croesocaerdydd.com/bwyta-yfed
Un o’r pethau mwyaf cyffrous am deithio, ar wahân i ddarganfod lle newydd, yw darganfod bwydydd a blasau newydd.
Yn ffodus, mae gan Gaerdydd ddewisiadau sy’n addas at ddant a waled pawb!
Sylwch – dim ond blas ar yr hyn sydd ar fwydlenni Caerdydd yw hwn. Ewch i croesocaerdydd.com/bwyta-yfed am fanylion yr holl fwytai, bariau, caffis a mwy.
Canol y Ddinas
Bae Caerdydd
Cymdogaethau a’r Tu Allan i Gaerdydd
Mae’r wybodaeth a ddarperir yn y canllaw hwn yn gywir hyd eithaf ein gwybodaeth ar adeg argraffu - Mai 2025
O goctels i gwrw crefft, mae gan Gaerdydd rywbeth at ddant pawb.
Ewch dan glo yn Alcotraz a mynd i fyd cyffrous o ddrygioni wrth i chi gael cyfarwyddyd gan bootlegger drwg-enwog o’r tu mewn i smyglo gwirodydd i’w defnyddio i wneud coctels blasus. Bydd yr arbenigwyr coctels dan glo yn darparu amrywiaeth o goctels wedi’u teilwra bob nos yn seiliedig ar y gwirodydd rydych chi’n dod â nhw a’ch chwaeth.
Uned 9A, Ardal yr Hen Fragdy, CF10 1FG
Awyrgylch bar parti après-ski traddodiadol gyda chwrw mawr o’u nifer o wahanol dapiau. Camwch i fwthyn cysgodol Barbara ac Anton, lle bydd sŵn y gerddoriaeth après-ski orau yn gwneud i chi symud i’r curiad ac i’r cwrw lifo.
4-6 Lôn y Felin, CF10 1FL
Mae’r Blue Bell, sy’n un o dafarndai hynaf Caerdydd, yn gweini bwyd a diod cyffredin, o safon am brisiau fforddiadwy. Mae ganddyn nhw amrywiaeth wych o gwrw casgen traddodiadol a chwrw crefft ac mae’r fwydlen yn cynnwys cynhwysion ffres a lleol. Daw eu cig, eu llysiau a’u pysgod ffres o JT Morgan, Sullivan’s ac Ashton’s – y mae pob un ohonynt ond tafliad carreg i ffwrdd ym marchnad Caerdydd.
33 Stryd Fawr, CF10 1PU
Wedi’i hysbrydoli gan dafarndai’r DU ac awyrgylch neuaddau a gerddi cwrw’r Almaen, dyma dafarn fodern gydag awyrgylch hwyl a hamddenol. Mae cerddoriaeth fyw bob penwythnos, lloriau dawns, dewis helaeth o ddiodydd bar gan gynnwys coctels clasurol, ac amrywiaeth eang o gwrw.
42-43 Heol Eglwys Fair, CF10 1AD
Wedi’i leoli yn Ardal yr Hen Fragdy fe welwch gemau epig, bwydlen diodydd a choctels helaeth a bwyd stryd blasus, mae popeth sydd ei angen arnoch am noson fendigedig ar gael i chi yma!
Heb anghofio’r teras mae pawb yn ei adnabod a’i garu.
Mae’r bar hwn yn dod â phobl at ei gilydd mewn lleoliad lle gallwch wneud eich holl hoff bethau gyda’ch holl hoff bobl.
27 Heol y Porth, CF10 1DD
Mae’r lleoliad cerddoriaeth fyw hwn yn ymfalchïo mewn tri bar, teras haul awyr agored, yn ogystal â pherfformiadau byw bob nos. Gwnewch y gorau o’u hawr lawen sy’n cynnwys 2 am bris 1 ar pizza, coctels, cwrw a prosecco. Mwynhewch olygfa balconi o’r bandiau byw o’r Brewdoir, yfed a gwledda yn y Brewtique, neu ymlacio yn yr haul gyda diodydd oer ar y teras.
49 Heol Eglwys Fair, CF10 1AD
Yn swatio i fyny’r grisiau nepell o Gastell Caerdydd, mae ein tîm cyfeillgar wrth law i argymell ac addysgu llu o gemau bwrdd, wrth weini bwyd bys a bawd ochr yn ochr â chymysgedd o ysgytlaethau trwchus, cwrw lleol, coctels a llawer mwy.
23A Stryd Fawr, CF10 1PT
Os ydych chi’n chwilio am far gin soffistigedig, nid hwn yw’r lle i chi! Mae Coyote Ugly, a wnaed yn enwog gan y ffilm o ddechrau’r ganrif hon, yma i’ch helpu chi i gael parti a hanner. Beth am archebu sesiwn brecinio diddiwedd gyda gwesteiwr drag a dawnsio gyda’u Coyotes enwog? Wnaethon ni sôn ei bod yn cynnwys pizza diderfyn hefyd?
78-80 Heol Eglwys Fair, CF10 1FA
Gofod warws digwyddiadau gorau Caerdydd –cartref naturiol ar gyfer gwyliau, dangosiadau, partïon thema, cerddoriaeth fyw a llawer mwy. Yn llawn digwyddiadau cyffrous, o Ginstock i Karaoke Hip Hop, Pizza a Prosecco a’r digwyddiad BINGO LINGO hynod boblogaidd ar nos Wener.
Uned 8, Heol Curran, CF10 5DF
Mae’r bar unigryw hwn yn ymfalchïo mewn amrywiaeth o ocis (bythau dartiau) os ydych chi am fod yn gystadleuol a mwynhau amrywiaeth o gemau dartiau hwyl. Neu os ydych chi’n chwilio am fwyd a diodydd blasus, ewch i’r bar neu’r teras to wedi’i gynhesu sydd â chabanau clyd, carafán draddodiadol a disgo mewn blwch ffôn!
3-4 Heol Eglwys Fair, CF10 1AT
I’r rhai sydd am ganu nerth eu pen a dawnsio drwy’r nos, dyma’r lle i fod. Gyda cherddoriaeth fyw boblogaidd bob dydd o hanner dydd i hanner nos, ac yna DJs yn chwarae’r clasuron na allwch chi ond cyd-ganu iddynt tan 4am, mae’r lleoliad yn cynnig adloniant di-stop. Dim ond y bandiau, deuawdau a chantorion gorau sy’n cael eu chwarae, gan sicrhau profiad o ansawdd uchel.
9 Heol Tŷ’r Brodyr, CF10 3FA
Ewch ar daith o ddydd i nos yn y Philharmonic, sydd â dewisiadau i bobl o bob chwaeth. O frecinio diddiwedd a Tapas blasus i goctels cyffrous a chwaraeon byw. Arhoswch am ddathliad bythgofiadwy yn hwyr yn y nos - mae eich cyrchfan parti eithaf yn eich disgwyl!
76-77 Heol Eglwys Fair, CF10 1FA
Retro
Y lle i fod os ydych chi’n chwilio am awyrgylch parti. Wedi’i wasgaru ar draws 3 llawr a gyda theras awyr agored, mae’n cynnig profiad gwych i bobl sydd am ddawnsio trwy’r nos. P’un a’ch bod chi’n dwlu ar karaoke neu wrth eich bodd gyda’r nosweithiau myfyrwyr gwyllt â thema arbennig, mae Retro yn rhywle na allwch chi ei fethu.
7 Lôn y Felin, CF10 1FL
Revolution
Gyferbyn â Chastell Caerdydd, mae’n un o’r lleoliadau mwyaf yng nghanol y ddinas. Mae’r bar coctel a bwyty poblogaidd hwn yn cynnig y gwirodydd gorau, coctels wedi’u gwneud â llaw, bwyd ffres a’r parti gorau – i gyd o dan yr un to! Mae hefyd yn ymfalchïo mewn amrywiaeth o ddigwyddiadau cyffrous o nosweithiau myfyrwyr i sesiynau gwib garu a llawer mwy.
9-11 Stryd y Castell, CF10 1BS
Profwch awyrgylch Havana yng Nghaerdydd, heb fod angen pasbort nac awyren. Y bar rỳm hwn yw’r lle i fwynhau prydau a tapas ffres sydd wedi’u hysbrydoli gan fwydydd Lladinaidd, neu gweithiwch eich ffordd drwy’r rhestr yn y bar coctels Ciwba. Dewch i fyw bywyd yr ynys gyda cherddoriaeth fyw swynol a naws ffiesta pur, wrth iddyn nhw ddod â phartïon hwyr y nos a naws drofannol unigryw i chi, saith diwrnod yr wythnos.
Heol Tŷ’r Brodyr, CF10 3FA
Yn fwy na lôn fowlio yn unig, mae gan Roxy Lanes hefyd bŵl Americanaidd, gwthfwrdd, pong cwrw, karaoke, bowlio pinnau hwyaid, cwrlo heb iâ, gwthfwrdd banc, gemau arcêd, cawell batio a gwthio disgiau yn ogystal â choctels anhygoel a bwyd Americanaidd sy’n tynnu dŵr o’r dannedd.
242 Heol y Frenhines, CF10 2BH
Mae’r bar clyd hwn yn cynnig awyrgylch bywiog a chain lle mae arbenigwyr coctels yn creu diodydd sy’n seiliedig ar rym, mojitos traddodiadol a chreadigaethau personol gyda manwl gywirdeb a dawn. Er mai rym yw’r arbenigedd, mae’r bar hefyd yn ymfalchïo mewn detholiad trawiadol o siampên, gwinoedd pefriog, prosecco ac ystod eang o ddiodydd eraill sy’n addas i bob chwaeth.
1-5 Stryd Fawr, CF10 1BU
Tafarn Wyddelig boblogaidd, lle mae digon o chwerthin, peintiau perffaith, cerddoriaeth fyw a’r hwyl bob amser ar ei anterth. Mae’r bar clyd hwn yn rhywle i fwynhau blas Gwyddelig gwirioneddol, gyda stowt, wisgi a bwyd Gwyddelig traddodiadol i dwymo’r enaid a’r galon.
6 Stryd Fawr, CF10 1FA
Bwyty a micro-fragdy gyferbyn â Stadiwm Principality, sy’n gweini pizzas tân pren a phrydau beiddgar, ochr yn ochr â dewis ardderchog o gwrw craidd cartref a detholiad o gwrw arbennig. Gall gwesteion wylio Meistr y Bragu y tu ôl i’r llenni yn bragu cwrw craidd neu gwrw arbennig tymhorol.
27 Heol y Porth, CF10 1DD
O fwytai moethus i fwyd stryd, mae amrywiaeth wych o flasau
sy’n adlewyrchu cymeriad amrywiol y ddinas.
Mae’r gegin a’r bar yn ymfalchïo mewn bwydlen amrywiol a digon o seddi cyfforddus – y lle perffaith i ymlacio ar ôl diwrnod hir. Mwynhewch ddetholiad o brydau o ansawdd uchel, p’un a ydych chi’n bwyta gyda ffrindiau, cydweithwyr neu’n mwynhau ychydig o amser i chi’ch hun.
Gwesty’r Leonardo, 1 Plas y Parc, CF10 3UD
Bill’s
Dewch yma am frecinio drwy’r dydd bob dydd gyda chrempogau diwaelod rhwng 3-5pm, prydau arbennig tymhorol a chiniawau bwydlen benodol trwy gydol y flwyddyn, yn ogystal â gwledda sy’n gyfeillgar i gŵn (mae ganddynt fwydlen cŵn i’ch ffrindiau blewog ei mwynhau hyd yn oed).
27-39 Lôn y Felin, CF10 1FH
Dewch i ddarganfod gardd gudd o fwyd a diod, lle mae eu Botanegwyr wedi bod yn fforio ym mhob twll a chornel i ddod â thoreth o ddanteithion bwyd a diod campus i chi. Mae rhai yn dod am y gerddoriaeth fyw, rhai ar gyfer y sgwrs; ond yn The Bontanist, gall pawb fwynhau achlysur ardderchog.
5-10 Stryd yr Eglwys, CF10 1BG
Perffaith ar gyfer pob achlysur, o ginio agos i ddathliadau teuluol, mae Browns yn cynnig profiad bwyta ac yfed hamddenol a chwaethus. Yn gweini coctels wedi’u gwneud â llaw ac ystod dda o win, siampên a gwirodydd artisan. Gwrandewch ar synau’r piano cyngerdd y tu mewn, neu amsugno’r haul ar nosweithiau braf o haf ar y teras awyr agored.
Gwesty’r Marriott, Lôn y Felin CF10 1EZ
Y tu mewn i’r tirnod hanesyddol, Fictoraidd hwn, mwynhewch fwydlen o brydau tymhorol sy’n newid yn barhaus ac sy’n cael eu creu gan ddefnyddio cynhwysion o ansawdd uchel sy’n amlygu cynnyrch lleol o safon. Hefyd gall ciniawyr fwynhau ein detholiad o winoedd gwych a fewnforir yn unswydd ar ein cyfer i ategu eu cinio, te prynhawn neu swper yn berffaith.
Gwesty’r Angel, Stryd y Castell, CF10 1SZ
Gyda’i seddi awyr agored tymhorol mae’n lle perffaith i fwynhau bwrlwm y ddinas. Cynigiwch lwncdestun gyda gwydraid o Siampên gorau Pommery neu rhowch gynnig ar eu coctels unigryw. Cofiwch ddewis danteithion braf yn gwmni i’r siampên, fel olewydd wedi’u marinadu, prydau bach a byrddau bwyd blasus.
Radisson Blu, Meridian Gate, CF10 2FL
Bwyty Ewropeaidd modern unigryw gyda golygfeydd panoramig o’r brifddinas. Mae’r bwydlenni’n newid gyda’r tymor, gan ddefnyddio cynhwysion o ansawdd uchel. Caiff ei staffio gan bobl sy’n mireinio eu sgiliau a’u profiad i ddechrau eu gyrfaoedd yn y proffesiwn –oll yn astudio yng Ngholeg Caerdydd a’r Fro.
Campws Canol y Ddinas CCF, Heol Dumballs, CF10 5FE
Mae’r bwyty hwn yng nghanol yr Ais yn dod â bywyd newydd i siop adrannol eiconig David Morgan gyda chaffi, bar a phrofiad bwyta trwy’r dydd ar ddau lawr gwahanol iawn. Mae’r llawr gwaelod hamddenol, sy’n croesawu cŵn, yn berffaith ar gyfer paned o goffi neu ddiod neu ddwy ar ôl siopa, tra bod y llawr cyntaf yn cynnwys bar coctels a brasserie hyfryd sy’n ddelfrydol ar gyfer prydau bwyd neu ddigwyddiadau preifat.
18, Yr Ais, CF10 1AH
Mae Côte yn dathlu blasau Ffrengig drwy gynnig profiad bwyta hamddenol, drwy gydol y dydd, wedi’i ysbrydoli gan letygarwch Ffrengig diffwdan. Mae’n ymwneud â sicrhau bod popeth yn ei le: cynhwysion o ansawdd uchel wedi’u cyfuno â gwaith paratoi meddylgar, ynghyd â gwasanaeth cynnes a sylwgar. Rhoi blas o Ffrainc yma yng Nghaerdydd.
10 - 11 Lôn y Felin, CF10 1FL
Wedi’i leoli rhwng canol y ddinas a’r Bae, diddanwch eich taflod yng ngwesty’r Novotel a mwynhewch ystod o fwyd lleol a rhyngwladol, syml a thraddodiadol, mewn lleoliad hamddenol. P’un a ydych chi eisiau pryd o fwyd neu’n galw heibio am ddiod, mae gan ein bwyty rhywbeth ychwanegol sydd i’w gael yng ngwesty’r Novotel yn unig.
Novotel, Ffordd y Sgwner, Glanfa’r Iwerydd, CF10
Tafarn fwyd swynol a thraddodiadol (sy’n defnyddio cynnyrch lleol a chynaliadwy yn unig). Mae’r tŷ tref hir a chul a fu gynt yn dŷ teras, yn llawn hanes Cymru ac yn fagnet i bob math o fwydwyr.
33 Plas Windsor, CF10 3BZ
Dyma fwyty sy’n cymryd 36 awr i baratoi eu cyw iâr, yn eu trochi mewn dŵr hallt ddwywaith i sicrhau blas ychwanegol ac yn eu lapio mewn briwsion bara ddwywaith i gael crwst heb ei ail. Mae’r bwyty byrgyrs yn dewis cynnyrch lleol, gan ddefnyddio Cig Eidion Cymru ar gyfer eu byrgyrs cig eidion, Glamorgan Brewing ar gyfer eu lager Cymreig a chwrw golau Ffresh yn tywallt o’u tapiau.
37 Heol Eglwys Fair, CF10 1AD
Ers 2018, mae Ffwrnes wedi bod yn gweini pizza tân pren o’r safon uchaf, gan gyfuno’r cynnyrch Cymreig gorau gydag arbenigedd creu pizza Eidalaidd. Yn cael ei redeg gan ‘Fois y Pizza’ - fel y gwelir ar y BBC ac S4C - mae Ffwrnes yn cynnig profiad bwyta unigryw ym Marchnad Fictoraidd hanesyddol Caerdydd.
231-241 Marchnad Ganolog Caerdydd, CF10 1AU
Toes wedi’i wneud yn ffres ar y safle, mae bwydlen arbennig Franco Manca yn newid bob dydd ac mae’r prisiau’n dechrau ar £6.45 yn unig. Ers agor eu pizzeria cyntaf yn 2008, maen nhw wedi hyrwyddo pizza surdoes codi’n araf a chynhwysion tymhorol o ffynonellau priodol a chyflenwyr bach. 11-12 Stryd yr Eglwys, CF10 1BG
Bwyty sydd ar restr unrhyw un sy’n hoff o stêc.
Mae’r cig o ansawdd uchel yn dod o’r cyflenwyr gorau, ac mae cogyddion arbenigol yn ei baratoi i berffeithrwydd. Mae’r awyrgylch yn soffistigedig a chwaethus, gyda staff sylwgar a rhestr winoedd helaeth o’r Ariannin i ategu’ch pryd o fwyd.
Yr Ais, CF10 1ER
Giggling Squid
Yn ganolbwynt i’r lle mae blasau beiddgar a chynhwysion egsotig, wedi’u coginio gan gogyddion
Thai arbenigol. Dyma’r traddodiad Thai go iawnbywiog ac anffurfiol, gyda gwledd o brydau i rannu gyda’ch ffrindiau a’ch teulu. Paratowch i gamu i mewn i werddon o addurn botanegol a chewyll adar hardd.
29-33 Yr Ais, CF10 1GA
Giovanni’s
Yn dathlu dros 40 mlynedd o fusnes teuluol. Mae Giovanni’s wedi datblygu i fod yn gonglfaen go iawn
yng Nghaerdydd dros y blynyddoedd ers ei ddechreuad dinod yn 1983. Gan goginio bwyd Eidalaidd o’r radd flaenaf, mae’r lleoliad eiconig yn dal i gynnig awyrgylch diledryw a phrydau traddodiadol blasus.
38 Yr Ais, CF10 1AJ
8 Plas y Parc, CF10 3DP
Graze
Gyferbyn â Chastell Caerdydd, yma fe welwch ffefrynnau o fyrgyrs i stêc Gymreig. Yn ogystal
â’r fwydlen ddyddiol, maent yn cynnig cinio dydd
Sul, Te Prynhawn, a Brecinio Diddiwedd ar ddydd Sadwrn. Mwynhewch goctels a phrydau bach yn ein
Graze Bar cyfforddus.
Gwesty’r Hilton, Ffordd y Brenin, Heol y Brodyr Llwydion, CF10 3HH
Bwyty gyda golygfa wych o brysurdeb Heol Eglwys Fair. Dewch i gael blas ar y fwydlen cinio a swper fydd yn siŵr o dynnu dŵr i’ch dannedd. O goffi i goctels, dewiswch o blith dewis soffistigedig o winoedd, cwrw premiwm, ac amrywiaeth o wirodydd.
Gwesty’r Clayton, Heol Eglwys Fair, Caerdydd CF10 1GD
Yn gweini byrgyrs cartref gan ddefnyddio cig eidion o Brydain o’u cigydd eu hunain ym Marchnad Caerdydd. Mewn cydweithrediad â Tiny Rebel mae Church St Pale ar gael, ynghyd â jin a thonic pinc o Gaerdydd gyda Jin Mefus Benjamin Hall ac alawon o siop recordiau sefydledig yng Nghaerdydd, Kelly’s Records.
10 Stryd yr Eglwys, CF10 1BG
Mae’r Ivy, sydd ar stryd siopa brysur, yn cynnig profiad bwyta soffistigedig ond cyfeillgar trwy’r dydd mewn lleoliad hardd. Yn ogystal â’r prydau a diodydd eclectig, gall ymwelwyr fwynhau ystafelloedd prydferth, gyda nodweddion nodedig gan gynnwys gwaith celf wedi’i ysbrydoli gan hanes Cymru a Chaerdydd a’r ddaearyddiaeth a’r dreftadaeth leol.
43 Yr Ais, CF10 1GA
Yn dod â chymysgedd o flasau hyfryd, coctels egsotig, ac adloniant hwyr y nos. Bwyty cyrchfan hudolus sy’n gweini prydau anhygoel wedi’u hysbrydoli gan brydau Asiaidd ar gyfer cinio, te prynhawn a swper. Hefyd, cewch goctels egsotig yn hwyr gyda’r nos, ac mae’n cynnig profiad bythgofiadwy i bawb sy’n ymweld.
45 Yr Ais, CF10 1GA
Dewiswch o blith bwffe bwyd poeth a chyfandirol amser brecwast, ac ymlacio gyda’r nos gyda gwydraid o win neu beint o gwrw yn y bar. Ar gyfer cinio, gallwch archebu o’r fwydlen à la carte ym Mwyty’r Junction. Mae plant yn aros ac yn bwyta am ddim.
Holiday Inn, Stryd y Castell, CF10 1XD
Yn y gwesty bwtîc, dewiswch fwyta yn eu bwyty cyfoes neu gymryd sedd mewn bwth yn y bar poblogaidd. Yn cynnig cymysgedd o’r cynhwysion gorau a ffres gan eu cyflenwyr Cymreig eu hunain, ochr yn ochr ag ychydig o fewnforion wedi’u dewis yn ofalus i greu cyfuniad o flasau sy’n addas at ddant pawb, wedi’u paratoi â chariad gan eu cogyddion arobryn.
Park Plaza, Heol y Brodyr Llwydion, CF10 3AL
Yn gartref i fwyd a choctels gwych o Frasil, Mecsico ac America Ladin. Yma mae prydau gorau America Ladin gyda blasau unigryw a ryseitiau ysbrydoledig. Mae’r fwydlen yn dod yn fyw gyda chynhwysion ffres o safon, wedi’u coginio â digon o angerdd, cariad a lledrith Lladinaidd.
8 Lôn y Felin, CF10 1FL
Trysor cudd, sy’n lleoliad delfrydol ar gyfer dathliadau agos a nosweithiau cofiadwy allan yn Arcêd hardd y Castell. Bwyd Ffrengig traddodiadol, wedi’i ysbrydoli gan Baris Rhamantaidd. Perffaith ar gyfer profiad bwyta bythgofiadwy yng Nghaerdydd.
21 Arcêd y Castell, CF10 1BU
Mae Mowgli yn cynnig dathliad o sut mae Indiaid yn bwyta gartref a’u bwyd stryd. Dyhead Mowlgi ydy i fwydo’r angen cynhenid sydd gan Indiaid ar gyfer tiffin sy’n llawn blas dwys a ffres. Nid y profiad arferol o giniawa tawel, clòs y mae Mowgli yn ei gynnig. Yn hytrach, mae bwyta ym Mowgli yn brofiad o gofleidio rhinweddau bwyd iachus, ysgafn sy’n llawn perlysiau a sbeisys.
Uned C, 5-10 Heol yr Eglwys, CF10 1BG
Wedi’i osod ar gyfer y theatr, mae’r gegin agored hon yn arddangos griliau siarcol a chypyrddau aeddfedu sych sy’n arddangos darnau cyfan o gig eidion, yn barod i’w torri i mewn i stêcs nodweddiadol gan y cigyddion mewnol. Yr ethos yw ‘Tân, Cig, Cerddoriaeth’ ac mae Pasture yn angerddol am ddarparu profiad bwyta cain i bawb.
8-10 Stryd Fawr, CF10 1BB
Bwyty Fietnameaidd sydd â bwydlen amrywiol lle gallwch ddewis o gawl nwdls pho, cyri, salad, powlenni reis, a llawer mwy. Mae bwydlen Pho yn llawn prydau bach gwych hefyd sy’n berffaith i’w rhannu; saladau calori isel; cyris sawrus moethus; a phowlenni reis hyfryd o ysgafn.
5-10 Stryd yr Eglwys, CF10 1BG
Ewch yma am brofiad bwyta bwyd cyflym hamddenol, arddull Louisiana! Mae Popeyes yn defnyddio 100% o gyw iâr ffres o Brydain wedi’i farinadu am 12 awr yn eu cyfuniad nodweddiadol o berlysiau a sbeisys Louisiana. Yna wedi’i orchuddio â haen briwsion bara a chytew â llaw i greu’r gwead crensiog Popeyes enwog hwnnw.
6-7 Heol Eglwys Ioan, CF10 1GJ
Wedi’i leoli yn hen adeilad hanesyddol Swyddfa’r Post, ymwelwch â’r bwyty a’r bar neu ddianc o’r ddinas yn y lolfa neu iard awyr agored, lle gallwch fwynhau te prynhawn, cinio hamddenol a swper arbennig. Mae’r nosweithiau hwyr gorau yma yn dechrau gyda choctels am chwech o’r gloch.
Gwesty’r Parkgate, Heol y Porth, CF10 1DA
St David’s Dewi Sant
Gydag amrywiaeth o gaffis a bwytai i’w harchwilio, p’un a ydych chi eisiau byrgyr llawn cynhwysion blasus neu salad figan, rhywbeth clou i’w fwyta neu bryd i’w gofio, o fore gwyn tan nos. Prynu a mynd neu aros a mwynhau, dim ots.
Canolfan Siopa Dewi Sant, CF10 1AH
Mare
Mae calon Terra Mare yn y bwyd, wedi’i grefftio â gofal ac wedi’i drwytho yn nhraddodiad Puglia. Dan arweiniad y Cogydd Francesco Germinario, sydd â gwreiddiau yn Puglia a phrofiad o geginau gorau Llundain sy’n dylanwadu ar bob pryd bwyd, mae bwydlen Terra Mare yn daith trwy brydau eiconig yr Eidal, wedi’i hail-ddychmygu ag addasiad modern.
28 Y Stryd Fawr, CF10 1PU
Adventure Golf
Dewch i gymryd rhan mewn antur golff mini ar un o’n dau gwrs 18 twll, yn ogystal â chael dewis o goffi, coctels a bwyd blasus. Bachwch fwyd a diod o Pizza Cabana, Jungle Buzz Café a The Thirsty Toucan, a thynnwch sedd.
109 Arcêd Fawr, CF10 2EL
The Welsh House
Bwyty a bar annibynnol sy’n gweini prydau ffres a blasus a gynhyrchir yn lleol mewn amgylchedd cyfforddus a hamddenol. Mae’n gweini bwyd traddodiadol wedi’i goginio’n dda ac am bris rhesymol. Maen nhw’n defnyddio’r toriadau cig gorau a llysiau tymhorol lleol ac yn gweithio gyda chyflenwyr Cymreig i weini’r gorau o Gymru.
5A Stryd Fawr, CF10 1AW
Os ydych chi’n chwilio am luniaeth ysgafn, mae gan Gaerdydd
gasgliad ffyniannus o siopau coffi, caffis a delis, sy’n ddelfrydol ar gyfer cinio ysgafn neu fyrbryd. Mae’r Arcedau eiconig yn gartref i rai o gaffis a bwytai annibynnol mwyaf poblogaidd Caerdydd.
Gyda lleoliad perffaith yn yr arcêd hanesyddol, p’un a ydych chi’n berson lleol sy’n chwilio am lolfa glyd neu’n ymwelydd sy’n chwilio am brofiad bwyd hyfryd, mae Coffee Barker yn gweini brecwast blasus, cinio i lenwi’r bol a brecinio dros y penwythnos sy’n werth codi allan o’r gwely amdano.
1-13 Arcêd Cwr y Castell, CF10 1BU
Gofod cymunedol cwiar, siop a lleoliad digwyddiadau bywiog sy’n cefnogi dros 18 o fusnesau LHDT+ lleol. Mae’n cynnig gofod diogel, cynhwysol gyda digwyddiadau rheolaidd fel sioeau drag, clybiau crefft, a digwyddiadau Gwib Gyfeillgarwch. Mae’n gweini coffi, diodydd, cacennau ac eitemau brecinio chwareus fel Bi/ sexualiTea a Phys Tahini wedi’u Chwipio ar Fara Surdoes.
2-4 Arcêd Frenhinol, CF10 1AE
Rhostwyr coffi arbenigol sy’n falch iawn o wybod popeth sydd i’w wybod am goffi. Mae lle i 90 yn eu caffi steilus a chyfforddus ar Heol y Frenhines ac mae’n cynnig dewis o wahanol goffi, te a bwyd (i’w fwyta yno neu fynd gyda chi). Maent hefyd yn cynnig dosbarthiadau barista i’r rhai sydd eisiau perffeithio eu sgiliau gartref.
115 Heol y Frenhines, CF10 2BH
Gyda seddi dan do ac yn yr awyr agored, cymerwch sedd yn ardal y caffi yn y Ganolfan Ymwelwyr brysur, neu ewch allan ac ymlacio ar y teras a mwynhewch gefndir ysblennydd y Gorthwr Normanaidd, a’r tiroedd hardd. Mae lluniaeth yn cynnwys amrywiaeth o ddiodydd poeth ac oer, brechdanau a chacennau. Mae’r bar trwyddedig hefyd yn gwerthu cwrw a seidr.
Stryd y Castell, CF10 3RB
Wedi’i leoli yng Nghyntedd trawiadol Carne, gyda golygfeydd gwych dros Barc Bute, mae’r bar caffi hwn yn lle gwych i fwynhau awyrgylch creadigol y Coleg - p’un a ydych chi’n cwrdd â ffrindiau, yn mwynhau’r gerddoriaeth am ddim yn y cyntedd neu’n dod am sioe.
Parc Cathays, Heol y Gogledd, CF10 3ER
Gyda chefndir o’r glannau golygfaol, mae’r Bae yn ymfalchïo mewn amrywiaeth
o fwytai a bariau i weddu i lawer o wahanol chwaeth ac achlysuron.
Caffi a bar gwin cyfoes wedi’i leoli yng nghyntedd Glanfa yng Nghanolfan Mileniwm Cymru gyda seddi yn yr awyr agored, mae’n gweini dewis eang o ddiodydd alcoholig, smwddis, te a choffi.
Canolfan Mileniwm Cymru, Plas Bute, CF10 5AL
Mae’r ychwanegiad at eu lleoliad yng nghanol y ddinas yn cynnig y lle perffaith i ddianc y byddwch yn awyddus i ymweld ag e dro ar ôl tro, gyda choctels wedi’u gwneud â llaw, prydau blasus a cherddoriaeth fyw. Mae’r bar a’r bwyty yn croesawu pawb (gan gynnwys cyfeillion blewog) i’w mannau bwyta unigryw gyda golygfeydd godidog o’r bae.
Cei’r Fôr-forwyn, CF10 5BZ
Côte Bae Caerdydd
Mae Côte, sy’n enwog am ei fwyd Ffrengig cain a’i naws glyd, mewn lleoliad delfrydol gyferbyn â Chanolfan Mileniwm Cymru. Gydag ystod o fwydlenni sefydlog a phrydau tymhorol, mae’n berffaith ar gyfer pryd o fwyd cyn sioe, neu rywle i ymlacio ar ôl archwilio tirnodau eiconig y Bae.
Cei’r Fôr-forwyn, CF10 5BZ
Mewn lleoliad delfrydol yng nghanol Cei’r Fôrforwyn ac yn lle gwych i ddathlu achlysur arbennig neu ddiod neu ddwy ar ôl gwaith a thamaid i fwyta gyda ffrindiau. Mae’r Dock yn ymfalchïo yn ei leoliad heb ei ail ar lan y dŵr ac ystod gyffrous o fwyd a diodydd.
Cei’r Fôr-forwyn, CF10 5BZ
Esquires
Yn gweini coffi Masnach Deg organig yn unig sy’n cefnogi cymunedau ffermio, a chwpanau 100% ailgylchadwy y gellir eu compostio’n llawn. I’r rheiny nad ydynt yn hoffi coffi, mae’r rhestr o winoedd wedi’i churadu a’r dewis unigryw o goctels sy’n esblygu’n barhaus - fel yr Martini Espresso Chai - yn cynnig rhywbeth arbennig at ddant pawb.
Cei’r Fôr-forwyn, CF10 5BZ
Ffwrnais
Mae’r caffi unigryw hwn yng Nghanolfan Mileniwm Cymru wedi’i gynllunio fel gofod amlswyddogaethol.
Felly, p’un a ydych chi’n chwilio am rywle i weithio o bell gyda gliniadur, neu siop goffi i ddal i fyny gyda ffrindiau, cymerwch sedd, a mwynhewch amrywiaeth o luniaeth lleol.
Canolfan Mileniwm Cymru, Plas Bute, CF10 5AL
Mae’r bwyty hwn yn cynnig gwledd i’r holl synhwyrau gyda bwyd Thai ffres a blasus, detholiad gwych o goctels tŷ Giggling ac addurn botanegol hyfryd. Y lle i’w weld a chael eich gweld ynddo, ond gyda naws hamddenol, gyfeillgar. Gyda bar hyfryd, safle glan y dŵr a theras awyr agored, mae hwn yn berffaith ar gyfer pryd o fwyd rhamantus neu ginio gyda ffrindiau.
9-10 Uchaf Cei’r Fôr-forwyn, CF10 5BZ
Cei’r Fôr-forwyn
Dyma’r lle perffaith i giniawa, nôl byrbryd neu ymlacio dros ddiod wrth fwynhau’r olygfa dros ddyfroedd Bae Caerdydd. Gyda bwyd o bedwar ban byd - o hufen iâ Cymreig i swshi Siapan, o pizza ffres a phasta i fwydydd cain Ffrainc - mae glannau hardd Caerdydd yn rhywle sydd â rhywbeth at ddant, hwyliau a phoced pawb.
Rhodfa’r Harbwr, CF10 4PA
Lleoliad adloniant dan do i’r teulu sydd ar agor boed glaw neu hindda. Cadwch lygad allan am rai o enwau mwyaf y byd bwyd, gan gynnwys Five Guys, a rhai o’r bwytai annibynnol mwyaf poblogaidd yng Nghaerdydd gan gynnwys Zaika, Volcano a Spice Route.
Heol Hemingway, Glanfa’r Iwerydd, CF10 4JY
Yma gallwch fwynhau brecwast, cinio, te prynhawn, bwydlenni swper a la carte a chig rhost traddodiadol ar ddydd Sul. Mae’r cogyddion yn ymfalchïo mewn cynnig y prydau gorau sy’n tynnu dŵr o’r dannedd gan ddefnyddio cynhyrchion lleol a ffres.
Future Inns, Glanfa’r Iwerydd, Heol Hemingway, CF10 4AU
Yard
Mae’r iard yn ofod bywiog ar lan y dŵr sy’n cynnwys amrywiaeth o fasnachwyr bwyd stryd. Mae’r gofod yn gartref i 22 o gynwysyddion llongau lliw enfys, bariau, ceginau ac ardaloedd eistedd. Mae’r arlwy bwyd yn amrywiol, gyda masnachwyr yn gweini popeth o tacos a stêc i fwyd Groeg a chyw iâr gourmet wedi’i ffrio.
Ffordd Porth Teigr, CF10 4GA
O’r enw, mae’r bwyty a bar yn cael eu hysbrydoli gan eu lleoliad ar lan y bae, gan weini’r cynnyrch gorau sydd gan Gymru i’w gynnig. Mae’r gegin yn rhoi tro modern ar dreftadaeth goginio Cymru, o gegddu wedi’i ffrio mewn padell a chennin Blas y Tir i gig carw Aberhonddu a phastai gwin coch i frisged cig eidion o Gymru wedi’i goginio’n araf.
voco® St David’s Caerdydd, Stryd Havanna, CF10 5SD
Os ydych chi’n teithio trwy gymoedd a dyffrynnoedd Deddwyrain Cymru, gallwch ddisgwyl croeso cynnes Cymreig ac opsiynau bwyd blasus ar hyd y ffordd.
Yn cuddio ym maestref ddeiliog Llandaf yng Nghaerdydd, mae Cwrt Insole yn blasty rhestredig Gradd II* sydd â hanes cyfoethog a rhaglen ddigwyddiadau fywiog. Mae caffi’r Potting Shed ar y safle, gyda seddi dan do ac yn yr awyr agored, yn dathlu bwyd da, moesegol a chartref. Mae’r arlwy yn canolbwyntio ar y tymor ac yn ei chadw hi’n syml, gan fanteisio’n llawn ar y gegin fach a chefnogi cyflenwyr moesegol lleol. Fairwater Road, Llandaff, Caerdydd CF5 2LN
Gyda chegin bwyd stryd sy’n cylchdroi a choctels arbennig i gyd-fynd, nid yw unrhyw ddau ymweliad byth yr un fath. P’un a ydych chi’n chwilio am fyrgyr blasus, neu gaws Alpaidd ffansi, mae Neighbourhood bob amser yn dod â chysyniadau ffres a chyffrous i’r ddinas.
80 Stryd Tudor, Riverside, Caerdydd CF11 6AL
Yn cynnwys bwydlen sydd ar gael trwy’r dydd a’r nos, gyda brecinio a chinio rhost dydd Sul yn ganolbwynt ar y penwythnosau. Wedi’i sefydlu yn y Rhath, mae Silures yn rhan annatod o’r gymuned nid yn unig drwy greu cynnig hygyrch a phremiwm, ond trwy hyrwyddo cynaliadwyedd amgylcheddol, llinellau cyflenwi lleol ac arferion moesegol.
55 Heol Wellfield, y Rhath, Caerdydd CF24 3PA
Wedi’i leoli yng nghanol dinas Abertawe, mae’r lleoliad bywiog hwn yn gartref i lawer o fasnachwyr bwyd stryd, i gyd o dan yr un to, yn cynnig amrywiaeth anhygoel o flasau o bob cwr o’r byd. P’un a ydych eisiau byrgyrs gourmet, bwyd Eidalaidd swmpus, tortilas Groegaidd ffres, prydau Asiaidd crasboeth, pwdinau moethus, neu pizza artisan ffres, mae rhywbeth i bawb yn Neuadd Albert.
Craddock Street, Abertawe SA1 3EP
Cewch hyd i bopeth o doesenni ffres ac ysgytlaeth melys i brydau Mecsicanaidd sbeislyd a souvlaki o Wlad Groeg. Samplwch gwrw crefft annibynnol arobryn neu mwynhewch goctel neu ddau yn unig far to y Barri!
Hood Road, y Barri CF62 5QU
Yn cynnig profiad siopa unigryw a chymuned amrywiol o fasnachwyr bwyd a diod, stondinau annibynnol, unedau ffordd o fyw a mannau i wneud busnes – y cyfan o dan un to hanesyddol. Mae’r strwythur Fictoraidd trawiadol hwn yn cadw bron i bob un o’i nodweddion hanesyddol trawiadol, sy’n ei wneud y lle perffaith i grwydro.
Upper Dock Street, Casnewydd NP20 1DD
Mwynhewch daith flasu yn nistyllfa wisgi fyd-enwog Penderyn neu ymlacio a blasu’r bwyd penigamp yn y bwytai a chaffis niferus. Peidiwch â cholli
Cegin Glo yn Zip World Tower, lle gallwch fwynhau prydau blasus a golygfeydd godidog. Ewch i’r
Rhigos am sgŵp o hufen iâ o’r fan sydd wedi bod yn gwasanaethu ymwelwyr ers degawdau - a hynny gyda chefndir o olygfeydd syfrdanol.
Gwesty’r
Mwynhewch frecwast hamddenol yn y Vale Bar yng ngwesty’r Vale Resort, te prynhawn traddodiadol
Cymreig yn yr heulfan sy’n edrych dros y cwrs golff
a’r tiroedd trawiadol i brofiad bwyta perffaith gyda’r nos mewn lleoliad cyfoes a hudol y Vale Grill.
Parc Hensol, Hensol CF72 8JY
Marchnad Casnewydd
O bice ar y maen a bara brith i winoedd, seidr a bwyd rhyngwladol - mynnwch flas go iawn o Gymru. P’un a ydych chi’n lleol neu’n ymweld, mae’r teithiau hyn yn arwain at ddarganfyddiadau newydd, cwmni gwych a chyfle i gysylltu’n wirioneddol â bwyd a diwylliant Caerdydd. Ar y teithiau byddwch chi’n dysgu am wahanol fathau o goginio, o fwyd soffistigedig i dafarndai traddodiadol a bwyd stryd.
Archwiliwch ddistyllfa jin ar raddfa lawn gyntaf De
Cymru, ar dir trawiadol gwesty’r Vale Resort. Mae’r profiad gwneud jin yn berffaith ar gyfer unrhyw berson sy’n dwlu ar jin. Byddwch yn treulio dwy awr a hanner gyda’r prif ddistyllwr, gan roi cyfle i ddistyllu eich potel unigryw eich hun o’r ddiod flasus.
Parc Hensol, Hensol CF72 8JY
Mae’r ŵyl am ddim hon i’w gweld bob blwyddyn yn Roald Dahl Plass ym Mae Caerdydd – ni ddylid ei methu! Mae gan y Ffair Gynhyrchwyr a’r Farchnad Ffermwyr lu o stondinwyr, pob un yn cynnig amrywiaeth ysblennydd o gynnyrch o safon. Bydd yr arlwywyr yn codi chwant bwyd yn y Piazza Bwyd Stryd, lle gallwch ddewis o blith ystod eang o fwyd blasus sydd wedi’u paratoi’n ffres.
Bydd raglen lawn o gerddoriaeth fyw yn y
Bandstand hefyd drwy gydol pob un o dri diwrnod yr ŵyl. Yn y cyfamser, yn y Farchnad Grefftwyr, fe welwch ddetholiad gwych o nwyddau wedi’u gwneud â llaw, wedi’u curadu gan Craft*folk.
croesocaerdydd.com/bwyta-yfed