Árbæjarblaðið Árbæjarblaðið
3. tbl. 24. árg. 2026 mars Fréttablað íbúa í Árbæjarhverfi Allar almennar bílaviðgerðir
Bifreiðaverkstæði Grafarvogs - sjá nánar á bls. 8
Spönginni Grafarvogi
Feðgarnir Aðalsteinn Maack og Birkir Andreas Maack skemmtu sér vel í Ártúnsbrekkunni á dögunum. ÁB Mynd Katrín J. Björgvinsdóttir
Árbæjarblaðið Árbæjarblaðið
tÚtgefandi: Skrautás ehf. Netfang: abl@skrautas.is
Ritstjóri og ábm.: Stefán Kristjánsson.
Ritstjórn: Símar 698–2844 og 699-1322.
Netfang Árbæjarblaðsins: abl@skrautas.is
Útlit og hönnun: Skrautás ehf.
Auglýsingar: 698-2844 og 699-1322 - Stefán Kristjánsson - abl@skrautas.is
Prentun: Landsprent ehf.
Ljósmyndarar: Katrín J. Björgvinsdóttir.
Dreifing: Póstdreifing.
Árbæjarblaðinu er dreift ókeypis í öll íbúðarhús í Árbæ, Ártúnsholti, Grafarholti og Norðlingaholti.
Hvað ætlar þú að kjósa?
Það er kunnara en frá þurfi að segja að þann 16. maí verður blásið til kosninga. Borgarstjórnarkosningarnar eru sérstaklega spennandi að þessu sinni fyrir margra hluta sakir.
Töluvert er um mannabreytingar á framboðslistum í Reykjavík. Skoðanakannanir gefa vísbendingu um breytingar í höfuðborginni. Margir eru þeirrar skoðunar að breytinga sé þörf en aðrir eins og gengur telja að allt sé í góðu lagi og halda beri áfram á sömu braut.
Kannanir sýna að Sjálfstæðisflokkurinn er stærsti flokkurinn í borginni um þessar mundir. Mörg ný andlit eru á framboðslista flokksins, fólk sem ekki hefur áður starfað í stjórnmálum en er vel þekkt úr mannlífi borgarinnar.
Það vakti nokkra athygli þegar tveir reyndustu borgarfulltrúar flokksins hlutu ekki náð hjá skipuleggjendum listans. Marta Guðjónsdóttir og
Kjartan Magnússon gengu í kjölfarið til liðs við Miðflokkinn en ljóst er að ferill þessara borgarfulltrúa er á enda runninn. Mörgum finnst þetta skrítin framkoma við svo öfluga stjórnmálamenn og þetta muni koma niður á fylgi Sjálfstæðisflokksins. Það kemur í ljós eftir tæpan mánuð. Miðflokkurinn hefur verið á miklu flugi á landsvísu undanfarið og margt bendir til þess að flokkurinn fái mjög góða útkomu í Reykjavík. Ari Edwald er þar nýr leiðtogi og ljóst er að hann nýtur vinsælda meðal borgarbúa. Verður fróðlegt að sjá hver útkoman verður. Það verður líka mjög fróðlegt að sjá hvernig Samfylkingin kemur út úr þessum kosningum. Heiða Björg Hilmisdóttir borgarstjóri var felld í leiðtogakosningu innan flokksins og Pétur Marteinsson, nýliði í stjórnmálum, kjörinn í hennar stað til að leiða listann. Svo virðist sem Samfylkingin eigi í erfiðleikum með hann í fararbroddi og margir fylgjendur Samfylkingarinnar telja að illa hafi verið sótt að Heiðu Björgu.
Reikna má með að Borgarlínan og önnur skipulagsmál verði aðal kosningamálið. Borgarlínan er mjög umdeild og margir eru þeirrar skoðunar að hætta beri við framkvæmdina. Enginn veit hver kostnaðurinn verður og enn á eftir að semja um hver eigi að borga brúsann.
Árbæjarblaðið mun birta aðsendar greinar þann 16. apríl og þann 14. maí í síðasta blaði fyrir kosningarnar.
Stefán Kristjánsson
Borgarlínan hefur siglt í strand
- eftir Björn Gíslason borgarfulltrúa Sjálfstæðisflokksins
Samgöngumál á höfuðborgarsvæðinu eru meðal mikilvægustu innviðamála sem við stöndum frammi fyrir. Þau snerta daglegt líf þúsunda borgarbúa, atvinnulíf, umhverfi og framtíð borgarinnar. Þess vegna verður umræðan um þau að byggjast á raunsæi, ábyrgð og skýrri forgangsröðun.
Undanfarin ár hefur Borgarlínan verið sett fram sem meginlausn á samgönguvanda höfuðborgarsvæðisins. Í þeirri umræðu hafa þó sífellt fleiri spurningar vaknað um kostnað, forsendur og áhrif verkefnisins á borgarbúa og fyrirtæki. Nú blasir við að verkefnið, eins og það hefur verið útfært, hefur í reynd siglt í strand.
Það er ekki vegna þess að borgarbúar séu andvígir bættum almenningssamgöngum. Þvert á móti vill fólk skilvirkar og hagkvæmar samgöngur sem bæta raunverulega ferðatíma og tengingar. Vandinn er sá að verkefni sem áttu að vera lausn hafa í vaxandi mæli orðið að tákni um óraunsæjar forsendur, síhækkandi kostnað og óljósa fjármögnun.
Tillaga um viðræður og endurmat
Af þeim sökum lagði Sjálfstæðisflokkurinn fram tillögu á fundi borgarstjórnar 3. mars sl. um að hefja formlegar viðræður við ríkisstjórn og nágranna-sveitarfélög um stöðu, fjármögnun og forsendur Samgöngusáttmálans.
Markmiðið er einfalt! Það felst í því að fá skýr svör um hvernig standa eigi að fjármögnun verkefna, hvaða framkvæmdir eigi að hafa forgang og með
Björn Gíslason er borgarfulltrúi Sjálfstæðisflokksins.
hvaða hætti tryggja megi raunverulegar samgöngubætur fyrir borgarbúa.
Höfuðborgarskattur á borgarbúa?
Það getur ekki verið sjálfgefið að lausnin felist í nýjum gjöldum á borgarbúa. Hugmyndir um umferðareða flýtigjöld eru í raun tillaga um sérstakan höfuðborgarskatt á fólk sem þarf að komast til og frá vinnu, skóla eða heimili sínu. Slíkar hugmyndir verða að standast bæði sanngirni og raunhæfni.
Samgöngur eru grunninnviðir. Þær eru ekki lúxusvara sem fólk á að greiða
aðgangseyri að, nema um sé að ræða afmarkaða framkvæmd sem raunverulega styttir leið og býður upp á valkost, líkt og Hvalfjarðargöngin gerðu á sínum tíma. Dæmi um slíkt gæti verið Sundabraut.
Borgarbúar greiða nú þegar skatta og gjöld sem eiga að standa undir uppbyggingu innviða. Það er því ekki ásættanlegt að reistur verði sérstakur gjaldamúr í kringum borgina.
Raunhæfar lausnir
Í stað þess að festa okkur í verkefni sem hefur vaxið úr hófi fram þarf að horfa á heildarmyndina. Það þýðir að hraða framkvæmdum sem bæta raunverulega umferðarflæði og öryggi, svo sem umbótum á stórum gatnamótum, mögulegum Miklubrautargöngum og innleiðingu snjallrar ljósastýringar sem getur aukið skilvirkni án þess að þrengja að borgarbúum.
Tími til að staldra við Borgarbúar eiga rétt á því að samgönguverkefni séu byggð á traustum grunni. Þeir eiga rétt á því að ákvarðanir séu teknar með hagsmuni þeirra að leiðarljósi, en ekki út frá hugmyndafræðilegum tilraunum sem síðar reynast dýrkeyptar.
Þess vegna er tímabært að staldra við og endurmeta stöðuna. Borgarlínuverkefnið, eins og það hefur verið sett fram, hefur siglt í strand. Borgarbúar þurfa bættar samgöngur og það án frekari tafa. Björn Gíslason, borgarfulltrúi Sjálfstæðisflokksins
5 11 53 00
Skötuselur í hun-
angs- og sinnepslegi
- frábær uppskrift sem vert er að prófa
Skötuselurinn er bakaður í sósu með hunangi, sinnepi og sítrónu sem gefur ljúft og gott jafnvægi milli sætu og sýru. Hentar vel bæði dags daglega og við hátíðleg tilefni.
2 skammtar.
350 gr. Fiskur (Skötuselur, roð- og beinlaus).
5 gr. Steinselja (fersk eða frosin).
0.5 stk. Sítróna (safinn.
0.5 msk. Kapers.
1 tsk. Hunang (eða eftir smekk).
4 gr. Sinnep (dijon eða annað).
4 gr. Kryddblanda (að eigin vali).
0.25 tsk. Salt.
0.25 tsk. Pipar.
3 msk. Olía (t.d. kaldpressuð ólífuolía).
Hitið ofninn í 200 gráður.
Skerið skötuselinn í hæfilega bita og raðið bitunum í eldfast mót.
Skolið steinselju og saxið smátt, hvort sem hún er fersk eða frosin.
Kreistið safann úr sítrónunni.
Hrærið síðan saman í skál steinselju, sítrónusafa, kapers, hunangi, sinnepi, kryddblöndu, salti, pipar og olíu.
Hellið blöndunni yfir fiskinn.
Bakið fiskinn í 15 til 20 mínútur eða þar til hann er eldaður í gegn.
Hægt er að bera réttinn fram með blöndu af ofnbökuðum sætum kartöflum, spergilkáli og lauk – eða öðru grænmeti sem til er í ísskápnum og gott er að nýta.
Verði ykkur að góðu, Kristjana Steingrímsdóttir (Jana) jana.is - instagram.com/janast
Spönginni Grafarvogi
Skötuselur er hið mesta hnossgæti og sannkallaður veislumatur. Þessi réttur frá Jönu er sérlega girnilegur.
Kristjana Steingrímsdóttir (Jana).
Kjósum breytingar í borginni
- eftir Sigrúnu Ástu Einarsdóttur, sem skipar 9. sæti á lista Sjálfstæðisflokksins
Grafarvogur er eitt fjölmennasta hverfi borgarinnar og hefur frá upphafi verið skipulagt sem fjölskylduvænt lágreist úthverfi með góðri nálægð við bæði náttúru og útivistarsvæði. Hér hefur myndast sterk hverfisvitund og samhent samfélag þar sem fólk ber umhyggju fyrir umhverfi sínu og nágrönnum.
Undanfarin ár hafa hins vegar komið fram umfangsmikil áform um þéttingu byggðar í hverfinu sem myndu raska þessu jafnvægi. Þau áform hafa vakið miklar áhyggjur meðal íbúa og orðið kveikjan að einni mestu íbúasamstöðu sem sést hefur.
Ég hef tekið virkan þátt í þeirri baráttu; gengið í hús, rætt við íbúa,
tekið þátt í íbúafundum, sett upp upplýsingasíðuna okkargrafarvogur.com og komið fram í fjölmiðlum til að vekja athygli á málinu. Markmiðið hefur alltaf verið að upplýsa íbúa og tryggja að rödd okkar fái að heyrast. Viðbrögðin hafa verið skýr. Þúsundir athugasemda í Skipulagsgátt vegna þéttingaráforma borgarinnar sýna að andstaðan er víðtæk. Fólk í Grafarvogi lætur sig einfaldlega varða hvernig hverfið okkar þróast og vill hafa raunveruleg áhrif á framtíð hverfisins.
Það sem hefur valdið mörgum vonbrigðum er að þrátt fyrir þessa miklu þátttöku íbúa hefur meirihluti borgarstjórnar haldið áfram að keyra
þéttingarstefnuna áfram. Í borgarstjórn Reykjavíkur er aðeins einn flokkur sem hefur staðið með íbúum Grafarvogs í þessari baráttu; Sjálfstæðisflokkurinn. Allir aðrir flokkar í borgarstjórn hafa setið í meirihlutum sem keyrt hafa málið áfram þrátt fyrir skýra og vaxandi andstöðu íbúa.
Baráttan fyrir Grafarvog varð kveikjan að ákvörðun um að taka virkan þátt í stjórnmálum til að hafa raunveruleg áhrif á ákvarðanir um framtíð borgarinnar. Í dag skipa ég 9. sæti á lista Sjálfstæðisflokksins til borgarstjórnar Reykjavíkur.
73% borgarbúa vilja breytingar Ég tók ákvörðun um að bjóða fram
krafta mína vegna þess að ég tel að Reykjavík þurfi breytingar. Ég er ekki ein um þá skoðun. Nýleg könnun Gallup sýnir að 73% borgarbúa vilja breyttar áherslur í stjórn borgarinnar.
Borgarbúar eiga rétt á skilvirkari rekstri borgarinnar, meiri áherslu á góða grunnþjónustu og betri þjónustu við íbúa, fjölskyldur og fyrirtæki.
Með áratuga reynslu úr atvinnulífinu í stefnumótun, rekstri og stafrænni umbreytingu tel ég mig geta lagt mitt af mörkum til slíkra breytinga. Slíkar umbreytingar gerast ekki með viljayfirlýsingum eða fallegum fyrir-heitum heldur með því að greina stöðuna heiðarlega, fara yfir ferla og rekstur í grunninn og vinna markvisst að umbótum með skilvirkni og ábyrgð að leiðarljósi.
Það er nákvæmlega sú nálgun sem Reykjavíkurborg þarf núna og aðeins sterkur Sjálfstæðisflokkur í borgarstjórn getur leitt þær breytingar. Grafarvogur er einstakt hverfi.
Sigrún Ásta Einarsdóttir.
Mikilvægt er að vernda þau gæði sem hafa gert hverfið að því sem það er í dag og tryggja að framtíð þess verði mótuð í samstarfi við íbúana sem þar búa. Komist ég í borgarstjórn mun ég beita mér fyrir því að málefni Grafarvogs fái sterka rödd og að uppbygging í Reykjavík byggi á raunverulegu samráði við íbúana. — Sigrún Ásta Einarsdóttir skipar 9. sæti á lista Sjálfstæðisflokksins í Reykjavík
Gæludýraþáttur í boði Dýrabæjar í Spöng:
Vorið kallar á ný ævintýri
Páskar eru handan við hornið og vorið er loksins farið að banka upp á. Dagarnir orðnir lengri, morgnarnir bjartari og meiri tími til að njóta útiverunnar, eitthvað sem að gæludýrin eru ekki síður spennt fyrir en við.
Þegar árstíðir breytast er gott að huga að búnaði og endurnýja fyrir ævintýrin sem liggja framundan. Vorveðrið getur enn reynst óútreiknanlegt og léttir hundajakkar eða gallar geta gert gæfumun á rigningardögum!
Fallegu og vönduðu PAIKKA kápurnar og heildgallar fyrir hunda eru fullkominn kostur á vordögum. Þeir eru vind- og vatnsheldir sem gefur hundinum þínum frelsi til að njóta útiverunnar í hvaða veðri sem er og gefur þér hugarró með hreinan og þurran hund.
Það skiptir öllu máli að búnaðurinn fyrir hundinn sé þægilegur! Okkar vinsælu HALTI beilsi eru sterk, stillanleg og hönnuð með líffræði hundsins í huga. Beislið liggur
þæginlega á bringunni og skerðir ekki náttúrulegar hreyfingar hundsins á meðan þú hefur enn fulla stjórn, hvort sem þið eruð í daglegum göngutúr, úti að hlaupa eða á löngu ferðalagi. Handfangið á bakinu er einstaklega hentugt fyrir aukastjórn og þægindi.
Beislið hefur þrjá hentuga festipunkta og samsvarandi HALTI taumur er fullkominn með í hverskonar ferðir! Tvöfaldur endi taumsins veitir hámarks sveigjanleika með eða án teygjuhluta sem auðvelt er
að aðlaga að ykkar göngustíl.
Hvort sem þið eruð að skipuleggja lengri göngutúra eða einfaldlega njóta bjartari kvölda þá hjálpum við þér og gæludýrinu þínu að undirbúa ykkur fyrir vorið.
Óskum ykkur og gæludæyrunum gleðilegra páska og yndislegs vors!
Kær Kveðja Sara Úlfars
Gylfi M. Einarsson, Ríkharður Gylfi Leon Hennýjarson, Björgvin Gylfason, Katrín Eva Fannberg, Katrín J. Björgvinsdóttir og Erla Hrönn Gylfadóttir.
Ártúnsbrekkan
Á fyrsta degi mars mánaðar fjölmennti fólk í Ártúnsbrekkuna og flestir voru með skíðin, snjóþoturnar og góða skapið meðferðis.
Veðrið lék við brekkugesti þennan
Ljósmyndir
Katrín J. Björgvinsdóttir
fallega dag. Skíðalyftan var opin, en það kvörtuðu margir yfir því að lyftunni var lokað alltof snemma, klukkan 17, enda veðrið einstaklega gott. Kata ljósmyndari mætti á svæðið og myndaði það sem fyrir augu bar.
Rökkvi Ágústson, Jakob Dagur Maack Aðalsteinsson og Máni Ágústsson.
Indía Nótt Ágústsdóttir.
Mæðgurnar Erla Hrönn Gylfadóttir og Katrín Eva Fannberg.
Feðginin Sveinbjörn Blöndal og Dóróthea Björk Blöndal.
Feðgarnir Steinar Sigurðsson og Stormur Steinarsson.
Katrín Magnúsdóttir, Aþena Þöll Bjarnadóttir og Katrín Viktoría Leiva.
Dagur Ágúst Andrésson, Tinna Sigurðardóttir og Kári Fannar Andrésson.
Vinirnir Jón Marínó Bjarnason, Eyþór Andri Arason og Benedikt Bjarni Bjarnason.
3. flokkur meistari
Þriðji flokkur karla í Fylki varð Reykjavíkurmeistari í knattspyrnu á dögunum eftir spennandi leik við Fram sem fór í vítakeppni. Eftir venjulegan leiktíma var staðan jöfn, 1-1, en strákarnir úr Árbænum stóðu sig betur á punktinum og tryggðu sér bikarinn heim í Árbæinn.
Þessi sigur er liður í frábærum árangri liðsins í vetur og sýnir styrk, samheldni og baráttu leikmanna. Með þessari frammistöðu hefur hópurinn sýnt að mikið er framundan hjá þessum efnilegu unglingum, og margir fylgjast spenntir með framgangi þeirra í sumar og komandi tímabilum.
Glæsilegur árangur
Fylkir átti stórglæsilega fulltrúa á Þrepamóti FSÍ sem fram fór 27.-28. febrúar, þar sem keppendur mættu frá öllum heimshornum til að sýna hæfni sína í ýmsum þrepum. Félagið sendi keppendur í 3. þrepi kvenna og bæði 2. þrepi karla og kvenna, og stóðu þeir sig frábærlega.
Keppendur Fylkis sýndu styrk, einbeitingu og góða tækni á mótinu, sem skilaði sér í glæsilegum árangri. Félagið óskar öllum keppendum innilega til hamingju með frábæran árangur og þakkar þeim fyrir að sýna hvernig metnaður og æfingar skila sér í árangri.
Þrepamótið er mikilvægur liður í þjálfun og þróun íþróttamanna og gefur keppendum tækifæri til að prófa sig á alþjóðlegum mælikvarða og undirbúa sig fyrir komandi mót. Með svona glæsilegum fulltrúum má sjá bjarta framtíð í íþróttum hjá Fylki.
Systraslagur
Það var heldur betur óvenjulegt og skemmtilegt atvik sem gerðist á Tekkvellinum þann 14. mars sl. þegar Völsungur kom í heimsókn á Tekk völlinn í riðlakeppni Lengjubikars kvenna í knattspyrnu. Þar mættust nefnilega tvö systrapör sem leika sitt hvorum megin við miðjuna.
Fyrir Völsung spiluðu þær Guðný Helga Geirsdóttir, fædd 2010, og Erla Þyri Brynjarsdóttir, fædd 2008. Í leiknum mættu þær eldri systrum sínum í liði Fylkis, þeim Guðrúnu Þóru Geirsdóttur, fæddri 2004, og Hildi Önnu Brynjarsdóttur, fæddri 2003.
Hildur Anna hefur farið mikinn með Fylki og er markahæsti leikmaður riðilsins eins og staðan er núna.
Mæður stelpnanna mættu suður til að fylgjast með leiknum, en ekki hefur fengist uppgefið hvort liðið þær hvöttu meira úr stúkunni.
Lið Völsungs mætir svo Fjölni í heimaleik í GPG Vellinum á Húsavík um næstu helgi.
Góð byrjun
Fylkis
í Lengjubikarnum
Liðið hefur farið vel af stað í Lengjubikar karla í vetur og sýnt sterka frammistöðu í riðlakeppninni. Þar hefur liðið landað sannfærandi sigrum gegn Breiðablik, Leiknir Reykjavík og ÍBV og sýnt bæði góðan sóknarleik og skipulagðan varnarleik.
Einnig var liðinu dæmdur 3–0 sigur gegn FH eftir að gestirnir ákváðu að gefa leikinn í hálfleik vegna veðurs. Aðstæður á vellinum voru þó með besta móti og ákvörðunin vakti því nokkra athygli meðal áhorfenda og þeirra sem fylgdust með leiknum.
Með þessum úrslitum endaði liðið riðlakeppnina með 12 stig af 15 mögulegum, sem tryggði þeim sæti í undanúrslitum mótsins. Lengjubikarinn er árleg undirbúningskeppni íslenskra knattspyrnuliða sem fer fram á vetrarmánuðum og gefur liðunum mikilvægt tækifæri til að stilla saman strengina fyrir komandi keppnistímabil.
Í undanúrslitunum bíður þeirra krefjandi verkefni þegar liðið mætir Þór Akureyri á Akureyri. Búast má við hörkuleik þar sem sæti í úrslitaleik Lengjubikarsins verður í húfi.
Guðmundur Tyrfingsson hefur farið um mikinn í riðlakeppninni og var markahæstur ásamt leikmanni FH með fjögur mörk.
hjá
5. flokki
Mikil stemning var í veislusal Fylkis í Fylkishöllinni miðvikudaginn 11. mars þegar 5. flokkur karla í handbolta hjá Fylki stóð fyrir glæsilegu fjáröflunarbingói. Fjölmargir mættu til að taka þátt og styðja við bakið á strákunum, og var kvöldið bæði skemmtilegt og vel heppnað. Vinningar kvöldsins voru glæsilegir og vakti heildarverðmæti þeirra mikla athygli meðal gesta. Ljóst var að mikill metnaður hafði verið lagður í undirbúning kvöldsins og var stemningin góð allan tímann. Fjáröflunin er liður í því að hjálpa liðinu að safna fyrir ferð á Partille Cup í sumar. Partille Cup er eitt stærsta alþjóðlega handboltamót heims fyrir yngri flokka og þar fá ungir leikmenn tækifæri til að keppa við lið víðs vegar að úr Evrópu og upplifa alþjóðlegt mótahald.
Kvöldið heppnaðist afar vel og var greinilegt að stuðningur samfélagsins í Árbænum skiptir miklu máli fyrir unga íþróttaiðkendur. Slíkir viðburðir eru ekki aðeins mikilvægir fyrir fjáröflun heldur einnig fyrir samheldni og félagslíf innan félagsins.
Fylkir býður táknmáls talandi börnum í körfubolta
Íþróttafélagið Fylkir hefur opnað nýja laugardagsæfingu í körfubolta fyrir táknmáls talandi börn í Íþróttahúsi Árbæjarskóla. Æfingarnar fara fram á laugardögum frá klukkan 12 til 13 og eru ætluð öllum börnum sem tala íslenskt táknmál, þar á meðal heyrnarlausum, heyrnarskertum og CODA-börnum. Allir þjálfarar eru táknmáls talandi og æfingarnar eru því alfarið á íslensku táknmáli. Markmiðið er að skapa umhverfi þar sem börnin geta æft körfubolta, skemmt sér og átt samskipti á eigin forsendum.
Þetta glæsilega framtak hjá Körfuknattleiksdeildinni hefur vakið mikla lukku og hafa nú þegar fjölmargir skráð sig þar sem áhersla er að veita íþróttaiðkun fyrir alla.
3. flokkur karla stóð sig frábærlega á Reykjavíkurmeistaramótinu í knattspyrnu og vann bikarinn.
Flott bingó
Guðmundur Tyrfingsson hefur leikið mjög vel með Fylki í Lengjubikarnum.
Tvenn systrapör mættust á Tekkvellinum á dögunum.
Staðsetning er einn stærsti styrkleiki Borgarhöfða. Hverfið er miðsvæðis með góðar tengingar við helstu samgönguæðar borgarinnar og stutt í fjölbreytta þjónustu, útivist og atvinnusvæði.
Borgarhöfði rís
– nýtt borgarhverfi í örum vexti
Fjöldi nýrra húsa eru þegar risin og fleiri eru á leiðinni þegar eitt stærsta uppbyggingarsvæði Reykjavíkur tekur á sig nýja mynd.
Á svæðinu við Borgarhöfða er nýtt borgarhverfi farið að taka á sig skýra mynd. Þar sem áður voru aðallega iðnaðarhús hafa nú þegar risið ný íbúðarhús og fleiri eru á leiðinni á næstunni. Uppbyggingin er ein sú stærsta sem framundan er í Reykjavík og gæti á næstu árum umbreytt svæðinu í eitt líflegasta íbúðahverfi borgarinnar.
Á undanförnum árum hefur verið unnið markvisst að því að umbreyta svæðinu úr hefðbundnu iðnaðarsvæði yfir í nútímalegt borgarhverfi þar sem íbúðir, þjónusta og atvinnustarfsemi fara saman. Slík blönduð byggð hefur víða reynst skapa líflegri og sterkari hverfi þar sem stutt er í daglega þjónustu, verslun og samgöngur.
Það sem gerir þróunina sérstaklega áhugaverða er að hún er ekki lengur aðeins framtíðarsýn heldur er hún þegar hafin. Nú þegar hefur fjöldi húsa verið reistur á svæðinu og byggðin farin að taka á sig mynd. Samhliða því eru fleiri verkefni í undirbúningi og uppbygging mun halda áfram á næstu árum.
Fyrir þá sem eru að skoða húsnæðismarkaðinn gæti einmitt verið góður tími til að skoða svæðið núna á fyrstu stigum uppbyggingarinnar. Fyrstu húsin sem rísa eru staðsett á jaðri byggðarinnar eins og hún mun þróast til framtíðar
og því bjóða margar þeirra íbúða sem nú þegar eru að komnar í sölu upp á opið og fallegt útsýni. Eftir því sem hverfið þróast og byggist upp eykst eftirspurn eftir slíkum staðsetningum.
Kjartan Ísak Guðmundsson.
Á meðal þeirra aðila sem vinna að nýjum verkefnum á svæðinu eru meðal annars Sérverk, Klasi, Umbra og ÞG Verktakar. Uppbygging þessara aðila mun á næstu árum bæta verulega við íbúðarframboð á svæðinu.
Staðsetningin er einnig einn stærsti styrkleiki svæðisins. Borgarhöfði er miðsvæðis með góðar tengingar við helstu samgönguæðar borgarinnar og stutt í fjölbreytta þjónustu, útivist og atvinnusvæði. Fyrir marga getur það verið spennandi kostur að flytja inn í hverfi sem er í örri þróun og taka þátt í mótun nýs samfélags frá upphafi. Fyrir íbúa í Grafarvogs og nágrenni gæti uppbyggingin einnig haft jákvæð áhrif þar sem svæðið mun styrkja þjónustu, atvinnulíf og samgöngutengingar á þessu svæði borgarinnar.
Við sem störfum á fasteignamarkaði höfum þegar fundið fyrir auknum áhuga á svæðinu og erum nú þegar farin að selja eignir á Borgarhöfða. Fyrir þá sem hafa áhuga á að kynna sér tækifærin á svæðinu er velkomið að hafa samband við okkur hjá Mikluborg til að fá frekari upplýsingar um þær eignir sem þegar eru komnar á markað og þau verkefni sem eru á leiðinni í sölu. Kjartan Ísak Guðmundsson. Höfundur er löggiltur fasteignasali hjá Mikluborg og hefur fylgst náið með þróun og uppbyggingu á Borgarhöfða.
Borgarbúar vilja breytingar
- eftir Guðnýju Maríu Jóhannsdóttur, sem skipar 6. sæti á lista Sjálfstæðisflokksins
Í nýlegri könnun sem framkvæmd var af Gallup kemur fram að 73% borgarbúa vilja breyttar áherslur í stjórn borgarinnar. Ég ætla að leggja mitt af mörkum til að leiða þær breytingar sem borgarbúar eru að kalla eftir komist ég í borgarstjórn.
Í mínum huga eru það forréttindi að búa í Árbænum. Þetta er rólegt og fjölskylduvænt hverfi sem býður upp á fjölbreytta búsetukosti og þar er að finna mikla þjónustu og öfluga atvinnustarfsemi. Við búum í nálægð við einstök græn svæði eins og Elliðaárdalinn og Heiðmörkina, í hverfinu eru góðir leik- og grunnskólar og öflugt íþróttastarf fyrir börn og ungmenni og svo mætti lengi telja. Eitt fyrsta verkefnið sem ég mun beita mér fyrir komist ég í borgarstjórn, og snertir okkur sem kjósum að búa í Árbænum, er að taka til endurskoðunar framkvæmd á gatnamótum Bæjarháls og Höfðabakka, þar sem nú myndast gríðarleg umferðarteppa á álagstímum með tilheyrandi óþægindum og kostnaði fyrir samfélagið allt. Ég mun beita mér fyrir því að gömul loforð um uppbyggingu á íþróttaaðstöðu Fylkis fari í framkvæmd auk þess að skoða áform um hvaða íþróttafélagi börn í nýjum borgarhluta á Ártúnshöfða eigi að tilheyra. Ég mun vinna að því að tryggja börnum leikskólapláss innan hverfis og það á að vera gott að eldast í Árbænum og við þurfum að skoða þau mál í okkar hverfi, þ.e. möguleika á viðeigandi húsnæði og þjónustu í gegnum allt æviskeiðið.
Af hverju er ég að bjóða mig fram? Ég sé fjölmörg tækifæri til að gera betur, bæta þjónustu og stytta afgreiðslutíma í þjónustu borgarinnar við atvinnulífið og fyrirtækin sem vinna að því alla daga að skapa verðmæti. Í það verkefni þarf öflugt
fólk sem þekkir rekstur, hefur yfirsýn og getur forgangsraðað verkefnum af ábyrgð og komið þeim í framkvæmd. Ég tel mig búa yfir reynslu og þekkingu sem nýtist í þetta verkefni. Ég veit að þetta verður ekki einfalt en ég er klár í slaginn.
Ég vil að borgin einbeiti sér að því að veita góða og skilvirka grunnþjónustu og láti íbúa, fjölskyldur og fyrirtæki um að taka ákvarðanir fyrir sig. Sem borgarfulltrúi mun ég beita mér
Guðný María Jóhannsdóttir, skipar 6. sæti á lista Sjálfstæðisflokksins fyrir sveitastjórnakosningarnar 16. maí.
fyrir því að málefni okkar hverfis fái sterka rödd í borgarstjórn og standa vörð um þau lífsgæði sem við íbúar í Árbæ erum svo heppin að búa við. Breytum því og bætum sem ekki virkar, og leyfum því góða í hverfinu okkar að njóta sín áfram.
Guðný María Jóhannsdóttir 6. sæti á lista Sjálfstæðisflokksins í Reykjavík
Borgin okkar allra
- eftir Brynjar Níelsson sem skipar 3. sæti á lista Sjálfstæðisflokksins fyrir borgarstjórnarkosningarnar 16. maí
Borgarstjórnarkosningar eru á næsta leyti og borgarbúar þurfa að taka ákvörðun hvort þeir vilji sömu öfl áfram eða breytingar við stjórn borgarinnar. Ég hef búið í Reykjavík alla ævi og mér er annt um borgina. Ég ákvað að taka sæti á lista Sjálfstæðisflokksins í þeirri von að geta haft áhrif og tekið þátt í nauðsynlegum breytingum.
Ef marka má skoðanakannanir vilja tæplega þrír að hverjum fjórum borgarbúa sjá beytingar. Þannig hefur það einnig verið í seinustu tvennum kosningum þar sem meirihlutanum sem hafnað var fékk ný varahjól undir bílinn þannig að hann skrölti áfram. Af því má draga þá ályktun að það verða engar
breytingar við stjórn borgarinnar nema að Sjálfstæðisflokkurinn fái afgerandi fylgi í næstu kosningum.
Nú vita borgarbúar að skipulagsmál í borginni hafa verið í lamasessi í langan tíma. Virðingarleysi gagnvart íbúum og vilja þeirra hefur verið með þeim hætti að mörgum ofbýður. Borgin hefur komið í veg fyrir nauðsynlegar samgöngubætur, þétt byggð óhóflega og með eigin aðgerðum gert borgarbúum ógerlegt að komast til og frá vinnu og með börnin í skóla og tómstundir. Allt gert í þeim tilgangi að þröngva eigin hugmyndafræði upp á íbúana í þeirra óþökk. Við þetta verður ekki unað lengur.
Margt annað kann að hafa áhrif á niðurstöðu kosninga en skipulagsmál. Varla heldur nokkur maður því fram að rekstur og fjámál borgarinnar hafi verið til eftirbreytni. Árangur í rekstri grunnog leikskóla hefur verið slakur og sennilega nokkur heimsmet verið sett í klúðri í þeim málum. Önnur þjónusta eins og sorpmál, hreinsun gatna og snjómokstur, sem skiptir okkur öll máli, hefur ekki verið til fyrirmyndar. Svona mætti lengi telja. Nýr meirihluti með Sjálfstæðisflokk-
inn í fararbroddi mun þurfa að fara í allsherjar tiltekt í rekstri borgarinnar og í skipulagsmálum. Þá verður lögð áhersla á að sinna lögbundnum skyldum borgarinnar betur en ekki þröngvað óraunhæfri pólitískri hugmyndafræði einstakra borgarfulltrúa upp á íbúa borgarinnar.
Það verður hlustað á vilja borgarbúa og tekið tillit til hagsmuna íbúa í hverju hverfi. Reykjavík er nefnilega borgin okkar allra.
ÞÚ GETUR BÓKAÐ BRAUT Á KEILUHOLLIN.IS OG Í SÍMA 5 11 53 00
Brynjar Níelsson.
Spönginni
Blúndur og blásýra hjá Borgarholtsskóla
Í vetur hafa félagar í leikfélagi Borgarholtsskóla, Appolo, staðið í ströngu við æfingar á leikverkinu Blúndur og blásýra eftir Joseph Kesselring í leikstjórn Báru Lindar Þórarinsdóttur. Uppfærslan var frumsýnd þriðjudaginn 10. mars við frábærar viðtökur áhorfenda í Hlöðunni í Gufunessbæ.
Verkið var fyrst sýnt á Broadway
• olíuskiljur • lagnir
Staðsetning lagna og dýptarmælingar
Þekking og áratuga reynsla
árið 1941 og kvikmyndað á svipuðum tíma. Það hefur síðan verið fært margoft á svið við góðan orðstír. Sagan er stórskemmtileg en þar segir af fjörugum systrum á áttræðisaldri, Abbý og Mörtu, sem af einskærri góðmennsku eitra fyrir herramönnum til að lina þjáningar þeirra. Þegar fændi þeirra, leikhúsgagnrýnandinn Mortimer, finnur lík í gluggabekknum
hjá þeim fer í gang atburðarás þar sem hvert spenghlægilega atvikið tekur við af öðru.
Næstu sýningar verða 23., 24. og 25. mars og er hægt að nálgast miða á Tix.is. Hér er komið fyrirtaks tækifæri fyrir unnendur leiklistar að njóta menningar og eiga bráðskemmti-lega kvöldstund í nærumhverfi sínu.
Fylkismaðurinn Magnús Daði
fór
algjörlega á kostum í Færeyjum
Magnús Daði Ottesen, leikmaður Fylkis, stóð fyrir frábærri frammistöðu á UEFA Development Tournament U16 sem fram fór í Færeyjum dagana 27. febrúar til 6. mars. Hann var lykilleikmaður íslenska U16 árs landsliðsins og markahæstur liðsins á mótinu með fimm mörk, en hann skoraði í öllum leikjunum sem liðið spilaði. Í fyrsta leiknum unnu strákarnir glæsilegan 5-1 sigur gegn Eistlandi, og Magnús Daði kom sterkur inn sem markaskorari. Í öðrum leiknum mætti liðið Bosníu og Hersegóvínu og lenti 0-3 undir í upphafi seinni hálfleiks. Þá sýndi Magnús Daði ótrúlegan leik og skoraði þrennu á aðeins sjö mínútum, sem tryggði Íslandsliði 3-3 jafntefli og vakti mikla athygli á mótinu.
Mótinu lauk síðan með stórsigri Íslands á heimamönnum í Færeyjum, 7-2, þar sem Magnús Daði hélt áfram að sýna öfluga frammistöðu. Hann var ómissandi fyrir liðið alla daga og sýndi bæði mikla einbeitingu og tækni á vellinum.
Magnús Daði hefur með þessum leikjum sýnt hversu mikill markahæfileiki býr í honum og hversu stórt hlutverk hann getur tekið í íslenskum landsliðum yngri
flokka. Við óskum honum innilega til hamingju með frábæran árangur á mótinu og alla hlakkar til að fylgjast með framgangi hans í framtíðinni.
Leikhópurinn Appolo í Borgarholtsskóla fer á kostum í leikverkinu Blúndur og Blásýra.
Magnús Daði með boltann í Færeyjum þar sem hann fór á kostum.
Meira en hreyfing
Í heimi sem einkennist iðulega af sífelldum samanburði og útlitsdýrkun, höfum við hjá Metabolic Reykjavík valið að fara aðra leið. Við trúum því að líkamsrækt eigi að vera griðastaður þar sem fókusinn færist frá því hvernig við „lítum út“ yfir í það hvað við „getum gert“. Þessi áherslubreyting er undirstaðan í öllu okkar starfi.
Af hverju eru engir speglar?
Margir mæta í ræktina og eyða stórum hluta tímans í að rýna í spegilinn – ekki bara til að athuga tækni, heldur til að dæma eigið útlit eða bera sig saman við aðra í salnum. Hjá okkur eru engir speglar af þremur meginástæðum:
1. Aukin líkamsvitund: Þegar þú sérð þig ekki í spegli neyðist þú til að finna fyrir hreyfingunni. Þú lærir að treysta eigin líkama, finna hvar þunginn liggur og hvernig vöðvarnir vinna saman. Þetta skapar dýpri tengingu milli hugar og líkama.
metrunum. Þú ert til staðar fyrir þig, ekki fyrir áhorfendur.
Frammistaða umfram útlit
Hjá Metabolic fögnum við því sem líkaminn getur. Við einblínum á frammistöðu vegna þess að hún veitir varanlegri gleði og hvatningu en frekar en tölur á vigt eða spegilmynd. Þegar við tölum um frammistöðu eigum við ekki við að allir þurfi að vera afreksfólk. Við eigum við þá sigra sem skipta máli í hversdeginum: Að geta tekið upp þunga poka án þess að fá verk í bakið, að finna úthaldið aukast í fjallgöngunni, eða að ná að klára æfingu sem virtist ómöguleg mánuði áður.
Af hverju frammistaða?
● Hlutlæg markmið: Það er miklu skemmtilegra að fagna því að ná að þyngja um 5 kíló á stönginni eða klára 10 sekúndum hraðar en síðast, heldur en að elta óljósa útlitshugmynd.
Samfélag venjulegs fólks
Við leggjum metnað í að Metabolic sé staður fyrir venjulegt fólk. Hér mætast kennarar, iðnaðarmenn, foreldrar og ömmur á jafnréttisgrundvelli. Við erum samfélag sem hvetur hvert annað áfram á þeirri forsendu að allir eiga skilið að líða vel í eigin skinni.
Ef það er eitthvað sem á vel við þig, komdu þá til okkar. Skráðu þig í frípassa áskrift og byrjaðu að æfa strax í dag. Við lofum að við tökum vel á móti þér! Eygló Egils, eigandi hjá Metabolic Reykjavík
Láttu okkur sjá um
2 s 800 erum þér tilboð! yrðu í okkur og við g He a@eignaumsjon.i t að senda póst á thjonust innig er hæg E linu. 4800 eða á netspjal - glega; í síma 585 og örug tt yrirspurnum hra erið okkar svarar f Þjónustuv faasteigna. ekstrar í þjónustu við húsfélög og r eynslu 5 ára þekkingu og r ið erum með 2 V eignaumsjonis Sími 585 4 | Reykjavík ut 30 Suðurlandsbra félög f Árbæjarblaðið
2. Minni sjálfsgagnrýni: Speglar geta ómeðvitað kallað fram neikvæðar hugsanir um eigið útlit, sérstaklega þegar maður er undir álagi. Án þeirra hverfur þessi truflun. Þú mætir ekki til að „laga“ eitthvað við útlitið, heldur til að styrkja vélina sem þú býrð í.
3. Andlegt frelsi: Það ríkir ákveðið frelsi í því að svitna, puða og leggja sig fram án þess að pæla í því hvort hárið sé út í loft eða hvernig andlitið litast á síðustu
● Sjálfstraust: Að finna styrkinn vaxa veitir sjálfstraust sem smitast út í allt annað lífinu. Þú ferð að líta á líkamann sem verkfæri sem þarf að næra og hvíla svo hann geti staðið sig vel, frekar en eitthvað sem þarf að skammta mat til að hann minnki.
● Allir keppa við sjálfa sig: Þegar mælikvarðinn er frammistaða, þá skiptir engu máli hvar þú byrjar. Sigurinn liggur í þínum eigin framförum.
Við mælum með að kíkja við í þjálfunarstöðinni Metabolic Reykjavík, þar færðu fyrstu tvær vikurnar í þjálfun alveg fríar og getur þannig mátað æfingarnar á eigin skinni án allra skuldbindinga.
Fylkir-
Heimilið er griðastaður. Allir vilja eiga góð samskipti við nágranna sína.
Húsin eru okkar skjól og þar viljum við finna vellíðan eftir amstur dagsins. Í öllum húsum geta komið upp vandamál og ágreiningur risið við nágranna, sem getur haft mikil áhrif á samskipti. Þegar ekki leysist úr ágreiningi getur verið gott fyrir húsfélag eða einstaka íbúðareigendur að geta leitað til óháðra sérfræðinga, hvort heldur það er að bera upp fyrirspurnir eða fá aðstoð við að leysa úr vandræðum.
Húseigendafélagið er hagsmunafélag fasteignaeigenda á Íslandi og hefur verið starfandi í yfir 100 ár. Þar hefur myndast fagleg þekking og reynsla á málefnum fasteignaeigenda og hefur félagið starfandi lögfræðinga sem gefa ráð og aðstoða við úrlausn ágreiningsmála, hvort heldur innan húsfélags eða við utanaðkomandi aðila. Á hverju ári fær Húseigendafélagið hundruð erinda þar sem félagsmenn eru með fyrirspurnir eða leita eftir lögfræðiaðstoð er varða fasteignir þeirra.
Nú fer senn að koma sá tími þar sem húsfélög huga að aðalfundi. Samkvæmt lögum um fjöleignarhús ber að halda aðalfund ár hvert, fyrir apríllok. Aðalfundur húsfélags er mikilvægur vettvangur fyrir ákvörðunartökur og nauðsynlegt að standa rétt að þeim málum til að forðast misskilning og óþarfa ágreining. Húseigendafélagið býður húsfélögum upp á altæka húsfundaþjónustu þar sem aðstoð er veitt við undirbúning aðal- og húsfunda og fundarboðun. Lögfræðingur Húseigendafélagsins stýrir fundi og lögfræðingur eða annar sérfræðingur ritar fundargerð. Húsfélög hafa í auknum mæli leitað eftir þessari þjónustu hjá Húseigendafélaginu og hefur hún reynst vel. Oft er uppi einhverskonar samskiptavandi eða misskilningur milli fólks sem erfitt er að finna lausn á. Þá getur verið ómetanlegt að fá hlutlausan aðila til að stíga inn, stýra umræðum og tryggja að ákvarðanir séu teknar með lögmætum hætti. Á húsfundum sem Húseigendafélagið stýrir leysast gjarnan mál og deilur sem hafa kannski verið í gangi í húsfélaginu í langan tíma. Hægt er að fræðast nánar um
húsfundaþjónustuna á heimasíðu Húseigendafélagsins – huso.is
Húseigendafélagið er fyrst og fremst almenn hagsmunasamtök fasteignaeigenda hér á landi sem stendur vörð um hagsmuni félagsmanna sinna. Fyrir flesta er fasteign þeirra verðmætasta eign og mikilvægt að til staðar sé öflugt hagsmunafélag sem fasteignaeigendur geta leitað í og berst fyrir þeirra hag.
Húseigendafélagið eru frjáls félagasamtök, nýtur engra opinberra styrkja og er alfarið haldið uppi af félagsmönnum.
Ef það er vandamál í húsfélaginu þínu, ef þig vantar upplýsingar eða aðstoð varðandi réttarstöðu þína – eða ef þú vilt styrkja almenna hagsmunabaráttu fasteignaeigenda hér á landi þá skaltu skrá þig í Húseigendafélagið.
Fréttamolar frá kirkjustarfinu
Helgihald í Árbæjarkirkju 22. febrúar - 22. mars
Sunnudaginn 22. mars: Fermingarmessur kl. 11.00 og 13.00. Kór Árbæjarkirkju syngur undir stjórn Guðmundar Sigurðssonar organista. Sr. Þór Hauksson og sr. Bjarki Geirdal Guðfinnsson þjóna fyrir altari. Sunnudagaskólinn kl. 11.00 á sama tíma í safnaðarheimilinu í umsjá Aldísar Elvu Sveinsdóttur æskulýðsfulltrúa. Laugardaginn 28. mars: Fermingarmessa kl. 13.00. Kór Árbæjarkirkju syngur undir stjórn Guðmundar Sigurðssonar organista. Sr. Þór Hauksson og sr. Bjarki Geirdal Guðfinnsson, prédikar og þjónar fyrir altari. Sunnudaginn 29. mars: Fermingar kl. 11.00 og 13.00. Kór Árbæjarkirkju syngur undir stjórn Guðmundar Sigurðssonar organista. Sr. Þór Hauksson og sr. Bjarki Geirdal Guðfinnsson þjóna fyrir altari. Sunnudagaskólinn kl. 11.00 á sama tíma í safnaðarheimilinu í umsjá Aldísar Elvu Sveinsdóttur æskulýðsfulltrúa. Skírdagur 2. apríl kl. 11.00: Ferming kl. 11.00. Kór Árbæjarkirkju syngur undir stjórn Guðmundar Sigurðssonar organista. Sr. Þór Hauksson og sr. Bjarki Geirdal Guðfinnsson þjóna fyrir altari.
Föstudagurinn langi: Guðsþjónusta kl. 11.00. Lithanían sungin. Kór Árbæjarkirkju syngur undir stjórn Guðmundar Sigurðssonar organista. Sr. Þór Hauksson prédikar og þjónar fyrir altari. Páskadagur 5. apríl: Hátíðarguðsþjónusta kl. 9.00 árdegis. Kór Árbæjarkirkju syngur undir stjórn Guðmundar Sigurðssonar organista. Sr. Þór Hauksson þjónar fyrir altari og prédikar. Sunnudaginn 12. apríl: Útvarpsguðsþjónusta Kór Árbæjarkirkju syngur undir stjórn Guðmundar Sigurðssonar organista. Sr. Bjarki Geirdal Guðfinnsson þjónar fyrir altari. Sunnudagaskólinn kl. 11.00 á
sama tíma í safnaðarheimilinu í umsjá Aldísar Elvu Sveinsdóttur æskulýðsfulltrúa.
Fullorðinsstarf - Opið hús – félagsstarf fullorðinna. Opið hús er í safnaðarheimili Árbæjarkirkju á miðvikudögum frá kl. 12 til 16 þar sem fólk á öllum aldri kemur saman. Í Opna húsinu er leitast við að bjóða upp á létta og fjölbreytta dagskrá til að sem flestir finni eitthvað við sitt hæfi. Stólaleikfimi hefur notið mikilla vinsælda og er fastur liður í Opna húsinu fyrir þá sem það kjósa. Við fáum líka oft gesti í heimsókn sem hafa eitthvað skemmtilegt fram að færa. Ekki má gleyma haust- og vorferð Opna hússins.
Barnastarfið í vetur:
Það verður líf og fjör í barnastarfi Árbæjarkirkju í vetur og ættu allir krakkar að finna eitthvað við sitt hæfi. Það hefur löngum verið mikill metnaður að halda úti öflugu barna- og unglingastarfi í söfnuðinum.
Tilgangurinn með starfinu er að kenna börnunum í gegnum sögur, söngva og leiki um kristna trú og siðfræði, gera hjálparstarfsverkefni og margt fleira.
Skrá þarf sérstaklega börnin í STN (6-9 ára) og TTT-starf (10–12 ára). Það er gert á heimasíðunni. Allt barna- og unglingastarf á vegum Árbæjarkirkju er ókeypis.
1. -3. bekkur. STN Þriðjudagar kl. 15:00 – 16:00
4. -7. bekkur. TTT Þriðjudagar kl. 16:00 – 17:00
Allar nánari upplýsingar um barna- og unglingastarf Árbæjarkirkju veitir Aldís Elva Sveinsdóttir á netfangið: aldiskvaran@gmail.com
Skoðið nánar á heimasíðu kirkjunnar www.arbaejarkirkja.is
- eftir sr. Þór Hauksson sóknarprest í Árbæjarsókn
Það eru ákveðin augnablik í tilverunni og til þess að gera í veraldarsögunni sem hefðu farið betur ef hægt hefði verið að ýta á pásutakkann, staldra við, taka aðra beygju eða bera fram eitt einasta orð aðeins skýrar. Konudagurinn í ár bauð upp á eitt slíkt augnablik, sem hefur ekki ratað í veraldarsöguna og mun ekki gera en mætti alveg því enginn ber skaða af, en það þykir ekki frétt.
Krakkinn í fatahenginu
sprúlandi samtali um misheyrn og misskilning.
Í litlu samfélagi eins og okkar, þar sem sögur ferðast hraðar en vindurinn á tíðum, skiptir máli að tala skýrt. Sérhljóð og samhljóð eru ekki bara bókstafir á blaði. Þau geta breytt frakka í krakka sem enginn vill kannast við á augabragði.
Þór Hauksson Árbæjarblaðið
Ég og frúin ákváðum að gera okkur dagamun og fara út að borða á konudeginum, ef ekki þá, þá hvenær? Það er ekki á hverjum degi sem við setjumst niður án þess að hafa auga á potti á suðu eða þvottavél á síðasta snúningi. Stemningin var góð, maturinn frábær og andrúmsloftið á staðnum alþjóðlegt. Það hljómaði eins og fólk talaði tungum.
Þegar kvöldið var á enda og tími kominn til að halda heim á leið, gaf ég þjóninum til kynna að ég vildi fá reikninginn. Ég komst að því að ég var ekki með símann á mér. Ég stóð upp frá borðinu með þá von í huga að ég hefði gleymt honum í frakkavasanum í fatahengingu. Á leiðinni fram í fatahengið muldraði ég bæn um að síminn væri í frakkanum. Það liti illa út á sjálfu konudagskveldinu að biðja betri helminginn um að sjá um reikninginn. Upp í hugann kom að keyrslan heim væri ekki tilhlökkunarefni í þrúgandi þögn gleymsku minnar. Ég mætti brosandi þjóninum með reikninginn á silfurbakka þar sem ég var á leið í fatahengið, ræksti mig og sagði, kurteis og yfirvegaður: „Ég geymdi frakkann minn í fatahenginu.“
Þjónninn horfði á mig með svip sem var blanda af áhyggjum og vantrú á pari við að ég væri að undirbúa að hlaupa frá reikningnum á sjálfum konudeginum. Ég endurtók setninguna, örlítið hærra og enn sannfærðari um að ég væri fullkomlega skiljanlegur. Ég fullvissaði hann um að ég væri ekki að hlaupa frá reikningnum og klappaði kumpánarlega á öxlina hans. Ég lagði áherslu á og gjóaði augum á minn betri helming sem sat við borðið, dreypandi á sérstökum konudagskokteili að staðurinn gæti tekið hana í pant ef ég kæmi ekki til baka. Þá birti yfir þjóninum eins og hann hafi orðið fyrir opinberun, skellti uppúr „Jaaá! sagði hann dálítið hikandi. „Mér heyrðist þú segja að þú geymdir krakkann í fatahenginu.“
Á sekúndubroti sá ég fyrir mér hvernig samtalið hefði getað þróast. Starfsfólk að kalla á lögreglu, gestir að líta mig hornauga á milli þess sem að hvert ofan í annað hugguðu ,,svikna” eiginkonuna með konudagskokteilinn í hendi. Fyrirsagnir á öllum helstu miðlum um að prestur reyndi að hlaupa frá reikningi á veitingahúsi í miðborg Reykjavíkur á sjálfum konudeginum.
Það er aldrei hægt að segja um hvernig mynd sagðra orða geta tekið á sig sbr. fjöðurin sem varð að hænu. Það var hlegið þegar misskilningurinn var upplýstur og frakkinn fannst á sínum stað hengdur á snagann eins og siðaðri yfirhöfn sæmir og það sem meira var, síminn á sínum stað. Enginn krakki kom við sögu, hvorki í fatahenginu né annars staðar og heimferðin fyllt af
Við þekkjum þetta í dægurlagatextum eins og: Ríðum, ríðum rekum yfir sandinn (misheyrðist semRíðum, ríðum rekum við í sandinn).
Eða: Fram í heiðanna ró, fann ég bólstað og bjó - (misheyrðist semFram í heiðanna ró fann ég bólstraðan stól.)
Eða: Ég hitti hana á Mánabar, hún minnti mig á Brendu Lee (sem misheyrðist - hún minnti mig á brennivín).
Þetta að ofansögðu er saklaust og vekur kátínu. Öllu verra eru dæmi um misheyrnir, rangar þýðingar eða misskilning sem áhrif hafa haft á veraldarsöguna, sum þeirra dramtísk og önnur til góðs. Upp í huga minn kemur reyndar fyndin goðsögn þegar John F. Kennedy sagði í ræðu þegar hann var í Berlín í upphafi sjöunda áratugarins, þegar kalda stríðið var í algleymingi. Í ræðu sinni, staðsettur við Berlínarmúrinn, segir hann þessi orð: „Ich bin ein Berliner“, sem þýðir á okkar ylhýra: „Ég er kleinuhringur.“ Því Berliner er kökunafn í sumum hlutum Þýskalands. Þess skal getið að enginn á staðnum misskildi ræðuna. Þetta er því fyndin sögusögn frekar en raunveruleg. Veraldarsagan eins og fyrr segir er uppfull af tilvikum sem hafa ekki bara mótast af stórum ákvörðunum
heldur líka af tilviljunum eins og rangri beygju –sem orsakaði hugsanlega fyrri heimsstyrjöldina. Það er augnablik sem kostaði hörmungar og milljónir mannslífa. Má alveg segja eins og ég komst að orði í upphafi pistilsins að gott hefði verið í því tilviki að geta ýtt á pásutakkann og staldrað aðeins við. Á þeim tíma þekktist ekki fyrirbærið pásutakki.
sr. Þór Hauksson.
Opna húsið í Árbæjarkirkju alla miðvikudaga kl. 12-16. Þangað eru allir fullorðnir velkomnir og þar er ýmislegt á dagskrá.
Byrjað er með kyrrðarstund í kirkjunni, síðan er léttur hádegisverður á vægu verði (kr. 1500). Að því loknu er hin sívinsæla stólaleikfeimi og svo er spjallað eða einhver gestur mætir í heimsókn.
Endað er á gómsætu síðdegiskaffi. Það þarf ekki að skrá sig sérstaklega og allir eru velkomnir.
Það þarf ekki að skrá sig sérstaklega og allir eru velkomnir.
Helgihald hvern sunnudag kl.11.00
Annan sunnudag hvers mánaðar er Fjölskylduguðsþjónusta kl.11.00
