Hnehtu aia Ropui

Artist : Hilda Lalremtluangi Central Corps, Central South Division, Division, India Eastern Territory

Kristaa ka unaunu duhtak te, International Women's Ministries Bible studies chhuah tawh panga zinga pathumna chu lawm takin kan rawn tichhuak leh thei ta a. He Bible zirna hian kan thinlunga Pathian thuin hmun tam zawk a luahkhah nan te, Krista hnungzuitu rinawm tak kan nih theihna tur atan leh rawngbawlna kan kalpui mek naah thinlung leh tihtakzet a ke pen turin a puih ngei che u ka beisei.

General Brian Peddlea’n International Salvation Army Rawngbawl tura Kohna a siamah chuan, Sipai tinte tun huna indona atana inpeih turin min cho a. “Tun huna mamawhna hi kan hriatthiam a tul”, tiin a ziak a ni. Kan ruahmanna te kan puitlin hunah chauh nilo, vawiinah ngei hian khawvelin Krista a mamawh a ni. Rawngbawlna kan kalpui mek lai hian, indona bei chungin kan thang mek zel a, tun huna indona aia nasa hmachhawn turin kan intichak mek a ni.

Chu chona chhanlet a hmalakna atan chuan he Bible zirna, thlarau indona beih dan tur hi buatsaih a ni. Kan thupui ‘Hnehtu aia Ropui’ tih hian kan rinna chu Kristaah a ni tih a tarlang a ni (Rom 8:35-39).

Ephesi 6:12, “Kan buante hi tisa leh thisen an ni si lo, lalnate leh, thuneihnate leh, he thim chunga khawvel roreltute leh, van hmunahte thlarau sualho awm te an ni zawk e”, ti a Paulan a lo sawi angin, he Bible zirna hi indona hmachhawn tura inbuatsaih te tan hmanraw tangkai tak a ni.

He ‘Hnehtu aia Ropui’ Bible zirna hi Hmeichhe 23 khawvel hmun hrang hrang a Chhandamna Sipai Pawlin indona a kalpui mek na ram amite buatsaih ani a. Heng hmeichhia te hian thlarau indona nasa tak hnuaiah kan awm a ni tih an hmu in an hria a ni. Kan chhehvel leh khawvel zau

zawk kan thlir chuan, kan inchhung, kan khawpuiah leh kan hnam ah te hian thlarau indona nasa tak a awm a ni tih kan hre thei a. Thlarau Thianghlim thltihtheihna leh chakna hmangin heng indona te hi kan hmachhawn anga, hneh ni lova hnehtu nun chu kan chang thei dawn a ni.

‘Hnehtu aia Ropui’ kan tih hian, bawhbeh nih hnua tho leh tura beihna emaw, thil danglam thlen tir tura hmathlir duan lam a ni lo. Keimahni lam sawina a tello! Paula chuan Rom 8:37 ah, “Min hmangaihtu avang chuan ropui taka ngamtu kan ni”, a lo ti a. ‘Hnehtu aia Ropui’ nihnaah hian Isua chu indona hmun harsa berah pawh kan kiangah a awm a, a tanpuina avang chauh a thawk leh tang thei kan ni. Lal Isua hi kan buainaa min dawm kang zel turin a thutiamah a ding nghet a, milian tak, fiahna leh harsatna phena hnehna awm chu min hmuhtir a ni.

Pathian hian a mite a thlahthlam lo. Kan mihring puite chuan min ti lungngaiin min hlamchhiah thei, mahse Pathian chuan a thu ah min kalsan dawnlo tih min tiam a ni. Min dinpui reng dawn. Isaia 43:1 ah chuan, “Hlau suh u, ka tlan tawh che u hi; in hmingin ka ko che u a, ka ta in ni asin”, tiin min hrilh a ni. Pathianin min kalsan dawnlo, thlipui karah pawh kan kiangah a awm reng dawn! Meia kan kaltlang lai pawhin kan kang lovang a; mei alhin min tialh lovang. Kan hnenah a awm zel ang.

Luite kan dai kai lai pawhin min chim pil lovang, kan hnenah a awm zel ang. Kan nun a harsatna chi hrang hrang a lo thlen lai pawhin, kan hnenah a awm zel dawn. Natna leh tawrhna karah pawh, kan hnenah a awm zel ang. Pathian chu kan lamah a tang a, amah ngei chuan hnehna min chanpui dawn a ni.

Kum zabi 21 naa ‘Hnehtu aia Ropui’ nunah hian Lalpan enge a duh?

Amah hnaih tlat a, indona hmachhawn tura inpeih turin min duh. Indona hi keini indona ni lovin Pathian kuta awm a ni a, rinna indona tha chu kan bei ang. Indona chu Lalpa indona a ni a, amah tan pui tura sawm kan ni.

Hnehna pawh a ta a ni! Lal Isuan, “Khawvelah hian hreawmin in awm thin; nimahsela, thlamuang takin awm rawh u, keiin khawvel ka ngam ta (Johana 16:33)”, a ti a ni.

Rom 8:31 a inziak angin, “Pathian kan lama a tan chuan, tuin nge min do thei ang?”. Thiante u, Pathian thiltihtheihna chu kan lamah a tang a ni, chuvangin, he indona hi Thlarau Thianghlim thiltihtheihna leh huaisenna hmangin lo zawm ang che! Sual hnathawh chak tak te tih mih theih dan kawng tha ber a ni.

He Bible zirna hmang apiang te hian Pathian chenpuina mak leh ropui tak an dawn theuh hi ka tawngtaina a ni. He zirlai hi hmeichhiate ziah nimahse, hmeichhe rawngbawlna huamchhung ami te tan chauh a tih a nilo. Mi tute tan pawha siam leh duan a ni a, hnam hrang, tawng hrang leh mipa, hmeichhia, tupawhin an hmang thei a ni. He hmanrua hi kan rin leh beisei aia nasa in Pathianin hmang se tih chu kan tawngtaina a ni.

Thlarau Thianghlim tihchakna leh huaisenna chuan he zirtirna hmanrua kaltlang hian thim lal kulh chu bei a thiat turin tanpui theuh che u rawh se.

Pathianin he Bible zirna hi a hming chawimawi nan leh a ropuina puanchhuah nan hmang mawlh rawh se.

Thutak, Hnehtu aia Ropui kan nihna hian min hmangaihtu chu chawisang mawlh rawh se.

I Chronicles 5:18-22 hian Reuben ho te, Gad ho te, Manase hnam zatvete chanchin min hrilh a. Heng hnamte hian indo thiam mi huaisen rual mi 44760 hmangin Hagar ho te, Jetur ho te, Naphis ho te leh Nodab ho te an do a ni.

Pathiana rinna nghatin a hnenah an tawngtai a, an hnenah Pathian a awm avangin indonaah chuan hnehna an chang ta a ni.

Ringtu zawng zawngte hian Pathiana rinna nghah hi kan tihmakmawh a ni a; kan Lalpa thiltihtheihna chu ring tura koh kan ni. A hmangaihna tawp chin neilo chu kan chakna hnar a ni.

A fapa Isua Krista avangin hnehna chu kan ta a ni a, a fate kan nih angin Pathian hian amah ring tlat turin min duh a ni tih pawh hriat a pawimawh hle mai. Kan remhriatna te, kan tawnhriatte leh finna ringawt chuan indona kan hmachhawn thei lova; engkimah puih leh kaihhruai mamawh kan ni. Indona hi tisa indona ni lovin thlarau indona a ni a, hemi ah hian engkimtithei kan Pathian chuan a hun takah kan hmelma te hneh turin min pui dawn a ni.

Amaherawhchu, kan chapona leh duhamnate avang hian Pathian kan hawisan fova, kan chaklo fo thin. Pathian hruaina nghak lovin mihring theihnaah kan innghat a, mahniin kan bei fo thin a ni.

Tupawh mai hian harsatna leh buaina kan tawk thin a, Pathian thu in min hrilh angin heng hunte hi lo thleng ve reng tura ngaih a ni – “Heng thu hi in hnenah ka sawi tawh hi, keimahah hian in thlamuanna turin. Khawvelah hian hrehawmin in awm thin; nimahsela, thlamuang takin awm rawh u, keiin khawvel ka ngam ta, a ti a” (Johana 16:33). Keini pawh hian a khawngaihna zarah heng harsatna te hi kan pumpelh thei a ni. Pathian thu chuan, “Nimahsela, amah lawm apiang chu, an hnenah Pathian fate nih theihna tur a pe, a hming ringtute chu;” (Johana 1:12) a lo ti a. Pathian fate kan nih avangin, min tichaktu Krista kaltlangin hnehtu kan lo ni ve ta a ni.

Ka unau duhtak te u, kan harsatnaah te, thlipuiin min nuai chang te, natnaah emaw tawrhnaah pawh nise, Pathian dah hmasak kan thlan tlat chuan kan beisei aia nasain min thawhsak ngei ang.

Thil thalo engpawh lo thleng sela, Lalpa a rawn inrawlh dawn vangin, I mangang lovang u. Tawngtaia Pathian kan belh chuan min ngaithla thin a, engkim a duhdan anga kan tih a, amah nen kan inzawm tlat chuan Pathianin a hna chu a rawn thawk mai dawn a ni. Kan Pa Pathianin a duh ber chu engkima hnehna kan chan hi a ni a, mahse chu hnehna chu amah hmangaihtute, nun thianghlima nungte leh sual te kalsana an nuna Pathian lal tir tute tan a ni.

HNEHNA HI PATHIAN TA A NIH AVANGIN PATHIANAH CHUAN TUPAWH HNEHTU KAN NI THEI A NI. I Samuela 30 a kan hmuh angin Davida leh a miten Ziglag an rawn thlen chuan Amalek mite chuan khua chu an lo run a, an nupuite, an fapate leh an fanute chu salah an lo man tawh a ni tih an hmu a. Davida leh a hnena awm te chu aw rawl tawpin, an tah hleihtheihloh thlengin an tap a ni tih kan hmu a. Mahse, Davida chu Lalpaah chuan a intichak a, Lalpa a rawn a, a hote nen Amalek mi ten an laksak zawng zawng chu la let turin an thawkchhuak a, hmelma te chu hnehin engkim an la let leh vek a ni.

He chanchin atang hian hnehna chu Lalpa ta a ni tih kan hmu a. Amah kan biak a, a tanpuina kan dil chuan indona min beihsak thin. Pathian kan dah hmasak chuan, hnehna kan chang anga, hmelma in min ruk sak zawng zawng chu kan nei let leh dawn a ni. Davida chuan, “Chungho chu um ila ka la umpha angem le?” tiin Lalpa a zawt a. Lalpa chuan, “Um rawh, I umpha ngei ngei ang”, tiin a chhang a ni. Hei hian Pathianin engkim a hmu vek a ni tih a nemnghet a, Davida pawhin Pathian chakna rinchhanin hnehna a chang a ni tih kan hria.

An nuna Pathian thiltihtheihna leh ropuizia hrefiah thiam apiang te, engkima Pathian dah hmasa a, thlarau thianghlimin a hruai apiang te chu hnehtu an ni.

Harsatna kan tawhin, tunge kan pan thin? Reuben ho te, Gad ho te leh Manasea hnam zatvete; indo mi sing tam tak nena thawkchhuak khan Pathian an au a, anin a tanpui a ni. Kan kawng hruaitu atan Pathian kan rin a, a hman atan kan in phal phawt chuan hnehtu kan ni vek thei a ni. Sual leh min tichhe thei zawng zawng te kan kalsan hi a duh a, chumi ni tur chuan Pathianin amah ring tlat turin min kova, min tanpui a tiam a ni. Kan zavai hian amah kan belh a, Pathian nena kan inzawmna te kan tih that reng a ngai a ni.

Tawngtaina: Ka Pa, misual, khawngaihna avanga chhandam kan ni a, I hnenah kan intulut e. Hnehna chu I ta a ni tih kan theihnghilh fo avang te, kan hriatna leh chaknaa kan kal fo thin avangin min ngaidam ang che. Kan hmaa harsatna a lo awm chang pawhin min pui la, kan hma min hruaisak la, nangmahah chauh rinna nghata huaisenna nei turin min tanpui ang che. Isua Krista hmingin lawmthu kan sawi e. Amen.

CAPTAIN VERONICA LIZETE BENGUI Angola Command Veronica hi Ricardo nen in nei in fa pali an nei a.Luanda Central Corps ah Corps Officer niin, Angola a mihring hmanga sumdawnna dona kawnga mawhphurtu ani bawk.

“Pathian kan hmangaihna chu hei hi a ni, a thupekte kan zawm hi; a thupekte chu a khirh si lova. Pathian hrin tawh phawt chuan khawvel a ngam zel si a; hei hi a ni khawvel hneha ngamna chu, kan rinna hi.” (I Johana 5:3,4)

Ka pasal nen hian eisiam nuam kan ti em em a, a bikin chhang ur hi nuam kan ti a. Oleg-a hi chokaah chuan mi themthiam tak a ni. Ei siam kaihhruaina bu te hi chu amah tiphurtu ang chauh an ni a. A eisiam te hming a phuah loh leh thlalak mawi tak a nei thin a mahse, a siamdan erawh chu a zawm tha lem lova. A telh tur dik tak a hmuh loh chuan a anpui emaw a teuh thei ang ber a hmang mai thin a. “Bawnghnute a awmloh chuan cream ka telh anga emaw apple a awmloh chuan balhla ka hmang mai ang”, tiin a ngaihtuah thin. A chang chuan chhang tui tak a siam a, a changin eitur danglam tak min hlui bawk a. Mahse a thilsiam reng rengah hian kimlo hi a awm tlat thin a, telh tur zat diktak a telh lo ni hian ka hre ber (a chang phei chuan a siam dan tur kaihhruaina hi a zawm meuhlo).

Eisiam dan tur kaihhruaina zawm dik thlap a, a telh tur dik taka telh te, a ur hun chhung leh sat zawng te, engmah tidanglam lova siam chuan a tui dan a dang thin a. A tirah chuan, chhang ur kaihhruaina engkim dik thlap a zawm a, a teh dan tur thlapa teh chuan hun a la a, thleng te pawh a bal hnem viau thin, mahse, kan duh ang takin a lo chhuak dawn a, kan chhang duh ang tak, tui tak kan ei mai dawn a ni. Bultanna atan chuan siam awlsam te te in han tan ila, hun a lo rei a, a harsa deuh te siam chhoh zelna turah inrintawkna kan lo nei thin. Kan duhsak leh hmangaih tak te tana eitur tuihnai tak buatsaihsak hi a nuamin a hlimawm a ni.

Ka tan chuan, Pathian thupek zawm hi chhang siamna kaihhruaina zawm ang hi a ni a. Ei siam bu siamtu chuan lehkhabu lei a, lehkhabu bawma rem leh mai atana a ziah a ni lova. Hmang tangkai a, kan siam lai leh kan ei hun pawh a hlimpui em em turin min duh a ni. Pathian chuan kan hmangaihzia kan sawi mai hi a duhtawk lova, eisiam kaihhruaina bu kan zawm thin angin a thupekte zawm turin min duh a ni. He kan nun kaihhruaina tur, khawvel puma kan hman theih tur chu Bible ah a awm a ni.

Mi zawng zawng hnenah Pathian kan hmangaih thu hi hrilh mai a tawk lo. Kan inzawmnaa thil pawimawh tak ni mahse, a pawimawh ber a nilo a ni. Kan zawng zawng a kan lantir hi a pawimawh a, thu mai ni lova kan nun puma kan

lanchhuahtir a ngai a ni. Pathian kan hmangaihna lantir dan tha ber chu a thupek kan zawm hian a ni. Bible ah hian inkaihhruaina leh thupek hrang hrang tam tak a awm a. Thuthlung hluiah chuan thu sawm pek leh Leviticus bu kan nei a ni.

Chawlhni ah Biakinah kal tur kan nih kan inhria a, rukruk leh tualthah loh tur tih pawh kan hria. Chutih mek lai chuan Lal Isua lo pianna hian thupek tam takah danglamna a siam a. Pharisaite zawhna a chhannaah khan thupek ropui ber chu kan hmu a ni. Matthaia 22:37-39 ah “Tin ani chuan a hnenah, ‘Lalpa I Pathian chu I thinlung zawng zawngin, I thlarau zawng zawngin, I rilru zawng zawngin I hmangaih tur a ni’ tih hi. Chu chu thupek ropui leh pawimawh ber a ni. Tin, a dawttu, a anpui chu hei hi a ni, ‘Nangmah I inhmangaih angin I vengte pawh I hmangaih tur a ni,’ tih hi.”Kan rinna hi heng thupek pawimawh tak te ah hian a innghat a ni.

PATHIAN THUPEK ZAWM HI CHHANG KAN UR DAWN A KAN THIL PAWLH TUR IN DAWT A KAN TELH A NGAI ANG HIAN THA TAK A KAN ZAWM A NGAI A. EISIAMNA BU SIAMTUTE HIAN AN LEHKHABU ZIAH CHU LEISAK A, A REMNA A REM THA RINGAWT TURIN MIN DUH LO A, HMANG TANGKAI A A HLUTNA TE HMANG CHHUAKA, A KAIHHRUAINA ANG TAK ZUIIN, CHHANG TUI TAK EI TUR IN MIN DUH A NI. Thupek hmasa zawk, Pathian hmangaih tur tih hi Kristiante tan chuan a pawimawh hle a. Pathian hi kan tan a pawimawh lutuk a, kan hmangaih awm reng pawh a ni. Kan chakna zawng zawngin kan hmangaih tur a ni a, thupek pahnihna in a sawi angin mahni kan inhmangaih angin kan vengte pawh kan hmangaih tur a ni. Kan thinlungah hian Pathian hmangaihna kan nei theuh a, chu mai piah lamah chuan hmangaihna chuan min luahkhatin chetzia a lanchhuah tir turin min pui bawk a, midangte pawh hmangaih turin chakna min pe a ni. Kan thinlung chauha Pathian kan hmangaih theih ang bawk hian kan vengte pawh thinlung chauhin hmangaih a awl khawp mai. Miin eitur min dil se, ‘Ka hmangaih che a, ka tawngtaipui ang che’, kan tih mai a thiang lova. Kan tihtur chu eitur pek a ni. Miin min biak duh changin be lovin kan kalsan mai ngai lova, kan tih tur chu min mamawh tu nena hun hman a ni. Pathian hmangaihna tak tak atang chuan kan tanpuina mamawh em em tute hi kan hlamchhiah thei lova, Hmangaihna chu midangte tana thil tha tih hmangin kan

lantir thei a, chu hmangaihnaah chuan phurrit a inngaihtawnna te pawh a kiang thei a ni Pathian nena inzawm tlatte tan chuan a duhzawng tihpuitlin hi a harsa lo. Isua Kristaah chuan hnehna kan chan tawh avangin Pathian nung kan rinna chuan khawvel eng ni turin min buatsaih zawk a. Pathian duhzawnga kal chu thil harsa a lo ni tawh lova, midangte tan pawh entawntlak kan lo ni thin a ni.

Chu tih mek lai chuan, thu a awlsam tak anga lang hi a takah chuan a lo harsa thin a. A chang chuan thupek thenkhatte chu awmze neilo ang maia ngaih theih a ni a, Chanchintha avanga chona kan hmachhawnte chu puitlin a harsa thin.

Chung chu Pathian nena kan inzawmna that tawk loh vang pawh a ni thei ang.

Mahse, tlai luat a awm lova, Pathian kan hmangaihna chu theihtawpin kan lantir thei a ni. Lalpa hian amah kan hmangaihna chu thanglian deuh deuh turin a duh a ni.

Lalpan kan harsatna te min sutkiansak thei tih hi hre reng ila, a tanpuina leh kaihhruaina I dil fovang u.

Tawngtaina: Lalpa, I thupekte zawm a hlim taka awm thei turin min pui la, nangmah ring tlat chunga khawvel thilte ka hawisan theih nan leh ka hnaih zel theih nan che min pui ang che.

LIEUTENANT DOMINIKA DOMANSKA Germany, Lithuania and Poland Territory Lieutenant Dominika hi nupui leh fanu hmeltha tak tana nu a ni mek a.

Warsaw, Poland a Corps Officer a ni a. Zin veivah leh lehkhabu chhiar te nuam a ti em em a, a bik in Scandinavian thawnthu chhiar nuam a ti hle a ni.

Hringnunah hian harsatna a thleng fo thin a. Ka nunah pawh hian hun khirh tak a lo thleng thin a, hnaah emaw, inah emaw ka fate nen pawh indona ni awm taka beihna, ka tlak rawih rawih na leh khawharthlak tak te ka tawk fo.

Elisa chu indonaah a awm a. Hmelma te chuan amah leh a thuihruaite chu an hual vel a, a hote chuan an hlau a ni. Mahse, Elisa chuan rinhlelh rual lohvin Pathian a ring a. Pathian a hmu fiah a, a aw a hre fo bawk. Chu rinna avang chuan indona hmuna Pathian awmpuina ropui tak, midangte pawhin an hmuh ve theihloh chu a hmu a ni. ”Hlau ma ta che”, tiin zawlnei chuan a chhang a. “An lama tang ai chuan kan lama tang an tam zawk alawm”, tiin. Elisa chu a tawngtai a, “ Lalpa, a hmuh theihna turin a mit han tih mensak ang che”, tiin. Tin, Lalpa chuan tlangval mit chu a han tihmensak ta, Elisa vela tlang chu mei tawlailir leh sakawrin a khat mup tih a hmu ta a (II Lalte 6:16,17) Elisa khan kha hmunah khan thil thlak danglam turin Pathian a dil lo. A nun hi a ropui a ni. Engtiangin nge I lo hmachhawn thin ka hre lova, vawi engzat nge indona hmuna I awm laiin titawp tura Pathian I dil tawh? Kawng awlsam ber angin a lang a ni. Kan harsatna tawh te, kan tahna te hi min lak kian sak turin Pathian kan dil fova, min chhan ngei pawh kan beisei thin.

Nimahsela, Elisa chuan chu chu a ti ve lo. A duh ber chu kha tlangval khan an dinhmun dik tak a hmuhfiah kha a ni: Pathianin an chakna turin a veng tih kha.

A mitte chu tihmensak a awm a, anmahni maiin indona an hmachhawn lo a, Pathian an lamah a tang a ni tih hmu se a duh a. A dik a ni. Indona hmunah an la awm reng a, keini pawh harsatna te'n min hual vel ang chiah hian, mahse malin kan awm lova, mahniin kan bei dawn lo. Engtiklai pawhin Pathianin min awmpui a ni.

'ELISHA CHUAN PATHIAN RINNA ROPUI TAK A NEI A, ENGLAIMAHA NGHING NGAI LO CHU. PATHIAN CHU HMU IN A HNEN ATANGIN THU A HRE FO A NI. CHU A RINNA CHUAN MIDANGTEN AN HMUH VE THEIH LOH A HMUH TIR THIN A INDONA A PATHIAN HUMHIMNA CHU.'

A tirah khan tlangval khan Pathianin an himna turin hna a thawk mek tih a hmu thei lova, mahse Pathian chu a awm reng tho a ni. Kan mimal nunah indona vawi engzat nge kan lo hmachhawn tawh? Mahni chauh niin kan inhre thin em?

Kan mal ngai lo a ni. Pathianin min tanpui dawn a ni tih hmu theilo mahila, Elisa angin rinawm ve theilo mahila, Pathianin min pui tho! A va han thlamuanthlak tak em!

Elisa khan rinna a neih avangin a hlau lo a ni. Kristian kan nih angin, fiahna leh thlemna tam tak kan hmachhawn ang, Krista zarah hnehtu kan nih tlat avangin heng hunah te hian Pathianin min pui ang tih kan ring a ni. Rinna chuan hlauhna a tikiang thin a. Elisa kha a tawngtai a, chhanin a awm a ni. Pathian chuan kan hriat loh lai pawhin kan tawngtaina a chhang thin. Elisa anga rinna neih ka va duh em!

Tawngtaina: Lalpa, hun harsa kan tawh laia kan kianga I awm reng thin avangin kan lawm e. Hun harsa leh hrehawm kan paltlang laia min tanpuina te hmufiah thei turin kan mit min tihvarsak ang che. Elisa anga mi huaisen leh rinawm ni a, nangmah nena harsatna ruam paltlang turin min pui ang che. Amen KIANNA SPICER Australia Territory

Kianna hi Sipai Pawl chhungkua atanga lo seilianin a nu leh pa te hi Sipai Pawl Officer an ni a. A pasal nen Liverpool Corps Sydney-ah rawng an bawl mek a ni. Fa duhawm tak tak pathum an nei a. An rawngbawlna chu nuam an ti in, mi chanhaite leh chhawmdawl ngai te tana rawngbawlna an ngaihlu em em a, chung mite tana rilru zau tak chu neiin- miten Krista chhandamna an chan leh a thilthlawn pek te changa an than zel na hmuh chu nuam an ti hle ani.

‘Nimahsela Thlarau Thianghlim chu in chunga a lo thlen hunah thiltih theihna in la nei ang; tichuan Jerusalem khuaah te, Judai leh Samari ram khaw tinah te, kawlkil thleng pawhin ka thuhretute in ni ang’ a ti a (Tirhkohte Thiltih 1 : 8) Thihna hnehtu Isua Krista hnung zuitute kan ni. Ani chuan harsatna leh hreawm tinreng tuarin thlan a nithum phuma a awm hnuin thihna hnehin a rawn tho leh a. Ama zarah ropui taka ngamtu kan ni.

Tirhkohte Thiltih 1 : 8 ah hian Luka chuan Isua’n a zirtirte hnena a thutiam a rawn tarlang a. Keini Isua Krista ringtu te hi zirtirte anga Lal Isua chanchin tha hriatpuitu ni a eng chhuak zel tur kan ni.

HEI HI KAN HRIAT RENG A PAWIMAWH- NGHAH HI PATHIAN RUAHMANNA ZING AMI ANIH VE CHANG A AWM THIN. RAWNGBAWLNA NUNG TAK KAN NEIH THEIH NAN TIRHKOHTE THILTIH A KOHHRANHO ANG HIAN PATHIAN THILTIHTHEIHNA LEH A HNATHAWH HUN CHU KAN NGHAK VE TUR A NI. Luka 24 : 49 ah chuan Isua chuan a zirtirte chu thitihtheihna a thuam an la nih tur thu a hrilh a, Tirhkohte Thiltih-ah he a thutiam hi a zirtirte chuan a taka an chan thu kan hmu a ni. Tirhkohte Thiltih khohhran ang a ‘ hnehtu kohhran’ nih kan duh chuan min hruaitu Isua Krista thuzawmin a hnung kan zui tur a ni.

• Thlarau Thianghlim chenchilhna kan hrechiang ang a, rinawm takin a thu min zirtir te kan zawm ang.

• Thlarau Thianghlim thiltihtheihna kan hrechiang ang. Isua-a rinna nghat tlatin inngaitlawm leh inpumpekna nen kan tih turte kan ti thin ang • Isua Krista chanchin tha hriatpui tute kan nih angin min koh chhan hlenchhuak turin a thiltihtheihna zawng zawng keimahni a chet tir kan phal tur a ni.

Isua chuan a zirtirte chu thiltihtheihnaa thuam an nih hma loh zawng rawngbawl tura pen chhuah a phal lova. Thlarau Thianghlim thiltihtheihna chu chakna dawnna satliah mai a ni lova, chu thiltihtheihna chuan huaisenna te, mahni inrintawkna te, mi dangte dinhmun chiang taka hriatthiamna te leh thuneihna te a keng tel vek a ni. Heng thilpek zawng zawng te hi Amah zuitute chuan an rawngbawlna hlenchhuak turin an mamawh a ni.

Tunah chuan Bible kaltlangin hnathawh dan tur kawhhmuh kan ni a. Tunlai Kristian thenkhat te chu an rawngbawlna hlenchhuak tura Pathian kal khalh mai te pawh an awm a ni. Kan hriat reng tur chu lo nghah tlat hi Pathian ruahmanna chi khat a ni tih hi. Tirhkohte Thiltih kohhran ang hian rawngbawlna hlawhtling tak nei tur chuan Pathian hun ruat leh thiltihtheihna kan nghak tur a ni.

Isua chuan khawvel hmun tinreng a chanchintha hrilh darh a nih tur thu min hrilh a, Jerusalem atanga in tanin Judai ram leh Samari ram khaw tinah te leh kawlkil thleng pawha chanchin tha hi puan darh a nih tur thu a sawi a ni.

Jerusalem a Juda ho sakhaw ngaihsak zingah bul tanin, Samari mi te leh Samari hnam inthlahpawlh ho zingah puan zar a nita zel a ni. Pathian chuan a chanchin tha darh zau zelna turah hian hnam, chi, khawsak dinhmun emaw a nu leh a pa thliarhranna a nei lo. Kan chhungkua, kan hnathawhna hmun, Sikul leh khawtlangah te hian chanchin tha a lo darh zau zelna tura hriatpuitu kan ni tur a ni.

Tirkohte Thiltih 1 : 8 a kan hmuh ang hian ropui taka ngamtu nih hi kan tihtur a ni. Rinna nasa zawk leh Thlarau Thianghlim thiltihtheihnaa inthuamin he khawvel hi Isua tana ti danglamtu leh a chanchintha hriatpuitu kan ni thei a ni.

Tawngtaina : Kan pa Pathian, nangmah zuitu ni turin min thlang tih ka hria e. Thlarau Thianghlim min tiam avangin lawmthu ka hrilh a che. I thiltihtheihna keimaha a awm avangin lawmthu ka hrilh a che. Lalpa Isua, he khawvelah hian I chanchin tha hriatpuitu leh nangma tana kal chhuak turin min pui ang che. Ropui taka ngamtu ni turin min siam la, chakna min pe ang che.

LIEUTENANT ROSE SINANA Tanzania Territory Lt. Rose hian Community Development leh Social Work ah Diploma Course a zir mek a, Pasal neiin fa 4, fanu pakhat leh fapa phir 3 a nei.

Shukrani Training College, Mbeya ah Development Officer hna a thawk mek.

Hringnunah hian indona chi hrang hrang, thlarau indona a ni thei a, eng emaw kawng zawng tala inbeihna kan tawk reng thin a ni. Inlaichinna kehchhia, chhungkuaa dam lohna, kan chunga thil diklo titute avanga thinurna emaw ngawlveina, rilru buaina leh lungngaihna te kan tawk fo thin. Harsatna leh buaina kan tawh te hi kan sawi seng kher lovang.

Tunlai khawvelah rilru lam harsatna tawk kan pung chho nasa hle, he buaina hi taksa lam indona hruai tel ve reng a ni. Rilru chiaina, mualphona, hlauhna leh beisei tur reng reng nei lova inhriatna hi thil thar a nita lo. A tak ngei a tawngtu tam tak an awm a, kei ngei pawh hi ka fihlim lo a ni. Kum 20 vel ka nih lain rilru buaina hian min chenchilh tlat a ni.

Chhungril lam indona nasa tak hi keimahniah zung a kaih ngheh em avangin kan hmelma pa chuan thiam takin he dawt thu hmang hian min bei thin a ni.

Ruk hmang chuan ru tur leh tihlum tur leh tichhe turin kan rilru leh ngaihtuahna hi a rawn bitum chat mai a ni (Johana 10 : 10) Pathianin a ngaihsak lo che, tuman an hmangaih lo che, I ngawlveina hi I sim thei tak tak chuang lovang, I nuna thil tha tinreng hian rawih lam a pan zel dawn, Pathianin in chhungkua a venghim lovang, Pathian hmantlak pawh I ni tawh lo, Pathian hmangaihna dawng tlak I ni tawh lo tiin heng dawt thu hmang hian min bei reng thin a ni.

Nimahsela chanchin tha hriat tur kan nei reng a chu chu hei hi ani “ Tin, thutak in hria ang a, thutak chuan bawih a ban ang che u” Johana 8 : 32 Pathian thutak chuan dawt thu avanga kan sal tanna lak atang hian min chhuah zalen thei a ni.

Harsatna leh buaina karah pawh Pathian lam kan en tlat ang, a thu min hrilh te vawng tlatin thutak chuan amaha kan nihna min hriattir ang. Thutak chu hei hi a ni, a fa duh takte kan ni a, min ngaihsak reng thin tih hi. Kan hma min hruaisak a, kan tan a awm reng a, kan thatna turin engkim min thawhsak thin. Kan fel vang leh thil tih that avanga chhandam kan ni lova, amah kan rinna avanga

khawngaihna a chhandam kan ni. Pathian thutak chuan nun tam min neihtir a tum a ni.

Kan hmelma, dawt hmanga min beitu kan hmachhawn huna ralthuam thiltithei ber chu thutak mak tak hi a ni. Indona hmachhawn tur chuan Pathian thutak hi kan thinlungah kan vawng reng tur a ni a, laksawn kan phal tur a ni lo. He thutak hrefiah tur hian thil mak danglam kan mamawh kher lo. Pathian laka rinawm tlat hi kan tih tur chu a ni mai a ni.

'KAN NUNA INDONA A LO THLEN HUNIN HEI HI KAN HRIAT RENG A PAWIMAWH - PATHIAN CHU EN TLATIN, A FATE KAN NIH A SAWI HRE RENGIN AMAHA KAN NIHNA DIK TAK CHU I VAWNG RENG ANG U.' Johana 8 : 31-32 ah chuan ti hian Isua’n a sawi a ‘ Ka thu a in awm reng chuan ka zirtirte in ni tak tak ang. Tin, thutak in hria ang a, thutak chuan bawih a ban ang che u’. Pathian thu zirtirna vawng reng tur chuan Bible kan chhiar thin ang.

Tawngtai, midangte nena inpawlhona leh Pathian biakna kan thlahthlam tur a ni lo.

Kan rilru leh ngaihtuahna pawh thil tha lo tinreng lakah kan venghim tlat ang a hmelma dawt thu a eiral tir kan phal tur a ni lo. Pathian laka kan rinawm tlat chuan thutak chu kan innghahna lungphum pawimawh tak a lo ni ang. Thutak hi hmelma beih nana ralthuam pawimawh ber a ni.

Dawt thu hmanga hmelma pain min beihna hmun ralmuang lo leh hlauhna hmunah hian Pathianin amaha kan nihna min hrilh ai chuan kan huaisenna te hmachhuan kan tum ve fo thin. Amaha kan nihna Pathianin min hrilh chu kan rinna kan hauh tlat chuan thil engkim hi a danglam vek thei a, nun a inthlak danglam vek thei. Pathian ram tana sipai huaisen an lo piang chhuak thei a he khawvelah hian hlimna leh beiseina kan thlen thei a ni.

Hun khirh leh harsa kan tawh chang te, inlaichinna a lo kehchhiat lai te leh ngawlveina in min thlem mek lai te hian Pathian thutak kan hriatchianna chuan kan thinlung hi ti danglamin kan thil thlir dan pawh a thlakthleng vek thei a ni.

Pathian thutak chuan nitin nun hman thiamna, zalenna leh nun tam min pe thin.

Indona pakhat mai min hnehtir lova, buaina leh harsatna tinreng ropui taka ngamtu min lo nihtir zawk thin.

Eng ang buaina leh manganna pawh tawk ila Pathian thutak chuan chung harsatna atang chuan min chhuah zalen thei a ni tih hian kan rilru leh thlarau te a tichakin a tinghet deuh deuh dawn a ni.

Tawngtaina: Hmangaih Pathian kan thinlunga nunna thutak min pek hrechiang turin min pui ang che. Kan hriatna chuan min chhuah zalen se, buaina tinreng karah pawh hnehtu aia ropui ni thei turin min tanpui ang che. Isua hmingin kan dil a che Amen.

CADET REBECCA HOWEN New Zealand, Fiji, Tonga leh Samoa Territory Cadet Rebecca – i hi Reflectors of Holiness Session-ah Officer ni turin a training mek a, mi dang nena inbiak tawn nuam ti mi a nih avangin thuziakna hmun bikah thu a ziak fova, ram chhung leh tualchhung zaipawl member a ni bawk.

‘Tisaah awm mah ila, tisa indo angin kan indo lo va, keini in ralthuamnate chu tisa a mi a ni si lo va, kulhpui nghet takte thiatna tura Pathian zarah thil ti thei tak a ni zawk. Hnialnate leh thil sang tinreng Pathian hriatna dal tura sang taka siamte chu thiatin, ngaihtuahna tinreng Krista thuawihna salah kan hruai a’ ( 2 Korinth 10 : 3 – 5) Tawngtaina: Kan Pathian min hmangaihtu I malsawmna min pek zawng zawng avanga lawmthu sawi chungin I hnen kan rawn pan e. He Bible chang kan zir tur hrethiam tur hian thlarau thianghlim kaihhruaina leh finna min pe turin Isua Krista hmingin kan rawn dil a che.

Tunlai khawvelah indona a lo thlenin enge kan hmuh thin le ? Sorkar chuan a ram venhim nan sum leh pai tam tak sengin sipaite leh indona hmanruate a tunlai thei ang berin a thuam thin a ni. Hun ralmuan lai chuan sipaite’n an hmelma te beih dan tur an zir thin a nasa takin an inbuatsaih thin a ni. Indona a lo thlenin an thil zir tawhte leh an thiamna leh theihna hmangin hnehtu nih ngei tumin hmelma te an bei thin. Kan khawtlang emaw Corps-ah emaw tuemaw laka indona hmachhawn turin eng tiangin nge kan lo inbuatsaih thin ?

Paula hian Korinth khuaa mite lakah nasa tak a hmachhawn a 2 korinth 10 thupui hi “ Paula’n a rawngbawlna a humhimna’ ti a dah a ni. I rinna a I dinngheh tlat theih nan eng chona nge I hmachhawn tur ni a I hriat ? Muslim ram Kristian tlemte awmna hmuna cheng ka ni a, kan rinna a danglam bik avang hian Kristian te hian Muslim te lakah harsatna kan tawk fo thin. Sikul pakhatah chuan Kristian naupang pakhat hian lehkha a zir ve a, Muslim naupang zinga lehkha zir a nih avangin zawhna leh chona nasa tak a tawng fo thin. Chutiang hmunah chuan eng tiangin nge harsatna kan lo hmachhawn ang ?

'PATHIAN MIN HMANGAIHTU HIAN SUAL LAKA MIN HUMHIM NAN A THUTAK CHU PHAW ATAN MIN PE A, CHUTIH RUAL CHUAN KAN NUN HI A TAN A ENG CHHUAK TURIN MIN BEISEI BAWK A NI.' 2 Korinth 10 : 3 naah chuan ‘ Tisaah awm mah ila, tisa indo angin kan indo lova’ tih kan hmu a ni. Hei hian a sawi tum chu danglam takin kan nun kan hmang tur a ni. Tual kan that tur a ni lo va, mi kan sawi chhiain dawt kan sawi tur a ni lo. Mi dangte kawng dik leh tha zawk kawhhmuh thei turin kan nun kan uluk tur a ni.

Tlang chunga a thusawiah khan Isua chuan amah ringtute nun dan tur min kawhhmuh a, Nihlawhna thuin bul a tan a ni. Mathaia 5 : 3 – 12- a Isua thusawi te hi amah ringtuten a taka kan nunpui tur leh kan thilthlir dan tur min kawhhmuhna a ni. Chhiar la, pakhat te te in a awmzia ngaihtuah ang che. Chang 4 na ah ‘ Keini inralthuamnate chu tisaa mi a ni si lo va’ tih kan hmu a. Paula hunlai hian sipai te chuan indona hmachhawn turin ralthuam famkimin an in thuam thin a ni. Chu chu an in venhim nan a ni. Ephesi 6 : 10-18 ah Paula chuan hemi chungchang hi sawiin Kristian te ralthuam a sawi ani.

Ephesi 6 : 10 – 18 hi chhiar la ralthuam chi hrang hrangte pawimawhna ngaihtuah ang che.

• Thutak kawnghren • Felna awmphaw • Remna chanchin tha pheikhawk • Rinna phaw • Chhandamna lukhum • Thlarau ngunhnam Hmangaih Pathian chuan sual kan do zawhna turin heng ralthuam famkim te a inthuam turin min ti a ni. Kan nun hi ama tana engchhuak turin min duh a, mi te chuan Bible an lo chhiar lo a nih pawhin kan nun dan atangin Isua hriatna an lo neih theih phah thei a ni.

Pathian hian kan nunah hna a thawk a ni tih hi eng tin nge kan lanchhuah tir ang? Kan nun dan leh thiltihin inhnialna te ka titawp thei a. Thianghlim tak leh nundan dika kan nun chuan kan chungchang thu a tha lo lam an sawi lovang a, kan nuna danglamna hi mite hian an hmuhhmaih thei lovang. Pathian thu chuan a hnena inhlan chunga nitin nun kan hman chuan ropui taka ngamtu kan ni thin tih min hrilh a ni.

Tawngtaina: Kan pa vana mi, Isua Krista Lal leh chhandamtu a kan pawm avanga I thlarau thianghlim kaihhruaina leh tanpuina kan chan avangin I hnenah lawmthu kan sawi e.

He khawvelah nangmah kan chawimawi zel theihna tur chein I thlarau thianghlim kaihhruaina kan dil a che .

Amen

LIEUTENANT SARA TARIQ Pakistan Territory Lieutenant Sara-i hi Isua hnen atanga kohna a dawn hma chuan zirtirtu a ni thin. Kum 2015 ah Joyful Intercessors Session a zawm a. Tunah hian Central Corps, Lahore-ah Assistant Corps Officer a ni mek a, Territorial Headquarters-ah Education Officer hna a thawk mek bawk.

Nangin inbeihna atan chuan chaknain ka taiah mi hreng si a:mi rawn beitute chu ka hnuaiah I tudawl ta a.

Kar kalta khan ka thian Heleni nen kan titi a. Heleni chuan a hnathawhna hmuna thil awmdan te a sawi a. Damlohna avangin a kar liamta chhung khan chawlh la in a hnathawhna ah a kal thei lova, a hnathawhpui pakhat chuan damlo tak tak pawh nilo, hna thawh tur tam lutuk tlansan a ina awm mai mai angin midang a lo hrilh a, Heleni chuan amah an hriatsualna avang chuan a ti thinrim hle ani. A chanchin a sawi chuan min khawih hle a ka hriatthiampui. Chutih hunlai chu ka chhungte zingah diklo taka puh a ka awm lai ani bawk nen, Heleni chanchin chuan ka thinur a ti sosang thar hle ani.

Rin loh takin Heleni chuan, ka dinhmun atan hian min tawngtai sak rawh tiin he Bible chang Ephesi 6:12-13 thu hi min hriat thar tir a: “Kan buante hi tisa leh thisen an ni si lo, lalnate leh, thuneihnate leh, he thim chunga khawvel roreltute leh,van hmunahte thlarau sualho awm te an ni zawk e. Chuvangin, ni tha lovah chuan in do zawhna tur leh, in tih zawh vek hnu pawh a in din theihna turin, Pathian ralthuam famkim chu la rawh u.” Chu Pathian thu chuan min kaiharh zawk mai. Engemaw chen chu ka ngaihtuahna thalo in ka chhungte lakah thinlung bawlhhlawh siam in ka khawhmuh chu a lo tinu a chu chuan Heleni chanchin sawi pawh kha min hmuh fiah tir theilo alo ni. Helenin chu Bible thu a chhiar rik chuan Bible thusawi chu ka lo hrefiah ta ani.

Heleni nen chuan kan tawngtai dun ta a, kan hmelmate hmangaih a tanpui (Luka 6:35) thei tur leh min tinatute hmangaihna thinlung min pe turin Pathian kan au dun ta a ni. Thuneihna pek kan nih tawh angin (Matthaia 12:29) thim thuneihnate chu Isua Krista hminga kalbo turin thu kan pe ta zawk ani.

Infiammi chu ka ni teh chiamlo, amaherawhchu infiamna bulthum diktak erawh ka hre ve. Kan elpui turte ruahmanna siam dan hriat a pawimawh khawp. Chu erawh ka tum ber ani lemlo. Ka thlur bing tur chu, engtinge ruahmanna siam ila kan chak ang tih ani. Rinna kawng pawh hi chutiang deuh tho chu niin ka hria.

Kan hmelmapa hi kan thlir ber nilo mahse a chetzia erawh hriat a tha. Kan hmelma lo hneh tawhtu Isua Krista hi kan thlir ber ani fo tur ani.(Heb 2:14-15).

Krista kan en tlat chuan kan vel a thil awm te kan hmufiah thin.

ISUA KAN THLIR TLAT CHUAN, KAN BUL VELA THIL THLENGTE CHU FIAH TAKIN KAN HMU THIAM DAWN A NI. A hmelmate leh Saula lakah Lalpan a chhandam hnu khan Lal Davida chuan Sam 18 hi a ziak anih kha. Sam 18 phen a thawnthu awm kan chhiar chuan, Davida kha a hmelmate leh lal Saula lakah nasa takin a talbuai ani tih kan hre thei (I Samuel). Saula khan tiduhdah hle mahse, a chipui a nih miau avangin lal Davida khan, Saula kha hmelma dangte nen angkhatin a dah ngai lo. Lal Davida kan tan entawn tlak anihna tamtak zinga pakhat chu hei hi ani – a khawhmuh a fiah tlat. Lalpa a en tlat thin. Dinhmun a hmachhawn tinrengte Lalpa hnen a thlen thin. Vawikhat erawh a khawhmuh a fiahlo, Bethsebi chungchangah, nimahsela Zawlnei Nathan'an a mit a tih men sak. Hei pawh hi mitha kan vela, thudik sawi ngam an awm pawimawhzia tichiangtu, zirlai tha tak ani.

Sam 18 chhung thu ah hian kan mit tifiah a Isua en tlat tura minpui theitu pathum ka hmu: 1. ‘Aw Lalpa, ka chakna, ka hmangaih a che (V-1) – Isua Krista nen a kan inlaichinna a pawimawh hmasa ber, amah kan hmangaihna. Inbeihna, indona emaw hnehna lam ani lo.

Bultanna tinrengte chu Krista hmangaihna ah a innghat tur ani. Lalpa hmangaihna au chhuahpui chunga lal Davida in he Sam ziak bul a tan ang hian. A ziah zawm zelna ah pawh lal Davida chuan rinawm tak a thinlung hawng chungin Lalpa nen inlaichinna nghet tak an nei ani tih a hriat ani. Davida khan Lalpa Pathian a hmangaih ani.

2. Lalpa lo chu tunge Pathian awm ni? (v-31) – Hnehna a chan zozaite avang khan lal Davida kha invaivunga han chapo ve viau awm tak ania, nimahsela ropuina zawng zawngte kha Lalpa a hlan fo thin. Pathian thianghlimna leh amah kan tih phah hialna khawpin Pathian ropuina leh thiltihtheihnate uar takin a puangchhuak thin. Englai pawhin Pathian a dah chungnung ber fo thin.

3. Ka kutte hi ral kap turin a zirtir thin a (v-34) - Pathian in min hruai thin a, innghahna tlak anih zia Davida hian min kawhhmuh thin. Paula chuan I Korinth 10:13 ah chuan “Mihring tuar theih ang chauh lo chu… tlan chhuahna kawng a siam nghal zawk ang.”

Pathian chuan min buatsaihin min thuam thin. Isua Krista meuh pawh kha rawng a bawl hma in ni 40 chhung zet thlalerah a inbuatsaih a, a tawpah setanan a thlem zui lehnghal anih kha.

Isua nen kan chendun chuan fiahna emaw thlemna kan pumpelh hauh lovang. Pathian chuan min thlem ngai lovang, chu chu setana hna ani, Pathian chuan min fiah thin.

Thlemna tinreng in tawh hunin lawmna hlirah ngai rawh u, chu chuan chhelna a siam, tiin Jakoba chuan a ziak anih kha (Jakoba 1:2-3). Paula chuan, hlawhtling taka indona tha bei tur chuan tuarchhel angai ani (2 Timothea 4:7). A thu hmanga harsatna hmachhawn dan Pathian in min kawhhmuh thin. Heta thu a tih hi enge? Thu chu Isua hi ani (Johnana 1:1).

Isua bul a kan awm chuan hnehna bul maiah kan awm tihna a lo ni. Chuti a lo nih chuan min hmachhawn turin enge lo kal tih velah kan buai angai tawh lovang. Pathian chu engkim chunga thuneitu leh engkim thununtu anih zia Davida khan a hrechiang hle.

Chutichuan, Davida chuan kan khawhmuh a fiahna turin, a tlem berah kawng 3 min zirtir a lo ni; Lalpa hmangaih a, Lalpa dah chungnun fo leh engkim chunga thuneitu anih hriat reng. Petera chuan ‘Ngaihven ula, Fimkhur rawh u; in khingpui diabola….. nghet taka awmin amah chu do rawh u’ (I Peter 5:8-9) tiin fimkhur angaih zia a ziak. Bible in engtinnge a sawi tih hre turin Helene-i'n min hrilh ka ngai a, anin min kai harh ta a ni. “THU” kan tih KRISTA a thiltihtheihna min hmuhfiah tir leh turin. Indo turin Lalpan chakna in min thuam thar ani tih min hriattir turin, min beih tumtute chu anin min hneh sak ta ani.

Tawngtaina : Isu, ka hmangaih che, ropuina zawng zawng chang tlak I ni. Thuneihna chelhtu inih avangin lawmthu ka hril a che.

Khawhmuh fiah tak nei fo turin min pui ang che.

LIEUTENANT JOHANNA SAMUELSSON Sweden and Latvia Territory Lieutenant Johanna hi kum 18 a nih in a piangthar a. Emil nen in neiin fa duhawm tak tak pahnih, Malte kum 4 mi leh Signe kum 1 mi an nei a ni.

Johanna leh Emil te hi Sweden khaw thlanglam tuipui kam a awm Halmstad a Corps hruaitute an ni. Johanna hian Sipai Pawl kaltlanga Pathian rawngbawl hi a ropui a ti a ni.

Englai pawh a Pathian fak hi thil awlai ani hauh lo. Davida hian puka a awm laia Sam 34 hi a ziah ani. Manganna nasa takin tuam mahse Lalpa fakin, hlim takin a zai thei ani. Pathian fakna ah hian thil ropui tak inthup a awm ani tih Davida hian a hre tlat. Davida chu berampu inngaitlawm tak, a pa beramte veng thintu ani. Zawlnei Samuela’n Jesaia fapate zinga pakhat hriak thih tura Jesaia ina a kal pawh khan Davida hming hi hming pek zingah a lang lo. A chhungte ngei in ngaihthah mah sela Pathian fak a chawl chuang lo. Davida hian, englai pawh a Lalpa fak tur kan ni tih, a nun ngeiin min zirtir ani.

Tunlai khawvelah chuan, khawvel hlimna leh nawmna hlimpuitu tamtak an awm. A daih reilo lulai tih lovah chuan khawvel pawhin reilote chhung chu hlimna a pe ve bawk. Thinlung taka Pathian fakna erawh chuan hlimna nghet, chuai ve mai lo min thlen thin, chu thuruk hmufuhtu Davida chuan harsatna karah pawh hlim takin Lalpa a fak thin. Chuvang tak chuan, Sam ziaktu chuan, ‘Englai pawhin Lalpa chu ka fak ang a;…. Lalpa I chawimawi tlang ang u (Sam 34: 1-3) 'DAVIDA ANGA PATHIAN FAKNA AH CHUAN KHAWVEL HI A NIH TUR ANGA AWM LOVA A LETLINGA A AWM ANIH PAWHIN BEISEINA NUNG MIN PE A NI, AMAH BEISEI TUTE CHU AN RILTAM NGAI DAWN LO A NI.' Hun harsa leh khirh taka awm lai a Lalpa fak tur chuan tumruh viau angai.

Ringtu nun hi a nuam viau anga a lan ang hi a ni lova, anihna takah chuan, thlemna leh fiahna a khat ani zawk. Sam ziaktu chuan (Sam 34: 5-6) ah chuan Amah an en a, tin, an lo eng ta a….. a manganna zawng zawngah chuan a chhan chhuak ta a, tiin min fuih ani. Hun khirh leh harsa tak karah pawh Lalpa vuan tlattu kan nih hi a pawimawh. A hnuaia thawnthu tawi hi kan fiah zual nan min tanpuitu ni se: Dutch mi Corrie len Boom chu Ringtu sana siamtu, Netherlands ram a hmeichhia sana siam thin zinga license nei hmasa ber ani. Amah hi, hmeichhe tleirawl thlarau lama an thanlen theihna tura Youth Christian Club for Teenage Girls dintu ani. Rinna kawnga mi chak, Pathian laka rinawm tlat mi ani. Indopui pahnih hunlai khan Nazi hovin an man a, an club pawh chu khar sak an ni.

Pathian a rinna erawh engmah in a sawinghin rual ani lo. Dinhmun khirh tak karah pawh midang tanpui a bang chuang lova, raltlante bihrukna ngaihtuah chungin Judaho Sabbath pawh a zahsak hle thin.

Hun engemaw chen hnu ah chuan a pa Corey leh a laizawn Betsie pawh man an ni ve ta. Taninah chuan a pa Corey leh a laizawn Betsiete chuan an boral san a, heng thil a thlen lai pawh hian damlo leh tanpui ngai a kalsan ngailo.

Concentration camp (Hmun khata mitang tamtak an dahkhawmna hmun) a hremna hreawm tak takte hmachhawn thin mahse, a thiltha tih a chawlh phah ngailo, Pathian ah rinna nghet tak a nei tlat thin. A tawpah chuan tanin atanga chhuah zalen niin, ama chanchin The Hiding Place (autobiography) tih chu a ziak ta nghe nghe ani, a thiltha tih zawng zawngte khan Pathian a tih lawm ngei a rinawm. Beiseina nei meuh tawh lo tan pawh a beisei tlak Pathian anih zia a chanchin a ziahna ah hian a tarlang. A thawnthu hian khawvel hmun hrang hranga cheng ringtute tan Pathiana beiseina eng a thlen nasa hle ani.

Pathian hmangaihna hi a temtu leh neitu kan nih phawt loh chuan Pathian fak nun hi neih tak tak theih a nilo. Sam 34: 8 chuan “Aw, Lalpa thatzia chu tem chin tehreng u…a ti. Lalpa thatna temchhin turin min fuih ani. Sam 119:103 ‘I thute hi ka tan a va thlum em…. Heng thute hian Davida’n Lalpa thatna a hriat chianzia a ti chiang viau. Chawhmeh tuina tak hre tur chuan tem chin angai ang bawkin, Lalpa thatna tem tur chuan amah hriat chian leh zual angai.

Hmuh leh hriatna hian danglamna nasa tak a nei. Khawvelah sual a lo luh tanna kha hmuhna atangin ani. Evi kha setana’n a bum khan, thingrah kha, ei mi ani tih leh mit la tak ani tih a hmu. Chutih mek laiin Sam 34:8 chuan, Lalpa thatna tem turin min sawm ani. Nausen piang zawng zawngte hi riltamin an lo piang a hnute tui pek an ngai thin. Ringtute chu Pathianthu a riltam a, a thu a tlaipuar tur kan ni. A tem chhinna chuan Isua Krista hriatna ah min hruai lut thin. Ephesi 1: 17 – 19 chuan ‘Ka tawngtaina ah te chuan………

Davida anga Pathian faktu kan nih chuan, khawvel hi a letlingin awm hial mahsela, Lalpa zawngtute chu an riltam chuang lovang. Sam 34:10 hi hnemtu duhawm, thutiam nei ani.. Sakeibaknei vanglaite chu an tlachhamin an… thil tha reng reng an tlachham lovang. Engpawh lo thleng sela, Amah zawngtute chungah Lalpa hi a tha ani tih I hre fovang u. Krista zarah ropui taka ngamtu ka ni si a.

Tawngtaina : Hmangaihtu Pathian, nangmah kan fakna che daltu hnawk awm thei tinrengte min thenfai sak la, englai pawh a nangmah fak reng thei tur che in min tanpui rawh.

DEDORAH JESTIN SAMUEL India South Eastern Territory Deborah hi Salvation Army inkhawmna a piangthar ni in, Booth Tucker Memorial Corps a member a ni a. India ram chhunga thalaite rawngbawlna atana in pe a ni. South Asia Zone aiawh in Right at the Heart - youth and children's leaders conference, Sunbury Court, London ah kum 2019 khan a tel a ni.

‘….chung zawng zawngah chuan min hmangaihtu avang chuan ropui taka ngamtu kan ni’ (Rom 8:37) Chhan engemaw avangin mihring hian thil kan ti thin. Chhungkua din turin kan innei a, nun nuam zawk kan neih nan sum kan thawkchhuak a, felna kawng zawh tura kan in zirtir chhan chu mihringte kan intih phur tawn nan ani fo thin.

Zawhna thenkhat chhan har ka tih thenkhat chu: - Engvanga lo awm ve ngawt nge ka nih?

- He nunna hian a phu meuh em?

- He nunna hi reilote atan mai anih chuan engvanga tihlunghnual nge kan nih thin?

Big Bang Theory [Arsi chanchin hria in van thengreng (universe) lo pian dan an sawifiah dan] an tih hian chhanna kan beisei ang min pe meuh em? Thawk leh khat a puak dur zara lo piang ve mai/nunna lo awm ve mai anga sawifiahna hi.

Tihpalh thilthu a lo awm ve mai, theihtawp kan chhuah ve pawh tih palh thilthu, chhia leh tha hriatna kan neih pawh tih palh thilthu, tin, thihna pawh tihpalh thilthu a lo awm. Kan lo awm ve na emaw thihna hian chhan engmah a neilo.

Bible hian, heng zawng zawng chhanna hi a nei em?

Thenkhat chuan harsa takin nun bul an tan a, thenkhat erawh chu an vannei bik emaw, hausa sa in bul an tan thung. Thih hnu ah chuan ro sum emaw, theihtawp chhuah a beihin awmzia a nei tawh lo. Krista a nun neitute erawh chu, theihtawp a an beih hram hramna chu hriat reng ani anga, chatuan nunna an chang ang. Kan vel a harsatna leh manganna thlengte avangin chiai lo ila, Isua Krista hnena chatuan hlimna awm chu I en tlat zawk ang u.

A hnehtu apiang ka lalthutphahah ka hnenah ka thuttir ang, kei pawh in ka hneh a, ka Pa hnenah a lalthutphaha ka thu ang khan. Thupuan 3: 21.

Krista tan a hnehtu nih reng hi thil awlai ani lo, lunghnualna emaw rinna vawng hleithei lo khawpa awm chang pawh a thleng thei, Pathianthu chuan kan lungngaih avangin hlawkna engmah kan hmulo tih min hrilh (Luka 12:25), rinna neih hi chatuan daih khawp a lukhawng nei chu ani e.

Kan beisei anga thil a thlen loh emaw, kan duh zawnga thil a kal loh in, tihhnual in kan awm mai thei, chutiang hun a lo thleng anih pawhin min siamtu kuta awm kan nih I hre reng ang u.

Amahah chuan engkim siam ani a, vana awmte, leia awmte nen, hmuh theihte, hmuh theih lohte nen, lalthutphahte pawh, rorelnate pawh, lalnate pawh, thuneihnate pawh; engkim ama siam ani, ama ta tur bawk a siam a ni; Kolossa 1:16 Hlawhchham ni a kan inhriat chuan thil reng reng a letling zawnga thlirna thinlung neih a awl khawp. Kawng inhawng tamtak hmuh kan a kan harsatna hmachhawn tawh chauh kha kan hmu thin. Kawng inhawng zau zawk lam thlir in, harsatna lo thleng thin te hi kan chan tur malsawmna insiam danglam a lo ni chawk.. rinna vawn nun tlat hi a chabi ber chu ani e.

“Thu ka pe che ani lawm ni? Chak tak leh huai takin awm rawh; hlau suh la, zam hek suh: Lalpa I Pathian chu I kalna apiangan I hnenah a awm zel dawn alawm,” tiin a sawi a. Joshua 1:09 Lung hnena thu sawi mai tura thupek dawngtu Mosia chuan lungpui kha vawihnih, a tiangin, a vua anih kha. Engvanga tha nasa zawka pe nge anih?

Pathian a ringhlel tihna em ni? He thil thleng hma khan Pathian chuan lung kha vaw turin a tir anih kha (Exodus 17), Pathian khan a sawi sual palh emaw a tih vang em ni ang? Pathian hian a rel sual palh ta aniang ti a ngaihtuah chang kan nei, thil tipalh pheng phung thin kan nih avangin, kan Pathian erawh chuan engmah a rel emaw a tisual ve ngailo.

Pathiana kan rinna ngei a nghin deuh dawt chang pawhin, Pathian min hmangaihna chu a danglam chuang lo. Pathian chu a thutiam ah ding nghet tlat in Mosia a hmangaihna chu a pangngai reng ani. Rinna kan vawng kan tih hian rinhlelh chang kan neilo tihna ani chuang lo, kan rinhlelhna chu Pathian hnenah thlen mai tur kan ni zawk. Min chhan hnu chuan Krista kan rinna tihngheh lehzualin a awm thin. Kan beisei anga thil a lo thleng nghal mai loh in, beidawng hauh lova nghak mai tur kan ni. Lalpan hun a tih hunah chuan thil tinreng mai hi an hmun turah a lo thleng mai thin ani. Kan chinfel theih loh khawpa harsa chu Lalpan kan chungah a thlen tir hauh lovang. Thil reng reng hi

awlsam takin kan nunah a lo thleng mai thinlo, kan rinna ngei pawh hi dawhtheihna te, fiahna leh tuarna ah te hian ani ti langchiang thin ni.

Tawngtaina: Lalpa mal min sawm in min tichak ang che, kan rinna kaltlangin ropuia ngamtu kan ni thei anga, chutichuan, I chatuan hlimna changtu kan lo ni ang. Amen

CATHREEN SAHOTA India Northern Territory Cathreen hi India Northern Territory a sipai a ni a. Saptawng zirtirtu niin hriselna enkawl chungchang zirna ah pawh graduate degree a nghak mek ani.

Hun eng emaw chen kaltaa ka thian pakhat nen kan titi naah chuan Pathian thu chhiar ve fo si, Pathian thuin a tih danglam miah loh hi a awm theih loh ang tih ngaihdan a neih chu a sawi chhuak a. An thinlung a tisak thei alawm ti a ngaihtuahna ka neih kha kala hre reng ani. Kum tam tak kalta a Aigupta lal Pharoa'n Pathian hnen atanga thupek a hmu reng chung pawh a, a thinglung a tih khauh tlat ang khan. An dodal thei tiin ka ngaihtuah a, Pathian thutak chu sawichhetu an ni thei.

Kha ka ngaihdan kha vawiin ah hian ka sawhsawn tlat mai, ka ngaihdan innghahna te khi chuan mi tu emawin thuziak a chhiar chu a thi tawh emaw a rei lutuk tawh anih loh pawhin mihring zawhna leh hriatthiamna satliah atang maia ziah anih chauhin awmzia a nei ani. Lehkhabu sang tamtak a bu hma leh hnunga tawp mai an awm. Hun engemaw chhung atana tangkai te pawh an ni ve thei e, chhuan hnih khatte pawh an ni thei. A then chu Sikul leh University a zir tlak leh hmantlak zirlaibu tha tak tak, chhiar hlawh ve em em, zirlai leh mithiam ten an ngaihtuah ho leh chinleh te pawh an ni ve bawk. Engang lehkhabu pawh pawh nise Pathian thu khing zo leh aiawh zo reng reng a awm lo.

‘Pathian thu hi a nung a...’ tiin Hebrai 4:12 chu a in tan a. Thilnung reng reng chu a awm ngei a, nunna thaw a nei mai pawh ni lovin hrethei, hmu thei leh hriatthiamna nei ani thin. Isua Krista chu Pathian thu nung leh thaw thei nia Khawvel a alo kal lai khan Temple zah lo taka sumdawn nan an lo hman mai piah lamah chutianga mahni hlawkna tura kha hmun hmang tute thinlung vervek tak kha a hmu chiang hle (Matthaia 21:12 ) Lazara dam lova a thih laia Mari leh Marthi te lusun tap thawm pawh a hre vek a ni ( Johana 11:21&32 ). Amah hmu lawk leh hre lawk miah si lovin hmeichhe thiput rei tak damlo tawh, a puan hmawr chauh pawh deka dam beiseitu pawh kha alo hmu reng a ni (Matthaia 9:21 & 22) .

Thu lawmawm chu hei hi ani. Isua Krista chu khang hun laia a nungchang kha vawiinah pawh hian ala nung reng a ni! Kan dinhmun tawn mek a hrethiam a, kan tawngtai ngaithlain kan thinlung duhna te leh lungngaihna te pawh a hmu vek a ni.

Hebrai 4:12 ah chuan Pathian thu chuan thil a ti thei tih min hrilh zawm a.

Isua Krista thiltihtheihnain thingtlang leh khawpui hmun tina mi sualte, zirtirte leh mipuite a kianga a hip khawm ang khan vawiinah hian Pathian thu hi thiltihtheihna nen ala che reng a ni. Internet khawvela kan chen mek lai leh, inzawmna pawn lawi leh fuh lo tak tak ten min hual vel lai pawh hian Isuan Pharisai dawhkanah ( Luka 7: 36-50 ) leh tlang chunga Pathian ram thu a tlangaupui ( Mathhaia 5- 7 ) laia mite a hip khawm ang khan Pathian thu thiltihtheihna chuan min la phuar khawm tlat reng ani.

Pathian thu nung leh thiltithei chu Isua Krista hi ani a ( Johana 1:1), a Thlarau thianghlim zarah vawiina amah ringtu apiangte hnenah pawh chu thu nung leh thiltithei chu pek alo ni ta ani (TT 1:8). Nitin leh mitkhap kar tin hian hmelma pa nen thlarau indona nasa tak bei kan ni a. Chutiang anih avang chuan, Pathian thu chu a nungin thil a tithei satliah mai lova, hna a thawk mek a, chher hriam ngai te chher hriam in, khandaih kaltlang ang mai in chawp leh chilhin thutak ah a hruai lut thin. ‘....KHANDAIH HRIAM TAWN ENG ANG AI PAWHIN A HRIAM A, NUNNA LEH THLARAU, RUHTUAH LEH THLING PHEL HRANG KHAWP HIALIN A CHHUN THEI A, THINLUNGA NGAIHTUAHNA LEH TUMTE HI A HRE NGHAL THEI A NI..’ tih hi Hebrai 4:12 zawm zel a ni. Isua Krista, Pathian thu nung leh thiltithei hi khandaih hriam tawn kalchhuaka thusawitu chu a ni. A kalna hmun apiangah mite hnenah sawhkhawk nasa tak leh nghawng lian tak a nei thin. A zirtirna thudik leh tlang tak chu Kohhran hruaitute ah lungnihlohna a thlen a. Ram awptute,roreltute leh mipuite thlengin amah kalh zawngin an insuihkhawm a.

Naupang tete leh hmeichhe lungngaite erawh a hnenah an lokal thung.

Patlingte chu amah chibai bukin a hmaah an kun bawk a. A thiltihte tlangzarh duh thin lo mahse a kalna apiangah thawm lian tak a chhuah si thin (Matthaia 8:3-4 ).

Pathian a nih avangin a awmna hmun apiangah thlarau inpuanna leh tisa chhan letna a thleng zel thin. A hnung zuitute chu midangte zirtira siamtu ni turin hna pawimawh tak thawh tur a pe a, a nemnghet a, zirtirte chu tam taka an lo pun zel a, khawvela danglamna nasa tak a thlen thlenga thawk turin.

Khandaih hriam tawn chu hriam tak ani. Chhun tlanga, phelh darh a, ti then theitu a ni. Min tina tur ni lovin kan chunga rorel turin a ding a ni. A khawngaihna lalthuthleng kan tan a buatsaih chu kan pan theih nan kan thinlung kehsawm siam tha tur leh amah kan pan theihna daltu mahni tha leh fel kan lo intih ve na hnim pik tak sam fai hna chu kan tan a thawk zawk ani.

‘Puithiam Lalber, kan chaklohnate min hriatpui thei lo nei kan ni si lo, keimahni anga kawng tinrenga thlemna tawk tawh, sual erawh chu sual lo, nei kan ni zawk e. Chutichuan zahngaihna kan hmuh theih na tur leh, puih kan ngaih hun a tanpuina khawngaihna kan hmuh theihna turin khawngaihna Lal thutphah chu huai takin i hnaih anga u ( Hebrai 4:15-16 ).

Kal chhuaka thusawitu, Pathian thu Isua Krista chu thununna laimu pawh ani bawk. Famkimlo te ti famkim tu ani a, thinlung sak tlat te a thunun a, chak lo leh theihna neilo te hrethiamin mi zawng zawng Pathian thilpek dawngtu ni turin a sawm ani. Kumkhua atana Isua Krista thutak, a thununna, a hriatthiamna, a khawngaihna leh a sawmna dawngtu te kan ni a, midangte hnenah pawh hlan chhawng ve zel tura mawhphurhna hlan te kan ni bawk ani.

Tawngtaina: Ka Pa, I thu thiltihtheihna hmanga ka nuna i hnathawh te hi ring tlat thei turin min pui ang che. Amen.

RONDA ATWATER USA Eastern Territory Ronda Atwater hi Philladelphia-ah khawsa mekin vantlang sikul ah English zirtirtu niin a thawk a. Luikam ah leh khawthiang tak hnuaia lehkhabu chhiar hi nuam a tih zawng ani. Nipui thengthaw nuam tak mawina leh nilenni rei takte, zaipawl a Pathian faka zai leh a pasal Tyreese leh a fapa Kai te nena hun hlimawm tak hman te hi a ngaihlu hle thin. Ei leh in atan leh hahchawlhna hun thawl insiamin a nitin hun hman te pawh a chhinchiah fel thlap thin.

Krista hmangaihna ata chu tuin nge min then thei ang? Hreawmna in emaw, lungaihna in emaw, tihduhdahna in emaw, tam in emaw, saruakna in emaw, hlauhawmna in emaw, khandaihin emaw min then thei a ngem ni? Nangmah avangin nilengin thahin ka awm thin tih ziak ang khan. Ni love, heng zawng zawngah hian min hmangaihtu Isua Krista zarah ropuia ngamtu kan ni.

Thihna te, nunna te, vantirhkohte, lalna te, thil awmsa te, thil lo la awm tur te, thiltihtheihna te, sanna te, thukna te, thilsiam dang reng reng pawhin kan Lalpa Isua Kristaa awm Pathian hmangaihna ata chu min then thei lovang tih ka hre si a tih a sawi hma in Paula hian Rom 8:35 ah thil thalo chi hrang hrang mihringte nun a kan tawh thin chu sawi chhuakin , chungte chuan Krista hmangaihna ata chu mi then thei angem ni? Tiin a zawt ani.

Isua Kristaah chuan Hnehtu aia Ropui kan ni. Pathian kan lama a tan chuan tuin nge min do thei ang (chang 3 na). He thudik pawimawh tak hian fapa Isua kaltlangin hlauhawm tinrengah Pathian chuan min tanpuiin min veng ani tih a nemnghet a ni. A fapa Isua kan tan a hlan si chuan kan mamawh tinreng te chu min pe lovang ngem ni?

Kan nun hian chona tam tak a hmachhawn thin a,nimahsela chung te chuan min ti beidawng mai lovin min ti chak zawk a, Isua Krista zara chakna leh theihna kan neih te chu tarlang thei turin min pui ani.

A chang chuan kan thil tihsual avangin Pathian kan tilawm lo thin a, amaherawh chu a hnen a kan kir leh chuan min ngaidam a, a thil tihtheihna a tihchaka awmin kan rinna pawh alo chak sauh thin ani.

‘ISUA KRISTAAH CHUAN HNEHTU AIA ROPUI KAN NI. PATHIAN KAN LAMA A TAN CHUAN TUIIN NGE MIN DO THEI ANG?’ Mathhaia 16:18 ah chuan ‘Nang Petera i ni tih ka hrilh bawk a che, he lungpui chungah hian ka Kohhran ho ka rem chho vanga, mithhi khaw kulh khawngkharte chuan chu chu a ngam lovang’ tiin min hrilh a.

Church (Kohhran) tih thu hi Greek tawng ‘Ecclesia’ tih atanga lak a ni a, a awmzia chu fuankhawm emaw kalkhawmna atanga kohchhuah tihna a ni.

Kohhran chu mi tamtakin a a siam ani a, mitin te chu rinna nghet nei, Isua Krista hmangaihtu Thlarau Thianghlimin a hruai leh a chenchilh te an ni.

Thlarau Thianghlim thiltih theihna chuan thlemna leh hmelma te hneh thei turin min pui a, pumkhatah min siam in hnehna nun Isua Krista avanga kan neih chu puangchhuak thei turin min siam ani.

Pathian hmangaihna ata chu tuin nge min then thei ang? Kalvari tlanga Kross a thihna kaltlangin Isua Kristaah chuan ropuia ngamtu kan nih avangin tuman min then hrang thei lo. Pathian Kohhran kan nih angin rinna nghet neih kan mamawh a, a thawhlehna thiltihtheihna ah chuan Isua Krista a nun dan zuitu kan nih angai ani. Chu chuan ropuia ngamtu ni turin min siam ani.

Tawngtaina: Lalpa, chakna min pe la, kan Kohhran malsawm la, Setana hneh tura hun harsa kan paltlang angin leh Isua Krista zuitu rinawm tak ni thei turin min pui ang che.

TERESA MAPONGA Mozambique Territory Teresa hi Territorial Commander tana ziaktu hna thawk mek ani.

Maputo a cheng ani a, Pasal neiin fanu pathum an nei a, zai hi a ngaina em em ani.

‘Unaute u, nangni erawh chuan thil tha tih i ning suh ang u’ (2 Thessalonika 3:13) Thil tha tih hi Pathian duhdana kan nunna kawng khat chu a ni. Dinhmun harsaa kan awmlai hian Keimahni duhzawng hi dah pawimawh hmasak mai hi thil awlsam tak a ni. Nimahsela harsatna tawh leh tanpui ngaite tanpuia, enkawla chhawmdawl thin an la awm zel te hi a lawmawm khawp mai.

Semarang Indonesia a Bethany Eventide Home –a ka thawhnaah hian Hripui nasa tak len lai pawh hian Ringtu thilpek rawn pe reng thin an awm a. Hun harsaah pawh midangte an ngaihtuah em em a ni.

Chutiang anga thiltha ti thin chu Thessalonika Kohhranah pawh hian kan hmu a ni. Pathian thu awih ve duhlo tute neksawrna karah Thessalonika mite chuan rinawm takin Pathian thu chu an sawi zel a, chutiang ang taka an beihna avang chuan Thessalonika khuaah chauh ni lovin Pathian thu chu lo darh zelin chawimawiin alo awm a ni. Nimahsela Pathian thu hlimpui velo tute chuan Thessalonika mite chu an rinna phatsan turin an thlem a, Isua Krista rinna phatsan tura an dodalna chu a hlawhchham avangin anmahni dotute chuan an hneh ngei theihna turin kawngdang dap lehin zirtirna diklo hmangin mipuite rilru an thunun a, Pathian thu abik takin ‘Lalpa Ni’ chungchangte pawh diklo takin an hrilhfiah a ni.

Lalpa ni chu a lo hnai tawh a, a in tan lek lek tawh a ni tiin an sawi a.Chu zirtirna diklo avang chuan Kohhran thenkhat chuan hnathawh pawh ngai tawh lovah an ngai a. An lo thatchhe zo ta a, Kohhranho ngilneihnate chu a diklo zawnga hmangin pangngai taka hnathawk thin tea tang chuan tanpuina an beisei a. An nun chu a lo buai ta hle mai a, thil tangkailo tak takte tiin an hun an khawhral a (2Thess 3:6,11). Tirhkoh Paula chuan anmahni inthununa, zirtirna diklo zirtirtu lak atang chuan inthiarfihlim a, anmahni chu pawl lo turin leh an hnathawh turte thawk leh turin a fuih a ni.

Chang 13-ah “Unaute u, nangni erawh chuan thiltha tih ning suh u” tiin Paula chuan a hrilh a. He thu ‘Nangni’ a tih hi Paulan a zirtirna zawma la awm Kohhranhote a sawina a ni. Zirtirna dik lovin tibuai ve lovin Pathian an chawimawi zawk a ni. Thiltha ti zel tura hrilh nawn an ni. Hetah hian inthlah daha, ning leh thil tha tih tawp san mai tur a hrilh an nilo. Paula chuan an bul

vela thil thlengte chuan hneh mai lovin thiltha tia thawk chhunzawm zel turin a fuih zawk a ni. An thiltha tih chu midangte khawngaihna leh lainatna a ni.

Midangte hamthatna , mamawhtu leh an ringtupui thlarau lam nun te an ngaihsak a ni.Midangte chungah khawngaihna leh lainatna an lantir a, mangang leh lungngaite an tanpui a. An chhungkaw mamawhte thawkchhuakin, chung an thil neihte chu harsatna dinhmuna dingte tanpui nan an hmang bawk a ni. (1Thes 4:9,10) Pathian thu anga nun hi thil awlsam a ni hauh lo. Thil tha kan tihna tur kawngah hian min dang turin chona leh thlemnate alo awm vat thin. Heng chonate hi pawn lam atang leh keimahni atangin a lo awm thin. Kan chunga tha leh ngilneite chunga thatchhuah chu thil awlsam tak ani. Nimahsela mikhual emaw kan hmelmate an lo nih chuan a dang daih thung. An chunga that chhuah chu thil harsa tak a ni. Kan nun, harsatna leh buaina te, damlohna leh tuarnate in a tlakbuak kan lo nih erawh chuan kan duhna leh tha thonate chu chung chuan a khawih danglam thin. Kan duhnate chu kan lo hlauh zo vek tawh mai lo maw?. Hei hi thlarau indona thlenna chu a ni. Pathian thu chuan “Mamawhtute hnenah chuan thiltha kan ti ngei tur a ni , kan hmelmate an nih pawhin” (Rom 12:20). Duhthlanna chu kan ta a ni a, nimahsela Pathian thua thil ti zel thin te chu hnehtu an la ni ang.

Rom 8:37-ah heti hian a sawi a – chung zawng zawngah chuan min hmangaihtu avang chuan ropuia ngamtu kan ni . Mi zawng zawng min hmangaih avangin a Fapa neih chhun Isua Krista chu kan tan a hlan a. Ani chu mihring te chatuan hremna atanga kan him theihna turin mualphona leh sawisakna te tuarin Kross ah khenbehin a awm ani. Tupawh Isua Krista chu ringa Lal leh Chhandamtu a pawmtu chuan Chatuan nunna a hmu ang( Johana 3 : 16 ) he thutiam hi ringtu te beiseina chu a ni.

KEIMAHNIA PATHIAN HMANGAIHNA AWM CHUAN KAN NUNA CHONA CHI HRANG HRANG EMAW HARSATNA TE MIN HMACHHAWN TIR THEI ANI. Paulan Rom 8 : 35, 38 & 39 a a sawi angin Krista hmangaihna ata chu tuin nge min then thei ang? Hreawmna in emaw, lungngaihna in emaw, tihduhdahna in emaw, tam in emaw, saruakna in emaw, hlauhawmna in emaw, khandaihin emaw min then thei angem ni.

Thihna te, nunna te, Vantirhkoh te, Lalna te, thilawmsa te, thil lo la awm tur

te, thiltihtheihna te, sanna te, thukna te, thil siam dang reng reng te pawhin kan Lalpa Isua Krista a awm Pathian hmangaihna ata chu min then thei lovang tih dik takin ka hre si a. Harsatna leh tuarna te hian Isua Krista hmangaihna ata chu min then thei lovang, hengte hian ropuia ngamtu min nih tir zawk ani.

Isua Krista nangmah hmangaihtu hi i hmangaih ve em? i hmangaihna chu thil tha tih chhunzawm zelin i ti lang thei ani. Nangmah kha in bihchiangin vawiin ah hian eng thil tha nge i tih theih thlang fel rawh le.

Tawngtaina: Lalpa kan nun harsatna kara a awm lai pawhin thiltha tih duhna thinlung min pe zel ang che. Amen.

LIEUTENANT MARLINA RENTI Indonesia Territory Lt. Marlina hi Semarang Indonesia-a Bethany Eventide Home, kum upate enkawlna hmun a hlim taka thawktu ani.

“chung zawng zawngah chuan min hmangaihtu avang chuan, ropui taka ngam tu kan ni.”

Mitin hian kan nuna thil thleng leh thinlunga ngaihtuah, dinhmun in ang lo tak tak tawn hriat kan nei theuh a. Kan duh dan anga thil a lo thlen changin kan lawm em em a, nimahsela kan beisei anga thil alo thlen loh leh engemawin min tihnat chuan kan tap a, kan lungngai leh fo thin. Kan chunga thil lo thleng leh kan hma chhawn dan a zirin bible chang ngai reng pawh hi thlir dan hrang daih in a thlir theih awm e.

Tun hma kha chu nise, he bible chang ropui tak hi ka mimal hriatthiam dan ang khan thil lawmawm tak in ka ziak chhuak ngei ang. Nimahsela thla khat kalta khan ka suangtuah ngai hauh loh thil ka tawng hlauh mai a.

Ambulance in Hospital-ah hruai ka ni a, thichhawng in ka awm a, ka natna awmchhan hriat tumin inenkawlna rapthlak tak tak; mittui tam tak seng in ka dawng a. Engnge a chhan tia hun rei tak kan nghah chhung khan Lalpa chu a ngawi tlat mai a (ka hriat dan ah chuan)..

Vawiin thlengin Doctorte enkawl leh endik reng ka la ni a., nimahsela ka dinhmun chu a pangngai sawt in,that lam pawh ka pan zel a. Ka chunga thilthleng leh hmachhawn mek atang hian mi tu emaw lungngai taka awm mek, harsatna tawk ve mek, beiseina reng nei tawh lo te an lo awm a nih chuan an tan hei hi ka hlan a ni...

Bible chang kan zir mek ah hian Pathian hmangaihna thiltihtheihna leh chakna avang chauha Hnehtu kan nih zia ka hmu chiang hle a..Sual leh fello taka ngaihtuahna kan hman chuan, Pathian hmangaihnate, a thiltihtheihna leh a awmpuina te kan hre thei thin lo a ni.. Chu chiah chu ka chunga thilthleng chu a ni. Thawkkhatlai khan, rawngbawlnaa min tichak a, min tiphurtu Pathian inpuanna kha ka hlauh tlat maia..Thlarau Thianghlim tanpuina a tawngtai theihna pawh ka nei tawh lo.. Ka natna leh hlauhna chauh chu nei nia in ngaiin, mal ngawih ngawihin ka inhria a. Hetiang ang hrehawmna hi ka chungah a la thleng ngai reng reng lo bawk .

Kum 2001 ah ka piangthar a, kum 2002 ah Chhandamna Sipai ka ni a. Chung hunlai chuan Pathian ka hmangaih a, Isua Krista chuan ka nun chu a thlak danglam hlawk a... Tih takzetin a rawng ka bawl a, Thlarau thianghlim min hruaina pawh hmuh theih khawp a ni. Salvation Army Officer nia ka rawngbawlnate, ka rawngbawlsak mipuite leh ka chhungkuate chu ka hmangaih em em a... Zirtirte, thusawite leh Thlarau thilpek ka dawn hmanga midangte rawngbawlsak chu nuam ka ti em em a ni.

Thawklehkhatah ka nun chu a lo inthlak danglam thut mai a... Ka rawngbawlna chu a chhan a ni tia mawh puhin, engkim tawp san turin Setana'n ka ngaihtuahna lamah min run a. Salvation Army Officer ka nih hma a thiamna leh theihna thatak ka neih hmanga ka hnathawh tinrenga ka hlawhtlin ve thin ziate min hriat chhuahtir a, chumi ka hna hlui zawm leh mai chu ka chunga harsatna ka pumpelh theihna kawng awmchhun a ni tih hmang ten min bei a... Mahse, heng hun thim chhah ber lai hian, 'hei hi thildik a ni lo'tiin, Pathian rawngbawl nuam ka tih ziate, Pathianin min kohna leh rah tam tak min pek tawh zia te keimah leh keimah ka inhrilh nawn fo thin a... Pathian rawngbawl ka chhunzawm zel hi Setana hian a hlau ngawih ngawih a, chumi avanga min bei chu a ni tih ka hre chiang leh ta em em a ni.

"Min hmangaihtu avang chuan," tihziak ang khan.. Nang leh kei hi Pathian hian min hmangaih a ni! Hmangaihtu kan nei a ni. Hun harsat ber lai hian he thu "MIN HMANGAIH A NI" TIH HI KAN INHRILH NAWN FO A PAWIMAWH HLE...

Pathianin a hmangaih lo che ni a i in hriat avang ngawt khan a hmangaih lo che tih na a nilo.. Engtiklai pawhin i hnenah a awm a, Isua Krista chu tunah khan i hnenah a awm a ni.. A thu kaltlangin rinna in lo pawm la, tichuan i tana a hmangaihna lak atanga i bo loh avangin lawmna nasa tak i nei thuai ang...

Second khat pawh a kalsan lohzia che te, i harsat lai ber pawha i lak atanga a kal bo loh ziate, i tan a hmangaihna a chuai loh zia te i hrethiam ngei ang.. Pathian chu kan hnenah a awm reng a, kan lungngaihnaah min lungngaihpui a, kan

tahna ah min tahpui thin bawk a ni. Pathian Chungnungbera-ah chuan danglamna a awm ve lova, chatuan thlenga pangngai reng tur chu Amah chauh a ni ..

Chhiartu Duhtak, vawiin ah hian Hnehtu angin i in ngai lo a ni maithei... Zirtir inih angin, Rinnaah lo ding tlat la, beidawng lo la, Setana chu hmun lo kian suh ang che... Pathian malsawmna i dawn te ngaihtuah la, Pathian chu tunge a nih ngaihtuahin, i chunga thilthleng tun a I hriatthiam loh zawng zawngte kha engtikni ah emaw chuan hriatfiah hun a lo la thleng ngei dawn a ni tih ring la...

Chakna i lo neih belh ang nga, Pathian rinna ah hma i lo sawn zel ang .. Rinna leh Huaisenna in "Amahah chuan Hnehtu ka ni" i lo tithei zel tawh dawn a ni ..

Amen!

Pathian hmangaihna i rilruin a hre lo a nih chuan, Pathianin tawngtaina a chhan chiang tak thil pahnih tal han ngaihtuah teh! Pathian hnena i thilsawite, i ngaihtuahte kha i hre chhuak em? I aw chhuah la, a ria sawina hun han hmang teh le....Pathian nihna tun hun a i mamawh tak kha han ngaihtuah leh la..Tidamtu a nihna nge, Pa a nihna zawk i mamawh le? Thlamuantu, Chhandamtu, Ngaidamtu, Hmangaihtu Pathian a nihna emaw a dang pawh a nithei ... Engapawh chu lo nise, tunah ngei khan chu a nihna i mamawh tak chu pe tur che in dil ang che...

Thlarau lama tithanglian/ tisawt thei tur che lam thilti thin la.: Pathian fakna leh chawimawina lam hla ngaithla la, Pathian thilsiam leilungte ngaina la, nangmah phurna leh chakna pe thintu che bia la, Bible chhiar la, i rilrua i ngaihtuah ang chuan tawngtai la, i rilru luahtu chu sawichhuak thin ang che.

Vawiinah hian i Thlarau dinhmun a tha a, phurna leh chona thar nei ni a i in hriat chuan Pathian lama mi i tanpui theih tur ngaihtuah la, i rilru put hmangte hriattir ve rawh..Hemi kawngah hian Uikawm emaw Thatchhe suh la...Midangte tanpui ve rawh...

Harsatna leh hrehawmna hun a lo thlen in thlaraua i chauh mai loh nan... I thiltih tur ngun takin ngaihtuah thin ang che ..Ziak chhuak la, i mamawh hun takah chhiarchhuak leh thin rawh. I bible bung leh chang duh zualte chhinchhiah la, Pathian inpuanna hun ropui tak i chante pawh ziak chhuak la..Pathian fakna hla i ngaihthlak duh zawng tak, nakina nangma in enlet nana i hman theih tur te chhinchhiah bawk la..Nangma tana pawimawh leh I mimal nun nghawng, I hman tangkai theih tur ni ngei rawh se.

TAWNGTAINA: Lalpa, Hmangaihna Pathian, danglam ngailo leh Hnehtu i nih vangin lawmthu kan sawi e..Mi lungngai leh inchhirte tanpui la, an rinchhan lo ni ang che.. Lawmte avangin lawmthu kan sawi e.. Kan hmangaih che a..kan chawimawi zel ang che.. Pa leh Fapa leh ThlarauThianghlim hmingin Amen!!!

LIEUTENANT OKSANA BESPALOVA Russia Command Oksana leh a pasal te hi Rostov-on-Don ah Corps Officer niin rawng an bawl mek a. Fa pahnih kum 4 mi leh kum 13 mi an nei a ni.

Readingacts.com chuan, ‘ Paula’n Rom lehkhathawn a ziah chhan chiang tak lang lo mahse, Paula Pathian thu zirtir laimu KHAWNGAIHNA AVANGA CHHANDAM tih chiang taka a lantirna a ni tih chu lungrual taka mi te pawm tlan a ni.’ tih a ziak. Rom 8:37 chuan huaisen takin ti hian a puang, “ chung zawng zawngah chuan min hmangaihtu avang chuan, ropui taka ngamtu kan ni.”

Harsatna tam tak karah Paula kha hnehtu a ni. Engtin nge a nih theih? Engtin nge khatiang taka hriatchianna kha a neih ni ang le? Chang hmasa lamah khan Paula khan hrehawmna,lungngaihna,tihduhdahna, tamna,saruakna,hlauhawm leh khandaih te a hmachhawn thu a sawi kha ani a. Uluk taka zirnain chiang taka a tarlan chu –Paula kha tirhkoh te zingah pawh tihduhdahna tuar nasa ber tu a ni. Nasa taka vuak, tanin-a khung leh mipui sawisak rawnte a tawk.

Tirhkohte 9:15-16 chuan tihian mi hrilh a : Nimahsela Lalpa chuan a hnenah, "Kal mai rawh; Jentailte, lalte, Israela thlahte hnena ka hming put luh nana ka bel ruat a ni alawm; ka hming avangin hrehawm engtia nasa nge a tuar tur amah ka la hriattir dawn a ni," a ti a. Heti chung hian tawngtai tura hunpek pawimawh leh hlutna a theihnghilh ngai lo. ’Chutiang bawkin Thlarau chuan kan chak lohnate a pui thin a; engtia tawngtai tur nge tih kan hre si lo va; nimahsela Thlarau chuan rum sawi hleih theih lovin min tawngtaisak thin. Tin, Pathian duhzawng ang zelin mi thianghlimte chu a tawngtaisak thin avangin rilrute Entu chuan Thlarau duhzawng chu a hre thin a ni.’ (Rom 8:26-27) Chutiang bawkin, Kolossa Kohhran te hnena lehkha a thawnah pawh ringtute chu “tawngtaina atan an hun hlan fo’ turin a fuih kha a ni a. A thil tawn hrang hrang atanga lang bawk chu a tawngtai- nunin hnehna a chan tir fo thin kha a ni.

Bible hmun tam takah tawngtaina chungchang tarlan a ni a. Chung te chuan tawngtai chu Pathain tana rinawmna leh inhlanna a nih thu min hrilh. Entirna tha tak mai chu Kolossa 4:2: ‘Tawngtai fan fan ula, chu miah chuan lawmthu hril chungin ngaihven rawh u.’ He chang tawi te hian lawmthu sawi, tawngtai taimak,tawngtai laia kan rilru put hmang tur,harh vang leh inring renga awm turin mi fuih a ni.

Tawngtaina atana inhlan tih awmzia chu enge ni ta ang le? Churchword.org chuan ti hian a sawi: ‘Tawngtai awmzia chu kan buaina zawng zawng, kan mamawh leh thinlung a awm te Pathian hnena a nih ang anga thlenna.

Tawngtaina chu thil pawimawh leh hlutna sang tak. Inpekna chu thiltih, thiamthil bik ni lo, tin, vanneihthlak takin thiamthil bik neih ngai lo a ni.’

The Bible Study Guide chuan ‘inpekna’ ti hian a hrilhfiah – mi tuemaw hnena inpumpekna, , thiltihsakna, rinawm leh hmangaihna te a bik a hlan. Isua pawh khan tawngtai nan a hun a hman nasatzia kan hmu. Gethsemani huanah ngei pawh khan a ti lang chiang hle. A rilru hah em em pawh tum thum a tawngtai hnuah lak kian a nih kan hria. Hengah te pawh hian a tawngtai - baptisma a channaah (Luka 3:21-22), mi a tih dam hnuah(Luka 5:16), zirtirte a thlan hmain zankhuain a tawngtai(Luka 6:12-13) leh tuia a kal hmain(Mat. 14:23). Heng a tawngtai zawh a hahdamna leh Pathian duhdan nena inmila thil thlen zel dan kan hmu a ni.

‘KRISTA NEN CHUAN ENGKIM KA HNEH ANG TIH KA HRIA’ Kei pawhin tawngtaina thiltihtheih zia ka lo hmu tawh. University a ka zirna ka zawh chuan kan ram airline-ah ‘reservation agent’ hna ka thawh chak em em thin chu ka hmu a. Ka hlimna chu engmahin a ti chuai thei lo. Mahse, harsatna a lo thleng ta. Ka thawh kum5 na ah Airline chu hralh niin, a neitu thar te pawh chuan tunhma lamah a thawk tha ber pawl ka nih avang khan min rawih chhunzawm zel pawh ka ring hle. Mahse, ka beisei ang thil a thleng ta tawp lo.

Ka tuar na khawp mai. Buai tak karah chuan ka thil hriat chu- company thar chuan min rawih an remti, mahse, tunhmaa ka chung chiaha hotu khan min lo dang chu a ni a. Ka nuna thlipui min nuai dan chu na tak a ni, muanna reng ka nei lo hi a ni deuh ber awm e. He hun hrehawm leh harsa hian Lalpa hnen lamah tawngtainain min hnuk hnai tih ka hre thung. Vawiinah chuan Territorial Project Officer niin Lalpa tan ka thawk tawh a ni. He rawngbawlna hian tawngtai thil tih theihzia leh Lalpa chu englai mah a ringhlel lo tur leh a thil tih a hrechiang tih min zirtir fiah hle.

I lung te a lengin I ngaihtuahna a buai ve fo thin em? Heng boruak ang chi te Lalpa ka hmachhawnpuiin, ropui taka ngamtuah ka chang leh thin. ‘ropui taka ngamtuah’ ka tih hian enge a kawh? Engang harsatna pawh ni se, hneh rualloh anga lang pawh ni se, Krista nen chuan ka hneh ngei ang tih chhungril a hriatna hi ani. Tirhkoh Paulan ti hian mi fuih a: ‘Lawm fo ula; bang lovin tawngtai ula; engkimah lawmthu hril fo rawh u; chu chu nangmahni lam thuah Krista Isuaah chuan Pathian duhzawng a ni si a’ ( I Thessalonika 5:16-18) Tun thleng pawh hian harsatna chi hrang hrangin min nuai fo thin, mahse, heng buaina karah pawh hian Lalpan chawlhna min pe thin a ni. Thil hre tlem leh fing lo ka ni hauh lo. Nitinin ka hun te tawngtaina a hlanin, harsatnate chhumpui anga an lo zin pawhin, a thutiamin min humin min thlamuan thin a ni.

Tawngtaina: Aw Lalpa, ka lu min chelhsaktu i ni a. Ka pian hma atanga min hretu awmchhun i ni . Engtik lai mahin min kalsan lovanga, min theihnghilh dawn lo ani tih ring tlat turin min pui ang che. Tawngtaina avang chuan Hnehtu aia ropui zawk ka ni thei a, Nangmah nen chuan engkim tihtheih a ni tih hre reng turin min pui ang che. Amen TEPHANIE HAUGHTON Caribbean Territory Tephanie hi Kingston, Jamaica a cheng a ni a. Salvation Army Officer nu leh pa tha tak te fa neihchhun a ni a. Mi nelawm leh mi tih hlim thiam tak mi ni a hriat a ni a. Bible zir nuam a ti hle a, Rom bung 8 hi a nuna harsatna a lo thlen pawhin in tihchakna atan a hmang thin a ni.

Lalpan chiang takin a sawi a: A chhiahhlawh Mosia’n Ramtiam a luh loh tur thu leh Joshua’n a ai-a-awh tur thu hrilh turin a ti a. Tichuan, Lalpan Joshua hnenah : ‘Anmahni chu hlau suh ang che u; a beihpuitu che u chu LALPA in Pathian a ni si a’ ( Deuteronomy 3:22) a ti a.

Engvangin nge hlauh kan bansan ang?

‘Hlau suh’ tih tawngkam hi vawi 80 aia tlem lo kan Bibleah kan hmu a. A chhan lian ber ni a lang chu hlauhna hmanga kan hmelmain rilru hahna leh rinhlehna mihringah a siam chuan ngehlohna leh kan chaknate a sawr zim thin zia kan Pathianin a hriat vang a ni.

Hlauhna chuan rilru hah ngawih ngawihna te siamin, kan taksa a natna hrik do tu ti chauin chung te chuan lunglam natna, pumpui lawng, kaw/pum lam nuam lo, mihring chi tih hutna leh nun hial tih tawi na a thlen ta thin a ni.

Hlauhna awmchhan chu Pathian leh a thutiam te a kan in nghah tawk loh vang a ni fo. Setan’an Pathian fa te chunga a tur hman thin a ni. Hlauhna chuan taksa, rilru leh thlarau te ti zengin Pathian hmangaihna leh ngaihsakna te min rinhlelh tirin, beiseina chau takah min hruai lut fo.

Hlauhna chuan kan thinlunga muanna a ti chhe thin. Mahni insitna te siamin, ngaihtuahna hrisello te min pe in ruihtheih thil leh zu bawihah min hruailutin, mahni intihhlum duhna thinlung hial min siam ta thin a ni. Kan thlarau leh taksa zawi zawi a tihlumtu leh Krista Isuaa nun tam kan neihna min daltu a ni fo.

Hun lo la thleng tur, tihduhdahna, hlohna, natna, helho, thihna te kan lo hlau ange, mahse maw, hlau suh, mi chak kan kiangah a awm rengin min hmangaihna a chuai ngai lo. A Thu chuan ti hian min hriattir- eng pawh thleng se, khawi hmunah pawh awm ila, Krista min hmangaihtu zarah Hnehtu aia Ropui kan ni tih hi.

Engvangin nge Lalpaah kan in nghah ang?

Israel fate ngei pawh hlauhna leh an thuawih lohna avang khan Kanaan an lut lovin thlalerah khan an tluhlum teuh a, an thlah te thleng pawhin a nghawng a nih kha. Kum 40 hnuah, rinna leh thuawihna nen Joshua hovin Ramtiam an luah ta kha a ni a. He chhuan (generation) te hi chuan Lalpaa rinna nghah leh a thutiama chawlh an zir thiam tawh a ni.

‘RAM LEH MIMAL CHAKNA CHU RALTHUAM, THIL NEIH LEH LARNAAH TE INNGHAT LOVIN LALPAAH ZAWK A NI’ Sam 20:7 ah Davida'n: ‘Thenkhatin tawlailirte an ring a, thenkhatin sakawrte an ring. Keini erawh chuan LALPA kan Pathian hming chu kan lam zawk ang,’ a lo ti. Ram leh hnam ten an sipai leh ralthuam te an lo uanthuan pui tawh thin, mahse, chung te chuan rei an daih ngai lo. Lalram ropui tak tak te chu vaivutah an kir leh mai thin. Chakna dik tak chu ralthuam leh hausaknaah te ni lovin Lalpaah a ni zawk. Amah chauhvin mi a humhimin chatuan daih hnehna min pe thei. Haleluiah!

Thuthlung hluiah chuan Lalpa inrawlhin a mi te hnehna a pe thin. Kan Lalpa Isua Krista chuan amah hnaih te chu hnehna nun a pe in a thuin an nun te a ti tlai thin a ni. Isua nen chuan khawvel hripui lengvel pawhin min ti nghing zo lo.

Davida’n Sam 27-a a sawi hian hnu khar ila: LALPA chu ka eng leh mi chhandamtu a ni; tunge ka tih ang?

LALPA chu ka nuna kulhbing a ni; tunge ka hlauh vang? thil tha lo tiho, mi dotute leh ka hmêlmate chuan, ka sa ei tuma mi bei lai khan, An inchhuih a, an tlu ta hlawm a Unaunu duhtak, Kristaah thuk takin zung I kaih ang aw, Isuaa hnehtu kan nih ang ngeiin.

Tawngtaina: Lalpa, i Thu chakin min ti tuihal la, tichuan keimaha hlauhna thlarau awm hi ka hneh theih ngei ang !

CAPTAIN NANA FATOUMA TOGO Mali Region Captain Nana hi Regional Secretary for Women's Ministries ni in ACI 2000 Corps Officer a ni bawk. A pasal Captain Andre Mere-Bara hi Regional Secretary a ni. Zimbabwe, Burkina Faso leh Mali a mawhphurhna hrang hrang an chelh hma hian Democratic Republic, Congo a in zir chhuak an ni a. Fanu pakhat leh fapa pakhat te nu a ni mek bawk a ni.

‘Chutichuan, Davida chuan Philistia mi hnenah chuan,” Nang zawng khandaihte, feite, feitete kengin I lo thawk a; kei zawng Sipaite Lalpa, Israel sipaite Pathian, I chova hmingin ka lo thawk zawk a ni. Tin, heta pungho zawng zawng hian Lalpa chuan khandaih leh feiin a chhandam lo tih an hrethei ang a;indona chu Lalpa indona a nisi a, ani chuan nangni ho hi ka kutah min pe dawn a ni”, a ti a.

Chona leh hun remchangte hi kan nun a bet tlatte zinga mi ani a,hengte hi kan lo tlansan dawn nge kan hmachhawn dawn tih lo hriltu hi thil tam tak a awm, eng zawk pawhnise a tawpah chuan rah chhuah neilo emaw a duah zawk, a keh chhe zawk emaw a hlawhtling zawk,a chau zawk emaw a ti phurtu zawk, a chaklo zawk emaw a chak zawk kan lo ni thin a ni. Hringnun zinkawng kan zawh lai hian kan nun a harsatna a lo thlen changin chung thilte chu kanin hnehtir dawn nge kan hneh let zawk dawn tih chu mahni mimal kut ah theuh a inghat a ni.

Amaherawhchu Isua Krista hmangaihtute leh a ama awmpuina leh chakna hretute tan chuan chanchin lawmawm tak a awm, “chung zawng zawngah chuan, min hmangaihtu avang chuan ropui taka ngamtu kanni”. (Rom 8:37) Ringtu tam zawkte chuan Davida leh Goliatha thawnthu kha kan hre theuh awm e, 1 Samuela bung 17 ah khan Davida’n chona leh hun remchang tam tak a neihte kha kan hmu ang . Nimahsela Davida Lalpa thinlung ang pu mi chu (1 Samuela 13:14) mi ten kawng thalo lam zawh tura an nawr na lakah pawh a ding nghet tlat a.Davida chuan chung chona leh thil remchang zawkte chu Pathian nundan midangte hnena tihlan nan a hmang ta zel zawk a ni.

1 Samuel 17:45 kan chhiar chuan, Davida leh Goliatha in hmachhawn thu kan hmu a. A hmasa berin Davida chuan mipa tharum a chaktak , in ral ring reng , khawvel thilte hmanga chak thei mi chu a hmu a.A leh lam ve thungah chuan Goliatha chuan mipa naupang mai, tharum a chakna neilo, hneh awl tak tur a hmu ve thung. Mahse Davida chuan Goliatha chu vau in Lalpa hming lamin amah leh Israel hote chu Lalpan a venghim dawn ani tih a sawi ani. He thu hi ringtute tan a pawimawh em em a, Pathian thu a in ziak atanga kan en chuan

heti hian a inziak ‘Lalpa hming chu kulhpui a ni a, mi fel chu a tlan lut thin a, a him thin.’(Thufingte 18:10).Tin,heng thute hi kan hmu bawk a ‘ka thalngul hi ka ring dawn silo va, ka khandaih hian mi chhandam hek lo vang.’(sam 44:6-7).

Davida kha ralthuama inthuamin alo inring reng tawh a ni.

A chang dawt leh chiah ah chuan Pathian leh a nundan kalbo santute boral dan leh rapthlakzia a rawn sawi a, mahse hei pawh hi Pathian in a ropui nan a rawn hmang a ni “..lei chunga mi zawng zawng hian Israel-ho zingah hian Pathian a awm tih an hre thei ang’ (1 Samuela 17:46). Tun hun ah pawh hian chona leh hun remchang kan neih ah hian Pathian awmpuina leh a nundan kan zui loh chuan kan tan chhiatna leh kawng min botirtu a lo ni thei a ni. A pawimawh ber chu Pathian thinlung duh zawng thlan hi a ni, tichuan Pathian ropuizia leh awmpuina chu kan lo hrethei ang.

“PATHIANIN A DUH BER CHU AMAH I HRIAT A, A THINLUNG DUHZAWNG I HRIATFIAH HI ANI”.

Chang 47 na a Davida thusawi kan chhiar chuan, “Tin, heta pung ho zawng zawng hian Lalpa chuan khandaih leh feiin a chhandam lo tih an hrethei ang a; indona chu Lalpa indona a nisi a” tih hi Philistia mi te hnena a sawi zawh chiah a nih hmel.Engpawh nise ringtuten heng thu te hi kan hriat nawn fo atan a ni. A hmasa berah chuan, Khawvelin indo nan a ahman thin te (thinrimna , inhuatna , duhamna , itsikna etc) te hi Pathian in a hmang ve ngai lova, a duh zawng leh nihna pawh a ni lo. Pahnihna ah chuan Lalpa duhber chu amah leh a thinlung duhzawng i hriat hi a ni. Ringtu Lalpa duhzawnga inthuamte nun chu thlarauva tih khah a ni thin. A tawp berah chuan inpekna, chona leh hun remchang i neihte chu Lalpa hnenah pe la. Amah chu I rilru leh thinglung a thuneitu ni turin sawm la, a thinlung duhzawngte chu zawng bawk rawh.

Vawiinah hian inhriatthiam tawnna leh finnate chu Davida nun atangin kan lo hrethei ta a, kan nunah hian hmuh theih leh hmuh theih loh indona a awm thin a. Nitin in chung indonate chu a hneh tu emaw a tlawm zawk ni turin thutlukna keimahni nun theuh ah kan siam a ngai thin, thutlukna i siam hunah chuan

Lalpan tun hun atan a thlang che a, hnehna changtu ni thei turin a thuam chak che ani tih inhriat nawn tir fo thin ang che.

Tawngtaina: Lalpa I hnenah ka rawn inhlan e. Miten a tha lo lam kawng a min nawr lai leh ka nunin a tawh mek thilte chu, he khawvel thil hmangte nilovin,engkim chunga hnehtu I nihna ringa lo hmachhawn thei turin min pui ang che.

MAJOR JOLENE HULL USA Central Territory Major Jolene hi Territorial Women’s Ministries Secretary a ni a. A pasal nen hian fa duhawm tak pali neiin nu leh pa nih nuam an ti hle a ni. Jolene hi a nuna a thiltawn ang zel a inzir mi niin a in sawi thin.Khawngaihna ngah tak leh midangte ngaihsak mi ani a, a bul vela mite tanpui nuam ti mi leh hma an sawn zel theih nana puih hi nuam a ti em em bawk. A hun awl ah chuan meilum bulah Coffee no leh Bible nen I hmu thin ang.

‘Tuite in dai kai lai pawhin kei in hnenah ka awm ang a; luite in dai kai lai pawhin a chim pil lovang che u. Meia in kal tlang lai pawhin in kang lo vang a, meialhin a tialh hek lo vang che u.'

Kum ruk ka nih lai in ka mumangah tuiah ka lo tla a, Ka ka leh ka hnar a tui ka hak laite chu chiang takin ka la hre thei, boruak hip turin ka theihtawp in ka bei a, ka beidawng tui a ka pil dawn lai tak chuan ka harh chhuak ta daih a ni.

Tui cheng tura huaisenna nei turin kum tam tak ka hmang a, vawiin ni thleng hian kha ka mumang a beisei bo tak leh puitu neilova ka awmlai kha ka theihnghilh thei tawh lo. Kha mumang khan min nghawng nasa hle a ni.

Juda ten an hun harsa lai ber an hmachhawn laiin Zawlnei Isaia khan he kan Bible chang tarlan thu hi a ziak a. Pathian thu an awih duh loh zui zel a, an mahni leh an mahni pawh chu saltang ang maiin an in siam anih kha. Heng hunlai hian harsatna ,fiahna leh tihduhdahna an tuar nasa em em a ni.

Juda te ang a nun hahthlak tak tuar ve lo mahila, kan hrehawmna leh tuarna tawh te chu a in ang thuak maithei. Tuipui thuk taka tui te angin i nun ah harsatna leh buaina ten a chim changte pawh alo awm maithei ani.

I nun a buai a, i duhzawng angin engmah a kal thei silo, thawk harsa i ti em em a,Thlarau lama indona in alo chim ral mek bawk che a, buaina pakhat i chinfel zawh hnu lawkah a dang alo awm leh zel avangin pil thuk ta telh telh nia inhria in, hahchawlhna hun neilo angin I awm fo thin.

Isaia 43:2 ah chuan Pathian in thutiam ropuitak min hlan a, chu thutiam chu Judate hrehawm lai bera a tiam ang chiah kha a ni“Pathian in a mite a humhim ang tih hi”. Ani chuan tui fawn karah leh meialh kara kan kallai pawhin kan hnenah awmin min venghim tlat dawn a ni tih a sawi a ni.

Heta meialh hian Hebrai mi pathum chanchin min ti hrechhuak a. Sadraka, Mesaka leh Abednago (Daniel bung 3) ten rangkachak milim chibai an buk duhloh avanga meialh nasa tak a an paihluh khan an taksa ah engmah hliam

awm lo in an lo chhuak leh thei anih kha. Kha thil kha Pathian venhimna avang chauh a thleng thei a ni.

Isaian heta a thil ziah awmzia tak chu, eng ang harsatna karah pawh keimahni chauh a kan paltlang dawn loh thu min hrilhna a ni. Chu mai bakah Isua ringtute chu eng ang chona pawh lo hmachhawn ila aman min tanpuiin chungte hneh thei tur chuan min tichakin min chhanhim dawn a ni.

Intiamna ropui tak chu ava ni em ! Pathian min hmangaihna tih lanna mawi tak a ni. Israel mi te kha Pathian lakah sual reng thin mahse Pathian chu an lakah a rinawma, humhim hial a tiam anih kha.

‘ANI CHUAN CHONA KAN HMACHHAWN LAIIN MIN TANPUI A, HNEH THEI TURA CHAKNA MIN PE IN, CHUNG THIL TEN A TIHNAT THEIH LOH TUR A MIN HUM HIM A TIAM A NI.’ Tun huna kan chhinchhiah tur chu, Pathianin tuite, luite leh meite I kaltlang chuan a ti lo a, I kaltlang laiin a ti zawk a ni. Pathian in kan nihnate a thlak fo dawn lo. Chumi awmzia chu tawrhna leh fiahna te kan nun ah hian kan hmachhawn fo dawn. Tisa leh thlarau ah chona hmachhawn tur tam tak a lo thleng ang, mahse Pathian min chhanchhuaktu tur leh beisei tur kan nei a ni.

Pathian thu atanga kan chhiar chuan kan hmaah khan mi tam tak kal hmasate, Amah ring chunga hun harsa tak an nun a lo kaltlang tawh Mosiate, Josuate, Davida te, Paula leh midangte pawh kan hmu a ni. Min kalsan dawn loh tur thu leh min theihnghilh ngaih loh tur thu min tiam ani.( Deuteronomy 31:6) Ka thian duhtak te leh Krista a ka unaunu zawng zawngte u, he thu hi ka chhiar nawn fo thin. Ka thinlungah ka vawng reng a. Tichuan heng thute hi ka chakna leh beiseina hnar lo niin, Pathian chakna in hun hrehawm ber pawh ka lo kaltlang theih phah thin a ni. Lalpa hian harsatna leh buaina kan tawh hunah amah ko turin min duh a ni tihte ka hrethiam chho ta a. Amah chauh hi heng hrehawmna lak ata min hruai chhuak theitu a ni. Heta a chunga thu te ngun taka

in ngaihtuah hian, Pathian chak leh thlamuantu hi kan hnenah a awm a ni tih hi in lo hriat ve theuh ka duh a ni.

Hun harsa alo thlenin,Pathian thu ringin a thutiamte ring zel ila. I thil hma chhawn mek ten a chimral dawn mai che a tanpuitu ngai a I awm mek anih chuan Isua lam en rawh. I harsatna tawhin a chim buai mek che a nih chuan Isaia 43:2 a mi thute hi hre reng la.Amah ah kan awm chuan hnehtu aia ropui kan lo ni dawn a ni.

Tawngtaina: Lalpa duhtak, kan hnena awm zel tur a I intiamna leh tui te, luite leh meite min kaltlangpui tura I in tiamna avangin lawmthu ka hrilh a che. Nangmah kan mamawh hun che a l hnen pan thei turin min tanpui ang che. Amen

CADET ELIZABETH ZACHARIAH Singapore, Malaysia and Myanmar Territory Cadet Elizabeth hi Officer training mekin kum hnihna a zir meka( Messengers of Grace Session), Malaysia mi ni in, Pathianin Officer a nihna tura a hma chhawpte chu a nghakhlel tawh em em a ni. Chanchinbu a thuziak mi (Journalist) ani a, Documentary Producer hna a thawh laiin Lalpan hun puma rawngbawl turin a ko a ni. Eisiamte, lehkhaziakte leh thui tak tak ke a kalte nuam a ti hle bawk.

‘Chung zawng zawngah chuan , min hmangaihtu avang chuan Hnehtu aia Ropui kan ni’ Kum tam tak kal ta khan Lalpan Koine Greek (Greek tawng chi khat) zir theihna hun tha min pe a. Thuthlung thar bu atir a ziahna tawng dik taka kan zir kha ka hlawkpuiin thuk zawk leh chiang zawkin a thu hriatfiahna leh hriatthiamna min neih tir a ni.

Rom 8:37 atanga thu pathum malsawmna min thlentu han hrilh hriat che u ka duh a ni.

Tunge hnehtu chu?

Dictionary-ah chuan Hnehtu tih chu mi tu emaw midang te ram, tihluihna emaw hmanrua emaw remhriatna hmanga laksaktu tiin a sawifiah a. Greek tawng chuan Hnehtu tih chu “Hypernikao” tih a ni, “hyper” tih awmzia chu thil chung chuang, thil tam tak sawina a ni. “nikao”tih awmzia chu “hneh”,“ dan rual loh a chak” tihna a ni.

Tichuan, heng thu te hi chung chuang taka hnehtu emaw hnehtu ropui tak emaw dan rualloh va chak tiin a sawi theih ang. He thu ka zirlai hian Lal Solomona’n ropui taka Israel lalte zawng zawng aia tam zawk ram a hneh dan te kha ka hrechhuak thin. Amah anga ram tam tak hnehtu kha an awmlo ang tih ka sawi ngam a ni. Chhuan tam tak kaltaah khan Abrahama kha ramtiam (Kanaan) kha pek anih tur thutiam alo ni tawh a. Abrahama atanga Solomona hi chhuan sawm panga a inhlat niin, Solomona kaltlang khan hnehna pumhlum an chang a tih theih ang.

Lalpan hnehtu ni tura min kohna hi phat rual a ni lo, midang ram va laksak ringawt lovin, a zawng zawng a chak taka hnehna pumpui nei a, chu hnehna ropui taka chu lawma kan nun a lan chhuahtir turin min ti a ni.

Tunge kan lamah tang?

A dawt leh ah chuan Greek thu “dia” a awmzia chu ‘thil tih tir tura thuneitu’ bakah ‘a hmanrua’ emaw “tha taka tih tirtu” tihna a ni tih kan hmu leh a. Hei hian a sawi tum chu mi a kawng zawh lai tawp san a, kawng dik zawh a, tuihna thar dawt a hmalam pan mek te an ni.

“LALPAN MIN THLANG A, AMA DUH TAKTE KAN NI A, KAN ZAVAI HIAN MIN HMANGAIHA MIN THLANG A NI.” Kan kawng zawh tinreng a Lalpa kan sawm hian hnehna min chantir thin a ni tih kan hria a, hnehna chan chauh ni lovin, kan hrehawm leh nawm hunlaite, hnehna chang tura chakna kan neih loh lai pawha min tichak turin min awmpui reng a ni. Chutiang hunah chuan amah chu hnehna min chantir theitu a ni tih kan hre tur ani a. Amah chu thuneitu leh hnehna min petu a ni tih kan hrereng tur ani. Khawvel hi chakna emaw hmanrua emaw remhriatna in kan hneh dawnlo, mahse Isua Krista vangin kan hneh zawk dawn a ni.

Tunge min hmangaih?

‘Agapao’ tih hi a hnuhnung ber atan kan sawi duh a. A awmzia chu ‘duh zawk’ tihna a ni, keini Kristiante tan chuan“ Krista tana nung” tihna leh Ziaktu pakhat in sawi dan chuan ‘Pathian thu pawma, a remruatna thlan leh a thu zawm‘ tihna a ni.

Lalpan min thlang a, a duh takte kan ni a, kan zavai hian min hmangaihin min thlang a ni.Thlan bik emaw, mi duhsak bikna I lo tawng tawh em ka hre lova, amaherawhchu Lalpan a thlan bik i ni a, kan nun atan a tha ber min duhsak a ni.

Agapao chuan mahni hmasial lo hmangaihna a entir a, hmangaihna thianghlim leh thuk ber, hmangaihna dang tluk rual loh, hmangaihna midangte tana inhlanna neihtir theitu a ni. Lalpa chuan hetiang hian min hmangaih, hmangaihna thuruk neilo, mahni hmasial lo,engkim min pe phal a min hmangaihtu a ni. Rom 8:32 ah hetiang hian kan hmu a, “Ama fapa ngei pawh

zuah lova kan zaa ai petu chuan, thil zawng zawng pawh a thlawnin min pe tel lo vang em ni?

Vawiinah hian he Hmangaihna hi vuan tlat a, ngai hlua I nun a lo pawm turin ka ngen che a ni.

Tawngtaina: Aw Lalpa hnehna pumhlum leh ropui tak nei turin min pui ang che. Nangmah rinchhana kalin, I hmangaihna leh awmpuina kan dawng thin. Nang chu engkim chunga thuneitu Pathian leh kan nun atana I remruatna te tihhlawhtling thei tura min puitu I ni tih kan ring a, I thu a awm turin kan rawn inhlan e.

CAPTAIN DIANA CAMPOS Latin America North Territory Captain Diana Campos hi Territorial Women’s Ministries Officer bakah heng ram hrang hrang Elsavador, Guatemala leh Costa Rica ah te thawhna remchang an nei tawh a. Training College ah a pasal Captain David Campos nen thawkin an thawhna leh hmunte nuam an ti hle a, hnam hrang hrang ten Pathian rawng an bawl theih nana in hawng taka an lo lawm thin avangin an chungah an lawm hle a ni.

“……Chung zawng zawngah chuan min hmangaihtu avang chuan Hnehtu aia Ropui kan ni” Beiseina hi lungngaihna chirhdup atanga kan tal chhuah lehna kawng ani reng fo ang. Beiseina tello chuan talchhuah theihna reng kan neilo. Beiseina tello chuan natna thuk tak kan hmachhawn te hian tih theih reng kan nei thin lo.

Hmanni deuh a Thlarau Thianghlim kohna aw ka hriat chuan ka thil thlir dan min sawi danglam dawrh mai a. Thu tlukna siam hleihtheih loh thilah, a engkawng zawng pawh beidawnthlak tak mai ah tang khat tlat ni a inhriatna ka nei a. ThlarauThianghlim chuan zawitein, “Rebek duhthlan theih a tawp hunah, I thlan turin engtiklai pawhin ka awm a ni tih i hriat nan he dinhmunah hian ka hruai che a nih hi”, a tih ka hria a. Remruatna mak, i rin phak bak ka nei tih hi i ngaihtuah ngai em? Tuna i hun tawn hi nangmah a i tih theih tawh loh hnu a rinna i neih theihna tura ka zirtirna che a nih hi, i khawvel buaina chinfel dan reng i hriat tawh loh hnua keimaha beiseina nei tura ka zirtirna che a ni tih hi i ngaihtuah ngai em?” tiin.

He thu ziak tura in buatsaihna tawngtaina ka neih lai chuan, ti hian Pathian ka zawt a,”Khawvel puma Hmeichhiate hian engnge hriat kan mamawh ber ni ang le?” tiin, zawite in ti hian min hrilh a, “Beiseina hi inhrilh hriat thar an ngai a, chu an beisei a chu keimah ka ni tih nen,” tiin a sawi ka hria a.

Chuvangin nitin vawi hnih Beiseina a inthunun hi I zir thar reng ang u.

Zinga beiseinaa inthununin ngaihtuahna tinte thuhnuai ila.

He Bible zirtirna anga kan in thunun fo loh chuan kan nun hi ava hahthlak dawn em! Rilru lam sukthlek\leh ngaihtuahna sikul chuan, thil reng reng a nilo zawng leh a hlauthlabar zawnga chet an tum fo nate hriathiamna leh siam that lehna “ tiin a vuah, Bible chuan hman hmanah lo sawi tawhin, kan ngaihtuahna thunun tu kan ni tur a ni. Kan ngaihtuahna chungah hian thu kan nei tur a ni a ti ani.

Alison chuan a nau hmeichhia nena an chanchin thenkhat a sawina ah, a nau Tammy chu rilru lam chiaina (anxiety) nei ani. Lungngaih leh hlauhthawn

thutna (Panic attack) nei a ni a. Tum khat chu Bus-ah an University kal tur an chhuah hma minute tlem la awm ah chuan, Tammy chu hlauhthawnna a rawn nei tan ta a. Kha Bus-ah khan a hawn lai mekin a huna chhuk theilo tura inngaihna leh tang tlat tur nia in ngaihna chuan hlauhthawnna nasa tak mai a neihtir a. A thawkte chu a rangin mangang hmel takin a mittui a rawn parawl ta mai a.

Alison chuan, ”Tammy thawk pangngai takin han la ta, Bus atanga tal chhuak theilo tur angin i in ngaihtuah mai mai a nih kha, a nihna takah chuan kan duh phawt chuan kan chhuak thei reng a nia. A tul phawt chuan Driver hnenah kalin thil hmanhmawhthlak avangin kan chhuk duh kan ti mai ang, tiin a hrilh a Tammy chu a tithlamuangin, chu thu chu a mah leh amah a inhrilh nawn mawlh mawlh bawk nen Bus lo thlen hma chuan a anxiety chu a reh ta a. Alison chuan chu hun a tawn chu hnehna a channa hun pakhat a ni tiin a sawi a ni.

A chang chuan kan hlauhna te hi hlauhna awm reng thilte a nia, hun khirh leh thaw-pikthlak tak te hi kan duhthu in kan la bo mai theilo a, hmani lawk atang khan, IKorinth 10:13 thu, “Mihringin kan tuar theih ang chauh lo chu thlemna reng reng in chungah a thleng ngailo, ”tih hi kan lo hrethiam lo fo tih ka hrechhuak a. Kan mihring mihrinna in a tawrh theih bak hi kan tawk fo thin ang, chu tak chu kan Pathian nen inlaichinna tha kan neih a tulzia leh inpawhna tha kan neih a pawimawhzia lo lanna a ni.

A chang chuan Tammy ang mai hian minutes 25 chhung vel hial ang te, rilru leh tawngka pawhin chhanhim/humhim tlat ka ni tih mahni leh mahni in hrilh nawn mawlh mawlh kan ngai thin, Pathian min hmu rengtu, Pathian min hmangaihtu chu kan kiangah a awm renga, englai mahin min thlahthlam ngai dawn lo a ni.

I rilru kha eng ngaihtuahna in nge ti chiai buai thin le, chung ang a lo thlen chuan tihtawp tumin tan i la thin em? Zing leh tlaiah te hian chung chu a zavaiin Lalpa hlan te hi chin thanah i nei thin em?

I mihring thlirna dana awmzia reng awm thei tawh lo ang mai hmunah pawh Pathian thiltihtheihna, thatna leh finna ah te rinna i nghat thin em le ?

Tlai lama Beiseina a inthununa: Midang nen in teh suh. A hmangaihna che I tan a tawk.

Kan Bible chang lak chhuah tawp lam kha ‘Min hmangaihtu avang chuan’tih a ni a. Kan innghahna ho te mai –Isua kan rinna siamtu chu – Min hmangaihna hi a ni.

Kan tunlai hmangaihna erawh hi chu a pawnlang khawpa,mahni hmasialna leh inngaihzawnna thil nena inzawm zunleng te nen a nifo ta mai pawh a.

Lei leh Van Pathian hmangaih nih chu a mihriat nihna a ni a. hun kal tawh a kan natna, zahna, tihsual, inthlahdah/thatchhiat leh inthununna reng neilo leh Pathian hlat taka kan awmte,chutiang chung pawha thlan leh umzui kan nih ang hmangaihna hi, Fa ka nei lo na a, he hmangaihna leh Nu leh Pa ten fate an hmangaihna kal dun dan hi ka hrethiam a, Christmas atana kan unau za atana senso leh hmanral tur te an chhut thin kha ka la hre reng mai. Ka nau hmeichhia ngawlvei leh depression nei a a awmlai a ka pa thinlung keh natziate kha ka la mitthla thei reng mai, a zahpui ngailo a, ka nau nun duh dan chuan thuk takin tina mahse, a natna leh a tuarna lakkiansak theih chu a duh em em thin kha a ni a.An duhthusam ber chu Krista a nun tak kan neih kha a ni tih ka hria a.

Beiseina nung neia awmze neia nun kan hman tlat kha. Hetiang taka nu leh pa hmangaihna nena seilian vek hi mi anni lo tih ka hria. Chu khawvela hetiang taka hmangaihna pawh hian Pathian hmangaihna chu teh phak rual a ni lo.

Pathian chauh ena kal a, min hmangaihna ring tlat tura in tukluhna hi a pawimawh em em ani. Kan thian leh unaute ena, awta, thika lungawilo kual mai lovin.

I Korinth 2:9 a asawi ang khan “Mita hmuh ngailoh, benga hriat ngai loh, Mihring rilrua lut ngailo Pathian-in a hmangaihtute tan a buatsaih apiangte chu”tih ziak ang khan. Pathian kan hmangaihna hi chawm that a chawm nun that hi kan mawhphurhna ropui leh pawimawh tak a ni. Tunge a nih a, eng mi

nge a nih tih te leh Mihring tisual thin, sawisual thin ang nilo, a lainatna leh venhimna kiam ngai velo a nih kha.

Tawngtaina: Lalpa, nangmah nen kan in laichinnaah hian Beiseina leh Rinawmna a in thununna tuh nghet tlat la, kan la temchhin ngai reng reng loh khawpa nangmah hnaihah min kai la, min thlahthlam ngai loh avanga lawmthu sawiin kan dil e Amen.

REBECCA MCNEILY Canada and Bermuda Territory Rebecca hi Salvation Army-ah seilianin a nu leh pa SA. Officer, April and David ten nen Eastern Canada leh France ah te a zin kual ve thin a. Unau hmeichhia 3 anni a, amah hi a upa ber a ni. MA a zawh hnu in Canada a Salvation Army-ah hnathawkin a awm ve a. Women Ministries Department ah Resource and Social Media Coordinator hna a thawk a ni.

Nun hi indona field a ni a, nun dan hi kan beih dan ani. Mahse, chu nun kan hmachhawn danah chuan duhthlan theihna kan nei a. Indonaa hnehtu ni tur emaw hneh nih emaw chu kan thlan theih a ni. Rom 7:18 a kan hmuh angin tisa chuan min thlem a, setana chuan kan hlawhchham hun chu a nghak reng bawk a. Mahse, Krista ringtu kan nihna angin kan tho anga, hnehna chu, Isuan kan tana min hnehsak tawhna vangin kan chanvo a ni a, chu chu kan hauh tlat tur a ni.

Thupuan bung 2 leh 3 ah kan hmu a, chaklo, hnehtu nilo chuan engmah an rochun lo anga, hnehtu-te chuan Van malsawmna an rochung dawn ani. Pathian thu hi hnehtu ni tura kawng min kawh hmuhtu a ni.

Science leh Technology a lo sang zel a, thil nihna tak, hlutna/diknate chu a tlahniam nasa ve mek bawk a, a chhan chiang takin Pathian thuah kan hmu a.

Pathian hian khawvel hi malsawmna in a siam, mahse, Pathian thilsiam ropui ber mihringte chuan thuawihlohna avangin thilsiam zawng zawngte chu sualah a chantir ta .Rom3:23 ah, “Mi zawng zawngin thil an tisual tawh veka, Pathian ropuina an chang zo ta lo”, a tih ang khan. Tin, Luka 13:5b ah chuan, “..Ka hrilh a che u, nangni pawh in sim loh chuan in boral vek ang”; tih kan hmu.

Pathian hmangaina che chu i hlimpui em? Mi tupawh Isua Krista chhandamtu a pawm chuan chatuana hneh nihna ata zalenna tur remchang a hmu a ni. Chu sual fate tan chuan1.

2.

3.

4.

Isua Krista kan chhandamtu ah kan pawm anga.

Sualn gaidam turin hiltihtheihna anei tih kan ring ang.

Kan nihna sualte kan pawmin kan sim ang.

Kan zawng zawngin Isua Krista ah kan intu lut ang.

Keimahni in hnehna nei tura theihna/tumna leh chakna kan neih loh avanginThlarauThianghlim chuan min tanpui thin a ni Thlarau hruaia awmte chu kawng engkimah mi vannei an ni. “Chakna niloin thiltihtheihna ni heklo in keima thlarau zawkin le.”(Zakaria 4:6) a tih ang khan. Krista chu kan chhandamtu a kan pawm hnuah pawh fiahna leh tawrhna nasa tak kan nei cheu

tho ang; mahse chung hunah pawh kan chak lohna hriain Isua Krista kan rinna chu tinghet a tichak zual deuh deuhin, tihduhdahna engpawh hneh thei turin chakna kan nei leh thin ang.

Krista zuitu nih hnuah pawh setana thlema,vah bona lakah kan him mai lova, chung ang thlemnate chu tiang hian kan hneh zel ang.

1.

2.

3.

4.

5.

Pathian ralthuam famkim chu ha in Pathian kan rinna tichakin.

Nitin Lalpa nen inpawlna leh tawngtaia in tichakin.

Pathian hmangaihna ah awm rengin.

Hlau lovin khawvel kan hmachhawn ang.

Zirtirna leh thurin dik lote hian khawvela kan thiltih rah avanga hnehna chang tur angin min in ngaihtir thin a, mahse hnehna tak tak Isua a kan neih chu kumkhua chatuan atan a ni.

Khawvel ken tel sualna avang hian kan tuarfo thin, mahse Krista a nunga in sate chu khawvel chhiatna engmahin a ti nghingin a hneh ve ngailo ang. Thupuan bung 2 leh 3 ah hnehtu, indona field-a an do te hnehtute chuan, Isua min hmangaihtu ah chuan Van malsawmna ropui tak an dawn tur thu kan hmu a ni.

1. Thupuan 2:7 A hnehtu apiang Pathian paradise a nuna thing ami ka eitir ang.

2. Thupuan 2:11. A hnehtu apiang thih hnihna chuan engmah a ti lovang.

3. Thupan 2:17. A hnehtu apiang hnen ngeiah chuan manna thuruk zinga mi ka pe ang a,lung var pawh ka pe ang,chumi lunga hmingthar ziak nen, chu hming chu a changtu chauh lo chuan tuman an hre lo.

4. 2:26. Tichuan a hnehtu apiang leh a tawp thleng a ka thiltihte pawmtu apiangin, keiin ka Pa laka ka hmuh ang bawk hian, chumite chu hnam tin chungah thu ka neihtir ang.

5. 3:5. A hnehtu apiang chu……nunna bu ata an hming chu ka thai bo tawp lovang.

6. 3:12 A hnehtu apiang chu ka Pathian Biak inah chuan banah ka siam anga.

7. 3:21 A hnehtu apiang chu ka lalthutphahah ka hnenah ka thuttir ang.

Pathian min hmangaihtu kaltlangin indona tha chu a tawp thlengin bei ula hnehtu leh hnehna lawmtu niin Pathianin chatuan atana hamthatna a pek tur che u chu hlimpui ngei ang che u.

Tawngtaina: Hmangaih Pathian, kan nitin nun ah hnehtu ni turin min pui ang che Amen.

CAPTAIN THUSARI PEIRIS Sri Lanka Territory Captain Thushari hi Colombo Central Corps ah Corps Officer niin rawng a bawl a. Sakhua lam ti lemlo chhungkua a seilian a ni a. Kum 20 a nih in Krista chanchinte hriain, chhandam a ni a.A chhungte nen hlim takin Lalpa rawng an bawl mek a ni.

“ …then suh e chung zawng zawngah chuan min hmangaihtu avang chuan Hnehtu aia Ropui kan ni”.

Krista khawngaihna a chhandam kan ni a, hmangaihna nen min hruai reng thin.

Pathian chuan amah zawnga amaha in nghat te chu hmangaihna, khawngaihna leh lainatna in a chelh tlat thin a ni. Hei hi Lalpan kan tan kumkhua a a thu thlun a ni reng a ni.

A khawngaih, lainatna ah kan nunga, chutih mek laiin Thlarau lam indona nasa takah kan awm reng bawk a ni. Ephesi 6:12 ah kan hmu,”Kan buante hi tisa leh thisen an ni silo,Lalnate leh thuneihnate leh thim chunga khawvel roreltute leh Van hmunah te thlarau sualho awm te an ni zawk e”. Thlarau sual leh thihna thiltihtheihna lakah indona nasa tak kan hmachhawn renga, hei hi nitin kan do a, Isua hminga mithianghlim chhandam nihna atanga kan do reng tur chu a ni.

He thlarau indona ah hian,ringtute chu kan phur viau emaw, zam viau emaw a ni thei, a chhan chu chutiang thil chu an tawh nawn fo avangin. A chang chuan kan thimrimin, huatna, lungngaihna, khawharna, hlawhchhamna,, chauh em em na leh depression hial te pawh kan nei thin. Chung chuan keimahniah a chhe zawngin hna a thawk nasa thin a ni, mahse, heng thlemna lakah hian kan Bible in engtinnge a sawi I Korinth 10:13 ah, “Mihring tuar theih ang chauh lo chu thlemna reng reng in chungah a thleng ngailo ,” a ti. Tin, Pathian chu a rinawm a, i tuar zawh loh tur thlemna a tawh tir ngailo ang che. Mahse, thlemna i tawh chuan i tuar zawh nan a tlan chhuahna a siamsak zel bawk ang che.

'PATHIAN HI A RINAWM A; I TAWRH THEIH LOH KHAWP THLEMNA I TAWH A PHAL NGAI LOVANG' Pathian hian harsatna kan tawh a kan hneha, kan than hi a phal tak zet a, thlemna do zo tur in kan la chak tawk lo a ni maithei. Mahse, Lalpa kan rin ang tawk zelah Pathian chuan a kut thiltithei chuan min hruai zel thin a ni. Hneh zel tur lehThlaraua puitlin lam pan zel turin min hruai thin a ni.

Harsatnate chu lianin hneh har tak hmel ni thin mahse, chauin i zam mai lo ang u, Pathian hmangaihna leh kan tana a thutiam rinawm tak chu ring tlat chungin hmalam pan zel ila, Rom 8:37 thu hi hre reng ila….. chung zawng zawngah chuan min hmangaihtu avang chuan ropui taka ngamtu kan ni.”Isuan min hmangaiha, chumi zarah chuan hnehtu aia ropui zawk thlemna zawng zawng chunga hnehna changtu kan ni. Min hmangaih vang chauhinThlarau indona hmachhawn mek ringtute tan hian Isua, hnehtu lam en hi a pawimawh ber fo a ni. .Hnehna nun min petu chu ring nghet tlat fo thin turin. Kan nitin nunaThlarau indona kan hmachhawn mek zelah hian, nitin Thlarau thianghlim zarah hnehna chang zel turin Tawngtaina ka hlan e.

Tawngtaina: Lalpa, khawngaihin kawng dikah min hruai la, eng ang hunah pawh nangmah kan en tlat theih nan, Thlarau indona ah hnehna chang zel turin min pui ang che.

LIEUTENANT RAN LEE Korean Territory Lieutenant Lee hi tunah Corps Officer niin Habuk Corps, Jeolla Division ah a pasal Captain MyoungJIn Kang leh an fapa kum 4 mi nen rawng an bawl meka, Salvation Army Officer niin hlim takin an thawk mek a ni.

Tirhkoh Paula’n Ephesi khua a kohhran ho te chu Pathian ralthuam famkim a inthuam a, he khawvel awp bettu thlarau sual awm ho te bei a, a lalna ram thiat turin a sawm ani.

Paula sawmna hi thlarau indona niin keipawhin ka ngai. He indona hi rin loh tak maiin kawng hnih angin a ngaihtuah theih awm e. Ngaihtuahna uchuak tak emaw nitin kan khawsakna ngaihthah thak khawpa thlarau khawvela insawrbingna emaw, kan nuna harsatna hote lo thleng pawh setana beihna angin emaw a ngaih theih awm e. Isua leh a dan thuah tih takzeta inhlanin bul tan mahse, an harsatna lam hlir thlirin Isua lam hawisan zawk a awm theih a. Mak tak maiin, he thlarau indona hi ngaihthah emaw phatsanin emaw a awm leh thei a ni. Rawngbawlna kawnga harsatnate, chanchintha hrilhna kawnga dodalnate, ringtute zinga inthen hrannate, hatsatna lian leh te ber thleng pawh in kohhran mite zingah leh mimal nun thlengin, he thlarau indona hi a telah kan ngai anih chuan,kawng dik min kawh hmuh tu Isua lam thlir thei lovin, kan harsatna chauh min hmuh lentir thei dawn a lo ni.

Tirkoh Paulan thlarau indona a sawiah hian, Sual thiltihtheihna aiin, Pathian thiltihtheihna chu a chakin a chungnung zawk a, sual do tura kan inrin reng theihna turin Pathian ralthuam famkim a inthuam turin leh,thlarau sual laka kan lo inven theih nan nasa takin min fuih a ni (1 Thessalonika 2 : 1-10, Ephesi 5 : 16 )Pathian min pek a chakna leh a thiltihtheihna hmangin hnehtu kan ni tih in hriain,Lal Isua Krista’n kan tan Kalvariah min hnehsak vek tawh ani tih I hria ang u.

'PAULA'N THLARAU INDONA A SAWI HIAN PATHIAN THILTIHTHEIHNA CHU SUAL THIM BER AI PAWHIN A CHAK ZAWK ANI TIH MIN HRIATTIR A DUH A NI' Tun thlengin he inbeihna hi hriatthiam phak rual lovin a la kal zel a. Lalpa ram tana kan beih a, chanchhintha hrilna kawnga ke kan pen mek lai hian lungngaihna leh dodalna chi hrang hrang ten a tak ngeiin kan nunah harsatna a lo thlen thin.

Paula’n thlarau indona atana thlarau ralthuam chi hrang hrang a sawite hi ka duh em em a. Rome Sipaiin an ralthuam famkima an in thuam ang chi hrang hrang hi Paula pawh hian a mitthla niin a lang (anih loh pawhin a jail tan laia a vengtu sipai thuam kha a mitthla a ni thei bawk). Mahse hetiang khawvel ralthuam lam hi chu a sawi tum a ni lo. Isaia 11:5 leh 59:17 ah chuan heng thu tak kawnghren te, felna awmphaw te,chhandamna lukhum te hi hmuh theih in a awm a, he bible chang pahnih hian Lal Isua lo kal lehna thu sawi mahse a thu laimu chu, ‘remna chanchintha inbuatsaihna chu in keah bunin ding rawh u’ ( Ephesi 6 : 15)tih nen hian a inzawm tlat niin a lang.

Isaia 52 : 7 ah “Tlangahte chanchintha thlen a, remna thu tlangaupui a, Thiltha chanchintha a thlena, chhandamna thu tlangaupui a, Zion hnenah I Pathian chu Lalah a thu a, ti tute ke chu a va mawi em” tih nen pawh hian thlarau ralthuam hi a sawi zawm theih awm e.

Isaia thusawi hi heti zawng hian lo ngaihtuah dawn ila, pheikhawk hi kan ke phah vengtu atan a pawimawh em em a, mahse Isaia hian invenna leh a taka indona lam ni lovin, thlarau sual laka kan venhimna atan chuan Remna chanchintha hrilh a, kan nun te krista tana nun hi thil pawimawh hmasaber a ni a ti a. Krista tana kan din nghehna hmanrau tha ber chu Lal Isua lam en chunga kan harsatnate hmachhawn zel hi a ni. Hebrai 12:1b ah ti hian kan hmu, ‘Isua kan rinna siamtu leh tifamkimtu lam chu enin,kan hma a intlansiakna tur awmah hian chhel takin I tlan zel ang u’.

A dawt leh a kan ralthuam tur chu Rinna awmphaw a ni a. Awmphaw lian tak kan taksa khuh zo tur khawp a ni. He rinna awmphaw hian ka mimal rinnate min ngaihtuah tir a, He rinna awmphaw atan hian silai kahtlang theih loh kawp a tha emaw kahtlang awlsam puan pan nem emaw hmanraw hman lam nilovin, ka rinna hi ka ralthuam chu a ni zawk a. Amah ka rinngamna zelah ka theihnate a lo chak zawk thin a ni. Ani chu a chak tawk em em sia. Lal Isua leh setana thlalera an inhmachhawn tum khan,setana chuan thiltihtheihna danglam leh thilmakte hmang tur leh tilang tura a nawr viau chung pawh khan Isua chuan

engmah hmang lovin, Pathianin pek a lo tiam Rinna kha a takin a hmang mai a ni.

A pathumna atan chuan Chhandamna lukhum kan lua khum a ni. Kan lu hi kan taksa peng hrang hrang hnathawh kualtirtu leh thununtu anih avangin,kan taksa penga a pawimawh ber a tih theih awm e. Hetiang chiah hian chhandamna hi mihringte tan chuan thil pawimawh tak a nia,amaherawhchu kan thawh chhuah lam nilovin, kan Lal Isua’n amah leh amah a rawn inhlanna avang chauhin kan chang thei ani. Chhandamna Lukhum pawh hi khawngaihna avanga chhandam kan nih avang chauhva nei thei leh indonaah pawh hneh thei kan lo ni Khawngaihna avanga chhandam kan nihna hi sual dona kawnga kan invenna hmanrua tha ber chu a ni. Thlarau indona ah hian a chang chuan,kan mihring nun nen intih buai leh inkalh chang a awm thin a, mahse amahah chuan hahdamna a awm a ni tih hriain chutah chuan ka chawl hahdam thin a ni.

A tawp ber a kan hmanrua tur chu, amah ngeiin min pek thlarau ngunhnam a ni.

He ngunhnam hi Pathian thu nung, khandaih hriam tawn engang ai pawh a hriam a ni (Hebrai 4:12). He hmanrau ngei mai hi a ni Lal Isua pawh khan thlalera setana nen an inhmachhawn tum khan a hman ni. Pathian ralthuam thlarau ngunhnam tih tawngkam hi Johana 14:26 a, a thlarau thianghlim chuan in hnena ka sawi zawng zawng a hriat chhuah tir leh ang che u tia a sawi ang hian, he thu hi kan thusawiah leh kan titina ah pawh kan hrechhuakin kan sawi tam hlein ka ring.

Isua hi Thu – Pathian thu a ni a, chu thu chu kan nunah kan vawn renga, sual dona atan pawh kan hmanrua tha ber tur a ni ang. Mitin hian harsatna kan hmachhawn thin, a then chuan theihtawpin kan beilet a, a then erawh chuan kan la zam mai mai thin. Engpawh chu nise kan beihna ah hian Isua chauh hi kan hriatthiam phakbaka hnehtu, remna siam theitu chu a ni si a.

Tawngtaina: Vawiin ah hian Lalpa kan thinlung chhungril ber rawn luah la, I thilthihtheihna nasa tak hrefiah thiam thei turin min kaihruai ang che. Nghet taka dinga, nangmah chauh en thei tur leh I khawngaih thiltihtheihna ropui dawng turin min pui ang che.

LIEUTENANT JANNE VAJE NIELSEN Norway, Iceland And The Faeroes Territory Lieutenant Janne Vaje Nielsen hi Norway Iceland leh The Faeroes Territory, Harstad Norway Chhim lamah Corps Officer niin rawng a bawl mek a. Officer Training College-a a luh hmain tleirawl leh thalaite tan hun pum a rawngbawltu chherna Programme te a siam a, Oslo khua ah Corps a din bawk a ni. Isua rawngbawlna chanchinte, a tuarna leh a thihna chanchinte hi zirtir leh sawi nuam a ti em em ani. Krista avanga nun inthlak danglam hmuh hi nuam a tiin meilum ai chunga lehkhabu han chhiarte hi nuam a ti em em bawk a ni.

Hrehawmna, dodalna emaw hnung tawlhna emaw te hi kan nunah kan tawk theuh a. Heng te hian min ti hnual thina, chutih rualin min tichak lehzual tu an ni bawk a ni.

Nitin hian hlawhtlinna/ hnehna min hnaih tirtu emaw min hlat tir tu kan tawng indawt zut thin a. Heng indona kan hmachhawn hian lo dawn sawn dan kan thlan thiam a ngai hle a ni. Lo beih tur nge lo in ven tur, hneh kan lo tum ang nge kan lo hnungtawlh ang? Kan duhthlanna chuan keimahni chauh ni lo, kan chhungte, thiante leh rawngbawlpui te thlengin a nghawng thei a ni.

Kan nun hi chatlak lo a indona thlenna a ni thei a. Mal ngawih ngawihna te, phatsan nihna te, bumna te, kan chunga hleih neihna te, chhungkua a inhmuhthiam lohna te, thleng sil fel loh, zanriah siam sa lo awm lo te, kan motor chhia te leh kan sam pheng mai mai pawh hi kan nuna indona lo thlen tir tu an ni thei a ni. Keimahni leh keimahni hi kan indo reng a ni. Tu lamah nge kan tan? Tu tana bei nge kan nih? Tunge kan hotu? He indona a chak tur hian enge ngai?

Infiam mi hrisel tak, thatho tak,insual thiam lama chawimawina sang dawng pha chin emaw silai kap thiam emaw nih te a ngai em? Ngai lo ve!

Goliatha leh Davida inbeihna kha lo ngaihtuah nawn leh ta ila. (I Samuela 17:10-51) Goliatha chu a chak em em a, indo thiam hmingthang leh thlahtu bul atanga mi lian(taksa) a ni. Dar lukhum a khum a,awmphaw a ha a, dar fei te a pai bawk a. Davida erawh chu tleirawl mai, pumrua pawh lian lem lo, vawm vir leh lung mum mam thel thawl pahnih chauh nei a ni a. Mahse beram vengtu chuan a hneh ta tho anih kha. Davida chuan hmanraw tha leh ral do tura inzirna pawh a nei lo, mahse Pathian ah rinna a nghat a. Thil ropui tak a hlen a ni ngam rual loh milian chu a ngam ta si a ! kan nunah hian kan do ngam loh "Goliatha" engzah nge kan neih ?

"Chutichuan Davida chuan Philistia mi hnenah chuan, Nang zawng khandaih te, fei te, feite te kengin I lo thawk a, kei zawng sipaite Lalpa, Israel sipaite Pathian

I chova hmingin ka lo thawk zawk a ni. Vawiin hian Lalpan nang hi ka kutah min pe dawn a ni, tin ka that ang che a I lu ka tan sak ang che; tin, Philistia sipaiho ruangte chu vawiin ah hian chungleng savate leh ramsate ka ei tir dawn a ni; chutichuan lei chung ami zawng zawng hian Israel ho zingah hian Pathian a awm tih chu an hre thei ang: tin, heta pung ho zawng zawng hian Lalpa chuan khandaih leh feiin a chhandam lo tih an hre thei ang a; indona chu Lalpa indona a ni si a, ani chuan ka kutah hian nangni ho himin pe dawn a ni", a ti a. (I Samuela 17:45-47) Lalpa chuan hnehna kan chan theihna turin engtik lai pawhin kan mamawh min pek a peih reng a, nimahse hun ralmuan laiin in ralrinna chhinchhiahna chu kan lo ngaihsak lo fo thin a. Sesea thu lakna te, thudik tan ngam lohna te, thatchhiatna te leh ngaihdan remchang lak mai duhnaah te min thlem lut a.

Thinrimna puakkeh thawm kan hriatin kan TV kan ti ring sauh thin.

'GOLIATHA CHU ENG ANG PAWHIN LO IN LAN MAHSE MIN HMANGAIHTU A ZARAH CHUAN HNEHTU KAN NI ZEL ANG.' Indona hi engtiklai pawh in a thleng reng a. Kan nitin nunah hian hmachhawn tur thil a tam hle mai; kan hmachhawn tur lian ber chu khawvel sik leh sa lum chho zel chungchang emaw, sual hnathawh hmachhawn a doletna chungchang emaw, kan chhehvel boruak tih bawlhhlawh chungchang emaw ni lo in mahni leh mahni inchinfel ngaihna hi a ni awm e.

Hmachhawp hrang hrang tih hlawhtlin te, dik taka thu tih tluk te, thinrimna sawi chhuak lo a ngawihbo pui mai te, mi thiltih sawi chhe lo a ngawih mai te, miin diriam taka an tawng khum pawha tawngkam dam thluama chhan te, midangten hnem an mamawh lai taka hnemtu - kuahkhawmtu/huikhawmtu nih te, miin phone hmanga biak an mamawh hun lai taka betu va nih te, thinrimthlak tak thil a thlen pawha thinrimna sosang lo thunun te, ngaihdamna phu miah lo te ngaihdamna lantir te- heng thil hrang hrang kan hmachhawn a, kan tawn chang hian - a tha zawnga kan lo hmachhawn hian thil lian tham leh thil ropui ti angin

kan langlo maithei - mahse kan Hruaitu Lalber - Chungnung ber chuan kan thiltih te hi a hmuh thelh miah lo a ni. '...Chung zawng zawngah chuan min hmangaihtu avang chuan Hnehtu aia Ropui kan ni "( Rom 8:37) Isua Krista hi kan Lal leh Chhandamtu a kan pawm a, a fapa mal neihchhun min petu kan rin phawt chuan enge kan hlauh ang? Goliatha chu eng ang pawhin lo inlan mahse min hmangaihtu a zarah chuan hnehtu kan ni zel ang. Pathian ralthuam famkima kan inthuam phawt chuan khandaih, phaw leh hriamhrei kan mamawh lo. Vanah lawmman kan neih avangin hnehtu aia ropui zawk kan ni.

Rilru inhawng takin mahni theuh lo in bih chiang ila. Khuarkhurum ah biru in, I tan "Goliatha" lo beihsak tur che I lo nghak tawp emaw Pathian ralthuam famkima inthuamin, I rinhlelhna leh hlauhna zawng zawngte hnehtu I lo ni tawh pawh a ni thei, engpawh chu lo nise, hnehna chang turin hmalam i pan zel ang u.

Tawngtaina: Hnehna zawng zawng bul tanna chu mahni leh mahni in hnehna atanga lo awm a ni a, hetiang ang kawng zawh a khawvel hmachhawn mek te tan ka tawngtai a.Hnehtu ni a khawvel in hmachhawnna a hnehna in chan theih nan ka tawngtai e.

NATALIA RAK Eastern Europe Territory Krista hmangaihtu Natalia hi nupui leh fapa duhawm tak pahnih te tana nu a ni a. Dnipro Corps, Ukraine ah rawng a bawl mek a ni.

“Heng thu hi in hnenah ka sawi tawh hi, keimahah hian in thlamuanna turin. Khawvelah hian hrehawmin in awm thin; nimahsela, thlamuang takin awm rawh u, keiin khawvel ka ngam ta.” a ti a Thlamuannna hi kan thlahlel tlang em em vek a. Rilru thlamuang leh hahdam taka awmte, thlamuang taka chenna tur in te kan duh theuh va.Heng zawng zawngah hian, thlamuanna tluantling erawh chu Isua hnehah chauh a awm a, amah chu remna lal fapa tih a nih kha.

Kristiante hi engtianga nung tura beisei nge kan nih?

Johana Bung 16:33-ah Kristian te chuan, he khawvelah harsatna tam tak kan tawh tur thu hrilh kan ni a. Isua Zirtirte ngei pawh khan he thu an dawnsawn lai hi chuan mak an tive ngei ang. An ngaihdan chuan Isua chu Pathian fapa, chhandamtu a ni a; a hnena an awmchhung chuan engtikawng mahin tihduhdah theih an nih an ring lo. Chuvangin,an tan chuan he thu hi awih a har hle in a rinawm. Nimahsela, Pathian fapa Isua chuan, tisa a a kalsan huna an chunga thil lo thleng tur chu a hriat lawk avangin, thlamuanna thu a chhunzawm nghalin, “Thlamuang takin awm rawh u, keiin khawvel ka ngam ta” a ti a ni.

Isua zuitute chuan he khawvelah hian hrehawm tam tak an la tuar ang.

Johana Bung 15:19 -ah chuan, he khawvel mi kan nih ve loh avangin khawvelin min hua a ni tih chiang takin min hrilh a. Krista kan zuina kawngah hian, tihduhdah kan niin, chhungkuaah pawh harsatna kan tawk thei a, kan dikna chanvo ve pawh rah behsaka awmin, dik lo taka tihnawmnah pawh kan ni thei e.

Krista an zui tlat avangin thenkhat chuan thisen chhuahna leh nunna hial pawh an chan a ni. Chutiang zelin, tunlai khawvela thlemna chi hrang hrang vangin,thianghlimna nun kawngah pawh, chhung lama buaina leh harsatna keimahni ah a lo awm thei a ni.

Krista zuitute chu thlamuang takin kan awmtur a ni.

Isua khan engatinge he thu, “Thlamuang takin awm rawh u” tih hi a belh kher niang? Thlamuang taka kan awm phawt loh chuan, hnehtu aia ropui zawk kan ni

thei dawn lo a ni. Thlamuang taka awm tih chu, harsatna tam tak karah pawh Pathian thlamuanna leh awmpuina rin tlatna hi a ni. Thlamuang taka awm a kal zel tura zirtir kan ni a, Krista’n khawvel a lo ngam tawhna chu hma chhuan tlat chung a, chak taka awmin a thlamuanna min pek ngei hmanga kan thiltih apiangah khawvel hi ngam ve turin min ti a ni.

Krista zuitute chuan, hnehna chu an chang tawh tih an pawm tlat a ni.

Isua chuan a zirtirte hnenah, “Keiin khawvel ka ngam ta” a ti a. He thu hmang hian zirtirte chu, amah Isua ngeiin khawvel a ngam tak avangin, anni pawh Krista thlamuanna nena khawvel hneh a ngam ve ngei turin a ti a. Isua hian chatuan thleng pawhin an hnenah, anmahni tanpui tura a awm reng tur thu a chah bawk a ni. Sam 23 :1-6 ah hian, kan Lal Isua ngei chu min vengtu a nih zia min hriattir a. Tehkhin nan beram in anmahni vengtu ten an veng tih hria a thlamuang em em a an awm thin chu a rawn hmang a. He Sam ziak hian berampu tha ber Isua chuan a mite chu englai pawha a awmpui reng thu chiang takin min hrilh a. Thihna hlim kawr ruam kan pal tlang lai pawhin kan hnena a awm zel dawn avangin thlamuang tak a awm turin min hrilh a ni. A van thlamuanthlak tak em!

'ISUAN ENGKIM CHUNGA THLAMUANNA MIN TIAM A, AMAH CHAUH AH CHUAN THLAMUANNA A AWM.' Tichuan, Krista kan zuina kawngah hian,keimahni a awma chu khawvela awm ai chuan a ropui zawk avangin, (I Johana4:4) ,khawvel chu kan ngam ngei ang tih kan hria a ni. Isua zara hnehtute kan ni a,sual hian eng anga harsatna nasa pawh min lo thlen mahsela, keimahniah hian Awma ka ni titu chu a awm reng a ni. Krista chuan, sualna leh thihna meuh pawh a hneh tawh avangin, sual thiltihtheihna te kan hneh zel dawn a ni. Hei ngei hi a ni, sual bawih ata min chhuah zalentu Krista zarah hnehtu aia ropui zawk kan nihna chu.

Chutichuan, harsatna engpawh tawk ila, beidawngin kan chau mai tur a ni lo; harsatnate hi kan rinna tichaktu ani fo zawk a ni. Petera 4 :12 a kan hmuh angin, Kan manganna zawng zawngah pawh, Isua’n khawvel hi a chakna te chawpin a lo hneh tawha ni tih hriaiin thlamuang takin kan awm tur a ni. Amah nen chuan, kan hringnun kawng chhuk chho hi thlamuang takin kan zawh thei ngei ang.Isua’n thlamuanna min tiam hi rilru reng renga hriatsen loh, engkim chunga leng, Ama hnen atang chauhva neih theih a ni tih i hre reng ang u.

Tawngtaina: Aw Lalpa duhtak, min hmangaih avanga i Fapa, mihringte anga lo piang in kan tuar ai tuar hnehtu min pek avangin kan lawm e. He khawvela thil awmah nilovin, nangmah chauhah kan beisein te nghat thei turin min pui la. Kan nitin nunah, nangmah chauh chu thlir a, hnehtu aia ropui zawk chu ni ve ngei thei turin min pui ang che.

Isua hmingin kan dil e. Amen.

LIEUTENANT ESNASCHESTITNDINYA Kenya West Territory Lieutenant Esnas-i hi Sosnes-a nupui ni ni, fanau malsawmna fanu pakhat an nei a ni.

Pathian thu zir hona kan neih tawh atang leh a bikin Rom Bung riat kan zir atangte khan kan thupui kaihhnawih leh Pathian thu tak ze hrang hrang kan zirchhuah ngei kan beisei tlat a. Kan thlarau nun hi thang mek zel leh in chawm tawn a, thang reng tur a nih avangin thinlung tlawm leh ngaihtuahna fim tak hmangin, midang nun chu in teh nan a hmang lovin, Pathian thu zawk hmangin thlarau thianghlim aw ngaithla chungin keimahni theuh I lo in enfiah ang u.

A hnuaia bible changte hi ngun takin i han ngaihtuah tlang teh ang: “Hmangaihnaah chuan hlauhna reng a awm lo; hmangaihna famkimin hlauhna a hnawt chhuak zawk thin a ni.” I John 4:18 Thuk zawka mahni in enfiahna tur: ‘Hmangaihna chuan famkimna kawng a zawh tlat avangin, thinlung thianghlim min neihtir thin a. Pathian hmangaihna ropui leh chhen fakawm zia miin a hriat chinah chuan, Pathian mi hriat ama hmangaih nih tlat duhna chu a thinlungin khel lovin a chak reng thin a ni.’RichardFoster.

Mahni theuh in zawhna tur: Ka nun hi engin nge tithlamuang lo va, manganna min thlen thintu chu eng nge ni? Ka thlarau nun hi chutiang mangannate hneh zel tur chuan hma a sawnin a thang em? Pathian min hmangaihna hi chutiang mangannate min hnehpui tur chuan engtin nge kan hman thin?

A hnuaia bible changte hi ngun takin i han ngaihtuah tlang teh ang: “Chung thuah chuan eng nge kan sawi ang le? Pathian kan lama a tan chuan tuin nge min do thei ang? Ama Fapa ngei pawh zuah lova kan za a aia petu chu, thil zawng zawng pawh a thlawnin min pe tel lovang em ni? Pathian mi thlante chu tuin nge hek ang? Thiam chantir tu kha Pathian a ni si a; tuin nge thiam loh

chantir ang? Thia kha Krista Isua chu a ni si a; a ni, tho leh ta zawka, Pathian ding lama awma min sawisaktu bawka kha a ni. Krista hmangaihna ata chu tuin nge min then ang? Hreawmna in emaw, lungngaihna in emaw, tihduhdahna in emaw, tamin emaw, saruakna in emaw, hlauhawmna in emaw, khandaihin emaw min then angem ni? “ Nangmah avangin nilengin thahin kan awm thin; Beram talh turte anga ngaih kan ni,” tih ziak ang khan. Then suh e, chung zawng zawngah chuan, min hmangaihtu avang chuan ropui taka ngamtu kan ni.

Thihnate, nunnate, vantirhkohte, lalnate, thilawmsate, thil lo la awm tur te, thiltihtheihnate, sannate, thuknate thilsiam dang reng reng te pawhin, kan Lalpa Krista Isua a awm Pathian hmangihna ata chu min then thei lo vang tih dik takin ka hre si a.” - Rom 8:31-39 Thuk zawka mahni in enfiahna tur: ‘Indona a hnehtute chuan anmahni ngeiin an bei thin a. nimahsela, hnehtu aia ropui zawk i nihna chu Krista’n I tana a beiha a hnehsak tawh zawkna che hi a ni. Chumi avang erawh chuan, muangin i thu mai mai tur a ni lo…….inpeih la, thawk zel zawk ang che.’

IsraelmoreAyivor.

Mahni theuh in zawhna tur: Pathian thu zirna kan neih chhung hian eng nge ka hlawkpuina? A takin ka nunpui em? Ka nunah hian hnehtu aia ropui zawk ka nihna hi fiahna a awm reng em?

A hnuaia bible changte hi ngun takin i han ngaihtuah tlang teh ang: “Pathian thutiamte chu engzat pawh ni se, amahah chuan, “ A ni,” tih chu a awm si a; chutichuan, amah avang pawhin “ Amen” tih chu a awm a ni, keimahni avanga Pathian ropuina turin.”

- II Korinth 1:20 Thuk zawka mahni in enfiahna tur: “Isua hi mamawh chhanna ropui ber Pathian ata chhuak a ni, amahah chuan Pathian thutiam zawng zawng chu hlen chhuahin a awm si a. Chuvangin, Pathian hriat tlat hi a thutiam te hlentir tura thiltihtheihna ropui tak chu a ni; Pathian chu a thutiamah te chuan a nghing ngai si lo va”.

“Chhanna a lo thlen hma hauh pawhin, Pathian a kan innghahna chu nitin tihthar zel tur a ni.” - C.S Lewis.

Mahni theuh in zawhna tur: Ka nunah Pathian thutiam tawnhriat ka nei em?

Chung Pathian thutiam chu chang theih turin engtin nge hma ka lak? Pathian rinnaah leh a hnena ka thutiamah te hian ka thang em? Nge, ka thlarau nun ka in duhtawkna hian min tihnufum zawk?

Tawngtaina: “Aw Lalpa, ka chakna, ka hmangaih a che. Lalpa chu ka lungpui leh ka kulhpui leh, mi chhanhimtu a ni; Ka Pathian, ka lungpuinghet tak a ni a, amahah chuan rinna ka nghat ang; Ka phaw leh, ka chhandamna ki leh, ka kulh bing sang a ni.” Sam 18 :1-2