina 3

| Prolog

pagina 4-5 | Il proget «Vschinauncha da Zuoz 2020» pagina 6

| Purtret da Zuoz

| Böts da svilup surordinos pagina 7

pagina 9-11 | Vschinauncha,

comunicaziun, promouver il lö pagina 12-13 | Trafic | Augmaint da valur dal minz da la vschinauncha pagina 14

pagina 15 | Iffaunts, giuvenils, furmaziun pagina 16-18 | Turissem, temp liber | Energia, ambiaint, resursas pagina 19

pagina 20 2|

| Impressum


Stimedas Zuozingras, stimos Zuozinghers Que m’es ün grand plaschair da’Ls pudair preschanter il program d’acziun 2020 da la vschinauncha da Zuoz. Zieva bundant ün an da lavur es uossa avaunt maun il resultat in fuorma d’ün program d’acziun compact, i'l quêl cha sun formulos ils böts e las imsüras concretas. Üna gruppa da lavur d’och persunas, rapreschantants dal cussagl cumünel e da la populaziun da Zuoz, s’ho dedicheda da favrer fin november 2013 a l’elavuraziun da quista planisaziun strategica. In stret contact cun nossa populaziun, noss proprietaris d’abitaziuns secundarias, nossa giuventüna scu eir culs afferists ed accumpagno da la firma grischconsulta da Cuira s’ho pudieu s-chaffir ün fundamaint da planisaziun chi dess servir i’ls prossems ans a las autoriteds da la vschinauncha da Zuoz scu «compass» e «saiv directiva». Il program d’acziun piglia resguard süllas idejas da la populaziun, l’economia e noss proprietaris d’abitaziuns secundarias ed es armoniso cullas pussibilteds finanzielas da la vschinauncha. Üna controlla da success ed ün’actualisaziun annuela dessan garantir cha la planisaziun possa gnir adatteda a cundiziuns generelas modifichedas e’l svilup permanent. I’l decuors da las lavuors da proget «Vschinauncha da Zuoz 2020» s’ho fingià pudieu invier differentas imsüras chi sun eir resguardedas i’l preventiv da la vschinauncha da l’an 2014. In nom dal cussagl cumünel ingrazch eau a tuot las Zuozingras e tuot ils Zuozingers per la collavuraziun vi da nossa planisaziun futura cumünaivla. Specielmaing sajan manzunos Eliane Schleiffer, Daniel Badilatti, Hans Lozza e Ramun Ratti per lur ingaschamaint activ illa gruppa da lavur. Bun di, bun an – e sün üna buna reuschida da noss böts cumünaivels! Flurin Wieser, president cumünel 2|3

|3


Il proget «Vschinauncha da Zuoz 2020» Il signel da partenza pel proget «Vschinauncha Zuoz 2020» d’eira la deliberaziun dal credit tres la radunanza cumünela in november 2013. Scu mumaints decisivs as po numner la consultaziun da la populaziun, dals scolars, gimnasiasts e giarsuns, dal commerzi e la misteraunza e dals proprietaris d’abitaziuns secundarias chi ho gieu lö da prümavaira 2013 scu eir ils lavuratoris tematics in avuost 2013. Ils 10 resultats ils pü importants our da la consultaziun sun ils seguaints:

1. La granda quantited da respostas da sur 40% illa consultaziun demuossa il grand interess dals Zuozingers vi da las activiteds futuras da la vschinauncha. 2. Las Zuozingras e’ls Zuozingers staun bain e’s saintan bain a Zuoz. 3. A Zuoz mauncha la spüerta d’ün’apoteca u/e d’üna drogaria. 4. Ils indigens giavüschan dapü spüertas d’accumpagnamaint ed activiteds per iffaunts, giuvenils e seniors. 5. Il manaschamaint dal trafic, la situaziun da parkegis e la sgürezza dal trafic da peduns sun temas centrels. 6. Las Zuozingras e’ls Zuozingers arcugnuoschan la granda depen denza dal turissem da lur lö.

Ils resultats detaglios staun a disposiziun per telecharger suot www.zuoz.ch (rubrica Zuoz 2020).

Marz/avril 2013:

November 2012:

deliberaziun dal credit tres la radunanza cumünela

7. A reguard la qualited da servezzan illa gastronomia, tals allogis e runels exista ün bsögn d’agir. 8. I’ls secturs comunicaziun ed infurmaziun da la vschinauncha, rumida da naiv ed alluntanamaint da marchanzia massitscha sun giavüschos ameldramaints. 9. Ils consultos as giavüschan in avegnir üna rolla pü activa da la vschinauncha in dumandas concer nent energia, ambiaint e resursas. 10. Las grandas activiteds da construc ziun cun effets negativs süls predschs da terrain e da fit distur ban als consultos.

Favrer 2013:

consultaziun

gruppa da lavur lavuratori nr. 1

Avuost 2013:

lavuratoris tematics cun la populaziun

Meg 2013: December 2012:

cumanzamaint da las lavuors da proget

4|

evaluaziun da la consultaziun

Gün 2013:

gruppa da lavur lavuratori nr. 2


As basand süls resultats da la consultaziun sun gnieus elavuros ils champs d’acziun. Quists sun gnieus approfundieus e concretisos cun la populaziun i’ls lavuratoris tematics surmanzunos. Sün quista basa s’ho formulo finelmaing ils böts da svilup per la vschinauncha da Zuoz scu eir il program d’acziun concret chi cuntegna böts, imsüras, termins e respunsabiliteds. Da grand’importanza per pudair piglier resguard sül svilup permanent scu eir sün l’ambiaint da la vschinauncha sun la controlla da success e l’actualisaziun annuela dal program d’acziun.

Gruppa accumpagnatorica dal proget – Flurin Wieser, president cumünel – Andrea Gilli, cusglier cumünel – Peter Andri Vital, cusglier cumünel – Claudio Duschletta, chanzlist - Eliane Schleiffer - Daniel Badilatti - Hans Lozza - Ramun Ratti

Las lavours dal proget «Vschinauncha Zuoz 2020» sun gnidas accumpagnedas e moderedas da las seguaintas persunas da la grischconsulta da Cuira: - Dr. Roland Zegg - Roman Grossrieder - Nicolo Huder

Januar 2014:

October 2013:

preschantaziun & lantscheda dal program d’acziun

gruppa da lavur lavuratori nr. 3

December 2013:

October 2013:

deliberaziun program d’acziun tres il cussagl cumünel

November 2013:

elavuraziun broschüra «Vschinauncha da Zuoz program d’acziun 2020»

Utuon 2014:

controlla da success & actualisaziun dal program d’acziun

gruppa da lavur lavuratori nr. 4 2|3 |5


Purtret da Zuoz Il purtret da la vschinauncha da Zuoz cun sieu aspet autentic vain domino dal Plaz imposant cul vegl restorant da güstia Crusch Alva, la baselgia San Luzi, las chesas Planta e la Tuor. La lingua rumauntscha tuocha tals Zuozingers e vain druveda e cultiveda scu eir otras tradiziuns importantas, in prüma lingia il Chalandamarz. I’ls ultims decennis ho il turissem gieu üna grand’influenza sül lö chi d’eira üna vouta la chapitela da l’Engiadin’Ota. La plazza da golf, il Parc Naziunel Svizzer, la regiun da skis per famiglias e’l sport nordic pisseran, insembel cun la richa spüerta d’occurrenzas culturelas e d’art, cha Zuoz es da sted scu eir d‘inviern ün lö da vacanzas fich attractiv. Hozindi do que a Zuoz 5 hotels, 2 champs da vacanzas e sur 800 abitaziuns da vacanzas u secundarias cun ün totel da bundant 4'400 lets turistics. Totelmaing do que a Zuoz minch’an bundant 290'000 pernottaziuns turisticas. 40% da sted, 60% d’inviern. L’hotellaria e’ls champs da vacanzas prodüan ca. 50'000 nots d’allogi per an, que chi significhescha cha 240'000 pernottaziuns derivan da las abitaziuns da vacanzas ed abitaziuns secundarias. 6|

Dal rest derivan ca. 70% da quistas nots d’allogi da pernottaziuns our d’egen adöver (incl. paraints ed amihs) e 30% da la fittaunza da las abitaziuns. Sper la scoula cumünela cun var 140 iffaunts exista a Zuoz cul Lyceum Alpinum üna spüerta d’educaziun d’importanza internaziunela cun fin a 300 scolars. L’orientaziun internaziunela as demuossa eir illa structura d’abitants; ün terz dals 1'200 Zuozingras e Zuozingers (sainza scolars dal Lyceum Alpinum) sun da derivaunza estra e la lingua tudas-cha fuorma hoz la pü granda part avaunt il Rumauntsch e Portugais. A Zuoz sun da chesa numerusas intrapraisas da commerzi e misteraunza, surtuot illa spüerta da construcziun. La silvicultura e l’agricultura accumplescha üna contribuziun importanta vi d’ün ambiaint intact. L’administraziun cumünela da Zuoz lavura hoz cun ün preventiv annuel da frs. 10 milliuns e ca. 35 plazzas da lavur i’ls secturs scoula primara, gruppa d’infrastructura ed ill’administraziun.


Böts da svilup surordinos 2020

Rinfurzer il caracter da Zuoz scu lö d’abiter, da lavurer e da furmaziun ed eir scu lö da vacanzas

- Mantgnair la qualited da viver da la populaziun residenta i’l sen d’üna vschinauncha cun püssas generaziuns - Optimer las cundiziuns da basa economicas per impressaris/patruns da lavur - Elavurer ün pusiziunamaint turistic autonom

«Autentic» – Zuoz cultivescha sias valuors ed as pusiziunescha scu vschinauncha engiadinaisa autentica - Tradiziuns vividas - Persistenza ill’ütilisaziun da las resursas natürelas

Realiser per Zuoz üna soluziun da trafic cumplessiva chi persvada - Realiser üna chesa da parker in vicinanza dal minz - Realiser üna soluziun da sviamaint realisabla a media vista - A media vista: redür il trafic i‘l minz da la vschinauncha ed augmanter la sgürezza dal trafic

Augmanter la valur dal minz da la vschinauncha

- Accentuer la valur da la bellezza singulera dal minz da la vschinauncha da Zuoz - Augmanter la valur culturela dal minz da la vschinauncha e l’ütiliser turisticamaing

Giuver üna rolla activa illa collavuraziun tar incumbenzas intercumünelas

- Optimer las cooperaziuns actuelas, in prüma lingia cun las vschinaunchas limitrofas - Inizier punctuelmaing nouvas collavuraziuns chi faun sen.

Fabricher sü e sgürer üna comunicaziun viva ed activa traunter la vschinauncha e la populaziun - Infurmer la populaziun in ün möd actuel ed aviert davart las noviteds da l’administraziun e da las autoriteds - Optimer las plattafuormas da comunicaziun existentas e creer nouvs instrumaints moderns da comunicaziun interactiva

|7


8|


Partecipos

A partir dal 2019

2017-2018

2015-2016

1. Vschinauncha, comunicaziun, promouver il lö Imsüra

Descripziun

Intensiver la comunicaziun interactiva traunter la vschinauncha e la populaziun

Elavurer ün concept da comunicaziun cumplessiv

Ils bsögns d’infurmaziun scu eir ils instrumaints existents sun d’examiner in generel, a sun da definir böts e reglamaints/ritmus concrets e da planiser imsüras coordinedas e colliedas. Lotiers sun da resguarder las resursas finanzielas e persunelas necessarias scu eir la dumanda da la lingua.

• CC AC

Ura da consultaziun autoriteds cumünelas

La pussibilited già existenta per discuors directs cun las autoriteds cumünelas vain comunicheda activmaing, termins sun pussibels tenor cunvegna.

• • • • CC

Nouva «Giazetta da Zuoz»

A vain elavureda üna nouva «Giazetta da Zuoz» bilingua chi cumpera in fuorma stampeda ed electronica 2-4 voutas l’an (spediziun in avrigl cul rendaquint annuel, in november cul preventiv). La redacziun es chosa da l’administraziun cumünela, la distribuziun vain fatta a la populaziun cun dret da vuscher, a tuot las chasedas/chaschellas postelas a Zuoz scu eir als proprietaris d’abitaziuns secundarias domicilios utrò.

• • • • AC

Comunicher sün la homepage

Collier cuntinuantamaing la nouva homepage www.zuoz.ch cun contribuziuns in la «Giazetta da Zuoz» e cun comunicaziun chi’s repeta e la propagher.

• • • • AC

Augmanter l’observanza e’l respect da las ledschas tres comunicaziun/sensibilisaziun

Tres comunicaziun correspundenta dessan la populaziun e la misteraunza gnir sensibilisedas per ledschas e reglamaints e pel cumportamaint in cas da cuntravenziuns.

• • • • CC VW

2014

Böt

Scurznidas RC Radunanza cumünela PC President cumünel CC Cussagl cumünel

AC CM CS RS

Administraziun cumünela Commerzi & misteraunza Cussagl da scoula Runels e s-chabelleras

CT ST

Cumischiun da turissem/coordinatur da turissem Servezzan tecnic (gruppa da lavuraints da vschinauncha)

|9


Partecipos

A partir dal 2019

2017-2018

Descripziun

Bilinguited vivida Promouver il rumauntsch ed il tudas-ch

Mincha radunanza cumünela es üna lecziun da rumauntsch

La missiva per la radunanza cumünela vain consegneda scu fin uossa tenor giavüsch in T/R, folias vegnan cumpiledas da princip in tudas-ch e preschantedas in rumauntsch, düraunt la discussiun paun gnir fats eir votums in tudas-ch, dumandas dals votants vegnan normelmaing respusas illa lingua respectiva.

• • • • RC PC

Regulaziun linguistica illas autoriteds cumünelas

Tschantedas dal cussagl cumünel e da scoula vegnan da princip fattas in rumauntsch, las discussiuns paun tuot tenor il tema gnir fattas in tuottas duos linguas.

• • • • CC

«Tavulin Rumauntsch» – inscunter rumauntsch reguler cun moderaziun

La vschinauncha organisescha inscunters regulers per la populaziun interesseda/giasts cun differents referents e temas chi vegnan moderos e realisos in rumauntsch.

• • • CC AC

Cuors da rumauntsch a Zuoz pels abitants da Zuoz

La vschinauncha organisescha cuors da rumauntsch annuels per la populaziun interesseda e per proprietaris d’abitaziuns domicilios utrò sün differents livels.

• • • CS AC

Politica da terrain activa

La vschinauncha fo üna planisaziun da zonas e planisaziun locala activa, surtuot a reguard las zonas da fabrica e las zonas da misteraunza existentas.

• • • • RC CC

Augmanter l’attractivited da las zonas d’agricultura/zonas da misteraunza/zonas d’abiter

Confuorm a las pussibiliteds da la planisaziun locala sun d’examiner müdamaints da zonas e d’ütilisaziun per augmanter l’attractivited, p. ex. in Dorta/Vuorcha, Champatsch, Curtinellas, Albanas, Islas, Mareg eui.

• RC CC

Politica d’economia activa (mantegnimaint e creaziun da plazzas da lavur)

La vschinauncha as sfadia activmaing da mantgnair e da creer plazzas da lavur sül champ dal turissem e da la misteraunza.

• • • • CC

Svilup/marketing activ dal lö

10 |

2015-2016

Imsüra

2014

Böt


Partecipos

A partir dal 2019

2017-2018

2015-2016

Imsüra

Descripziun

Svilup/marketing activ dal lö

Fabricher prümas abitaziuns in vicinanza dal minz da la vschinauncha

A reguard la fabrica da prümas abitaziuns surpiglia la vschinauncha üna rolla activa. Scha pussibel sun da preferir lös in vicinanza dal minz.

• • • CC

Survista da las abitaziuns vödas tres la vschinauncha da Zuoz

La vschinauncha metta a dispusiziun üna plattafuorma (electronica) per la comunicaziun e l’intermediaziun d’abitaziuns da fitter vödas a Zuoz.

• • • • CC AC

Cultiver la collavuraziun e comunicaziun cul Lyceum Alpinum

Il barat d'infurmaziun activ ed aviert e la collavuraziun cul Lyceum Alpinum vegnan cultivos ed optimos eir in avegnir.

• • • • CC

Motiver a proprietaris actuels d’abitaziuns secundarias da piglier il prüm domicil a Zuoz

In ün prüm pass dess gnir examineda l’attractivited da la vschinauncha da Zuoz per piglier cò il prüm domicil (illa terza fasa da vita): cuosts effectivs da viver, taxas, impostas, retrer chapitêl LPP eui. Ils resultats dessan gnir comunichos in occasiun dals discuors da Zuoz in avuost 2014.

• CC AC

2014

Böt

Augmanter l’attractivited da Zuoz scu prüm domicil pels proprietaris d’abitaziuns secundarias

| 11


Partecipos

A partir dal 2019

2017-2018

Imsüra

Descripziun

Elavurer basas da muvimaint dal trafic

«CDF»: eruir cifras, datas, fats scu basa per l’ulteriura planisaziun in dumandas da trafic/plazzas da parker

La vschinauncha fo differentas retscherchas ed imsüraziuns da frequenza scu eir analisas dal muvimaint dal trafic scu basa adequata per l’ulteriura planisaziun da progets.

• • CC AC

Realiser la chesa da parker in vicinanza dal minz

Perseguiter la planisaziun da variantas

In connex cun la decisiun da la radunanza cumünela e’ls resultats da las retscherchas/ analisas promouva la vschinauncha la planisaziun da variantas e comunichescha quellas a temp ütil a la populaziun. Variantas ed alternativas sun d’integrer correspundentamaing.

• • RC CC

Realiser üna soluziun da sviamaint pel minz da la vschinauncha

Perseguiter la varianta «Pro Sur»

In connex cun la decisiun da la radunanza cumünela e’ls resultats da las retscherchas/analisas promouva la vschinauncha la planisaziun «Pro Sur», zieva cha las decisiuns dals recuors e’l stedi da planisaziun d’üna plazza da glatsch artificiel (p. ex. Lyceum Alpinum Zuoz) sun avaunt maun.

• • RC CC

Augmanter la valur dal minz da la vschinauncha

Diminuir il trafic ed augmanter la sgürezza dal trafic i’l minz da la vschinauncha

Tuot seguond il svilup da la planisaziun da la chesa da parker e dal sviamaint vegnan pigliedas per mauns a temp las imsüras per augmanter la valur dal minz da la vschinauncha e la sgürezza dal trafic.

• • • RC CC

2014

Böt

Concept cumplessiv per augmanter la valur dal minz da la vschinauncha Optimer la soluziun da trafic Resgia

12 |

2015-2016

2. Trafic

Augmanter la survista tar la cruscheda e redür la sveltezza

Guarda chapitel 3. Augmaint da la valur dal minz da la vschinauncha In concordanza cun las autoriteds chantunelas examinescha la vschinauncha differentas opziuns cul böt da ragiundscher ün augmaint da sgürezza tar la cruscheda Resgia.

• CC


Partecipos

A partir dal 2019

2017-2018

2015-2016

Imsüra

Descripziun

Optimer la sgumbreda da naiv/ il mantegnimaint da vias düraunt l’inviern

Elavurer la basa da comunicaziun davart la situaziun da partenza e las opziuns d’agir, passamauns, metter sel

La vschinauncha elavura la basa necessaria per infurmer la populaziun a temp ütil e da maniera cumplessiva davart il tema ed examinescha differentas opziuns d’agir per ragiundscher ün‘optimaziun (p. ex. metter sel, passamauns temporers eui.)

• AC ST

Infurmaziun e sensibilisaziun dal persunel dal servezzan tecnic

La vschinauncha sensibilisescha e controlla il persunel dal servezzan tecnic in que chi reguarda l’impurtanza e las pussibiliteds d’optimer la sgumbreda da naiv e’l mantegnimaint da vias düraunt l’inviern tals puncts neuralgics.

• AC ST

La vschinauncha examinescha imsüras punctuelas per diminuir surfatschas da sumbriva tals puncts neuralgics per redür l’inglatschamaint.

• • • ST

2014

Böt

Reducziun da las sumbrivas da bos-cha e frus-chaglia

| 13


Partecipos

A partir dal 2019

2017-2018

2015-2016

3. Augmaint da valur dal minz da la vschinauncha

Imsüra

Descripziun

Augmanter la valur dal minz da la vschinauncha

Redür il trafic ed augmanter la sgürezza dal trafic i’l minz da la vschinauncha

Guarda chapitel 2. Trafic

Elavurer ün concept cumplessiv per augmanter la valur dal minz da la vschinauncha/la plazza da scoula

Per augmanter la valur dal minz da la vschinauncha sun d’inizier a temp ütil e prospectivamaing retscherchas davart alternativas d’ütilisaziun e da concepziun, resguardand ils edifizis chi tuochan a la vschinauncha (chesa cumünela chesa da scoula, Tuor eui.); a sun eir d’infurmer e d’integrer ils circuls interessos scu turissem/commerzi e misteraunza/scoula eui.

• • • CC CS CM CT

La nouva concepziun e l’augmaint d’attractivited da la plazza da scoula dessan gnir integros scu part integrela in ün concept cumplessiv «calmer il trafic/ augmanter la valur dal minz da la vschinauncha».

• CC CS

Augmanter la valur culturela e l’ütilisaziun turistica dal minz da la vschinauncha, insembel cun la realisaziun da soluziuns pel trafic

Integrer l’inter minz da la vschinauncha cun Plaz, plazza da la chesa cumünela e chesa da scoula, Tuor eui., s’infurmer davart il premi Wakker, patrimoni mundiel Unesco eui. scu eir davart ün’ütilisaziun culturela e turistica, p. ex. cun gös libers a Zuoz, St. Moritz Art Masters eui. in collavuraziun cul Lyceum Alpinum Zuoz.

• • • CC CT

Tualettas publicas i’l minz da la vschinauncha

In collavuraziun cun las gestiuns da gastronomia existentas dess gnir examineda l’idea da la «tualetta perfetta». A media vista sun d’examiner soluziuns in connex cun la fabrica da la chesa da parker.

• • CC

Augmanter la valur da las visitas guidedas tres vschinauncha cun giasts e da l’infurmaziun dals giasts

Guarda chapitel 5. Turissem, temp liber

2014

Böt

Augmanter la valur da la plazza da scoula

14 |


Partecipos

A partir dal 2019

2017-2018

2015-2016

4. Iffaunts, giuvenils, furmaziun

Imsüra

Descripziun

S-chaffir spüertas/ accumpagnamaint per la giuventüna

Nouva spüerta centrela per la giuventüna da la Plaiv

La vschinauncha s’ingascha insembel cun la Giuventüna e las vschinaunchas limitrofas per la creaziun d’üna nouva spüerta accumpagneda per la giuventüna (lö d’inscunter per giuvenils, occurrenzas eui.) illa regiun da la Plaiv.

• • • • CC CS

Examiner la scoula bilingua

Examiner e svilupper inavaunt il model da scoula bilingua Zuoz/La Plaiv (controlla da qualited)

Cumünaivelmaing cun las vschinaunchas da la Plaiv dess gnir examino e sviluppo inavaunt il model da linguas actuel a las scoulas, in contact cun las vschinaunchas da piunier da Samedan/ Puntraschigna e cul chantun.

• • • • CC CS

Nouva spüerta da plazzas da giuver confuorm al temp

Nouva plazza da giuver vschinauncha/Bellaria

Las lavuors da progettaziun curraintas per la nouva plazza da giuver vschinauncha/Bellaria sun d’accelerer.

• CC

Examiner il lö per üna seguonda plazza da giuver

Ultra da la plazza da giuver existenta vschinauncha/ Bellaria es d’examiner ün ulteriur lö per üna seguonda plazza da giuver (Convict, Resgia eui.)

• CC

Concepir pü modern e pü attractiv ils contuorns da la chesa da scoula

Augmanter la valur da la plazza da scoula

Guarda chapitel 3. Augmaint da valur dal minz da la vschinauncha

2014

Böt

| 15


Partecipos

A partir dal 2019

2017-2018

Imsüra

Descripziun

Elavurer il pusiziunamaint turistic per Zuoz

Elavurer ün’egna strategia da pusiziunamaint e da turissem per Zuoz

La vschinauncha iniziescha l’elavuraziun d’ün pusiziunamaint turistic da Zuoz chi vain sustgnieu vastamaing a media vista, examinand ils puncts centrels tematics avaunt maun scu p. ex. famiglias/ cultura/sport. A vain cumpileda üna strategia da turissem cun progets concrets e svilups da las spüertas, cul böt d’optimer l’ütilisaziun stagiunela (temps marginels da las stagiuns).

• • • • CC CT

Ambir la distincziun cul label «Famiglias sun bainvissas» da la federaziun svizra da turissem

La cumischiun da turissem elavura la basa per üna distincziun a partir dal 2016.

• • • CT

Garantir ed optimer la spüerta dal sport da naiv alpin a Zuoz

Scu fin uossa s’ingascha la vschinauncha activmaing per üna garanzia ed optimaziun da la spüerta da sport da naiv alpin a Zuoz a lungia vista (renovaziun indrizs da transport, innaivaziun, gastronomia).

• • • • CC CT RS

Creer nouvas spüertas da sted a Zuoz

La vschinauncha examinescha las pussibiliteds da creer nouvas spüertas da sted (p.ex. via da schlisuler da sted, bagn aviert/lej da bagner Pizzet, parc da suas, plazza da giuver, Mountainbike, program per iffaunts eui.) in connex cul pusiziunamaint chi stu gnir elavuro ed in collavuraziun culs purteders da prestaziuns turisticas.

• • CC CT RS

Augmanter la valur dal center da golf-/passlung Resgia

La vschinauncha s’ingascha per unir ed optimer l’infrastructura da golf/passlung illa Resgia chi’s rechatta hoz in differents edifizis.

• • CC CT

2014

Böt

Mantgnair ed optimer las spüertas dal turissem e dal sport e l’infrastructura

16 |

2015-2016

5. Turissem, temp liber


Partecipos

A partir dal 2019

2017-2018

2015-2016

Imsüra

Descripziun

Mantgnair ed optimer las spüertas da turissem e da sport e l’infrastructura

Optimer ils implaunts da tualettas scoula da skis/plazza da giuver

Ils implaunts temporers da tualettas scoula da skis/ plazza da giuver dessan gnir rimplazzos cun üna soluziun ütilisabla düraunt tuot l’an. Eventuelmaing dess gnir examino l’access a las tualettas da l’implaunt da protecziun civila.

• CC ST

Garantir la planisaziun da zonas in lös potenziels

Pussibiliter/garantir l’ütilisaziun da parcellas in possess privat u da la vschinauncha tres hotels, incl. pussibiliteds per üna structura d’hotel decentrela.

• CC RC

Cumpiler ün stüdi da fattibilited d’ün hotel per famiglias in lös adattos

La vschinauncha iniziescha ün stüdi da realisabilited per ün nouv hotel per famiglias in lös pussibels a Purtum, Albanas, Plagnoula, Mareg, Vuorcha/Dorta; grandezza minimela 150 lets, sclerimaint da la finanziaziun NPR.

• CC CT

Cumpiler üna documentaziun d’investurs ed inizier ils discuors

La vschinauncha elavura la basa necessaria per investurs potenziels e’ls accumpagna activmaing (discuors, infurmaziun eui.).

• • CC AC

Promouver ün nouv hotel per famiglias a Zuoz

La vschinauncha sustegna activmaing la realisaziun d’ün nouv hotel per famiglias a Zuoz.

• • CC AC

Augmanter turisticamaing e culturelmaing la valur dal minz da la vschinauncha

Guarda chapitel 3. Augmaint da valur dal minz da la vschinauncha

Drizzer aint ün implaunt da tualettas publicas i’l minz da la vschinauncha

Guarda chapitel 3. Augmaint da valur dal minz da la vschinauncha

Augmanter la valur da las visitas guidedas cun giasts tres vschinauncha scu eir da l’infurmaziun dals giasts

La vschinauncha augmainta la visita guideda cun giasts existenta i’l minz da la vschinauncha cun progets ed imsüras moderns ed orientos tenor ils giasts.

2014

Böt

Invier imsüras/ sforzs per domicilier ün nouv hotel per famiglias cun predschs favuraivels

Augmanter la valur dal minz da la vschinauncha

• • CT

| 17


18 |

Partecipos

A partir dal 2019

2017-2018

2015-2016

Imsüra

Descripziun

Giasts d’abitaziuns da vacanzas e proprietaris d’abitaziuns secundarias

Comunicaziun activa e dialog constructiv cun proprietaris d’abitaziuns da vacanzas e d’abitaziuns secundarias

La vschinauncha cultivescha eir in avegnir il dialog constructiv da fin uossa culs proprietaris d’abitaziuns da vacanzas e d’abitaziuns secundarias.

• • • • CC CT

Spüertas pü attractivas da las pendiculeras da sted e d’inviern per giasts d’abitaziuns da vacanzas e proprietaris d’abitaziuns secundarias

Insembel cun las pendiculeras sclarescha la vschinauncha las pussibiliteds per render pü attractivas las spüertas da sted e d’inviern da las pendiculeras per giasts d’abitaziuns da vacanzas (fittadins) e proprietaris d’abitaziuns secundarias.

• • • • CC CT

2014

Böt


Partecipos

A partir dal 2019

2017-2018

2015-2016

6. Energia, ambiaint, resursas Imsüra

Descripziun

Ambir üna politica d’energia innovativa

Garantir üna cussagliaziun d’energia cumpetenta e neutrela

La vschinauncha as partecipescha vi d’activiteds regiunelas per drizzer aint üna cussagliaziun d’energia cumpetenta e neutrela.

• • • • CC

Promouver las energias renovablas

Augmanter la part da las energias renovablas

La vschinauncha s’ingascha da princip per cha la part d’energias renovablas a Zuoz vegna augmanteda. Progets innovativs e cooperaziuns i’ls contuorns vegnan sustgnieus tenor pussibilited ideelmaing e/u finanzielmaing ed a reguard la planisaziun.

• • CC AC

Infurmer regulermaing davart concepts innovativs e svilup

Realisaziuns innovativas e böts ragiunts vegnan comunichos localmaing e turisticamaing in intervals regulers.

• • • • CC AC

Augmanter a lungia vista l’effizienza energetica da Zuoz

Examiner il proget label da cited d’energia per Zuoz

La vschinauncha sclarescha cun las vschinaunchas da San Murezzan e Samedan, che experienzas ch’ellas haun fat cul proget da la cited d’energia. A medem temp vain garantida la discussiun cun la vschinauncha da Zernez davart il proget Zernez Energia 2020.

• • CC AC

Concepir Zuoz scu vschinauncha in accord cun la natüra

Cultiver ecologicamaing las surfatschas verdas e las scarpadas

La vschinauncha s’ingascha tres il servezzan tecnic per cultiver las surfatschas verdas e las scarpadas in vschinauncha in üna maniera pü ecologica.

• CC ST

2014

Böt

| 19


Impressum Vschinauncha da Zuoz Chesa Cum端nela 7524 Zuoz Redacziun: Vschinauncha da Zuoz, grischconsulta Traducziun: Ines Gartmann, Giachem R. Bott, Claudio Duschletta Fotografias: KMU Fotografie, Gian Giovanoli Christof Sonderegger Max Weiss Concepziun: karo d-sign, S-chanf Stampa: Gammeter Druck, San Murezzan

Ediziun: 2'500 exemplers schner 2014

20 |


Aktionsprogramm 2020 Rumauntsch