The Young Salvationist May 2020 Issue

KEIMAHNI Novel Coronavirus State Lockdown avangin May Issue hi PDF File chauha tihchhuah theih a ni a, chhiartute hriatthiamna kan dil a ni e.

Lalpan malsawm che u rawh se.

Editorial

Tunlai ka rilrua awm reng chu Daniala leh a \hian pathumte chanchin hi a ni. Babulon lal ropui tak chuan Juda lal hnehin Jerusalem chu Babulon lal kutah a awm a. He babulon lal Nebukadnezzara hi ring lo kan tih ang hi a ni a.

Lal chuan Israel fate zingami tlangval fel leh fing tak tak a duh thu sawiin, chungte chu lal ina chetla turin a hruai tir a ni. Daniala leh a \hiante chu lal ina hruai an ni ta a. Lal mit an tlun theih nan eitur tuihnai tak leh hrisel taka chawm phawt tur an ni. Lal ina eitur chu a tuiin a changkang hle ang tih a rinawm a, chungte an eia chawm an nih chuan an hmel a mawiin an ngeih viau a rinawm a ni.

Nimahsela, hetah tak hian Daniala te \hian zahovin Pathian an rin zia leh chung milem bia te eitur siam chu tuihnai tak pawh ni se ei loh kha an thlang ngam tlat a ni. Lal ina eitur tuihnai tak tak ei ai chuan anmahni’n an duhzawng leh an ei \hin an thlang ngam a ni.

An ei ai mah khan an rin ngamna khan anmahni a chhandam a ni. Keini ni ila nihlawh kan intih dan tur zia leh, pheichham man hialah kan inngai awm asin. He mite \hian zahova kan hmuh chu - mawl taka Pathian an rinngam tlatna kha a ni. Ropuina leh mawina, eitur tuihnai aiin Pathian an rinna kha an ngaipawimawh zawk.

Pahnihnaa kan hmuh leh chu Rangkachak milim chibai an buk duh miah lo kha a ni. Lalin a chawisanga, dinhmun \ha leh nuam tak a pe; khatiangah te chuan lal lakah khan lawm viau a, a milim siamte chu chibai buk ve mai awm tak. Lal rorelpuitu zingami an ni bawk si a, lal leh Babulon mi ho tan chuan huatthlala awm tak tur an ni. Mahse, kha milim chibai buka ropuina leh sanna, hausakna te ai chuan Pathian an rinna vawn tlat a, thih pawh an thlang zawk tlat mai kha a va ropui em! |halaite hi khawvel rangkachak milim chibai buk lova, Lalpa tana huaisen taka ding ngam turin i inbuatsaih ang u.

A CHHUNGA THU AWMTE 1. Editorial ________________________________________________________ 1 2. Nu Hmangaihna - R.Lalchuangkima __________________________________ 2 3. Ramhnuaiah Isua Nen - David Laldingngheta ___________________________ 3 4. Novel Corona Virus 2019 - Dr.Lalmuanpuia ____________________________ 5 5. Reports ________________________________________________________ 6 6. Pathian mi hman ni turin eng nge pawimawh? - T.Malsawmzuala __________ 8 7. Corps Pual - Kawngthar Corps _______________________________________ 9 Thingfal Corps _________________________________________ 10 8. TSAY Quiz No. 14 _________________________________________________ 11

The Young Salvationist

MAY 2020

1

Mother’s Day Pual :

NU HMANGAIHNA - R.Lalchhuangkima, Chanmari West Corps “Mi, a nuin a thlamuan angin ka thlamuan ang che u.” - Isaia 66:13 Vawiinah hian Nute Ni history lam leh hman \hin dan lam sawi thui vak ka tum lo va. A lo chhuah dan tawi tê kan thlir hmasa lawk dawn a ni. May 9, 1905 zan khan Anna Jarvis chu a nuin a boralsan thut mai a. A khua a har thei em em a. Ni 10, May, 1908 zanah chuan a \hiante leh a \henawmte sawm khâwmin a nu hriatrengna inkhawm chu an siam ta a. Chumi zan chuan a lo kal zawng zawng chu a nu pangpâr ngainat ber mai ‘carnation pâr’ chu a lo pe \heuh a. Mite chuan an ngaihlu ta êm êm a, a hnu reilotê ah chuan United States khawpui hrang hrangah hman a lo ni ta a ni. May 9, 1914-ah chuan President Woodrow Wilson chuan “May thla Pathianni vawihnihna hi Nute Ni atana hman \hin a ni tawh ang” tiin a lo puang ta a ni.

Khami ni a\ang khan tun thleng hian ropui takin Nute Ni hi kan lo hmang chho ta zel a ni.

Nu ropuizia hi sawi dawn chuan sawi tur tam tak a awm âwm e. Mifing apiangin an nute an chawimawiin an dah ropui thiam \hin. Chûng mifing tam takte’na an sawi tlem han tarlan duh ka nei a. A hmasaber-ah chuan America President hmasa ber George Washington chuan, “Hmeichhia ka hmuh tawh zawng zawng zinga duhawm ber chu ka nu kha a ni. Ka phâktawka finna leh remhriatna ka neih te, tisa leh thlarauva hlawhtlinna ka chante hi ka nu amanga ka dawn a ni,” tiin a sawi \hin. Tin, pakhat leh chu khawvel missionary ropui leh communist kulh bang su tlanga, Lal Isua chanchin \ha hriltu pa huaisen, “Tortured for Christ” tih lehkhabu ropui ziaktu Rev. Richard Wurmbrand-a chuan, “Ka nu ang hi khawvela nu zawng zawng ni teh rêng se, khawvel hian tan in (prison) a mamawh lo tawp ang,” a lo ti hial mai a ni. Sawi dawn chuan sawi tur tam tak a awm ang.

Heta ka sawi duh zâwk lai tak chu heng kan sawi mi ropui leh \ha tak tak, mite entawn leh zahkai te hian heti êm êma an faka an chawimawi an nute hi an \ha in an tling ta hluah hluah bîk tihna em ni? Zawhna pawimawh tak a ni. Mahse

The Young Salvationist

chutiang a ni hauh lo va, an nute hi rethei bakberh ve tê tê an ni a, nu mawl tê tê ve tho an ni. Keimahni nu, tuna min enkawltute ai hian an chungnung bik hauh lo ang; nimahsela, an thinlungah an nute kha an dah ropuiin an chawimawi thiam êm êm a, anmahni’n an chawimawi avangin khawvelin nu ropui hriatin a hre mai zâwk a ni. I nu kha fingin fel viau mah sela, a fate’n in zaha in chawimawi loh chuan nu ropui hriatin an hre ngai lo ang. Nu tlâwm leh rethei tê pawh a fate’n an chawimawi chu khawvel mit hmuhin nu ropui an lo ni mai zâwk a lo ni. Chuvangin, khawvelin nu ropui a tehna tak tak zâwk chu an fate-ah a ni. Nu ropui leh fel tak pawh hi an fate an sual tlat chuan mite hmuhah chuan fa enkawl kawngah a hlawhchham an ti tho nia. Chuvangin, i nu ropuina chawi nunsaktu leh tithangtlâwm theitu i ni tih intheihnghilh ngai suh ang che.

A nunna pea, a hmangaihna chhiar sen rual loha thûk leh ril Lal Isua hmangaihna hnaih bertu chu nuin fate a hmangaihna hi a ni. Thla kaw chhung teh meuh mai insaseng hlei thei lovin min lo pai a, harsa taka min hrin chhuah hnuin hnute tuiin min chawm lian a. Hnute tui tam tak a lo neih nan tui a tih lêm loh thlenga a hmawm luih hram hram a ngaih châng a awm fo \hin.

Chaw kan ei theih hma ata chaw te min barh a.

Kan lo puitling a, mawl bik leh \ha lo bik kan nih hlauvin theihtâwpin zirna rûn te min belhtir a, thu \ha tam tak min hrilh \hin. Ka nu hian ka tan hian a \ha ber zel hi a duh a. Sual rawng ka bawlin mutmu a tuah thei lo va. Ka \hatna turin Pathian hnenah min thlen \hin. A rilruah a fate a ngaihtuah reng \hin. Thu \ha min hrilh a, kan mangan leh lungngaiha min hnemtu nu kan nei hi kan va vannei teh lul êm. Ka nu hian mi nute phâk lohna tam tak nei ve bawk mah se, nu dang khûmtu nihna leh chungnun zâwkna lian tak pakhat a nei a. Chu chu - ani aia min hmangaihtu khawvel mihring zawng zawng zingah hian pakhat mah an awm lo hi a ni. Chuvangin, ka nu

MAY 2020

2

hi ka tan chuan a hlu ber a ni. A hmangaihna chhan lêt hi a bata ka bat, ka rulh ngei ngei tur chu a ni.

Vanduaithlak takin nu hi ka nei lo hma êm êm a. “Ka nu chu awm ve sela chuan...” tia han ngaih châng hi vawi duai lo ka nei ve \hin.

Thlanmualah te kalin a thlan te ka tifai ve fo \hin.

Khawhar takin ka kal a, khawhar tak thoin ka haw leh \hin. Nupui te neia fa ka neih tawh hnu hian ka pum hi a na reng mai a. Doctor pawh vawi duai lo ka pan a. Damdawi min chawh awlh awlh a, a natna tak an hre thei si lo. Dam si lovin ka sum neihte chu ka hmang ral zo a. Chutah, ka pu a boral a, ka pianna lam kan khuaa haw chhoh a la ngai zui a. Pumna chung chungin ka chho ta a, kan khuaah chuan ka pu chu min ngaihtuahtu awmchhun a ni tawh a, chu ber chu kan vui liam mêk chu a ni bawk si. Ka pum chu a nuam lo reng mai a. Ka putea te ho han hrilh vak dawnin nupui pasal an lo nei fer fur tawh a, rilru leh thinlung taka va pawh bawrh bawrh an har tawh si, ka mang a ang hle mai.

Chutah chuan thlanmual lamah ka kal ta a.

Ka nu thlanah chuan ka \hing\hi a, “Ka nu, i kiangah hian sawi tur ka va ngah tak êm,” tiin ka \ap ta zawih zawih mai a. Chuta ka thlakhlelh ber chu ka nu mal chunga bawh a, ka natna te, sum lamah harsatna ka tawh thu te leh ka mangan thu te chu hrilh mawlh mawlh ka châk ngawih ngawih a ni. Chu ka natna te, ka manganna te chu min thlamuan a, Pathian hnena min thlenpui turin ka duh ngawih ngawih a ni.

Mahse, chutiang turin a awm tawh si lo, ka va’n ngai tak êm! Nidanga chutianga awm ngai si lo chu harsat mangan han tawh tak tak chuan nu hlutna chu ka va hmu chiang tehlul êm. Chumi ni chuan ka nu ka ngai chu ka \ap nasa khawp mai. Mahse tlai lamah chuan Pathian thu a lo thleng a, “Mi, a nuin a thlamuan angin ka thlamuan ang che u” (Isaia 66:13) tih thu hi. Ka nu thlanah chuan Pathian thlarau awmpuina chu ka chang ta a. A nuamin ka hlim ta êm êm a.

Chuta \ang chuan Pathian thlarau pawlna thar hi nasa em em maiin ka dawng ta a. Ka la tih ngai loh ka nuin ka chunga ti tura ka duh em em chu ka fate chungah ka ti ta a. An damloh leh harsatnaah ka thlamuan a, an lu chungah kutnghatin ka \awng\ai a. Pathian hnenah an harsatna chu ka thlensak \hin.

Nu damlaite’n an fate thu \ha tam tak an hrilh a, kawng dikah an hruai \hin a ni. Chutiang chu ka nu khan a dam laiin ti hman lo pawh lo ni sela, a thih hnuah a thlan chung a\angin ka nunah thil ropui tak min rawn thlensak a. Thlamuantu Pathian min hmuhtir a, thlamuantu dik min hriattir a ni. Ka nu chungah hian ka va lawm tak êm. Nang pawh, thlamuantu nu i la nei kha lawm thu sawi la, hmangaih takin enkawl rawh. A thih hnuah chauh a ropuina i hre palh hlauh ang e. I inchhir ang a; mahse, i tlai tawh ang. Tun hi i nu hmangaihna chhan lêt hun leh i nu i hmangaih lêt ve hun chu a ni. I hun \ha hi bawh pelh lûl suh.

Lalpa’n malsawm rawh se.

RAMHNUAIAH ISUA NEN - David Ladingngheta, SAY Secretary, Ebenezer Corps Ebenezer Corps SAY te chuan Action Plan a kan dah angin March ni 6-7, 2020 khan Turial Lui, Zilpui kai ah ‘Ramhnuaiah Isua Nen’ programme kan hmang a, chuta kan hun hmandan chu tlem ka han tarlang ange.

A TUM : SAY member ten Biak In chauh nilo khawihmun-ah pawh Pathian tana nun leh a duh anga awm hi kan tih tur a ni tih kan hriatthar theih nan te leh member te kan lo inpawh lehzual theih nan he programme hi buatsaih niin Theme atan pawh ‘Khawiah Pawh Isua Nen’ tih chu hman a ni.

KAL DAN : March ni 6, (Zirtawpni) 2020 Chapchar Kut Ni tak mai khan Chawhma dar 10 ah Lirthei

The Young Salvationist

engemaw zat nen kan chhuak a, Melriat Khuaa Paikhai peng ah tlan thla in Tuirial Lui kan zuk pawh a. Chulai thleng chauh chu lirthei a kal theih avangin kan lirthei te dah \ha in bungrua te kan unload a, kan mutbu bakah bungrua kan ken te chu kengin kan riahna tur lam chu ke in kan pan a, lui dung zawh thla in darkar chanve vel kan kal hnuah kan riahna tur hmun Zilpui Kai chu dar 12 velah kan thleng thla a ni.

MAY 2020

3

HUN HMAN DAN : He programme hi Evangelism Incharge hnuaia Operation William Booth Ministry te kutah dah niin anni ruahmanna leh kaihhruaina hnuaiah hman a ni. A hmun kan thlen veleh hian SAY Leader in thu pawimawh sawina leh \awng\aina te a hmang a, chumi hnuah chuan Evangelism Incharge te leh tlema ram chinchang hre deuh te kaihhruaina in tihtur hrang hrang kan insem a - Riahbuk sual nghal niin a hmanrua tur atan \henkhattin mau an sat a, a \hen in changel hnah kan la bawk a, a \henin rawngbawlna tur leh zan lama tuah turin thing ro an fawm bawk a, thuk te siamchawp in ei leh in lo buatsaih pawl an awm bawk a, chawhhmeh tur tumbu leh thildang lo zawng pawl an awm bawk a, mahni buai buai in thil \ul tak vek si ah kan phu suau suau mai te chu nuam dangdai tak a ni.

Ram kal \hang lo tih takah zeilo leh remhre lo fe fe, chet vak ngaihna hrelo te, lo che chhe pawl te kan awm nawk a, ziak vek dawn ila hmun tam tak a luah dawn si a, ziak vek ta lo mai ila.

Darkar 2 vel chhung chuan kan riahna tur hmun chu a chung leh bang nei vekin kan peihfel a, pangpar kan hmuh ang ang te lakhawmin mawi taka kan chei hnuah kan member kan hlimpui em em \hin chuan kan riahna tur hmun a hmingah pawh ‘Ebenezer Pandal’ tia kan vuah ngat chu chempuia changel hnah satchatin a hawng a ni.

Kan hun hman dan zawng zawng hi chipchiar taka sawi vek sen a ni lova, member te’n zalen taka hun an hman theih nan programme khat taka siam a ni lova, a fuh viau pawhin a lang. Tlai dar 5 velah changel hnah chungah ngat chuan kan chaw leh chawhmeh mei rim nam chak mai te chu tui ti taka ei leh in in kan hlim in kan tlai tlang hle a ni.

Zan lamah dar 7 a\anga \anin zaihona, \awng\aina leh sharing hun te kan hmang a, zan khawvawt hnuaiah meipui chhep a, member ten kan aw rawl tawp tawp a Pathian kan fakna leh \awng\aina te khan Pathian beng thlengin Pathianin member tam zawk amah fak tur min la pekbelh zel kan ring tlat a ni.

Chhawrthlapui lah vanzawl ah mawi takin a lo eng bawk nen hun kan hman zawhah hian tumah mu mai bik lovin a \henin inkawmhona te kan nei a, titi nuihzatthlak leh hlimawm tak tak te,

The Young Salvationist

bengvarthlak tak tak te a inpawlh nawk mai te chuan zan hun nuam tak min hman tir. Kan eitur pai \heuh te chu mahni chauha ei mai lovin kan eiho dial dial a, hlim takin harsatna leh buaina awm lovin zan hun hlimawm tak sumin a lei zawh rualloh chu kan hmang a ni. Zan mutnaa kan muhil tui thawm te chuan muhil ve mai theilo te a tihlim phian a, chu zan khawvawt leh reh tak hnuaiah chuan riahbuk kan khawrpum chawp ve tak meuh meuh ah chuan hlim tak leh inngeih takin tui takin kan muhil ta siai siai hlawm a ni.

HUN TAWP LAM : March ni 7 (Inrinni) zing a lo ni a, ni chhuak erawh hmu tur a awm lemlova, zingkar a\angin hlim taka hun hmang hovin ei rawng te kan bawlho dial dial a, a \henin buk an lo \hiat a, social media lama tarlan tur buaipuia lo buai ve em em te pawh kan awm ve bawk a, mahni duh ang zawng zawngin mit ti kham silovin kan awm a ni ber mai e. Zing chaw te kan ei zawh hnu hian Asst.Leader kaihhruaina in hun hman leh a ni a, Bethel te kan neih hnuah kan awmna hmun te kan ti felfai a, haw zai kan rel ta a. Chawhnu dar 1:30 velah mahni in chu dam takin kan thleng leh ta a ni. He hunah hian member 34 kan kal a, member te zingah hian activity danga lang tam lutuk lo te pawh lo telin ramhnuaiah chuan min kaihruaitu ber te an ni thung a ni.

Member te’n nuam kan ti tlang a, kan khamlo takzet a ni. A kalho te inkarah harsatna engmah thleng lo leh inhliam leh damlohna tawk kan awmlo te chuan kan Programme Pathianin min hriatpui zia a tilang takzet a ni. Hetiang programme hi a hlawkthlakin a zawngchhang thlak takzet a, member te hip hnaih nan pawh a \angkai takzet a ni. He programme kan hman zawh hnu hian member \henkhat Biakin a lang tamlo tak te pawh Biakin ah an hmel kan hmu ta fo mai te chu a hlawhtlinna kan hmuh zinga thailan nuam em em a ni.

MAY 2020

4

NOVEL CORONA VIRUS 2019 -

- Dr. Lalmuanpuia, Ebenezer Corps

Kan hriat \heuh angin Corona Virus Disease 2019 (COVID-19) / SARS-CoV-2 (Severe Acute Respiratory Syndrome Coronavirus-2) chuan khawvel ram pum min tibuai a, a tih ngaihna tak kan hriat si loh avangin mitin mai hi kan mangang a ni ber a. Tichuan, he hun khirh tak kan hmachhawn hi engtikah nge a reh anga? Engtik hunah nge nunphung pangngaiah kan let leh ang tih pawh sawi thiam a har hle a ni.

Chuvangin, mitin mai hi kan fimkhur tlan a ngaia, thuneitu leh mawhphurtuten remruatna an siam hi uluk taka kan lo zawm hi kan tih theih awmchhun a ni rih a ni.

He natna hian mihring thawkna ber Chuap (Lungs) nasa taka a beih nghal \hin avangin, thihna a thlen thei; Chuvang chuan kum upa lam tan hian he natna hi do hneh a har bik a, a chhan chu Chuap a lo chak \hat tawk tawh \hin loh vang a ni. Mahse, kum upa lam chauh lo pawhin an thihpui ve bawk.

Tun\um ah chuan he natna hrik, COVID-19 kan hmelhriat dan leh eng ang takin nge kan do let ang tih lamte tarlan ka rawn tum dawn a ni.

He COVID-19 chungchang thu leng vel kan hriat hi rintlak an ni vek em? Tih sawifiah tum hmasa phawt ila 1) Tuten nge he natna hi vei thei?

Mi tupawhin he natna hi kan kai/vei thei a ni. Mahse, natna benvawn Asthma, Zunthlum leh Lung lam natna neisa te hian an la na hma bik em em a ni.

2) Khawvawtin he natna hi a that thei em?

Khawvawt emaw Vurin he natna hi a that thei lo. T in, khaw lum, uap leh hnawng hmunahte inkai chhawn a awl bik.

3) Ran a\angin a inkaichhawn theih em?

COVID-19 hi Thosi seh a\angin a inkaichhawn theih loh a. Tin, heng ran emaw kan ranvulh a\angte hian a inkaichhawn theih dan a awm lo a ni.

4) Thermal Scanner (Chala an kahna khawl) hi COVID-19 test-na a ni em?

Thermal Scanner hian miin khawsik a nei em tih a lo en thei a. Mahse, COVID-19 vei leh vei lo enna chu a ni lo a ni. Khawsik neih leh neih loh enna chauh a ni tihna a nih chu.

5) Pneumonia Vaccine-te hi inven nan a hman theih em?

Damdawi dawra hritlang benvawn emaw

The Young Salvationist

Pneumonia venna atana an siam vaccine heng, Pneumococcal Vaccine-te, Haemophilus influenza type b (Hib) vaccine, kumtina vawi khat inchiuna damdawi dawra an zawrhte hian COVID-19 lakah a veng thei lo a ni tih hriat tur a ni.

6)Engtin nge COVID-19 hi Test anih?

A natna veite test nana hman tlanglawn chu, reverse Transcription Polymerase chain reaction ( rRT-PCR) test hi a ni a. He test ti tura an sample lak chu, Hnarkaw tawp a hnang emaw hrawk a hnang awm kha lain a test nan an hmang \hin.

He test hi a result a tlangpuiin darkar reilote (a hmanraw a zirin) emaw ni 2 chhungin a chhuak thei.

India ramah chuan Pune a Mylab company chuan COVID-19 test kit hi siam chhuak thei an ni tih sawiin, a test hun chhung pawh hi darkar 2 leh minute 50 chhungin a chhuak thei an ti a ni.

Sawrkar pawhin India company-te chu a test na siam chhuak tura hma la turin phalna a pe chhuak dawn bawk nia hriat a ni.

7) Engtia rei nge COVID-19 hrik hi taksa chhung ni loah a dam theih?

A awmna hmun hrang hrangah a dam rei theih dan hi zirbing mite chuan an puang a, chu an zir chianna atanga an hmuchhuahte chu hetiang hi a ni : a) Boruakah hian darkar 3 a dam thei a. Hei hi sawi zau deuh ta ila, kan hriat hmasak danah chuan boruakah a leng lova, a vei mihring a\anga an khuh per a\angte leh thil danga bet lo khawih 5 MAY 2020

a, kan mit, hnar leh ka kan khawih leh chhawnin kai theih tih a ni a. Hei hi chu kan hriat sa a ni.

Mahse, boruak a darkar 3-a dam tih lai tak hi chu boruakah a leng thei e tihna a ni lova; entirnan a natna vei emaw a hri lenna hmunah awm ta ang ila, kha a natna vei te’n an rawn khuh chhuah si per kha thliin emaw, mihring siamchawp thil tih thawtna ten lo chhem ta se, a leng kual thei a, a tlak nghal mai loh pawhin boruakah khan thi lovin darkar 3 chhung a dam thei tihna a ni. Chuvangin, mutbu thin khuk luih te, puanthan thinte kha tih loh rih a tha dawn tihna a nih chu - a vei theih mai hlauhthawnna hmuna awm kan nih chuan. b) Plastic-ah hian darkar 72 chhung chu mihring tana kai tham a hrikte hi an la cham bang thei a ni. c) Stainless steel-ah hian darkar 48 chhung chu mihring tana kai tham a hrikte hi an cham bang thei. d) Dar (Copper) ah hian darkar 4 chhung chu an dam thei bawk. e) Lehkhakhawng (Cardboard) ah hian darkar 24 chhung an cham bang thei bawk.

khung hrang tlat tur a ni. In khung hran lai hian chhungte a\angin, ei leh in petu in fimkhur takin a bawihsawm tur a ni bawk. Tichuan, I natna chuan zual lam a pan thei a, mawhphurtute hriattir bawk tur a ni. |hat lam pawh I pan thei bawk, a \ha lam i pan zel anih chuan ni 14 chhung \ha takin inkhung hrang la, thuneitute ngaichang chung zelin i inenkawl mai tawh dawn a ni.

Anih, i natna chu lo zual ta zel se, Khawsik, khuh leh thawk lama harsatna hial lo nei ta la, hemi hunah chuan, hemi lama mawhphurtute hrilh hriat vat tur a ni a. Tichuan, a buaipuitu lam ten sawrkarin kalphung a duan angin an lo buaipui vat thei dawn che a ni.

Tun dinhmunah hi chuan, a enkawlna tur damdawi hi hmuhchhuah a la ni lova, inkaichhawn a awl em avang hian inkharkhip hi a venna \ha ber a ni rih. Chuvang chuan, mitinin mahni ina awm hi hreh lo ila, hetia \ha taka kan tawmim theih chuan, he natna \ai darh kal tluang lai hi kan titawp thei dawn a ni. Hei chauh hi tuna, he natna do nana kan hmanraw neih \hat a ni rih si a. Thildang, kutsil te, hmai tuam leh a dang te hi chu sawi ngai lovin kan hriat vek tawh (Source: 1The New England journal of Medicine: kha.

Aerosol and Surface Stability of SARS-CoV-2 as COVID-19 vei hi thil zahthlak a ni lova, thih compared with SARS-CoV-1, 2W.H.O) ngei ngeina tur natna pawh a ni hek lo tih hi kan Khing a chunga kan tarlan a\ang khian kan hriat a pawimawh em em a ni. A nihna takah hriat fuh tawk loh tam tak chhanna a ni turah chuan Hritlang chi khat a ni a, a veite pawh hi beisei ila. Tin, he natna lenna hmun emaw a kai kan thinhrikna tur chhan a awm lo reng reng a theihna remchang ni theia ngaihin awm ta ila, ni. Khawvelin a mangan pui natna a nih vang engtin nge kan inenkawl ang tih hi a pawimawh hian, ti punluntu nilovin, a pung zel tur vengtu em em a ni. Hetiang hian kan in buaipui tur a ni- kan ni thei a ni tih hriain, he natna dona kawngah COVID-19 vei theihna hmun emaw tawng hian mitin hian tih tur kan nei a, chu kan tihtur palh kan nih chuan; a hmasaberin ni 14 chhung sawrkar, Local Council/Village Council, Task inkhung hran tur a ni. Tichuan, heng Lu na, Force-te thuawih taka lo thawhpui hi kan tih tur khawsik (37.3 ‘C emaw a aia sang), hnaptui a ni tih hria ila, \hahnemngai takin he natna hi i hi kan lo nei a nih pawhin chiai mai lovin kan in do tlang ang u.

Reports He huangah hian Territory chhunga SAY te hmalakna report tihchhuah \hin a ni a, report tihchhuah tur nei te chu TYS hnenah in report \hin turin kan inngen a ni.

KHAWZAWL CORPS April ni 2 khan Khawzawl Corps SAY te chuan V illage Level Task Force hnenah \ul leh mamawha hman turin Rs.2000/- an pe.

The Young Salvationist

CHHAWRTUI CORPS Chhawrtui Corps SAY te chuan VLTF hnenah a \ula hman atan Rs.1500/- an hlan. Tin, Easter Sunday tukah Sunrise Service hman a ni.

MAY 2020

6

BETHLEHEM CORPS LLTF Bethlehem Vengthlang ah Rs.3000/- pek a ni a. SAY Member harsa te leh mi harsa \anpui nan Rs.6000 hman a ni bawk.

SAY ten April ni 3, 2019 a TNT a mi pakhat an dah luh chu January ni 30, March ni 9 & 10, 2020 ah va tlawh ni in amah pawh a \ha in a fel khawp mai a, TNT a hotute duhsakna pawh a dawng nasa hle a ni. Course hnih(2) awm hman in March ni 10, 2020 khan hruaichhuah a ni. Nun thar nen hun duhawm tak a hman chhoh zel beisei a ni AIZAWL TEMPLE CORPS Aizawl Temple Corps SAY te chuan Covid 19 Luanchhuahna atan THQ ah Rs.50,000/- an chhung lut. Tin, Corps chhungah mi engemawzat an \anpui bawk.

EBENEZER CORPS Ebenezer Corps SAY te chuan hetiang hian Local Task Force te hnenah luanchhuahna an nei Venghnuai LLTF – Rs.3000/Thakthing LLTF – Rs.1000/Damveng LLTF – Rs.1000/Salem Veng LLTF – Rs.1000/Heng bakah chhungkaw hrang hrang hnenah ei leh in chi hrang hrang sem in chhawmdawlna an pe bawk a ni.

SERCHHIP CORPS Serchhip Corps SAY te chuan tunlai hrileng vanga lockdown ah hian mi harsa te \anpuina tur atan Senior Corps ah Rs 5000/- an hlan a, VC VII Local Task Force (Biak In awmna veng) ah a \ul apianga hman atan Rs 1000/- an hlan a, SAY member chhungkaw pathum hnenah Rs 1000/- \heuh an pe bawk.

Easter Sunrise Service hman a ni a, AOC Veng Welfare (Biak In awmna veng) te’n an ngen angin AOC kawn ah Thawhlehna hla play in Capt Lalhruaitluanga, CO in thuchah a sawi a, council member 7 ten an \awiawm. Chhimveng YMA ngenna in information Centre a\angin Thawhlehna hla zing dar 5 ah play a ni bawk.

TUALTE CORPS Tualte Corps S.A.Y ten tunlai hrileng Covid 19 vanga lockdown laia miharsa \anpui nan chhungkaw 10 hnenah buhfai an sem. Tin, Easter sunday zingkarah Biakin a\angin Pathian thu leh fakna hla puanchhuahna neih a ni.

BUNGKAWN CORPS Bungkawn Corps SAY-te chuan Bungkawn leh Bungkawn Vengthar Local Task Force te hnenah hrileng do na atan Rs.2000/- ve ve an chhung lut a, chhungkaw 7 khawsak harsa zual te chawhmeh bazar sak an ni bawk. Tin, damlo Rs.5000/- in an kan bawk.

CENTENARY CORPS Centenary Corps SAY, Saitual te chuan Corps chhung chhungkaw \henkhat hnenah buhfai leh pawisa semin luanchhuahna an nei.

ENNA CORPS Enna Corps SAY te chuan April ni 4 khan corps chhung sipai chhungkaw hnih hnenah Buhfai \hahnem tak an pe. Tin, LLTF te hnenah Rs. 3000/- an hlan bok.

CENTRAL CORPS March ni 27 khan Central Corps SAY te chuan Kulikawn LTF hnênah Rs.3000/- an hlan.

The Young Salvationist

TUITHIANG SOCIETY Tuithiang Society SAY te chuan Local Level Task Force te hnenah \anpuina Rs.1000/- an hlan.

PAWLRANG CORPS Pawlrang Corps SAY te chuan Village Level Task Force te hnenah Rs.1000/- an hlan.

REPUBLIC CORPS Republic Corps SAY te’n Easter Sunday khan Republic Vengthlang LLTF te sawmna angin thawhlehna thuchah puanchhuahna Republic Vengthlang Information Centre a\angin neih a ni a. Zing dar 5 ah \anin Maj. C Vanlalhruaia'n Pathian thuchah a sawi a, Council Member 10 an kal a ni.

LAWIPU CORPS March ni 28, 2020 khan Lawipu Corps SAY te chuan Local Level Task Force hnenah a \ul a hman atân Rs.2500/- an hlan.

SESAWNG CORPS March ni 3, 2020 khan Sesawng Corps SAY te chuan chhuanchham chhungkaw 4 te hnenah buhfai an sem.

THENZAWL CORPS Thenzawl Town Task Force \anpui nan Thenzawl Corps SAY te chuan Rs.2000/- an hlan.

MAY 2020

7

PATHIAN MI HMAN NI TURIN ENG NGE PAWIMAWH - T. Malsawmzuala, Bethlehem Corps (Bethlehem Corps Chanchinbu Hnehna Eng Silver Jubilee Pual Article inziahsiak lawmman 1-na) Pathian mi hman ni turin eng nge pawimawh? He zawhna chhang tur hian mihring mimal tin te kan mizia, duhzawng leh ngainat zawng a inanglo ang bawk hian kan chhanna pawh a inanglo tlang hle ang tih hi a chiang hle a, kawng tam takin chhanna hi a thlur sung thei ngei ang le. Dik tak leh famkim tak pawhin a chhanna han chhawp chhuak thei pawh kan awm lovang. Mimal ngaihdan leh pawm dan hrang hrang a\anga chhanna lo kal tur a nih miau avangin a dik ber a awm thei lo a ni. A pawimawh ta ber erawh a hmangtu tur Pathianin a hman duhna ang zela hmantlak nih kha a ni.

Heti hian entirna ho lam te han siam dawn ta ila. Thingkittu pakhat hi a awm a, chu thingkittu chuan hreipui leh chempui hriam \ha tak mai a hnathawhna hmanrua a lo hman \angkai \hin em em mai chu a nei a, a pahnih chuan hman tlak tak, duhthusam tak ve ve an ni. Chutah tak chuan thingkittu tan a thing kih tur a len leh tet ah a hmanraw hman tur kha a thlang ta \hin a ni. Thing lian tak kit tur chuan chempui ai chuan hreipui zawk a thlang ngei ang a, chutiang bawkin thing te tham deuh kih nan chuan hreipui ai chuan chempui chu lek kual leh hman nuam zawk a ni ngei ang.

Amaherawhchu entirna kan siam tak ang hi chuan Pathian hian a mi hman tur hi duh a thlang tih Kristian in zirtir dan chu a ni chiah lo. Kan in zirtir danah chuan a inpe apiang a ram rawngbawl hna thawk turin a hmang \hin tih hi kan in zirtir dan deuh chu a ni a, nimahsela hei hi a dik ber lo tih hi Bible atang a lang chiang hle a, tih tur (Duties) leh kalsan tur leh paltlang tur tam tak kan nei hmasa phawt a ni tih hi kan hre reng tur a ni. Pathian tana hmantlak ni tura pawimawh Bible a\ang han tarlang dawn ila :1. Pathian mi hman ni turin thinlung thianghlim neih hmasak ber a ngai: Matthaia 8:18-22 kan chhiar chuan Lehkhaziaktu pakhat chuan Isua hnenah, “Zirtirtu, i kalna apiangah ka zui ang che.” a ti a, nimahsela Lal Isuan Lehkhaziaktu thinlungah khan sualin bu a khuar a, lu nghahna a nei lo tih a hriat avangin a hnung zui turin a hruai lo tih thu kan hmu a ni. Chuti a nih chuan ziak tel chiah lo mah se Isuan a rawngbawl turin a hman zui a rinawm loh hle a ni. Lalpa hmantlak ni tur chuan thinlung thianghlim tak lu nghahna tlak kan nih hmasak ber a ngai a ni.

The Young Salvationist

2. Pathian mi hman ni turin Pathian Thu dah pawimawh a ngai: Marka 9:7 “Tin, anmahni hliahin chhum a lo zing a; tin, chhumah chuan aw a lo chhuak a, “Hei hi ka fapa duhtak a ni, ama thu ngai rawh u,” a ti a.” Mihringte hi mahni tawka fing inti ve tak, remruatna kawngah te, ruahmanna han siam kawngah te, \hahnemngaihna kawngah te pawh a ni thei ang, mahni tawka kei ka ni inti vek mai kan ni a, Pathian tana hmantlak ni tak tak tur chuan heng zawng zawng hi kan paihthlak a Pathian Thu kan ngaihchan a kan ngaih pawimawh a \ul hle a ni.

Petera’n zankhua in len a deng a, sangha pakhatmah a man lova, zing a lo ni a, Isua’n Petera chu li thuk lamah len deng turin a ti a.

Isua thu a len a den hnuah len in a dawl zawh loh khawp sangha a man tih kan hmu a ni. Kha thu ah khan hmanrua engmah thlak danglam a awm lo, len dengtu Petera a inthlak lova, len an thlak lova, len denna dil an thlak lo bawk a, a thu chiah a inthlak a ni. Chuvangin Pathian Thu kan ngaih pawimawh hmasak ber hi Amah Pathian tana hmantlak kan nihna chu a ni.

3. Neitu rilru pu chunga chhiahhlawh anga hnathawk mi nih a ngai: Matthaia 20:28 “Mihring fapa hi rawngbawlsaka awm turin a lo kal lova, rawngbawl tur leh mi tam tak tlan nana nun pe tur zawka a lo kal ang khan” a ti a.

He thu a\ang hian Lal Isua kha neitu ni si chhiahhlawh rilru pu chunga mi tam tak tlan nana nun pe tura lo kal a nihzia a chiang hle mai a.

Ni e, rawngbawlna kawngah hian neitu rilru pu lo tan chuan \hahnem ngaih a har kawp mai.

Mahni hna kan thawh chuan kan hna lak a na deuh a, midang hna kan thawh chuan tlemin kan zelthel deuh tlangpui \hin. Chuvangin neitu rilru

MAY 2020

8

pu chunga \hahnemngai taka mahni ta ang chiaha rawngbawlna kalpui a chhiahhlawh rilru pu chunga inngaitlawm taka rawngbawlna kalpui \hin mi hi Lalpan a hman atan a duh chu a ni.

4. Mahni chakna/theihnaah innghat ngai lo mi nih a ngai: Kan Hla Bu No. 407 naah chuan “Lal Isua chaknaa innghatin, a \anpui ang che.” tih kan hmu a. Mihringte hian chakna leh theihna hi tawkfang chu nei ve bawk mahila, chu kan chakna leh kan theihna chuan tawp chin a nei si a. Chuvangin Pathian chaknaa kan innghah tlat hi a ngai a ni. Kan chakna leh theihna avanga rawngbawlnaa hlawhtling kan nih chuan chhuan tur kan nei ang a, chapona sualin min umpha vat dawn a, chutiang nilo Lal Isua chakna leh thiltihtheihna a innghat tlata rawngbawlna kawnga kut ke penna te a lo hlawhtlin chuan Lalpa kan chhuang ang a, kan nun pawh chawisanin a lo awm dawn zawk a lo ni.

5. Thlarau bo veina tak tak leh misualte hmangaihna neih a ngai: Matthaia 22:39 ah chuan “Nangmah i in hmangaih angin I vengte pawh I hmangaih tur a ni.” tih kan hmu a. Tin, Marka 15:7 ah “Mifel sawmkua leh pakua sim chuan tur nei lote ai chuan mi sual pakhat sim chungah hian vana mi an lawm zawk ang.” tih kan hmu bawk a. Hemi thua I vengte a tih hi misual/thlarau bote an ni tih kan hriat a pawimawh hle mai.

Isua hmangaih misualte hmangaihna kan neih loh chuan an hnen thleng silo hian rawngbawlna thui tak kan kalpui ang tih a hlauhawm takzet a ni. Sual ngaihhnathiamna leh lungmuanna min pe tih hla sa reng chunga misualte hmangaihna nei miah lo rawngbawltu kan ni mai ang tih a hlauhawm hle a ni. An mahni hmangaiha an thlarau chhandamna hnathawktu kan nih hi a pawimawh em em a ni.

6. Pathian mi hman ni tur chuan Thlarau Thianghlimah kan intih hriam a pawimawh: Hmanraw bil tak chu hman tlak a ni lova, a \angkai nep \hin, hmanraw hriam tak erawh a hmangtu tan hman a nuamin a \angkai em em thung. Sam 66:10-12 ah kan hmu a, Lalpa hian kan thlarau nun tah hriam a nihna kawngah hian min fiah \hin a. Ringtu reng rengin chhel tak Pathian hman tlak kan nih theih nan thlemna leh fiahna kan kaltlang \hin a ni. Mizote chuan thirchher hnenah kan hmanrua kan chher tir \hin a, chutah chuan hmanrua kan chher tir kha mei ah an phum a, thirchher in duhtawkin a chher hnuah tuiah a chiah leh a, hmanraw hriam tak a lo chhuak \hin ang chiah hian, kan thlarau nun thu-ah pawh thlemna leh fiahna kan kaltlang a, thlarauvah kan inti hriam \hin a ni. Thlemna leh fiahna kaltlang zo lo Lalpan a hmang ngai lo. SA phei chuan Mei hi “kangfaitu Thlarau Thianghlim” kan ti a, chu kangfaitu chuan hmantlak hriam tak ni tura min kanfai hi a pawimawh tak meuh meuh a ni.

Heng lo pawh hi Pathian hmantlak ni tura pawimawh tam tak a awm thei ang. A pawimawh ber chu, chu hmantlak kan nihna tur kawnga kan tih tur (Duties) kan hlen a, kalsan ngai thil awmte kalsan chunga Pathian rawngbawl tura kan taksa ngei kan hlan hi a pawimawh tak meuh meuh a ni. “I lawmna ber Lalpa thlarau bo chhandam, I hna \ul ber khawvela chanchin\ha hril” tia hla kan sak ang hian Pathian a nunthar nei tawh te tan chuan min Hmangaihtu Pathian lawmna thlensak leh he khawvela a hna \ul ber thawk tura kan taksa ngei kan hlan hi a \ul takzet a, chu rawngbawl hna thawk tur chuan kan sawi tak angte nei thei tur leh hmantlak hriam tak kan nih ngei theih nana \an nasa taka lak hi kan ngaih pawimawh ber tur a ni.

Corps Pual SALVATION ARMY YOUTH KAWNGTHAR CORPS VAIRENGTE - WESTERN DIVISION Din \an kum : 1991 Member zat : 66

The Young Salvationist

Office Bearer Leader Asst Leader Secretary Asst. Secy.

Treasurer Fin. Secy

MAY 2020

- F. Lalhmachhuana - R. Lalhriatpuia - Lalchhanchhuahi - Lalchhanchhuaha - Hmingchungnunga - Vanlalhruaia 9

SALVATION ARMY YOUTH Kum 2020 Action Plan : THINGFAL CORPS 1. Kum 2020 a kan Main Project atan Guwahati tlawh nise kan ti a, he hun hi SAY Member zawng SOUTHERN DIVISION zawng ten inpawh tak leh hun hlimawm leh Din \an kum : 15th January, 1979 hlawk thlak tak kan hman tlan theih nana Member zat : 78 programme duan a ni.

Office Bearer 2. Kan sound system thuam \hat ngai te thuam Leader - Pu C.Lalengzama \hat a, a \ul ang ang te lei belh ngei tum a ni.

Asst Leader - Pu H.Lalringzuala Activities Benglut : Secretary - Tv T.Lalherliana 1. SAY Meeting leh Chhandamna Inkhawm ban Asst. Secy - Tv F.Hmangaihkima apiangin SAY te bultumin \awn\gai rualna neih Treasurer - Nl V.Zonuntluangi \hin a ni a, \awng\ai thupui siam lawk in chumi Fin. Secy - Tv B.Lalfelfamkima hmang chuan \awng\ai rualna hi neih \hin a ni. Kum 2020 Action Plan : 2. SAY hming in Missionary pakhat kan chawm 1. Kumin hian SAY Member te awmna inah Home ve a, chumi atan chuan SAY Inkhawm ah thlakhat Visit neiha,tlawhchhuah nise kan ti a, hei hi ah vawikhat Missionary pual thilpek bawm dawh kalpui chhoh mek a ni \hin a ni a, SAY ten kan ngaipawimawh in thilpek 2. Evangelism i/c na hnuai a\anga Action Plan lo hi a tla \ha \hin hle a ni. lut Bial pawn fehchhuah tih chu neih ngei nise 3. Hnuchham pual in Carol neih \hin a ni a, kan ti a, Pangzawl Corps tlawh nise kan ti a ni. vengchhung leh pawnlamah te Carol service hi 3. Khawchhung leh pawnah Mual Inkhawm a hman \hin a ni. Tin, Dt. 20.12.2019 khan Silchar tam thei ang ber neih tum a ni.

City Corps ten min lo ngen/sawm angin 4. Kumin chhungin chhungkaw 10 hnenah Nagapatty, Silchar - ah Carol service hi Silchar luanchhuahna neih tum a ni.

City corps te nen hlim takin kan hmang ho bawk 5. Kumina SAY Member zirnaa hlawhtlingte a ni. hnenah chawimawina pek tum a ni.

4. Khawvel in harsatna kan hmachhawn (Covid Activities Benglut : 19) dona tur atana hma latu te \awiawm nan 1. SAY hmingin Missionary 1 chawm a ni a, hemi Dt.25.3.2020 khan Rs.2000/- SAY hming in bakah hian OB leh Incharge te \hahnemngaihna Kawngthar Veng YMA duty te hnenah hlan a ni. in pakhat chawm belh bawk a ni.

Sumtuakna : 2. Kan partner Corps - Sangau Corps te tlawhin Blanket suk, huan sam leh a remchang apianga hun hlimawm tak kan hmang ho. Hemi inhlawhin Sumtuakna neih hin a ni a, member Programme zawh hian Mizorama tlang sang ber tinah budget intuk a ni bawk. Tin, BAWM Phawngpui Tlang ah lawnchhuakin Sipai Pawl INNGHAK siam in SAY member awmna in tinah Puanzar chu tlangsang lai berah pawh pharh a dah hin a ni a, thlakhatah vawikhat lakkhawm/ ni. khawn hin a ni a; member ten kan 3. Sumtuakna awm rengchang apiangah ngaipawimawh in sum a lut ha hin hle a ni. sumtuaka inhlawhna neih \hin a ni

THE YOUNG SALVATIONIST SUB-EDITORIAL BOARD (2020-2021) Chairman Secretary Asst.Secy Member

: : : :

Major K.Rohlupuia, TYS Tv David Laldingngheta, Ebenezer Corps Nl T.Lalrinengi, Bethlehem Corps & Tv Lallawmzuala, Ramthar Corps 1. Pu Lalnghahchhana, Aizawl Bazar Corps 2. Tv Vanlalduhsaka, Sinai Corps 3. Pu Lalchuangkima, Chanmari West Corps 4. Pu PC Laldinpuia, Aizawl Temple Corps 5. Nl Vanlalhmangaihi Hrahsel, ITI Corps 6. Nl Esther Lalrinhlui, Chaltlang Corps

The Young Salvationist

MAY 2020

10

TERRITORIAL SALVATION ARMY YOUTH : INDIA EASTERN TERRITORY BIBLE QUIZ No.14 (2020) from Matthaia

Zawhna chhangtu te hriat tur : 1) Chhanna hi TYS hnenah Ni 15.06.2020 aia tlai lovah thehluh tur a ni. Remchang lo tan Mb No.9862957751-ah hian answer paper thlalak whatsapp in, fiahfai tak, chhiar theih ngei turin Ni 15.06.2020 aia tlai lovah thawn theih a ni ang.

2) Bible hman tur - BSI, OV 3) Lawmman hi TYS hnenah lam tur a ni.

4) Hming, Corps, Division leh Contact No. hi ziah lan ngei tur a ni.

5) Quiz hi SAY member te chhan tura buatsaih a ni.

6) Lawmman hetiang hian siam a ni ang : i) Zawhna chhang dik vek mi pakhat chauh a awm chuan Rs.3000/- pek tur a ni ang. ii) Zawhna chhang dik vek mi pahnih an awm chuan Rs.1500/- ve ve an dawng ang. iii) Zawhna chhang dik vek mi pathum an awm chuan Rs.1000/- \heuh an dawng ang. iv) Zawhna chhang dik vek mi pathum aia tam an awm chuan, mi pathum pawh an ni ang a, chungte chuan Rs.1000/- \heuh an dawng ang.

Hming

: ______________________________________

Division : ______________________________________

Corps

: _________________

Contact No : _________________

1. ZAWHNA LEH CHHANNA

1X10=10

a) Herodi pasal philipa unaupa hming tunge? ___________________________________________________________________________ b) Isuan mipui sangli a hraina kha khawilai hmun nge? ___________________________________________________________________________ c) Hmel danglamna tlangah khan Isuan tute nge a hruai? ___________________________________________________________________________ d) Isuan mi engzatnge ka hminga an inkhawmna apiangah an zingah ka awm thin a tih kha? ___________________________________________________________________________ e) Naupang te te Isua hnenah eng tur in nge an rawn hruai? ___________________________________________________________________________ f) Mi tin, inte emaw, unauate emaw, farnute emaw, pa emaw, nu emaw, fate emaw, ramte emaw Isua hming avanga kalsan apiangin enge an hmuh a, an chang bawk ang a tih? ___________________________________________________________________________ g) Isuan a ramah a ding lam leh ve lama thut chu tute tan nge a tih? ___________________________________________________________________________ h) Abrahama atanga Krista thleng kha chuan engzatna nge? ___________________________________________________________________________

The Young Salvationist

MAY 2020

11

i) Pathian chu eng Pathian nge anih lohva, eng Pathian nge a nih zawk? ___________________________________________________________________________ j) Sual ala pun dawn avangin mi tam zawk hmangaihna chu a la dai ang. Anih chuan tute nge chhandama awm tur te chu ni ta ang. ___________________________________________________________________________ 2. A KARAWL DAH KHAT RAWH

1X5=5

a) ‘Ka in chu _______________ an ti ang,’ tih ziak a ni. b) Anni chuan a thlante chu kawlki li ata – van tawp a\anga a tawp _____ thlengin an lawr kawm ang. c) Lei leh van a ral ang a, ____ erawh chu a ral lo vang. d) Mifelte erawh chu _____ nunna ah an kalang e) A hmel awmzia chu ______ang a ni a, a silhfen chu _____angin a var a.

3. A DIK ZAWNAH ‘D’ DAH LA, A DIKLO ZAWNAH ‘X’ DAH RAWH.

1X5=5

a) Kei kumkhuain, kawlkil tawp thleng pawhin in hnenah ka awm zel ang, a ti a. b) Chhiahkhawntu te leh nawhchizuar te chuan Pathian ramah an luhkhalh dawn che u a nih hi. c) Baptistu Johana chuan, “Sim rawh u; Pathian ram chu a hnai tawh e,” tiin thuhrilin a lo kal a. d) ‘Lalpa I Pathian chibai buk la, ama rawng chauh bawl rawh,’ tih ziak a ni. e) Thinlunga thianghlimte chu an eng a thawl e, Pathian faa vuahin an la awm dawn si a.

4. TU SAWI LEH TU HNENA SAWI NGE?

1X5=5

a) Khawiah nge Juda-te lal lo piang chu?

Sawitu : _____________________________

Sawina : ___________________________

b) “Tho la, naute leh a nu hruai la, Israel ramah kal rawh: naute thah tum te kha an thi tawh e,” a ti a.

Sawitu : _____________________________

Sawina : ___________________________

c) Damlo te tidam ula, mitthi-te kai tho ula, pharte tithianghlim ula, ramhuaite hnawtchhuak ang che u: a thlawnin in hmu a, a thlawnin pe ang che u.

Sawitu : _____________________________

Sawina : ___________________________

d) Tin, tupawh ka chunga lungnihlohna hmu lo chu an eng a thawl e.

Sawitu : _____________________________

Sawina : ___________________________

e) Engatinge an hnenah tehkhin thu in I sawi?

Sawitu : _____________________________

The Young Salvationist

Sawina : ___________________________

MAY 2020

12