Home League Zirlai 2018 ZIRLAI - 1
TIRHNA - KRISTA ANGA KHAWNGAIH RAWNGBAWL HNA THAWKIN Bible Chhiar tur : Matthaia 25: 31-46 Matthaia 9:35 – 38 “Tin, Lalber chuan an hnenah, ‘Tih tak meuhin ka hrilh a che u. Heng ka unau te berte zinga mipakhat chunga in tih chu ka chunga ti in ni,’ tiin a la chhang ang.” (Mathaia 25:40)
Bible in engtinnge a sawi : “Rorelna dik takin titlu ula, Mi tinin an unau te chungah zahngaihna leh Khawngaihna chhuah rawh se” (Zakaria 7:9). Thuthlung hlui huna Zawlneite hmanga Pathianin a mite hnena a lo hriattir dan chu a ni. Chutiang ang chuan kan Lalpa Isua pawh khan a thiltih ropui tak takin he khawngaihna leh zahngaihna hi a lo entir tawh a. Mi zawng zawngte he khawngaihna thuk tak nena rawngbawl tur hian min fuih a, min ko bawk a ni. Isua Krista khan Lalram Chanchin Tha leh a hlutna chauh kha a tlangaupui lova, mihringte tawrhna hriatthiampuia rawngbawlsak in - Riltamte eitur pein, damlote tidamin, sualin a bawihte chhuahin, pharte tithianghlimin, mitdel leh tawngtheilote tidama chakna pein, mitthite kaithoin, khawtlangin a ensante zingah hun a hmang a ni tih kan hria a, hna hnuaihnungte thawka a zirtirte ke a sil ang khan. Amah leh Amah intitlawmin rawngbawltu chanvo chelhin hetiang hian a zirtir a, “In chunga ka tih ang hian nangni pawhin in tih -2-
Home League Zirlai 2018 ve na turin ka tihhmuh che u a ni” (Johana 13:15) thu leh thiltihin uar takin a sawi a “Mihring fapa hi rawngbawlsaka awm turin a lo kal lo va, rawngbawl tur leh mi tam tak tlan nana a nun pe tur zawka a lo kal ang khan” (Mathaia 20:28). Kan hmuh angin Isua Krista hian Pathian ram chungchang thu chauh hi a zirtir a ni lova, Amahah hian Lalram chanchin chu a nundan te, a hmangaihna te, midang mamawhtute hnena khawngaihna a lantir danah hian kan hmu a ni, rawngbawlna hi a pianchhuah pui a ni, chu rawngbawlna chu thinlunga khat hmangaihna, ngaihsakna chuan a tialh a, A thinlung chu khawngaihna tawpchin nei lo chuan a luahkhat a ni tih Mathaia 9:36 ah kan hmu “Chutichuan, mipuite chu a hmuhin, vengtu nei lo beramte anga hrehawm leh darha an awm avangin a khawngaih ta em em a”. Mathaia bung 25 naah khan Lal Isuan rorelna hnuhnungber/tawp chungchang a sawi a, hnamte chu hmun hnihah an inthen ang a, Lalber chuan a mihringpuite hnena khawngaihna lantir thinte hnenah chuan ‘Ka Pa voh bikte u, lo kal ula khawvel siam tantirh ata in tana ram buatsaih chu chang rawh u” (Mathaia 25:34) Pawl hnihte mak tih khawpin thenawmte hnena rawngbawl sak leh hmangaihna thiltih hlutzia a sawifiah a. Lalber chuan a chhang a … “Tihtakmeuhin ka hrilh a che u, heng ka unau te berte zinga mi pakhat chunga in tih chu ka chunga ti in ni’” (Mathaia 25:40) Chutianga in hmangaih tawnna tak tak chuan kan chatuan hmun tur a hril a ni. Kan nitin nunah : Lal Isua’n khawngaihna a lantir ang hi a zirtirte’n an zawm ang hian khawngaihna leh hmangaihna te hi kan lanchhuah tir ve tur a ni a. Amah kan hmangaihna -3-
Home League Zirlai 2018 leh kan thawhsakna nen hian a inzawm tlat tur a ni. Midangte hmangaih taka an rawng kan bawlna hian Lal Isua kan hmangaihna hi a lantir tur a ni. Lieut. Colonel Alida Bosshardt-i nunah midangte tana khawngaih rawngbawlna hna a thawhnaah hian zirlai ropui tak kan hmu a. Khawvel Indopui 2-na lai khan Juda naupang sawmsarih chuangte chu sipaiho ramluah atangin him takin a tlanchhuah pui a. Indona karah Amsterdam-a district ralmuang lo takah rim takin a thawk a. A nun pumpui chu hmeichhia khawngaihthlak tak tak te tana hlanin hmangaihna nen a thawk a. Chu khawngaihna hna a thawh that em avang chuan “The Angel of Amsterdam” (Amsterdam Vantirhkoh) an ti a ni. A chanchin leh a thusawiah ngaihsanawm tak mai a awm a. Heti hian a sawi a “Pathian rawngbawlna chu midangte rawngbawlsak hi a ni, Midangte rawngbawlsakna hi Pathian rawngbawlna a ni, Thenawm khawvengte hmangaih hi Pathian hmangaihna a ni a, Pathian hmangaihna hi thenawm khawveng hmangaihna a ni,” a ti a. A sawi dik zet mai! Pathian rawngbawlna leh midangte tana thawhna(rawngbawlna) hi thenhran theih loh leh inzawm tlat a ni. Lal Isua khan khawvela a chenlai khan he thudik hi a lantir tluanchhuak a ni. Kan zirtirtu (Isua) tihdan zuiin, kan nun hi khawngaihna rawngbawlnain khat se, chutianga kan tihna chuan Amah kan hmangaihzia a tarlang dawn a ni. Isua zirtir kan nih avangin midangte rawngbawlsakna hi tihtur pekbelh chhahna mai ni lovin kan nitin nuna peng pawimawh tak a ni zawk.
-4-
Home League Zirlai 2018 Sawiho tur : 1. Chanchin Tha Bu 4 atangte hian Isuan khawngaihna a lantirna engemaw ber thlangchhuak theuh ula, chu chu tun hun atana a tangkaina engnge sawi ho teh u. 2. Lieut. Colonel Bosshardt’s thupui “Thenawm khawvengte hmangaih hi Pathian hmangaihna a ni, Pathian hmangaihna hi thenawm khawvengte hmangaihna a ni tih chungchang hi in ngaihdan sawi ho teh u. 3. Hmangaih taka vantlang hna in thawh hian engnge nangmahniah a hlutna in hmuhchhuah? Sawiho teh u.
He zirtirna hi thinlungin i pawm teh ang u. Phillipi 2:3-5 : “ Elrel leh inngaihhlut avanga engmah ti lovin, mi tinin inngaitlawm takin mahni aiin mi dang tha zawkah ruat theuh rawh se; mahni ta ta mai en lovin, mi dang ta pawh en theuh zawk rawh u. He rilru Krista Isua pawh a awm bawk kha, nangmahniah awm rawh se”. Commissioner Silvia Cox, IHQ. Switzerland, Austria and Hungary Territory atangin(Switzerland, Zimbabwe, Finland, Southern Africa and the United Kingdom leh Republic of Ireland-ah te rawngbawl mekin): “World President of Women’s Ministries ka nih angin ka tum chu London-ah leh ka zin kualnaah pawh Lalpa rawngbawl zel hi a ni.”
-5-
Home League Zirlai 2018 ZIRLAI - 2
TIRHNA - THEIHNA NEI LO, MI HNUAIHNUNGTE RAWNGBAWL SAKIN Bible chhiar tur : Johana 8:1-11 “Riangvaite hnenah Chanchin Tha hril tura mi ruat avangin Lalpa thlarau chu ka chungah a awm; Ani chuan salte hnena chhuahna thu leh Mitdelte hnena mitvar neih lehna thu sawi tur te, Lalpa lungawi kum thu sawi tur tein, mi tir a ni,” (Luka 4:18-19)
Engtinnge Bible in a sawi : Lal Isua chanchin Luka bung 4 thu hi thiltithei tak, mi cho tak, Amah ringtute zawng zawng chungchang leh a hniakhnung zuitute thu a ni a. Isaia 61:1-2 thu hi Lal Isuan a rawngbawl tantirha a sawi chhinchhiah hmasak ber chu a ni a. A thuchah hian danglamna nei tura Pathian thutiam dik tak mitinte hnena puang tura tirh a ni tih a tichiang a. Lal Isua chu khawngaihna leh zahngaihna nen mi hnuaihnung berte hnen thleng phak rawngbawlna chu a thiltum hmasa chu a ni. A hmangaihna leh zahngaihna an chungah lantirin an saltanna ata a chhuah zalen a. Kan thinlunga thutak lang chiang em em mai chu, Thlarau Thianghlimin rawngbawlna chanvo min pekah hian a ni a. Kan Lal Isua pawh kha rawngbawl tura tirh a nihna ah khan tanpuitu neilote leh beisei bote’n Chanchin Tha avanga zalenna an lo neih theih nan a thawk a. -6-
Home League Zirlai 2018 Lal Isua khan sawiseltute leh eptute a hmachhawn fo nachungin Amah atangin zirlai pawimawh tak a awm reng a ni, chhandamna mamawhte chhanchhuah leh an tan rawngbawlsakte chu a ni. Johana 8:1-11 ah hian entirna tha chungchuang tak mai kan hmu a, Hmeichhe pakhat uire lai an man chanchin a ni a. Engtin nge mipuite khan an hmuh? A hektu leh mipuiten an hmuhdan chu misual tak, thiam loh chang, dan bawhchhiat avanga denhlum phu hliah hliah in an hmu a ni. Tichuan, hmeichhia chu kawtthlerah an hnukchhuak a, mipuite puhna avanga mualpho tak, a sualna chu a chiangin a zahpuiawmna pawh a lang fiah em em a, thiamloh an chantirna pawh kha tumah sawiseltu an awm lo a ni. Hmeichhia chu khawlaiah chuan men ngaihna pawh hrelovin a awm a, khawngaihna emaw zahngaihna engmah a hmu lo, hektute chuan lunga den chak takin an awm tih a hmu a. Lal Isuan engnge a hmuh? Hmeichhia chhanchhuah ngai tak a hmu a ni. Hmeichhia, a sualnain a hualvel a hmu a, ngaihdama chhuah zalen tur a ni. Lal Isuan engtinnge a tih? Thuchah hriatfiah thiam har tak dik si a sawi a. A kun a ,vaivutah a ziak a “In zinga sualna nei lo apiangin amah chu lungin deng hmasa rawh se’ a ti a.(Chang 7) Lal Isua chu a dingchhuak a, hmeichhe hmel chu a en a, ti hian a sawi a. “Hmeichhia, khawiah nge an awm tak? Tuman thiamloh an chantir na che nge?” a ti a, Tin, ani chuan, “Lalpa, tuman min chantir love,” a ti a. Tin, Isuan “ Kei pawhin thiamloh ka chantir lova che; kal la, tun hnuah tisual leh tawh suh,” a ti a. (Chang 10-11)
-7-
Home League Zirlai 2018 Lal Isuan hmeichhe rilru buai tak, thinlung kehsawm, rilru leh thlarau zawng zawng chu tidamin, hmangaih mamawhtu leh thlarau hliam chu a chhuah zalen ta a ni. Kan tun hun atan : Rawngbawl tura kohte tan chuan Luka 4-a Lal Isua thu hi awmze nei tak a ni. Lal Isua chuan a hnathawhte chhunzawm tur leh kan nunte a rawngbawl nana hmang turin min ko a, a hmangaihna, khawngaihna leh zahngaihna te rinawm taka tidarh tur kan nih angin, mi retheite hnena malsawmna thlen a, saltangte chhuah a, thinlung kehchhiate tuamdam a, thiamloh changte ngaidam a, thunun bet tlat nia inhriate zalennan, rip chhunga tang mekte,ngaihthah leh dan lo a tihluih mekte chhuah turin. Mipuite hian Pathian an mamawh em em a, ka tawngtaina ber chu rinawm taka rawngbawltu ka nihna ah hian Pathianin min pui ang a. Mi hnuaihnung rahbeha awmte nunah danglamna kan thlen thei ang. He khawvela beiseina, hlimna leh thlamuanna pe tura Lal Isua lokal na Chanchin Tha hian khawvel hi kan hneh tur a ni. Pathian thlarau kan chunga a lo thlen chuan retheite, hliam tuarte, beiseina nei lote mamawh phuhruk sak turin Lal Isua hming thiltithei avang chuan an hnenah rawng kan bawl thei ang. Anmahni thleng turin huaisenna kan nei thei ang a. Hetiang mite hi kan velah an awm avangin kan mitte mengin Lal Isuan a dinhmun a hmuhpui angin kan hmuhpui thei ang.
-8-
Home League Zirlai 2018 Sawiho tur : 1. Johana 8: 1-11 (hmeichhia uirena in a man) mi hnuaihnung berte chungchanga Lal Isua nungchang hian engnge min kawhhmuh? Sawi ho teh u. 2. Mi hnuaihnung berte hnena rawngbawl tura Pathianin a koh che hian eng thu nge i thinlungah Lalpa hian a sawi nia i hriat? 3. Lal Isua rawngbawlna hi keini pawhin kan rawngbawlna tur a nih si chuan; i thenawmte hnenah Chanchin Tha mamawhna phuhruk turin eng remchanna nge i insiam?
Rawngbawl tura inpeih in: He thla lokal leh tur atan hian mi hnuaihnung berte tan hian rawngbawlna engtiangin nge tih in tum? Commissioner Rosalie Peddle, IHQ from Canada and Bermuda Territory (Canada, New Zealand leh United Kingdom leh Republic of Ireland-ah te thawkin) : “World Secretary for Women’s Ministries ka nih angin, Pathian hnenah nitina ka mitte min tih men sak a, ka bul vela mi hnuaihnungte, mamawhtute tana thawk turin ka dil a. A thiltih tur chu ka tihtur a ni tih leh beiseina eng neia ka rawngbawl mek laiin Lal Isua hmangaihna mamawhtute leh khawngihna thuktak neia huaisenna nena thawk turin.”
-9-
Home League Zirlai 2018
PATHIAN BIAKNA
ZIRLAI - 3
PATHIAN MIZIA Bible chhiartur : I Chronicles: 29:11-14 “Ngawi ula, Pathian ka ni tih hi hre rawh u; hnam tin zingah chawimawiin ka awm ang a, leiah hian chawimawiin ka awm ang.”(Sam 46:10)
Thuhma: Home League thupuite zinga pakhat Pathian biakna kan zir dawn hian kan biak Pathian chu kan hriatchian a pawimawh hle a ni, lo zir hmasa ila: Kristiante chuan Pathian chu engkim siamtu thil ropui takte min tihsak thintu a ni tih hi kan hriatthiam dan ber a ni. Mihringte hrilhfiah leh hriatthiam theih phak rual loh khawp a ropui a ni si. A thiltihtheihna leh A famkimna-ah hian tawpchin nei lo a ni. Mihringin Pathian hi, Pathian famkim a nihna hrefiah thei lo mahse, mihringtea a inpuan chhuahna-ah zel hian a ni, a lo hriat fiah ve chauh thin ni. Joba 26:14-ah chuan, “A chanchin kan hriat hi a va beitham em! A thiltihtheihna ri thawm chu tunge hre zo thei ang” tiin kan hmu. Lalpa thuruk chu Amah tihtute hnenah a awm a, A thuthlun chu anmahni a hriatir thin. Lalpa Pathian i hriatthiam theihna tur atan chuan mimal takin a ngaihsak chein i hnenah a inpuang thin a ni. Bible chhiar tur, I Chronicles kan tarlanah khan Lal Davida chungchang kan hmu a, Lal Davida leh Pathian inkar a felzia leh engkim an rel felin an thu a inhmu em - 10 -
Home League Zirlai 2018
PATHIAN BIAKNA
em a ni tih kan hria. Lal Davida’n Pathian Biakbuk sak a duh a, mahse Lalpa’n “Nang zawng indo mi, thisen chhuah mi i nih avangin ka hming atan in i sa lovang….” a ti a. (I Chro.28:3). Mahse, chang 6-naah chuan, “I fapa Solomonan ka in leh kawtlaite chu a din ang..” a ti thung a ni. Lal Davida hnenah hian Pathian hi vawi tam tak, a dinhmun azirin a lo inpuang tawh thin a ni. Pathian chu engkim siamtu/neitu: Lal Davida chuan, “Aw Lalpa, ropuinate, chawimawina te, hnehna te, lalnate hi i ta a ni a; lei leh vana awm zawng zawngte hi i ta a ni si a” a ti.( I Chronicles 29:11) Arno Penzias (Physics Nobel Prize-winner) chuan “Astronomer(Vansang lam chanchin zir mi) ten min hmuhchhuah sak hi a ropui hle mai- Engmahlo atanga Pathianin a siam, universe (thilsiam zawng zawng lei leh van) te hi, nunna awm theih nan dik tawk chiah chiahin a duang a, ruahmanna awmsain a kaihhruai thlap a lo ni” a ti a. Chu chuan Pathian engkim siamtu leh neitu a nihna a tichiang em em a ni. Rom 1:20 ah khan Paula’n, Pathian chatuan remruat chu a thilsiamah fiah takin a lan thu a sawi kha. Thil engkimtithei/ engkim hria : I Chronicles 29:12-ah kan chhiar zawm zel chuan, ti hian a sawi a, “…..Thiltihtheihna leh chakna i kutah a awm a; I kutah hian mi zawng zawng tihropuina leh chakna pek theihna a awm” a ti. Pathian chu engkimtithei a ni, damlote tidam a, mitthite kaithotheitu a nih zia a hre chiang hle mai. Thuthlung hlui hunah pawh a thiltihmak tam tak kan hmu. Hetah pawh hian Pathian chu - 11 -
Home League Zirlai 2018 engkimtithei a ni, tih kan hriat rualin a thiltihtheihna chu a nihphung(nature) hrim hrim a ni. A nihphung kalh zawng erawh chuan engmah a ti lovang, tih a hriat theih. Engkimtitheia chuan thilsiam zawng zawng chungah a thiltihtheihna a lantir a, a thu thua awm vek an ni. I Johana 3:20-ah chuan, “Pathian chu kan rilru aiin a ropui zawk a, engkim a hre si a” tiin kan hmuh kha.. Hmangaihna a ni: Pathian mizia ropui ber nia sawi thin chu Hmangaihna hi a ni. Sual vanga kan boral mai tur min hmangaihin, A fapa mal neihchhun kan thiamchan nan min pe a(Johana 3:16). Lal Davida pawh kha a hnenah Pathian chu, hmangaihnain a inpuan thin avangin, a fak lo thei lova, tihian a sawi, “Chutichuan kan Pathian, lawmthu kan hrilh chia, I hming ropui hi kan fak e” tiin, (I Chro.29:13). Thuhriltu lar tak Joyce Meyer chuan, “Pathianin khawvel a hmangaih vangin a fapa Isua khawvel sual aia thi turin a rawn tir tih chu awih a har lo. Mahse, nangmah chauh khawvela awm ni la, Pathianin a hmangaih em em che avangin i tan chauh thi turin a fapa a rawn tir tih hi pawm a har ang. Nangmah chauh pawh kha chhandam ngai ni la a chhandam ang che. Pathian khawngaihna nasa tak avangin Thlarau thianghlim in keima mimal pawh hmangaihna min hriattir a, chumi chuan ka nun a tidanglam a ni”, a ti. Thianghlimna : Pathian thianghlimna chu a famkimin a danglam bik a, chu chu a ropui bikna chu a ni. I Samuela 2:2-ah chuan, Lalpa zawlnei Hani’n, “Lalpa anga thianghlim hi an awm lo, Nangmah ang reng an awm lo, kan Pathian ang - 12 -
Home League Zirlai 2018
PATHIAN BIAKNA
lungpui reng a awm hek lo” a ti a. Pathian thianghlimna hmaah mihring chuan a sual a inhmu thin. Sam 90:8 Lal Davida’n “Kan khawlohna te chu i hmaah i dah a, kan sual zep rukte chu i hmel engah i dah ta a”. a tih kha. Pathian mizia leh a nihphungte kan sawi zo thei lo, Keimahniah Amahin tha atih ang zelin a inpuangin a inhriattir thin zawk a ni. Lalpa i hnenah a inpuang ve tawh em, i nunin a hmangaihna te a tem ve tawh em? Sam 34:8-ah “Aw Lalpa thatzia chu tem chhin teh reng u, Amaha rinna nghat mi chu a eng a thawl e.” a ti. Lalpa chuan nangmah kha a hrechiang che a, i mamawh ang zelin i hnenah a mizia a puang thin a ni.
Sawiho tur : 1. Zirlaiin a sawi ni lo in nunah Pathian inpuanna sawi tur in neih chuan han sawi ho teh u. 2. Pathian hi engtiangin nge i lo biak ve thin? Hla taka awm angin nge? I bula awm angin emaw nangmahah a awm angin? Han sawi ho teh u.
Changvawn : I Samuela 12:24 “Lalpa chu tih phawt mai ula, in thinlung zawng zawngin tih takzetin a rawng bawl ula; in tan thil a tih ropuizia hi ngaihtuah rawh u khai.”
- 13 -
Home League Zirlai 2018
PATHIAN BIAKNA
ZIRLAI - 4
PATHIAN CHIBAI BUKNA Bible Chhiar tur : Johana 4: 21-26 “Aw ka nunna, Lalpa chu fak la; Ka kawchhunga awm zawng zawngte u, a hming thianghlim chu fak rawh u”. (Sam 103:1)
Thuhma : PATHIAN BIAKNA Exodus kan chhiar chuan Pathian in chhum atanga Mosia a biak thu kan hmu a, mihringin a thian a bia ang maiin hmaichhana an inbiak thu pawh hetiang hian kan hmu; Tin “miin a thian a bia ang mai hian Lalpan Mosia chu inhmatawnin a be thin a” tiin (Exodus 33:11) Thuthlung thar hunah pawh hian Pathian chu hmu thei lo mah ila Thlarauva keimah nia a chen avangin mihringin thiante kan bia ang mai hian tawngtaiin amah chu kan pawlin kan be thin a ni. Pathian kan biaka chibai kan buk dawn chuan, Amah kan hriatchian a kan thinlungah amah kha tunge a nih a engtianga ropui nge a nih tihte, engtianga nasain nge min thawhsak, engvanga ngaihlu nge kan nih tih kan ngaihtuah hmasa thin. Chutiang chiah chuan a ni, kan Pathian chibai kan bukna-ah pawh hian Amah kan chawimawi a, a thiltihtheihna kan dawn te, a awmdan leh nihphung kan hriat avangtein kan fakin chibai kan buk thin a ni. Amah kan fak a kan chawimawi-na hi chibai kan bukna leh kan biakna kan tih lan theih dan ber chu a ni. - 14 -
Home League Zirlai 2018
PATHIAN BIAKNA
Engtik hunah nge Amah chu kan fak ang? a) Englai pawhin Amah chu chibai kan bukna fakna chu kan lantir tur a ni: Sam 34:1&2-ah Lal Davida’n “Englai pawhin Lalpa chu ka fak ang a; Amah fakna chu ka kaah a chhuak fo ang. Ka nunna hian Lalpa chu a chhuang ang a,” a ti. b) Pathian Biakbukah-te kal a, Amah chu chibai bukna fakna chu kan hlan tur a ni: “Ka unaute hnenah i hming ka hril ang a; Awm khawm zingahte chuan hla sain ka fak ang che” (Hebrai 2:12). Sam 84 :4 naah pawh “ I ina awm te chu an eng a thawl e, nang chu an fak fo vang che” tiin Juda saltangte’n Jerusalem Temple an ngaih thu sawina kan hmu a ni. c) Kan mut hunte pawhin Amah chu biain kan fak tur a ni : Lal Davida chuan, “Ka khum laizawla ka hriat reng chia, zana i chungchang thu ka suangtuah lai chuan, nang chu mi tanpuitu i ni si a”, a ti.(Sam 63:6) Pathian biakna chu, kan thinlung zawng zawng, kan chakna zawng zawng leh kan rilru zawng zawnga Amah kan hmangaihna kha pumhal thilpek leh inthawina zawng zawng aiin a tha zawk tih Lal Isua’n a sawi thu Marka 12:30-33-ah kan hmu. Rilru leh tihtakzet tel lova Pathian biak chu Lal Isua pawhin a dem thu Pharisai te chungchang a sawinaah kan hmu. Hetiang in “He miteho hian an kain mi chawimawi a, An thinlung erawh chuan mi hlat si a. Engpawh ni sela, an zirtirnaah mihring thupek an zirtir avangin an mi biak thin hi a thlawn mai a ni” tiin. (Matthaia 15:8,9) Tun hunah erawh hi chuan thinlung atanga chhuak a der ni lo, a tak taka Amah chibai buktute hi Pathianin a ngaihsak zawk a ni. - 15 -
Home League Zirlai 2018
PATHIAN BIAKNA
Bible chang chhiar tur kan tarlan khi Samari hmeichhia leh Lal Isua inbiakna a ni a. Lal Isuan “Chutichuan a hun a thleng dawn ta, tunah pawh a thleng tawh mek, chu mi hunah chuan Pathian chibai buktu tak tak ten thlarau leh tihtak zetin Pa chibai an buk ang; Pain chutiang mi chu a chibai buktu turin a zawng a ni. Pathian chu Thlarau a ni, a chibai buktuten Thlarau leh tih tak zetin chibai an buk tur a ni,” a ti a.( Johana 4:21-24). Thlarau in : Ralph Mahoney Director, World MAP chuan heti hian a hrilhfiah a: “Kan thlarau chu Mihring chhunglam thiltihtheihna leh tihchakna” tiin. Pathian biakna dik tak chu kan chhungril nunin Pathian thlarau a lo dawnsawn nghal mai na-ah hian a ni. Commr. Samuel Logan Brengle chuan, “Krista thihna leh thawlehnain a thlen theih, chumi nunpuinaah chauh chuan thlarauva khahna chu a awm”, a ti a, Pathian biakna diktak chu chungril nuna thlarauvin a chettir leh a thuamna atang chauhin a awm thei a ni. Tihtakzet/Thutak : Saptawng Bible (NIV) kan en chuan “Thlarau leh tihtakzet” a tih hi “Thlarau leh Thutakin” (In Spirit & in Truth) a ti a. Lalpa chibai buknaah chuan inhlanna a awm tur a ni. Lal Isua chuan Pilata hmaah khan “Thutak hriattir hi ka pian chhan leh khawvela ka lokal chhan a ni. Tupawh thutak a mi apiangin ka thu an pawm thin” (Johana 18:37b) tiin a sawi a,. Chu Thutak chu Krista leh keimahnia Thlarau Thianghlim ina min pek a nih avangin khawvelin a hrethiam lo a ni. Chuvangin Thutak atang chauh lo chuan Pathian chu chibai buk theih a ni lo. - 16 -
Home League Zirlai 2018
PATHIAN BIAKNA
Keini pawhin Pathian chibai buk tura kan inbuatsaih chuan Lal Isua’n a sawi angin kan thinlung pindan chhungril ber Thutak a lutin a ruka min hmu rengtu Pathian hnenah tawngtaiin Ama hnenah kan intulut tur a ni.
Sawi ho tur : 1. Thlarau leh Thutaka Pathian chibai kan buk theih lohna chhan/daltu nia in hriat te han sawiho teh u. 2. Pathian chibai in buk thin dan, in lo tawnhriat tawh te han sawi ho teh u.
Changvawn : Deuteronomy 6:4 “Aw Israel mite u, ngaithla teh u, Lalpa kan Pathian chauh chu Lalpa a ni a; Lalpa in Pathian chu in thinlung zawng zawngin, in rilru zawng zawngin, in chakna zawng zawngin in hmangaih tur a ni.”
- 17 -
Home League Zirlai 2018
PATHIAN BIAKNA
ZIRLAI - 5
THLARAU NUN THANLENNA -1 Bible chhiar tur : Ephesi 4: 11-16 “Hmangaiha thu dik tak sawiin, engkimah Amahah kan thanglian thei zawk ang; Amah chu Lu a ni, Krista chu.” (Ephesi 4:15)
Thu hma : Thlarau nun thanlenna (Spiritual life formation/development) kan tih hian awmze nei leh tum mumal tak nena Krista anna kawnga thanlenna a ni. Thlarau mi nihna hi tunlaiah mi tamtakin a zawnin an zawng thin. Tihdan phung leh rinna hrang hrang nei, sakhaw hrang hrang vuantute’n taksa tihrehawma thlaraumi nih tumnate an nei thin, mahni chauhva insawrbing leh kulmuk taka Pathian biakte hi Thlarau mi nihna anga ngai mi tam tak kan awm. Entirnan, thenkhat chuan Thlarau ze danglam bik nei riau a inhriain keini “Thlarau mi” tih tawngkam te pawh an hmang thin. Kristian ten thlarau mi kan tih chu engnge ? Kristiante zingah a pumpuhluma Krista nena inzawmna neitute hi Thlaraumite chu an ni. Kan chang thlan Ephesi 4 :11-16 ah Tirhkoh Paula’n, Pathianin a mite tana a thiltum, Inpumkhatna, Pathian fapa hriatna kawnga thukhat vuaa puitlinna leh Krista famkimna tawmpuina kawnga thanlenna chungchang chiang takin min hrilh a ni. - 18 -
Home League Zirlai 2018
PATHIAN BIAKNA
Galatia 4:19 ah Tirhkoh Paula’n “Ka naute u, Krista chu nangmahniah siam puitlina a awm hma loh chuan nau veiin ka vei leh che u hi” a ti a, Thlarau mi nihna chu Krista anna kawnga siam puitlin a awmna chu a ni (Tirhkoh pawh hian Krista anna kawng a puitlinna hi Galatia kohhran hote hian an hrefiah lovin an ngaihthah ang tih hi a hlau hle a ni). Krista khawngaihna leh hmangaihna atanga chhuak Thlarau Thianghlim kaihhruaina atanga lo awm a ni. An tawngkam chhuak reng rengah pawh Krista’n an chhungril nun a luah ani tih hriattheihte hi thlarau mite chu an ni. Thlarau mi nihna lo indinna pawimawh leh lairil ber lai chu Pathian zahngaihna avang liau liau va Amah nena inzawmna hi a ni. Thlarau mi nihna chu Pathian nena inzawmna chak tak kan neih chauhin a lo awm thin a, a tehna ber pawh Krista annaah chauh a ni. Thlarau nun than lenna: Thlarau nun hi a thanglian thei tur a ni. Piantharna kan tih hi thlarau nun tawma kan zinkawng kan tanna chauh a ni. He zinkawng zawh tur hian thuawi taka sual kalsan leh Pathian tana inserh hranna a mamawh a ni. Entirnan, kan zinchhuak dawn a, kan chhuah hma atangin kan inbuatsaih angai a, kan zinkawng kan zawh ta thin ang hian Thlarau mi nihna emaw a bul intanna emaw kan tih hi zinkawng a kan kal mek ang hi a ni. Kan kalna tur kha kan rilruah awm reng mahse kawnglakah chuan paltlang tur tamtak a awm a. Thlarau mi nihna emaw a dinhmun emaw ringawt ah kan rilru kan dah tur a ni lova, hei hi chu a kawng zawh tanna chauh a ni.
- 19 -
Home League Zirlai 2018
PATHIAN BIAKNA
Pastor Benny Hinn-a chuan “Thlarau lama i thanna chu thing ang bawk a ni, chawm leh enkawl a hlawh tur a ni” a ti a. Chutiang chiah chuan awmze nei leh ngun leh taima tak leh thuawih taka kan inbuatsaih angai a, mahni inthlirlet zel chungin zirlaite hi zir teh ang u. Kan tan a pawimawh em em si a, I thlarau nun zawk kha nguntakin thlir let ang che. Thlarau mi i ni em? tih a hnuaia thute atang hian inenfiah teh: 1. Khawi atanga lo awm nge ka nih ? : Pathianin a chenchilh ngei che a ni tih i nuna i lo hriatna/i lo channa han ngaihtuah teh? i piangthar tawh reng em? i nunah engemaw danglam nangmah khawihtu tawnhriat i nei em? Lal Isua Krista Kraws atangin a thihna leh thawhlehna nun tawmpuina atangin thlarau lam nun zinkawng chu i zawh tan dawn a, Lal Isua nen zinkawng hi in zawh em tih hi i nun in a hriatpui em? “Tin Thlamuantu, Thlarau Thianghlim, Pain ka hminga a rawn tirh tur khan, chu mi chuan engkim a zirtir ang che u a, in hnena ka sawi zawng zawng a hriatchhuahtir leh ang che u. (Johana 14:26) 2. Tunah khawiah nge ka awm? Thlarau nun than nan he zawhna hi a pawimawh hle mai. II Korinth 13:5 ah Tirhkoh Paula’n, “Rinnaah chuan in awm emaw nangmahni ngei inchhin thin ula; nangmahni ngei in fiah thin rawh u. Anih loh leh nangmahniah Isua Krista a awm tih nangmahni ngeiin in hrefiah lo vem ni?” a ti a. I thlarau zinkawngah khan khawi nge i thlen? Eng dinhmunah nge i awm mahni inenlet a ngai fo thin. - 20 -
Home League Zirlai 2018
PATHIAN BIAKNA
Hetizawng hian han ngaihtuah teh, Pathian i biakna, i inhlanna nun engnge? Amah chu eng ang nge nia i hriat? I hnenah engnge a sawi? Engti turin nge a sawm che? Hahchawl turin nge…hnathawk turin…nui turin em ni…sualte puang turin…tap turin…ngawi turin…lam turin…a rawngbawl turin… Lal Isua anna kawnga thanglian tur hian tih tur engnge i in siam thin? 3. Khawnge ka kal ang?: Ringtu tamtak hian thlarau lama kan dinhmunte, kan kalna leh zel turte, kan hmasawnna turte ngaihtuah nachang hre lo kan tam em em a ni. I hma lam hunte thlirin Pathian kaihhruaina dilin hun hmang thin ang che. Pathian chenpuina thuk zawk leh Amah nena inpawhna chak zawk i nuna i neih theih nan eng thil bik nge Pathianin tihtir che a duh? I thlarau zinkawng hi engmah in a tibuai tur a ni lo. Tawngtai chungin a hnuaia miteah hian engti turin nge Pathianin a sawm che. Inneihna leh chhungkuaah. Chhungkua inkungkaihnaah. Mahni invawnfel chungchangah. Nungchang/awmdanah/rilru puthmangah. Sum leh pai chungchangah. Thenawmte/hnathawhpuite/thiante. Thil dang tam tak a awm thei ang.
- 21 -
Home League Zirlai 2018
PATHIAN BIAKNA
Heng zawng zawngah hian tawngtaiin Pathian hnenah thlen la, a siam puitling chein, Krista annaah a hruailut ang che. Rom 8: 25 -27 “Kan hmuh loh chu kan beisei erawh chuan kan nghak fan fan thin a ni. Chutiang bawkin Thlarau chuan kan chak lohnate a pui thin a; engtia tawngtai tur nge tih kan hre si lova; nimahsela Thlarau chuan rum sawi hleih theih lovin min tawngtaisak thin.”
Sawi ho tur : 1. Thlarau nun than nan eng thilte nge in tih (practise) thin han sawi teh u. 2. Thlarau thanna kan tih hian eng angin nge ngaihdan i lo neih thin le? Sawi ho teh u.
Changvawn : Kolosa 3:10 “Mihring thar chuan in inthuam tawh si a, chu mihring thar chu hriat famkimna nei turin, a siamtu anpui anga siam tharin a awm mek a ni.”
- 22 -
PATHIAN BIAKNA
Home League Zirlai 2018 ZIRLAI - 6
THLARAU NUN THANLENNA - 2 Bible chhiar tur : II Timothea 3: 14-17 “I thu hi ka ke atante hian khawnvar a ni a, Ka kawng atan eng a ni.” (Sam 119:105)
Thuhma: Zirlai hmasaah khan Thlarau mi kan tih thinte dinhmun kan lo hriat dan kan sawi a. Tin, chubakah thlarau lam nun chu a thang lian thei a, a thanglian tur reng a ni, tih kan sawi bawk a. Tun zirlaiah hian thlarau nun thanlenna tura thiltih pawimawh kan zir zawm leh dawn a ni. Thlarau nun thanlenna tura pawimawh chu Bible chhiar: Sam ziaktu chuan “I thu hi ka ke atante hian khawnvar a ni a, Ka kawng atan eng a ni” a ti a. Pathian nena nun inzawmna tak tak nei thei tur chuan a thu hi ngun taka kan chhiar a kan zir hi thil pawimawh tak chu a ni reng a. Pathian thu kaltlang hian Pathian duhdante, a ngaituahte, a thiltumte, kan tana a thutiamte kan hre thei a ni. Kan changthlan hi lo chhui chiang ta ila. Tirhkoh Paula’n rinnaa a fa Timothea hnena a lehkha thawn a ni a. Timothea hi Kohhranah naupangte a nih atanga hruaitu pawimawh tak a ni a. A nu Juda mi a ni a, a pa erawh chu Grik mi a ni. (Tirhkohte Thiltih 16:1 en la). A naupan tet - 23 -
Home League Zirlai 2018
PATHIAN BIAKNA
atangin Pathian lehkhabu Thianghlim hi a hre tawh a ni. Dan tlangpuiin, Juda mite hian kum 5 an nih atangin Thuthlunghlui hi an zir thin a, Timothea pawh hi an inah a nu leh a piin a naupan laiin an lo zirtir thin tawh a ni. Pathian thu hi Pathian thawkkhum a ni tih pawh Paula hian a sawi a. Chu Pathian thu a lo hriat tawhna te a lo zir tawhna te chu a rinna kawngah a pawimawh em em a ni tih hriain, Pathian thu a hriatna kawngah chuan awm reng turin a fuih a ni. Pathian thu hi Pathian thawkkhum a pek a nih avangin zirtirna kawngahte, thiam loh chantir kawngahte, zilh kawngahte, felna zirtir kawngahte a sawt thu min zirtir nghal a ni. Ringtute chu hna tha tinreng thawk tura kan inthuamna tur pawimawh tak a ni bawk a ni. Timothea chanchin atang hian Pathian thu hriat leh zir a pawimawh zia kan hre thei mai awm e. Lal Isua Krista ang tura siam puitlin kan nih theih nan chuan Bible hi kan chhiarin kan kawmngeih a ngai hle mai. D.L. Moody chuan “Pathian thu hi kan hriatna tipung tur ni ringawt lovin, kan nun min thlakthleng tur zawk a pek a ni� a ti a. Bible chhiar leh tawngtaina hi Pathian biakna a ni a tih theih ang. A thuah hian Pathian Aw chu a awm a, a thu hmangin min be thin. Bible chhiar ngai lovin Pathian Aw ka hre thin, tih hi chu awih har tak a ni. A thu hmang hian kan mamawh hun lai takte, kan lungngaih laite, kan hlim laite, tanpui kan ngaihlaite, a ngaihna kan hriat loh laite hian min be thin a, Amah ngai ngawih ngawih a i awm laite hian Bible la la, chhiar thin rawh, Pathianin biak che a duh a ni. Chu chu i thlarau tan chaw tui tak a ni si a. I thlarau nun pawh chawikanin a awm ngei ngei ang. “I chunga thil ka tihsual loh nan i thu - 24 -
PATHIAN BIAKNA
Home League Zirlai 2018
chu ka thinlungah ka khawlkhawm a (Sam 119:11) kan Pathian thu chuan a ti a ni. Dr. Harry A Ironside-a chu thuhriltu naupang tak a nih laiin Putar pakhat Alexander Freser-a hnenah a kal a, a titi a ngaithla a, chu putar chuan thudik, ngaihnawm tak leh benglut tak tak a hrilh zung zung ta mai a. A tawpah chuan Ironside-a chuan, “Ka pu, heng thu hi khawi atangin nge i zir?” tiin a zawt a, ani chuan, “Ireland hmar lama ka in te takte lei chhuat-ah thingthiin ka zir a ni, chutah chuan ka Bible ka keuva darkar tam tak tak ka thingthi thin, Pathian Thlarau chu thutak ka thinlung a tilang turin ka dil a ni” a ti. Bible chhiar kaihhruaina thenkhat : Nitin 30 minute tal Bible chhiar thin ang che. Nitinin Sam bu khat chhiar la kum khatah vawi 2 i chhiar chhuak ang. Nitinin Thuthlung hlui phek 3 chhiar ziah la, kum khat ah i chhiar chhuak thei ang. Nitinin Thuthlung thar phek 3 chhiar ziah la kumkhatah vawi 3 i chhiar chhuak hman ang. Pathian thu i chhiar kha zirchiang la, nangmahah khan thlarau lam hriattirna dawn i nei em? Chik thin ang che. Pathian thu i chhiarin engnge a kawhhmuh che chhinchhiah zel ang che. Bible chang thlanbik i neih kha vawn(memorize) tum zel la, chu chuan malsawmna a thlen ngei ngei ang che. - 25 -
Home League Zirlai 2018
PATHIAN BIAKNA
Chhung Inkhawm buatsaih thin la, Bible-te a bul atangin a indawtin nitin chhiar thin ang che u, chu chuan nangmah mai ni lovin i chhungte pawh thlarau thannaah nasa takin a pui ang. Nitina hun i insiam dan tur te: Bible chhiarchhuah (Entirnan : I hun neih theih hun thlir in zing dar 4:00-4:30 emaw hetiang hian chhun, tlai, zanah pawh hun insiam tum teh) I thlarau nunah hlawkna engnge i neihte sawichhuak thin la, i thiante leh chhungte hnenah te sawi fo thin ang che. Ringtute chu Krista anna kawngah thang zel tur kan ni si a, chu mi atan chuan Bible chhiar leh zir hi Home League member ten kan ti ngei ngei tur a ni. Sawiho tur : 1. Bible in chhiar thin atanga hlawkna leh malsawmna in dawnte sawiho teh u. 2. Bible chhiar nan engtiangin nge hun in insiam thin/ engtik hun nge remchang ber a inhriat sawi ho teh u. Changvawn :
Sam 119:103
“I thute hi ka tan a va thlum em! A ni, ka ka atan a va thlum em! A ni, ka ka atan chuan khawizu aiin a thlum zawk.�
- 26 -
Home League Zirlai 2018
PATHIAN BIAKNA
ZIRLAI - 7
THLARAU NUN THANLENNA - 3 Bible chhiar tur : Mathaia 6:5-15
Tawngtaina chu engnge ni? Pathian nena inpawhna thuk tak neia inbiak tawnna a ni. Pathian hnena inthlahrung hauh lova a zahngaihna avanga lawmthu sawi chunga kan duhna kan thlenna a ni, chumi avang chuan Pathian nena kan inzawmna thlung nghet tlattu a ni. Lal Davida’n “Aw Lalpa, ka rilru hi i hnenah ka dah tlat thin” a ti a. (Sam 25:1) Lal Isua’n tawngtai dan min zirtir: Lal Isua ang tura kan than mek lai hian Amah Lal Isua (Pathian mihringa lo chang) hian entawn tur min hnutchhiah tam em em a, Amah ngei pawh vawi tam tak a tawngtai a ni tih Chanchin Tha ah kan hmu a ni. Thawm dangin a tihbuai theihloh khawpa Pathian nena inbiakna thuk neih theih hi a pawimawh ber a ni. Pindan chhungril pawh nise, Inkhawmna In emaw khawi hmun pawh nise, thinlung leh tihtakzeta Amah ring chunga kan tawngtai hi Lal Isua min zirtir dan chu a ni. Thu chham nalh emaw tawngkam thiam emaw thluk nalh emawa tih tumte, tawngtai rei loh hlauh avanga sawi nawn sawi nawnte hi Lal Isuan min ziritr dan a ni lo. Hetiang hi Pathian hian a ngaihpawimawh a ni lova, kan thlarau nena inpawh na zawk kha a ni a ngaih pawimawh - 27 -
Home League Zirlai 2018
PATHIAN BIAKNA
zawk chu. Pathian leh mihringte indawrna pawimawh tak a nih avangin tih mai mai tur a ni lo. Inngaitlawma Amah chu engkimtithei, khawngaihna leh hmangaihnaa khat, kan mamawhte hre vektu a nih hria a, Amaha intukluhna tak tak nena Amah biakna hi Lal Isua min zirtir dan chu a ni. Kan inkhawm apiangin tawngtai dan min zirtir kan sawi chhuak thin a(Kan Pa vana mi..I hming zahawm rawh se..Mathaia 6:9-14 tiin). Hei hi ngun taka kan ngaihtuah chuan kan tihdan turte, a duh zawngte, kan nihna turte, kan zirlaite min zirtir chiang em em a ni. Tawngtai turin hun i nei em? I Thessolonika 5:16-18 ah chuan “Lawm fo ula, bang lovin tawngtai ula; engkimah lawmthu hril fo rawh u; chu chu nangmahni lam thuah Krista Isuaah chuan Pathian duh zawng a ni si a. Thlarau chu timit suh ula..” Keimah nia Thlarau a mit loh nan bang lova tawngtai tur kan ni tih min zirtir a. Keini erawh chuan ka buai em a, ka tawngtai hman lo kan ti thin. Kan Lalpa Isua pawh kha hunawl leh chaw eina hun pawh nei lo khawpin a zirtir a, a chang chuan mut hun pawh a nei lo, chuti chung chuan a tawngtai reng thin a ni tih Chanchin Tha ziakah te kan hmu a ni. Kristian nu pakhat chu a tawngtai zat an zawt a, “nikhatah vawithum, a bakah nilengin” tiin a chhang a ni. Engtik hunah pawh, khawilaiah pawh tawngtai tura kohna emaw tawngtai tur nia i inhriat hun apiangah chu chu Pathian hriattir che a ni tih hria la, tawngtai zel ang che. Engtiklai pawhin inchhungkhur a ni emaw, hnathawhna a ni emaw i rilruin Pathian pawlna i nei thei reng a ni, bawhpelh lo la, chu chuan i thlarau nun a chawikangin a than tir zel ang che. - 28 -
PATHIAN BIAKNA
Home League Zirlai 2018
Lieut. Colonel Mariamma Davidson chuan heti hian a sawi a, “Tawngtai tam chuan, thiltihtheihna a nei tam a, Tawngtai tlem chuan, thiltihtheihna a nei tlem, Tawngtai ngai lo chuan, thiltihtheihna a nei lo” a ti a ni. Thlarau thanna tak tak nei turin Tawngtai Thiltihtheihna chu hmang ang che. I ringhlel thin em ? Lal Davidan “Ka thinlunga sualna ka ngaihsak chuan Lalpan mi ngaithla lovang (Sam 66:18) a ti a. I tawngtai lai khan i ngaihtuahnaah a thleng tak tak lovang emaw, hei hi chu a lian tham em mai tia rinhlelhna nei chunga tawngtai lovin, Lalpan a ngaithla reng che a ni tih hria la, I tawngtai laiin thil dang pawnlam emaw i ngaihtuahnaah a lo lut thin em? Nangmah tibuai tur che an awmin i hre thin em? Chu chu hmelmapa Setana hnathawh a ni tih hria ang che, ani chuan Pathian nena inzawmna thuk danglam bik i neih kha a dodal tang tang a ni. Hlau lovin Pathian chauh ngaihtuahin ringhlel lovin tawngtai thin ang che. Thawnthu pakhatah chuan : Vawi khat chu Ram pakhatah hian khua a kheng nasa hle mai. Sawrkar chuan ruahtui dila tawngtaina ni a ruat ta a. Biak In lian berah an kalkhawm dawn a. An khuaah chuan hmeichhe naupang pakhat rinna chak tak nei chu nihliap nen a lo thawk a. Ruahtui kan dil dawn a, Pathianin min pe ngei dawn avangin ruahsur a khum hawah ka ti a ni, a ti a. Ruahsur dawn ang a lanna engmah a awm si lova. Ruah dil chuan an tawngtai ta a. Chhum chu a lo let but but a, a sur ta chiam mai a, hmeichhe naupang chauh chu hulphiangin a haw a, midang zawng chu a nan huh vek a ni” an ti a. - 29 -
Home League Zirlai 2018
PATHIAN BIAKNA
Pathian Aw i hre thin em? “Ka Beramten ka aw an hre thin, kei pawhin anni chu ka hria, anni chuan min zui thin”(Johana 10:27) Pathian hnenah i duhnate i thlen a , a rawn biak let ve na che A aw i hre thin em? Pathian nena nun inzawmna tak tak nei tur chuan inbiaktawn a ngai thin a, ringtu Krista anna a thanglian mek hian Pathian aw i hre ngai lo a nih chuan i tawngtai nun kha enlet a ngai tihna a ni. Krista hnenah hmelma pa tingawi tur leh ngaihdan nghetsa i lo neihte labo turin i dil thin ang. Amahin a duhdan leh hun a tih ang zelin a chhang dawn che tih ring chungin tumah tibuai lovin, pawnlam thilte ngaihtuah lovin Pathian aw ngaithla thin ang che. A thu hmangte, thildang hmangte, Ama aw ngei hmangte, i thinlung a chhanna lo awm hmangte in A be thin ang che. Mi thianghlim Augustine-a chuan “Aw Lalpa, ka duhzawng ang maia i duhzawng tih min phalsak la, tichuan nangma duhzawng ang maiin ka duhzawng i ti thei dawn nia “ a ti a ni. Chu chu a ni Krista nena nun intawmna tak tak chu, a thleng thei ani tih hria ang che. Sawiho tur : 1. Nikhatah tawngtai nan hun engangin nge in hman thin? 2. Thlarau nun thanlen nan hian eng hi nge pawimawh ber ni ang? Sawi ho teh u. Chang vawn : Mathaia 21:22 “Tin, engkim ring chunga tawngtaia in dil apiang chu in hmu ang, a ti a.”
- 30 -
Home League Zirlai 2018
PATHIAN BIAKNA
ZIRLAI - 8
BIBLE GAMES ( Bible atanga infiamna)
Tihtur : Memberte chu Inkhawmnaah Bible keng vek tura hriattir lawk ni se. Heng a hnuaia Bible bung leh chang tarlante hi ngun taka chhiar tur a ni a, chungah chuan Thing te, Thlaite, Ramsate, Incheina, Ram hming, rawng hmingte i hmu ang, an hming sawi tur a ni. ( Entirnan : Isaia 44:14 ah hian engnge awm, a hming sawi tur). 1.
Isaia
44:14
2.
Leveticus
14:4
3.
Numbers
24:6
4.
Roreltute
9:8
5.
I Lalte
10:27
6.
Luka
11:42
7.
2 Samuela 17:28
8.
Numbers
24:8,9
9.
Mathaia
14:19
10.
Leveticus
11:16
11.
Ezekiela
4:9
12.
Ezekiela
16:10,11
13.
I Peters
3:3-4 - 31 -
Home League Zirlai 2018
PATHIAN BIAKNA
14.
Genesis
2:17
15.
Genesis
1:3
16.
Exodus
2:3
17.
Estheri
8:9
18.
Sam
92:12
19.
I Lalte
9:5
20.
Sam
128:3
21.
Estheri
1:6
22.
Thupuan
1:4
Home League rawn inkhawm te kha Group hnihah then ni se (entirnan : Group 1-na turte chu fa nei leh fa nei lo te, Group 2- na turte tu nei tawh te) In elna hlimawm tak hruaituin buatsaih tur a ni a. A chak group tan khan lawmman te pawh siam ni se.
Changvawn : Sam 24:1 “Leilung leh a chhunga thil awm zawng zawng hi Lalpa ta a ni a, Khawvel leh a chhunga chengte nen hian.�
- 32 -
Home League Zirlai 2018
PATHIAN BIAKNA
ZIRLAI - 9
TIRHNA – THUHRETU NIA RAWNGBAWLNA Bible chiar tur - Isaia 6:1-9 Tin, “Tunge ka tirh ang a, tunge ka tan kal ang ?” tiin. Tichuan keiin, “Kei heta hi ka awm, mi tir ta che.” Isaia 6:8
Engtinnge Bible in a sawi : Lal Isua kha khawvel tana nun hlan tur leh mihringte hnena Pathian a nihna puangchhuak turin a lo kal a. A hnathawh tur peng pakhat-ah chuan Pathian chanchin hriatpuitu nih a ni. Johana bung 1 kan chhiar chuan Atirin Thu a awm, Thu chu Pathian a ni. Thu chuan eng a rawn thlen a, mihringte enna tur a ni tih min hrilh. Isua Krista chu Pathian a mipathum awm hriatpuitu tha ber chu a ni. Tunge ama chanchin sawi tura amah aia tha zawk awm thei ang? Lal Isua chu Pathian thianghlim chu ngil taka kan panna tura kawng min kawhhmuhtu a ni a. Pathian nihna, Hmangaihtu a nihnate, zahngaithei a nihna te, danglam ngailo a nihna te leh a dangte A nitin nunah a lantir thin. Khawvelah hian hun tlemte chauh a nei a ni tih hriain a zirtirte a khawm a. Mihringte tlukna lo thlen atang khan Pathianin hna a thawk reng a, Thianghlimna nei - 33 -
Home League Zirlai 2018
PATHIAN BIAKNA
turin a mite chu Amah nen inlaichinna a siam a, chutiang inlaichinna siamna chu Isaia bu kan chhiar atangin kan hmu a. Pathian Thianghlim hmaah chuan ding tlak a ni lo tih Isaia’n a inhria a. Pathianin “Tunge ka tirh ang a? tunge ka tan kal ang?” tia zawhna a pek chuan Isaia chuan chhuanlam dang a nei lo;“Kei heta hi ka awm, mi tir ta che” a ti ta a ni.(Isaia 6:8) Zirtirte pawh kha hetiang ang tho hi an ni, kohna an hriat rual rualin engkim kalsanin Lal Isua an zui a. Pathian Thianghlimna mit ngeia hmuin chu thianghlimna chang tur chuan kum thum lai a bulah an awm a, a thusawite leh a thiltihte an hmu a. Tihdam rawngbawlna a kalpuite, nitina mipuite hnena a rawngbawlnate mit ngeia hmutute an ni. Misualte tlawhchhuak in, Samari hmeichhia uirete thu a sawipui a, chubakah Juda roreltute a ti ti pui bawk. Pathian thu chuan kan za hian Pathian ropuina chang pha tawh lo kan nihna min hrilh a. Kan rawngbawlnaah Pathian hmangaihna hriatpuitu ni turin mitinte a tak tak hriatna nei turin a duh a ni Kan tun hun atan: Khawvela a tihtur atih zawhin Isua chuan a zirtirte hnenah thu hnuhnung an hriat turte a hrilh a. Tirhkohte 1:8 ah “Nimahsela Thlarau Thianghlim chu in chunga a lo thlen hunah thiltihtheihna in la nei ang; tichuan Jerusalem khuaah te, Judai leh Samari ram khaw tinah te, kawlkil thleng pawhin ka thu hretute in ni ang” tiin a sawi a. A zirtirte chu hriatpuitu an nihna chungchangah an duh emaw duh lo emaw hriatpuitu ni turin thu a pe a. - 34 -
PATHIAN BIAKNA
Home League Zirlai 2018
Tunlai hunah hian mi thenkhatin Pathian hriatpuitu nih hi an zahpui thin a, hriatpuitu nihna chu kristianten kan nihna tur anih avangin a pawimawh em em a ni. I thiltihte kha mite hriatpui tur a ni lova, nangma chanchin ngei a ni si a. Hriatpuitu nihnaa thil tha ber mai chu Pathian Thlarau Thianghlimin a min pek a ni tih hriatpuina hi a ni. A harsa lai ber chu keimahni hriatpuina kaltlanga mite va hneh tum hi a ni. Kraws-a a thihna kaltlang a mite Pathian hnena hruai thleng turin Isua chuan a rawngbawlna a rawn hlen a. Pathian hian kan tih theih loh leh a hnathawh nana hmanrua pawh kan neih hauh loh chu min pe lovang. Isua chuan a rawngbawlna hlenchhuahna dal thei thil, rinhlehnate hi awmtir a phal lova, mi thim hnuai a thuten an chunga enna a lo thlen hma loh chuan an ring thei lo a ni tih pawh a hria a, chuvangin thim hnuaia awm mekte tan Pathian hriatpuitu ni turin leh a rawngbawl turin Lalpan min ko a ni. Sawiho tur : 1. Hriatpuina sawi tura in tim/hlauh tlatna in neih thin hi engnge a chhan ni ber a in hriat sawiho teh u. 2. Engtiknge midangte hnena i hriatpuina i sawi hnuhnun ber? 3. Tirhkohte 22:15 “I hmuh leh i hriat thuah khan mi zawng zawng hnenah ama thu hretu i ni ang�. I nitin nunah he thu hian engtiangin nge rinawm tura a fuih che? Sawiho teh u.
- 35 -
Home League Zirlai 2018
PATHIAN BIAKNA
Rawngbawl tura inpeih in : Thlarau Thianghlim kaihhruaina chu zuiin, a kaihhruaina che thu i hriatpuina chu mite hnenah puangin, nitinin Chanchin Tha hriatpuitu nih mamawhtute an awm em? I eng chu entir rawh. Major Ana Frazer,IHQ, USA Eastern Territory – International College for Officers/Centre for Spiritual Life Development a thawk mek : “Assistant Secretary for Spiritual Life Development ka nih naah Ka tum, ka thlen tum, ka tawngtaina chu “Lalpa, min hmang rawh, rinawm taka I rawngbawl turin min tanpui ang che.”
- 36 -
THIAMNA
Home League Zirlai 2018 ZIRLAI - 10
THIAMNA Bible chhiar tur : Exodus, 35:31-35 “Ngaihtuah thiamna leh hriatna min zirtir ang che, i thupek te chu ka ring si a”. Sam 119:66
Thiamna (Education) chu eng nge? Latin tawngin “Educare” tih a ni a, chumi awmzia chu “pawrh chhuak/chhuichhuak/hnuk chhuak” emaw tihna a ni a. A tlangpui thuin ti hian sawi ta i la, Thiamna awmziaah chuan Thiamna nei tura in zirtirnaah rau rau pawh hian thupek ang zawnga tih ngei ngei tur anga inhrilh hi a awm a, pakhat leh ah chuan muangchang zawka thiamtir ngei ngei tura inkaihhruaia inzirtir a awm bawk a. Tin, a dang leh ah chuan kan lo piangchhuak a, zirtir hran ngai em em lova Pathianin min duan dan sa a awm a. Entirnan- Nausen chu a ril a lo tam chuan a tap mai a. A dang leh ah chuan Tum bik emaw, ruahman bik emaw awma zirna/thiam tumna a awm bawk a ni. Keini Home League member-te tan pawh tumbik emaw, ruahmanna bik emaw neia inzirna hi a pawimawh em em a, hei hi Home League thupui “Thiamna” tih pawh hian a tum ber pawh niin a lang.
- 37 -
Home League Zirlai 2018
THIAMNA
Kristiante Thiamna(Education) chu engnge? Robert E.Clark-a chuan a lehkhabuah Dr. Howard Hendricks-a sawi a ziak a “ Kristiante Thiamna (Education) ah chuan Duhthlanna nilovin, a-tih-a tih tur a ni zawk. Nawmsip thil nilovin, nun tak tak zawk a ni. Thil mawi duhna mai ni lovin, Kohhrana kan rawngbawlna peng pakhat a kan thawhna mai pawh nilovin, he thiamna neih hi a pawimawh in a tul em em a, kan tih ngei ngei tur zawk a ni� a ti a. Kristian nute hian nitin a thiamna neih belh tur a kan inzir zel hi a pawimawh takzet a, heng thiamna kan zirte hian, kan thinlungah Lal Isua thuchah kha kan hre reng tur a ni a, thlaraubote chhanchhuahna tur atan thiamna kan neihte hi a pawimawh a ni. Kan chang thlan, Exodus 35:30-34 ah hian Bezalela chu finna te, hriathiamna te, hriatna te nei turin Lalpa Thlarauvin a thuam a ni, tih kan hmu a. Chung thiamnate chu, thiltih tur fing taka suangtuah thiamna te, rangkachak leh tangkarua leh dar chher thiamna te, lunghlu zeh tura phel thiamna te, kawng tinreng a themthiamnate a ni. Tin, Dana hman ami Ahisamaka fapa Oholiaba nen mite zirtir theihna finna a pe ve ve a. Anni chu kawng tinrenga themthiamna te, la zai sin te zehmawi thiamna te, puantah te, thiltih tur fing taka suangtuah thiamnate nei turin thinlung finna in a tikhat a. Hetiang, Pathian thua thiamna chi hrang hrang kan hmuhte hi zir vein, Pathian thlarau thianghlim sawmin keini ho pawh hian tih ve kan tum a ngai a. Hetih hunlai pawh hian Kohhran chawmna turte, rawngbawlna tur te, Biak In cheina turte a heng thiamna hi Pathianin a pek a - 38 -
THIAMNA
Home League Zirlai 2018
ni. Kan inchhungkhur enkawlna tur in, kan fate enkawlnan te, thlaraubote chhanchhuahna atan te a pawimawhin a tangkai em em a. Tirhkohte 9: 36-40 ah Zirtir pakhat a hming Tabithi, a Grik hming ah Dorki an tih a awm a, a damlo a, a thi ta a, an ui em em a, a damlaia a thil tihsak a kawr siamte, puan siamte a then leh rualten tap chungin Petera an lo entir a ni. Kut themthiamna hmang tangkaiin thenawm khawvengah rawng a bawl nasa a, chumi vang chuan an ui a, Pathian pawhin a tidam leh a ni kan ti thei awm e. Keini nuho te pawh hian Dorki ang hian kan ti ve thei a ni. Mahni tan mai nilovin rawng kan bawlsakte hnena Lal Isua Chanchin Tha hrilhna ropui tak a ni tih hriaa nasa taka thiamna kawnga hmasawn tur kan ni. Thufingte 31:10-31 ah kan hmu; Nupui fel chungchang thu “Huan tur a ngaihtuah a, a lei a, a kutkawih chhuah ngeiin grep huan a siam thin” tih te. Tin, Chhuatphah puanmawi a insiam a, a silhfen chu lazai sin mi leh puan senduk a ni” a ti a, Kut themthiamna kawngah te taimakna kawngah te entawn tur min hnutchhiah a ni. Heng thiamna chi hrang hrang kut themthiamna te, ngaihtuah thiamna te kan zirlaiin a sawi takte hi ngun taka ngaihtuah in “Kei zawng ka talent a ni lo, ka thiam thei lo tih emaw, ka upa tawh em mai tih emaw, a tangkaina a awm lo” emaw ti mai lovin engtik lai pawhin kan tan a tangkai reng a, “Hringnun hi zirlaiin a khat a ni” an lo tih thin angin, zirin tawpchin a nei lo, kan damchhungin zirtur kan nei a ni, tih hriain, tan la thar leh teh ang u. Tin, hei bakah pawh hian, thuhril theihna - 39 -
Home League Zirlai 2018
THIAMNA
nei turin thiamna a tangkai a, chu pawh chu kan neih theih nan kan inzir reng a ngai a ni. Home League Thupui pali zinga mi “Thiamna” nei tur hian kawng engkimah tan in la thar leh teh ang u. Sam ziaktu chuan, “Ngaihtuah thiamna leh hriatna mi zirtir ang che; I thupekte chu ka ring si a” a ti a. Sawiho tur : 1. Kan thiamthilte, kan zirlaiin a tarlan loh thil tamtak themthiamna kawngah sawi tur a awm thei ang, (entirnan : chawhmeh siam dan, inchhung enkawl dan, fanau te enkawl dan..etc) hengte hi kan thupui Thiamna (Education) hian a huam vek a ni, midangte tan a tangkai tur sawiho teh u. 2. Engtiangin nge heng kan thiam thilte hi Chanchin Tha hrilh nan kan hman tangkai ang? Sawi ho teh u.
Changvawn : Thufingte 31:1 “Hmeichhe khawsak tha tunge hmu thei ang? A man chu lunghlu sen mi aiin a sang zawk daih si a.”
- 40 -
Home League Zirlai 2018
THIAMNA
ZIRLAI - 11
THUHRIL RAWNGBAWLNA(SERMON) ZIRNA Bible chhiar tur : II Korinth 8;7
Kum dangah chuan Thiamna kan zir hian kut themthiamna lam kan zir tlangpui thin a, kuminah erawh hi chuan Pathian thu sawi (Sermon) kan zir dawn a ni. Thuhril rawngbawlna hi Tirhkoh Paulan, “Hmeichhe ho chu ngawi rengin awm rawh se anni zawng an thusawi phal a ni silova tih leh Inkhawmnaa hmeichhe thusawi hi a zahthlak a ni” (I Korith 14:34,35), a tih changchawiin, he thuhrilh rawngbawlna hi hmeichhiate tih ve loh turah kan mi hmasate chuan an lo ngai thin a, mahse, chu ngaihdan chu a dik lo. Ringtu hmasateah pawh khan hmeichhiate pawhin thu an sawi ve thin tih Paula vek hian a sawi, “Hmeichhia lukhum khum lova tawngtai emaw thuhril emaw apiang pawhin an lu an ti mualpho a ni”, a ti chauh.( I Korinth.11:5). Chuvangin, Chhandamna Sipai Pawl chuan Mipa leh Hmeichhia te inang renga rawngbawlna remchang min siam in Thuhrilh na kawngah, Kohhran enkawlnaah te, a ropuiin a hlu em em a ni. Kan chang thlanah khan Thusawi kawngah te thahnemngai turin min fuih a, I Korinth 14:1-4 ah Thlarau lam thilpek te zingah Thuhrilh hi a dah a, mihring hnena siamthatna thute, fuihna thute, Thlamuanna thute - 41 -
Home League Zirlai 2018
THIAMNA
sawi turin. Chuvang chuan Thuhrilh hi chanchin tha rawngbawlnaah hian a pawimawh em em a ni. Keini Home League memberte hian awmze nei zawk a thusawi kan thiam theih nan a zirna tlem han tarlang ila : 1. Engtin nge tangkai leh sawt zawk a thu kan hril ang ? Thuhril hi Pathianin mihringte kaltlang a, A Chanchin Tha thudik a tihlanna sang tak a ni. Thuhriltu chu thil pawimawh tak lailangtu a ni a. Pathianin a thuchah sawichhawng tura a ruatte ani bawk, a hluin a zahawm em em a, kal pah mai mai emaw, tawngpawng basa ngam tur a nilo, in buatsaihna tha neih hi a pawimawh em em a ni. Heng avangte hian awmze nei zawk a thuchah kan sawi theih nan a kaihhruaina a hnuaia mi ang hian tlem han sawi ila. I thusawi hmain engnge i sawi dawn? Khawi hmunah nge? Engtikah nge? Tute hnenah nge? tih hrechiang hmasaa lo inbuatsaih lawk tur a ni. a) Tawngtaina nen Pathian nghak la. I thinlungte chu a thuin tithianghlim la. b) I chang thlan tur zir chiang hmasa la, a bung pumpui chhiar la, engnge a zirtir tum ber hre turin chhiar nawn thin la, hrilhfiahna bu mithiamte siam pawh rawn tel ve thin ang che. c) Thinlungah vawng reng chungin, i thuchah duh ber leh chona i siam duh te, i thu keuhthluk/a
- 42 -
THIAMNA
Home League Zirlai 2018
titawpna (Conclusion) turte Pathian rawn chungin hrechiang ang che. d) Note bu inchhawp la, ziak rawh, i rilrua Pathian Thlarauvin a sawite chhinchiah bawk la. Tawngtai chungin Pathian Thlarau thuamna dil thin rawh. Sermon chi 3 te : Sermon danah hian mithiamte chuan chi tam takin an thliar hrang a, chi 3 chauh hi tawitein han tarlang ila. 1. Thupui bik nei a thusawi (Topical Sermon) : “Thianghlimna, Hmangaihna” etc. Thupui thlan tifiah turin Bible chang hrang hrang lakkhawm a, hman tangkai thiam a pawimawh hle. 2. Bible chang pakhat thlanchhuah hmanga thusawi(Textual Sermon) : “I nunna turin tlan chhuak rawh” tih angah te hian, Changthlan tifiah turin zirchianna emaw, sawifiah emaw, chumi tifiah tura chang dang dang hmang pawhin a sawi theih a ni. 3. Bible bung khat atanga a chang hnih emaw chang thum emaw thlanchhuah hmang a thusawi (Expository Sermon) : A bung pumpuiin a tum uluk, chik,ril leh zau zawk a zirna a ni. Lehkhabu dang dang hrilhfiahna bute pawh rawn zau a tha. Heng Sermon dan chi hrang hrang kan tarlante avang hian keini Home League member Thuhril rawngbawlna chang thinte hian inthlahrun phah nan hmang lovin, Pathian thuchahte awmze nei zawk leh hlawk zawk a Pathian Thlarau Thianghlim thuamna a kan sawichhuah theih nan ngun takin i zir tlang teh ang u.
- 43 -
Home League Zirlai 2018
THIAMNA
Entirnan : Bible chang thlan chhuah atanga Sermon kaihhruaihna : Thupui : “Thlarau rah - Ngilneihna� Chang thlan : Galatia 5:22 I. Ngilneihna awmzia : II. Ngilneihna pawimawhna : 1. Pathian mizia atanga Ngilneihna kan hmuh. 2. Isua nun tanga Ngilneihna ka hmuh. 3. Kan nuna Ngilneihna kan lantir. 4. Ngilneihna chu ringtu tinte mawhphurhna a ni. 5. Ngilneihna hmanga kan hmelmate pawh kan en dan. III. Tawpna : Ngilneihna in kan nun leh chetphung a thlak danglam dan turte a tawpna siam a tha ang. Tih tur : Sermon eng type ber emaw hi thlangchhuak a sawitu tur ruat ni se. C.O. leh Home League Secretary-te puihna in practice ngei ni se.
Sawiho tur : 1. Biak in-a kan Sermon ngaihthlak tlangpuite hi a tha kan ti tawk em? 2. Keini Home League member te hian hlawk zawk leh awmze nei zawkin engtin nge thuchah kan sawi ang? Changvawn : Sam 119:66 - 44 -
THIAMNA
Home League Zirlai 2018
“Ngaihtuah thiamna leh hriatna mi zirtir ang che; I thupekte chu ka ring si a.” ZIRLAI - 12
ZIAKA RAWNGBAWL TURIN Bible Chhiar tur : Luka 4:16-21, Thupuan 21:5-7
Thuhma : Kan thupui hi ziaka rawngbawl tura tirhna pawh kan ti thei awm e. He rawngbawlna hi a pawimawh hle mai, kan rawngbawlna atana min fuihna hmanraw tha ber a ni ti ila a sual lovang. Benjamin Franklin chuan, “Hawrawp 26 min pe ula khawvel ka hneh thei ang” a ti, an ti. Ziak kan tih hian ziaka kan dah that theih ang chi Article, Essay, Story leh Hla engpawh ziak a awm hi a ni. Hawrawp : Ziaka awmze nei thei tur chuan hawrawp mumal neih a ngai. Hmanlaiin lung phekah a lemin pipute khan an lo ziak thin a, chung chu ngaihruatin a awmzia kan hre thei chauh a ni. Kum 1894 khan Rev. J.H. Lorrain (Pu Buanga) leh Rev. F.W. Savidge (Sap upa) te Mizoramah Missionary-a an lo kal khan keimahni tawng ngei hawrawp A,Aw,B... min rawn siam sak a, Bible te min lehlin sak a, keimahni tawng ngei hmangin Pathian thu te, hla te kan lo chhiar thei ta a(a hma zawngin hawrawp kan neih loh avangin ziakin engmah dahthat a awm lo). Ziak a thil dah pawimawh ziate kan lo hrethiam chho ta zel a ni. - 45 -
Home League Zirlai 2018
THIAMNA
India leh Sri Lanka-a Salvation Army tanchhuaktu, lehkhathiam, Indian Civil Service (ICS) tlangval Frederick de Latour Tucker pawh kha War Cry (Salvation Army Lehkhabu chhuah)a William Booth-a sermon, Zawlnei Nathana leh Lal Davida chungchang a chhiar atangin rawngbawl tur nia inhriatna a lo nei ta a; Salvation Army Officer turin a inpe ta a. Tichuan, 19th September 1882 khan India ramah Salvation Army rawngbawlna chu a tanchhuak ta a ni. Pu Kawlkhuma leh a thiante’n ‘Pathian thu awih dik pawl’ an din khan; an rawngbawl dante leh an kalphung a hriat chuan Pu Leta (mizo zinga matric pass hmasa ber) chuan “Salvation Army ang in ni e, anni pawhin bun leh behte, zuk leh hmuamte an bansan vek a, misual siamthatna lamah an chak em em a ni” a ti a, Tichuan, Pu Kawlkhumate chu Pu Dohnuna te nen titiho lehin, Pu Dohnuna chuan ”Salvation Army ang in ni e, zawn chhuah a hriatchian in duh chuan an lehkhabu ka nei a, ka pe ang che u”, a ti a. Thurin bu (Doctrine) leh Thupek & Thunun Dan bu (Order & Regulation) chu a pe a. Pu Kawlkhumate chuan tha an ti hle mai a, Salvation Army chu an zuk zawng chhuak a, Officer training zovin 26th April 1917 khan Mizoramah Salvation Army a rawn tan chhuak ta a ni. Heng atang mai pawh hian Chanchin Tha hrilhna atan ziak hlutzia leh a tangkai zia chu kan hre thei mai awm e. Engtinnge kan ziah ang? : Kohhran huang chhunga kan chhiar tam ber leh kan ziah tam ber ang chu report te, Sermon te, Article te, thawnthu tawi te, hla te, fuihna te hi tam tak a awm thei ang. Ziaka dah a nih dawn chuan fimkhur a ngai em em a ni tih hi hriat tur a ni. Mi rilru tina thei chite, hnam leh - 46 -
THIAMNA
Home League Zirlai 2018
hnam, ram leh ram, Kohhran leh Kohran inhmelmakna chawkchhuak thei chi te, thenawm khawveng nena inhuatna awm thei chi lakah fimkhur taka ziah tur a ni. Kohhran tawng hman chi leh chi loh te, a chhiarturte ngaihtuah ngun a ngai hle bawk a ni. Kan thilhmuh leh hriatte hman tangkaina tur atana pawimawh thenkhatte : Mit leh beng leh ngaihtuahna hman tangkai tur. Mite thil tawn, a lawmawm lam leh lungchhiatthlak lam hman tangkai. Kan chhehvel hnaivai leh khawvel thil thleng te ngaihtuah zuia hman a tha. Nitina kan thiltawnte ziak a dahthat tura ngaihtuah zui tur. (Source :Thu ziah dan , T. Vanlaltlani) Kan chanchin, kan thiltawn, kan rawngbawlna chanchin te, Pathian thute, kan hriatpuina te, kan nitin chanchin(Diary)-te leh chi hrang hrang a awm thei ang. Ziakin dahtha ve thin ila, chu chu thangthar kan tu leh fate leh tuchhuan lo awm zel tur tan rohlu tak a tling thei a ni. Nu kan nih avanga inthlahrung lovin, talent ni lo anga ngai lovin, thuziak lamah thahnem i ngai ang u. Lal Isua ngeiin ziak a hmang tangkai : Luka 4:16-21 kan chhiar chuan, “Chhiar turin a ding a, Zawlnei Isaia lehkhabu a chhiar a ‘Riangvaite hnenah Chanchin Tha hril tura mi ruat avangin, Lalpa Thlarau chu ka chungah a awm…”tih kan hmu a. Lal Isua pian hma kum 700 vela a ziak a lo awm chu Amah Lal Isua ngeiin a chhiar a ni. Heta tang mai pawh hian ziak a thil lo dah chu a hlu a ni. Isaia khan ziakin lo dah lo se - 47 -
Home League Zirlai 2018
THIAMNA
chuan Lal Isua lo kal chhan Pathian in a lo puan lawk chu kan hre thei dawn lo a ni.
Thupuan 21:5-7 ah chuan Lal Thutphaha thu a chuan “Ngaiteh, thil engkim ka siam thar e”, a ti a, Tin, ”Ziak rawh, heng thu hi a rinawmin a dik si a”, a ti a. Lal Isua zirtir Johana hnena Pathianin a hriattirte “Ziak rawh” a ti a ni, Johana’n ziak in lo dah lo se, heng Thupuan te hi kan hre thei lo ang. Kan Lal Isua Chanchin Tha hrilh turin kan kein kan thlengpha lo a ni mai thei, kan lehkha ziak hi chuan khawi hmun pawh a thleng thei, chuvangin, ziaka rawngbawl turin hma i la thar leh ang u.
Sawi ho tur : 1. Ziaka Chanchin Tha hrilhna ah hian engnge maw tal i ti ve tawh em? 2. Ziaka rawngbawlna leh a pawimawhna in hriat ang ang sawi ho teh u? Changvawn : Exodus 24:4a “Tin, Mosia chuan Lalpa thu zawng zawng chu a ziak vek a.”
- 48 -
THIAMNA
Home League Zirlai 2018
ZIRLAI - 13
SOCIAL MEDIA Bible chhiar tur : I Korinth 10:23-24, II Timothea 4:4-5
Thu hma : Khawvel hi thiamna sang takin World Wide Web (www) maimawm ril ang maiin in hriattawn theihna turin a tuam chhuak ti ila kan sawi sual awm love. Khawvel hi thingtlang khawte takte ang maiin engkim kan inhre tawn vek thei ta a. Khawvel lehlama thil thleng kha a thlen rual rualin a lehlama miten a lem nen kan lo hre ve thei ta zel mai. Hetiang a nih avang hian engkim mai hi a awlsam ta em em mai a, zan laiah tepawh muchungin kan Bazar thei a, mel za tam ami pawh kan inkawm thei ta. Hetiang a nih avang hian a tha lam leh a tha lo lamin mihringte rilru leh khawsakna a nghawng nasa ta em em mai a ni. Keini Home League member- te leh kan chhungkua pawh kan bang bik tak loh avangin, kan hman lar zual chi hnihte hi a thatna leh that lohna leh a inven dan tlem tal kan zir hi a pawimawh ta em em mai a ni. 1. FACEBOOK : FaceBook hi kum 2004-a Harvard a zirlai Mark Zukerberg-a hmuhchhuah a ni. A tir takah - 49 -
Home League Zirlai 2018
THIAMNA
chuan a hmuchhuaktu kalna College “Harvard College� huap chauhva siam a ni a, chumi hnuah College dangte tan pawh hmantheih a siam niin hma a sawn chakin a tangkai avangin 2006-ah chuan kum 13 chunglam tan khawvel puma hmantheih a siam a lo ni ta a ni. Facebook hi midangte nen Internet hmanga inbiakpawh theihna hmanrua tha tak a ni a, thlalakte, video te, thuziakte a thawnchhuah theihin, in biakpawhna hmanraw pawimawh tak alo ni ta a ni. Hetiang anih avang hian a tha zawng leh tha lo zawngin nghawng a nei lianin kan buaipui ta hle a ni. 2. WHATSAPP : Tunlai khawvela mobile phone hmanga in-biakpawhna lar ber leh lian ber chu Whatsapp hi a ni. Internet kaltlanga inbiak pawhna mai bakah thlalakte leh milem te a thawn chhuak thei a, khawvel hmun hrang hrang a mite nen pawisa tlemte chawi a chanchin inhriattawn theihna hmanraw pawimawh tak a lo ni ta a. Khawvelah hmang an tam em em a, nikhatah tluklehdingawn 30 vel hi thu a thawn (message) chhuak reng a ni, an ti hial a ni. Heng inbiakpawhna chi hnih Facebook leh Whatsapp kan hman danah hian a tangkaina leh that lohna te sawitur tam tak awmin zir zawh vek sen ni lo mahse, tlem mithiamten an lo lakkhawm hi lo zir ila. A hmandante dang hret mahse a tlangpui khaikhawm theih te lo thlur bik ila: A tangkaina : 1.
Chanchin thar hriatna awlsam tak a ni.
- 50 -
Home League Zirlai 2018
THIAMNA 2.
Chanchin inhriattawn sakna (chhungkua/ thiante/thawhpuite) tha tak a ni.
3.
Sumdawnna tha tak a ni
4.
Pawl(group) anga insiamin thil sawiho (council/Committee) theihna hmanrua a ni.
5.
Hriattirna pawimawh inhrilhhriatna.
6.
Thlalak dahthat nan a remchang.
A that lohna te : Heng Social Media kan hman tlanglawnte hi a tangkaina tam tak awm mahse, a thatlohna te tam tak a awm a, chung zingah chuan mihring hriselna nghawng chhe thei tam tak a awm a ni tih kan hriat hi a pawimawh khawp mai. Keini nute mai bakah kan kawppuite leh kan fate-ah nghawng tha lo tam tak a nei thei. Chhungkaw kehchhiatna thlen thei a nih avangin, fimkhur taka kan hman a pawimawh hle mai. Hemi kawngah hian kan fate pawh kan enchik an ngai, tunlaiah Games chi thar tha lo tak tak naupangte’n an nunna hial pawh lak duhna khawp Internet Games tam tak a awm. Kan faten mobile phone an khawih hian engnge an tih ngun taka kan zira kan hriatpui a pawimawh khawp mai. Hengah te hian kan fimkhur a ngai : 1. Rilru lam harsatna a siam thei. 2. Awhna ah a hruailut thei. 3. Chhungkaw nun a tibuai thei. 4. Chhungkaw inrelbawlna sum leh paiah a tibuai. 5. A addict (ngawl vei) theih. - 51 -
Home League Zirlai 2018
THIAMNA
6. Hriselna atan a pawi thei. 7. Nupui/pasal inthenna hial a thlen thei. Tirhkoh Paula chuan I Korinth 10: 23 ah chuan “Thil engkim tih ka tan a thiang a, nimahsela thil engkim tih a tha kher lo. Thil engkim tih a thiang a, nimahsela thil engkim tihin mi a siam tha lo� a ti a . Heng Social Media site hrang hrang khawih hi kan tan a thian lohna a awm lo, mahse kan rinna tichhe thei tur khawp leh kan chhungkaw tana nghawng tha lo nei thei tur khawp chuan inbawihtir tur a ni lo. A bawihah kan lo tang tawh a nih pawhin heng a hnuai a mite hi lo inchik nan hmang ila : 1. Engtia rei nge ni khatah i phone i khawih? 2. Vawi engzat nge i phone i check(whatsapp/facebook) ? 3. Vawi engzatnge ni khatah i phone i hawn? 4. Ni khatah i phone khawihin engtia rei nge i thut thin? Invennan a hnuai a mite hi chhinchhiah ila: 1. Ni khata i tihtur list siam la, i tih zawh hma chuan i phone (whatsapp/facebook) hawng suh. 2. Hriattirna (Notification) tangkai lo tur chu ti bo rawh. 3. Belchiang lovin thil pawm (subscribe) mai mai suh. 4. Lehkhabu/ chanchinbu chhiar tam zawk rawh. 5. I chaw ei hma in i phone rilovin dah(silent) la, hla takah dah rawh. 6. Inbual inah keng lut suh. 7. I hnathawh laiin hmundangah dah ang che.
- 52 -
THIAMNA
Home League Zirlai 2018
8. I mutna/khum bulah dah lo la, mut dawn leh i zing thawh veleh phone hawng nghal suh. Fimkhurna tur : Group a thil post (thawn) chungchangah lo tuihnih (comment)ve dan azirin a tuar theih a, tin, Copy-paste(Cp) chungchangah fimkhur tur. Mi thlalak hman fimkhur tur, Display Photo(DP)-a thiante nihna(identity) hman chu dan kalh a ni. Social Media fimkhur taka hman a, kan fate pawh nasa taka fimkhur tur a hrilh tur. Danin na takin a hremin Jail tan theihnate, pawisa chawi theihna te a awm a ni tih hriat tur. I click(hmeh) hmain chian phawt zel ang che. Social Media hmansualna lakah nangmah leh i chhungkua, i faten an tuar hmain fimkhur ang che. Keini Lalpa rawngbawltute chu thil tha lo lakah kan inhumhim tlat tur a ni. Tirhkoh Paula’n Timothea hnenah, “Nang erawh chu engkimah fimkhur la, hrehawm tuar la, Chanchin Tha hriltu lam hna thawk la, I rawngbawlna kha hlen rawh”a ti. ( II Timothea 4:5) Kan rawngbawlna min tibuai thei thil lakah fimkhur ila. Social Media-te tangkai taka hmang thiam turin kan infuih tawn a pawimawh hle a ni.
Sawiho tur : 1.
Heng Whatsapp/Facebook avanga harsatna awm thei zirlaiin a sawi tel lohte sawi ho ila?
- 53 -
Home League Zirlai 2018
THIAMNA
2. Heng Social Media hmansualna laka kan chhungkua kan humhim theih nan engtinnge tan kan lak ang? Sawi ho teh u. 3. Social Media tangkaina te sawi ho nise? 4. Kan fate hian chungkua aiin Whatsapp/ Facebook te hi an lo hlimpui tawh zawk em? Engtinnge tan kan lak ang? 5. Kohhran/Khawtlangah engtiangin nge Social Media hman dan inzirtirna kan kalpui ang? Sawi ho teh u. Changvawn : I Korinth 10:13 “Mihring tuar theih ang chauh lo chu thlemna reng reng in chungah a thleng ngai lo. Pathian zawng a rinawm a ni. A ni chuan in tuar theih tawk aliam chu thlemna in tawh a phal lo vang; in tuar theihna turin thlemna rualin tlan chhuahna kawng a siam nghal zawk ang.�
- 54 -
THIAMNA
Home League Zirlai 2018
(file:///Windows/SystemAppsMicrosoft.MicrosoftEdge 8weky3d8bbwe/ Assets/Webnotes/webnotesContent.htm) (http://maekuseof.com/tag/10-reasons-people-still-use-face book-askresults) (http://www.buzzfeed.com) LPS Focus Programe “Social Media chungchang”.
ZIRLAI 14
EI SIAM DAN Vegetable Biriyani ( Thlai leh Buh chhumpawlh)
Mamawh tur te : Biriyani masala siamna tur : Coconut tel emaw tel ei chi engpawh- Thirfiante 2 Thakthing (kutzungpui tiat vel)
- 2 (3 cm)
Lawngpar
-5
Elaichi
-5
Coconut tih dip
- No chanve (Pava 1 dawng)
Purun sen pum lian
-1
Purun var
- Zung 10 (azung lian chi anih chuan 6)
Sawhthing (kutzungpui tiat vel)
- 1 ( 1cm)
Dhania (coriander hnah) chandip - 55 -
- No chanve
Home League Zirlai 2018
THIAMNA
Masala siam dan ( a indawtin) : 1. Thirbelah Coconut tel emaw tel ei chi kha chhuan tur, Elaichi,thakthing,lawngpar te kha kan (fry) pawlh tur. 2. Coconut, purun sen,purun var,sawhthing,dhania te kha rawt pawlh vek a, dah rih tur. Buh (rice) atan a mamawh te: Purun sen
- pum te 4(hmun 3-ah phel nise)
Tomato te deuh
- pum te 2 hmun 3-ah phel nise)
Alu
- pum laihawl 1 (in ang thap a chan (cubed)
Carrot
- pum 1 (intiat thap a chan(cubed)
Bean
- tlawn 6(sahthlau zawng a chan( diagonal)
Hmarchapui te chi
- pum 1 (te reuh te te a chan)
Hmarchapui lian
- pum 3(a chhunga a chi paih tur)
Matar Chana hring
- No chanve
Coconut dip
- No chanve
Aieng
- Thirfiante 1
Coconut oil emaw tel ei chi - No chanve Buhfai silfai
- No hnih
Tui
- No 4
A siam dan : 1. Thirbelah tel tihsat tur 2. Masala i siamte kha thlak la minute nga(5) chhuan tur. - 56 -
Home League Zirlai 2018
THIAMNA
3. Chumi hnuah thildang zawng zawng kha thlak vek a, minute 5 chhuan leh tur. 4. Tui leih a chhum tawh tur a ni, a theih chuan mei na lo te in tih tur a ni. 5. I chhin phui ang a minute 10-15 chhum tur a ni. Biriyani chu i siam zo ta a, a lum a eiin a tui bik.
Hei hi mi 4 ei tawk vel a ni a, a eitu tam dawn chuan a mamawh te khi tih tam mai tur a ni. Buhfaiah hian kan ei tlanglawn ber pawh hi a hman theih a, Basmati neih theih chuan a tui lehzual ang. Masala te khi siam chawp vek a ni a, Biriyani masala siamsa (ready made pack) te pawh a awm a, duh chuan a hman theih ang, a tih han-na telh duh pawh in a theih vek e. Hetiang hian Ar (Chicken Biriyani)te, bawngsa (beef biriyani) te pawh a siam theih vek a ni. Side dish chutney (a hmeh tur chhotani) siam leh ang : Brinjal Onion chutney (Bawkbawn Purunsen chutney): Bawkbawn
- Pum 4 (te lutuk lo a chan nise)
Purun sen
- Pum lian 1 (sin te tea chan)
Coconut dip
- No chanve
Hmarcha dip
- Thirfiante 1
Aieng
- Thirfiante chanve
Sawhthing leh purun var rawt dip - Thirfiante 1 - 57 -
Home League Zirlai 2018
THIAMNA Tui
- I thil kan leih hnawng tur tawk chauh.
Curry leave(hnah rimtui) - Tlem Tel ( ei chi pangngai) - Pava khat hmun li-a then a hmun khat. Chi
- A al tur tawk
A siam dan : 1. Tel chhuan hmui a curry leave thlak hmasak a purun sen chan nawi sa kha thlak leh tur, minute 1 chhuan tur, tichuan a lo uk deuh thap ang. 2. Hmarcha dip, aieng, Bawkbawn leh chi te thlak leh a minute 5 chhuan tur. Chumi hnuah (a duh tan tengtere tui a pawlh theih) minute 10 chhinphui a mei na lo ah chhuan cherh cherh tur a ni. 3. Thirbel dangah tel tlem chuan a coconut dip thlak a, chawh tur a uk deuh thap hunah Sawhthing leh Purun var rawtdip (paste) te kha i thlak ang a, ngun taka chawhpawlh tur a ni, chumi hnuah thildang i kan tawhsa nen chawhpawlh a, tui tlem leih a ngun taka chawhpawlh a, chhinphui a mei na lo ah rei lo te chawk chung a chhuan tur. Tichuan a lo ei theih tawh ang. Hetiang chutney hi Paratha leh thildang dang nen te pawh a inhmeh em em a, a tui hle bawk a ni.
- 58 -
THIAMNA
Home League Zirlai 2018
Genesis 1:29 : Tin, Pathian vekin, “Ngai teh u, lei chung zawng zawnga thlai chi nei awm tinreng leh thing tinreng, thing chi nei rah awmnate chu ka pe che u a ni; in chaw atan a ni ang.” CHAW TUI TAK EI LA, LO HRISEL LA, LO HLIM ANG CHE. ZIRLAI 15
TIRHNA - RAWNGBAWLNA HMANHMAWHTHLAKTAK ATAN Bible Chhiar tur : Johana 9:1-15; Rom 10: 13-15 “Chhun a nih laiin mi tirtu hna kan thawk tur a ni; zan a nih dawn tak hi, chumi hunah chuan tuman hna an thawk thei lo vang.” Johana 9:4
Lal Isua rawngbawlna chhinchhiah tlak tak chu piantirh ata mitdel tihdam hi a ni. Lal Isua hian Pathian Ram thu leh hla a puanchhuahnaah hian remchanna zawng zawng hi a hmang a ni. Khawvela a hun hman hi a rei dawn lo a ni tih a hria a. Amah an man a an tihhlumna turte a hnai tawh a, chu hun chu a lo thleng lek lek tawh a ni. Pathianin tihtura a pek rawngbawlna pawimawhzia hi a hrechiang em em a. A zirtirte chu A hniakhnung zuia an nunna atana Pathian thiltum tipuitling turin, delhkilh engmah nei lova a hnungzui turin, a hriatpuitu ni turin, khawvel tawp thlenga a thuchah puang a, mahni - 59 -
Home League Zirlai 2018
THIAMNA
inhmangaih anga thenawm khawvengte hmangaih turte in a tur in a tur a ni. Khawvelah hian engchen nge kan dam dawn kan hre hauh lova – Chetsualna avangte damlohna avangte in kan nun hi a tawi thei dawn a ni tih kan hre si lova, Pathian in engkim a hria. Sam 31:15 ah “Ka hunte chu i kutah a awm a: Mi dotute kut ata leh, mi tihduhdahtute lakah hian mi chhanhim ang che”. Davida chuan a hunte chu Pathian kutah a awm a ni tih a sawi a, Kristian kan nihna angin, kan hunte kan kumte pawh hi Pathian kutah a awm a, Sam 90:10 ah kan hmuh angin kan damchhung kumte hi kum 70/80 emaw pawh a ni thei. Mosia sawi ang hian kan chakna avangin kan thleng pawh a ni mai thei, chu aia tam pawh chu kan dam thei, amaherawh chu, hun hi a liam zung zung a, kan hun tawite hi tangkai takin Lal Isua Chanchin Tha hi kan chhungkuaah kan thiante ah leh kan thenawm khawvengah hmanhmawh takin kan hril tur a ni. He khawvel thilthleng kan thlirin hun hi a ral lek lek tawh a, kan inpawlkhawm theihnate pawh a tlem tial tial a, Paula chuan Thesolonika khuaa Kohhrante hnenah Pathianin amah zuitute chu vanah a lakchhoh tur thu a sawi a. Lalpa chu van atangin aw ring takin “Lalpa ngei chu au thawm nen, Vantirhkoh chungnung ber aw nen, Pathian tawtawrawt ri nen, van atangin a lo chhuk dawn si a… (I Thesolonika 4: 16,17). Hetiang hre reng chung hian Krista Kohhrante chuan tihtakzetin Lal Isua Krista hriatpuiin khawngaihna leh hmangaihna Chanchin Tha chu hmanhmawh takin kan hril tur a ni a, hun tha kan neih chhung hian A rawng i bawl ang u. - 60 -
Home League Zirlai 2018
THIAMNA Kan tun hun atan :
Lal Isuan a zirtirte hnenah, ni a en chhung hian rinawm taka mite tan rawngbawl turin a fuih a ; “Chhun anih laiin mi tirtu hna kan thawk tur a ni; zan a nih dawn tak hi, chu mi hunah chuan tuman hna an thawk thei lovang” (Johana 9:4). Ram tam takah Kristian an nih avang ringawt in an tiduhdah a, pawl pakhat “Open Doors” kum 1955-a Andrew Van Der Bijl-a’n a din chuan kumtin in Kristiante an tihduhdahna ram 50 hming a tarlang thin a. Kristian an nih avanga harsatna tawk, tihduhdah leh tihhlum mi maktaduaih 215 lai an awm a ni. Heng ramah te hian Pathian biaa punkhawm te, Chanchin Tha puandarhte, Isua Krista hriatpuitu nihte khap tlat a ni. Kristiante chuan an rinna puanchhuah nan zalenna an nei lova, Kristian tam takte chuan an nun chhan nan ramdang a tlanchhiatte an thlang zawk a, thenkhatte chuan dawhthei taka tawrh mai an thlang a, a rukin ringtu an nih tilang lovin a thente chu an awm a, a ruk te in Chanchin Tha chu an thenawmah te an hril a. Pathian chuan an rawngbawlna te a hria a ni. London Corps pakhatah hian, Corps member te chuan Corps leh a chhehvel a mipui awmte chu a takin an tanpui thin a. Hmeichhe pakhat chuan a inluahna man te a pek theih loh avangin in nei lovin a lo awm tawh a, chu nu chuan tanpui a ngai hle a ni. Corps a vantlang hnathawktu pakhat chuan amah kaihhruaina chu a nei a, a leibate rul thei tur leh hmun tharah inluah tur te a ngaihtuah sak a, chu a hmunthar a awm Salvation Army te nen a inhmelhriat tir a. Corps mite nen chuan - 61 -
Home League Zirlai 2018
THIAMNA
inlaichinna thar a lo piangin, tunah chuan Kristian piangthar niin corps mite zuiin a lo awm ve ta a ni. Tisa leh thlarau lama mite mamawh chu timna nei hauh lova kan thawhna chu kan rawngbawlna hmanhmawh thlak tak atan Pathian tirhna chu kan tipuitling tur a ni.
Sawiho tur : 1. Johana 9:1-15 hi han chhiar nawn leh ula, Isuan piantirh ata mitdel a tihdam ah hian hmanhnawh a tulna tak sawiho ula. In hriatna engtiangin nge he Bible chang hian a tihpuna Chanchin Tha hrilh a hmanhmawh thlakna sawiho bawk teh u. 2. I Thessalonika 4:16,17 leh Johana 14:3,4 ah hian Lal Isua lokal leh chungchang hi engtinnge i lo ngaihtuah. Tin, Engtinnge Lal Isua lokal lehna tur hian Pathian ram tana i rawngbawlna a khawih ang? 3. “Tih tak meuhvin, tih tak meuhvin ka hrilh a che u, tupawh mi ring chuan thil ka tihte hi ani pawhin a ti ve ang; heng aia thil ropuite pawh hi a la ti ve ang, Pa hnenah ka kal dawn avangin.� Johana 14:12 hi in ngaihdan han sawiho teh u. Rawngbawl tura inpeih in: Thlarau zalenna kan neih avang hian hlimin lawm ula, a hun a lo thlen hma chuan kan Lalpa leh Chhandamtu atan hriatpuitu huaisen ni turin remchanna lei zelin. - 62 -
RAWNGBAWLNA - I
Home League Zirlai 2018
Nitin a mipuite rawngbawl sak thei tur a remchanna nei turin tawngtai la. Major Coby de ligt-Oosterheerd, IHQ from the Netherlands, Czech Republic and Slovakia Territory ( Neitherlands, East Africa, Kenya East, Kenya West leh Bangladesh ah pawh rawngbawl tawh): “Programme Officer, International Emergency Services ka nih angin, Hmangaih Pathian tan a rinawmin leh mipuite Thlarau leh Tisa mamawhte pe a rawngbawl hi ka duhber a ni.” ZIRLAI - 16
RINTLAK-MAWHPHURHNA Bible chhiar tur : Rom 14:11; Habakuka 2:2
Thuhma: Khawvel pum huapa Chhandamna Sipaiten thukhat vuaa rawngbawlna kan kalpui mek, General Andre Cox-a’n a puan hi kimchang takin zirlaiah dah thei lo mah ila, a kaihhruaina International Headquarters, London-in a tihchhuah hi lo zir ho ila. Chu Rawngbawlna Beihpui thlakna chu “Accountability Movement” tih a ni a, a awmzia-ah chuan “Rintlaka - 63 -
Home League Zirlai 2018
RAWNGBAWLNA - I
chetchhuahna” emaw “Mawhphur tlaka chetchhuahna” tih emaw a ni a. A chetchhuahna (movement) in a tum takah chuan Rawngbawlna, Pathian leh kan mihringpuite laka rintlak a chetchhuahna hi niin a lang. Chuvang chuan khawvel puma Chhandamna Sipaite chu pawl angin emaw, mimal angin emaw kawng engkimah Rintlaka kan awm hi a pawimawhin kan zir tur ber pawh a ni. Hei hi hria in General Andre Cox chuan 2016 khan he beihpui hi alo tan a ni.
Rintlak-mawhphurhna chetchhuahna chu : Pathian Thlarau Thianghlimin he remchanna bawhzui thei tura a mite thlarauva tihtharsak leh khawvel chhandam tura Pathian hnathawh chu thlurbinga beihpui thlak a ni. Chumi atan chuan a hnuaia a mite hi chhinchhiah ila:1) Chhiartlak/rintlak ni tura kan mawhphurhna chu Pathian Thlarauvin a mite a tihthar lehna tur leh Pathian thiltum khawvel Chhandamna puangzar tura remchanna siam chu a tum a ni. 2) Kan mawhphurhna tinreng hi sum leh pai chauh a ni lova, kawng tinrenga rintlak leh nun chhiartlak neihna hi a ni. 3) Chhandamna Sipai Pawl sipai tupawh, hnathawktu, naupang sipai, puitling sipai, thawklai leh Retired Officers, thiante tupawh he hmathlir (vision) in a huap te chu an tel vek a ni. Engahte hian nge rintlak ka nih theih ang?
- 64 -
RAWNGBAWLNA - I
Home League Zirlai 2018
Hengah te hian : a) Rinawmna, b) Tlang/dik, c) Hun vawn dik, d) Mawhphurhna, e) Langtlang, Johana 10:10b Lal Isua’n, “Kei zawng nun an neih nan, tam tak a an neih nan a lo kal ka ni” a ti a. Ban pawimawh pali(4)-te chu lo en bik ta ila : a) Rorelna. b) Sum leh pai dinhmun. c) Tehna dik d) Naupang venhimna Eng dinhmun leh mawhphurhna tinreng a inkungkaihna kawngah rintlak nih a pawimawh. Entirnan : Corps-a hruaitute-ah pawh thuneihna hmansualna kawngah te, rawngbawlpui te nena inkungkaihna-ah te rinawm a pawimawh em em a ni. I Korinth 10:12-ah Tirhkoh Paula’n ti hian a sawi“Chuvangin ding a inring chu fimkhur rawh se, chutilo chuan in tlu dah ang e”. Hruaitute hi rintlak nihna kawngah hmahruaitu a ni. I Johana 13:34,35 ah Lal Isuan “in hmangaih tawn ula, keiin ka hmangaih che u ang hian in hmangaih ula” a ti a. Rawngbawlpuite leh kan thenawm khawvengte nen inhmangaih tawnna hi keimahniah a awm rengin, kan lantir fo tur a ni. - 65 -
Home League Zirlai 2018
RAWNGBAWLNA - I
Rilru zau tak pua inhawng leh langtlang (transparent) a ni tur a ni. Sual chu na dawn mahse hmachhawn rawh. Sual ngaihthah loh tur a ni. e.g. Mualpho hlauhna avangin sual kan hmachhawn ngam lo fo. Inzahtawnna leh thudik inhrilhna : Dik tak leh fel takin tih tur a ni. Hming thup a, a ruka insawiselna/hekna ang chite hi tihbo tur a ni, a tihchianna engemaw a awm ngei ngei tur a ni. Mathaia 25:14-30 (Chhiahhlawh pathum talent tehkhin thu chhiar ila) Engemaw tal ti rawh. Mi sawisel hlauhna avanga ti lo mai lovin engemaw tal tih tur a ni. Rom 8:31 “Chung thuah chuan engnge kan sawi ang le? Pathian kan lama a tan chuan tuin nge min do thei ang?” Thil reng reng a tha zawngin thlir thin rawh. Heng a chunga kan tarlan tak zawng zawngah te hian keini Home League member-te pawh hi kan pawimawhin kan rawngbawlnaah te, kan inchhung khurah te, kan khawtlangah kan mawhphurhna hlenchhuak a rintlak ni turin theihtawp kan chhuah tur a ni. Chhandamna Sipai te chu kan vela mite pawhin tlan pah pawh a min chhiar theihna turin kan nun te uluk takin kan vawng tur a ni. Kan hna chanpual kan rawngbawlna zawnah theuh rintlak a kan thawh a hun takzet a ni. Lalpa chuan, “Mi tinreng Ka hmaah an kun ang a, Lei tinreng pawh Pathian hnenah a inpuang ang, Tiin chhia ka chham a ni”, a ti a( Rom 14:11). - 66 -
RAWNGBAWLNA - I
Home League Zirlai 2018
General Andre Cox chuan khawvel puma Chhandamna Sipai zawng zawngte chu tawngtai turin a sawm a : “He hmachhawp mek hi Pathian malsawmna, finna leh khawngaihnaa tihkhah turin i tawngtai ang u. Inthlak danglam hi thil awlai a ni ngai hauh lova. Rintlak ni tura beihpui thlaknate hi mihring siamchawp mai a nih chuan a hlawhchham ang. Pathian hi hmun pawimawh lai taka a awm erawh chuan A Lalram tan rah tam tak a chhuah thei ang. Tawngtainaa i thlawpna hi a tul hle a ni.�
Sawiho tur : 1. Heng beihpui thlakna tur chi hrang hrang kan zir takte ti puitling turin engtinnge Corps ang a tan kan lak ang? Sawi ho teh u. 2. Ngun takin kan zirlai te hi chhiar ila, in enletna nei chungin kan tihpuitlin theih tur thilte ruahmanna siam ila.
Chang vawn : I Korinth 4:1-2 Keini ho hi Krista rawngbawltuah leh Pathian thuruk enkawltuah miin min ngai rawh se. Hetah hian enkawltu chu mi rinawm nih a ngai bawk a ni.
- 67 -
Home League Zirlai 2018
RAWNGBAWLNA - I
Kan zir chhunzawm tur atan a hnuaia website tarlanah hian en theihin a awm : Journey of Renewal tih bu leh website : salvationarmy.org/accountability chhiar ila. Heng “Rintlak ni tura mawhphurhna beihpui” hi a kimchangin i hre thei ang. Heng thil pahnih a hnar/ hmanruaah te hian kimchang taka hrilhfiah a ni a, tin, tihdan tur kawhhmuhna leh heng hmanruaah te hian i hna, i tihtur, i rawngbawlna turte kim takin i hmu thei ang.
ZIRLAI - 17
TIRHNA : DAMLOTE TANA RAWNGBAWL TURIN Bible Chhiar tur : Mark 2:1-12
Tichuan Isuan an rinzia chu a lo hmuhin zeng hnenah chuan, “Ka fa, i sualte ngaihdam a ni tawh e” a ti a. (Marka 2:5) “Tho la, i awngphah la la, i inah kal rawh, ka ti a che.” (Marka 2:11)
Bible in engtinnge a sawi :
- 68 -
RAWNGBAWLNA - I
Home League Zirlai 2018
Kan chang thlan hi chiang tak leh fiah taka hrethiam tur chuan Marka Bung 2 hi a bung pumpuia kan chhiar a ngai ang a. Lal Isua chu Kapernaum khuaa alo kir leh khan mipuite chuan lo nghakin, hun reilote chhunga in an khat ta mai khan mipui te rinna leh Lal Isua hmuh an chakzia a tilang chiang a, kawngka bulah pawh awmna reng awmlo khawp hialin mipui an tam a nih kha. Zeng pakhat an rawn hruai tan pawh khan Lal Isua hnen thleng tur pawhin hmun awl reng a awmloh avangin inchung chu thiatin a awngphah chawpin zeng chu an thlak thla ta a. Heta kan hmuhchian em em chu damlo leh a thiante rinna ropui zia hi a ni. Mipui tam avang khan an thiltum kha thulh an tum chuang lova, chu a hnehin Isua an hmuh theihna tur anih chuan a remchan dan ang angin an ti mai zawk a ni. Damlo tana a thiante thiltih hian hmangaihna a tarlang a, Isuan a tidam thei a ni tih an rinzia a tarlang bawk a, zeng thiante rinna leh an thiltih chu a hmuhin Isua kha a hneh a, “I rinna chuan a tidam ta che” a ni tih hi Isuan hmun tam tak ah a sawi a ni. Khatih hunlai khan sualna avangin natna hi a awm tih an lo ring thin a. Mahse Lal Isua khan heng mihring chunga thil thlengte hi sualna avang a ni kher lo tih a tarlang thung a ni. Luka 13:4-5 ah Lal Isuan a zirtirte hnenah “Tin, Siloam in sangin mi sawm leh pariat a delh hlumte pawh kha, Jerusalem khuaa awmte zawng zawng aiin misual bik niin in ring em ni? Ni suh e, ka hrilh a che u, nangni pawh in sim loh chuan chutiang bawkin in boral vek ang,” a ti a. Chanchin Thaah kan chhiar a, Lal Isuan mi tamtak inthliarna tel hauh lovin a khawngaihin a tidam thin a ni tih hi. - 69 -
Home League Zirlai 2018
RAWNGBAWLNA - I Entirnan : •
Khawtlang atanga hnawhchhuah phar , Matthaia 8:2-3 kan chhiar chuan “Tin ngai teh, a hnenah phar a lokal a, “Lalpa, i duh chuan mi tithianghlim thei e”, tiin, chibai a buk a. Tin, Isuan a han ban a, a dek a, “Ka duh e, lo thianghlim tawh ang che,” a ti a.
•
Marka ziak 5:34 ah Isuan hmeichhe hnenah “ Ka fanu,i rinna hi i dampui a ni e. Thlamuang takin kal la, i natna ata lo dam hlen tawh ang che” a ti a.
•
Matthaia 8:13 ah sipai za hotu chungchang ah “ Kal tawh rawh, i rinna angin i chungah lo thleng rawh se” tih kan hmu bawk.
•
Mathaia 15:28 ah Kanan hmeichhe hnenah “ Hmeichhia i rinna a nasa em mai; i duh ang takin i chungah awm rawh se,” a ti a.
Kan tun hun atan : Amah biakna hmun kan neih avangin Pathian hnenah lawmthu kan sawi tur a ni a. Matthaia 18:20-ah kan hmu; “Mi pahnih emaw pathum emaw ka hming a an inkhawmna apiangah chuan an zingah ka awm si thin a” a ti a. Kan kalkhawm hian midangte harsatna emaw damlohna te kan sawipuiin kan intawngtaisak tawn thin a. Zirtirte hunah pawh khan Lal Isua hnenah damlo tam tak an rawn hruaite a lo tidam thin a. Kohhranin a tihtur pawimawh em em chu engtiklai pawha damlote ngaihtuah a ngaihsak hi a ni. Damlote tana rawngbawl hi Lal Isua rawngbawlna pawimawhtak pakhat chu a ni a, Pathian thua eng pe chhuak tura kohte - 70 -
Home League Zirlai 2018
RAWNGBAWLNA - I
kan ni a. Khawngaihna thiltihtheihna chu mi tuar mek te, ngaihsak ngaite tan a ni a. Tanpui ngai natna tuar mek te tanpui turin kan thawhho a ngai a ni. Galatia 6:2 kan chhiar chuan “In ritphurh te chu in chhawk tawn rawh u, chutichuan Krista dan thu chu in zawm a ni ang”. Kan Lalpa Isuan “ Nangmah i in hmangaih angin i vengte pawh i hmangaih tur a ni,” (Marka 12:31) a ti a. Mi tuemaw lunghnuaina emaw lungkham neih avangin a lo damlo a ni mai thei, mal ngawih ngawihna, engkim hloh vek nia inhriatna a nei a ni thei, Pathian hmangaihna an hnenah kan lantir in nuam an tihtheihna tur atan hmangaih takin kan kuangkuah tur a ni. Khawngaihna kan lantir chuan an inrintawkna hloh tawh kha kan pekir leh thei ang, khawharna te nguina te khan anmahniah hmun a chang tawh dawn lova. Rom 12:10-a ti tura min tih angin “unaute hmangaih kawngah chuan in hmangaih tawh theuh rawh u, chawimawi kawngah chuan in duhsak tawn theuh ula” a ti a ni. Sawiho tur : 1. Damlote bula i awm chang hian nangmahah engtiangin nge nghawng a neih thin emaw engtinnge i awm thin? 2. Kan damloh hian engtiang kawngin nge kan in tanpui theih ang.? 3. Hmangaihna te, ngaihsaknate leh rinnate hi engtinnge keimahni ah kan tih thanlen ang? Rawngbawl tura in peih in: Mrs. Premlatha Balachandar, sipai rinawm leh PCC (Pastoral Care and Council) member, Leytonstone Corps, - 71 -
Home League Zirlai 2018
RAWNGBAWLNA - I
North London Division, United Kingdom Territory leh Republic of Ireland ( Nurse Clinician in Sharjah ministry of Health (MOH),UAE, Oman. Staff Nurse in Aramco. Soudi Arabia; Staff Nurse in Hawaii Handicapped centre,Kuwait; staff nurse in Salvation Catherine Booth Hospital, Nagercoil, TN ah te a lo thawk tawh chuan hrtiang hian a sawi): “National Health Service, UK-a staff nurse ka nihna angin Lalpa chuan ka thiltih tinreng hmangin a hmangaihna chu enchhuah tir se, mamawhtuin Amah chu an hriat a an chan theih nan. Ka kut leh ka thinlungte hi nitina ka damlo enkawlte tan Lalpa’n hruai se, ka damlote ka ngaihsak lai pawh hian. “Lalpa ka thiltih tinrengte hi i hmanrua ni vek rawh se”. ZIRLAI - 18
TIRHNA - “THEIHNA DANGLAM BIK NEITE” HNENA RAWNGBAWL TURIN Bible chang chhiar tur : Mathaia 15: 29-31 Lal Isuan a zirtirte a ko va,”Mipuiho hi tunah ni thum ka hnenah an awm tawh a, ei tur engmah an neih loh avangin ka khawngaih em em a ni” Mathaia 15:32 Theihna danglam bik neite (Differently abled person) : Mizo in “Rualbanlo” emaw “Piangsual” tia kan sawi thin te hi mithiam ten nasa taka an zirchian hnuin, kum 1980 atang khan “Theihna danglam bik nei” tiin sawi tan - 72 -
RAWNGBAWLNA - I
Home League Zirlai 2018
a lo ni ta a. Tin, tun hnaiah “vohbik” tiin sawi thin a ni ta bawk. Anmahni enkawltu bik Department-te pawh an awm a, chu Department chu ‘Persons with Disability (PwD)” an ti. Heng theihna danglam bik neite hi, harsatna chi hrang hrang - bengngawng, mitdel, zeng, tawngtheilo, kebai, rilru lam harsatna nei, chaklohna hrang hrang (multiple disable) rilru chaklo leh thildang avanga harsatna neite an ni. Heng mite tan hian Sawrkarin Dan fel tak anmahni humhimna tur a nei a ni. Anmahni enkawltu pawh nise an chunga hleilenna, an mihring nihna chanvo bawhchhiat sakte hi dan-in a khap tlat a. An harsatna te hriatchhuah a, eizawnna kawng an neih theihna dap puite, khawtlangah midang ang bawk a eizawnna a harsatna nei lo tura ruahhmanna siam saka tanpui chu mitinte tih tur a ni.
Lal Isua hmangaihte an ni : Kan chang thlan Mathaia 15:29-32 ah khan Lal Isua pantute, a hnena ni thum lai chaw pawh ei lova awmte kha kebaite, mitdelte, tawngtheilote, piangsualte an ni. Anni chu a lo tidam a, ni thum lai chaw pawh ei lova an awm a hmuhin a khawngaih em em a, kawng lakah an chau mai ang tih a hlauva, a zirtirte hnenah eitur pe turin a ti a ni. Lal Isua kan ziritrtu berin a hmangaihte lo hmangaih ve hi kan tih makmawh a ni. Kan chhungkuaah/ kan khawtlangah hetiang theihna danglam bik neite hi an awm em? Engtiangin nge kan enkawl? Home League member te hian kan inchhungah kan fate emaw, kan fate ni kher lo pawh kan chenpuite zingah pawh hetiang theihna danglam bik nei hi an awm em? Ni danga i thlir ngailoh - 73 -
Home League Zirlai 2018
RAWNGBAWLNA - I
dan khan heng mite hi han thlir teh, han belchiang la engang theihna nge an neih tih chu i hmuchhuak ngei ang. Johana 9:2-ah a Zirtirte khan Lal Isua hnenah mitdel saa piang an hmuh khan “Rabbi, mitdel saa a pian hi tuin nge thil tisual, he mi hian nge a nu leh pa in” tiin an zawt a. Lal Isuan hetiang rilru puthmang an nei hi tha a ti lova, “He mi hian a tisual hek lo, a nu leh pain an tisual hek lo, Pathian hnathawh an chunga a lanna tur a nih zawk hi” tiin a chhang a ni. Deut. 24:16 ah dan thu kan hmu a “fate avangin pate tihhlum tur a ni lo….” tiin. Nu leh pa tamtakte fa hetiang mi an neih hian an rilru a hnual fo thin. “Hei hi engvangnge? Tunge a chhun” tih chu zawhna lo awm a ni thin. Thil kawng hrang hrang avangin rualbanlohna hi a awm thei a ni tih kan hriat a pawimawh: 1) Indona 2) Tualchhung buaina 3) Retheihna 4) Thianghlimlohna 5) Chenna leilungin a zirloh vang 6) Taksa harsatna 7) Thil siamna hmun (Factory) a vang, 8) Chetsualna (accident) 9) Leilung chhiatrupna Lirnghing..etc, Rilru lam tawrhna, Taksa mamawh tlakchhamna avangte in a awm thei. - 74 -
RAWNGBAWLNA - I
Home League Zirlai 2018
Heng theihna danglam bik neite hi engtiangin nge kan enkawl ang: Kan fate emaw, kan chenpuite’n (a chunga kan tarlan takte) harsatna an lo nei anih chuan Lal Isuan a hmangaiha a khawngaih em em angin kan hmangaihin kan khawngaih tur a ni a. Chutih rual chuan kan khawngaih avang khan engkim kan tihsak vek tur a ni lo. An tihtheih ang angte taima taka zirtirin mahni kea din theih dan kan zirtir tur a ni. Ka tawnhriat han hrilh che u ka duh a, “Nu pakhat fa zeng, kawnga chin hnuailam che thei miah lo, zawi vek nei nen kan inkawm a, a fa chu kum 10 emaw chauh a la ni a, tanpui ngai lova a kut hmanga chet vel te, inthiar te a tihtir thei vek mai. Heti hian a sawi a, “Ka fapa hi ka hmangaih em em a, ka dampuiin ka tanpui reng thei lo mai thei, ka tanpui theih loh hunah a unaute ringawt chuan nin hunte an nei ang a, atan a hrehawm lutuk ang, chuvang chuan amaha chet vel dan hi harsa ti tak chungin ka zirtir a ni” tiin min hrilh a, a fakawm hle mai. A fapa a hmangaih avangin chung chu a tihtir a ni. Thenkhat chuan kan khawngaih lutuk avangin engkim tihsak vek pawh kan duh ang, mahse an theih ang ang kan tihtir tur a ni. Kolosib-ah April 15, 1975 khan Mizorama a hmasa ber ni turin Mitdelte’n thiamna leh hmasawnna an lo neih theih nan Mitdel School hawn a lo ni tawh a. Hun a lokal zel a, mitvarte nen zirna kalpui niin “Integrated School” tih alo ni ta a. Tichuan mitdelte bik enkawla an awmna turin “Home for the Blind” kan tih thin kha vawiin thlengin Chhandamna Sipai pawlin a la kalpui reng a, chumi atanga zirchhuak lehkhathiam tak tak M.A., B.A te kan - 75 -
RAWNGBAWLNA - I
Home League Zirlai 2018
nei ta, sawrkar hnathawk-te leh eizawnna dang neite an awm ta nuk mai. Chu Home a rawng kan bawl lai a Mitdel naupang pakhat chanchin ka sawi duh a, kan lakluh tirh chuan tihtheih neiin a in hre ngai lo reng reng a, a puitling tawh a naupang ang a school a han kal tha leh tur chuan a upa tawh si a, thil tihdan chi hrang hrang, in bul vel thlawh fai te, darthlalang hrukfai dan te kan han hrilh chuan thil a tithei a ni tih a inhre ta a. Heti hian a sawi a “Kei chu mitdel ka ni a, ka nu leh pa ten min chawm tur a ni, mitdel ka nih avangin engmah ka ti thei lo, nupui ka neih pawhin ka chhungten an chawm ang ka ti thin a”, a ti a. Mahse hna a thawkthei a ni tih an hriat chuan an khua ah hawin Bawng a vulh a, a hnute a sawr a, chu chuan sum tamtak a lo thawkchhuak ve ta, mahni inchawm thei in a lo awm ta a ni. Pianphunga harsatna hrang hrang nei te pawh kan fuih a, kan tanpui an mamawh “Ka ti thei a ni” tih hriattir hi kan mawhphurhna a ni. Heng theihna danglam bik neite hi Lalpan a hmangaih a, a humhim tlat thin a ni tih han hriat chuan heng mite hi an va zahawm em! Lalpa hmangaihte an ni, an riltam a phal lova, an hah te pawh a hlauh pui asin. Keini he leia a aiawh a awmte hian kan theih ang tawkin hmangaih a enkawlin kan tuamhlawm tur a ni a, khawlaiah tanpui ngai takin an lo ding reng thei, kal pel mai lovin kai ila, an kawng kawhhmuh ila, kan Corps ah kan chhungkuaah an lo awm a nih pawhin hmangaih leh khawngaihna nen dawm ang u. Lalpa hmangaih leh khawngaih te an ni si. Sawi ho tur : 1. Heng Theihna danglam bik neite(differently abled person) enkawlna chungchangah hian engnge in tawnhriat theuh(experience) sawiho teh u. - 76 -
RAWNGBAWLNA - I
Home League Zirlai 2018
2. Pathianin tihtura min tuk anih si chuan heng “Theihna danglam bik neite” nen hian kan khawtlangah remchanna thuhmun (equal opportunity) kan siam thei ang em? 3. Genesis 1:27 “Tichuan Pathianin ama anpuiin mihring a siam a...” he thu ah hian Pathian anpui (image of God) a siam kan nih thu Bible in min hrilh a, heng Vohbik kan tihte chungchangah hian Pathian anpui a siam tih-ah hian in ngaihdan han sawi ho teh u. Changvawn : Johana 15:12,13 “Hei hi ka thupek a ni, keiin ka hmangaih che u ang bawkin ngangni in hmangaih ula, Mihringin a thian aia a nun a paih aliama hmangaihna nasa zawk tuman an nei lo.” ZIRLAI -19
TIRHNA - RILRULAM A HARSATNA NEITE HNENA RAWNGBAWL TURIN. Bible chhiar tur : Rom 8:15; Mathaia 6:25-35
Thuhma: Tunlaiah rilru lam natna chi hrang hrangin kan hringnun hi min tuam mek a, hengah hian keini hmeichhia(nute) hi kan bang bik lova, a run nasat ber berte kan ni kan ti thei awm e. Rilru lam natna awmtir theitu keimahniah hian chi hrang hrang a awm a, chu chu kan hriat a kan inven theih nan he zirlaiah hian chutiang lam chu kan zir dawn a ni. Rilruna kan tihte hi - 77 -
Home League Zirlai 2018
RAWNGBAWLNA - I
mahniah inhriat a har em avangin, tlema ngaihthat lohna kan neih chuan Doctor-te rawn vat a tha. Tunlaiah chuan Mizo tawnga rilru hah kan tihte hi a saptawngin ‘Depression’ tih mai hian kan chiang tawh zawkin a lang. “Depression a nei nasa” te kan tih thin hi. Heng natnate hi nuho zingah chuan hrisel lohna kawng hrang hrang avangte, inchhungkhura harsatna avangte, thil lungkham lutuk avangte in a awm thei. Tin, nula tlangval leh mipa puitlingah pawh ruihhlo leh mipat hmeichhiat in hman dan dik loh avanga, natna thalo vei a awm theih. Hetiang hi kan tawng a nih chuan, Doctor-te rawn thuai thuai a tha. Tin, thil lo thlen dan a thuin Pathian thua sawipuina (counselling) pawh ringtu kan nih avangin kan tih ngei tur a ni. Rilru lama harsatna lo awm theih dan hi mithiamte leh zirbingtuten an lo zirchhuah atangin lo tarlang ila: 1. Depression (lungngaihna tawpkhawk emaw engmah ngaihtuah theihlohna): Hlawhchhamna, thihna emaw engkim hlauh vekna, chung ang thil chuan mihring hi hun rei tak a lo chenchilh tawh chuan rilru lamah harsatna a thlen thei. A lo lan dan (sign) : A tlem berah kar hnih emaw a aia rei pawh lungngaihna (feeling sad) emaw rilru puthmang hniam tual tual(inferiority complex) a awm thei. Tin, thatho taka engpawh hlimpui thin kha engmahin a tihphur thei lo. Kan chhinchhiah tur pawimawh tak chu, tuemaw chhungkaw inhauh avangte, miin an thil an ruk sak avanga rilru hrehawm ringawt chu depression a ni lo.
- 78 -
RAWNGBAWLNA - I
Home League Zirlai 2018
Mi depression nei diktak chuan, lungngaiin, tah chhuak, ruakvek ni a inhriatna a nei. Chutiang mi chuan depression a nei a lo ni fo. Tapchhuak kher lo mahse an bing chuk chuk a, engmah an ngaihtuah thei lo. Hetiang hian a langchhuak thei bawk: Rihna tlahniam, chaw ei tui lo, muthilh harsat emaw mu hnem lutuk, thil chiang taka ngaihtuah theih lohna, nitin a chetvelna-ah chakna nei lo, hah hluah hluah nia inhriatna, tawng leh chetvel muang, awm hle hle thei lo, tlaktlailo nia inhriatna, thiamlohna hleihluak, beidawng lutuk, beiseina neilo, Thih emaw mahni intihhlum lam ngaihtuah fo. 2. Rilru hah, tha khur emaw lungkham neihna (Anxiety) : Mi tinrengte hian tha khur(nervous) emaw thil lungkham kan nei fo thin. Engemaw dinhmun danglam kan tawn chang te in, thil lungkham lutuk avanga rilru hah nasa tak hun engemaw chen kan lo neih hian, a bikin hmeichhia ten nitina kan thiltihteah rilru lam harsatna kan lo neih hian anxiety chu a lo intan a ni duh. Engmah chhan leh vang awm lova awm hle hle thei lo nia in hriatna, thintawt, taksa hah hma, thinur thut, thil ngaihtuah chik thei lo, ngaihtuahna ruak a lo awmte hian. 3. Thlabarna, chiaina in a beih (Panic attack) : Hei hi Anxiety nasa tak a lanna a ni a, minute reiloteah a lo nasa tial tial thei.
- 79 -
Home League Zirlai 2018
RAWNGBAWLNA - I
A lanchhuah dan: Khurhna, thlantla, sa pup pup, thaw kim thei lo ( thaw hah), luhai, thidang, hlauhna, inthunun theih lohna, engngemaw lo thleng dawn a hriatna (entirnan motor-a chuan a accident dawna in hriatna, zinchhuah hlauhna) thi mai tur nia inngaihnate a lo awm hian.. Hmeichhe tan bik nauneih zawh leh thihul turah a tam, tin, zu leh ruih theih thil ti thin tan vei a awlsam bawk. Mithiamten a tihdamna tur Therapy chi hrang hrang an ziak rawn tur a awm a; Psychologist, Psychiatrist, Doctor te rawn theih a ni. 4. Stress & Strain : Harsatna , hlauhna, him lo nia inhriatna , natna chi thar, khuarel chhiatna, indona, sik leh sa in harsatna a thlen, politics avang, inremchemna inbuk tawk lohnate, hengte hian mihring nunah tawt up up nate leh rilru hah nate a thlen bawk. Heng lo pawh hi thil tam tak a awm thei. Hengte hian kan khawvel hi min run mek a ni. Changkanna leh inelna khawvelah hian, keimahniah leh kan fateah pawh heng ang harsatna hi kan tawk mek a ni. Nute hian kan fate pawh hi ngun takin zirchiang ila, hetiang harsatna te hi an lo tawk ve reng mai thei. Mithiam ten a chhan an sawina-ah chuan damdawi ruih theih chin avangte, naupan laia hmeichhiat/mipatna an lo khawih tawhte avangte(mipa naupang pawh huam telin), naupang hremna lo tawk nasa tawhte, exam huphurhna avangte, naupangah taksa puitlinna tur a danglamna (hormone) lo in thlak avangte a ni. Kan hriat loh hlan hian khawvelin a ken thil tam tak hian min tuam mek a ni. Damna chu Lal Isua-ah a awm : - 80 -
Home League Zirlai 2018
RAWNGBAWLNA - I
Heng kan sawi tak zawng zawng harsatna awm thei lakah hian, damna tluangtling chu Lal Isua’n min pe thei. Kan tarlan tak ang khan Lal Isua’n khawvel thil lungkham luat a sawt lo, heng zawng zawng hneh thei tur hian, Amah leh a ram chu zawng hmasa a, dah pawimawh hmasa turin min zirtir a. Rom 8:15-ah chuan, “Hlauva awm leh turin bawih nihna thlarau in hmu a ni si lova; fa nihna thlarau in hmu a ni zawk e. Chu thlarau avang chuan ‘Abba,Ka pa’ tia kan au thin hi”, tiin kan hmu. Kan Lalpa Isua’n a tuarna leh a thihna in tlanna min siam sak a. A thawhleh rualin nun thar in min kaitho ve a nih kha. Amah nen, nun intawm kan neih tawh hnu hian, engnge kan hlauh vang le? Amah chu keimahniah a awm si a, Paula vekin, “Kan nun pawhin kan thih pawh in Lalpa ta kan ni” (Rom 14:8) a ti. Heng ang zawng zawngte a lo awmna chhan chu thih kan hlauh vang a ni fo. Lalpa chu kan nunna chunga thuneitu a ni, a ta kan ni, chuvang chuan Amahah kan inpumpek pumhlum hi a pawimawh takzet a ni. Amaha kan awm a, kan inpumpek phawt chuan engmah hlauh tur a awm lo. Kan Bible-ah hian hmun tam takah “Hlau suh” tih hi kan hmu. Khawvelah hian rilru hahna, hlauhna, tawt up upna te hi a awm ve reng mahse, kan Lalpa Isua’n Kraws-ah a hneh tawh avangin, engmah hlau tur kan ni lo. Hlim tak leh engthawl taka amah fak tur kan ni zawk.
Sawiho tur : 1. Keini Home League member te hian heng natna vei te hi engtiangin nge kan tanpui theih ang ? - 81 -
Home League Zirlai 2018
RAWNGBAWLNA - I
2. Heng natna kan tihte hi keimahni insiamchawp mai nge natna ve reng? Kan ngaihdan sawi ho ila. 3. Heng ang thilah hian tawnhriat(experienced) kan lo nei ve reng em? Kan lo nei ve reng a nih chuan engtinnge kan in enkawl (entirnan: zai,lam,au, thawk lak, pawna awm thil dangte pawh) sawi ho teh ang. Chang vawn : Johana 14:27 “Thlamuanna ka hnutchhiat a che u, keima thlamaunana ka pe a che u, khawvelin a pek angin ka pek loh che u hi. In thinlung mangang suh se, hlauh pawh hlau suh se�.
ZIRLAI - 20
TIRHNA - CHHUNGKUAA RAWNGBAWLNA Bible chhiar tur - Ruthi Bung 1-na Bible in engtinnge a sawi : Ruthi hian Naomi zui tur hian engin nge a rilru hneh? Ruthi hian Naomi a hmangaihna chauh ni lovin Naomi biak Pathian avang chuan he thutlukna hi a siam a ni. Kum 10 kalta chhung hian Ruthi in hian Ephrath mi a pasala nu Naomi-ah hian thil danglam tak hriat leh hmuh a lo nei tawh a ni. - 82 -
RAWNGBAWLNA - I
Home League Zirlai 2018
Chang 8-9-ah kan hmu angin Naomi hian a mote pahnih chungah hian hmangaihna hmasiallo chak tak mai a nei a. Hetiang hunah hian Orpi leh Ruthi tan pasal dang nei leh a chhungkaw thar din turin a duhsak ber a ni. An tunhnu hun atan a that dawn phawt chuan amah chauh pawhin kalsan sela a pawi ti lo a ni. Naomi hian Pathian a rinna nghet tak a neih chu tamin emaw lungngaihna in emaw a tikiam chuang lo, chang 6-ah chuan Naomi chuan a chunga Pathian hnathawh chu a thlir tlat a, a chhungkaw chunga Pathian rinawmna leh a zahngaihna chu a ngaihtuah fo thin. Chang 8 leh 9 ah khan malsawmna dawn leh Pathian ngilneihna chu an chunga thleng turin a dilsak a. Heta ngilneihna a tih hi a awmze bul chu Thuthlung a inzawmna a intukluhna a ni. Naomi chuan Orpi leh Ruthi pawh kha Pathian thiltithei a mite chungah ngil a nei em em a ni tih leh chu hmangaihna chu an chungah a hlawhchham ngai lovang tih a hrilh a. Heng hun harsat chhung zawng zawng a Naomi’n a paltlang dan hi Ruthi chuan a mit ngeiin a hmu a, chu a Pathian rinna chuan amah pawh a hneh em em a ni. Ruthi chhanna hi (chang 14-ah chuan), “A vuan tlat a” a tih avang hian Naomi tan malsawmna a ni. Heta “Vuan tlat” tih hian “Inlaichinna a nghehzia leh engkimah a phuarkhawm” tih sawina a ni. He thu hi Genesis 2:24 thu a mipa leh hmeichhe inlaichinna chungchang a “Mipain a nu leh pa a kalsan ang a, a nupui a vuan ang..” hemi hi Deuteronomy 10:20 ah chiang zawkin a mite Israel te amah vuan tlat tura a tih khan a tichiang zawk a -“ Lalpa in Pathian chu in tih ang a, ama rawng chu in - 83 -
Home League Zirlai 2018
RAWNGBAWLNA - I
bawl ang a, tin, amah chu in vuan tlat ang a”. Naomi’n hun harsat lai a paltlang dan atang hian Pathiana a rinna nghehzia a tilang a. Atawpah Ruthi pawh chu Abrahama te, Isaka te, Jakoba te, Naomi te Pathian rinna chuan amah chu a hneh em em a. Naomi leh Ruthi pawh chuan chutianga inhmangaih tawnna chu an nei a ni. Kan tun hun atan : Kristian thenkhat ten chhungkua hre chang lo khawpin Kohhran rawngbawlnaah an inhmang buai em em a. Engtiklai pawh in khawtlang mipuite an ngaihtuah a, an hnathawhna hmun leh rampawn lamte thlengin, kan chhungkua ngei pawh hi kan hmuh kan fo thin. Kristian kan ni emaw kan nilo emaw kan chhungkua hi miten min thlir reng a, kan rinna avangte in danglamna hmuh an duh thin. Lieut. Colonel Edward Hill ( Singapore, Malaysia, Myanmar Territory) chuan mi pakhat chanchin rilru khawih tak a sawi a. “Kum kalta ah khan Hindu tlangval Ganesan-a, Banting khua chu Motorcycle-a a tlan laiin Truck (Motor lian) in a su a, a damchhuah rinawm loh khawpin a hliam a, Corps Officer Major Kunam-a chu an chhungkaw thian hnai pakhatin Ganesan-a chu tlawh turin a hrilh a. Major Kunam chu Ganesan-a tawngtaisak tur chuan Damdawiinah a kal a. Chumi atang chuan mak tak maiin a taksa hliamte chu a dam mai ni lovin Pathian thu thiltihtheihna chuan amah chu a khawih ta a, Isua zuitu a lo ni ta. Major Kunam chuan Ganesan-a chu Kristian a lo nih tak avang chuan Hindu kulmuk hming a put chu thlak nise thain a hria a, hun engemaw chen a ngaihtuah hnu chuan Ganesan-a chuan Gideon-a hming - 84 -
Home League Zirlai 2018
RAWNGBAWLNA - I
put chu a thlang ta a. Thuthlunghlui huna Pathian mi thiltithei tak mai chanchin chuan a hneh em avangin. Tichuan Gideon-a chuan an Hindu chhungkua inzawmkhawm zau tak mai hnenah chuan a nun lo inthlakthleng ta chanchin chu a sawi thin a. A hnuah hun a lo kal leh deuh chuan a chhungte chu a mal te te in Isua chu Lal leh Chhandamtu atan an lo pawm ve ta a. Thla a lo ral leh meuh chuan, Ganesan-a chu an chhungkaw member pakua te nen Salvation Army-ah an in pe ta a. Officer ni tura kohna chu chhang in, a hnu kum hnihah chuan Training College ah Officer ni turin a lut ve ta a ni. Ganesan-a kha Gideon-a lo ni ta atang hian “Pathian in kan nun a thil lo thleng mak tak mai atang hian a ropuina tur atan min hmang thin a ni tih a hriat a ni�.
Sawiho tur : 1. Engvangin nge in chhungkua Rinna hriatpuitu nih hi a pawimawh? 2. Kan chhungkaw member-te nena kan Rinna hriatpuitu nih hi engvangin nge a harsat em em? 3. Eng hun hi nge Chhungkuaa Rinna Hriatpuitu nihna tura hun remchang tha ber ni ang ? Sawi ho teh u.
Rawngbawl tur a inpeih in: - 85 -
Home League Zirlai 2018
RAWNGBAWLNA - I
Chhungkaw member-te tan, an hun hmandan tur te ngaithla chunga tawngtai sakna nitin minute 10 tal hun hman thin tur a ni. Major Tara Tam, IHQ from Hong Kong and Macau Command (Taiwan-ah rawngbawlna nei mek) Assistant Under Secretary, South Pacific and East Asia Zone, London-a awmin a rawngbawlna hetiang hian a sawi: “Ka chhungte tan nitina tawngtai hi ka rawngbawlna a ni.�
ZIRLAI - 21
BIBLE QUIZ
-
TITA, PHILEMONA
1.
Tita lehkha thawntu hi tunge?
2.
Tita hi khawiahnge rawngbawl tura tirh a nih? Eng hna nge pek a nih?
- 86 -
Home League Zirlai 2018
RAWNGBAWLNA - I
3.
Kohhran upa-te kha engangmi nge an nih tur?
4.
Kohhran sum enkawltu kha engangmi nge an nih tur?
5.
Zawlnei pakhat khan Kret thliarkara chengte kha engangmi nge an nih a tih?
6.
Mi thianghlimte leh mi bawlhhlawhte kha an an danglamna engnge?
7.
Paula’n engtiangin nge Putarte fuih tura a tih?
8.
Pitarte khan tutenge an fuih turte chu?
9.
Tlangvalte kha engangin nge fuih tur?
10.
Kret thliarkar a mite khan engnge an? hriatchhuah leh tur? - 87 -
Home League Zirlai 2018
RAWNGBAWLNA - I
11.
Paula khan Pathian ring tawh te kha ngenge ngaihtuah zel rawh se a tih?
12.
Vawihnih khat zilh hnu chuan zilh duh tawh suh, a tihte kha tutenge?
13.
Paula’n Tita hnena a tirhte kha tute nge?
14.
Tital lehkha thawn hian engnge a tum ber nia i hriat?
15.
Philemona lehkha thawn hi tu ziak nge?
16.
Paula’n kan farnu a tih leh kan sipaipui a tihte kha tutenge?
17.
Paula khan Philemona lehkha a ziah khan engnge a hman?
18.
Paula’n Philemona lehkha a thawnna chhan hi engnge nia i hriat? Tu chungchang nge? - 88 -
RAWNGBAWLNA - I
Home League Zirlai 2018
19.
Onesima kha tunge? Eng hnathawk nge?
20.
Philemona buah hian thupui pathum a awm a, Engte nge ni?
21.
Philemona leh Onesima hi engnge an inkungkaih dan?
22.
Lehkha thawn atang hian, Philemona hi tunge a nih? In hre thei em?
23.
Philemona Lehkha thawn Paula’n a ziah hian a tang mek tih a sawi a, tunge a tanpuipa kha?
24
Thuthlung hlui atanga chhiarin Philemona hi Bu engzatnaah nge a awm?.
- 89 -
Home League Zirlai 2018
RAWNGBAWLNA - II 25.
Thuthlung thar atanga chhiarin Tita hi Bu engzat naah nge a awm?
ZIRLAI - 22
RAWNGBAWL TURA TIRHNA Bible chhiar tur : Marka 16:14-18 Tin, an hnenah,� Buh seng tur a tam hle a, nimahsela a thawktute an tlem; chutichuan, a buh seng tura thawktu turte tir turin buh Neitupa hnenah chuan ngen rawh u. Luka 9:2 - 90 -
RAWNGBAWLNA - II
Home League Zirlai 2018
Thuhma : Zirlai hmasa lamah khan kumin a kan thupui (theme) “Rawngbawl tura tirhna (Mission to serve” tih hi kawng hrang hrangin engemaw bik atana tirh kan nihna, Lal Isua zirtirna atang tein kan zir tawh a. Mission tih hrim hrim hi chu engemaw titura “Tirhchhuah” tihna emaw a ni a. Sakhaw dang biate pawhin he Mission hi an sakhaw thilah pawh an nei thei tho a ni. Chutiang bawkin Sawrkarte leh Pawl bik angte pawhin hna engemaw bik atan mission an nei bawk thin. Keini pawhin Mission tih chu Rawngbawl tura tirh emaw Tirhchhuah tih angin kan hmang bawk a. Pathianin a fapa Isua Krista khawvel chhandamna tur atan a rawn tirhna chu Mission intanna tura lungphum diktak chu a ni. Eden huana bawhchhiatna avanga Pathian nena inrem thei tawh lo chu, Pathianin a fapa thihna in inremna min siam sak a. Chu Chanchin Tha chu khawvel keh chhe mek, boral mai tur chhanchhuah nan leh mihringten nun danglam an lo neih nan keini pawh mahni inphata A rawngbawl tura tirhte kan ni. Rawngbawl tura tirh : Kum 2000 lai liam taah khan Lal Isua chu khawvelah Chhandamna hna thawk turin a lo kal a. Amah ngeiin Palestina ram dung leh vang fangin, damlote tidamin, mitthite a kai thova, phar te, zeng te, ramhuai mante leh mitdelte tidamin a hun a hmang zo a nih kha. Khawvel a chhuahsan dawn khan chu rawngbawl hna chu chhunzawm a, thawkturin a zirtirte thahnem ngai takin a fuih a. Bible chhiar tura tarlan khi ngun takin han thlir teh. “Thil siam zawng zawng hnenah Chanchin Tha hi - 91 -
Home League Zirlai 2018
RAWNGBAWLNA - II
hril rawh u’ a tih hian, chu hnathawk tur chuan a zirtirte kha a hriattir mai ni lovin, “Thu a pe” a ni. He thupek hi Pathian thu zirbingte chuan, “Thupek ropui” an ti a. Tin, chu chauh nilovin, Ram Chanchin Tha hrila khawlian leh khawtete a fan velnaah mipuite beram vengtu neilo ang maia an vak vel a hmuhin, an rawngbawlsak a thawktu tur, buh Neitupa hnena ngen turin a hrilh a ni. Sam ziaktu phei chuan, “Mittui tla chunga tuhte chuan hlim takin an at ang. Tap chungin buh chi feh chhuahpui mah sela, An buh phalte kengin hlim takin a lo haw leh ang. (Sam 126:5,6)a ti a ni. Heng Bible thu changte ngawt pawh hi ngaihtuah ila, Pathian chuan a rawngbawl turin min tir a ni tih a lang chiang khawp mai. Engtinnge kan tih ang: Chhandamna Sipai-te chu a mal mala rawngbawltura kohna dawngte kan nih avangin, kan awm hmun emaw dinhmun atang hian engemawti taka Pathian rawngbawl tura kal chhuak ve tura tirh kan ni. Chu rawngbawlna hlen chhuak tur chuan hetiang hian ngaihtuahna siam ila. 1. Tawngtai rawngbawl turin - Ramthimah kan kal ve thei lo a ni thei e. Ramthima kal kan Missionary-te tawngtainaa kan lo tanpui hi a hlawk em em a ni. Ti hian an sawi thin: Ramthima thawktu pakhat chu kum engemaw chen a thawh pawhin ring thar a siam lova, a chhuahna Kohhranten an sum senral nen an han buk chuan, a rawngbawlna chu a hlawk lo an ti em em mai a. Missionary chu an han zawh ve chuan “A..ka rawngbawlna-ah hian tumahin min tawngtaisak ngai lo a ni ang” a ti a. Kan rawngbawlna hi kan ngaihvenin, thawktute tawngtaiin - 92 -
RAWNGBAWLNA - II
Home League Zirlai 2018
kan lo ngaihsak thei a ni, Tawngtaina hi Pathian kan rinna puanchhuahna a ni a, a pawimawh em em a ni. Tawngtai ngailo chuan Pathian aiin amah a inring zawk a ni. 2. In ngaihsaknain- Home League hian Ramthim rawngbawlna atan kan buhfaitham za zela sawmruk(60%) kan thawh ve a. Missionary-te pawh kan chawm bawk a, thawktute kan lo tanpui ve theih nan kan theih ang anga sum leh paia a mimal tak pawha kan lo tanpuite hi a hlawk em em a ni. In ngaihsakna leh in phurpui tawnna hian thawktute-ah malsawmna nasa tak a thlen thei. 3. Kal chhuakin- Home League-te tan ramthima hun pum(full time)-a inpek chu a harsa thei. Hmanah Pi Malsawmliani (RIP) kha Pathian-in kalchhuaka rawngbawl turin min ko” a ti a. Chhungkaw nu ber kha a in ak a, kal a tum ta mai a. Mahse thil awnzia an han inhrilhfiah chuan Missionary chawm kha kal chhuahna-ah a pawm thei ta a. Missionary chu a chawm ta a, sum tuak reng rengin a buai ta a, mahse a hlim em em a ni. Heng bakah thenawm khawvengah, mi harsate leh ruihhlo bawiha tang mekte hnenah kal a an rawngbawl sak turin Pathianin min tir a ni. “Kal ula Chanchin Tha hi hril rawh u” tih “Thupek Ropui” kan dawng si a.
Sawi ho tur : 1. Engtiangin nge Chanchin Tha hi keini Home League member te hian kan hrilh ve theih ang? - 93 -
RAWNGBAWLNA - II
Home League Zirlai 2018
2. Mission tih hi engtiangchiah in nge kan lo ngaih? Sawi ho teh ang u.
Changvawn : II Lalte 7: 9 Nakinah chuan,”Kan tidik hauh lo mai a; vawiin hi chanchin lawmawm thlen ni a ni a, keini hi kan ngawih reng a, khawvar kan nghah chuan hrem kan tawk mai ang; chutichuan, hawh u, lal chhungte i va hrilh ang u” tiin an in bia a.
ZIRLAI - 23
CHANCHIN THA HRILH Bible chang chhiar tur: Luka 10: 1-6
Thuhma : General William Booth chuan “Pulpit atanga misualten Biakin an rawn pan nghak suh; an hnenah kal la, rawn hruai lut rawh” tih hi a sawi a, a chhinchhiah tlak hle mai. Chhandamna Sipai Pawl “Rawngbawlna Innghahna(Mission Statement)” chuan - 94 -
RAWNGBAWLNA - II
Home League Zirlai 2018
hetiang hian a sawi a: “Chhandamna Sipai hi Kristian Kohhran, khawvel huapa Chanchin Tha hrila thawk a ni. A thuchah chu Bible-ah a innghat a. A rawngbawlna chu Pathian hmangaihnain a tihnun a ni. A hnapui ber chu Chanchin Tha hril leh hleih nei hauh lova, Isua Krista hminga mihring mamawh phuhruk hi a ni” tiin. General John Gowans pawh khan hetiang hian auhla(slogan) a puang a: “Thlarau bote chhanchhuak turin, Thianghlimnaa thanglian a, Tuar mekte tana rawngbawl turin” (Saving Souls, Growing Saints and Serving Suffering Humanity) tiin. Chhandamna Sipai Pawlte chuan hengte hre rengin khawihmunah pawh, engtiklai pawhin kan mihringpuite rawngbawlsak hi kan tih reng tur a ni. Mi hnuaihnung leh harsa zawk, Mizoram pawna awmte zinga India Eastern Territory in Thomas Dykes thihsan rosuma rawngbawlna a lo tan dan leh a kalpui dan Maj. Sangzuala(Rtd.) in a lo ziah hi han tarlang ila : Dykes Legacy chu eng tihna nge? : Thomas Dykes thihsan rosum chu International Headquarters-ah Salvation Army in rawngbawl nan a khawm a, chu sum chu pung awmin Bank-ah Generalin a dah a. Account hmingah chuan “Dykes Legacy” vuah a ni. Thomas Dykes hi Scottish mi Scotland-a piang leh sei lian, Cachar rama Thingpui huan zau tak neia khawsa a ni. A chheh vela cheng mi rethei tak tak, Tuiruang lui kama cheng Kuki, Mikir leh tlangmi dangte chu a khawngaih em em thin a. A thih hma hian a ro thih san tur zatve chu England leh Scotland ram a Chhandamna Sipai Pawlin mirethei leh fahrahte a enkawl mek tanpui - 95 -
Home League Zirlai 2018
RAWNGBAWLNA - II
nan a pe a, a zatve leh lam chu Cachar ram a miretheite chhawmdawlna hnathawh nan a pe a. Chu ro sum Chhandamna Sipai Pawlin a lo chanve chu Dykes Legacy an ti. Thomas Dykes chu 15.5.1941 khan a thi ta a. Dykes Legacy sum chu engtinnge rawngbawl nan hman a nih? : Mizoram a Chhandamna Sipai Pawl rawngbawlna chanchin General Albert Orsborn-a’n a lo hriat chuan Brig. Kawlkhuma chu London-ah a ko thla a, Sipai Pawl rawngbawlna hmun hrang hrangte a fantir a. Ni 31.12.1949 chuan Aizawlah a lo haw a. General chuan Dykes Legacy sum hmanga Cachar District a rawngbawlna tan turin Brig Kawlkhuma chu a rawn ruat ta a ni. Chu hna thawk tur chuan Brig. Kawlkhuma te nupa leh Capt. Seni chu 25.3.1950 ah Silchar an lut a ni. Hei hi Ramthim rawngbawlna India Eastern Territory in kan tanna chu a lo ni ta a ni. He rawngbawlna hi chhunzawm zelin vawiin-ah chuan India Eastern Territory Rawngbawlna te zauh zelin Arunachal Pradesh, Assam, Manipur, Meghalaya, Nagaland, Sikkim, Tripura, West Bengal, Nepal leh Bhutan-ah te rawng kan lo bawl ta a. Kan mihuai kalta te, Officer leh Missionary-te thawhrimna azarah ringlomi tam tak Lal Isua ke bulah hruai an lo ni ta. Kan buhfaitham thawh te, missionary chawmna atana kan pekte, kan thawhlawmte leh an awmna hmuna kal a kan hnathawhte chu Lalpan mal a sawm a, State engemaw zat chu kan lo tuam ve ta der mai. Lalpa chu fakin awm rawh se. - 96 -
RAWNGBAWLNA - II
Home League Zirlai 2018
India ram zau zawka kan thlir erawh chuan hnathawh tur a la tam hle mai. Mihring tluklehdingawn 1.2 awmna-ah hian Kristian te chu 2.3.% chauh kan ni. India ramah hian Lal Isua a lo lal ber theih nan : Engtinnge kan tih ang : •
Kan theihna hmun hmunah India ram tihen a pawimawh zia kan sawi ang.
•
Tawngtaina nen tan kan la ang.
•
Kan kal chhuak thei lo a nih pawhin Missionary te tha tichak thei turin kan fuih ang.
•
Zing tawngtai Inkhawm-ah kar khatah vawi khat tal India tan bik a tawngtai hun ruat.
•
Thilpek in kan tang thei.
•
Mahni ngei kan in pe thei.
Tum dan leh ruahhmanna fel tak siam in : Ramthim fehchhuahna-ah hian keini Home League te pawh a hmunah kalin rawngbawlna te kan nei thin a. (Corps thenkhat chuan Ramthim fehchhuah Programme an siam leh tawh ang). Kan kal hmain thil pawimawh hriat theih tur ang angte zirchiang ila, awmze nei zawk leh hlawk zawk a rawng kan bawl theih nan hengte hi chhinchhiah ila: • Eng hnam nge? Eng tawng nge an hman? Engang mite nge kan tlawh turte. • An khawtlang ro inrel dan. • An hnamzia leh tihdan phung. - 97 -
Home League Zirlai 2018
RAWNGBAWLNA - II • An khawtlang nun. • Ei leh bar an zawn dan.
• Eng sakhua nge an nih tlangpui.
Kan hma lak na tur : Entirnan : Kum 5 chhungin eng khuaah ber emaw Corps/Kohhran tha tak din theih dan turte duan nise. Kan chang thlan (Luka 10:1-6) ah khan Lal Isuan khawtin leh hmuntinah rawngbawl tura sawmsarihte a tirh chhuah thu kan hmu a. Buh seng tur a tam hle si a, nimahsela a thawktute an tlem, chutichuan a buh seng tura thawktu turte tir turin buh Neitupa hnenah ngen rawh u a ti a, Bang lova he India ram tana kan tawngtai hi a tul takzet a ni. Mathaia 9: 35-36 ah Lal Isua rawngbawlna kan hmu a, khaw lian leh khawte te a fang a, natna tinreng tuar te tidam in, mipuite, vengtu neilo beramte anga hrehawm leh darh a an awm avangin a khawngaih ta em em a ni tih kan chhiar. Keini a hniakhnung zuitute hian Engnge kan tih ve ang le? Frederick Tucker-a ten sawrkar hna sang tak thawk a, nuamsa taka awm theihna pawh thlahlel thei lova an lo vei, ke durh phung chung leh ei tur mumal pawh neilova Chanchin Tha an lo vahvaih puina, he India ram zau takah hian, Lal Isua a lo Lal ber theih nan keini hian ruahmanna fel tak siamin hma i han la zel ang u.
- 98 -
Home League Zirlai 2018
RAWNGBAWLNA - II Sawiho tur :
Khawpui/thingtlang khawi hmun emaw talah Corps/Kohhran phun theih dan ngaihtuah ila. Engtinnge kan tih ang? Ruahmanna engtinnge kan siam ang?
Changvawn : I Korinth 1:17 Krista chuan baptis turin mi tir si lo, Chanchin Tha hril turin mi tir zawk a ni; thu finga hril lovin, chutilochuan Krista Kraws chu engmah lovah an chantir dah ang e.
ZIRLAI - 23
TIRHNA - TIHDUHDAHNA LEH DODALNA KARA RAWNGBAWL TURIN Bible chhiar tur : Johana 15:18-25; Rom 8:35-39 “Heng thu hi in hnenah ka sawi tawh hi, keimahah in thlamuanna turin, Khawvelah hrehawm in in awm thin; nimahsela thlamuang takin awm rawh u, keiin khawvel ka ngam ta”. (Johana 16:33) - 99 -
RAWNGBAWLNA - II
Home League Zirlai 2018
Bible in engnge a sawi? : Isua kha khawvela alo lan rualin dodalna leh tihduhdahna a tuar nghal a ni tih thu hi a mak hran lo. Hmelmate chuan Isua hnathawh tur kha tihkhawloh an tum nghal chat a, mifing ten lal Heroda hnena Judate lal an hmuh theihna tur an zawh chiah khan a nun kha dinhmun hlauawmah a awm nghal a ni. Tichuan, Josepha chu mumang lama hriattir a nih avangin a chhungte chu a tlanchhiatpui nghal a, Aigupta ramah raltlanin an lo awm ta a. Heroda chuan a ruahmanna chu a hlawhtling tawk lo tih a hriat chuan Bethlehem leh a chhehvel khuaa naupang kum hnih leh a hnuailam zawng zawng nuaibo tur chuan a thawk chhuak ta a ni. Pathian chu inrawlh lose Isua kha a pian rualin a hna pawh hi a tawp nghal mai awm e. A seilenna khua amah leh a chhungte pawh an hriat vekna hmuna a kir leh pawhin dodalna leh tihduhdahna chu a la awm reng mai. A chettlat thinna vela mite chu a thenawm hnaia a lo seilen dan engkim hmutute kha an ni. Thlarau Thianghlim hruaiin Synagogue-ah a lut a, Pathian thuin a puante chu an benghriatah tihfamkimin a awm mek a ni tih an hria a, nimahsela Pathian hnena kir tura sim an mamawh a ni tih chu an pawm thei lo. A thiltihtheihna te chu hmun danga a lo tih thin angin an hnenah pawh entir turin an phut a, an thinlungte chu Chanchin Tha hre turin a la inhawng chuang lo. Khamah te paihtlak an tum a, Isua chu a tihtur hlen tulna avangin maktak maiin a pumpelh leh hlauh mai. Pharisai leh Sadukai-te ram dan chungchanga an nihna leh an chanpual leh zahawmna tumahin an chuhpui an phal ngailoh nen an rawn thawk chhuak a. Isua chu khawtlang hriat niin Rom sawrkara ngaihven a hlawhchho ta hle a, tichuan, vantlang zinga a rawn - 100mipui -
RAWNGBAWLNA - II
Home League Zirlai 2018
lar chak em em mai chu tlanpelh an tum ta a. A rawngbawlna an dodal a, amaherawh chu an thiltum chu a hlawhtling dawn lo a ni tih an hriatin amah manna tur kawng an ruahmanin tihhlum dan tur an ngaihtuah ta a, chu chu a rawngbawlna hlenchhuahna tur atan a tanpuitu a ni tih an hre hauh silo. Isua hian ringtute chu he khawvela a hna tleitlak nana a thawhna kawnga dodalna leh tihduhdahna an tawrh tur hi a lo hrilh lawk tawh a. Johana 15-ah khawvelin amah chu an hua a, keini pawh a hna tleitlak tura kan thawh avangin min haw ve bawk tur a ni. Dodalna leh tihduhdahna hi chu a awm ngei tur a ni tih a chiangsa reng a ni. Engpawh nise Isua khan thihna-in sual thiltih chu a lo hneh tawh a ni. Johana 15:22-ah chuan ti hian a inziak a, “Kei lo kalin an hnenah thu sawi suh ila, sual an nei lo tur; tunah erawh zawng an sual chhuanlam tur an nei ta lo a ni�. Isua hian thimna in eng a huatzia a hrechiang a, mahse eng a awmte chuan hlauh tur an nei lo, dodalna leh tihduhdahna tinreng hmaah an eng chu a lang zawk tur a ni. Kan tun hun atan : Kristian-in hriat a hlawhlohna hmunah kan cheng mek a, August 2006 Christianity Today-in a tarlan angin khawvel mihring za zela 75(75%) te sakhaw zalenna natak a khuahkhirhna tuar mek an awm a ni tih a tarlang a. I rinna midangte i sawipui chuan tantir, tihluihna, in hmelmakna, vuak, vauna leh thih thleng pawhin i tawk thei a ni. Khawvel hian Kristiante hi a hua a, a chhan chu Lal Isua an huat vang a ni. He khawvel mi hi kan ni lova, Jakoba lehkhathawna kan hmuh angin heng dodalna leh - 101 -
RAWNGBAWLNA - II
Home League Zirlai 2018
tihduhdahnate hian hlutna a nei a, a chhan chu tawrhchhelna leh puitlinna kawngah a tanpui a ni. I Peter 2:23 hian a nemnghet a, heng dodalna leh tuarna te hi Lal Isua ang tura min siamtu a ni. Kan hriat angin Pa Pathian leh Pathian Thlarau Thianghlim chuan Lal Isua khawvela a hnathawh tur leh tihtur ah nasa takin an thawk a ni. Kan tihtur (Mission) ah Thlarau Thianghlim chu kan hnenah a awm reng a ni tih kan hria a, nimahsela heng dodalna te, tihduhdahna te hian min ti lungngai thin a. Kan rinna leh Pathian nena kan inkungkaihnate chuan hengah te hian min tichak ang tih kan hria a, kan channa te chu hnehna a ni tih pawh kan hre bawk a ni. Kan Lalpa Isua lo kal leh hunah chuan kan hnathawh tura min tirhnate rinawm taka thawk zovin min dodaltute kan hmachhawnna min rawn nemngheh sak tawh ang.
Sawiho tur : 1. Kristian ten dodalna leh tihduhdahna an tawh dan kawng thenkhatte engnge in tawn hriat? 2. I rinna (hriatpuina) zalen taka i puanchhuah hian engtiang takin nge nuam i tih thin? Ringtu puiten an rinna avanga dodalna leh harsatna an tawh mek lai hian Pathian hnenah lawmthu sawi la. 3. Chang thlan hi han chhiar nawn leh la eng chang hi nge dodalna i tawh mekah Pathianin i huaisenna tur atan a A inpuanna nia i hriat? Sawiho teh u. - 102 -
Home League Zirlai 2018
RAWNGBAWLNA - II Rawngbawl tur a inpeihin :
Rom 8:35-39 thu atang hian thlamuanna duhawm tak mai min pe a, hlauh hi a tul lo; achhan chu Pathian lak ata hi engmahin min then dawn silova. I rinna puanchhuah kha hlau suh, Pathian rawngbawltu i ni a, a thuah a rinawm a ni. Tunkar chhung hian mi tuemaw hnamdang nen Lal Isua chanchin sawi ang che u. Major Ana Frazer, IHQ USA Eastern Territory atangin – International College for Officers/Centre for Spiritual Life Development-a thawk inhlanna chu : “Assistant Secretary for Spiritual Life Development a ka thawh lai hian ka tumna,ka thlen tur te ka tawngtai na chu “Lalpa min hmang ang che, rinawm taka i rawngbawl turin min pui ang che.”
ZIRLAI - 25
MIDANGTE - HRIATTHIAMNA Bible chhiar tur : Philipi 2:2-4 “Rilru hmun khata awmin, hmangaihna hmunkhat neiin, inthuruala rilruhmun khata awmin, ka lawmman tifamkim rawh u. Elrel leh inngaihhlut avanga engmah ti lovin….midang ta pawh en theuh zawk rawh u”. Phil.2:2-4
- 103 -
RAWNGBAWLNA - II
Home League Zirlai 2018
Thuhma : Midangte Hriatthiamna (Understanding Others) kan zir dawn hian Chhandamna Sipai Pawl hmuchhuaktu William Booth-a’n Thumal pakhat thuchah an tih mai “Midangte(Others)” tih hmang hian kum zabi 19 bullamah Christmas thuchah telegram in khawvel puma Chhandamna Sipaite a fuihna atan a thawnchhuak a. He thumal “Midangte” tih hian thil tam tak a huam thei awm e, tuna kan zirlai tur pawh hian chu chu a ken pawimawh tak chu a ni a. Midangte chu tutenge ni: Kan rawngbawlsak turte mai nilovin kan rawngbawlpuite, kan thenawm khawvengte, kan thiante, kan thawhpuite, kan inchhungkhura kan chenpuite pawh a huam a ni. Midangte hriatthiamna tih chu engnge : Midangte hriatthiamna tih chuan, kan sawi tum ber chu kan thawhpui te, kan rawngbawlpuite nena thawh hona kan inhriatthiamna hi a ni. Lal Isuan, “Sawisel suh u, sawisela in awm loh nan”(Mathaia 7:1) a ti a. “Nangmah i in hmangaih angin i vengte pawh i hmangaih tur a ni” (Matthaia 22:39) a ti bawk a. Midangte kan hriatthiam loh fo thin avang hian rawngbawlna pawhin hma a sawn thei thin lo a ni. Rawngbawlnaa thahnem kan ngaih dan inanglo avang pawhin inhriatthiam lohna a awm ve fo bawk thin. Mi tam tak chu midangte hriatthiamna-ah hian kan hlawhchham fo mai, kan rinna ah pawh hian he inhriatthiamna hi a pawimawh takzet a. Hriatthiamna chu “Dawhthei taka mi va pawm theihna emaw ngilnei taka midangte va en theihna a ni” ti ila a dik thei awm e. - 104 -
RAWNGBAWLNA - II
Home League Zirlai 2018
Kum 2014 khan South Asia College for Officers (SACO) Colombo, Sri Lanka-ah tel ve theihna remchang kan Territory hotute’n min siamsak hlauh mai a, chumi tuma kan zirtirtu pakhatin Dr.John C. Maxwella’n ‘Midangte hriattiamnaa kan hlawhchham thinna chungchang a ziah chu a sawi a. Hetiang hian : 1. Hlauhna : Midangte rinhlelhna emaw himlo nia inhriat avanga innghah ngamlohna hian midangte hriatthiamna kawngah min tihlawhchham thin. 2. Mahni chauh inngaihtuahna : Hei hian midangte hratthiam ve lohna a thlen ve thei bawk. Mahni kan inngaih pawimawh hmasak ber fo thin avang hian midangte tha zawka ruat turin kan ngaihtuah thleng pha ngai lo. 3. Danglam bik nia kan inhriatna hian midangte min hriatthiamtir theilo fo thin. Mahni inlahrang tlat (independent)a midangte ngaithei miah lo pawh a awm theih.
4. Midangte dinhmun kan hriatthiam lohna hi inhriatthiamna kawng a kan hlawhchhamna a ni thin. 5.Thil engpawh a nihna anga kan pawm theih lohna hian inhriatthiamna a ti chhe fo bawk.
Engvangin nge midangte hriatthiamna kan mamawh? Inhriatthiamna hi zalenna leh inremna atana kawng pawimawh tak chu a ni.
- 105 -
RAWNGBAWLNA - II
Home League Zirlai 2018
Inhriatthiamna tlemna hmunah reng reng a sawhkhawk a pawi em em thin, Indona lo thlenna chhan te pawh hi inhriatthiam loh vang a ni fo thin. Inneihna hlawhchhamna te, hnam avanga in enhranna te pawh hi hriatthiam tawnna a awm loh vang a ni. Tun hunah pawh hian kan Corps, kan khawtlangah leh kan chhungkua-ah engvangnge kan inthendarh a, kan intihthiam loh thin? Inhriatthiam tawnna a awm loh vang a ni. Midangte tan kan rawngbawl honaah pawh hian kan inhriatthiam tawn loh chuan harsatna a lo awm mai thin. Thawnthu pakhatah chuan, “Vawi khat chu Luthera hian zawhna a siam a, ‘lipui thuk tak chunga kham sang tak pangah kel kal theihna chang chang lungkar kawng a awm a. A lehlam lehlam atangin kel hi an kal ve ve a. Kawng inken theih a ni si lova, let leh dawn pawh nise, a theih tawh si lova, an pahnihna an insik chuan a hnuai lipuiah an tla dawn bawk si. Engtinnge tihtur ni ang ? tiin a zawt a. A chhanna chu, pakhat zawk chu intihhniam se, pakhat zawk chu a chungah a kal anga, chutianga an tih chuan him takin lei an zawh chhuak thei dawn a ni. Inngaitlawma midangte hriatthiamna hian buaina tam tak leh harsatna tam tak a pumpelh theih a ni. Midangte nena inhriatthiamna nei tur chuan Galatia 5:22-23 thua Thlarau rah a sawite : ‘hmangaihna te, hlimna te, remna te, dawhtheihna te, ngilneihna te, thatna te, rinawmna te, thuhnuairawlhna te, insumtheihna te a ni zawk e. He thu hi a pawimawh tak zet mai. Tawngtaina nen theihtawpin midangte hriatthiamna nen rawng i bawl ang u. - 106 -
RAWNGBAWLNA - II
Home League Zirlai 2018
Sawiho tur : 1. Kan zirlai in a sawi loh pawh Midangte nena inhriatthiam tawnna tura atana kawng pawimawh ni a kan hriat? Han sawi ho teh ang. 2. Midangte hriatthiamna avanga malsawmna kan lo dawn tawh te han in hrilh tlang teh ang u.
Chang vawn : Ephesi 4:1-3 Chutichuan, inngaihtlawmna leh thuhnuairawlhna zawng zawng nei a, hmangaihna a indawh tawn chunga dawhtheihna neia remna phuarnaah chuan Thlarau inpumkhatna chu vawng tura bei a, a kohna che u phua awm turin, kei, Lalpaa mi tang hian ka ngen a che u.
ZIRLAI - 26
TIRHNA - MI KHAWHARTE HNENA RAWNGBAWL TURIN Bible chhiar tur : Johana 5:1-9
Thuhma : Khawhar tih hi thu lar tak leh mitinten kan neih theih, mahse, a lo dawngsawngtuin a laknat dan azira tuartham tak ni si - mal ngawih ngawiha - 107 -
RAWNGBAWLNA - II
Home League Zirlai 2018
inhriatnate pawh kan ti thei ang. Khawharna hian tupawh nupui/pasal neite, naupang, thalai, upa-te tumah thliar lovin min nghawng vek thei. Chhan hrang hrang avangin khawharna hi a awm thei ang; lusun avangte, damlohna te, chhungte chenpui loa mal taka awmte, kan sawi vek seng lovang. He zirlaiah hian mi khawharte hnena rawngbawl pawimawh zia kan zir dawn a ni. Johana 5 :1-9 ah hian Bethesda dil-a damlo tihdam chungchang thu a awm a. Bible-a kan hmuh angin, Judate Kut pakhat pawimawh tak mai awm hunlai a ni a, Lal Isua pawh Kut hmang tur hian a kalve tih kan hmu a. Kut an hmanna khua Jerusalemah hian Beram kawngkhar kiangah dil a awm a, hulhliap pawh panga lai a nei a ni. Lal Isuan a thiltihtheihna a hmanna hmun he dil hmingthang leh pawimawh hi a hmingah Hebrai tawngin “Bethesda” an vuah a. Chung hulhliapah chuan damlo te, mitdel te, kebai te, zengte tam tak an mu a. Chutah chuan kum sawmthum leh kum riat lai lo damlo tawh a awm a. Lal Isuan chu damlo hnenah chuan “Tihdam i duh em” a ti a. Damlo chuan “Ka pu, tui a fawnin dila mi dahtu ka nei lova, ka kal chhungin midangin mi penthlak khalh thin,” a ti a. Isuan a hnenah “Tho la i awngphah la la, kein kal tawh rawh,” a ti a. Thawklehkhatah chumi chu a dam ta nghal a, a awngphah chu a la a, a kal ta a. He chang a zirlai pawimawh tak kan neihte chu: Tutenge mal ngawih ngawiha inhriaa khawhar te?
- 108 -
RAWNGBAWLNA - II
Home League Zirlai 2018
Damlo te, retheihna avanga mi endawng te, miin an kalpelh mai maite hi an ni. “Tui a fawnin dila min dahtu ka nei lova” tiin Bethesda dil hulhliapa mu damlo khan a ti a ni. Khatih hunlai kha Kut lai a ni a, mi tamtak an zi nuaih nuaih ang tih a hriat a ni. Mahse damlote kha an malin an khua a har tlat. Kan tun hunah pawh hian natna khirh tak HIV positive te, phar te, natna tihbaiawm tak tak tuar kan velah an awm. Mipui zi nuaih nuaih karah hian an khua a har asin. Tanpuitu an mamawh, Lal Isua hnena hruai thlengtu tur an mamawh ngawih ngawih a ni. Khawtlang mipui mai nilo, chhungte atang pawhin ramdang mi enin kan la en fo. Natna avanga mahni khum pawh thawhsan theilo an va tam em? Chungte chu an khua a har ngawih ngawih a, kawm hlimtu an mamawh a ni. Mathaia 25: 6 ah “ka dam lohvin mi kan a” tiin Lalber khan a sawi a ni. Mi khawharte hnena rawngbawl hna thawk turin tirh kan ni. Mi khawhar te hi Lal Isua thiante an ni : Lal Isuan Bethesda dil kama damlo mu reng mi tumahin an ngaihsak loh kha a hmu reng. A hnenah “Tihdam i duh em” a ti a ni. Johana 14:18-ah “Fahrah in ka kalsan lovang che u” Lal Isuan a ti. Kan bul velah leh kan khawtlangah mamawhtu mi tukhawkha in an ngaihsakloh an va tam em! Lal Isua chuan a hmu a, a thlamuan a, an harsatna te a phuhruk sak thin. Nang leh kei hi an hnenah kala kawmhlim tur a tirh kan ni. Lal Isua pawh khan damlo kha a pan a, a tidam a ni. Kha damlo khan Lal Isua a bulah awmin a tanpui dawn tih a hre lo, mahse Lal Isua chuan hmangaih takin a pan tlat si. Keini pawh Lal Isuan a tih ang hian min mamawhtute - 109 -
Home League Zirlai 2018
RAWNGBAWLNA - II
hi kan pan a kan tanpui ve hi rawngbawlna kawng a tirh kan nihna chu a ni. Lusunna avanga khawhar taka awmte tan thlamuantu kan ni thei a ni. Johana 14:18 ah Lal Isuan “Fahrah in ka kalsan lovang che u” a ti. German rama pasal sun kan thian pakhat chuan heti hian a sawi a. “ Ka khawhar hlauvin ka thiante hi an rawn leng thin a, an rawn kal dawn chuan an rawn sawi lawk a, eiturte rawn kengin, anmahniin an siam vek a, ka ina ka hna te min thawhsak vek thin” a ti a. Keini khawhar in lenpui dan nen chuan a dang hle mai. Kan khawtlangah lusun, khawharte kan lenpui thin a, kan hnam tihdan hi a mawiin a thlamuanthlak hle, amaherawh chu, kan in lenpuiin lusunte tihautak lo thei ang berin, an hnate thawhsakin Pathian thua kawmhlimna te neiin tanpui thin ila, chu chu kan rawngbawlna atan a tirh kan nihna ti hlawhtlingtu a ni ngei ang. Thlarau lam khawharna : Khawvelah hriat lawk loh chhiatna a thleng nasa em em a. Mi tamtakin an tuarin an neih zawng zawng an chan a, thlamuantu an mamawh a ni. Beiseina nung an mamawh, Lal Isua chanchin hrilh chu kan tan hna pawimawh tak a ni. Thlarau nun khawharna hian min tuam fo thin. Sam 102:5-7 ah chuan, “Thlaler tuivalawng ang ka ni, khawram chhimbuk ang mai ka lo ni ta” tiin Sam ziaktuin a ti a, sawipui a, thlamuan a, chhanchhuak tur hian tirh kan ni. - 110 -
RAWNGBAWLNA - II
Home League Zirlai 2018
Sawiho tur : 1. Mi khawhar leh tanpui ngai ngawih ngawihte hnen thleng phaka rawngbawl dan tur kawng hrang hrang kan hriatte sawi ho teh u? 2. Thlarau nun khawharna hi kan nei ve tawh em? Engtinnge a lo chhuah ? Tawnhriat emaw hriatpuina emaw sawi thei kan awm em?
Chang vawn : Mathaia 5:7 “Mi khawngaih thei takte chu an eng a thlawl e.; khawngaih an la hlawh dawn si a.”
ZIRLAI - 27
TIRHNA - MIKHUALTE LEH RALTLAN TE HNENAH RAWNGBAWL TURIN Bible chhiar tur : Exodus 23:9; Hebrai 13:2 “Hnam dang i hnehchhiah tur a ni lo: Nangni pawh Aigupta ramah khan hnam dang in lo nih tawh avangin hnam dang rilru put dan chu in hre si a.” Exodus 23:9
- 111 -
Home League Zirlai 2018
RAWNGBAWLNA - II
Engtinnge Bible in a sawi : Pathian in a mi Israel-te hnenah mikhual chunga thatchhuah turin a hrilh a, a chhan chu an ni pawh Aigupta ramah mikhual in an lo awm tawh a. Bible hian hmun tam takah mikhual chungchang hi a sawi a, keini pawh Lal Isua ringtu leh zuitute kan nih ang bawkin, mikhual chunga that chhuah hi Pathianin min kohna chu a ni. Hmangaihna chu thiltiha kan lantir theihna pumhlum a ni bawk a. Thu chauh nilova midangte kan chhawmdawl hian. He khawvelah hian Pathian in heng miten hlimna leh beiseina an neih theihnan an aiawhin min dah a. Pathian hmangaihna an lo hriat lehzual theih nan. Kan thiltih a Pathian hmangaihna an hmuh a an zui theih nan. Isuan, “Mikhual ka nihin min thleng a.� (Mathaia 25:35) a tih ang khan. Bible hian mikhual chi hrang hrang a sawifiah a. Kan inahte lokalin min rawn tlawh a. Bible chuan mikhualte chu hlim taka lo lawm a tha taka lo enkawl turin min zirtir a. Ram dang atangin hnathawk turin kan ramah an lokal a, anmahni nena inpawhna thatak neih theih nan kan chhawmdawl ang; hetianga kan lo tih hian kan hnena awma an hnathawhte pawh hlim taka an thawh theih nan. Salvation Army hi khawvel pum huapa rawngbawlna kalpui kan ni a, chuvangin, keini pawh hetiang chanvo hi engemawniah chuan kan la tawng thei. Ramdangah engtianga dawnsawn nge i duh ang? Tha tak a lo dawnsawn chu kan duh ve ngei ang. Mikhualte chu ramdang mi pawh an ni thei, chhan hrang hrang avanga - 112 -
RAWNGBAWLNA - II
Home League Zirlai 2018
raltlan, an ram chhuahsan te - indona , tam, lirnghing, thlipui, khawkheng emaw tuilian avangte pawh a ni thei, mikhualte chu sakhua avang leh kohhran hrang avang te pawh a ni mai thei, chuvang chuan mikhual an ni emaw, raltlan an ni emaw, ram danga pem an ni emaw kan hmu hniam tur a nilova, hengte hian chona nasa tak min siamsak a ni. Hebrai 13:2 leh Rom 12:13-in min hrilh mikhual ten min rawn tlawhin an chungah ngilneihna kan lantir tur a ni. Hetianga kan tih hian hriatlohin vantirhkohte kan lo thleng thei. Pathianin mikhualte a hmangaihin a ngaihsak a, chaw a pe in an mamawh chi hrang hrang a ngaihtuah sak thin. Sam 46:1-ah Pathianin tuar mekte, mikhualte inhumhimna thu a sawi a. Pathian thinlungah chuan ramdanga pemte leh raltlante chunga kan thinlung pe turin leh kan rawngbawlnate chuan, an thinlung a khawih theihna turin min tir a ni. Pathian chuan ama aiawha mikhualte chunga thatchhuah a, chaw leh an mamawh dangte buatsaihsak turin min ti tih Deuteronomy 10:1719-ah kan hmu a ni. Pathian thuin min zirtir danah chuan Pathian chuan mi tupawh a hmangaih- mikhualte, ramdang atanga rawn pem te, raltlan te pawh. Thilsiam zawng zawngte hi ama anpuiin a siam a ti a. Tupawh kan inzahtawnna hi thil pawimawh tak a ni a, Pathian hmaah chuan kan hlut dan hi a inang vek a ni. Kan tun hun atan : Malsawmna tam tak chan anih thinna chhan chu midangte chunga hmangaihna leh khawngaihna an lantir theihnghilh thin avangte, mikhualte leh ramdangmi te - 113 -
RAWNGBAWLNA - II
Home League Zirlai 2018
hmangaih aia mahni an inngaihtuah thin avangte a ni. Kan hriatreng thin tur chu Pathian malsawmna chu mikhual te, raltlan leh ramdang mite kan chhawmdawl leh an tana kan inhlanna hi Pathian in min hmu reng a. Mipuiten Pathian an auhvin, an mittuitlate a hmu a, an tana harsatna siamtute hrem turin a inbuatsaih thin. Israel-te authawm Pathianin a hria ang khan. Kan tun hunah pawh hian engtiklai pawhin mikhual, ramdang mi, raltlanten min hual vel reng a. Harsatna chi hrang hrang avangin tuarna a awm thin. Thenkhat chu an chhungte nen an inthendarh a, an hmangaih tak takte nen an inhmu leh angem tih pawh an hrelo a ni. Thenkhat chu an hmangaih tak takte thahsak an nih avangin an na a, chhan hrang hrang leh indona avangin an hna leh thil zawng zawngte an chan a ni. Kan kiang vela tuar mekte tanpui turin Pathian in min tichak in, Ama tanpuina in thil tamtak kan ti thei a ni. Kan fuihin, thawmhnaw, ei leh intur, chenna emaw an mamawh engpawh kan tihsak thei a ni. Hmuchhuaktu William Booth a hnathawh te hrereng in, Pathianthu leh eiturte pe in Lal Isua hre lova Thlaraulam raltlan dinhmun a dingte tam tak an awm a. Thlarau lam himna pawh an hre lo. Chanchin Tha te hrilhin kan sawm ang a, kan chatuan chawlhna Pathian Lalram, vankhua leh tui, a fate kan nihna te kan hriattir tur ani.
Sawiho tur :
- 114 -
Home League Zirlai 2018
INPAWLHONA
1. Engvang nge Pathian hian ramdang mite, raltlante a ngaihsak em em nia kan hriat? Sawiho teh ang. 2. Pathian hian raltlante leh ramdangmite hnenah eitur leh silhfen a pe kan tih hian Engtinnge a tih nia kan hriat? Sawi ho teh ang. 3. Mikhualte zingah hian i awm ve tawh em? Raltlanin ramdangahte i pem ve tawh em? Engtin nge i awm thin? Rawngbawl tura inpeihin He hun chhungah hian heng Pathian thute hi engtia tih tur nge? Raltlan te, ramdang atanga lokal te, ramdang mi i bula awmte ngaihsaka Pathian kuta tlu lut tur leh hlimna chantir turin. Commissioner Grace Mnyampi, IHQ Tanzania Territory ( East Africa, Tanzania, Zimbabwe, Kenya West and Uganda chuan hetiang hian a sawi): “Zonal secretary for Women’s Ministry ,Africa Zone ka nih angin Ka theihtawp in Pathian tanpuina nen khua leh tui tha ni turin Pathian in engnge min duhna Rawngbawl tura Tirhna chu kan nitin nun lo nise.” ZIRLAI - 28
INPAWLHONA (FELLOWSHIP) Bible chang chhiar tur : Tirhkohte 2: 42-47 “Chutichuan in ei pawhin, in in pawhin, in tih apiangah pawh, Pathian ropuina tur hlirin ti rawh u.” I Korith 10: 31 - 115 -
INPAWLHONA
Home League Zirlai 2018
Thuhma: Inpawlhona (Fellowship) tih chu a Greek tawngah chuan ‘Koinonia’ tih a ni a. Koinos tih chu ‘chengho emaw khawtlanga chenho na’ (living community together) tihna a ni. Home League thiltum palite zingah pawh a pawimawh pawl tak a ni ti ila a sual lovang. Home League member-te chuan he kan thil tum pawimawh tak hmang hian thu kan tiam a, “Home League member dangte nen inpawlna, malsawmna, hlawhtlinna chu ka hlimpui ang” tiin. A thil tum: Inpawlhona (Fellowship) in a tum pawimawh em em mai chu Kristiante pumkhata kan awmna hi a ni a, ringtute Kristaa thang lian tura infuih tawn turin. Rom 12:10 ah,“ Unaute hmangaihna kawngah chuan inhmangaih takin inlainat tawn theuh rawh u, chawimawi kawngah chuan induhsak tawn theuh ula” tiin kan hmu a. Hei hi a ni inpawlhona (Fellowhip) nihdan tur leh a tum chu. Midangtea intukluhna, zah taka thawhho pui thiamnate hi a ni. He thawhhona hi Pathian hmangaihna (agape- hmangaihna engmah phut let nei hauh lova inpekna/inhlanna)-ah a innghat tur a ni a. Inpawlhona dik takah chuan Krista chu a laiah a awm tur a ni. Ringtu hmasatea inpawlhonain a rah chhuah: Tirhkohte 4:32 “Tin, a ringtu mipuite chu rilru hmun khat leh ngaihtuah hmunkhatin an awm a, an zinga pakhat mahin an sum neih, “Ka ta bik a ni” an ti lo; thil zawng zawng an intawm zawk thin” ti a kan hmuh angin Kohhran hmasaah chuan – thinlung (thlarau) hmunkhat in an awm – ngaihtuahna hmunkhat nei in - 116 -
INPAWLHONA
Home League Zirlai 2018
an awm – tisa thilah pawh an thilneih reng reng an in tawm thin. Kohhran hmasaah khan he inpawlhona (Fellowship) an neih thin khan rah tha tak a chhuah thin a. Chungte chu:(a) Midangte’n Pathian an hlauh phah. “Tirhkohte zirtirin, inpawlin, chhang phelin, tawngtaiin thahnemngai takin an awm reng a. Tin, mitinin an hlau ta a;” (Tirhkohte 2:42) (b) An hlim em em a ni. “an in lamah te pawh chhang an phel a, hlim tak leh lungawi takin an chaw an ei thin a.” (Tirhkohte 2:46) (c) “Pathian an fak a, mi zawng zawng lawm zawngin an awm thin.” (Tirhkohte 2:47) (d) Ringthar an pung. “A chhandam mek apiangte chu Lalpain ni tinin an hnenah a teltir zel a.” (Tirhkohte 2:47) Pathian in an mamawh a pe thin.“Tin, Pathian chuan Krista Isuaa a ropuina ngahzia ang zelin in tlakchhamna tinreng pawh a phuhruk sak ang che u” (Phil 4:19)-a kan hmuh ang hian. Enge kan zir chhuah: Kohhran hmasa ten an thil neih engkim an intawm a inpawlhona (fellowship) an neih thin ang khan kan ti ve thei tawh lo a ni mai thei, mahse, Pathian in Kohhranah rawngbawlna tur, a khawngaihna avangin min siamsak a ni. Chu rawngbawlna, inpawlhona hlimawm takah chuan - 117 -
INPAWLHONA
Home League Zirlai 2018
kan tel thei vek a ni. Home League member kan nih avangin heng Home League Programme chi hrang hrang, Pathian biak honate, Home League inkhawmte, hnatlangte, rawngbawla fehchhuah te, intihhlimna hun te, damlo kante leh a huhova thiltih tur tam tak kan ruahman thinah te hian kan dam phawt chuan kan tel thin tur a ni. Hetianga kan tel hian Home League thiltum “Inpawlhona” tih hi kan tihlawhtling dawn a lo ni reng mai. Kan chang thlanin min zirtir ang khan kan lo hlim ang a, miten keimahniah lo telve chakna an nei ang a, ringthar tam tak kan lo neih theih phah dawn a ni. Lal Isua leh A ram Chanchin Tha kan thehdarhnaah hian Home League te’n a huhova kan tihtheih tur programmete Pathian rawn chungin nasa lehzualin i buatsaih thin ang u.
Sawiho tur : 1. Home League memberte’n a huhova kan tih theih tur kan la tih ngai loh Programme tha tak tak i han thawhkhawm teh ang u.
- 118 -
INPAWLHONA
Home League Zirlai 2018
2. Kohhran hmasate’n an tih ang hian tun hunah hian kan la ti ve thei ang em? Kan ngaihdan han sawi ho teh ang u.
Chang vawn : Tirhkohte 2:47 “Pathian an fak a, mi zawng zawng lawmzawngin an awm thin. Tin, a chhandam mek apiangte chu Lalpain ni tin an hnenah a teltir zel a.’
ZIRLAI - 29
TIRHNA
– CORPS A RAWNGBAWL TURIN
- 119 -
Home League Zirlai 2018
INPAWLHONA
Bible chhiar tur : I Petera 4: 7-11; Phillipi 2:1-11 “Mitinin thilpek in hmuh ang zelin Patian khawngaihna tinreng enkawltu thate angin, chung chuan rawng inbawl tawn theuh rawh u”. (I Petera 4:10)
Bible in engtinnge a sawi : Chhiahhlawh nun entirna ropui ber kan hmuh theih chu Isua Krista hi a ni. Phillipi 2:7 ah, Paula chuan Isuan chhiahhlawh nun tlawm tak a neih thu a ziak a. He leia kan rawng a bawl theihna turin mihringte angin a lo piang a. Van ropuina kalsanin Amah leh Amah a inti tlawm a. Bible-ah hmun tam takah Isuan midangte a tanpui leh rawng a bawlsakna kan hmu a, khawtlang a mi hnuaihnung leh chhumchhiate tan pawh a thawk a. Mi dangte aia sang leh pawimawh zawkah a indah ngai lo, ami tawn apiangte harsatna hmuin a tanpui zawk thin a ni. Johana 11:15 ah a zirtirte ke a sil zawhin, an hnenah heti hian a sawi a, ”In chunga ka tih ang hian, nangni pawhin in tih ve na turin ka kawhhmuh che u a ni si a”, tiin. Lal Isua’n ama nun ngeia entawn tur a lo hnutchhiah ang hian, kan tun hunah pawh hian a hniakhnung zuiin chhiahhlawh rawngbawltu nih theihna hun remchang kan zawng reng tur a ni. I Petera 4:10 thuin min hriatnawntir chu “thilpek kan hmuh hi Pathian atanga chhuak a ni a, chu thilpek chu midangte rawngbawlsak nan hman kan inpeih reng tur a ni” tiin. Chu thilpek chu keimahni’n up bet mai lovin Pathian ropui nan a tha thei ang bera hmang tur - 120 -
INPAWLHONA
Home League Zirlai 2018
kan ni. Malsawmna leh thilpek chhiarsen loh a min vur avangin midangte tih sawt nan leh tihchak nan kan hmang tur a ni. Mamawhtu an awm apianga thatho tak leh phur taka thawk zel thei turin, kan nitin nunah Thlarau Thianghlim duhna ngaichang zel tur kan ni. Philip 2:3 lo enlet leh ila: Paula’n hetiang hian a lo ziak a, “Elrel leh inngaihhlut avanga engmah ti lovin, mi tinin inngaitlawm takin mahni aiin mi dang tha zawkah ruat theuh rawh se”, tiin. Kan dinhmun sanna leh kan thuneihnate chauh thlir lovin, entawn tur Isua’n min hnutchhiah, chhiahhlawh nun nei turin mimal tinte hi Pathianin min ko vek a ni. Kan tun hun atan : Kan Corps chhunga kan rawngbawlna bikte han thlur bing ka duh a, mimal anga rawngbawlna kan neih dan te nen hian. Chawlhni zinga inkhawm a lokal te kan lo dawnsawn dan te, kan Biak In te hmuh chakawm leh fai taka a lan dan tur te, hmun thenkhatah chuan inkhawmten in mai theih tur a thingpui leh a hmeh (Cake..etc) lo buatsaih dan te, hengte hi thil thenkhat chauh a ni a, mahse heng kan sawi atangte hian rawngbawlnaa ka sawi tum te chu in hrethiam mai awm e. Mi tamtak chu mahni hnaa buai tak takte kan ni a, kartina Biak In-a hnathawh tur bituk chu harsa kan ti theuh awm e, mahse hunbi neiin a khat tawk a hnathawh turte kan siamin kan ngaihtuah thei ani. Kar khatah vawikhat tal Biakin tih faina hun a awm em? Pathianni zingah no tihfaina hun a awm em?(Corps thenkhatte - 121 -
INPAWLHONA
Home League Zirlai 2018
chuan inkhawm ban apiangin thingpui leh chhangte an buatsaih thin a, hmun hla tak tak atanga lo kal te an nih thin avangin an tan inkawmhlimna hun tha tak a ni thin a ni.) Anih loh pawhin Corps-ah lungngai thlamuan ngai an awm em? I tawngtaipui ngei a ni tih hriat nan duhsakna Card te siamin i thawn thei a, mi tu emaw lirthei khalhtu tur remchanglo tan pawh i khalh sak thei a ni. (kan tun hunah pawh hian Biak In pan nana lirthei hmang kan awm ve ta nual mai, tar chaklo leh damlo te, tin, inkhawmna In panna hlat vang hrim hrim a lirthei hman ngaite, chungmite’n lirthei khalhtu an neih loh chuan an inkhawm loh phah thei tho mai- heng mite tanpui hi rawngbawlna tha tak a ni.). Kan Corps/Kohhran a mite tanpui theihna remchang kan melh reng tur a ni. Thil lian tham tak Corps tana hlan hi a ni ber lova, rawngbawl nana kan hun tlemte kan lo hlan ve hi Corps pumpui tan hlawkna a lo ni zawk thin a ni. Chung zawng zawngah chuan Pathian hnenah ropuina leh fakna kan hlan a ni.
Sawi ho tur : 1. Kan vela mite, thiamna sang tak tak leh thilpek nei tha tak tak an nih chuan engnge ka tih ve tur - 122 -
Home League Zirlai 2018
INPAWLHONA
hriat a har hle thin, chutiang dinhmunah chuan eng thilpek nge kan hlan ve ang? Sawi ho teh u. 2. Kan corps/society hi a nihna tur ang taka a awm theihna turin eng hnate nge kan thawh ngai? Eng hna ber hi nge kan thawh ve theih le? 3. Midangte tana kan thawhna hian engang takin nge keimahni leh corps /society chhungkua-ah hlawkna a thlen?
Rawngbawl tur a inpeih in : Kan tunlai nunah hian Corps-a member-te tana rawngbawlna hun remchang melh reng ila, chumi atana phur taka thawk thei tur leh midangte hlawkna atana inpe zo theuh thei turin tawngtai ila, kan tih fo thin angin, Pathian chuan min hmangin nasa takin mal min sawm ngei ang. Mrs Pamela Hunter, IHQ, United Kingdom Territory leh Republic of Ireland a thawk chuan ( Sri Lanka Territoryah pawh rawngbawlna lo nei tawh) hetiang hian a sawi a. : “Mission Support Coordinator, IHQ-a rawngbawl tura remchanna min siamsak avangin Pathian hnenah lawmthu ka sawi a, Khawvel pum Territories-te an rawngbawlna a thiltihtheihna inphum te haichhuak tura tanpui zelin.� ZIRLAI - 30
- 123 -
INPAWLHONA
Home League Zirlai 2018
OUTTING - SPIRITUAL HIKING Bible chang chhiar tur : Sam 104:10-14 “Vante khian Pathian ropui zia a hriattir a; Boruak zau tak khian a kut chhuak chu a lantir thin a.” (Sam 19:1)
Kan thupui, ‘Outting – Spiritual Hiking’ tih hi lo sawifiah hmasa ila, pawnlama vahchhuah intihlimna, thlarau lam tana awmze neia kea fankual tihna a ni thei awm e. Picnic pawh ti ila a tha vek, kan programe duan dan kha thlarau lam tana hlawkna turin awmze nei taka duan tur a ni. Nute hi mahni inchhungkhur theuhah kan buai a, a thente phei chu chhungkaw eizawngtute niin, nitinin chhungkaw ei zawngin an buai em em a. Hengte avang hian han hawi thawven te, han intihharh te, intihhlim te, kan taksa tan te, kan thlarau lam nun atan pawh kan mamawh em em a ni. Home League lam hruaitute’n hei hi hrethiam takin ruahmanna siam sela. Tihtur : He Lesson zir hma hian hruaituten lo enlawk in ruahhmanna fel takin lo siam sela, hmun thengthaw nuam leh khawthlirna tur tha tak, senso hautak silovah inpawlhona tur lo buatsaih sela. Ephesi 2:1-10 thu hmangin mimala Pathian pawlna hun hman tur a ni : I thlarau nun zinkawngah Pathian khawngaihna athlawn a i lo chan tak mai dante, Pathian in i nuna a - 124 -
INPAWLHONA
Home League Zirlai 2018
thusawi thin te, Engtiangin nge i lo dawnsawn? Mahni in enletin, ngun taka ngaihtuah chungin tawngtai ang che. Pathian hnenah lawmthu sawina tur tam tak i nei ngei ang.
Pathian thilsiam mawi leh mak tak takte thlir chungin hun hman tur a ni: Sam 19:1, Sam 8:1-9 heng Bible chang tarlante hi ngun taka tawngtai chungin chhiar la. Thlarau lam malsawmna tam tak dawng ngei ang che. Pathian thilsiam mawi takte thlirin i bul vela hnah te, pangparte leh i hmuh theih leh khawih theihte la khawm in, ngun takin han belchiang teh le. Pathian hian a thilsiamte hi a ulukin anmahni awmdan ang theuhin mawi tak leh mak tak vekin a duang a ni. Nangmah kha han in en la, chung mawi chi hrang hrang i hmuhte ai chuan i mawi zawk a ni, Chutiang chuan Pathianin a duang che a, i ruangam a din che hian a ti mai mai lo, a uluk em em a ni tih i hmufiah thei ang.
Sawiho-na(sharing) hun buatsaih tur : Thu kualin in thil lakkhawm atang leh mahnia i tawngtaina atanga Pathianin i nuna a thusawi te, Pathian thilsiam mawi tak takte atanga i thil thlirdan lo danglam tak thu te, hlim taka inhrilhtawnna hun buatsaih tur a ni.
- 125 -
INPAWLHONA
Home League Zirlai 2018
Ei leh in turte buatsaihin hlim takin hun hman tum tur a ni a. Kan zirlaiin a kaihhruaina a siam ang lo deuh pawh nise, hlawk zawk a hman theih a nih dawn chuan programme siam mai tur a ni. Intihhlimna hunte buatsaih a ni fo thin a, hlawk zawk a thlarau lamah pawh hman a nih theih nan kaihhruaina hi duan a ni.
A hlawk leh hlimawm thei ang ber a hun hmang turin duhsakna ka hlan a che u.
- 126 -
INPAWLHONA
Home League Zirlai 2018 ZIRLAI - 31
MAHATMA GANDHI Bible chhiar tur : Habakuka 2:2, Hebrai 4:13 Nangni hi kan lehkha, kan thinlung a ziak, mi zawng zawng hriat leh chhiar chu in ni e: Krista lehkha, keimahni min ziaktir, lehkhatuia ziak ni lo, Pathian nung Thlarauva ziak zawk, lung phek a ziak ni lo, tisa thinlung phek a ziak zawk chu in ni tih chiang taka lantir a ni si a. II Korinth 3:2-3
Mahatma Gandhi piancham October ni 2-ah hian a chanchin tlem lo zir ila: Mahatma Gandhi tia kan hriat lar em em hi a hming pum chu Mohandas Karamchand Gandhi a ni. October 2, 1869 khan Porbandar khua,India-ah a lo piang a. A pa chu Karamchand Gandhi niin a nu chu Putlibai a ni. Gandhi hi a naupan lai chuan naupang zakzum tak mai leh inkiltawih tak mai a ni a. An hnam danah nu leh pa te ruahman sakin kum 13 lek anih laiin Kasturba Makanji, sumdawng fanu chu nupuiah a nei a. Gandhi hi mi huaisen leh taima, hna nasa taka thawk thin a ni a. India rama a zir zawhin kum 1888 khan kum 18 mi chauh niin England ah kal in Dan(Law) a zir a. Chumi hnuah S.Africaah hnathawk turin a kal a, S.Africa atanga a lokir leh hnu hian British awpna lakah India zalenna atan Tharum tel lo (Non-Violence) hmangin nasa takin a bei a. India in zalenna a hmuhnaah hian a sulsutu pawimawh ber kan - 127 -
INPAWLHONA
Home League Zirlai 2018
ti thei ang. Amaherawh chu vanduaithlak takin India-in zalenna a hmuh 1947 atanga a kum leh 1948 ah lungchhiatthlak takin kahhlum a ni ta a ni. M.K. Gandhi-a khan a nun kaihruaitu thupui pawimawh leh lar tak mai a neih chu “My life is my Message” (Ka nun pum hi ka thuchah chu a ni mai)tih hi a ni a. A nu Putlibai hi sakhua mi, dan ang thlapa chawngheia tawngtaina kalpui thin a ni. Gandhi pawh Hindu Pathian bia ni mahse Kristiante rinna hi a ngaihvenin Bible te pawh a chhiar nasa em em a. Lal Isua thusawite: Mathaia 5:39 “Kei erawh chuan ka hrilh a che u, Mi sual dodal suh u; i biang ding lama bengtu hnenah chuan a lehlam pawh dawh rawh” tih te hian a a rilru a khawihin a nun kaihruaitu pawimawh tak an ni a. M.K. Gandhi-a thian amah hnaih em emtu Anand T. Hingorani chuan “A thought for the day of MK Gandhi” tihah Gandhi a thusawi 688 lai a bua a tihchhuahah chuan thuhmaah ti hian a ziak a- “Bapu hi June 1946-a Poona kan inhmuh tumin, heng a thusawite hi ziah chhuaha a bu a siam ka dil a, mahse a ni chuan “Engatinge chu titaka a bua chhuah chu i chak em em le? Chhuah lo duh ta pawh ni la, ka thih hnuah i chhuah dawn nia. Hetiang hi a sawitute dam laiin an chhuah zen zen hlei nem. Heng ka thusawi ang tak hian ka dam chhungin ka awm ang tih tunge sawi thei ang? Ka thawk tawp thleng a ka sawi ang a nung ka nih chuan, chutah chauh chuan heng thu i lo chhuah dawn nia” tiin a sawi a. M.K. Gandhi hian Lal Isuan tlangchunga a thusawi atang hian he a hmingthan em em na Tharum tel lo (NonViolence) hi a dawn a ni an ti. Ringtuten tharum thawh - 128 -
INPAWLHONA
Home League Zirlai 2018
an hnial lo hi mak a ti em em thin a ni an ti bawk. Heti hian a sawi a - “In Krista hi ka hmangaih a, mahse in Kristian erawh hi chu ka ngaina lo” (I love your Christ but I hate your Christians) a ti a ni. Kristian ni a Lal Isua hnung kan zui mek lai hian “Ka nun pumpui hi ka thuchah a ni” kan ti ve thei em? Habakuka 2:2b “Chhiartuin tlan pah a, A chhiar theih khawpa chiangin Lungphek chungah ziak rawh” tih kan hmu a. Kan nun ah hian thuhruk a awm em? Tlan pah pawha an chhiar theih tur nun kan nei em? Kan nun hian thuchah a keng ve em? Ringlo mi mahin “Ka nun pumpui hi ka thuchah a ni” a tih ngam chuan kei ni Pathian nung fate hian mite chhiar tlak nun thuchah kan neih hi a van pawimawh em? Kan thlarau nun pawh in a la dai loh/hriatpui miah lo pawh huai takin kan sawi ngam si a. Kan nun zawk hian he Lal Isua thuchah hi a sawi tur a ni dawn lawm ni? Ngun takin in ngaihtuah ila M.K. Gandhi nun kaihruaitu chu Lal Isua thusawi tho a a ni. Keini amah neitute zawk hian a thuchah hi kan nunin lantir ang u. Source : wwwhistory CO.uk/biographies/mahatma gandhi
Sawi ho tur : 1. M.K. Gandhi-a thusawi “Ka nun pum hi ka thuchah a ni” a tih hian engnge a sawi tum ber nia i hriat han sawi ho teh u. 2. Habakuka 2:2 thu a, “Tlan pah pawh a chhiar theih khawp turin ziak rawh” a tih hi han sawi zau teh u.
- 129 -
INPAWLHONA
Home League Zirlai 2018 ZIRLAI - 32
IN SAWIZAWI (EXERCISE) Bible chhiar tur : I Timothea 4:7-11
Pathian ngaihsakna tur atana Taksa insawizawi a pawimawh thu Tirhkoh Paula’n a sawi a. Hei hian a tum ber chu hriselna a ni. Kawng engkimah hriselna hi a pawimawh em em a, keini Home League member-te pawh hian kan rawngbawlna kawng tinrenga thatho tak leh taima taka kan tih theih nan chuan taksa hriselna hi ngaih pawimawh a tul hle a ni. Paula’n a sawi zawm zel a, “Pathian ngaihsakna dang leh chu nunna tuna awmsa leh la awm tur pek thiamna a neih avangin kawngtin rengah a sawt a ni” a ti. He Lesson-ah pawh hian taksa hriselna tur atan insawizawi dan chi hrang hrang a takin kan zir dawn a ni. (He zirlai kan zir dawn hian sakhaw dangin exercise chungchang a zirtirna ‘yoga - meditation’ nen inzawmna a neilo a ni tih hriat tur a ni.) Tih tur : He Lesson zirtirtu tur hian a hma daihin ngun takin a lo enlawk in lo zir chiang hmasa sela, lo puan lawk ni bawk se. Tin, exercise lak theihna tur thawmhnaw (T shirt/kekawrtlawn) hak theih nise. He mi atan ringawt ni lovin kan practice zui tur atan ngun taka a tih a tih (practical) ni se. - 130 -
INPAWLHONA
Home League Zirlai 2018
1. NECK ROLLS: Nghawng tih lei tawn
Ngil taka ding in, I kun anga, veilam a tanin vawi 3 emaw vawi 5 emaw i lu i her kual emaw ti lei tawn ang.Vawi 3 5 i her zawhah, i kun leh ang a dinglamah vawi 3/5 bawk i her leh ang. 2. BIG ARM CIRCLE : Theih tawpa ban vai vir
Ngil taka ding in, i kiu thlep miah lo in, kaihza ti mar vekin, i ban hmalam zawng a pharchhuak in vawi 5 i vai vir ang.Chutia i tihzawhah chuan i ban hnung lam atangin vawi 5 i vai vir leh bawk ang, Ban thlep lo leh ngil taka ding a tih tum tur a ni.
- 131 -
INPAWLHONA
Home League Zirlai 2018
(file:///C:/Windows/SystemApps/ Microsoft.MicrosoftEdge_8wekyb3d8bbwe/Assets/WebNotes/ WebNotesContent.htm )\
3. OBLIQUES-STRETCH: Awn chunga intihmar tur
Ngil leh nghet taka dingin, i kawngah dawm la, i kut ding lam kha i lu lamah phar chhovin veilam ban tum la. I nakthla in na a hriat thleng han phar mar la, khatiang chiah khan i kut veilam in han ti veleh la, vawi 5 ve ve tih i tum dawn nia. (file:///C:/Windows/SystemApps Microsoft.MicrosoftEdge_8wekyb3d8bbwe/Assets /WebNotes/ WebNotesContent.htm )
4. HIP CIRCLE EXERCISE: Khel bawr sawizawi
Nghet taka ding in i kawng dawm la, dinglam atanga tan in I kawng leh mawngbawr chu Circle(bial) kual lian tak - 132 -
INPAWLHONA
Home League Zirlai 2018
siam in vawi 5 han her kual la, chutia i tihzawh ah chuan veilamah vawi 5 i ti leh dawn nia. 5. BEND OVER TWIST: In vial zawng a kuai kun
Ke kak a dingin zau taka kar in i ban phar la, i ban dinglam in veilam kheimit kha va tawh tum la, khup thlep lo kaihza mar taka tih hram tur a ni. I kheimit i tawh zawh chuan ban phar chungin ding leh la, i ban veilamin i dinglam kheimit kha va tawh tum leh ang che. Hetiang hian vawi 5 tal tih tum leh bawk tur a ni. (https://www.spotebi.com/exercise-guide/bent-over-twist/)
6. HIGH KNEES EXCERCISE: Khup tihkan
Ngiltaka dingin hmalam ngil taka en tur a ni. Tlan ang maiin I awmhmunah I ke chu sang tak taka khaiin, a theih hram chuan i khup chu I kawng aia sangin i khai - 133 -
INPAWLHONA
Home League Zirlai 2018
kang anga, chutiang chuan vawi 10 tal i chhiar chhungin awmhmunah tlan ang a tih tum tur a ni. (https://www.spotebi.com/exercise-guide/high-knees/)
7. QUAD STRETCH EXERCISE: In tih fan
I ke ding lam chu i hnunglamah i la chho ang a, i rihna zawng zawng i ke veilamah dah i tumin, i kevei lam chu i din nan i hmang ang. I ke ding lam chu i mawngnen a insi thei tur a nem beh i tum ang a, a inpawhna thakham leh na i hriat thleng i nem ang. Hetiang chiah hian vei lam pawh i ti ang a, vawi khat ve ve tih tur a ni. (https://www.spotebi.com/exercise-guide/quad-stretch/)
8. BICEPS STRETCH: Hnung lam leh hmalama mar taka kut suih.
Ngil taka ding in i kut hnungsuih la, ngil taka i kut chu i tihmar hnuah i kut chu chunglamah nawr chho la, i lu - 134 -
Home League Zirlai 2018
INPAWLHONA
chu alo kun pha ang a, I kaihza thlep miah loin second 10 emaw 20 tal awm i tum dawn nia. (https://www.spotebi.com/exercise-guide/biceps-stretch/)
9. SQUAD: Sipai insawi zawi.
Ngil taka dingin i ban ngiltakin hmalamah phar la, kawng leh hnung tih kul loh tur a ni. Zawimuang in char a thu tur ang maiin ban phar chung chuan i thuhniam ang a, a muang thei ang ber kha a tha hlei hlei a ni mai. Thut hniam hian kun miah loh in, leh hnungzang pawh tih kul miah loh tur a ni. Kan mal a zawl phei hunah zawimuang in kan ding chho leh ang, uluk taka vawi khat tih atawk. (http://www.foraywhile.com/simple-cardio-exercise-to-lose-4-kgs-injust-2-weeks/#ixzz4p9hxv6eH)
10. ANKLE CIRCLES: Kheimit sawizawi
- 135 -
Home League Zirlai 2018
INPAWLHONA
Ngil taka dingin i kawng dawm la, i ke dinglam khai chhuakin i kephah chu ding lamah vawi 5 her kual la, veilamah vawi 5 bawk her kual leh ang che. Chutiang bawk chuan i ke veilam khai chhuakin, i kephah chu ding leh veilamah vawi 5 her kual veleh bawk ang che. (https://www.spotebi.com/exercise-guide/ankle-circles/)
ZIRLAI - 33
THINLUNG THA FAMKIM Bible chhiar tur : Sam 101:1-8 “Ka inchhungah thinlung tha famkim puin ka awm ang.” Sam 101:2b
Thuhma: Home League thuvawn Bible chang innghahna kan zir dawn a, General Frederic Coutts chuan Home League dinhmun tihian a sawi, “Home League chu chhungkaw hlim, harsatna tellova chhungkaw thar lianpui dintu a ni. Thawhpuite leh thenawm khawveng kara indaidanna leh inhriatthiam lohna bang thiat a, chungho chu thian thaa siamtu a ni” tiin. Heta chhungkua tia a sawi hi, mimal chhungkua tihna ai mahin, ringtu chhungkaw nu theuhte inpawl khawm sawina pawh a ni thei ang. Home tih chu in tihna ni lovin chhungkua tihna a ni a, League tih chu inzawmkhawm emaw pawlho tihna emaw a nih a vangin. He bungah hian chung chu kan zir dawn a ni. Home League thuvawn chu: - 136 -
INPAWLHONA
Home League Zirlai 2018
Kan thuvawn (motto) ah Sam 101:2b IHQ (International Headquarters) in an lo thlang hi keini Home League member-te tan hian a van pawimawh em! ”Ka in chhungah thinlung tha famkim puin ka awm ang” - he changah hian “thinlung tha famkim” tiin kan Bible-ah dah a ni a. New International Version (NIV)-ah chuan “blameless heart” “thinlung sawiselbo” tihna emaw a ni a, tin, Good News Bible (GNB)-ah chuan “Pure life” “nun thianghlim,sual kai lo” tihna a ni. GNB lehlin hi IHQ hian a hman chu a ni a. heng zawng zawng kan en hian tum thuhmun vek chu a ni a, ka inchhungah thinlung tha famkim, thianghlim, sualkailo, sawiselbo thinlung puin ka awm ang tiin kan sawi thei awm e. Sam 101-na hi a bung puma kan chhiar chuan Lal Davida hian a thiltum rilruk/chik taka a ngaihtuah, a thinlung atanga thil thalo thehchhuah duh a, a intiamkamna a ni a. Ama mimalah tlinga a ngaihchin a intiamkamna te a nemnghehna a ni. Pathian chu hmangaihna, danglam ngailo, rinawm, rorelna dik leh fing taka thutlukna siam thin, chawimawi leh fak phu a ni tih chiang takin a tarlang a ni. Lal Davida intiamkamna thu kan chhiar hian, kei ni Home League member-te pawh hian tihtur/intiamna turte tam tak kan nei a ni. Chungte chu hetiang hian sawi ila: 1. Thil tha lo reng reng mithmuhah dah loh tur. 2. Kal pengte (mi bawlhhlawh, tlaktlailote) thiltih huat tur. 3. Thinlung luhlulna kalsan. 4. Thil sual reng reng hre lo. - 137 -
INPAWLHONA
Home League Zirlai 2018
5. Vengte a ruka rel loh tur. 6. Mi sang leh thinlung chapo pute ngaihtheih loh. 7. Rinawmna neih. 8. Mi bum loh tur. 9. Dawt sawi loh tur. Vawikhat chu kan rawngbawlna-ah In (Quarters) thar hlak hi kan luah dawn a. A hawnna program siamin kan Territorial Commander chawl ta, Commr. Lalngaihawmi’n tawngtaina-in a hlan a, a tawngtai lai chuan ka thinlungah Pathian-in kan thupui “Thinlung tha famkim” tih thu hmang hian chiang deuh maiin min rawn bia a. Chu thu chu, inchhungkhur ka enkawlna leh ka pasal fanau te tana ka mawhphurhna tinrengah Pathianin ka tihtur atana thu min pek, nitina ka tih hlawhtlin turte chu min hriatfiah tir a, Lalpa chungah lawmthu ka sawi a ni. Kan inchhungah mai ni lovin, kan rawngbawlnaah te, kan nitin hnathawhnaahte leh kan thenawm khawvengah te pawh, Home League innghahna thupuiin a tum, “thinlung tha famkim” put chu kan nihna tur a ni. Chutiang thinlung pu thei tur chuan, nitin Pathian hnena kan inhlan reng thin a ngai a ni. Heng thilthalo chi hrang hrangte, mahni pawh inthunun hman miah lova kan chunga harsatna lo thleng thut lakah pawh tha famkima kan awm theih nan kan hmantur ralthuam kan nei a ni. Chu ralthuam chu Paula’n tihian min hrilh, Ephesi 6:11-18-ah, “Diabola ngamthlemna in do zawh nan, Pathian ralthuam famkim chu la rawh u, in kawng chu - 138 -
Home League Zirlai 2018 thutak a hrengin, felna awmphaw chu ha in, remna chanchintha inbuatsaihna chu in ke a bunin… Chhandamna lukhum leh Thlarau ngunhnam (Pathian thu) la in, tawngtaina leh dilna tinrengin enghunah pawh Thlarau a tawngtaiin…ngaihven rawh u” tiin. Kan chhungkua bakah Home League inpawl khawmnaah, “Thinlung tha famkim” pu tur hian nitin kan nun hi i hlan ang u. Sawiho tur : 1. Home League thuvawn “Thinlung tha famkim” put theih nan hian engtiangin nge nangmahah hma i lo lak ve tawh, i sawiho teh ang u. 2. Home league member-te ah he kan thupui tidik tur hian engtiangin nge kan hriattir (aware) ang tih sawiho ila.
Changvawn : Philipi 4:12 “Tlawm taka awm dan ka thiam a, hausaa awm dan pawh ka thiam bawk a; thil tinrengah leh thil zawng zawngah tlai leh riltama awm dan, hausa leh tlachhama awm dan thuruk chu ka hrechhuak tawh. Mi tichaktuah chuan engkim ka ti thei a ni.”
- 139 -
Home League Zirlai 2018
ZIRLAI - 34
THIANGHLIMNA - VAIHLO LEH A KAIHHNAWIH Bible chhiar tur : I Thesolonika 5:23-28
Thuhma: Chhandamna Sipai Pawl Thurin 10-na : Ringtu zawng zawngte vanneih bikna chu, an puma tihthianghlima awm theihna hi a ni tih kan ring a, An thlarau leh an rilru leh an taksa chu, kan Lalpa Isua Krista lo kal hunah, sawisel bovin, a puma humhimin a awm thei tih kan ring� tiin kan thurin puan chhuahna kan nei a. He zirlaiah hian chung kan rilru leh thlarau tibawlhhlawh thei thilte chu kan zir leh dawn a ni. Chhandamna Sipai Pawl-in a duh lohte: Chandamna Sipai Pawl chuan taksa tibawlhhlawh thei thil chi hrang hrangte hi a do a ni. Chhandamna Sipai Pawla Sipai chuan, taksa, rilru, thlarau min bawi thei ruihhlo chi hrang hrangte hi a dova, heng, vaihlo leh - 140 -
Home League Zirlai 2018 ruihtheih thildang hmuamte, eite, zawrhte leh tihlarte hi engti kawng mahin a duh lova ni. Hemi kawnga sorkar leh danin hma a laknate hi a thlawp zel a ni. Vaihlo hman that lohnate: A bik takin vaihlo leh a kaihhnawih hmanna hi ruihhlo dang nen a in zawm tlat avangin, Chhandamna Sipai naupang, thalai leh puitling tawhte hnenah vaihlo hman thatlohna hrilhhriat zel hi Chhandamna Sipai Pawl thil tum a ni a, chuvangin,vaihlo leh ruihhlo dang dona Sunday bikte siam a ni a. Chhandamna Sipai te hian tul lova sum/tangka khawhralna hi a duh lo a. Chutiang laka invawng tur chuan min fuih reng a ni. Vaihlo hmanna pawh hi taksa leh nunna atana thil mamawh ni hauh lo, mihringin a duh chawp, a titu tana chhiatpui theih leh min bawih theitu a ni a, chumi atana a sum senral hi tha a ti lo a ni. Vaihlo hman in taksa a nghawng : Vaihlo hman hian taksa-ah nghawng tha lo tak tak a nei a ni tih hi engtiklai pawh a kan inhrilh nawn fo hi a pawimawh hle mai. Mithiam-te chuan ruihtheih thil chi hrang hrang kan tih thin te hi a lo luhna kawngka pui ber chu vaihlo hi a ni an ti a. Pathian in a duhtaka a din leh a duante kan ni a, amaherawh chu keimahni bawk hian kan tichhe thin a ni. Vaihlo hman hi Lung tan hian a pawi em em a ni tih mithiamte chuan an hmuchhuak a: Lungphu rangte, B.P sang te, thawhah te, chaklohna te a siam thei. Tin, thawkna dawt a khawih pawi thei em em a ni. Vaihlo a tur awmte hian Cancer a siam thei a ni tih hmuhchhuah a lo ni leh zel bawk a. Heng avangte hian - 141 -
Home League Zirlai 2018 kan taksa tana thil tangkai lo hi keini Chhandamna Sipai Thianghlim-na Thurin a nei te hi chuan bansan ngam ila. Thil pawi em em a kan lo ngaih loh thin, mahse taksa tana pawi em em chu heng Gutkha product-ho Sikhaar te, Sheetal, Soni, Tiranga leh a dangte. Heng ho hian natna mihring taksa-ah a thlen nasa em em a ni tih mithiamte chuan an hmuchhuak a; chungte chu; Chuap ro, TB, lung na, ngaihtuahna ti chak lo, naupang thang tha thei lo, mut that theih lohna, thazam (Nerve) tha lo, luhai, nikhaw hrelova tluk mai te, Pumpui leh ril natna te a thlen a, pumpui te pawh a ti pawp thei hial a ni. He thil thalo tak hian chhungkaw tinte min eichhe mek a, kan inchhungah pawh a thatloh zia hi nasa taka kan inzirtir a pawimawh takzet a ni. A chunga tarlan atang pawh khian heng ruihtheih in kan taksa a nghawng dan leh kan nihna leh awmdan tur chu chiang takin a lang thei a ni. Kan Bible chang tarlanah leh kan Thurinin a puan chhuah-ah hian an puma tihthianghlimin a awm thei a ni tih kan ring a. Nimahsela heng ruihhlo chi hrang hrang hian kan ti bawlhhlawh leh thin. Pathian chenna hmun thianghlim, Pathian lawm tlak ni tura hlan, Pathian thianghlim anga thianghlim tura kohte kan ni si a. 1 Korinth.3:16-17-ah Tirhkoh Paula chuan ti hian a ziak a,�Pathian in in nih leh Pathian Thlarau nangmahniah a awm reng tih in hre lo vem ni? Tupawhin Pathian in chu a tihkhawloh chuan chu mi chu Pathianin a tikhawlo vang; Pathian in chu a thianghlim si a, chu in chu nangmahni in ni e.� Kan rin Pathian hian a ti mai mai dawn lo, a thutiam hi a hlen ngei ang. Pathian Temple - 142 -
Home League Zirlai 2018 thianghlim, Thlarau Thianghlim chenna tlaka buatsaih tur kan ni si a, ruihtheih thil kan taksa tan a tangkaina nei miah lo hian i ti bawlhhlawh lo ang u. I Korinth 6:19-ah “A nih leh, in taksa chu, in chhunga awm Pathian hnen atanga in hmuh Thlarau Thianghlim in a ni tih in hre lo vem ni le? Mahni ta pawh in ni lova, mana lei in ni tawh a sin, chuvangin in taksaah chuan Pathian chawimawi rawh u.” Kan Lalpa Isua Krista’n a thihna leh thawhlehna in min lei chhuak tawh, chuvang chuan mahni ta pawh kan ni tawh lo asin. Hawh u, Chhunglam leh Pawnlam thianghlimna hi ngai pawimawh ila, kan rawngbawlna kawngah theihtawp i chhuah zel ang u.
Sawiho tur : 1. Khawtlang huap angin engtinnge heng vaihlo leh a kaihhnawihte tirem tur hian hma kan lak ang? Sawiho ang u. 2. Heng ruihhloin a khawih pawi kan zirlaiin a ziahlan lohte sawitlang ila. 3. Kan inchhungah engtinnge kan do ang? Sawi ho bawk ila. 4. Anti-Smoking Sunday kan neihte hi engtinnge hlawk zawk a kan hman ang tih sawiho bawk ila.
Chang vawn: - 143 -
Home League Zirlai 2018 I Korinth 6: 12 “Thil engkim tih ka tan a thiang a, nimahsela thil engkim tih a tha kher lo; thil engkim tih ka tan a thiang a, nimahsela eng bawihah mah ka inphal lo.”
ZIRLAI - 35
MALSAWMNA – LEI LEH VAN LAM MALSAWMNA Bible chhiar tur : Ephesi 1 : 3
Thuhma : “Malsawmna” tih kan han hmuh mai atang hian kan thinlungah leilam malsawmna, hriselna te, hausakna te, hlawhtlinna te a lo lang nghal mai awm e. Sam 73-ah Asapha fakna kan chhiar chuan Mi suaksualte vanneihzia te, chapo taka awmin, thinlung thu duhsam aia nasa an nei a, nuamsa taka awmin an lo hausa deuh deuh si a, heng ang mite a hmuh in, Chhun leh zana Pathian tana inserh hranga Pathian rawng a bawl dante a khaikhin a, a rinna pawh a tleu lek lek a ni tih a sawi a. Amaherawh chu atawpah chuan Lalpaa innghah a hlutzia hriain “Kei atan erawh zawng Lalpa hnaih hi a tha a ni” a ti thei a, tun zirlaiah hian Lei malsawmna leh van malsawmna kan zir dawn a ni. Malsawmna chu : Malsawmna han tih hian leilam malsawmna leh vanlam malsawmna in han then ta ila. Mihring theihna - 144 -
Home League Zirlai 2018 hian tawp chin leh tihtheih chin a neih avangin, a malsawmna petu erawh chu Pathian a ni. Pathianin mihringte a siam in “tha a ti hle a” tih a thuah kan hmu a. A malsawmna pawh hi thu an awih leh awih loh avang pawh ni lovin mihring te tan hian a ui lo em em a ni. Amaherawh chu, a thuawih lo hnena a malsawmna pek dan tur Pathianin a sawi chu ‘rim taka hnathawh’ a ni. Genesis 3:17-ah Pathianin Adama hnenah, “ I dam chhung zawngin rim taka thawkin a rah i ei tawh ang,” a ti. Hei hi leilam malsawmna dawn dan chu a ni. Ringtu leh ringlote pawh a dang chuang lo. Lei lam malsawmna chu taima tan a ni. Lei lam malsawmna chu finna, thiamna leh remhriatna a dawn chi a ni: Hetiang mite hi chuan ngaihtuahna leh remhriatna hmangin malsawmna an zawng a. Chutiang mite chu kan hmu in kan hre thei awm e. Kohhran a inhmang tak takte aimahin Pathian lam reng reng hawi lote pawhin malsawmna an dawng tam em em tho mai a ni. Lei lam malsawmna chhungkua-ah : Leilam malsawmna dawng tur hian ringtu kan ni emaw nilo emaw chhungkaw inenkawlna tha a pawimawh hle. Kan velah hnamdang chhungkaw khawsa thei tak tak, in tha leh eizawnna ngialnghet tak tak an awm, chungte chu chhungkaw tangrual, fate pawh sum khawhral mai mai lo an ni duh khawp mai. Lal Isua hrelo mahse, an lei malsawmna dawn avangin mi ropui tak an ni thei. Leilam malsawmna dawng tur chuan thawhrim a - 145 -
Home League Zirlai 2018 ngai a. Ringtute’n leilam malsawmna kan dawnte chhiar thiam a pawimawh khawp mai. Ringtu malsawm dawnna chu vanah a ni : Malsawmna kan han tih hian leilam malsawmna kan hmuh mai theih hi kan rilruah a awm duh zawk fo. Kan tawngtai pawhin leilam malsawmna hmuhtheih hi kan rilru a awm thin chu a ni. Mite tluk loh hlauhna te, mahni inkhawngaihna te, kan fate hlawhtlin loh hlauhna te avangin kan buai fo thin, Pathian pawh kan au tam, kan Pathian biak tamna a nih phawt chuan chu chu a tha em em si a. Mathaia 6:33 ah Lal Isuan lungkham luat a sawt loh thu min zirtir a, “A ram leh a felna zawn hmasa rawh u, tichuan chung zawng zawng chu a pek belhchhah dawn che nia”. a ti a ni, keini erawh chuan pek belh hi kan lungkham ber a ni si a. Ringtute kan vanneih em em na chu : Leilam malsawmna mai piahlamah van malsawmna kan tan daha a awm hi a ni. Matthaia 13:11-ah Lal Isua’n “Van ram thuruk chu nangni hriat zawng phal a ni a, anni hriat erawh chu phal a ni lo” tiin min zirtir. Ringlo mite chu he leiah lo vannei thur thur mah sela, keini erawh chu van malsawmna kan tan buatsaih a nih hi a van ropui tak em! Chumi chang thei tur chuan Lal Isua hnenah kan intukluh a chunglamin hmingthar min pek a ngai. Genesis 32:28-ah Jakoba hnena Pathianin hmingthar a pek ang khan, keini pawh Krista thihna leh thawhlehna hriatpuia hmingthar pek kan ni. Ephesi 1:3ah Tirhkoh Paula’n “Kan Lalpa Isua Krista Pathian leh Pa - 146 -
Home League Zirlai 2018 chu fakin awm rawh se, Ani chuan van hmunahte khian Kristaah chuan thlarau lam malsawmsakna tinrengin mal min sawm a” tiin malsawmna awmna hmun chu min zirtir a ni NANG MALSAWMNA NI ANG CHE. Sawiho tur : 1. Tuarna phena malsawmna awm hi engtiangin nge ringtute hian kan haichhuah ang? Sawiho teh ang u. 2. Luka 6:38 hi ngun takin chhiar ula..Engnge min zirtir ber nia kanhriat sawiho teh ang u.
Chang vawn : Genesis 12:2,3 “Tichuan, chi ropui takah ka siam ang chia, mal pawh ka sawm ang chia, i hming ka ti ropui bawk ang; tin,nang malsawmna ni ang che; tin, malsawmsaktu apiang che chu mal ka sawm ang a, anchhe lawhtu che chu anchhia ka lawh ang: nangmahah chuan leia hnam tin an la thawveng ang” a ti a.
- 147 -
Home League Zirlai 2018
ZIRLAI - 36
TIRHNA – THENAWM KHAWVENGA RAWNGBAWL TURIN Bible chhiar tur :
Luka 10:25-37
Nangmah i in hmangaih angin, i vengte pawh i hmangaih tur a ni. (Marka 12:31)
Bible in engtinnge a sawi : Samari mitha tehkhin thu hi hmangaihna chungchang sawina vek a ni a. Hmangaihna chuan sakhuana emaw khawtlanga a dinhmun emaw nghahchhan engmaha hmang lova mi a hlutna hriatna hi hmangaihna chu a ni. He tehkhin thu hi Lal Isua leh Dan hremi (sakhaw dan zawm that avanga felna hlawhchhuah theih tura ringtu) nena inbiakna a ni. Isuan Dan hremi zawhna hrilhfiah tur hian tehkhin thu a hmang a. Tunge ka vengte chu? He thu ‘vengte’ (neighbour) tih hi Grik tawnga a awmzia chu ‘Tu emaw amah hnaihtu’ (Someone who is - 148 -
Home League Zirlai 2018 near), Hebrai-ah chuan” Thawhpui/kawppui/ inzawmkhawm´(association with)tihna a ni a. Engpawh hmangaihna diktak atanga thiltih nilo chuan Pathian kha a tilawm kher lo ang, chuvang chuan mi tupawh Pathian hmangaih tura beisei a ni. “Lalpa i Pathian chu i thinlung zawng zawngin, i thlarau zawng zawngin, i chakna zawng zawngin i hmangaih tur a ni”. (Luka 10:27) He Pathian thu changah hian khualzin pakhat tuemaw Jerusalem atanga Jeriko a panlai a suamhmang a tawh dan chanchin a rawn tarlang a, chutah chuan suamhmangte chuan thi lek lekin an kalsan a. He kawngah hian amah chauh hi zin a nilova, midang pathum te pawh a sawi tel a ni. Pakhat chu puithiam tuemaw sakhaw thila tihtur nei a ni a, ngaihtuah miah lovin khawngaihna pawh lantir chuang lovin a kalsan ta mai a, a chhan chu templeah a tihtur/hna avanga hmanhmawh a ni a . Levi chi a miin chu kawng chu a rawn zawh leh a, ani pawh sakhaw serh leh sangin a phuar ve tho a ni a, mihring thisen a va khawih khan a tihtur (duty) ti theilo a intih bawlhhlawh a hlau a ni mai thei, anih loh pawhin Temple-ah a tihtur tih ngei ngei ngaiin a lo nghak a, chumi ti hlawhchham tura chhiatpalh pawh huam a thiltih kha a duh lo a ni ang. Midang pakhat Puithiam leh Levia chi pawh ni lo piantirh ata Juda pawh ni ve lo chuan a khawngaih tlat a, hliam tawk chu a pan a, a hliam a tuam a, a pemah hriak leh uain a leih a, a sabengtung chungah a chuantir in khualbukah enkawl turin a hruai a. Hei hi hmangaihna diktak tarlanna a ni; thinlung, chakna, rilru zawng zawng a hmangaihna a ni. Rilru leh thinlung zawng zawnga khawngaihna lantir hi hmangaihna awmzia chu a ni. - 149 -
Home League Zirlai 2018 Samari mi hi he a zinkawng thui tak azawh lai hian amah pawh a chau ve ngei ang; mitthi mek a chhanchhuahna khan thinlung zawng zawngin a hmangaihna a lantir a, hei hian kan Lalpa Isua Krista’n Kraws-a a lantir khawngaihna kha a entir a ni. Hmangaihna tih hi thumal tlanglawn tak a ni a, mahse an hmang sual fo thin. Kan Lalpa Isua kha, Amah hmangaihna anih angin hmangaihna chungchang a sawi a – ”Agape”(Hmangaihna mak leh zau) – Dan hremi hnenah khan a sawi a. Samari mi kher kha nilo mahse khualzin tawhsual tawktu nunah khan danglamna a awm tur a ni lo, He tehkhin thuah hian sakhaw mi chuan hliam tuar a hmu a, tanpui a ngaih hun takah a ngaihsak lova, chu hliamtuarpa nen a hnamzia inanna nei miah lo Samari mi chuan a nun a chhanhim sak ta zawk a ni. Hei hi a dik a ni, Tirhkoh Paula chuan I Korinth 13:4-5- ah hmangaihna chungchang a ziak a, “Hmangaihnain a dawhthei a, ngil a nei bawk thin; hmangaihna in a itsik lo va, hmangaihna a infak lo va, a uang lo va, a che mawi lo lo va, mahni hma a sial lo va, a thinur duh lo va, sual lamah a ngaihtuah lo va” heng thil zawng zawng hi he Samari mi nungchangah hian kan hmu a. Hmangaihna chu thiltihin a lantir a, tin, a enkawlna tur ala tumsak zui zel a ni. Kan nitin nunah : Isua zuitu kan nih angin hetiang anga hmangaihna a tihlan ang hian midangte hmangaih ve turin min beisei. Inhlan ral chunga a hmangaihna lantir khan nun awmze famkim a kha kan lo chharchhuak thei dawn a ni. “Mihringin a thian aia a nun a paih a liam a hmangaihna nasa zawk tuman an nei lo” (Johana 15:13) tih kan hmuh - 150 -
Home League Zirlai 2018 angin kan velah hian hliam tam tak an awm – taksa hliam mai nilo, mi tamtak chu thinlung na - he khawvela chhungkua leh kan vela thilthleng avangte – chhungkaw kehchhia, sum leh pai/retheihnain a tlakbuakte, natna in a tihbuai te sawi tur tam tak a awm…. thinlung lam a buaina/manganna nei chhanchhuahna tur atan a duhthlantur nei lote , nitin zantina an phurrit avanga rum thinte. Mahse, he chang a tidamtu ropui thu hian mitin min sawm a “Nangni thawk rim leh phurrit phur zawng zawngte u, ka hnenah lo kal ula, keiman ka chawlhtir ang che u” (Mathaia 11:28). Mi tamtak harsatna/ hun khirh tak tak paltlang mekte leh thlamuantu tlachhamte an awm a, chutiang anga lungngaihna tuar mekte tana an tawrhna ang hriatthiampuina chu thil pawimawh tak a ni. Asia ramah hian an mamawh phuhrukna tur hmu lova tap te hi atam ber chu hmeichhia an ni. Midangte hmachhawn turin huaisenna kan nei thei ang em? Anmahni zinga kan tel ve theihna turin, hnam avanga daidannate paihin, Pathian anga siam kan ni tih an inngaihtuah ve theihna tur leh awm nuam taka an awm theih nan chutiang nei tura anmahni hruai chu kan tihtur a ni. Dan hremi chuan thenawm khawveng chu laichin hnaivai emaw thiante mai nilovin tupawh khawi hmuna mi pawh hi an ni tih kha a hmuhchhuah chu a ni.
Sawiho tur :
- 151 -
Home League Zirlai 2018 1. Mikhualte rawngbawlsaktu Bible-a i hmuhte kha han zawng la, mikhualte leh thenawmte hmangaihna lantir tura kaihruai thei tur che han zawng chhuak teh. 2. Eng ang hmangaihna hi nge khawvelin a hriat lar? Chu chu engtiang in nge thlak theih a nih ang, Entir nan : Pathian hmangaihna nena i chenna hmunah te hian. 3. Pawl hranga insiam sawiho ula, hmangaihna hi sawi lar ni mahse engang hmangaihna hi nge Kohhran chhunga awm lo ni a i hriat.
Rawngbawl tura inpeihin : Isuan Dan hremi hnenah “Nang pawh chu ang bawk chuan va ti ve rawh� (Luka 10:37) tiin a hrilh a, kan vela hian hliam tuar leh hrehawm tuarte hmuh hi thil harsa a ni lo, a chhan chu kan chenna hmun a thil hmuh tam ber an lo nih tawh avangin. A malin emaw huhovin emaw anmahni thlamuan turin, khawngaih a lainatin, an tawrhna hriatthiampui turte leh an lungngaihna ata chhanchhuak turin kal ho ang u, i che chhuak ang u. Hnamzia avanga indaidanna te hnawt bovin rinnain i pen chhuak ang u. Lalpa tana thiltha tih hian malsawmna a thlen let si thin a. Lieut-Colonel Rajam Daniel, India South Eastern Territory atangin India ramah Division leh THQ ahte Training
- 152 -
Home League Zirlai 2018 College leh India National Secretariat ah te a lo thawk tawhin : “Territorial Secretary for Women’s Ministry, India Northern Territory ka nih ang in ka thinlung zawng zawnga ka duhber chu nitina ka mi tawnte hmangaih a rawngbawlsak hi a ni.” a ti.
ZIRLAI - 35
MARI LEH MARTHI Bible chhiar tur : Luka 10:38-42
Thuhma: He zirlaiah hi chuan Mari leh Marthi-te chanchin kan zir dawn a, mahse, a taka lemchan tawi (skit)-in kan zir dawn a ni. An chhungkaw dinhmunte leh Lal Isua thian an nihna tarlang thei turin inbuatsaih ila. Tin, chumai ni lovin, Lal Isua hmangaih viauva inngai si, amah Isua ngaihsak aia tisa lam thil buaipui zawk ringtuah hian a awm theih zia tihlan tum bawk ni se. Chanchin Tha Johana ziakah chuan heti hian a inziak a: Mari leh a laizawn Marthi leh an nutapa Lazara-te chenna chu Bethani khua a ni a. Hemi te unaua Mari hi Lal Isua kea hriak rimtui spiknard hriak chulh a, a sam a Isua ke hrutu kha niin Chanchintha Johana hian a ziak(Johana 12:3). Lal Isua thian hnaivai leh amah hnaih - 153 -
Home League Zirlai 2018 taktute an ni tih kan hre thei a. Lal Isua hian Mari, Marthi leh Lazarate unau hi a hmangaih a, anni pawhin an hmangaih bawk a, an nutapa Lalzara a damloh pawhin Lal Isua hnenah “ Lalpa ngaiteh, i hmangaih kha a dam love” tiin mi an tir a ni. Lazara chu a thi ta a, Lal Isua’n Lazarate awmna Bethani a lo thlen khan Marthi chuan Lal Isua hnenah “ Lalpa hetah awm ni la chuan ka nuta a thi lo tur” tiin pangchang takin a bia a nih kha. Lazara thih thuah hian Lal Isua meuh pawh a thinlungin a rum a, kan Pathian thu chuan, “Isua a tap ta a” tiin a sawi a ni. Heng atang hian kan Pathian thuah, hemite unau chanchin hian hmun pawimawh tak an luah a ni. Kan changthlan Luka 10:38-42-ah hian ringtute tana thil pawimawh tak tak a inzep a, chu chu hmuh chhuah tumin lemchan tawi (skit) angin entir ila: Tih tur : Zirlai hruaituin mi pasarih emaw aia tam pawh Home League member inkhawmte atangin thlang chhuak sela, Lal Isua leh a zuitu tur leh Mari leh Marthi lema chang turin, hetiang hian a lema entir tur a ni ang : (Mari leh Marthi lem a changte platform hmaah inhlat deuh hlekin awm se, Mari chu amahin lo thu se, Marthi erawh chu mikhualte chaw eitur buatsaih ang takin lo buai se. Chutia an lo buai lai tak chuan Lal Isua leh a zuitute kawngka pui lam atangin an lo kal ang.
Lal Isua : Kan hmaah sawn khaw pakhat Bethani an tih a awm a, chutah chuan kan kal ang. A zirtir : Zirtirtu, chutah chuan tute nge cheng,? - 154 -
Home League Zirlai 2018 Lal Isua : Thian tha tak tak unau ka nei a min hmangaiha, kei pawh in ka hmangaihte an ni. A zirtir : Lalpa chu mite chu kan hmu ve chak hle mai a. (An thleng ta a, Mari’n a lo lawm a) Mari :
Lalpa in lo thleng ta maw, ka van lawm em, hetah hian thu rawh u.
(Lal Isua leh a zirtirte an thu a) Marthi :
(Tui intur rawn pek pahin) Lalpa in hah awm si a tuite hi in rawh u.
(Marthi chu eirawngbawlin a buai leh nghal char char a) Lal Isua : (Hetah hian Lal Isua thusawi engngemaw thlan chhuah a, anmahni hrilh anga lantir nise. Mari chu Isua ke bulah thusawp sela, nguntaka a thusawi ngaithla anga lan tur a ni.) (Hemi chhung hian Marthi pawh rawngbawlin lungawilo tak hmel pu siin a lo buai em em a) Chumi hnuah chuan Lal Isua hnenah Marthi a lo kal a. Marthi:
(Thinur takin) Lalpa, ka laizawnnu Mari hian keimah chauh rawngbawl tura min thlahthlam hi pawi i ti lo vem ni? Min pui turin rawn ti rawh khai.
Lal Isua : Marthi, Marthi, thil tam tak i ngaihtuah a, i buai a nih hi: Thil pakhat chauh a pawimawh - 155 -
Home League Zirlai 2018 e; Marin chan tha chu a thlang a, chu chu laksak tur a ni love”. (Khati zawng kha lemchan entir nise, zirlai hruaituin zirlaite zir zawm leh nise) Kan rawngbawl chhan ber Chanchin Tha Lal Isua nena inzawmna nei lo hian thui tak a kal theih, midangte phut leh buai leh hah reng rengin rawng kan bawl thei. A pawimawh ber chu Lal Isua nena inzawmna tha neih a Amah nena lendun hi a ni. Chumi nei chung chuan kan Pathian rawng kan bawl thei. Mari leh Marthi ten Lal Isua an ngaina in an hmangaih em em a, ani pawhin a hmangaih em em a ni. Mari chuan Lal Isua thu leh hla a ngaihthla phawt a ni.
Sawi ho tur : He lemchan tawite i thlirah hian ngun takin i thlarau nun leh i rawngbawl tawhna te han in thlir let la Tu zawk hi nge i nih? Mari nge Marthi? Engvang nge sawiho teh ang u.
Changvawn : Luka 24:29 “Kan hnenah awm ta che; khua a tlai dawn ta a, ni pawh a tlak dawn tawh hi”, an ti a. Tichuan, an hnena awm turin a lut ta a. - 156 -
Home League Zirlai 2018
ZIRLAI - 38
KRISMAS - MIFINGTE Bible chhiar tur : Mathaia 1:18-24, 2:1-12 “Tin in chhung ah an va lut a, a nu Mari hnena naute chu an hmu a,an bawkkhup a, chibai an buk a: tin, an ro bawmte an hawng a, a hnenah chuan lawmna rangkachak te, beraw te, murra te – an pe a”. (Mathaia 2:11)
Thuhma: Krismas chungchang han zir ngawt mai chu kan ti mai thei. Mahse zir chhuah tur pawimawh tak kan nei a, chumi tinzawn chuan zir i han tum teh ang. Lal Isua pian hma kum 700 velah khan Zawlnei Isaia hnenah Lalpa thu a lo thleng a, nula thianghlim pakhat a rai ang a, fapa a hring anga, a hmingah Immanuela an sak tur thu leh chu nausen lo piang chuan rorelna zawng zawng a rawn chan tur thute leh a hming pawh Maka, Remruattua, Pathian Chaka, Chatuan Pa, Remna Lal an - 157 -
Home League Zirlai 2018 tih tur thute puan lawk vek tawh a nih kha. (Isaia 7:14, 9:6) Lal Isua kan tana khawvela a lo pianna thuah hian mi pawimawh tak tak an awm a, chungte chu:Mari : Mari, nula thianghlim, inngaihtlawmna a khat, Pathian a inpumpek, Pathian a rinna nghat leh a thuawih tlat, Pathian nung betu, Pathian mi thlan, mi bik, Thiltihtheihna danglam bik avanga Thu, Tisa-a a lo channa tur atan a Thlarau Thianghlimin a raitir chu a ni. Josepha : Mari pasal hual, mi fel tak, thuawih thei tak, Lal Isua lo pian pawh chu Thlarau Thianghlim laka mi a ni tih hrethiam a, lo dawngsawng thiam em emtu a ni, Lal Isua pa ni tura Pathianin a ruat a ni. Lal Heroda : Herod ropui-a an tih mai, Lal Isua lo pian laia Galilee bial awptu, nausen mipa naupang suattu kha a ni. Mifingte : Khawchhak lam mi, Arsi danglam tak an hmuh rawn zui a, nausen Isua chibai rawn buktute kha an ni. Berampute : Lal Isua lo piang hre hmasa tute leh Van mipui zaipawl hmutute leh Lal Isua chibai buk hmasa tute an ni. (Luka 2:16) Kan chang thlanah khan khawchhak mi fingten Arsi danglam tak mai khawchhak lamah an hmu a, heng mifingte hi Arsi lam chanchin zir mi (Astrologer) nia hriat an ni. Hetiang mite hian, Arsi danglam bik an hmuh hian khawiah emaw Lal thar, mi danglam bik a piang a ni tih an hre thei a ni. Arsi danglam bik an hmuh a, Jerusalem - 158 -
Home League Zirlai 2018 rawn pan nachang an hria hi Pathianin a hriattir a ni ngei tur a ni. An lo chhuah tirh atanga hruaitu (arsi) nei reng si a, anmahni hriatna hmang a, Lal lo piang tur chu Lal Inah a ni ngei tura an rinna avangin Lal Heroda inah an lo lut ta a, an ti sual ta a ni. Heroda chu an ti thangharh a, amah aia Lal tur chu duh lovin nausen pawisawilo tam takin an thih phah ta a ni. (Mathaia: 2:16). Mifingte chuan Arsi chu an hmu a, thildanga peng tawh lovin a zui zel a, a tawpah chuan, Lal Isua pianna chu an thleng ta a ni. Inchhungah an lut a, a nu Mari hnena naute chu an hmu a, an bawkkhup a, chibai an buk a, an robawmte an hawng a, a hnenah chuan lawmnarangkachakte, beraw te, murra te an pe a. Kan Lalpa Isua chu khawvel thim tieng turte, Setana ram thiat turte, Pathian nena in mihran tawh inzawm lehna tur te, chatuan nunna kan neihna tur tein, khawvel hrehawm takah hian a lo piang a; Zawlnei Isaia’n a sawi lawk ang khan. Kan zir chhuah tur: Mifingte chungchangah khan zirchhuah tur pawimawh tak kan nei. Anmahni remhriatna te, an zir hriatnate hmangin Lal a piang a ni tih an hria a, a Arsi an rawn zui a, an ngaihdan a an kal tak avangin a ni lo lamah an lut ta a, a buai ta a ni. Keini pawh hian, keimahniah, Thlarau Thianghlim a inpuang a, a kawng min kawhhmuh mek lai hian keimahni duhthlanna leh remhriatna te hmangin Amah Lal Isua en lovin kan kal thin a, a tawpah kawng kan bo nge nge thin. Kan Pathian thu chuan “I thinlung zawng zawngin Lalpa ring la, - 159 -
Home League Zirlai 2018 Nangma hriatna ah innghat suh,”(Thufingte 3:5)a ti a. Thlarau Thianghlim hruaina leh hriattirna ngaichang lek lova mahni ngaihdan leh hriatna zawm mai a awl thin. Chu chu Lalpa’n a duh lo, Amahah chauh innghat turin min duh thin a ni. Mifingte’n Arsi an han hmu leh an lawmna nasa ang khan, keini pawh kan pen bosan tawh chu Pathianin min khawngaih avangin kawngdik min kawhhmuh leh thin a lo ni. Mifingten Lal Isua an hmuh khan an hlim em em a, bawkkhupin thilpek te pein tihtakzetin chibai an buk a nih kha. Keini pawhin tihtakzetin amah chu bia ila, thiltihin inren lovin kan theih ang tawk tawkin chibai buk ve ang u. Christmas kan lo thlen dawn hian kan thinlungte a lamah hawn ila, dan pangngai ang mai ni lovin, kan tana a pawimawhziate hre thar leh ila, a khawngaihna avanga nun min petu, Isua Krista pianna atan kan lei khekte let ila. Theihtawpin tihtakzetin, kan robawmte hawngin Amah chibai bukin i chawimawi ang u.
Tihtur : Quiz (rang taka chhan tur ) : 1. Isua nu leh pa tunge? 2. Khawchhak mifingte kha engzatnge an nih? 3. Isua pian tur thu hrilhlawktu Zawlnei kha tunge? - 160 -