LERPWL
CAEREDIN
MANCEINION
CAERDYDD
LLUNDAIN BRYSTE
Caergrawnt
Dofr
Abertawe
Caerwysg
DULYN
CYNNWYS
Tra bod pob ymdrech wedi’i wneud i sicrhau cywirdeb y cyhoeddiad hwn, ni all Croeso Caerdydd dderbyn cyfrifoldeb am unrhyw wallau, anghywirdebau neu hepgoriadau, nac am unrhyw fater sydd mewn unrhyw ffordd yn gysylltiedig â chyhoeddi’r wybodaeth yn y llyfryn hwn neu sy’n deillio o gyhoeddi’r wybodaeth yn y llyfryn hwn. Ni chaniateir atgynhyrchu’r llyfryn yn rhannol
llaw gan y cyhoeddwr.
YNGLŶN Â CHAERDYDD
Caerdydd yw Prifddinas Cymru
Arian Cyfred: Punt Sterling
Poblogaeth: 372,000
Cod Ffôn:
cod gwlad: 44, cod ardal: 029
Parth Amser: GMT (GMT+1 yn ystod yr haf)
Ieithoedd: Cymraeg a Saesneg
Wedi’i gefeillio â: Nantes, Ffrainc; Stuttgart, yr Almaen; Xiamen, Tsieina; Vestland, Norwy; Lugansk, Wcráin.
Pellter o Lundain: 2 awr ar y trên, 3 awr mewn car.
Meysydd Awyr Mawr:
Caerdydd, 25 munud; Bryste, 1 awr; Heathrow Llundain, 2.5 awr
HANES CRYNO
CAERDYDD O’R
1800AU I’R PRESENNOL
1813
Agor tafarn hynaf Caerdydd, y Blue Bell
1839
Agor y doc cyntaf yng Nghaerdydd, Doc Gorllewinol Bute
1894
Agor Spillers, siop recordiau hynaf y byd
1905
Daw Caerdydd yn ddinas!
1858
Agor yr Arcêd Brenhinol. Y cyntaf o 6 arcêd siopa Fictoraidd ac Edwardaidd yng Nghaerdydd
1907 Llofnodi’r fargen gyntaf gwerth £1 miliwn yn y Gyfnewidfa Lo yng Nghaerdydd
1955
Caerdydd yn cael ei chydnabod fel
Prifddinas Cymru
2006
Adeiladu adeilad y Senedd, un o brosiectau adeiladu mwyaf cynaliadwy’r byd ar y pryd
1958
Cynnal Gemau’r Gymanwlad a’r
Ymerodraeth Brydeinig yng Nghaerdydd
1983
- Agor Neuadd Dewi Sant, Neuadd Gyngerdd Genedlaethol Cymru
2016
Cynnal Pencampwriaethau Hanner Marathon y Byd IAAF 2016 yng Nghaerdydd
2009
Adeiladu ail gam canolfan Dewi Sant, un o ganolfannau siopa mwyaf y DU
2017
Cynnal Rownd Derfynol Cynghrair y Pencampwyr UEFA yng Nghaerdydd
2012
Cynnal digwyddiad cyntaf Gemau Olympaidd Llundain 2012 yng Nghaerdydd (sef pêl-droed!)
2018
Cynnal Ras Fôr Volvo yng Nghaerdydd
CROESO CAERDYDD – TEITHIAU GRŴP 2025-26
1869
Cyhoeddi papur newydd cenedlaethol Cymru, y Western Mail, am y tro cyntaf
1913
Anterth Maes Glo De Cymru, y mwyaf ym Mhrydain ar y pryd
1999
Adeiladu Stadiwm
Principality Caerdydd i gynnal rownd derfynol Cwpan Rygbi’r Byd ym 1999
2013
Cynnal Expo Cerddoriaeth y Byd (Womex) yng Nghaerdydd
1890
Adeiladu Wal yr
Anifeiliaid y tu allan i Gastell Caerdydd
1916
Ganwyd Roald Dahl yn Llandaf, Caerdydd
1891
Adeiladu Marchnad Caerdydd, adeilad rhestredig Gradd II*
2022
Caerdydd yn cynnal sioe gyntaf WWE yn y DU ers 30 mlynedd
2000
Agor Morglawdd Bae Caerdydd fel rhan o brosiect adfywio mawr ym Mae Caerdydd
2014
Cynnal Uwchgynhadledd NATO yn y rhanbarth
1927
Adeiladu’r Amgueddfa Genedlaethol yn ei chartref eiconig yng nghanol y Ganolfan Ddinesig
2005
Doctor Who yn dychwelyd i’r sgrin deledu, ac yn cael ei ffilmio yng Nghaerdydd
2015
Caerdydd yn cynnal 8 gêm yng Nghwpan Rygbi’r Byd 2015
2024
Cynnal Gŵyl Dinas Gerdd Caerdydd am y tro cyntaf
2025
Caerdydd yn dathlu pen-blwydd platinwm fel Prifddinas Cymru
CROESO I GAERDYDD
Castell Caerdydd
Fel prifddinas Cymru, mae
Caerdydd yn gyrchfan wych ar gyfer ymweliadau grŵp. Gyda mwy na 20 miliwn o ymwelwyr y flwyddyn, mae
Caerdydd yn cynnig amrywiaeth o atyniadau a gweithgareddau unigryw, yn ogystal ag adloniant o’r radd flaenaf a dewis eang o lety.
Ymhlith uchafbwyntiau unrhyw ymweliad mae Canolfan Mileniwm Cymru a’r
Stadiwm Principality byd-enwog. Mae’r ddau leoliad yn cynnig teithiau tywys a phrisiau arbennig i grwpiau.
Y tlws mwyaf yng nghoron y ddinas yw Castell Caerdydd, sy’n cynnig teithiau
tywys o amgylch yr ystafelloedd Neogothig Fictoraidd yn ogystal â’r cyfle i fwynhau gwledd Gymreig draddodiadol a noson o adloniant yn yr is-grofft canoloesol – blas go iawn ar Gymru.
Mae’r uchod i gyd o fewn yr un filltir sgwâr yng nghanol dinas Caerdydd ochr yn ochr â gwestai moethus, rhwydwaith o arcedau a chanolfannau siopa a dewis eang o fwytai, bariau a chaffis.
Os ydych chi’n chwilio am ddinas unigryw y gall eich cwsmeriaid ei harchwilio, croeso i Gaerdydd.
CANOL Y DDINAS
Parc Bute
Mae canol y ddinas yn llawn dop o bethau gwych i’w harchwilio...
CASTELL CAERDYDD
Un o brif atyniadau treftadaeth Cymru, ac ni ddylid ei golli. Gwnewch yn siŵr eich bod yn cael taith o amgylch tiroedd y Castell a’r ardaloedd byw Fictoraidd ysblennydd. Ar hyd y ffordd, dysgwch fwy am deulu Bute – y diwydianwyr cyfoethocaf yn y byd ar un adeg!
AMGUEDDFA GENEDLAETHOL CAERDYDD
Peidiwch ag anghofio ymweld ag Amgueddfa Genedlaethol Caerdydd. Byddwch yn barod i gael eich syfrdanu gan un o gasgliadau celf gorau Ewrop, casgliadau hanes natur a daeareg, ac arddangosfeydd dros dro. Ac ar ben hynny, mae mynediad am ddim.
TEITHIAU STADIWM PRINCIPALITY
Does yr un daith i Gaerdydd yn gyflawn heb o leiaf un gweithgaredd rygbi. Dysgwch beth sy’n digwydd yn y cefndir yn y stadiwm 74,000 sedd, cartref rygbi Cymru. Ymunwch â thaith y tu ôl i’r llenni, gan gynnwys ystafell y wasg ac ystafelloedd lletygarwch VIP. Neu os ydych chi’n chwilio am antur, rhowch gynnig ar Scale a dewiswch o blith cerdded ar do’r stadiwm, weiren wib neu gwymp (neu gwnewch y tri).
PARC BUTE
Mwynhau mynd am dro bach tawel a hamddenol? Mae Parc Bute, y tu ôl i Gastell Caerdydd, yn cynnig ardal helaeth o barcdir aeddfed, gyda nifer o nodweddion chwarae naturiol, canolfan addysg a chyfoeth o arddwriaeth a bywyd gwyllt. Mae sawl caffi yno hefyd i chi gael coffi a thamaid i’w fwyta ar hyd y ffordd.
TEITHIAU BBC CYMRU WALES
Ydych chi erioed wedi meddwl sut caiff effeithiau sain eu rhoi ar eich hoff bodlediadau? Neu sut brofiad yw darllen y newyddion? Ymunwch â’r tywyswyr ar daith unigryw y tu ôl i’r llenni yn BBC Cymru Wales. Ewch i’r stiwdios teledu a radio o’r radd flaenaf i ddarganfod cyfrinachau gwneud rhaglenni’r BBC.
AMGUEDDFA CAERDYDD
Galwch draw i’r amgueddfa am ddim lle caiff ymwelwyr ddysgu am stori’r ddinas trwy lygaid y rhai sy’n ei hadnabod orau – ei phobl. Mae’r amgueddfa’n adrodd hanes trawsnewid Caerdydd o dref farchnad fechan yn y 1300au i un o borthladdoedd mwyaf y byd yn y 1900au, i’r brifddinas cŵl cosmopolitan rydym yn adnabod heddiw.a small market town in the 1300s, to one of the world’s biggest ports in the 1900s, to the cool, cosmopolitan capital we know today.
BAE CAERDYDD GWELD A GWNEUD
Y Glannau, Bae Caerdydd
Lle gwych, heb os nac oni Bae!
Gynt yn ddociau diwydiannol, bellach mae’n ardal fywiog ar lannau llyn dŵr croyw golygfaol. Ewch am dro i fwynhau’r olygfa hardd o’r Morglawdd, edmygu’r darnau niferus o gelf gyhoeddus, neu ddarganfod natur yn y Warchodfa Gwlyptiroedd.
Y SENEDD
Eisiau dysgu mwy am sut mae Cymru’n cael ei llywodraethu? Mae’r Senedd ar agor i ymwelwyr ac mae’n gartref i’r siambr drafod ac ystafelloedd pwyllgora. Gallwch hyd yn oed wrando ar y trafodaethau o’r oriel gyhoeddus.
CANOLFAN MILENIWM CYMRU
Mae’r gyrchfan gelfyddydol a diwylliannol eiconig hwn yn cynnwys theatr fawr sy’n cynnal sioeau arobryn, ochr yn ochr â mannau digwyddiadau cyffrous gan gynnwys bar caffi Ffwrnais a Cabaret. Cymerwch gipolwg ar eu Digwyddiadur neu ymunwch ag un o’r teithiau cefn llwyfan rheolaidd.
MORGLAWDD BAE CAERDYDD
Yn berffaith i fynd am dro bach hamddenol neu daith ar gefn beic, mae’r Morglawdd mewn safle morol trawiadol ac yn cynnig golygfeydd bendigedig o Fae Caerdydd ac Aber Afon Hafren. Diolch i’r graddiant gwastad a dim grisiau, mae’n hygyrch i ymwelwyr.
TECHNIQUEST
Darganfyddwch wyddoniaeth yn
Techniquest a rhowch eich meddwl ar waith gydag arddangosiadau trawiadol lle gallwch lansio roced, suddo llwyfan olew, symud hanner tunnell o wenithfaen ac wedyn syllu ar y sêr! Gorau oll, mae’n cynnig hwyl a sbri i oedolion a phlant.
TEITHIAU CWCH
Ewch i’r Glannau ar gyfer amrywiaeth o deithiau cwch – gwibiwch o amgylch y Bae ar gwch cyflym, codwch hwyliau i ymweld ag Ynys Echni, cymerwch fws dŵr i ganol y ddinas neu ewch am daith hamddenol o amgylch yr harbwr.
AWGRYM ARBENNIG
Gwnewch yn siŵr eich bod yn manteisio i’r eithaf ar eich ymweliad â’r ardal drwy dalu am dywysydd teithiau. Aelodau Sefydliad Swyddogol Tywyswyr Teithiau Cymru yw’r unig dywyswyr a gydnabyddir i allu cynnal teithiau tywys yng Nghymru. Gallant gynnig tywyswyr Bathodyn Glas hyfforddedig, proffesiynol a phrofiadol, a fydd yn eich helpu i wneud eich taith yn fwy diddorol. Ewch i: walesbestguides.com
PENTREF CHWARAEON RHYNGWLADOL GWELD
Ar lan y llyn dŵr croyw a grëwyd gan Forglawdd Bae Caerdydd, y Pentref Chwaraeon Rhyngwladol yw’r lle perffaith ar gyfer eich antur nesaf.
CANOLFAN DŴR GWYN RHYNGWLADOL CAERDYDD
Mae Canolfan DGRhC yn gyfleuster antur cyffrous sy’n cynnig yr unig gwrs rafftio dŵr gwyn ar alw yng Nghymru. Gall ymwelwyr ymgymryd ag amrywiaeth o chwaraeon dŵr gan gynnwys rafftio, caiacio, padlfyrddio a mwy!
PWLL RHYNGWLADOL CAERDYDD A CHAMPFA
Sblasiwch o gwmpas ar y sleidiau ac yn yr afon araf yn y pwll hamdden, neu plymiwch i’r dŵr ar gyfer sesiwn nofio yn y pwll 50m trawiadol. Mae campfa o’r radd flaenaf ar gael i’w defnyddio ar sail ‘talu wrth fynd’ hefyd.
ARENA VINDICO
P’un a ydych chi’n ddechreuwr llwyr neu’n ddarpar gystadleuydd yn y Gemau Olympaidd, mae’r sesiynau sglefrio cyhoeddus yn ffordd wych o gael hwyl ar yr iâ. Mae’r adeilad hefyd yn gartref i’r Cardiff Devils, tîm proffesiynol yn y Gynghrair Hoci Iâ Elît.
FUN HQ
Y diweddaraf yn y detholiad o weithgareddau antur yn yr ardal. Mae’r atyniad hwn, sydd wedi’i leoli yn Arena Vindico, yn cynnig amrywiaeth o weithgareddau ‘clipio a dringo’ hwyliog a lliwgar sy’n addas i bobl o bob oed a gallu.
LLWYBR BAE CAERDYDD
Mae’r llwybr cylchol hwn i gerddwyr a beicwyr yn 10km (6.2 milltir) o hyd. Mae’n ymestyn o amgylch y Bae a draw i dref glan môr Penarth dros Bont y Werin, pont 140m sy’n cynnig cyswllt i gerddwyr a beicwyr rhwng Penarth a’r Pentref Chwaraeon Rhyngwladol.
Canolfan Dŵr Gwyn Rhyngwladol Caerdydd
YN YR ARDAL GWELD A GWNEUD
Tŵr Zip World, Hirwaun
Ychydig y tu allan i Gaerdydd mae yna lawer o atyniadau eraill i’w darganfod, sydd o fewn pellter byr ac yn hawdd eu cyrraedd i grwpiau ar goetsis.
AMGUEDDFA WERIN CYMRU
SAIN FFAGAN
Dim ond taith fer mewn car o ganol y ddinas, Sain Ffagan yw atyniad treftadaeth mwyaf poblogaidd Cymru ers blynyddoedd lawer. Mae’n rhoi cyfle i ymwelwyr archwilio hanes drwy fywydau bob dydd pobl ac i gael cip y tu mewn i adeiladau sydd wedi’u rhewi mewn amser. Ymwelwch â Ffermdy Abernodwydd neu Swyddfa Bost
Blaenwaun – a hyd yn oed siop pysgod a sglodion pan fydd chwant bwyd arnoch.
PROFIAD Y BATHDY BRENHINOL
Ewch i Lantrisant i ddatgloi 1,100 mlynedd o hanes ac archwilio’r broses hynod ddiddorol o fathu darnau arian, o baratoi disgiau metel plaen i daro eich darn arian eich hun. Mynd â’r plant? Mae Profiad y Bathdy Brenhinol yn cynnal digwyddiadau addysgol difyr i’r teulu cyfan yn rheolaidd.
GWESTY’R FRO A CHASTELL HENSOL
Mae Gwesty’r Fro wedi’i leoli yng nghanol 650 erw o gefn gwlad hardd, ac mae’n cynnig profiad golff, sba a hamdden pedair seren. Ar y safle hefyd fe welwch
Ddistyllfa Castell Hensol, sef y ddistyllfa jin raddfa lawn gyntaf yn ne Cymru, yn
ogystal â’i phrofiad i ymwelwyr, ysgol jin a ffatri botelu.
GO APE
P’un a ydych yn dwlu ar gyffro ac yn chwilio am hwyl llawn antur neu eisiau treulio rhywfaint o amser arbennig gyda ffrindiau a theulu, mae ganddyn nhw’r antur i chi. Dim ond 40 munud i ffwrdd o Gaerdydd, mae’n ddiwrnod allan gwych. Yn ogystal â chroesfannau pennau coed a gwifrau gwib cyflym iawn, mae Margam yn ymfalchïo yn siglen Tarzan fwyaf
Go Ape.
GERDDI DYFFRYN
Yn werddon heddychlon ar gyrion
Caerdydd, mae gan Gerddi Dyffryn rywbeth newydd i’w ddarganfod ar bob ymweliad, o ystafelloedd gardd cywrain ar themâu penodol i lawntiau ffurfiol helaeth. Mae’r gerddi’n cynnwys nifer o wahanol arddulliau wedi’u hysbrydoli gan wledydd ledled y byd, o ddylanwad Eidalaidd adnabyddus yn yr Ardd Bompeiaidd i’r planhigion â natur debyg i goedwig law yn yr Ardd Ecsotig.
RHONDDA CYNON TAFF
Ymwelwch â’r cymoedd a’r bryniau enwog i ddarganfod diwrnodau unigryw allan yn Nhaith Pyllau Glo Cymru, Lido Cenedlaethol Cymru a Zip World. Mwynhewch daith flasu yn nistyllfa wisgi fyd-enwog Penderyn neu ymlaciwch a blasu’r bwyd penigamp yn y bwytai a chaffis niferus.
BWYD A DIOD DARGANFOD
Marchnad Caerdydd
Caerdydd yw’r gyrchfan ddelfrydol ar gyfer mwynhau prydau bwyd amrywiol gyda blas Cymreig iddynt. I helpu gyda’ch penderfyniad, dyma ychydig o lefydd sy’n arbennig o boblogaidd…
LÔN Y FELIN
Yr ardal fywiog hon o’r ddinas yw’r lle i fynd ar gyfer bwyd gwych a choctels blasus. Mwynhewch brydau Eidalaidd go iawn yn Giovannis, neu ewch i Bill’s am frecinio drwy’r dydd, crempogau diddiwedd, a hyd yn oed bwydlen i gŵn. Mae Browns yn cynnig ffefrynnau tymhorol a chlasuron Prydeinig, o gimwch a Chateaubriand i de prynhawn a brecinio champagne. Am naws Ladinaidd, mae Las Iguanas yn cynnig seigiau poeth a 2 goctel am bris 1, tra bod Côte Brasserie yn cynnig bwyd Ffrengig o’r radd flaenaf. Gorffennwch y noson yn Barbara’s, sydd ar agor tan 3am, gyda gwydrau mawr o gwrw ac awyrgylch après-ski bywiog.
Y STRYD FAWR
Ardal fywiog llawn bwyd, diod ac awyrgylch, a hynny dim ond camau o’r castell. Mae Nomad yn cynnig bwydlen feiddgar o blatiau bach amrywiol o bedwar ban byd, sy’n berffaith ar gyfer bwytawyr anturus. Mae’r Welsh House yn cynnig awyrgylch cynnes a chroesawgar gyda bwyd traddodiadol Cymreig, sy’n ddelfrydol ar gyfer digwyddiadau cymdeithasol hamddenol. Mae Temple Bar yn cadw’r egni’n uchel gyda cherddoriaeth fyw a thorf fywiog. Mae Gin and Juice yn cynnig coctels botanegol a brecinio blasus. Tra bod Pasture yn darparu stêcs o’r radd flaenaf wedi’u coginio dros griliau golosg, ac wedi’u gweini mewn lleoliad cegin agored. P’un a ydych chi’n chwilio am ginio hamddenol neu noson allan fawr, mae’r Stryd Fawr yn cynnig profiad arbennig yng nghanol y ddinas.
STRYD YR EGLWYS
Yn dilyn datblygiad diweddar, mae’r stryd hon bellach yn un o’r lleoedd gorau i fynd am fwyd da yng nghanol y ddinas. O goctels adfywiol i fwyd stryd i fwyd o bob cwr o’r byd – dyma’r lle i fod ar gyfer ystod amrywiol o wleddoedd blasus. Mae Stryd yr Eglwys yn ymfalchïo mewn llawer o enwau adnabyddus fel The Botanist, Honest Burgers a Pho, yn ogystal ag ambell i fwyty annibynnol poblogaidd fel Café Citta. Ewch am dro i lawr y stryd brysur y tro nesaf mae chwant bwyd arnoch – cewch chi ddim eich siomi.
MARCHNAD CAERDYDD
Dyma galon y ddinas, lle gallwch flasu cynnyrch ffres mewn awyrgylch cynnes a chroesawgar. Gan fasnachu ers y 1700au, mae’r Farchnad o hyd yn llawn busnesau annibynnol lleol sy’n gwerthu bwyd traddodiadol Cymreig, coffi crefft a bwyd stryd fel Ffwrnes Pizza. A chofiwch, dyw taith i Gaerdydd ddim yn gyflawn heb fwynhau pice ar y maen o Cardiff Bakestones.
CEI’R FÔR-FORWYN
Ar gyfer cinio gyda golygfa o’r dŵr, mae Cei’r Fôr-Forwyn yn anodd ei guro gyda mwy na 30 o fwytai, caffis a bariau. Beth am ymweld â’r Botanist am ddiodydd ar ôl gwaith, neu i gael cinio gyda’r teulu, a mwynhau’r thema garddwriaethol hamddenol. Ar frys? Galwch heibio i Full Fat Social i gael coffi neu fyrbryd blasus i fynd. Mae Coffi Co yn cynnig lleoliad gwych ac awyrgylch unigryw ar lan y dŵr. Mwynhewch noson ffilm gyda gwahaniaeth yn sinema Everyman, a newidiwch eich diod feddal am wydraid o win coch a sleisen o pizza ffres.
DARGANFOD
SIOPA
Dinas yr Arcêd
Yn galw ar bawb sy’n caru siopa!
Mae gan Gaerdydd y cyfan: siopau adrannol, brandiau dylunwyr a ffefrynnau’r stryd fawr. Y peth gwych am siopa yng nghanol y ddinas yw bod y rhan fwyaf ohono’n agos at ei gilydd ac i gerddwyr yn unig, felly mae’n hawdd iawn mynd o gwmpas y lle.
ARCEDAU HANESYDDOL
Uchafbwyntiau go iawn y sîn manwerthu yw’r arcedau Fictoraidd ac Edwardaidd, sy’n llawn siopau a chaffis annibynnol, ac mae’n werth ymweld â nhw i edrych ar y bensaernïaeth anhygoel os dim byd arall! Mae Jian Chen’s FINE ART yn gwerthu lluniau difyr a lliwgar o olygfeydd Caerdydd – ewch â darn bach o Gaerdydd adref â chi!
MARCHNAD CAERDYDD
Mae Marchnad Caerdydd yn adeilad Fictoraidd trawiadol, ac mae wedi bod yn masnachu ers y 1700au. O dan y to
gwydr syfrdanol fe welwch gyfoeth o gynhyrchion gan gynnwys bwyd stryd, coffi crefft, dillad ail-law, a chynnyrch ffres. Beth am fynd i Kelly’s Records ar y balconi uchaf? Wedi’i sefydlu ym 1969, mae’n gwerthu finyl prin a chasgladwy –efallai y byddwch chi’n dod o hyd i drysor cudd!
CANOLFAN DEWI SANT
Dewch i siopa nes i chi flino’n lân, a’r cyfan o dan un to. Y ganolfan siopa hon yw prif gyrchfan siopa Cymru, gyda miliynau o ymwelwyr yn llifo drwy’r drysau bob blwyddyn. Mae ei chymysgedd o frandiau dylunwyr a’r gorau o’r stryd fawr yn golygu mai Dewi Sant yw’r lle perffaith i fynd i fodloni angerdd am ffasiwn.
HEOL Y FRENHINES
Crwydrwch ar hyd Heol y Frenhines a’r Ais, sydd i gerddwyr yn unig, i ddod o hyd i amrywiaeth o frandiau enwog y stryd fawr.
Marchnad Caerdydd
DINAS GERDD DARGANFOD
GŴYL DINAS GERDD CAERDYDD
Bydd cerddoriaeth a pherfformiadau sy’n gwthio ffiniau yn llenwi neuaddau cyngerdd, clybiau a lleoliadau dros dro yng Nghaerdydd bob hydref wrth i Ŵyl Dinas Gerdd arloesol Caerdydd greu trac sain i’r ddinas. Bydd artistiaid sefydledig, arwyr tanddaearol a sêr newydd o Gymru yn llenwi rhaglen sy’n cyfuno genres, a fydd hefyd yn cynnwys yr arddangosfa gerddoriaeth newydd Sŵn, wythnos gelfyddydol ryngwladol Canolfan Mileniwm Cymru, Llais, a’r Wobr Gerddoriaeth Gymreig fawreddog. I gael mwy o wybodaeth, ewch i. dinasgerddcaerdydd.cymru
Gŵyl Dinas Gerdd Caerdydd
Mae cerddoriaeth yn rhan annatod o hunaniaeth a hanes Caerdydd. Mae’n ddinas sy’n falch iawn o ddathlu ei thalent newydd arloesol, tra hefyd yn croesawu artistiaid rhyngwladol mawr.
Gan gynnig amrywiaeth o gerddoriaeth fyw o’r radd flaenaf ar draws llwyfannau llawr gwlad, neuaddau cyngerdd, a sioeau stadiwm anhygoel, mae Caerdydd yn ganolfan gyffrous ac egnïol ar gyfer diwylliant ac adloniant.
LLEOLIADAU
CERDDORIAETH ALLWEDDOL
STADIWM PRINCIPALITY
Mae rhai o’r sioeau byd-eang gorau yn digwydd yn y stadiwm eiconig hon yng nghanol dinas Caerdydd, a does dim byd tebyg i gynulleidfa ym mhrifddinas Cymru! Yn ddiweddar, mae ffans o bob cwr o’r blaned wedi mwynhau Oasis, Taylor Swift, Bruce Springsteen, Kendrick Lamar, Foo Fighters a Stereophonics i enwi ond ychydig...
ARENA UTILITA CAERDYDD
Lleoliad amlbwrpas Caerdydd, a’r lle i fynd i weld yr enwau mwyaf o fyd cerddoriaeth, comedi a chwaraeon!
Y NEUADD FAWR
Neuadd gyngerdd enwog gyda lle i 1,500 o bobl, wedi’i leoli ar y llawr cyntaf yn adeilad Undeb Myfyrwyr Caerdydd.
CLWB IFOR BACH
Lleoliad annibynnol sydd wedi bod ar flaen y gad o ran diwylliant Cymru ers dros 40 mlynedd, mae Clwb yn cynnig y gerddoriaeth orau o Gymru a thu hwnt i’w dorf ac yn rhoi cyfleoedd i filoedd o egin artistiaid ddatblygu eu crefft.
TRAMSHED
Nid dim ond pensaernïaeth Gradd II yr hen ddepo tramiau hwn sy’n ei wneud yn lleoliad cerddoriaeth unigryw. Mae’r lleoliad cerddoriaeth a chelfyddydau bywiog ac amlbwrpas wedi meithrin enw da, gan gynnal popeth o roc i reggae, ac o gomedïwyr i nosweithiau clwb.
PORTER’S
Lleoliad bywiog ac amrywiol sy’n cynnig adloniant am ddim drwy gydol yr wythnos. Croeso cynnes, awyrgylch gwych a man cyfarfod llawn cymeriad a hwyl.
DEPOT
Lleoliad amlbwrpas a chreadigol yng Nghaerdydd, sy’n cynnal gwyliau, dangosiadau, partïon, cerddoriaeth fyw a mwy.
Ar ben hynny, mae lleoliadau eraill na ddylid eu colli yn cynnwys CULTVR, Fuel, The Canopi, The New Moon, Tiny Rebel a Paradise Garden.
MANNAU AGORED YN YR HAF
Yn ystod misoedd yr haf, mae Caerdydd yn croesawu rhai o gerddorion mwyaf y byd i’n meysydd glas a thiroedd y castell yng nghanol y ddinas. Yn 2025, roedd y perfformwyr mawr hyn yn cynnwys Stevie Wonder, Alanis Morissette, Fontaines DC, Sting a Noah Kahan.
Yn y brifddinas fywiog hon, mae Carnifal Butetown yn dathlu amrywiaeth a diwylliannau unigryw Tiger Bay, mae Tafwyl yn dathlu celfyddydau a diwylliant Cymraeg y ddinas, ac mae Pride Cymru yn parhau i dyfu fel digwyddiad diwylliannol mawr sy’n dathlu ac yn hyrwyddo cydraddoldeb LHDTC+.
CHWARAEON YNG NGHAERDYDD
Clwb Criced Morgannwg
Mae Caerdydd wedi cael ei rhoi ar y map o ran chwaraeon diolch i Gwpan Rygbi’r Byd 2015, Rownd Derfynol Cynghrair y Pencampwyr UEFA 2017, Ras Fôr Volvo 2018, a WWE Clash at the Castle yn 2022. Boed ydych chi am wylio neu chwarae, mae’n anodd curo cynnig chwaraeon Caerdydd!
UNDEB RYGBI CYMRU
Mae’r brifddinas yn gartref i dîm rygbi Cymru. Beth am gael taith dywys o amgylch y stadiwm, sydd wedi cael ei ddisgrifio fel “lleoliad rygbi gorau’r byd” –yn sicr ni ddylid ei golli.
RYGBI CAERDYDD
Tîm rygbi undeb proffesiynol llwyddiannus sy’n cystadlu yn y Bencampwriaeth Rygbi Unedig ac yn chwarae eu gemau cartref ym Mharc yr Arfau, Caerdydd. Mae eu cefnogwyr angerddol yn heidio i Barc yr Arfau i wylio eu gemau o dan gysgod Stadiwm Principality.
DREIGIAU CAERDYDD
Dyma un o’r timau sy’n cystadlu yn Uwch Gynghrair Pêl-rwyd y DU. Yr unig dîm o Gymru yn y gynghrair nodedig hon, mae’r Dreigiau’n cyfuno’r chwaraewyr
gorau o bob rhan o Gymru â chymysgedd o dalent ryngwladol.
CLWB PÊL-DROED DINAS CAERDYDD
Mae gan glwb pêl-droed y brifddinas dros 100 mlynedd o hanes. I’w cefnogwyr, nhw yw eu Hadar Gleision annwyl. Ers 2009, maen nhw wedi chwarae eu gemau cartref yn Stadiwm Dinas Caerdydd. Awydd ymweld a sefyll wrth ymyl y cae? Mae teithiau ar gael.
CARDIFF DEVILS
Mae’r Cardiff Devils yn dîm hoci iâ proffesiynol sy’n cystadlu yn y Gynghrair Elît ac yn chwarae’u gemau cartref yn Arena Vindico ym Mae Caerdydd. Os ydych chi eisiau cael profiad o ddigwyddiad chwaraeon gwahanol iawn, gwelwch ddyddiadau eu gemau o Awst i fis Mawrth.
CLWB CRICED MORGANNWG
Mae Caerdydd yn hen gyfarwydd â chriced – cynhaliwyd rhai gemau Cwpan Criced y Byd ICC yn y ddinas yn 2019. Rydym hefyd yn gartref i Glwb Criced Morgannwg, yr unig glwb dosbarth cyntaf yng Nghymru, sy’n chwarae eu gemau cartref yng Ngerddi Sophia yng nghanol y ddinas.
Gêm Rygbi Cymru, Heol y Porth
GWESTAI DARGANFOD
voco Dewi Sant, Caerdydd gan IHG
Beth bynnag rydych chi’n chwilio amdano, mae yna bob amser lu o opsiynau yng Nghaerdydd, ac nid yw ein dewis eang o lety yn eithriad, gyda gwestai gwych ar gyfer bob math o grwpiau a chyllidebau.
Gall gwesteion aros mewn gwesty yng nghalon y ddinas, gyda siopau, adloniant ac atyniadau y mae’n rhaid eu gweld byth yn rhy bell i ffwrdd; neu gallant fwynhau’r
Bae hardd sy’n hawdd ei gyrraedd.
CLAYTON
Gwesty modern 4* wedi’i leoli’n ganolog ger yr orsaf drenau ac yn agos at y golygfeydd mwyaf eiconig.
EASYHOTEL
Wedi’i leoli i’r dwyrain o ganol y ddinas, o fewn pellter cerdded i’r prif atyniadau.
FUTURE INN
Gwesty 4* ym Mae Caerdydd gydag ystafelloedd mwy, bwyty, bar a pharcio am ddim.
HILTON
Gwesty a fu’n destun gwaith adnewyddu gwerth £11m yn ddiweddar, wedi’i leoli gyferbyn â Chastell Caerdydd ac yn cynnig dewisiadau hamdden, bwyd a diod helaeth.
HOLIDAY INN CANOL DINAS
CAERDYDD GAN IHG
Gwesty modern, hygyrch sy’n edrych dros wal anifeiliaid Castell Caerdydd a Stadiwm Principality, ac sydd â maes parcio.
HOLLAND HOUSE HOTEL CARDIFF BY SUNDAY
Gwesty mawr 4* ger Heol y Frenhines sy’n cynnig sba a’r gofod digwyddiadau mwyaf mewn gwesty yng Nghaerdydd.
HOTEL INDIGO GAN IHG
Gwesty modern wedi’i leoli mewn arcêd siopa hanesyddol yng nghanol y ddinas, oddi ar Heol y Frenhines.
GWESTY LEONARDO
Mae’r gwesty traddodiadol hwn sydd wedi’i leoli yn y brif ardal siopa, ac wrth ymyl y Theatr Newydd, yn cynnig amrywiaeth o ystafelloedd eang.
MARRIOTT
Gwesty mawr 4* mewn lleoliad canolog, ger canolfan siopa fawr Dewi Sant a Lôn y Felin sy’n llawn awyrgylch.
NOVOTEL
Gwesty 4* gyda phwll ac ystafell ffitrwydd, parcio ar y safle, golygfeydd o Ddoc Dwyreiniol Bute, ac atyniadau o fewn pellter cerdded.
PARK PLAZA
Gwesty bwtîc wedi’i leoli’n agos iawn at y ganolfan ddinesig, ac yn cynnig sba moethus a phwll nofio.
GWESTY’R PARKGATE
Gwesty 5* wrth ymyl Stadiwm Principality, lle mae swyn traddodiadol yn cwrdd â steil modern, a bwyty arobryn.
VOCO DEWI SANT GAN IHG
Gwesty moethus ar lan y dŵr ym Mae Caerdydd, gyda sba a bwyty ar y safle, sy’n defnyddio cynnyrch Cymreig o’r safon gorau.
TEITHIO A PHARCIO CYRRAEDD YMA
TEITHIO I GAERDYDD
Mae Caerdydd yn ddinas hawdd ei chyrraedd, dim ots sut y byddwch yn teithio yma. O’n rheilffordd gyflym, ein maes awyr rhyngwladol i’r rhwydwaith traffyrdd cysylltiedig.
Dylai grwpiau sy’n teithio ar goetsis o’r dwyrain ddilyn traffordd yr M4 a chymryd cyffordd 29, a dylai’r rhai sy’n teithio o’r gorllewin gymryd cyffordd 33. Gall y rhai sy’n dod o’r gogledd ddilyn yr A470 i ganol y ddinas. O ble bynnag rydych chi’n dod, fe gyrhaeddwch chi ganol y brifddinas mewn dim o dro.
CANOL DINAS CAERDYDD
Mae man gollwng a chasglu pwrpasol i goetsis y tu allan Amgueddfa Genedlaethol Caerdydd (am ddim ac yn hygyrch o’r naill gyfeiriad neu’r llall).
Mae yna hefyd fan gollwng a chasglu y tu allan i faes parcio Stablau’r Castell (am ddim ac yn ddelfrydol i’r rhai sy’n dod o’r
gorllewin), gyda mynediad hawdd i Borth Gogleddol Castell Caerdydd.
Er mwyn parcio am gyfnodau hirach, defnyddiwch ochr chwith y baeau i goetsis yng Ngerddi Sophia (talu), neu Heol Corbett (am ddim) fel dewis arall.
BAE CAERDYDD
Y lleoedd gorau i ollwng a pharcio yw tu ôl i Crefft yn y Bae (am ddim) a thu allan i Premier Inn Bae Caerdydd (am ddim), ill dau’n dafliad carreg o Ganolfan Mileniwm Cymru. Dylid osgoi’r safle bws y tu allan i Ganolfan y Mileniwm gan ei fod yn cael ei ddefnyddio gan Fws y Bae a bysiau lleol eraill.
FFYRDD ERAILL O DEITHIO
Wyddoch chi y gallwch chi hefyd llogi eich cerbyd Great Western Railway eich hun?
Mae digonedd o leoedd i barcio coetsis yng Nghaerdydd, felly ar sail y cyntaf i’r felin maen nhw ac ni ellir eu harchebu ymlaen llaw. Darganfyddwch fwy am barcio a gwasanaethau i goetsis yn Traffordd yr M4, Pont Tywysog Cymru
www.croesocaerdydd.com/grwpiau-bysiau
DIWRNOD 1 CANOL Y DDINAS
Amgueddfa Genedlaethol Caerdydd
Gyda chymaint i’w wneud, gall fod yn anodd gwybod ble i ddechrau. Dyma daith deuddydd enghreifftiol sy’n tynnu sylw at leoedd y gallwch ymweld â nhw’n hawdd yn yr amser hynny.
Gollwng y tu allan i’r Amgueddfa
Genedlaethol a pharcio ar Heol Corbett. Dechrau yn Amgueddfa Genedlaethol Caerdydd, sy’n agor am 10am.
AMGUEDDFA
GENEDLAETHOL CAERDYDD
Mynediad am ddim Trefnwch ymlaen llaw | 1.5 awr
Archwiliwch yr orielau helaeth, lle byddwch yn gweld darnau gan
Botticelli a Rembrandt, ochr yn ochr ag amrywiaeth o arddangosfeydd a rhaglen reolaidd o ddigwyddiadau.
AMSER CINIO YNG NGHAERDYDD
O fan hyn, ewch am dro byr i ganol y ddinas i fwynhau cinio neu i brynu cofrodd Gymreig i fynd adref gyda chi. P’un a ydych chi’n penderfynu mynd i Farchnad Caerdydd am bice ar y maen, Tiny Rebel i flasu cwrw Cymreig, tafarn gastro Daffodil am bryd o fwyd o gynnyrch lleol, neu fwyty fel The Ivy am ginio preifat, rydych chi’n siŵr o ddod o hyd i rywbeth sy’n addas i’ch grŵp a’ch cyllideb (tud 18-19).
Byddwch hefyd yng nghalon yr ardal siopa – ewch i archwilio’r siopau annibynnol yn yr Arcedau Fictoraidd
ac Edwardaidd hanesyddol a thrawiadol, a dewch o hyd i frandiau enwog yn un o ganolfannau siopa gorau’r DU, Canolfan Dewi Sant (tud 20-21).
Yn y prynhawn ymwelwch â Chastell Caerdydd.
CASTELL CAERDYDD
Tocynnau | Archebwch ymlaen llaw | 2 awr
Wedi’i leoli yng nghanol y ddinas, ger rhai o’r prif arcedau siopa, mae’r Castell 2000 mlwydd oed yn atyniad y mae’n rhaid ei weld. Crwydrwch o amgylch rhai o adeiladau Fictoraidd gorau’r DU, dringwch y Gorthwr Normanaidd, a cherddwch drwy’r llochesau rhyfel. Gostyngiadau ar gael i grwpiau.
O 4pm, cofrestrwch yn eich gwesty.
COFRESTRU
Gwnewch y mwyaf o’ch amser yn y ddinas ac archebwch arhosiad dros nos yn un o’r gwestai niferus sy’n croesawu grwpiau mawr (tud 26-27).
ADLONIANT
Ar gyfer eich adloniant gyda’r nos, ewch i weld sioe yn y Theatr Newydd neu Arena Utilita Caerdydd, neu ewch i Wledd Gymreig yn Cornerstone. Neu os ydych chi’n chwilio am rywbeth arbennig, gofynnwch i Gastell Caerdydd am eu ciniawau 3 chwrs i grwpiau yn y Neuadd Wledda odidog.
Castell
Caerdydd
DIWRNOD 2 BAE CAERDYDD AMSERLEN
Glannau Bae Caerdydd
Ar ôl brecwast, neidiwch ar eich bws a theithiwch y pellter byr i Fae Caerdydd.
Gollwng a pharcio ger Canolfan
Mileniwm Cymru. Dechreuwch yn y Senedd, sy’n agor am 9am yn ystod yr wythnos ac am 10:30am ar ddydd Sadwrn.
Y SENEDD
Mynediad am ddim
Trefnwch ymlaen llaw | 1.5 awr
Un o’r adeiladau seneddol mwyaf ecogyfeillgar yn y byd, mae’r Senedd yn gartref i’r Siambr (y siambr drafod) ac ystafelloedd pwyllgora gydag orielau gwylio cyhoeddus. Darganfyddwch hanes Senedd Cymru a’u hadeilad trawiadol trwy archebu taith gyda thywysydd.
Y GLANNAU
Gyda rhywfaint o amser rhydd i archwilio, gall ymwelwyr fynd i’r glannau a mynd ar daith mewn cwch (yn amodol ar y tywydd). Neidiwch ar un o’r cychod sy’n mynd â chi o amgylch y Bae, neu os oes mwy o amser gennych, beth am deithio’n ôl i ganol y ddinas ar fws dŵr y Dywysoges Katherine?
PIERHEAD
Gyda’i dŵr cloc adnabyddus, mae mynediad i adeilad y Pierhead yn rhad
ac am ddim, ac mae’n cysylltu’r Bae modern â’i dreftadaeth fel ardal ddociau. Mwynhewch ei raglen o arddangosfeydd dros dro a ffilm fer.
AMSER CINIO YM MAE CAERDYDD
Ewch i gael diod a rhywbeth i fwyta yn un o’r bariau a bwytai yng Nghei’r FôrForwyn sy’n cynnig golygfeydd o’r dŵr, fel y Dock a’r Botanist.
Yn y prynhawn ymwelwch â Chanolfan Mileniwm Cymru am 1pm.
CANOLFAN MILENIWM CYMRU
Teithiau am dâl Archebwch ymlaen llaw | 1.5 awr
Mae’r adeilad eiconig hwn wedi cynnal sioeau cerdd byd-enwog, cynyrchiadau
Cymreig newydd, ac mae’n gartref i Opera Cenedlaethol Cymru. Mae mynediad am ddim, a gall ymwelwyr fynd i’r bar caffi neu fwynhau arddangosfeydd tymhorol. Ond y ffordd orau o’i gweld yw drwy archebu taith y tu ôl i’r llenni lle gallwch gerdded yn olion traed y sêr neu weld pa sioeau sy’n cael eu perfformio yn ystod eich arhosiad. Gostyngiadau ar gael i grwpiau.
Dim ond sampl o’r hyn sydd ar gael yw hwn. Am atyniadau eraill gan gynnwys Stadiwm Principality a theithiau o amgylch adeilad y BBC, ewch i www.croesocaerdydd.com/gweld-gwneud
DIGWYDDIADAU GYDA
CWRDD YNG NGHAERDYDD
Ydych chi’n chwilio am ddinas i gynnal cynhadledd neu ddigwyddiad?
Mae’r tîm Cwrdd yng Nghaerdydd yn cynnig gwasanaeth cymorth proffesiynol a theilwredig ar gyfer pob agwedd ar y busnes cyfarfodydd, cynadleddau, cymhelliant a digwyddiadau mawr.
Os byddwch chi’n gweithio gyda’r tîm
Cwrdd yng Nghaerdydd, byddwch yn elwa o’r canlynol...
• Canfod lleoliadau a datblygu profiad y cynrychiolydd
• Sicrhau’r cyfraddau a’r dyraniadau llety gorau
• Darparu gwasanaeth archebu llety pwrpasol hawdd ei ddefnyddio i gynadleddwyr
• Cyflwyniadau i gyflenwyr lleol a’r pecynnau gorau i gefnogi eich digwyddiad
• Cymorth i baratoi dogfennau a chyflwyniadau cynnig
• Darparu deunyddiau marchnata i hyrwyddo Caerdydd ymhlith cynrychiolwyr y dyfodol
• Trefnu ymweliadau safle a chyngor ar deithiau rhithwir 3D
• Arbenigedd lleol a gwybodaeth am y diwydiant
• Marchnata digwyddiadau, cysylltiadau cyhoeddus a chymorth cyfryngau cymdeithasol
• Arbenigedd lleol a gwybodaeth am y diwydiant
Darganfyddwch fwy yn www.cwrddcaerdydd.com
