THUHMAHRUAI RAWNGBAWL TURA TIRHNA Kum 2018 a khawvel pum a hmeichhiate rawngbawlna thupui chu, ‘Rawngbawl tur a tirhna’ tih a ni a. Luka ( 22 : 26 b – 27) ah Isuan ….in zinga ropui ber chu nau zawk angin awm se la, lal ber chu rawngbawltu angin awm zawk rawh se. Tunge ropui zawk, chaw kiltu nge rawngbawltu? Chaw kiltu a ni lo vem ni? Nimahsela kei zawngin in zingah rawngbawltu angin ka awm hi,’ a ti a.
Johana 15 : 15 ah Isuan…..Bawih ka ti leh tawh lo vang che u; a pu thiltih bawihin a hre si lo, thiante ka ti tawh zawk ang che u; Pa hnena thil ka hriat zawng zawng in hnenah ka puang tawh si a, a ti a. Kum in a Bible zirlai hian in nitin nuna Lalpa rawng in bawlna leh midangte rawng in bawl sakna ah a fuihthar che u in thil tam tak a thlirlet tir ngei ang che u.
Heng Bible zirlai te hi her rem theih a siam ni in, ram leh hnam tihdan phung ang zelin a hmanraw dang te nen a siamrem theih vek a ni e. Zirlaite hi hmun 4 ah then ni in, midangte nen a ngun tak a zir ho tur a ni. 1. Bible in engtinge a sawi? – ‘Bible chang hian eng tak nge a sawi? Uluk tak a Bible chhiar chungin enge nangmah ah sawi a tum tih ngaithla chung in zir la. 2. Vawiin a kan nun dan zir chung in hengte hi in zawt la. - I Bible chang chhiar khan I nun ah eng thu nge a sawi? - I bul vel a mi te harsatna a phawrhchhuak em? - I nundan atan enge chona thar a pek che? 3. Sawihona – Zirlai in zirhona hmun a zir in, in tan a remchang ber tur 2/1 thlang chhuak ula, a nih loh pawhin group dang te thil awm dan leh nihphung te zawt in, in sawihona te sawichhawng leh ula. 4. Rawngbawl tur a inpeihna – Hei hi inhmuhkhawm leh hma a lo hriat lawk tur atan siam a ni.
Bible chang tarlan te hi New International Version ® atang lak a ni a Anglicised, NIV Copyright © 2011 by http://www.biblica.com/Biblica, Inc.(R) remtihna a hman a ni. All rights reserved worldwide.
Pathianthu Zirna – 1 Tirhna - Krista anga khawngaih rawngbawl hna thawk turin Chhiar tur : Matthaia 25: 31-46, Matthaia 9:35 – 38 “Tin, Lalber chuan an hnenah, ‘Tih takmeuhin ka hrilh a che u, heng ka unau te berte zing a mi pakhat chung a in tih chu ka chung a ti in ni,’ tiin a la chhang ang”. (Mathaia 25:40) Bible in engtinnge a sawi : Rorelna dik takin titlu ula, Mi tinin an unau te chungah zahngaihna leh Khawngaihna chhuah rawh se: (Zakaria 7:9) tih hi, Thuthlunghlui huna Zawlneite hmang a Pathian in a mite hnena a lo hriattir dan chu a ni. Chutiang ang chuan kan Lalpa Isua pawh khan a thiltih ropui tak takin he khawngaihna leh zahngaihna hi a lo entir tawh a. Mi zawng zawngte he khawngaihna thuk tak nen a rawngbawl tur hian min fuih a, min ko bawk a ni. Isua Krista khan Lalram Chanchin Tha leh a hlutna chauh kha a tlangaupui lova, mihringte tawrhna hriatthiampuia rawngbawlsak in - Riltamte eitur pe in, damlote tidamin, sualin a bawihte chhanchhuakin, pharte tithianghlimin, mitdel leh tawngtheilote tidam a, chakna pe in, mithite kaitho in, khawtlangin a ensante zingah hun a hmang a ni, tih kan hria a, hna hnuaihnungte thawk a, a zirtirte ke a sil ang khan. Amah leh Amah intitlawmin rawngbawltu chanvo chelhin hetiang hian a zirtir a, “In chunga ka tih ang hian nangni pawh in in tihve na turin ka tihhmuh che u a ni” (Johana 13:15) tiin thusawi leh thiltihin uar takin a sawi a, “Mihring fapa hi rawngbawlsak a awm turin a lo kal lo va, rawngbawl tur leh mi tam tak tlan nana a nun pe tur zawk a a lo kal ang khan” (Mathaia 20:28). Kan hmuh angin Isua Krista hian Pathian ram chungchang thu chauh hi a zirtir a ni lo va, Amahah hian Lalram chanchin chu a nundante, a hmangaihnate, mi mamawhtute hnena khawngaihna a lantir danah hian kan hmu a ni, rawngbawlna hi a pianchhuah pui a ni, chu rawngbawlna chu thinlunga khat hmangaihna, ngaihsakna chuan a ti alh a, A thinlung chu khawngaihna tawp chin neilo chuan a luah khat a ni tih Mathaia 9:36 ah kan hmu “Chutichuan, mipuite chu a hmuh in, vengtu neilo beramte ang a hrehawm leh darh a an awm avangin a khawngaih ta em em a”, tiin.
Mathaia bung 25 na ah khan, Lal Isuan rorelna hnuhnungber/tawpber chungchang a sawi a. Pawl hnihte chu hmun hnihah an inthen ang a, Lalber chuan, a mihringpuite hnena khawngaihna lantir thinte hnenah chuan “Ka pa voh bikte u, lo kal ula khawvel siam tantirh ata in tana ram ka buatsaih chu chang rawh u” (Mathaia 25:34) Pawl hnih te mak tih khawpin thenawmte hnena rawngbawl sak leh hmangaihna thiltih hlutzia a sawi fiah a. Lalber chuan a chhang a … “Tih tak meuhin ka hrilh a che u, heng ka unau te ber te zinga mi pakhat chunga in tih chu ka chunga ti in ni’” tiin, (Mathaia 25:40). Chutianga inhmangaih tawnna tak tak chuan kan chatuan hmun tur min tem lawk tir a ni.
Kan nitin nunah : Lal Isua’n khawngaihna a lantir angte hi a zirtirte’n an zawm ang hian khawngaihna leh hmangaihnate hi kan lanchhuah tir ve tur a ni. Amah kan hmangaihna leh kan thawhsakna nen hian a inzawm tlat tur a ni bawk. Midangte hmangaih taka an rawng kan bawlna hian Lal Isua kan hmangaihna hi a lantir tur a ni. Lieut. Colonel Alida Bosshart-i nunah midangte tana khawngaih rawngbawlna hna a thawhna ah zirlai ropui tak kan hmu a. Khawvel Indopui 2-na lai khan Juda naupang sawmsarih chuangte chu sipaiho ramluah atangin him takin a tlanchhuah pui a. Indona karah Amsterdam a district ralmuanglo takah rim takin a thawk a. A nun pumpui chu hmeichhia khawngaihthlak tak takte tan a hlan in hmangaihna nen a thawk a. Chu khawngaihna hna a thawh that em avang chuan “The Angel of Amsterdam” (Amsterdam Vantirhkoh) an ti a ni. A chanchin leh a thusawiah ngaihsan tak mai ka nei a. Heti hian a sawi a, “Pathian rawngbawlna chu midangte rawngbawlsak hi a ni, midangte rawngbawlsakna hi Pathian rawngbawlna a ni. Thenawm khawvengte hmangaih hi Pathian hmangaihna a ni a, Pathian hmangaihna hi thenawm khawveng hmangaih na a ni,” tiin. A sawi dik zet mai! Pathian rawngbawlna leh midangte tana thawhna(rawngbawlna) hi kan thenhrang thei lo, an inzawm tlat a ni. Lal Isua khan khawvel a a chenlai khan he thudik hi a lantir tluanchhuak a ni. Kan zirtirtu (Isua) tihdan zuiin, kan nun hi khawngaihna rawngbawlna in khat se, chutianga kan tihna chuan amah kan hmangaih zia a tarlang dawn a ni. Isua zirtir kan nih avangin midangte rawngbawlsakna hi tihtur pekbelh chhahna mai ni lovin kan nitin nun a peng pawimawh tak a ni zawk.
Sawiho tur : 1. Chanchin Tha Bu 4 atang te hian Isuan khawngaihna a lantirna engemaw ber thlangchhuak theuh ula, chu chu tun hun atana a tangkaina engnge? sawi ho teh u. 2. Lieut Colonel Bosshardt’s thupui “Thenawm khawvengte hmangaih hi Pathian hmangaihna a ni, Pathian hmangaihna hi thenawmte khawvengte hmangaihna a ni” tih chungchang ah hian in ngaihdan sawi ho teh u. 3. Hmangaih tak a vantlang hna in thawh hian engnge nangmahniah a hlutna in hmuhchhuah? Sawiho teh u.
Rawngbawl tura inpeih in: He zirtirna hi thinlungin takin pawm teh ang u. Phillipi 2:3-5: “Elrel leh inngaihhlut avanga engmah ti lovin, mi tinin inngaitlawm takin mahni aiin mi dang tha zawkah ruat theuh rawh se; mahni ta ta mai en lovin, mi dang ta pawh en theuh zawk rawh u. He rilru Krista Isua pawh a awm bawk kha, nangmahni ah awm rawh se” tih hi. Commissioner Silvia Cox, IHQ. Switzerland, Austria and Hungary Territory atangin (Switzerland, Zimbabwe, Finland, Southern Africa and the United Kingdom leh Republic of Ireland ah te rawngbawl mekin). World President of Women’s Ministries ka nih angin ka tum chu Londonah leh ka zin kualnaah pawh Lalpa rawngbawl zel hi a ni.
Pathianthu Zirna - 2 TIRHNA - RAWNGBAWLNA HMANHMAWHTHLAK TAK ATAN Bible Chhiar tur : Johana 9:1-15, Rom 10: 13-15. “Chhun a nih laiin mi tirtu hna kan thawk tur a ni; zan a nih dawn tak hi, chumi hunah chuan tuman hna an thawk thei lo vang”. Johana 9:4
Lal Isua rawngbawlna chhinchhiah tlak tak chu Piantirh ata mitdel tihdam hi a ni.Lal Isua hian Pathian ram thu leh hla, a puanchhuahna ah hian remchanna zawng zawng hi a hmang a ni. Khawvel a a hun hman hi a rei dawn lo a ni tih a hria a. Amah an man a an tihhlumna turte a hnai tawh a, chu hun chu a lo thleng lek lek tawh a ni. Pathianin tihtur a a pek rawngbawlna pawimawh zia hi a hrechiang em em a. A zirtirte chu A hniakhnung zui a an nunna atana Pathian thiltum ti puitling turin, delhkilh engmah nei lova a hnungzui turin, a hriatpuitu ni turin, khawvel tawp thleng a a thuchah puang a, mahni inhmangaih ang a thenawm khawvengte hmangaih turte in a tur in a tur a ni. Khawvelah hian eng chen nge kan dam dawn kan hre hauh lova – Chetsualna avangte damlohna avangte in kan nun hi a tawi thei dawn a ni tih kan hre si lova, Pathian in engkim a hria Sam 31:15 ah “Ka hunte chu i kutah a awm a: Mi dotute kut ata leh, mi tihduhdahtute lakah hian mi chanhim ang che”. Davida chuan a hunte chu Pathian kutah a awm a ni tih a sawi a, Kristian kan nih na angin, kan hunte, kan kumte pawh hi Pathian kutah a awm a, Sam 90:10 ah kan hmuh angin kan damchhung kumte hi 70/80 emaw pawh a ni thei. Mosia sawi ang hian kan chakna avangin kan thleng pawh a ni mai thei, chu aia tam pawh chu kan dam thei, amaherawh chu hun hi a liam zung zung a, kan hun tawite hi tangkai takin Lal Isua Chanchin Tha hi kan chhungkuaah kan thiante ah leh kan thenawm khawvengah muang lovin kan hril tur a ni. He khawvel thilthleng kan thlir in hun hi a ral lek lek tawh a, kan inpawlkhawm theihna te pawh a tlem tial tial a, Paula chuan Thesolonika khua a Kohhrante hnenah Pathianin amah zuitute chu vanah a lakchhoh tur thu a sawi a. Lalpa chu van atangin aw ring takin “Lalpa ngei chu au thawm nen, Vantirhkoh chungnung ber aw nen, Pathian tawtawrawt ri nen, van atangin a lo chhuk dawn si a… (I Thesolonika 4: 16,17) Hetiang hrereng chung hian Krista Kohhran te chuan tihtakzetin Lal Isua Krista hriatpuiin khawngaihna leh hmangaihna Chanchin Tha chu hmanhmawh takin kan hril tur a ni a, hun tha kan neih chhung hian A rawng i bawl ang u.
Kan tun hun atan : Lal Isuan a zirtirte hnenah, ni a en chhung hian rinawm tak a mite tan rawngbawl turin a fuih a : “Chhun a nih laiin mi tirtu hna kan thawk tur a ni; zan a nih dawn tak hi, chu mi hunah chuan tuman hna an thawk thei lovang” (Johana 9:4) Ram tam takah Kristian an nih avang ringawt in an tiduhdah a, pawl pakhat “Open Doors” kum 1955 a Andrew Van Der Bijl an a din chuan kumtin in kristiante an tihduhdahna ram 50 hming a tarlang thin a. Kristian an nih avanga harsatna, tihduhdahna leh an tihhlum mi maktaduaih 215 lai an awm a ni. Heng ramah te hian Pathian bia a punkhawm te, Chanchin Tha puandarhte, Isua Krista hriatpuitu nih te khap tlat a ni. Kristiante chuan an rinna puanchhuah nan zalenna an nei lova, kristian tam tak te chuan an nun chhan nan ramdang a tlanchhiatte an thlang zawk a, thenkhatte chuan dawhthei tak a tawrh mai an thlang a, a rukin ringtu an nih tilang lovin a thente chu an awm a, a ruk te in Chanchin Tha chu an thenawm khawvengah te an hril a. Pathian chuan chung an rawngbawlna te chu a hria a ni. Kei leh ka pasal hi London Corps pakhatah sipai kan ni a, Corps member te chuan Corps leh a chhehvel a mipui awmte chu a takin an tanpui thin a.Hmeichhe pakhat chuan a inluahna man te a pek theih loh avangin in nei lovin a lo awm tawh a, chu nu chuan tanpui a ngai hle a ni. Corps a vantlang hnathawktu pakhat chuan amah kaihhruaina chu a nei a, a leibate rul thei tur leh hmun tharah inluah tur te a ngaihtuah sak a, chu a hmunthar a awm Salvation Army te nen a in hmelhriat tir a. Corps mite nen chuan inlaichinna thar a lo piangin, tunah chuan Kristian piangthar niin Corps mite zuiin a lo awm ve ta a ni. Tisa leh Thlarauva mite mamawhna tih puitlin sak tur hian muang lovin leh tim hauh lovin Pathian in min tirhna zawn theuhva thawk tur kan ni. Sawiho tur : 1. Johana 9:1-15 hi han chhiar nawn leh ula, Isuan piantirh ata mitdel a tihdam ah hian hmanhnawh a tulna tak sawiho ula. In hriatna engtiangin nge he bible chang hian a tihpun a Chanchin Tha hrilh a hmanhmawh thlakna a sawite sawiho bawk teh u. 2. I Thessalonika 4:16,17 leh Johana 14:3,4 ah hian Lal Isua lokal leh chungchang hi engtinnge i lo ngaihtuah. Tin, Engtinnge Lal Isua lokal leh na tur hian Pathian ram tana i rawngbawlna a khawih ang? 3. “Tih tak meuhvin, tih tak meuhvin ka hrilh a che u, tupawh mi ring chuan thil ka tihte hi ani pawhin a ti ve ang; heng aia thil ropuite pawh hi a la ti ve ang, Pa hnenah ka kal dawn avangin.” Johana 14:12 hi in ngaihdan han sawiho teh u.
Rawngbawl tura inpeih in: Thlarau zalenna kan neih avang hian hlim in lawm ula, a hun a lo thlen hma chuan kan Lalpa leh Chhandamtu tan hriatpuitu huaisen ni turin remchanna lei zelin. Nitin a mipuite rawngbawl sak thei tur a remchanna nei turin tawngtai la. Major Coby de ligt-Oosterheerd, IHQ from the Netherlands, Czech Republic and Slovakia Territory ( Neitherlands, East Africa, Kenya East, Kenya West leh Bangladesh ah pawh rawngbawl tawh). Programme Officer, International Emergency Services ka nih angin, Hmangaih Pathian tan a rinawmin leh mipuite Thlarau leh Tisa mamawhte pe a rawngbawl hi ka duhber a ni.
Pathianthu Zirna - 3 TIRHNA – THUHRETU NI A RAWNGBAWLNA ATAN Bible chiar tur - Isaia 6:1-9 Tin, “Tunge ka tirh ang a, tunge ka tan kal ang?” tiin. Tichuan keiin, “ kei heta hi ka awm, mi tir ta che”. (chang-8)
Engtinnge Bible in a sawi: Lal Isua kha khawvel tana nun hlan tur leh mihringte hnena Pathian a nihna puangchhuak turin a lo kal a. A hnathawh tur peng pakhat ah chuan Pathian chanchin hriatpuitu nih a ni. Johana bung 1 kan chhiar chuan atir in Thu a awm, Thu chu Pathian a ni. Thu chuan eng a rawn thlen a, mihringte enna tur a ni tih min hrilh. Isua Krista chu Pathian a mipathum awm hriatpuitu tha ber chu a ni. Tunge ama chanchin sawi tur a amah aia tha zawk awm thei ang? Lal Isua chu Pathian thianghlim hnen ngiltak a kan panna tur a kawng min kawhhmuh tu a ni a. Pathian nihna, Hmangaihtu a nihna te, zahngaithei a nihna te, danglam ngailo a nihna te leh a dangte a nitin nunah a lantir thin. Khawvelah hian hun tlemte chauh a nei a ni tih hria in a zirtirte a khawm a. Mihringte tlukna lo thlen atang khan Pathian in hna a thawk reng a, Thianghlimna nei turin a mite chu Amah nen inlaichinna a siam a, chutiang inlaichinna siamna chu Isaia bu kan chhiar atangin kan hmu a. Pathian thianghlim hmaah chuan dingtlak a ni lo tih Isaia’n a in hria a. Pathian in a hna thawk turin Isaia a ko a, zawhna a lo thlen chuan, “Tunge ka tirh ang a? tunge ka tan kal ang? Isaia chuan chhuanlam dang a nei lo, “Kei heta hi ka awm, mi tir ta che,” a ti ta a ni.(Isaia 6:8). Zirtirte pawh kha hetiang ang tho hi an ni, kohna an hriat rual rualin engkim kalsanin Lal Isua an zui a. Pathian thianghlimna mit ngei a hmuin chu thianghlimna chang tur chuan kum thum lai a bulah an awm a, a thusawite leh a thiltihte an hmu a. Tihdam rawngbawlna a kalpuite, nitin a mipuite hnena a rawngbawl kawngte mit ngei a hmutute an ni a. Misualte tlawhchhuak in, Samari hmeichhia uire te thu a sawipui a, chubakah Juda roreltute a ti ti pui bawk a.
Pathianthu chuan kan za hian Pathian ropuina chang pha tawh lo kan nihna min hrilh a. Kan rawngbawlna ah Pathian hmangaihna hriatpuitu ni tur in mitinte a tak tak hriatna nei turin a duh a ni.
Kan tun hun atan: Khawvela a tihtur a tih zawhin Isua chuan a zirtirte hnenah thu hnuhnung an hriat tur te a hrilh a. Tirhkohte 1:8 ah “Nimahsela Thlarau Thianghlim chu in chunga a lo thlen hunah thiltihtheihna in la nei ang; tichuan Jerusalem khuaah te, Judai leh Samari ram khaw tinah te, kawlkil thleng pawhin ka thu hretute in ni ang” tiin a sawi a. A zirtirte chu hriatpuitu an nihna chungchangah an duh emaw duhlo emaw hriatpuitu ni turin thu a pe a. Tunlai hunah hian mi thenkhatin Pathian hriatpuitu nih hi an zahpui thin a, hriatpuitu nihna chu Kristian ten kan nihna tur a nih avangin a pawimawh em em a ni. I thiltih te kha mite hriatpui tur a ni lova, nangma chanchin ngei a ni si a. Hriatpuitu nihna a thil tha ber mai chu Pathian Thlarau Thianghlim in min pek a ni tih hriatpuina hi a ni. A harsa lai ber chu keimahni hriatpuina kaltlang a mite va hneh tum hi a ni. Kros a a thihna kaltlang a mite Pathian hnena hruai thleng turin Isua chuan a rawngbawlna a rawn hlen a. Pathian hian kan tih theih loh leh a hnathawh nan a hmanrua pawh kan neih hauh lo chu min pe lovang. Isua chuan a rawngbawlna hlenchhuah nan a dal thei thil, rinhlehna te hi awmtir a phal lova, mi thim hnuai a thu ten an chunga enna a lo thlen hma loh chuan an ring thei lo a ni tih pawh a hria a, chuvangin thim hnuai a awm mek te tan Pathian hriatpuitu ni turin leh a rawngbawl turin Lalpan min ko a ni. Sawiho tur : 1. Hriatpuina sawi tur a tim/hlauh tlat na in neih thin hi engnge a chhan ni ber a in hriat sawiho teh u. 2. Engtiknge midangte hnena i hriatpuina i sawi hnuhnun ber? 3. Tirhkohte 22:15 “I hmuh leh i hriat thuah khan mi zawng zawng hnenah ama thu hretu i ni ang”. I nitin nunah he thu hian engtiangin nge rinawm tur a a fuih che? Sawiho teh u.
Rawngbawl tura in peih in : Thlarau Thianghlim kaihhruaina chu zuiin, a kaihhruaina che thu i hriatpuina chu mite hnenah puangin, nitinin Chanchin Tha hriatpuitu nih mamawh tute an awm em? I eng chu entir rawh. Major Ana Frazer, IHQ, USA Eastern Territory – International College for Officers/Centre for Spiritual Life Development a thawk mek. Assistant Secretary for Spiritual Life Development ka nih na ah Ka tum, ka thlen tum, ka tawngtaina chu “Lalpa min hmang rawh, rinawm taka i rawngbawl turin min tanpui ang che”.
Pathianthu Zirna - 4 TIRHNA - CHHUNGKUA A RAWNGBAWLNA Bible chhiar tur - Ruthi Bung 1 Tin, Ruthi chuan, “Nangmah then tur chuan min thlem lo hram rawh: I kalna apiangah ka kal ang a; i riahna apiangah ka riak anga, I chite chu ka chite an ni ang, i Pathian chu ka Pathian a ni ang, i thihna apiangah chuan ka thi ang a, chutah chuan min phum ve mai tur a ni, ang leh kei hi thihna chauh lo chuan thil dangin a min then dawn chuan Lalpan a tih tihin min ti mai sela, chu aia nasa pawhin,� a ti a.
Bible in engtinnge a sawi : Ruthi hi Naomi zui tur hian enginnge a rilru hneh? Ruthi hian Naomi a hmangaihna chauh ni lovin Naomi biak Pathian avang chuan he thutluk na hi a siam a ni. Kum 10 kalta chhung hian Ruthi hian Ephrath mi a pasala nu Naomi ah hian thil danglam tak hriat leh hmuh a lo nei tawh a ni. Chang 8-9 ah kan hmu angin Naomi hian a mo te pahnih chungah hian hmangaihna hmasiallo chak tak mai a nei a. Hetiang hunah hian Orpi leh Ruthi tan pasal dang nei leh a chhungkaw thar din turin a duhsak ber a ni. An hmalam hun atan a that dawn phawt chuan amah chauh pawhin kalsan sela a pawiti lo a ni. Naomi hian Pathian a rinna nghet tak a neih chu tamin emaw lungngaihna in emaw a tikiam chuang lo (chang 6-ah) chuan Naomi chuan a chunga Pathian hnathawh chu a thlir tlat a, a chhungkaw chunga Pathian rinawmna leh a zahngaihna chu a ngaihtuah fo thin.Chang 8 leh 9 ah khan malsawmna dawn leh Pathian ngilneihna chu an chunga thleng turin a dilsak a. Heta ngilneihna a tih hi a awmze bul chu Thuthlung a inzawmna nghet tak nei a intukluhna a ni. Naomi chuan Orpi leh Ruthi pawh kha Pathian thiltithei a mite chungah ngil a nei em em a ni tih leh chu hmangaihna chu an chungah a hlawhchham ngai lovang tih a hrilh a. Heng hun harsat chhung zawng zawng a Naomi’n a paltlang dan hi Ruthi chuan a mitngeiin a hmu a, chu a Pathian rinna chuan amah pawh a hneh em em a ni.
Ruthi chhanna (chang 14)ah chuan “A vuan tlat a”tih a nih avang hian Naomi tan malsawmna a ni. Heta “Vuan tlat” tih hi “Inlaichinna a nghehzia leh engkimah a phuarkhawm” tih sawina a ni. He thu hi Genesis 2:24 thu a mipa leh hmeichhia inlaichinna chungchang a “Mipain a nu leh pa a kalsan ang a, a nupui a vuan ang..” tih hi Deuteronomy 10:20 ah chiang zawkin a mite Israel te amah vuan tlat tura a tih khan a tichiang zawk a “ Lalpa in Pathian chu in tih ang a, ama rawng chu in bawl ang a, tin, amah chu in vuan tlat ang a” Naomi’n hun harsa lai a paltlang dan atang hian Pathian a a rinna nghehzia a tilang a. Atawpah Ruthi pawh chu Abrahama te, Isaac te, Jakoba te, Naomi te Pathian rinna chuan amah chu a hneh em em a. Naomi leh Ruthi pawh chuan chutiang a inhmangaih tawnna chu an nei a.
Kan tunhun atan : Kristian thenkhat ten chhungkua hre chang lo khawp in Kohhran rawngbawlnaah an inhmang buai em em a. Engtiklai pawh in khawtlang mipuite an ngaihtuah a, an hnathawh na hmun leh rampawn lamte thlengin, kan chhungkua ngei pawh hi kan hmuhkan fo thin. Kristian kan ni emaw kan nilo emaw kan chhungkua hi miten min thlir reng a, kan rinna avangte in danglamna hmuh an duh thin. Lieut. Colonel Edward Hill ( Singapore, Malaysia, Myanmar Territory) chuan mi pakhat chanchin rilru khawih tak a sawi a. “Kum kalta ah khan Hindu tlangval Ganesana,Banting khua chu Motorcycle a a tlan laiin Truck (Motorlian) in a su a, a damchhuah rinawm loh khawp in a hliam a, Corps Officer Major Kunam chu an chhungkaw thian hnai pakhat in Ganesan chu tlawh turin a hrilh a. Major Kunam chu Ganesan-a tawngtaisak tur chuan Damdawiinah a kal a. Chumi atang chuan mak tak mai in a taksa hliamte chu a dam mai ni lovin Pathianthu thiltihtheihna chuan amah chu a khawih ta a,Isua zuitu a lo ni ta. Major Kunam chuan Ganesan chu Kristian a lo nih tak avang chuan Hindu kulmuk hming a put chu thlak nise tha in a hria a, hun engemaw chen a ngaihtuah hnu chuan Ganesan chuan Gideon hming put chu a thlang ta a. Thuthlunghlui huna Pathian mi thiltithei tak mai chanchin chuan a hneh em avangin. Tichuan Gideon-a chuan an Hindu chhungkua inzawmkhawm zau tak mai hnenah chuan a nun lo inthlakthleng ta chanchin chu a sawi thin a. a hnu ah hun a lo kal leh deuh chuan a chhungte chu a mal te te in Isua chu Lal leh Chhandamtu atan an lo pawm ve ta a. Thla a lo ral leh meuh chuan, Ganesan chu an chhungkaw member pakua te nen Salvation Army ah an in pe ta a. Officer ni tur a kohna chu chhang in, a hnu kum hnihah chuan Training College ah Officer ni turin a lut ve ta a ni.
Ganesan – Gideon-a lo ni ta atang hian “Pathian in kan nun a thil lo thleng maktak mai atang hian a ropuina tur atan min hmang thin a ni tih a hriat a ni”.
Sawiho tur : 1. Engvangin nge in chhungkua Rinna hriatpuitu nih hi a pawimawh? 2. Kan chhungkaw member te nen a kan Rinna hriatpuitu nih hi engvangin nge a harsat em em? 3. Eng hun hi nge Chhungkua a Rinna Hriatpuitu nihna tur a hun remchang tha ber ni ang ? Sawi ho the u.
Rawngbawl tur a inpeih in: Chhungkaw member te tan, an hun hmandan turte ngaithla chunga tawngtai sakna nitin minute 10 tal hun hman thin tur a ni. (Major Tara Tam, IHQ from Hong Kong and Macau Command (Taiwan ah rawngbawlna nei mek) Assistant Under Secretary, South Pacific and East Asia Zone, London a awm in.)
Ka chhungte tan a nitin a tawngtai hi ka rawngbawlna a ni.
Pathianthu Zirna - 5: Tirhna – Thenawm khawveng a rawngbawl turin. Chhiar tur: Luka 10:25-37 Nangmah i in hmangaih angin, i vengte pawh i hmangaih tur a ni. (Marka 12:31) Bible in engtinnge a sawi? : Samari mitha tehkhin thu hi hmangaihna chungchang sawina vek a ni a. Hmangaihna chu sakhuana emaw khawtlang a dinhmun emaw nghahchhan engmah hmang lova mi a hlutna hriatna hi hmangaihna chu a ni. He tehkhin thu hi Lal Isua leh Dan hremi (sakhaw dan zawm that avanga felna hlawhchhuah theih tur a ringtu) nen a inbiakna a ni. Isuan Dan hremi zawhna hrilhfiah tur hian tehkhin thu a hmang a.Tunge ka vengte chu? He thu “vengte” (neighbour) tih hi Greek tawnga a awmzia chu “Tu emaw`amah`hnaihtu”`(Someone who is`near),`Hebrew`ah`chuan Thawhpui/kawppui/inzawmkhawm´(association with) a ni a. Engpawh hmangaihna diktak atanga thiltih nilo chuan Pathian a tilawm kher lo ang, chuvang chuan mi tupawh Pathian hmangaih tur a beisei a ni. "Lalpa i Pathian chu i thinlung zawng zawngin, i thlarau zawng zawngin, i chakna zawng zawngin i hmangaih tur a ni” (Luka 10:27). He Pathianthu changah hian khualzin pakhat tu emaw Jerusalem atanga Jeriko a pan lai a suamhmang a tawh dan chanchin a rawn tarlang a, chutah chuan suamhmangte chuan thi lek lek in an kalsan a. He kawngah hian amah chauh hi zin a nilova, midang pathum te pawh a sawi tel a ni. Pakhat chu puithiam tu emaw sakhaw thil a tihtur nei a ni a, ngaihtuah miah lovin khawngaihna pawh lantir chuang lovin a kalsan ta mai a, a chhan chu templeah a tihtur/hna avanga hmanhmawh a ni a . Levi chi a miin chu kawng chu a rawn zawh leh a, ani pawh sakhaw serh leh sangin a phuar ve tho a ni a,mihring thisen a va khawih khan a tihtur (duty) ti theilo a intih bawlhhlawh a hlau a ni mai thei, anih loh pawhin Temple ah a titur tih ngei ngei ngaiin a lo nghak a, chumi ti hlawhchham tur a chhiatpalh pawh huam a thiltih kha a duh loh a ni ang. Midang pakhat Puithiam leh Levia chi pawh nilo piantirh ata Juda pawh ni ve lo chuan a khawngaih tlat a, hliam tawk chu a pan a, a hliam a tuam a, a pemah hriak leh uain a leih a, a sabengtung chungah a chuantir a khualbuk ah enkawl turin a hruai a. Hei hi hmangaihna diktak tarlanna a ni; thinlung, chakna, rilru zawng zawng a hmangaihna a ni. Rilru leh thinlung zawng zawng a khawngaihna lantir hi hmangaihna awmzia chu a ni, Samari mi hi he a zinkawng thui tak a zawh lai hian amah pawh a chau ve ngei ang.
Mitthi mek a chhanchhuah na khan thinlung zawng zawngin a hmangaihna a lantir a, hei hian kan Lalpa Isua Krista’n Kross a a lantir khawngaihna kha a entir a ni. Hmangaihna tih hi thumal tlanglawn tak a ni a, mahse an hmang sual fo thin. Kan Lalpa Isua’n Amah ngei hmangaihna a nih angin, hmangaihna “Agape” (Hmangaihna mak leh zau) chungchang Dan hremi hnenah khan tehkhinthu a sawi a. Mi tupawh (Samari mi ni kher lo) ni sela khualzin tawhsual tawktu nunah amah tanpui tur in danglamna a awm tur a ni lova, He tehkhinthua kan hmuh angin sakhaw mi hian hliam tuar a hmu a, tanpui a ngaih hun takah a ngaihsak lova, chu hliamtuar nen a hnam zia in anna nei miah lo Samari mi chuan a nun a chhanhim sak ta zawk a ni. Hei hi a dik a ni Tirhkoh Paula chuan I Korinth 13:4-5 ah hmangaihna chungchang a ziak a, “Hmangaihna in a dawhthei a, ngil a nei bawk thin; hmangaihna ina itsik lova, hmangaihna a infak lova, a uang lova, a che mawi lo lova, mahni hma a sial lova, a thinur duh lova, sual lamah a ngaihtuah lova” heng thil zawng zawng hi he Samari mi nungchangah hian kan hmu a.Hmangaihna chu thiltihin a lantir a, tin a enkawlna tur a la tumsak zui zel a ni. Kan nitin nunah: Isua zuitu kan nih angin hetiang anga hmangaihna a tihlan ang hian midangte hmangaih ve turin min beisei. Inhlan ral chunga a hmangaihna lantir khan nun awmze famkim a kha kan lo chharchhuak thei dawn a ni. “Mihringin a thian aia a nun a paih a liam a hmangaihna nasa zawk tuman an nei lo” (Johana 15:13) a kan hmuh angin kan velah hian hliam tam tak an awm – taksa hliam mai nilo, mi tamtak chu thinlung na - he khawvel a chhungkua leh kan vel a thilthleng avangte – chhungkaw kehchhia, sum leh pai/retheihna in a tlakbuakte, natna in a tihbuai te sawi tur tam tak a awm…. thinlung lam a buaina/manganna nei chhanchhuahna tur atan a duhthlantur nei lote , nitin zantin a an phurrit avanga rum thinte. Mahse he changa tidamtu ropui thu hian mitin min sawm a “Nangni thawkrim len phurrit phur zawng zawngte u, ka hnenah lo kal ula, keiman ka chawlhtir ang che u” (Mathaia 11:28). Mi tamtak harsatna/ hun khirh tak tak paltlang mek te leh thlamuantu tlachhamte an awm a, chutiang anga lungngaihna tuar mekte tan a an tawrhna ang hriatthiampuina chu thil pawimawh tak a ni, Asia ramah hian an mamawh phuhrukna tur hmu lova tap te hi atam ber chu hmeichhia an ni. Midangte hmachhawn turin huaisenna kan nei thei ang em? Anmahni zinga kan tel ve theihna turin, hnam avanga daidannate paih in, Pathian anga siam kan ni tih an inngaihtuah ve theihna tur leh nuam taka an awm theih nan chutiang nei tur a anmahni hruai chu kan tihtur a ni. Danhre mi chuan thenawm khawveng chu laichin hnaivai emaw thiante mai nilovin tupawh khawihmuna mi pawh hi an ni tih kha a hmuhchhuah chu a ni. Sawiho tur : Mikhual te rawngbawlsaktu Bible a i hmuhte kha han zawng la, mikhual te leh thenawmte hmangaihna lantir tur a kaihruai thei tur che han zawng chhuak teh.
Engang hmangaihna hi nge khawvelin a hriat lar? chu chu engtiang in nge thlak theih a nih ang, entir nan : Pathian hmangaihna nen a i chenna hmunah te hian. Pawl hrang a insiam in sawiho ula hmangaihna hi sawi lar ni mahse engang hmangaih na hi nge Kohhran chhung a awmlo ni a i hriat?. Rawngbawl tur a inpeih in : Isuan Dan hremi hnenah “Nang pawh chu ang bawk chuan va tive rawh” (Luka 10:37) tiin a hrilh a, kan vela hian hliam tuar leh hrehawm tuarte hmuh hi thil harsa a ni lo, a chhan chu kan chenna hmun a thil hmuh tam ber an lo nih tawh avangin. A malin emaw huhovin emaw an mahni thlamuan turin, khawngaih a lainat in, an tawrhna hriatthiam pui turte an lungngaihna ata chhanchhuak turin kal ho ang u, i che chhuak ang u.Hnamzia avanga indaidanna te hnawtbo in rinna in i pen chhuak ang u, Lalpa tana thiltha tih hian malsawm na a thlen let si thin a. Lieut-Colonel Rajam Daniel, India South Eastern Territory atangin India ramah Division leh THQ ahte Training College leh India National Secretariat ah te a lo thawk tawh a) Territorial Secretary for Women’s Ministry, India Northern Territory a nih ang in “ka thinlung zawng zawng a ka duhber chu, nitin a ka mi tawnte hmangaih a rawngbawlsak hi a ni.
Pathianthu Zirna - 6 Tirhna - Mikhualte leh raltlante hnenah rawngbawl turin. Bible chhiar tur : Exodus 23:9, Hebrai 13:2 “Hnam dang i hnehchhiah tur a ni lo: Nangni pawh Aigupta ramah khan hnam dang in lo nih tawh avangin hnam dang rilru put dan chu in hre si a”. Exodus 23:9 Engtinnge Bible in a sawi : Pathian in a mi Israelte hnenah mikhual chunga thatchhuah turin a hrilh a, a chhan chu an ni pawh Aigupta ramah mikhual in an lo awm tawh a. Bible hian hmun tam takah mikhual chungchang hi a sawi a, keini pawh Lal Isua ringtu leh zuitute kan nih ang bawkin, mikhual chunga that chhuah hi Pathian in min kohna chu a ni, hmangaihna chu thiltih a kan lantir theih na pumhlum a ni bawk a, Thu chauh nilova midangte kan chhawmdawl hian. He khawvelah hian Pathian in heng mite’n hlimna leh beisei an neih theihnan leh Pathian hmangaihna a lo hriat leh zual theih nan an aiawh in min dah a ni. Kan thiltih a, Pathian hmangaihna an hmuh a an zui theih nan. Isuan "Mikhual ka nihin min thleng a”, (Mathaia 25:35) tia a sawi ang khan. Bible hian mikhual chi hrang hrang a sawifiah a, Kan inah te lokal in min rawn tlawh a. Bible chuan mikhualte chu hlim tak a lo lawm a tha taka lo enkawl turin min zirtir a. Ram dang atangin hnathawk turin kan ramah an lo kal a, anmahni nena inpawhna thatak neih theih nan kan chhawmdawl ang a,hetianga kan lo tih hian kan hnena hnathawh te pawh hlim tak a an thawk thei dawn a ni. Salvation Army hi khawvel pum huap a rawngbawlna kalpui kan ni a. Nangpawh hetiang chanvo hi engemaw niah chuan ila tawng thei. Ramdangah awm ta la engtianga dawnsawn nge i duh ang? Tha tak a lo dawnsawn chu i duh ve ngei ang. Mikhualte chu ramdang mi pawh an ni thei, chhan hrang hrang avanga raltlan, an ram chhuahsan te - indona , tam, lirnghing, thlipui,khawkheng emaw tuilian avangte pawh a ni thei, mikhual te chu sakhua avang leh kohhran hrang avang a te pawh a ni mai thei, Chuvang chuan mikhual an ni emaw, raltlan an ni emaw, ram dang a pem an ni emaw kan hmu hniam tur a nilo. Hengte hian chona nasa tak min siamsak a ni. Hebrai 13:2 leh Rom 12:13 in min hrilh mikhual ten min rawn tlawh in an chungah ngilneihna kan lantir tur a ni. Hetianga kan tih hian hriatloh in vantirhkohte kan lo thleng thei.Pathianin mikhual te a hmangaih in a ngaihsak a,chaw pe in an mamawh chi hrang hrang a ngaihtuah sak thin. Sam 46:1 ah Pathian chu mangang leh harsatna tuar mekte, mikhualte in humhimna a nih thu a sawi a. Pathian thinlungah chuan ramdang a pemte leh raltlan te chunga kan thinlung pe turin leh kan rawngbawlna te chuan an
thinlung a khawih theihna turin min tir a ni.Pathian chuan ama aiawh a mikhualte chung a thatchhuah a chaw leh an mamawh dangte buatsaihsak turin min ti a Deuteronomy 10:17,19 ah kan hmu a ni Pathian thu in min zirtir danah chuan Pathian chuan mi tupawh a hmangaih-mikhualte, ramdang atanga rawn pemte,raltlante, thilsiam zawng zawngte hi ama anpuiin a siam a ti a.Inzahtawn na hi tu tan pawh thil pawimawh tak a ni, Pathian hmaah chuan kan hlut dan hi a inang vek a ni. Kan tun hun atan : Malsawmna tam tak chan a nih thin na chhan chu midangte chunga hmangaihna leh khawngaihna an lantir theihnghilh thin avangte, mikhualte leh ramdangmi te hmangaih aia mahni an in ngaihtuah thin avangte a ni. Kan hriatreng thin tur chu Pathian mal sawmna chu mikhualte, raltlan leh ramdangmi te kan chhawmdawl a an tan a kan inhlanna hi Pathian in min hmu reng a. Mipuiten Pathian an auh in, an mittuitlate a hmu a, an tana harsatna siamtute hrem turin a inbuatsaih thin.Israelte authawm Pathianin a hria ang khan. Kan tun hunah pawh hian engtiklai pawhin mikhual, ramdangmi, raltlan ten min hual vel reng a.Harsatna chi hrang hrang avangin tuarna a awm thin a. Thenkhat chu an chhungte nen an inthendarh a, an hmangaih tak tak te nen an inhmu leh angngem tih pawh an hre lo a ni. Thenkhat chu an hmangaih tak takte thahsak an nih avangin an na a, chhan hrang hrang leh indona avangin an hna leh thil zawng zawng te an chan a ni. Kan kiang vela tuar mekte tanpui turin Pathian in min tichak in, Ama tanpuina in thil tamtak kan ti thei a ni. Kan fuihin, thawmhnaw, ei leh intur, chenna emaw an mamawh engpawh kan tihsak thei a ni. Hmuchhuaktu William Booth a hnathawh te hrereng in, Pathianthu leh eiturte pe in Lal Isua hre lova Thlaraulam raltlan dinhmun a dingte tam tak an awm a. Thlarau lam himna pawh an hre lo. Chanchin Tha te hrilhin kan sawm ang a, kan chatuan chawlhna Pathian Lalram, vankhua leh tui, a fate kan nihna te kan hriattir tur ani. Sawiho tur : 1. Engvangnge Pathian hian ramdang mite, raltlante a ngaihsak em em nia i hriat? Sawiho teh u. 2. Pathian hian raltlante leh ramdangmite hnenah eitur leh silhfen a pe kan tih hian Engtinnge a tih nia i hriat? Sawi ho teh u. 3. Mikhualte zingah hian i awm ve tawh em? Raltlanin ramdangahte i pem ve tawh em?Engtinnge i awm thin?
Rawngbawl tur a inpeihin He hun chhungah hian raltlante, ramdang atanga lo kalte, ramdangmi i bula awmte ngaihsak a Pathian kuta tlu lut tur leh hlimna chang turin heng Pathianthu te hi engtia tih tur nge? Commissioner Grace Mnyampi, IHQ Tanzania Territory (East Africa, Tanzania, Zimbabwe, Kenya West and Uganda atangin) Zonal Secretary for Women’s Ministries, Africa Zone ka nih angin ka theihtawp in Pathian tanpuina nen khua leh tui tha ni turin Pathian in min duhna “Rawngbawl tura Tirhna” chu kan nitin nun lo ni se.
Pathianthu Zirna -10 Tirhna - TIHDUHDAHNA LEH DODALNA KARA RAWNGBAWL TURIN Bible chhiar tur : Johana 15:18-25, Rom 8:35-39 “Heng thu hi in hnenah ka sawi tawh hi, keimahah in thlamuanna turin, Khawvelah hrehawm in in awm thin; nimahsela thlamuang takin awm rawh u, keiin khawvel ka ngam ta�. (Johana 16:33) Bible in engnge a sawi : Isua kha khawvel a alo lan rual in dodalna leh tihduhdahna a tuar nghal a ni tih thu hi a mak hran lo.Hmelma te chuan Isua hnathawh tur kha tihkhawloh an tum nghal chat a, mifing ten lal Heroda hnena Judate lal an hmuh theihna tur an zawh chiah khan a nun kha dinhmun hlauawmah a awm nghal a ni.Tichuan Josepha chu mumanglam a hriattir a ni avangin a chhungte chu a tlanchhiatpui nghal a, tichuan Aigupta ramah raltlanin an lo awm ta a. Heroda chuan a ruahmanna chu a hlawhtling tawk lo tih a hriat chuan Bethlehem leh a chhehvel khua a naupang kum hnih leh a hnuailam zawng zawng nuaibo tur chuan a thawk chhuak ta a ni. Pathian chu inrawlh lo se Isua kha a pian rualin a hna pawh hi a tawp nghal mai awm e. A seilenna khua amah leh a chhungte pawh an hriat vekna hmuna a kir leh pawhin dodalna leh tihduhdahna chu a la awm reng mai. A chettlat thinna vel a mite chu a thenawm hnaia a lo seilen dan engkim hmutute kha an ni, Thlarau thianghlim hruaiin Synagogue-ah a lut a Pathian thuin a a puante chu an benghriatah tihfamkimin a awm mek a ni tih an hria a,nimahsela Pathian hnena kir tura sim an mamawh a ni tih chu an pawm thei lo. A thiltihtheihna te chu hmun danga a lo tih thin angin an hnenah pawh entir turin an phut a,an thinlungte chu Chanchin Tha hre turin a la inhawng chuang lo.Khamah te paihtlak an tum a, Isua chu a tihtur hlen tulna avangin maktak maiin a pumpelh leh hlauh mai. Pharisai leh Sadukaite ramdan chungchanga an nihna leh an chanpual leh zahawmna tumahin an chuhpui an phal ngailoh nen an rawn thawk chhuak a, Isua chu khawtlang hriat niin Rom sawrkar a ngaihven a hlawhchho ta hle a, tichuan mipui vantlang zinga a rawn lar chak em em mai chu tlanpelh an tum ta a, a rawngbawlna an dodal a, amaherawh chu an thiltum chu a hlawhtling dawn lo a ni tih an hriatin amah manna tur kawng an ruahman ta a, tihhlum dan tur an ngaihtuah a,chu chu a rawngbawlna hlenchhuahna tur atan a tanpuitu a ni tih an hre hauh lo. Isua hian ringtute chu he khawvel a a hna tleitlak nana a thawhna kawnga dodalna leh tihduhdahna an tawrh tur hi a lo hrilh lawk tawh a.Johana 15 ah khawvelin amah chu an hua a, keini pawh a hna tleitlak tur a kan thawh avangin min haw ve bawk tur a ni.Dodalna leh tihduhdahna hi chu a awm ngei tur a ni tih a chiangsa reng a ni.Engpawh nise Isua khan thihna in sual
thiltih chu a lo hneh tawh a ni.Johana 15: 22 ah chuan ti hian a inziak a “kei lo kalin an hnenah thu sawi suh ila,sual an nei lo tur tunah erawh zawng tunah erawh zawng an sual chhuanlam tur an nei ta lo a ni�. Isua hian thimna in eng a huatzia a hrechiang a, mahse eng a awmte chuan hlauh tur an nei lo, dodalna leh tihduhdahna tinreng hmaah an eng chu a lang zawk tur a ni. Kan tun hun atan : Kristianin hriat a hlawhlohna hmunah kan cheng mek a, August 2006 Christianity Today in a tarlan angin khawvel mihring 75% te sakhaw zalenna natak a khuahkhirhna tuar mek an awm a ni tih a tarlang a. I rinna midangte i sawipui chuan tantir,tihluihna,in hmelmakna, vuak,vauna leh thih thleng pawhin i tawk thei a ni. Khawvel hian Kristiante hi a hua a, a chhan chu Lal Isua an huat vang a ni. He khawvel mi hi kan ni lova,Jakoba lehkhathawn a kan hmuh ang in heng dodalna leh tihduhdahna te hian hlutna a nei a, a chhan chu tawrhchhelna leh puitlinna kawngah a tanpui a ni. I Peter 2:23 hian a nemnghet a, heng dodalna leh tuarna te hian Lal Isua ang tura min siamtu a ni. Kan hriat angin Pa Pathian leh Pathian Thlarau Thianghlim chuan Lal Isua khawvel a a hnathawh tur leh tihtur ah nasa takin an thawk a ni,kan tihtur (Mission) ah Thlarau Thianghlim chu kan hnenah a awm reng a ni tih kan hria a,nimahsela heng dodalna te, tihduhdahna te hian min ti lungngai thin a.Kan rinna leh Pathian nena kan in kungkaihna te chuan hengah te hian min tichak ang tih kan hria a,kan channa te chu hnehna a ni tih pawh kan hre bawk a ni. Kan Lalpa Isua lo kal leh hunah chuan kan hnathawh tura min tirhna te rinawm taka thawk zovin min dodaltute kan hmachhawnna min rawn nemngheh sak tawh ang. Sawiho tur : 1. Kristian ten dodalna leh tihduhdahna an tawh dan kawng thenkhat te engnge in tawn hriat? 2. I rinna (hriatpuina) zalen taka i puanchhuah hian engtiang takin nge nuam i tih thin? Ringtu puiten an rinna avanga dodalna leh harsatna an tawh mek lai hian Pathian hnenah lawmthu sawi la. 3. Chang thlan hi han chhiar nawn leh la eng chang hi nge dodalna i tawh mekah Pathianin i huaisenna tur atan a A inpuanna nia i hriat? Sawiho teh u.
Rawngbawl tur a inpeihin Rom 8:35-39 thu atang hian thlamuanna duhawm tak mai min pe a, hlauh hi a tul lo achhan chu Pathian lak ata hi engmahin min then dawn silova, I rinna puanchhuah kha hlau suh, Pathian rawngbawltu i ni a a thuah a rinawm a ni.Tunkar chhung hian mi tuemaw hnamdang nen Lal Isua chanchin sawi ang che u. Major Ana Frazer, IHQ USA Eastern Territory atangin – International College for Officers/Centre for Spiritual Life Development ah te thawkin Assistant Secretary for Spiritual Life Development a ka thawh lai hian ka tumna,ka thlen tur te ka tawngtai na chu “Lalpa min hmang ang che, rinawm taka i rawngbawl turin min pui ang che.
INDEX
1. Tirhna – Krista anga khawngaih rawngbawl hna thawk turin - Commissioner Silvia Cox.
2. Tirhna – Rawngbawlna hmanhmawhthlak tak atan - Major Coby de light Oosterherd
3. Tirhna – Thuhretu ni a rawngbawlna atan - Major Ana Frazer
4. Tirhna – Chhungkua a rawngbawlna. ……Major Tara Tam
5. Tirhna - Thenawm khawveng a rawngbawl turin…..Lieut Colonel Rajam Daniel
6. Tirhna - Mikhualte leh raltlante hnena rawngbawl turin…..Commissioner Rosalie Peddle
7. Tirhna - Damlote tana rawngbawl turin……Mrs Premlatha Balachander
8. Tirhna - Tihtheih nei ve lo mi hnuaihnungte tana rawngbawl …..Commissioner Rosalie Peddle
turin
9. Tirhna - Corps a rawngbawl turin. ……Mrs Pamela Hunter
10. Tirhna - Tihduhdahna leh dodalna kara rawngbawl turin……Major Ana Frazer