Programm Viżta Pastorali - Qawra

Viżta Pastorali tal‑Arċisqof

fil‑Parroċċa tal-Qawra

www.thechurchinmalta.org 14 – 15 TA’ JANNAR 2018

Messaġġ ta’ Mons. Arċisqof Charles J. Scicluna fl-okkażjoni tal-Viżta Pastorali fil-Parroċċa San Franġisk ta’ Assisi, il-Qawra Għeżież membri tal-Parroċċa tal-Qawra, Huwa ta’ ferħ kbir għalija li fil-bidu ta’ din is-sena, niġi f’din il-Parroċċa għażiża għall-Viżta Pastorali.

Il-komunità parrokkjali żagħżugħa tagħkom, marbuta mas-sempliċità ta’ San Franġisk ta’ Assisi u kkurata b’tant għożża mill-patrijiet Franġiskani Konventwali, hija komunità miżgħuda b’diversità ta’ kull tip.

L-eżempju u l-ħarsien ta’ San Franġisk ta’ Assisi, li f’ħajtu ċaħad kull rabta ta’ għana u ġid u minn kull preġudizzju, iħeġġuna biex infittxu l-perfezzjoni.

Dan ukoll meta naffaċċjaw it-tbatija li nsibu ruħna fiha fil-mixja tagħna.

Matul din il-Viżta Pastorali nixtieq immiss b’idejja r-realtà li qed tgħixu bħala komunità Nisranija u nitlobkom tgħinuni nifhimha iżjed.

Nixtieq niltaqa’ magħkom bħala l-Isqof tagħkom imsejjaħ minn Ġesù biex jagħti ħajtu għalikom; nixtieq niltaqa’ magħkom bħala komunità Nisranija, bħala Nsara li tgħixu f’din il-parroċċa għażiża.

Ser niltaqa’ mat-tfal, maż-żgħażagħ, mal-familji; ser niltaqa’ magħkom ilkoll, b’mod speċjali l-morda u l-anzjani. Nixtieq li ż-żjara tiegħi fostkom bħala l-Isqof tagħkom tkun esperjenza sabiħa għalina lkoll.

Il‑Mulej iberikkom.

X Charles J. Scicluna Arċisqof ta’ Malta

Stedina Il-Ħadd 14 ta’ Jannar 9:30 a.m.

10:45 a.m.

12:00 p.m.

6:15 p.m.

L-Arċisqof jiċċelebra Quddiesa fil-Knisja Parrokkjali u jiltaqa’ ma’ dawk preżenti.

L-Arċisqof jiltaqa’ mal-operaturi pastorali fiċ-Ċentru Parrokkjali.

L-Arċisqof jiltaqa’ mal-patrijiet u s-saċerdoti li jagħtu sehem fil-Parroċċa.

L-Arċisqof jiltaqa’ mal-komunità internazzjonli tal-Parroċċa, fosthom ma’ Nsara minn Knejjes oħra, fiċ-Ċentru Parrokkjali.

It-Tnejn 15 ta’ Jannar 10:00 a.m.

11:30 a.m.

6:00 p.m.

7:15 p.m.

L-Arċisqof jiltaqa’ mal-anzjani fid-Dar tal-Anzjani, Casa San Paolo.

L-Arċisqof jiltaqa’ mal-impjegati ta’ żewġ lukandi.

L-Arċisqof jiltaqa’ mal-adolexxenti tal-Parroċċa fiċ-Ċentru Parrokkjali.

L-Arċisqof jiltaqa’ maż-żgħażagħ tal-Parroċċa għal laqgħa ta’ djalogu fiċ-Ċentru Parrokkjali.

Ritratti tal-Viżta Pastorali: www.knisja.org/ritratti