Grafarholtsblaðið 2.tbl 2022

GHB 2022.qxp_Árbær Aðsent efni - .qxd 14.2.2022 20:52 Page 1

Gjafir fyrir veiðimenn og fyrirtæki Gröfum nöfn á boxin Persónuleg og falleg gjöf Íslenskt birki

,,Mahoný’’

Sjá nánar á Krafla.is og í síma 698-2844

Grafarholtsblaðið 2. tbl. 11. árg. 2022 febrúar

Fréttablað íbúa í Grafarholti og Úlfarsárdal

Jesús gengur í Fram Knattspynudeild Fram hefur samið við hinn 23 ára gamla Jesús Yendis frá Venezuela. Þessi öflugi vinstri bakvörður sem jafnframt getur leikið sem kantmaður kemur til Fram frá CD Hermanos Colmenarez í heimalandinu. Samningurinn gildir til tveggja ára eða út keppnistímabilið 2023.

Jesús er sókndjarfur og beinskeyttur bakvörður sem býr yfir miklum hraða.

Hann er góður á boltanum og með góðar fyrirgjafir en jafnframt öflugur varnarmaður. Þrátt fyrir ungan aldur býr Jesús yfir mikilli reynslu úr deildinni í Venezuela.

Jón Sveinsson þjálfari Fram er ánægður með að hafa tryggt sér þjónustu Jesús Yendis næstu tvö árin: „Jesús er spennandi viðbót við góðan hóp hjá okkur. Hraður og kröftugur vinstri bakvörður sem mun styrkja okkur.“ Jesús er spenntur fyrir tækifærinu að koma til Íslands að leika knattspyrnu: „Þetta er frábært tækifæri fyrir mig til þess að skapa mér nafn utan Venezuela. Ég er mjög ánægður og spenntur yfir þessu tækifæri og stoltur af því trausti sem að Fram sýnir mér. Ég mun leggja mig allan fram fyrir félagið og stuðningsmennina.“ Knattspyrnudeild Fram bíður Jesús velkominn til félagsins og væntir mikils af honum í Frambúningnum næstu tvö árin.

Bifreiðaverkstæði Grafarvogs

Allar almennar bílaviðgerðir Gylfaflöt 24 - 30 • 112 Reykjavík Sími 577 4477

www.bilavidgerdir.is

Þjónustuaðili

Jesus Yendis verður góður liðsstyrkur fyrir Fram næstu tvö árin.

ELDRIBORGARAR ATHUGIÐ! ÞAÐ ER

35% AFSLÁTTUR FYRIR ELDRIBORGARA Einnig er frí sjónmæling við kaup á glerjum

SÍMI: 5 700 900 • PROOPTIK.IS

KÍKTU VIÐ OG SKOÐAÐU ÚRVALIÐ!

PROOPTIK - SPÖNGINNI

GHB 2022.qxp_Árbær Aðsent efni - .qxd 15.2.2022 10:47 Page 2

2

Grafarholtsblaðið

Grafarholtsblaðið

Fréttir

Útgefandi: Skrautás ehf. Netfang: ghb@skrautas.is Ritstjóri og ábm.: Stefán Kristjánsson.

Ritstjórn: Símar 698–2844 og 699-1322.

Netfang Grafarholtsblaðsins: ghb@skrautas.is / abl@skrautas.is Útlit og hönnun: Skrautás ehf.

Auglýsingar: 698-2844 og 699-1322 - Stefán Kristjánsson - ghb@skrautas.is Prentun: Landsprent ehf.

Ljósmyndari: Katrín J. Björgvinsdóttir.

Dreifing: Póstdreifing.

Grafarholtsblaðinu er dreift ókeypis í öll íbúðarhús í Grafarholti, Úlfarsárdal og Reynisvatnsás.

Að mörgu er að hyggja Eins og kom fram í síðasta blaði ríkir ófremdarástand í Grafarholti og Úlfarsárdal hvað matvöruverslun varðar.

Verslun Krónunnar við Þjóðhildarstíg er of lítil til að þjóna þeim 9 þúsund íbúum sem búa í hverfinu. Það vantar sárlega stóra matvöruverslun í eða við hverfið. Það er hins vegar að mörgu að hyggja þegar þessi mál eru skoðuð eins og kemur fram í góðri grein Þóris Jóhannssonar formanns Íbúasamtaka Grafarholts hér til hliðar. Ég hvet alla til að lesa þessa grein um þetta mikla hagsmunamál íbúanna í hverfinu.

Meirihlutinn í Reykjavík er ekki sammála því að það vanti stóra matvöruverslun í eða við hverfið og vill frekar minni verslanir og fleiri. Þessu eru margir ósammála. Við verðum hins vegar að vona að einhverjir góðir aðilar finni góða staðsetningu eða gott húsnæði og opni stóra og góða matvöruverslun í hverfinu sem fyrst.

Vetur konungur hefur heldur betur minnt á sig undanfarna daga og vikur. Gríðarlegt magn af snjó er í úthverfum borgrinnar og Grafarholt og Úlfarsárdalur er þar engin undantekning.

Margir hafa haft samband við blaðið og lýst yfir mikilli óánægju með snjómokstur í hverfinu. Enn eru einhverjar götur og gangstígar sem ekki er búið að moka og verður þetta að teljast afar slök frammistaða hjá borginni.

Fram hefur komið að margir aðilar sem eiga réttu tækin til snjómoksturs hafa ekki verkefni fyrir þau yfir vetrartímann. Borgin á að fá þessa aðila til liðs við sig og Stefán Kritjánsson flýta mokstri eins og hægt er.

ghb@skrautas.is

Grafarholtsblaðið Ritstjórn og auglýsingar sími 698-2844

Þórir Jóhannsson - formaður Íbúasamtaka Grafarholts:

Hugleiðing um verslun og þjónustu í Grafarholti - fortíð, þróun og framtíðin

Eftir að verslunarsögu á Korputorgi lauk með brotthvarfi þeirra verslana sem þar voru (eftir sölu á húsnæðinu til móðurfélags Íslensk Ameríska) urðu ákveðin þáttaskil í þjónustu við hverfið okkar í Grafarholti. Þau felast aðallega í því að nú er mun lengra en áður að sækja þjónustu stór-matvöruverslunar fyrir íbúa hverfisins. Ljóst er að Krónuverslunin við Þjóðhildarstíg er of lítil til að taka við boltanum og sinna þeim tæplega 9.000 íbúum sem búa í Grafarholti og Úlfarsárdal. Í ljósi stöðunnar hafa skapast umræður á Facebook síðum Grafarholts og Úlfarsárdals um synjun borgarinnar á umsókn Bauhaus um að fá að byggja hús á lóð sinni undir stór-matvöruverslun. Óformleg könnun á Facebook síðum hverfanna um verslanir í hverfinu sýndi ótvírætt fram á að vilji hverfisbúa er afgerandi og skýr - ósk um að fá slíka stórmatvöruverslun inn í hverfið eða í jaðri þess, í stað þeirrar sem lokaði á Korputorgi. Borgin hefur þó aðra sýn á málið og leggur áherslu á að byggja upp smærri verslanir inn í hverfunum frekar en stórar verslanir í eða við jaðar þess. Í þessari umræðu er kannski rétt að líta í baksýnisspegilinn og horfa til þróunar verslunar í Grafarholti frá því hverfið hóf að rísa upp úr aldamótum. Í upphafi var gert ráð fyrir því að verslun og þjónusta hverfisins yrði staðsett efst í Grafarholtinu - í verslunarkjarnanum við Kirkjustétt, við hliðina á Ingunnarskóla. Þar var gert ráð fyrir kjarna með litlum verslunum/þjónustufyrirtækjum.

Og þannig var það til að byrja með - í húsnæðinu var m.a. söluturn og

myndbandaleiga, veitingastaður, sportpöbb, pizzastaður, bakarí og lítil hverfaverslun (11/11) ásamt annari þjónustu.

Einnig opnaði lítil klukkuverslun á Þórðarsveig 2-6. Það var því nokkuð um verslun og þjónustu í nærumhverfinu - upp á holtinu.

Við Þjóðhildarstíg (þar sem Krónan er núna) var ekki gert ráð fyrir matvöruverslun en veislusalurinn Gullhamrar var samþykktur og gatnakerfi, bílastæði og aðstaða gerði ráð fyrir slíkri starfsemi en ekki matvöruverslun. Vegna mannlegra mistaka hjá Skipulagsfulltrúa árið 2004 fékk þó Nóatún óvænt leyfi til að opna

Þórir Jóhannsson. matvöruverslun við Þjóðhildarstíg - þvert gegn ríkjandi skipulagi. Mistökin uppgötvuðust ekki fyrr en við úttekt borgaryfirvalda á verslunum/þjónustu í útverfunum og staðsetningu þeirra og

orðið of seint að afturkalla leyfi Nóatúns.

Með tilkomu matvöruverslunar Nóatúns (síðar Krónunnar) við Þjóðhildarstíg má segja að það hafi orðið vatnaskil í þjónustu í hverfinu - smám saman dró úr aðdráttarafli þjónustunnar upp á holtinu og fyrirtækin þar hættu starfsemi eitt af öðru. Verslunin virtist færast niður á gatnamótin og með tilkomu KFC við Þjóðhildarstíg árið 2010 jukust umsvifin þar enn frekar. Ágætt er að hafa það í huga þegar horft er til umferðarinnar á þessum gatnamótum - þegar gatnakerfið þar var hannað á sínum tíma var ekki gert ráð fyrir matvöruverslun þar sem verslun Krónunar er í dag.

Hvort sem tengja má saman hnignun verslunar/þjónustu í verslunarkjarnanum efst í Grafarholti við tilkomu Nóatúns/Krónunnar og KFC er erfitt að meta en það hefur eflaust haft sitt að segja.

Slík þróun er reyndar ekki einsdæmi dæmin sýna að opnun stórverslana hefur oft rutt frá sér annarri minni starfsemi.

Persónulega ætla ég ekki að taka afstöðu til þess hvort heimila eigi Bauhaus að byggja húsnæði undir stóra matvöruverslun en gera má ráð fyrir því að slíkt gæti haft áhrif á aðra starfsemi í hverfinu - að rekstrarskilyrði minni verslana yrðu verri og því hugsanlega færri sem sæju sér fært að starfa innan hverfisins. Því verður að hafa í huga að ekki verður bæði sleppt og haldið - þegar þrýst er á að fá stærri verslanir í hverfið okkar getur það valdið því að önnur starfsemi lognist út af. Í upphafi skyldi endinn skoða.

Kv. Þórir Jóhannsson - formaður Íbúasamtaka Grafarholts

GHB 2022.qxp_Árbær Aðsent efni - .qxd 14.2.2022 19:19 Page 3

Íbúafundur borgarstjóra í Grafarholti og Úlfarsárdal Borgarstjóri býður til opins íbúafundar miðvikudaginn 16. febrúar kl. 20:00 í Borgarbókasafninu í Úlfarsárdal. Á fundinum kynnir borgarstjóri það sem er efst á baugi í hverfinu og mun eiga samtal við íbúa um framtíð hverfisins.

Dagskrá íbúafundar Dagur B. Eggertsson borgarstjóri Grafarholt og Úlfarsárdalur

Helga Friðriksdóttir íbúi í Úlfarsárdal Dalurinn minn - sveit í borg

Sigurður Ingi Tómasson Íbúar geta sent fyrirspurnir á netfangið ibuafundir@reykjavik.is eða borið þær fram á fundinum sjálfum.

Heitt verður á könnunni frá kl. 19.30 en fundinum verður einnig streymt á vef Reykjavíkurborgar.

formaður FRAM Nýir tímar í Úlfarsárdal

Spurningar og svör Stefanía Sigurðardóttir formaður íbúaráðs Grafarholts og Úlfarsárdals Fundarstjóri

Nánari dagskrá og streymi má finna á reykjavik.is/ibuafundir

GHB 2022.qxp_Árbær Aðsent efni - .qxd 14.2.2022 18:40 Page 4

4

Fréttir

ÞAR SEM VENJULEGA FÓLKIÐ KEMUR TIL AÐ SIGRA keiluhollin.is

Bættar samgöngur og aukið lóðaframboð Björn Gíslason, borgarfulltrúi Sjálfstæðisflokksins og formaður Fylkis, sækist eftir þriðja sæti á lista Sjálfstæðisflokksins í prófkjörinu sem haldið verður í næsta mánuði.

s. 5 11 53 00

ÚTFARARSTOFA ÍS SLANDS www.utforin.is AUÐBREKKA 1,, KÓPAVOGI

Síðan

1996

Sólarhringsvakt: 581 3300 & 896 8242

Komum heim til aðstandenda og ræðum skipulag útffarar sé þess óskað

Jóhanna Eiríksdóttir

Sverrir Ein narsson

Grafarholtsblaðið

Jón G. Bjarnason

Alúð Virðing Traust Reynsla

ÚTFARARSTOFA HA FNARFJARÐAR www.utfararstofa.is Símar: 565 5892 & 896 8242

Grafarholtsblaðið

Björn er fæddur 5. apríl 1955 og ólst upp í Vogahverfinu í Reykjavík. Hann stundaði íþróttir af kappi á sínum yngri árum og spilaði handbolta með Fram.

Björn er kvæntur Karólínu Gunnarsdóttur og eiga þau þrjú börn.

Björn er trésmiður að mennt en hann hlaut meistararéttindi árið 1982. Hann hóf störf hjá Slökkviliði Reykjavíkur árið 1981 og varð þar varðstjóri og síðar sviðsstjóri. Hjá slökkviliðinu sótti Björn margvísleg námskeið og sinnti fjölbreyttum störfum, meðal annars kennslu, forvörnum og stjórnun á sviði almannavarna.

Hann var framkvæmdastjóri SHS fasteigna ehf. frá árinu 2001. SHS fasteignir eru dótturfélag Slökkviliðs höfuðborgarsvæðisins. Félagið stóð meðal annars að byggingu Björgunarmiðstöðvarinnar í Skógarhlíð þar sem allir lykilaðilar í björgunarstörfum á Íslandi starfa. Á kjörtímabilinu hefur Björn setið í menningar-, íþrótta- og tómstundaráði og öldungarráði. Þá situr hann nú í umhverfisog heilbrigðisráði, Innkaupaog framkvæmdaráði, íbúðaráði Árbæjar og Norðlingaholts og er varamaður í stjórn Orkuveitu

Reykjavíkur. Enn fremur á Björn sæti í stjórn Húsnæðisog mannvirkjastofnunar og leigufélagsins Bríet. „Í störfum mínum sem borgarfulltrúi og áður sem varaborgarfulltrúi hef ég

Ég mun beita mér fyrir bættum samgöngum og auknu lóðaframboði.

Húsnæðisverð heldur áfram að hækka þrátt fyrir vaxtahækkanir, framboð af íbúðum hefur minnkað hratt og er 70% minna en fyrir ári síðan. Það sjá það allir að þetta gengur ekki upp en við þessu verður að bregðast strax. Þá mun ég halda áfram að beita mér fyrir auknu aðgengi barna og ungmenna að íþrótta- og tómstundastarfi með þátttöku borgarinnar. Jafnframt er mikilvægt að lýðheilsa og lífsgæði eldri borgara séu í fyrirrúmi en stuðla verður að aðgengi aldraðra að skipulagðri íþróttastarfsemi. Frá árinu 2011 hef ég verið formaður íþróttafélagsins Fylkis þar sem mikil gróska hefur verið í íþróttastarfi. Ásamt öflugu fólki ruddi ég þar brautina fyrir rafíþróttadeild félagsins sem hefur gefið börnum í Árbæ, sem áður stunduðu engar íþróttir eða tómstundir, vettvang við hæfi.

Björn Gíslason borgarfullttrúi Sjálfstæðis-flokksins í Reykjavík. öðlast yfirgripsmikla þekkingu á málefnum borgarinnar.

Rekstur borgarinnar snertir flest svið mannlegs lífs eins og gefur að skilja.

Enn fremur legg ég áherslu á að í leik- og grunnskóla verði nám sem hæfir öllum og fjölbreytni í skólastarfi.

Fleiri valkostir verði í boði þegar kemur að námsleiðum og fjölbreytt rekstrarform skóla. Umgjörð skólastarfs verði í nútímalegu formi og umhverfi þess tryggt með fullnægjandi viðhaldi á skólahúsnæði.

Með þessum áherslum tel ég að Sjálfstæðisflokkurinn geti náð árangri í því endurreisnarstarfi sem brýn þörf er fyrir á komandi kjörtímabili í borginni.“

Ritstjórn og auglýsingar sími 698-2844

Er hleðsla h rafbíla hau usverkur u í hú úsfélaginu?

Við aðsttoðum við að leysa málið með hagsmu uni húsfélagsins a að leiðarljósi

.

Útf tfararþjónusta í yfi fir 70 ár Vesturhlíð 2 | Fossvogi | s. 551 1266 | utfor@utfor.is | u t ffor.is .

VIÐ ÞJÓNUM ALL AN SÓL AR HR INGIN N

GHB 2022.qxp_Árbær Aðsent efni - .qxd 15.2.2022 11:48 Page 5

5

Fréttir

Grafarholtsblaðið

Sundabraut styður við þéttingu byggðar - eftir Þórdísi Lóu Þórhallsdóttur

,,Við þurfum sem allra fyrst að úthluta lóðum á hagkvæmu verði fyrir fjölbreytta byggð í nýjum hverfum til að mæta húsnæðisþörfinni. Það er allur galdurinn,” segir Marta Guðjónsdóttir.

Grunnþjónusta í forgang og almenn virðing fyrir borgurunum - Marta Guðjónsdóttir býður sig fram í 2. sæti á lista Sjálfstæðisflokksins í Reykjavík

Marta Guðjónsdóttir hefur verið áberandi borgarfulltrúi á kjörtímabilinu sem nú er að ljúka. Hún hefur skrifað fjölda greina í dagblöð og hverfablöðin, ekki síst Grafarvogs-, Grafarholts og Árbæjarblaðið, hefur látið málefni þessara hverfa til sín taka, haldið uppi harðri gagnrýni á tafatímann í umferðinni, auk þess sem hún fjallar gjarnan um skipulags- og lóðamál og málefni leikskóla og grunnskólamál.

Marta sækist nú eftir öðru sætinu á lista Sjálfstæðisflokksins, vegna borgarstjórnarkosninganna í vor.

Blaðamaður hitti Mörtu á dögunum, spjallaði við hana um stöðuna í borgarpólitíkinni og helstu hugðarefni hennar í þeim efnum.

- Hver verða helstu kosningamálin í vor, Marta? ,,Nú vill svo einkennilega til að við höfum verið í góðu árferði á landsvísu, þrátt fyrir heimsfaraldur. Engu að síður hefur Reykjavíkurborg verið að safna gífurlegum skuldum, án þess að standa í opinberum stórframkvæmdum. Svona alvarleg skuldastaða kemur alltaf niður á almenningi: í hærri sköttum og álögum, verri þjónustu og vanrækslu af ýmsu tagi, s.s. eins og á viðhaldi skólabygginga, skólalóða, göngustíga og annarra mannvirkja. Það þarf því að bregðast strax við þessari alvarlegu stöðu. Við þurfum annars vegar að lækka þessar skuldir á raunhæfan hátt, en við þurfum einnig að stöðva skuldasöfnun. Það gerum við með því að hagræða í rekstri og draga úr óþarfa gæluverkefnum á ýmsum sviðum.

Þegar skuldafeninu sleppir held ég að helstu kosningamálin muni snúast um skipulagsmál, samgöngumál, lóða- og húsnæðismál og síðast en ekki síst biðlista á leikskólunum.”

- Er hægt að hægja á eða jafnvel stöðva tafatímann í umferðinni, sem lengist í hverjum mánuði? ,,Já. Hann er því miður að verulegu leyti heimatilbúinn. Í meira en áratug hafa borgaryfirvöld fylgt þeirri stefnu að að berjast fyrir Borgarlínu en leggja um leið stein í götu okkar þegar kemur að stofnbrautum. Þetta hægir mjög á ferðum fólksbíla og almenningsvagna og er gert til að reyna að fækka fólksbílum í umferðinni. Okkar stefna snýst hins vegar um að greiða fyrir allri umferð óháð ferðamáta. Í þeim efnum er ýmislegt hægt að gera strax til að auka umferðarflæðið. Við þurfum t.d. nútíma umferðarljós sem nýta snjalltækni í umferðarstýringu til hins ítrasta. Tvær ljósastýrðar gangbrautir yfir Miklubraut, við Stakkahlíð og Klambratrún, draga feikilega mikið úr umferðarflæði Miklubrautar og er því miður ætlað að gera það. Undirgöng eða göngubrýr á þessum stöðum myndu borga sig upp á nokkrum vikum. Ýmislegt fleira má gera til að auka umferðarflæði stofnbrauta, en það verður að vera pólitískur vilji til þess.”

- Hvernig sérðu fyrir þér að hægt sé að leysa húsnæðisvandann og lóðaskortinn? ,,Þarna komum við aftur að heimatilbúnum vanda. Aðalskipulagið frá 2013

kvað á um að nánast öll uppbygging og þétting ætti að vera miðsvæðis vestan Elliðaáa. Ekki er gert ráð fyrir úthlutun lóða fyrir fjölbreytta byggð í nýjum hverfum. Þessi stefna hefur leitt af sér mikinn húsnæðisskort og gífurlegar hækkanir á húsnæð-isverði. Við þurfum því sem allra fyrst að úthluta lóðum á hagkvæmu verði fyrir fjölbreytta byggð í nýjum hverfum til að mæta húsnæðisþörfinni. Það er allur galdurinn.”

- Biðlistar á leikskólum hafa verið viðvarandi vandi. Áttu einhver svör við því? ,,Enn og aftur komum við að pólitískum vilja en hann er upphafið og endirinn á þessu öllu saman. Borgaryfirvöldum ber að veita borgarbúum tiltekna grunnþjónustu en hún versnar með hverju árinu. Þar með er verið að leggja skyldur borgaryfirvalda á borgarbúa sjálfa. Fjöldi foreldra þarf að aka í önnur hverfi með börnin sín á leikskóla og aðrir þurfa t.d. að fá ömmur og afa til að hlaupa í skarðið. Meirihlutinn hefur gefist upp á því að stytta biðlista á leikskóla og sinna viðhaldi skólabygginga. Það er jafnréttismál að brúa bilið milli fæðingarorlofs og leikskóla þannig að öll börn 12 mánaða og eldri verði tryggð leikskólavist. Til að vinda ofan af þessum vanda þurfum við fyrst og síðast gjörbreytt viðhorf, setja þarf grunnþjónustu í forgang og almenna virðingu fyrir borgurunum, tíma þeirra og fjármunum,” sagði Marta Guðjónsdóttir.

Þau sem eldri eru en tvævetra eru kannski hætt að hlusta á loforð um Sundabraut, nýja leið út úr Reykjavík sem eykur bæði aðgengi að borginni og út úr henni. Í hjarta mínu trúi ég því að verið sé að taka stór skref í átt að Sundabrautinni með nýrri félagshagfræðigreiningu sem sýnir hversu hagkvæmt verkefni Sundabraut er, hvort sem farið verður í brú eða göng.

Hlutverk Reykjavíkurborgar í því verkefni er að verja hagsmuni borgarbúa, ekki síst þeirra sem verða fyrir áhrifum af Sundabrautinni með aukinni umferð í nærumhverfinu. Og fá skipulag um Sundabraut samþykkt sem allir hagaðilar fá tækifæri til að hafa áhrif á. Skipulagið þarf auðvitað að taka tillit til þeirrar byggðar sem er í Reykjavík, bæði hvað varðar Vogana en ekki síður Grafarvog, þannig að Grafarvogsbúar hafi áfram gott aðgengi að útivistarsvæði sínu við ströndina.

Göng eða brú hefur hvort um sig kosti og galla. Falleg brú gæti orðið eitt helsta einkenni Borgarlandsins, sem yrði líka hægt að hjóla eða ganga yfir. Á meðan göng trufla síður umhverfi þeirra sem búa nálægt Sundabraut. Þá þarf að meta áhrif brúar eða ganga á Sundahöfn og notkun hennar sem stórskipahöfn.

Tengir Reykjavík betur saman Einn helsti kostur Sundabrautar yrði að tengja hverfi Reykjavíkur betur saman á sama tíma og hún getur styrkt þéttingu byggðar. Grafarvogur og Kjalarnes myndu með Sundabraut færast töluvert nær miðborginni.

Umferðarálag myndi á sama tíma dreifast meira á einhverjum stöðum, þó Sundabraut hefði lítil áhrif á öðrum.

Miklar breytingar eru að verða á Ártúnshöfðanum, þar sem

Grafarholtsblaðið Ritstjórn og auglýsingar sími 698-2844 Þórdís Lóa Þórhallsdóttir.

atvinnuhúsnæði er að víkja fyrir íbúðahúsnæði. Þetta er mjög eðlileg þróun í vaxandi borg, að landfrekt atvinnuhúsnæði flytjist þar sem landsvæðið er rýmra og ódýrara, á meðan verðmætara land er byggt upp sem ný hverfi. Þetta sjáum við, auk Ártúnshöfðans, á Kársnesinu í Kópavogi og í Hraununum í Hafnarfirði.

Lítill og meðalstór iðnaður á samt að eiga sér stað innan borgarmarkanna og gott svæði er fyrir hendi á Esjumelum.

Samkeppnishæfni Esjumelanna myndi styrkjast verulega við að fá Sundabraut og tengjast þannig Reykjavík betur.

Með þægilegri fjarlægð, getur Reykjavík stutt við fjölgun fyrirtækja sem annars gætu fundið sér stað í nágrannasveitarfélögunum. Ein stærsta breytingin yrði svo á umferð þungaflutninga, sem myndu í mun minna magni skríða upp Ártúnsbrekkuna og í gegnum Mosfellsbæ, á leið vestur og norður um land. Í greinargerð Mannvits og Cowi kemur fram að sendiferðabílar og þungaflutningar myndu spara um 30 þúsund km. í akstri á ári, miðað við að ferðum fjölgaði ekki, með því að fara beinni leið upp á Kjalarnes.

En við viljum ekki bara færa mengunina og umferðarvandann úr Mosfellsbæ og í Vogana eða Grafarvog. Því þarf að undirbúa Sundarbraut vel og gera hana þannig úr garði, að umhverfisáhrifin verði sem minnst. Því er næsta skref að vinna umhverfismat og fara í víðtækt samráð við íbúa í nærumhverfinu og aðra hagaðila.

Höfundur er formaður borgarráðs og oddviti Viðreisnar

GHB 2022.qxp_Árbær Aðsent efni - .qxd 15.2.2022 11:50 Page 6

6

Fréttir

Grafarholtsblaðið

ÞAR SEM VENJULEGA FÓLKIÐ KEMUR TIL AÐ SIGRA keiluhollin.is

s. 5 11 53 00

Valgerður Sigurðardóttir.

Góð þjónusta skiptir öllu máli - eftir Valgerði Sigurðardóttur

VELKOMIN Í URÐARAPÓTEK Okkar metnaður er að veita ávallt faglega og góða þjónustu

Hlökkum til að sjá þig!

Á þessu kjörtímabili hefur áfram hefur verið haldið að skerða þá þjónustu sem Reykjavíkurborg veitir íbúum Grafarvogs. Norðanverður Grafarvogur hefur ekki farið varhluta af því. Þar hefur skóla verið lokað í Staðahverfi og geta börn á grunnskólaaldri því ekki sótt skóla í sitt hverfi líkt og áður var. Það var gert til þess að draga úr kostnaði hjá Reykjavíkurborg. Alltaf er gott að draga úr kostnaði en að byrja á grunnþjónustunni sem sveitarfélaginu ber skylda til að reka er óskiljanlegt, víða má spara í rekstri Reykjavíkurborgar án þess að það bitni á þjónustu við börn.

Sparnaður kjörtímabilsins var því gerður með því að loka skóla í Grafarvogi.

Samkvæmt nýju aðalskipulagi Reykjavíkurborgar er fyrirhuguð þétting í Sóleyjarima, þar er nú heimild til þess að byggja fimm hæða fjölbýli. Víða má þétta byggð í Grafarvogi en að setja fimm hæða fjölbýlishús á þennan græna reit sem ekki er í samræmi við neina byggð í nágrenninu er ekki boðlegt. Þessu hafa íbúar mótmælt og við Sjálfstæðismenn gerðum það sömuleiðis en allt kom fyrir ekki og skipulagið var samþykkt.

Við það tækifæri sagði Dagur B Eggertsson borgarstjóri „Nýtt aðalskipulag Reykjavíkur til 2040

leggur grunn að kraftmeiri og grænni uppbyggingu borgarinnar en dæmi eru um í sögu hennar,“ . Ekki er auðvelt að sjá græna uppbyggingu í þessum áformum í Sóleyjarrima.

Stætó fór síðan í sparnað og jú viti menn það var gert með því að breyta leiðakerfinu í norðanverðum Grafarvogi og skerða þannig þjónustu við íbúa þar. Miklir peningar eru nú settir í hönnun á borgarlínu og er allt tal um komu hennar og gæði ekkert annað en hlægilegt þegar ekki er hægt að halda úti þeirri þjónustu sem Stætó er að sinna í dag. Á meðan verið er að tala um að bæta almenningssamgöngur með borgarlínu er þjónusta Strætó skert. Ef þjónustan sem strætó veitir er ekki góð þá gefur það auga leið að notendum mun ekki fjölga. Notendum mun því ekki fjölga hér í norðanverðum Grafarvogi samhliða þessum breytingum.

Gangbrautir, sorphirða, grendarstöðvar, þrif og umhirða, þar þarf að gera betur án þess þó að það kosti okkur skattgreiðendur mikið. Góð þjónusta skiptir öllu máli og Reykjavíkurborg getur svo sannarlega gert betur þegar kemur að Grafarvogi.

Valgerður Sigurðardóttir Borgarfulltrúi Sjálfstæðisflokks og íbúi í Grafarvogi

Vínlandsleið 16

Opið virka daga kl. 09.00-18.30 og laugardaga kl. 12.00-16.00

Grafarholti urdarapotek.is Sími 577 1770

Lumar þú á frétt úr hverfinu?

- Grafarholtsblaðið er á skrautas.is

Ef þú lesandi góður lumar á góðri frétt eða hugmynd að efni í Grafarholtssblaðið þá hafðu endilega samband við okkur.

Við tökum glöð á móti tillögum að efni í blaðið og allar ábendingar eru vel þegnar. Ef þeir sem hafa samband við okkur óska nafnleyndar þá verðum við að sjálfsögðu við því.

Hægt er að hafa samband við okkur í síma 698-2844 eða 699-1322 og einnig er hægt að senda okkur tölvupóst á gv@skrautas.is Öll Grafarholtssblöð, mörg ár aftur í tímann, er hægt að sjá á tölvutæku formi og fletta blöðunum á www.skrautas.is

Við tökum við ábendingum um efni í blaðið í símum 698-2844 eða 699-1322 og á ghb@skrautas.is

GHB 2022.qxp_Árbær Aðsent efni - .qxd 15.2.2022 11:51 Page 7

7

Fréttir

Grafarholtsblaðið

Ragnhildur Alda María Vilhjálmsdóttir gefur kost á sér í 1. sæti í prófkjöri Sjálfstæðisflokksins í Reykjavík um miðjan mars:

Þjónusta Reykjavíkurborgar er komin í vítahring sem þarf að rjúfa Ragnhildur Alda María Vilhjálmsdóttir gefur kost á sér í oddvitasætið í borginni.

Ragnhildur Alda María Vilhjálmsdóttir gefur kost á sér í 1. sæti í prófkjöri Sjálfstæðisflokksins í Reykjavík fyrir komandi borgarstjórnarkosningar. Hún er gift Einari Friðrikssyni lækni en sonur hennar er Vilhjálmur Andri Jóhannsson.

Ragnhildur Alda fæddist í Reykjavík 30. júlí 1990. Hún er með B.Sc. gráðu í sálfræði frá Háskóla Íslands og hefur lokið meistaranámi í þjónustustjórnun við viðskiptafræðideild frá sama skóla.

Ragnhildur Alda er fyrsti varaborgarfulltrúi Sjálfstæðisflokksins og situr í velferðarráði, ofbeldisvarnarnefnd, aðgengis- og samráðsnefnd í málefnum fatlaðs fólks og innkauparáði Reykjavíkurborgar.

Hún hefur meðal annars verið aðstoðarmaður rannsakenda við Háskóla Íslands, flugfreyja hjá Icelandair, innheimtufulltrúi hjá Tollstjóranum í Reykjavík og förðunarfræðingur í Body Shop.

2017 - 2021. Samhliða náminu var Ragnhildur Alda virk í stúdentapólitík fyrir Vöku, félag lýðræðissinnaðra stúdenta og sat meðal annars í Háskólaráði Háskóla Íslands fyrir hönd Vöku árin 2018 - 2020. Einnig stofnaði Ragnhildur Alda geðfræðslufélagið Hugrúnu ásamt góðum hópi stúdenta og sat í stjórn félagsins árin 2016 - 2018. „Ég ætla að vera alda breytinga.

Borgin er ein stærsta þjónustustofnun landsins en hefur fallið í þá gryfju að

láta forræðishyggju móta stefnumörkun í húsnæðis-, samgönguog skólamálum. Sjálfstæðismenn vilja raunhæfar lausnir og raunhyggju í rekstri Reykjavíkuborgar og að þessu mun ég starfa. Það þarf að nálgast samgöngumálin kreddulaust og innleiða snjöll umferðaljós sem munu bæta umferðarflæði allra óháð samgöngumáta og láta af fækkun bílastæða. Borgarbúum fer bara fjölgandi og við verðum að leyfa Reykjavík að stækka í takt við

bffo o.is 7^[gZ^ÂVkZg`hi¨Â^ ;g^Âg^`h ÓaV[hhdcVg Z][

W[d5W[d#^h

BG

Ragnhildur Alda hefur gegnt fjölda trúnaðarstarfa fyrir Sjálfstæðisflokkinn.

Hún var varaformaður Heimdallar, félags ungra sjálfstæðismanna í Reykjavík, árin 2015 - 2017 og sat í stjórn Varðar, fulltrúaráðs sjálfstæðisfélaganna í Reykjavík, árin

húsnæðisþarfir þeirra og byggja utan þéttingarreita. Það er eina leiðin til að snúa þessari Ragnhildur Alda María Vilhjálmsdóttir. lóðaskortsstefnu við sem hefur sprengt upp leikskólum borgarinnar, stytta biðlista húsnæðisverð í Reykjavík á kostnað og sinna viðhaldi skólahúsnæðis og heimilanna. skólalóða. Þjónusta Reykjavíkurborgar er komin Í þessu samhengi verður Sundabraut í vítahring sem þarf að rjúfa. Reykjavík einmitt mjög mikilvæg tenging að nútímans á að vera til þjónustu frekara byggingarlandi. Bregðast þarf reiðubúin.” strax við þeim vanda sem nú blasir við

BG

S VO

SV

T T UÐ ÞJ Ó NUS

TA

OT TUÐ ÞJÓNUS

TA

SMIÐJUVEGI 22 (GRÆN GA ATTA) · 200 2 KÓPAVOGI · SÍMI: 567 7360

Grafarholtsblaðið 2. tbl. 11. árg. 2022 febrúar

Fréttablað íbúa í Grafarholti og Úlfarsárdal

Grafarholtsblaðið er lesið á hverju heimili Mest lesni fjölmiðillinn í hverfinu?

Auglýsingar skila árangri í Grafarholtsblaðinu

698-2844 ghb@skrautas.is

GHB 2022.qxp_Árbær Aðsent efni - .qxd 14.2.2022 21:31 Page 8

Grafarholtsblaðið

Stefán Arnarson framlengir Það er handknattleiksdeild Fram mikil ánægja að tilkynna að hinn sigursæli þjálfari Stefán Arnarson hefur framlengt samning sinn til vorsins 2023. Það er óhætt að segja að Stefán hafi skilað góðu starfi frá því hann kom til Fram frá Val vorið 2014. Hann hefur stýrt kvennaliðinu síðan og skilað frábæru starfi.

Handknattleiksdeild Fram er gríðarlega ánægð með að tryggja sér krafta hans áfram enda einn sigursælasti þjálfari handboltans á Íslandi. Það eru spennandi tímar framundan hjá okkur í Fram er við flytjum í nýtt hús í vor. Stefán mun stýra kvennaliðinu á okkar fyrsta tímabili á nýjum heimavelli.

Viktor Ingi Hallgrímsson og Arnar Freyr Arnarsson voru í íslenska landsliðinu sem hafnaði í 6. sæti á EM í handknattleik í janúar. Viktor Gísli var valinn besti markvörður mótsins og Arnar Freyr stóð sig einnig mjög vel í leikjum íslenska liðsins. Báðir eru þeir uppaldir í Fram og Framarar eru stoltir af þessum frábæru íþróttamönnum.

Frábær árangur á EM

Við erum stolt af því að tveir lykilmenn í frábærum árangri íslenska liðsins á EM eru uppaldir í Fram, þeir Viktor Gísli Hallgrímsson og Arnar Freyr Arnarsson.

Viktor Gísli Hallgrímsson sem átti stórleik í markinu á EM lék upp yngri flokkana í Fram og spilaði sinn fyrsta leik með meistaraflokki 2016 aðeins 16 ára gamall. Hann spilaði 29 mótsleiki á sínu fyrsta tímabili og lék alls 79 leiki fyrir Fram frá 2016 til 2019 þegar hann fór til danska liðsins GOG, og varð bikarmeistari með þeim síðasta haust.

Viktor Gísli var valinn efnilegasti markmaður Olís-deildarinnar 2017 og hefur leikið með öllum yngri landsliðum Íslands, var meðal annars í

silfurliði Íslands á EM undir 18 ára í Króatíu sumarið 2018. Hann lék sinn fyrsta A-landsleik gegn Noregi 5. apríl 2018 og er núna bæði yngsti og hávaxnasti leikmaður íslenska liðsins, er 20 ára gamall og 203 sentímetrar á hæð. Viktor Gísli stóð sig frábærlega og var að lokum valinn í úrvalslið EM og besti markvörður mótsins.

Hinn nautsterki línumaður Arnar Freyr Arnarsson er fæddur 1996 og lék með Fram frá barnsaldri. Hann lék sinn fyrsta leik með meistaraflokki árið 2013 og var einn mikilvægasti leikmaður Fram til 2016. Þá gekk hann til liðs við IFK Kristianstad þar sem hann var í þrjú ár og varð bæði sænskur meistari og þrefaldur deildarmeistari. Árið 2019 fór

hann með Viktori Gísla til hins danska GOG og ári síðar var hann fenginn í þýska 1. deildarliðið Melsungen. Arnar Freyr lék sinn fyrsta A-landsleik 19 ára gamall gegn Noregi í nóvember 2015.

Fyrsta stórmótið hans var HM 2017 í Frakklandi og síðan hefur hann tekið þátt í öllum stórmótum íslenska liðsins og spilað hátt í 70 landsleiki. Arnar Freyr smitaðist því miður af Covid og gat ekki tekið þátt í öllum leikjum Íslands á EM en hann var eins og klettur í íslenska varnarleiknum í fyrstu leikjum mótsins.

Fram óskar Íslandi, Viktori og Arnari til hamingju með árangurinn og óskar þeim góðs gengis í næstu verkefnum.

Framstúlkur valdar í hæfileikamótun KSÍ Karen Dögg Hallgrímsdóttir og Berglind Reynisdóttir voru valdar til þátttöku í Hæfileikamótun KSÍ helgina 13.-14. febrúar í Egilshöll.

Báðar eru þær leikmenn 4. flokks Fram. Auk þess að leika með 4. flokki hafa þær ásamt fleiri efnilegum jafnöldrum sínum verið viðloðandi meistaraflokk kvenna á undibúningstímabilinu og verið í leikmannahópi meistaraflokks í leikjum í Reykjavíkurmótinu.

Stúlkurnar eru fæddar árið 2008 og því aðeins á 14. aldursári. Karen Dögg, Berglind, Guðrún Einarsdóttir, Silja Katrín Gunnarsdóttir og Þóra Lind Guðmundsdóttir léku allar

sína fyrstu meistaraflokksleiki nýverið. Allar eru þær á eldra ári í 4. flokki. Þessar efnilegu stúlkur og fleiri eiga sannarlega framtíðina fyrir sér í fótboltanum.

Fyrir áramót stóð barnaog unglingaráð knattspyrnudeildar Fram fyrir svokölluðum „Vinkonudegi“ í Egilshöll. Var dagurinn virkilega vel heppnaður í og í kjölfarið hefur orðið talsverð fjölgun iðkenda í yngri flokkun kvenna hjá Fram í Grafarholti og Úlfarsárdal.

Meistaraflokkur kvenna stóð sig vel á síðustu leiktíð og komst alla leið í undanúrslit í 2. deild kvenna. Framtíðin er sannarlega björt.

Stefán Arnarson þjálfar Fram út leiktíðina 2023.

Vertu velunnari Fram og fáðu skattaafslátt Frá og með 1. nóvember 2021 áttu rétt á skattaafslætti þegar þú styrkir Knattspyrnufélagið Fram. Fram kemur upplýsingum um styrki til Skattsins, sem kemur skattaafslættinum til skila til þín. Samkvæmt nýjum lögum geta einstaklingar nú styrkt Fram um allt að 350.000 krónur en að lágmarki 10.000 krónur á ári sem er frádráttarbært frá skattskyldum tekjum.

Fyrirtækjum er heimilt að draga frá skattstofni allt að 1,5% af rekstrartekjum.

Svona er ferlið: Þú millifærir upphæð að eigin vali að lágmarki kr. 10.000 inn á reikning Fram: 0114-26-8302, kt. 491070-0139 (Getur nýtt þér reiknivél á heimasíðu Fram til að sjá endurgreiðsluna) Tilgreina skal hvaða deild viðkomandi vill styrkja óski greiðandi eftir því , annars fara öll framlög í sérstakan sjóð sem aðalstjórn Fram síðan úthlutar til allra deilda.

Fram gefur út kvittun til greiðanda þar sem kemur fram nafn og kennitala greiðanda og fjárhæð framlags. Þeir einstaklingar sem nýta sér heimildina á árinu 2022 fá endurgreiðslu/frádrátt frá skatti 2023.

Knattspyrnufélagið Fram þakkar kærlega fyrir allan ómetanlegan stuðning í gegnum tíðina.