Issuu

AZIUNS SINGOLES ISTÉ DEBORIADA COOL SUMMER MY SUMMER JABA

Str. Picolin, 22 39030 San Martin de Tor Tel. 0474 523 070 Cod. fisc: 92004490212

Ciasa dla Cultura - Str. Colz, 75 39036 La Ila 0471 188 8197 sajun@jogn.org

orar d’ofize lönesc - jöbia 8:00 - 12:00

info@jogn.org www.jogn.org

orar tëmp de scora mercui, 13:15 - 18:00 vëndres, 13:00 - 20:00 sabeda, 17:00 - 22:00

Por tó n apuntamënt o por na consulënza tres telefon, pón scrí sön whatsapp o na mail a: 342-8410721 | barbara@jogn.org

IMPRESSUM Editur: Sorvisc ai Jogn Val Badia – pres. Nadja Alfreider Redaziun: Valentin Erlacher, Barbara Tolpeit, Marco Ellecosta, Matteo Ruggeri y Carolina Lezuo Letorat: Pablo Palfrader Grafica y layout: www.schtail.com Stamparia: Pentagon OHG

Indesc SORVISC AI JOGN VAL BADIA

INFORMAZIUNS 6 AZIUNS SINGOLES 9

Proiec ISTÉ DEBORIADA (1. - 4. elementara) 12 COOL SUMMER (5. elementara - 2. mesana) MY SUMMER (3. mesana - 2. alta)

JABA (dai 13 ai 19 agn) 42

SaJ Val Badia

Team

Valentin Erlacher

Carolina Lezuo

Barbara Tolpeit

Marco Ellecosta

Romina Zingerle (en maternité)

Matteo Ruggeri

Karlheinz Rubatscher (volontar)

Sorvisc ai Jogn Val Badia Le Sorvisc ai Jogn Val Badia é dal 1985 incá na istituziun por le sostëgn sussidiar ales porsones, ai grups, ales uniuns, ales assoziaziuns y istituziuns che se dá jö cun le laur por y cun la jonëza de nosta valada. Dlungia chësc operëiel sciöche rapresentanza di interesc dla jonëza tla sozieté y tla politica y sciöche interlocutur por les ghiranzes di mituns y di jogn. Dal 2015 incá gestësc le Sorvisc ai Jogn Val Badia le Zënter dla Jonëza y dla Cultura “SaJ.un” che é da ciafé tla Ciasa dla Cultura a La Ila. Chësc é partí sö te trëi perts: le gran salf d’incuntada y manifestaziuns, le local da “boulder” y n local por bands da fá proes. Dal 2020 incá gestësc le Sorvisc ai Jogn Val Badia ince la ciasa di jogn “Ütia de Pütia” (www.ütiadepütia.com) sön Börz, adöm cun la Cöra da Balsan. Chësta strotöra pó gní adorada da grups y lies por mëte da jí süa ativité.

Raiun de laur Dl raiun de laur dl Sorvisc ai Jogn Val Badia fej pert i cin’ comuns y les 12 ploanies dla Val Badia. Te chësc raiun ciara le Sorvisc ai Jogn Val Badia da ti jí adincuntra ai debojëgns y dejiders dla jonëza, cun l’aiüt de tröc volontars.

SaJ Val Badia

Consëi

Nadja Alfreider

Paul Pisching

Giuliana Clara

Carolin Pitscheider

presidënta

vizepresidënt

assistënta spirituala

aconsiadëssa

Nadine Miribung

Felix Nagler

Luca Comploi

Anna Laura Irsara

Fidelis Ploner

aconsiadëssa

aconsiadú

aconsiadëssa

aconsiadú

Dennis Schanung aconsiadú

Por nüsc mituns y nosta jonëza... • • • • • • • • • •

laurunse fora y coordinun proiec y ativités; acompagnunse y sostignun i volontars y i multiplicadus fora por i paisc te vigni comun; sostignunse y daidun impara tla creaziun de grups nüs; metunse a jí proiec de prevenziun tles scores; organisunse incuntades y coordinun la rëi che reverda le laur por y cun la jonëza; coordinunse proiec y manifestaziuns spezifiches che i reverda; se dunse da fá por n laur de publizité; dunse consëis pro domandes burocratiches y iuridiches; sunse de sorvisc sciöche mediadú por problems desvalis; metunse a desposiziun de vigni sort de material informatif y injins;

N valgünes de nostes ofertes é: • • • • • •

sorvisc d’imprëst de material de documentaziun, de jüc, injins por organisé manifestaziuns, sciöche ince de n pulmin y cotan d’ater; acompagnamënt y sostëgn di rapresentanc dles 47 uniuns mëmbres che laora fora por i paisc; organisaziun autonoma o en colaboraziun cun d’atres istituziuns de proiec sciöche “Isté deboriada”, “Cool summer”, “My summer” “Laur davert por la jonëza”, “JABA”, “Edema di jogn”, “Hond in Hond” y musicals por mituns y jogn; organisaziun de cursc de formaziun o manifestaziuns sciöche i “Dis de preparaziun al maridé”, “Festa dla majera eté” y les „Edemes de formaziun“; colaboraziun cun uniuns di mituns y jogn te de plü aziuns de benefiziënza, sciöche p.ej. “calëndri d’Advënt dla SKJ”, “aziun di Trëi Rêsc”; pröma consulënza por temesc che reverda la jonëza;

Informaziuns

Informaziuns LETÖRA Por scemplifiché la letöra dla brosciüra vëgnel ma adoré la forma maschila. ISCRIZIUNS L’iscriziun a un di programs por les vacanzes da d’isté organisá dal Sorvisc ai Jogn Val Badia pó ma gní fata online sön le sit www.proiec.org. Da atira dess i dac dl account dl ann passé gní ajorná o fat n account nü, da pert dl autorisé al’educaziun o dal partezipant sce al á arjunt i 18 agn. Sce valgügn adora aiüt, pól passé te ofize dl Sorvisc ai Jogn Val Badia a Picolin o telefoné tratan i orars d’ofize. PRÖMA FASA DLES ISCRIZIUNS Dal lönesc, 7 de merz 2022 dales 19:00: ISTÉ DEBORIADA Dal mertesc, 8 de merz 2022 dales 19:00: MY SUMMER dales 20:00: COOL SUMMER Anter la domënia, ai 13 de merz 2022, dales 24:00 mëssel gní arjunt le numer minim de partezipanc, scenó vëgn l’ativité spostada o desdita.

Informaziuns

OCIO: Pro le proiet “Isté deboriada” pól tla pröma fasa gní chirí fora döes edemes deﬁnitives y pro le “Cool summer” y “My summer” él te chësta fasa ma la poscibilité da scrí ite le partezipant a öna na edema deﬁnitiva (tan inant che al é lerch). Pro les atres edemes rovará le partezipant te n pröm momënt sön la lista d’aspeta (poscibilité da dé dant le degré de priorité); al ciafará spo na conferma, tan inant che al é lerch, ai 14-15 de merz 2022. SECUNDA FASA DLES ISCRIZIUNS Les iscriziuns ai proiec pó gní fates anter le mercui, 12 dis dan le scomenciamënt dl’ativité, tan inant che al é lerch. MITUNS CUN DEBOJËGNS PARTICOLARS Por podëi garantí na buna integraziun di mituns cun debojëgns particolars, gnarál metü a desposiziun n animadú implü tl grup. Por podëi assiguré n bun acompagnamënt, periunse i geniturs di mituns cun debojëgns particolars da i iscrí anter i 13.03.22. Sce l’iscriziun vëgn fata do chësta data, ne pó l’acompagnamënt individual nia plü gní garantí. NUMER LIMITÉ DE PARTEZIPANC Por motifs de organisaziun, vëgnel dé dant n numer minim de partezipanc, indiché pro vigni proiet. Les iscriziuns é por motifs de organisaziun obliëntes y ares ne pó nia gní modificades. CONTRIBUT D’ISCRIZIUN Do avëi fat l’iscriziun sön la plata internet www.proiec.org vëgnel mené, sön la misciun e-mail dada dant, le cunt cun i dac por le paiamënt. IMPORTANT: por les iscriziuns fates tla pröma fasa (dai 7 ai 13 de merz 2022), gnará le cunt mené ai 14-15 de merz 2022. Tratan chisc dui dis ne sarál nia la poscibilité da fá na iscriziun. Le paiamënt mëss gní fat anter 5 dis de calënder do la data dl cunt, scenó vëgn l’iscriziun anulada. Sce le paiamënt vëgn fat regolarmënter y la prenotaziun é definitiva, vëgnel mené na e-mail de conferma. CUNT BANCAR Le paiamënt pó ma gní fat sön nosc cunt dla CASSA RAIFFEISEN, don dant la motivaziun indicada sön le cunt! Sorvisc ai Jogn Val Badia Cassa Raiffeisen Val Badia - Filiala da San Martin de Tor IBAN: IT 22 F 08010 58830 000304010353

Informaziuns

LISTA D’ASPETA Sce al é pro n program bele gnü arjunt le numer mascim de partezipanc, él la poscibilité da se lascé mëte sön na lista d’aspeta. Chësc vëgn aconsié por podëi eventualmënter reagí y mëte lapró edemes, sce al é poscibl por l’organisaziun. Sce n partezipant ess da tomé fora, ti gnarál comuniché al pröm dla lista d’aspeta y chësc pó regolarisé l’iscriziun, fajon le paiamënt. ANULÉ L’ISCRIZIUN Y RETÜDA CONTRIBUT D’ISCRIZIUN Do che l’iscriziun é gnüda fata y le contribut é gnü paié ite, n’él por rajuns de organisaziun nia plü meso da anulé l’iscriziun y/o da ciafé zoruch na pert o döt le contribut de partezipaziun. Ma tl caje de maratia gnará le contribut de partezipaziun retü deplëgn, tan inant che al vëgn presenté n zertificat dl dotur. PRIVACY Cun l’iscriziun vëgnel dé le consëns al tratamënt di dac personai tla cornisc dla gestiun di programs a öna cun les normes varëntes sön la proteziun di dac aladô dl art. 13 dla Uniun Europeica 2016/679. ASSIGURAZIUN Tratan la desfirada di programs é i mituns assigurá por responsabilité zivila, dit plü avisa por danns cuntra terc (Haftpﬂichtversicherung) cina a n import de 5.000.000€. Al n’é nia preodü na assiguraziun sce zacai se fej me (Unfallversicherung). Sce Os Ves dejidrasses chësta assiguraziun, Ves periunse da la stlü jö privatamënter. COVID 19 Les ativités programades pó mudé cina dan le mëteman, aladô dles mosöres de segurëza scrites dant dala Provinzia o dal Stat. Sce n’ativité mëss por rajuns dl COVID-19 gní mudada daldöt y ara ne respidlëia en general nia plü ci che vëgn pité al momënt dl’iscriziun, á le partezipant la poscibilité da desdí süa partezipaziun tl momënt ch’al vëgn comuniché le program definitif. Te chësc caje vëgnel retü le contribut d’iscriziun. A vigni moda vëgn le contribut d’iscriziun retü sce l’ativité vëgn desdita da pert dl’organisaziun. Cun l’iscriziun a un di proiec #isté22 se detlarëia le partezipant/le genitur a öna da tigní ite les normes en cunt dl’igiena y dla sanité, metüdes dant dales autorités competëntes o dal’organisaziun al momënt dl’esecuziun dl’ativité, sciöche p.ej. tigní sö le mascherot, tigní ite destanzes, fá n test asvelt o PCR, mostré sö le 3G o le 2G y. i. i.

Aziuns singoles

Consulënza tl marcé y tl monn dl laur AZIUNS SINGOLES

Vë, 4.3.2022

Por dötes les jones y i jogn che ne sá nia ciamó ci laur o practicum fá tratan les vacanzes da d’isté, unse nos la soluziun. I ciafarëis na resposta a ostes domandes y les informaziuns che i adorëis. Sciöche ti ultims agn, pitunse ince chësc ann la consulënza tl marcé y tl monn dl laur. Le consulënt Giorgio Costabiei é a tüa desposiziun y adöm cun ël poste ciafé fora ci che foss ideal por te o ci che te interessëia. Al te dará informaziuns che reverda i posć de laur o practicums tla Val Badia, formes de paiamënt y de assiguraziuns, consëis sön co fá domanda do n laur, co ciafé le post adaté por te y. i. i. Anüza chësta poscibilité y ví a te informé! Te podaras baié singolarmënter cun le consulënt. Al vá debojëgn de na prenotaziun! (0474-523070 o info@jogn.org) Orar: dales 15:30 ales 17:00 Post: Picolin, sënta dl Sorvisc ai Jogn Val Badia Consulënt: Giorgio Costabiei Por che: jogn, studënc, geniturs Cost: debann

en colaboraziun cun:

Aziuns singoles

Curs por s‘arjigné ca al ejam de trilinguism AZIUNS SINGOLES

Lö, 22.08.22 - Vë, 26.08.22

Deach’al é gnü dër aprijé ti ultims agn, orunse ince tl 2022 indô pité n curs por s’arjigné ca al ejam de ladin de trilinguism. Te chësta edema fajarunse deplü eserzizi por imparé da scrí y da baié bun le ladin dla Val Badia. I impararun la gramatica, l’ortografia y implü fajarunse ince val’ simulaziun dl ejam scrit y a usc. Sce t’as porchël l’intenziun da fá l’ejam de trilinguism, pó chësc curs te oghé por t’arjigné ca. Canche an se scrí ite al curs él important da dé dant le livel a chël ch’an oress s’arjigné ca (le curs é ponsé dantadöt por le livel B2 y le livel C1). Important: : Sce an se scrí ite a chësc curs, ne se scrion nia ince ite al ejam de trilinguism a Balsan! Chë iscriziun mëss gní fata da vigni partezipant a pert, sön la plata internet: www.provinz.bz.it. I aconsiun da se scrí ite adora assá, deache le tëmp de aspeta é de n valgügn mëisc. Informaziun: sce t’as stlüt jö l’université y as fat indöt 10 agn de scores ladines cun la maturité ladina, te vëgnel reconesciü le livel C1 diretamënter dala scora alta, olache te pos damané do le formular che mëss gní scrit fora y mené inant al Sorvisc Ejams de bi- y trilinguism a Balsan. Orar: dales 19:30 ales 21:00 Post: San Martin de Tor, Istitut Ladin Micurá de Rü Por che: jogn y interessá da 16 cina 30 agn Cost: 20,00€ Termo d‘iscriziun: mercui, ai 10 d‘agost Tl prisc laite: curs y materiai de laur Referënta: Ulrike Frenademez Partezipanc: min. 10 10

en colaboraziun cun:

cun le sostëgn pedagogich

Isté deboriada Dala 1. classa ala 4. classa scora elementara

N isté plëgn de devertimënt, movimënt alaleria y tëmp da passé en compagnia. Al vëgn pastelné, fat jüc, esperimënc y de vigni sort de jites. I mituns á la poscibilité da fá esperiënzes nöies, da amplié sües competënzes y se svilupé te süa personalité. Por nos él important che vignun, cun sü interesc y debojëgns se stais saurí tl grup, por podëi insciö passé de bi dis deboriada. Por i geniturs che scrí ite mituns cun debojëgns particolars (fisics, psichics, soziai o ater), pitunse la poscibilité da organisé na incuntada denanche le proiet mëtes man, por imparé a conësce miú le möt. Insciö podunse integré al miú i partezipanc y ti dé le sostëgn che ai adora.

Important: Tla pröma fasa d’iscriziun (dai 7 ai 13 de merz 2022) él ma la poscibilité da scrí ite definitivamënter le partezipant a döes edemes (tan inant che al é lerch). Pro les atres edemes rovará le partezipant te n pröm momënt sön lista d’aspeta (poscibilité da dé dant le degré de priorité); al ciafará spo na conferma, tan inant che al é lerch, ai 14-15 de merz. Sce al é pro n program bele gnü arjunt le numer mascim de partezipanc, él la poscibilité da se lascé mëte sön la lista d’aspeta. Chësc vëgn aconsié por podëi eventualmënter reagí y injunté edemes, tan inant che al é poscibl por l’organisaziun.

Iscriziuns a chësc proiet: dal LÖNESC 7 de merz, dales 19:00

12 12

Isté deboriada

-2

em a

Ed 8.

-1

m a

E 8 de -

em a 7 -2

em a -2

em a

Ed 11

-1

m a

E 7 de -

-1

em a

Edemes de proiet

Calfosch Corvara S. Ciascian La Ila Badia La Val S. Martin Lungiarü Antermëia Rina Al Plan La Pli

IMPORTANT: sce al ne vëgn anter i 13.03.2022 nia arjunt le numer minim de 8 partezipanc te n grup, gnará l’edema te chël paisc tuta demez. Orar: tëmp da condüje alerch i mituns 7:30 - 8:00 lönesc, mercui y vëndres 8:00 - 13:00 mertesc y jöbia - jites da döt le de 8:00 - 16:00 Cost: 50,00€ Tl prisc laite: l’acompagnamënt da pert di animadus, les ativités, val‘ de pice da mangé danmisdé, la marëna le mertesc y la jöbia Partezipanc: por grup min. 8

Cool Summer

Dala 5. classa scora elementara ala 2. classa scora mesana Le proiet Cool Summer pîta ince chësc isté tröpes edemes de devertimënt, action y aurela cörta por düc i jogn dala 5a classa dla scora elementara ala 2a classa dla scora mesana. I proiec y la varieté dles edemes ciara da arjunje i debojëgns y interesc de düc i jogn. Te nostes ativités ne manciaral porchël nia la creativité, le movimënt y le devertimënt tl grup, che gnará acompagné da personal pedagogich istruí y/o da referënc competënc. Punc zentrai te nosc laur cun i jogn é le respet y l’azetanza dl proscim, che i ciarun COOL SUMMER da trasmëte por che vignun pois se sté saurí. Por arjunje chësc fin se porvunse dër da cherié n bel clima te grup, ciaran da ti jí adincuntra ai debojëgns de vignun y tó sö düc anfat. Por i geniturs che scrí ite mituns cun debojëgns particolars (fisics, psichics, soziai o ater), pitunse la poscibilité da organisé na incuntada denanche le proiet mëtes man, por imparé a conësce miú le möt. Insciö podunse integré al miú i partezipanc y ti dé le sostëgn che ai adora. Fora de chësc, é i cursc gnüs adatá ai orars dles corieres (SAD), insciö che düc pois se sposté autonomamënter. No te perde chësta bela poscibilité! I nes confortun da te odëi tosc y da passé cun te n COOL SUMMER! IMPORTANT: Tla pröma fasa d’iscriziun (dai 8 ai 13 de merz 2022) él ma la poscibilité da scrí ite definitivamënter le partezipant a öna na edema (tan inant che al é lerch). Pro les atres edemes rovará le partezipant te n pröm momënt sön lista d’aspeta (poscibilité da dé dant le degré de priorité); al ciafará spo na conferma, tan inant che al é lerch, ai 14-15 de merz. Sce al é pro n program bele gnü arjunt le numer mascim de partezipanc, él la poscibilité da se lascé mëte sön lista d’aspeta. Chësc vëgn aconsié por podëi eventualmënter reagí y injunté edemes, tan inant che al é poscibl por l’organisaziun.. Por che l’ativité pois gní fata, mëssel gní arjunt le numer minim de 8 partezipanc.

Iscriziuns a chësc proiet: dal MERTESC 8 de merz, dales 20:00 14

Cool Summer

La ligrëza por le cují COOL SUMMER

Edema 1: Lö, 20.06.22 - Vë, 24.06.22

Sce te ne sas nia ciamó da cují o sce te os amplié to savëi, spo é chësta edema la dërta por te. I te mostrarun vare por vare co tó ca la mascin da cují y co cují a man. Te ciafaras de beles pezes da corusc y de bi botuns por podëi cherié n beliscim toch che te n’as ciamó mai fat. Adöm cun la referënta y le grup di partezipanc, podaraste cují en alegria deplü cosses, cun la sodesfaziun implü da l’avëi fat cun tües mans! Ala fin de chësc curs odaraste che al n’é nia tan ri da cují, mo che al basta n pü’ de conzentraziun y creativité por lascé garaté val’ de bel! Orar: dales 14:00 ales 17:00 Post: scora mesana, Al Plan COOL SUMMER Cost: 70,00€ Tl prisc laite: curs y materiai Referënta: Maria Frenner

Cool Summer

Die wilden Kerle COOL SUMMER

Edema 2A: 1. turnus Do, 26.06.22 - Merc, 29.06.22 (3 nöts) 2B: 2. turnus Merc, 29.06.22 - Sa, 02.07.22 (3 nöts)

Te sinteste ince tö n pü’ salvare? Oresseste ince tö jí a concuisté la natöra, n pü’ sciöche n “wilder Kerl”? Aste vëia da jí a descurí la belëza de nüsc bi crëps? Dailó este propi tl dër’ post. Arjignete to rucsoch y ví cun nos sön Börz. Sön le program unse jüc en compagnia, la roda de Pütia, cianté pro n füch y na bela arpizada ite y sö plü alalt ch’ara vá. Do tan de fadia junse sambëgn ince a se relassé n de te nodadoia y vigni de podarunse nos nes cujiné da mangé. Chësta é propi la dërta ocajiun da podëi conësce porsones nöies, cun chëres che te podaras vire adöm por 4 dis. Döt ne podunse sëgn nia ciamó ves dí, mo öna na cossa é sigüda: nosta é la munt. Nos sun arjigná, y tö pa? Post d’ incuntada: Cost: Tl prisc laite: Animadus:

Sorvisc ai Jogn, Picolin 125,00€ acompagnamënt, trasport, spëisa, sté suranöt y ativités 1. turnus: : Elisa Boi, Barbara Tolpeit, Matteo Ruggeri 2. turnus: Anna Tavella, Samuel Agreiter, Marco Anvidalfarei Info y program: gnará mená fora plü inant por e-mail

Cool Summer

Cujinun ladin COOL SUMMER

Edema 3A: Lö, 04.07.22 - Vë, 08.07.22

Tutres, cajincí, fëies da soni. Ci buna spëisa che i un chiló da nos! Saste bele da cujiné chësc bun patüc? Sce te oresses imparé, spo é chësc dessigü le dër’ curs por te. I cujinarun spëisa tipica adöm te n grup sciöche la tradiziun ó, te ciafaras les rezetes por podëi cujiné a ciasa y sambëgn gnaraste ince dassënn pasciü. Aste vëia de döt chësc? Spo lí inant les informaziuns y scriete ite! Orar: dales 9:00 ales 12:00 Post: Ciasadafüch dla scora, San Martin COOLCost: SUMMER 70,00€ Tl prisc laite: curs, ciaz y ciapel da cogo, produc, mapa cun rezetes y la marëna Referënta: Elisa Boi

Cool Summer

La ciasa de mi soms COOL SUMMER

Edema 3B: Lö, 04.07.22 - Vë, 08.07.22

Co ciara pa fora la ciasa de tü soms? Aste bele ponsé do a ci che te oresses fá da gran? Sce al te sá bel da lauré cun le lëgn o sce te oresses porvé fora val’ de nü, spo vi a nes daidé fá sö na bela ciasa adöm cun n profescionist. I adorun tüa creativité, vëia da lauré, paziënza y tröpa curiosité. Ci bela sodesfaziun canche te realisëies val’ cun tües mans. Canche i un rové da fá sö nosta ciasa, podarunse sambëgn ince la decoré y la depënje sciöche al nes sá le plü bel. Chësc é n „Team Work“, porchël saraste tres en compagnia y al ne manciará dessigü nia le devertimënt cun tröpes matades. Chësta é la dërta ocajiun da capí sce le laur da artejan podess ester val’ por te. Ci aspeteste pa? Fá para y lascete ite tl monn dl artejanat. en colaboraziun cun:

Orar: Post: Cost: Tl prisc laite: Referënc: 18

dales 9:15 ales 12:15 Plaza dai jüc, Pidrô 70,00€ Curs y material Artejanat Val Badia

Cool Summer

Beauty queens COOL SUMMER

Edema 4A: 1.turnus Lö, 11.07.22 - Vë, 15.07.22 8A: 2.turnus Lö, 08.08.22 - Vë, 12.08.22

Este na jona che al ti sá bel da se depënje sö y se fá bela? O te sál bel da porvé fora y te sferié sö cremes? Te fejeste datrai n bagn cun n bun tof por te relassé? Nos esson val’ idea y val’ rezeta por te! Chëst’edema é dedicada ales mitans. I fajarun produc de cosmetica naturala, che te pos dedô sambëgn te tó a ciasa. I fajarun mascheres por le müs, cremes y de vigni sort de ativités che ti plej ales jones. Dlungia ales ativités creatives, nes tolarunse ince le tëmp por se relassé, por fá val’ de manco sfadius y por nes dediché tëmp a nos instësses. Adöm cun tües compagnes podaraste vire momënc de aurela cörta, imparé cosses nöies y te devertí pro corusc y cosmetica. Ví a te fá bela cun nos! Orar: 1. turnus dales 14:00 ales 17:00 2. turnus dales 09:00 ales 12:00 Post: Zënter dla jonëza SaJ.un, La Ila Cost: 70,00€ Tl prisc laite: curs y material Referënta: Barbara Tolpeit

Cool Summer

Action week COOL SUMMER

Edema 4B: 1. turnus Lö, 11.07.22 - Vë, 15.07.22 7A: 2. turnus Lö, 01.08.22 - Vë, 05.08.22

Chësta é l’edema por te!! I savun avisa che l’action y l’adrenalina vir te te, che tö as vëia da esperimenté emoziuns nöies y che le devertimënt é scrit gran sön le liber de tüa vita. Spo no aspeté y scriete ite a chëst’edema rica de movimënt y de devertimënt! Danter l’ater s’unse tut dant da joré, nodé, ji sö por sö y se devertí adöm de por de. Danter ZipLine, Skyscraper y Bubblesoccer araste tröp tëmp da te devertí cun tü compagns... Sunse stá bogn da te baié sö? Chësc y tröp d’ater podaraste vire tratan chëst’edema!! Ví cun nos, i t’aspetun!!! Orar: Post d‘incuntada: Cost: Tl prisc laite: Animadus:

dales 9:00 ales 15:30 Sorvisc ai Jogn, Picolin 100,00€ acompagnamënt, trasport y ativités 1. turnus: Anna Tavella y Marco Anvidalfarei 2. turnus: Anna Tavella y Samuel Agreiter

Cool Summer

Golosaries de vigni corú COOL SUMMER

Edema 5A: 1. turnus Lö, 18.07.22 - Vë, 22.07.22 7B: 2. turnus Lö, 01.08.22 - Vë, 05.08.22

Te sá ince a te tan bun le patüc duc sciöche a nos? I nes un indô ponsé fora n gröm de golosaries, che foss bunes y saurides da arjigné. Tratan l’edema impararaste da cujiné de vigni sort de dessert, spëisa ducia, cialda y frëida. L’esperiënza che te pos fá tl grup, cujinan, sgolosan y imparan cosses nöies, te restará dessigü imënt dî. I orun te insigné y te lascé porvé fora rezetes nöies, cun ingrediënc che t’as ince a ciasa da tó ca. Na buna turta, n smoothie, o ciodí pa nia n iade pancake? Sambëgn ne podunse gnanca nes desmentié di cake pop. N de o l’ater cujinarunse ince val’ plü de sann y cun manco zücher, mo che é avisa tan bun. Te unse fat la gola? Spo ví a nes daidé arjigné ca val’de bun! Orar: 1. turnus dales 9:00 ales 12:00 2. turnus dales 14:00 ales 17:00 Post: Zënter dla jonëza SaJ.un, La Ila Cost: 70,00€ Tl prisc laite: curs, ciaz y ciapel da cogo, produc y mapa cun rezetes Referënta: Barbara Tolpeit

Cool Summer

Wood is my passion COOL SUMMER

Edema 5B: Lö, 18.07.22 - Vë, 22.07.22

Iö á n some... mi some é chël da lauré y imparé a conësce le lignan, da podëi fá fora de n toch de lëgn n mebl da mëte spo te mia ciamena o te mia ciasa, da podëi lascé vire mies idees, da les mëte sön papier y da realisé por la fin dl’edema n toch de aredamënt y chësc adöm cun mi compagns tistleri. Oste ince tö fá chësc? Spo scriete ite a chësta edema y fej ince tö pert de nosc grup! Deboriada unse la poscibilité da imparé n gröm de cosses nöies, da dessigné sön lëgn, da depënje lassura y tröp lapró. Sunse stá bogn da te baié sö? Spo chirete n compagn y ví a te devertí cun nos... un, dui, trëi... let’s explore the wood!! Orar: dales 9:00 ales 12:00 Post: Scora mesana, Al Plan Cost: 70,00€ Tl prisc laite: Curs y material Referënt: Samuel Agreiter

Cool Summer

Curs da boulder COOL SUMMER

Edema 5C: Lö, 18.07.22 - Vë, 22.07.22

Le boulder é n sport individual, che te pormët da adoré y alené n gröm de muscui tl medem momënt: dai dëic ales sciables, dales iames al spiné. Mo por fá boulder ne bastel nia ma le corp: an adora sambëgn ince le ce! La desfida dl boulder é chëra da combiné la forza de to corp cun la dërta tecnica por rové söinsöm le parëi. Te pos te scrí ite a chësc curs sce te as bele esperiënza o ince nia. Te impararas i pröms vari y les tecniches de basa, mo te pos ince perfezioné tüa tecnica y imparé cosses nöies. Deboriada porvarunse fora deplü metodes nöies y che nes porta tres plü daimpró a nosc travert. Implü araste tratan chëst’edema la poscibilité da te devertí pro val’jüch. Ví ince tö a fá boulder y tol pert a chësta bela esperiënza! Orar: Post: Cost: Tl prisc laite: Referënt:

dales 14:15 ales 16:45 Zënter dla jonëza SaJ.un, La Ila 70,00€ curs Lorenz Clara

Cool Summer

COOL SUMMER

Digital week COOL SUMMER

Edema 5D: Lö, 18.07.22 - Vë, 22.07.22

Tl monn da incö pó la tecnologia ester de gran aiüt, mo ma sce ara vëgn adorada tla dërta manira. Te sál ince a te interessant da capí co che chësc monn digital funzionëia y ci che al é döt do ia. Dailó este le dër jonn y la dërta jona da gní a te mëte ala proa. Tólete para val’ da fá fotografies. Che al sides n zelular, n aparat da fá jö o na GoPro... vá döt bun. I ciararun da fá na bela fotografia y n bel video che i porvarun da mëte adöm cun de vigni sort de tricks. Implü baiarunse di prighi y dles potenzialités dl internet, che pó ester de aiüt te n gröm de ocajiuns. Ala fin ti ciarunse ai laurs fac tratan l’edema y i odarun val’ tecnologia dl dagní. Tólete tüa camera y ví a te devertí! Orar: Post: Cost: Tl prisc laite: Referënt: 24

dales 14:00 ales 17:00 Scores Altes La Ila 70,00€ curs y material Marco Anvidalfarei

Cool Summer

Natöra, natöra, natöra COOL SUMMER

Edema 6A: 1. turnus Do, 24.07.22 - Merc, 27.07.22 (3 nöts) 6B: 2. turnus Merc, 27.07.22 - Sa, 30.07.22 (3 nöts)

La natöra é val’ de sublim. Co te savessel pa da passé n valgügn dis süranot tla Ütia de Pütia amesa les munts? Sce te mines che al podess te savëi bel, spo ne poste nia te lascé sciampé chësta oportunité. Ví cun nos a te gode dis plëgns de ativité, movimënt y vitalité adöm cun la Lia da Munt! Por chisc dis unse metü adöm por te y tü compagns n program rich de ativités che te plej dessigü. Te podaras fá escurjiuns, vies ferrates y imparé da t’arpizé, insciö che te sides bun da te conësce te instës y la natöra incër te ia. Al te aspeta dis d’aventöra cun esperiënzes y desfides nöies, che te portará ince a val’ limit. No te lascé sciampé chësta esperiënza y tólete para na gran vëia da passé de beliscimi dis da d’isté! I nes confortun da passé adöm cun te de bi dis plëgns de aventöra y devertimënt! Post d‘incuntada: Cost: Tl prisc laite: Animadus:

Sorvisc ai Jogn, Picolin 125,00€ acompagnamënt, trasport, spëisa, sté suranöt y ativités 1. turnus: Samuel Agreiter y Lia da Munt Ladinia 2. turnus: Marco Anvidalfarei y Lia da Munt Ladinia Info y program: gnará mená fora plü inant tres e-mail en colaboraziun cun:

Cool Summer

Macramé, grop do grop

Edema 6C: Lö, 25.07.22 - Vë, 29.07.22

COOL SUMMER

Le Macramé é conesciü dal oriënt ca sciöche na tecnica da ingropé adöm n gröm de fis por cherié n bel ornamënt. En chësc iade orunse ince nos porvé da cherié na cossa che ves restará por döta la vita. Sce t’as n pü’ de paziënza, tröpa fantasia y na gran vëia de fá, spo ví ince tö a fá cun nos le macramé. Vare por vare te gnarál mostré y insigné sciöche an ingropëia adöm i fis cun tecniches che te ne conësces sigü nia ciamó. Ala fin de chësta aventöra araste spo n bel ornamënt daldöt particolar che t’as realisé cun tües mans. Imparé val’ de nü é dagnora na bela sodesfaziun. Challenge accepted? Orar: Post: Cost: Tl prisc laite: Referënta: 26

dales 9:00 ales 12:00 Zënter dla jonëza SaJ.un, La Ila 70,00€ curs y materiai Anna Tavella

Cool Summer

Perlen week COOL SUMMER

Edema 6D: Lö, 25.07.22 - Vë, 29.07.22

Te sál bel da fá laurs creatifs? Te visteste ion morones y bracialec? Oste imparé da fá na scincunda cun tües mans? Spo este sön la dërta plata. Te chësc curs impareste da fá de vigni sort cun perles. I fajarun cosses plü saurides mo ince cosses che se damana tëmp y paziënza por garaté. I fajarun bracialec, morones, rocins y tröp d’ater por abelí tü look da vigni de o por fá na bela scincunda. Sce döt chësc podess te plajëi, spo ví cun motivaziun pro nosc curs! Orar: dales 14:00 ales 17:00 Local di jogn, Al Plan Cost: 70,00€ Tl prisc laite: curs y materiai Referënta: Elisa Boi

COOL SUMMER Post:

Cool Summer

Crochet addicted COOL SUMMER

Edema 7D: Lö, 01.08.22 - Vë, 05.08.22

Por düc os jogn y jones ch’i ëis vëia da imparé a lauré a man, ch’i orëis destaché dala routine da vignidé, ves palsé fora n pü’ y fá val’ che ti fej bun ala conzentraziun. Gnide! Gemma nes tëgn n te bel curs! Te impararas les fondamëntes da hechelné y tröp lapró. Sce te as vëia da passé n pü’ de tëmp cun ativités che pó dé pesc y devertimënt, spo este avisa tl dër post. Orar: Post: Cost: Tl prisc laite: Referënta:

dales 14:00 ales 17:00 Local di jogn, La Val 70,00€ curs y material Gemma Garriga

Cool Summer

La roda dl monn cun nosta musiga COOL SUMMER

Edema 8B: Lö, 08.08.22 - Vë, 12.08.22

Un, dui, trëi, viaaa!!! Ví cun nos a te gode na bela edema plëna de musiga; i fajun na jita fora por le monn. Tratan chëst’edema rodunse sura döt le monn y indlunch olache i stun chic imparunse co che la jënt fej musiga y cianta te chël post. Te aras la poscibilité da imparé i ritms y les melodies de n gröm de paisc de chësta tera. Sambëgn che i porvarun ince da mëte adöm n pice stromënt che te podaras spo te tó para a ciasa. Sce te sas da soné val’ stromënt podaraste daidé abelí les cianties che i imparun ite düc adöm. Le devertimënt y la bona löna é por nos chëst’edema le plü important!! No te lascé sciampé chësta esperiënza y tólete para n gröm de buna vëia da cianté y soné. Sunse stá bogn da te baié sö? Spo scriete ite y ví cun nos a passé n’edema de musiga che te ne te desmentiaras mai plü! Orar: Post: Cost: Tl prisc laite: Referënc:

dales 9:00 ales 12:00 Scora de musiga, Al Plan 70,00€ curs y material Marion Palfrader y Daniel Willeit

Cool Summer

Ciak, si gira! COOL SUMMER

Edema 8C: Lö, 08.08.22 - Vë, 12.08.22

Act 1: „Tan bel canche an pó ester che che an ó. Tan bel canche an ne mëss nia se dodé y pó se lascé fora sciöche al se plej le plü“. Co fossera pa sce i te dijess che chëst’edema aste tö la poscibilité da ester l’atur de to film preferí, sce i te dijess che t’as la posibilité da ester tl zënter, n iade da n punt plü alt, olache düc te vëiga? Sce te mines che la paladina podess ester le dër post por te, n post olache te pos fa ci che te plej deplü, spo ví ince tö a fá n curs de teater cun nos. Te chësc curs araste la poscibilité da te lascé jí sciöche te n’as mai ciamó fat. T’aras la poscibilité da imparé a conësce jënt nöia y da ester al zënter dl’atenziun. Al te gnará dé la poscibilité da te eserzité cun la comunicaziun dla mënt y dl corp. Porchël no te dodé y salta ite cun coraje te chësc monn tan important y particolar. Lights, camera, action! Orar: Post: Cost: Tl prisc laite: Referënta: 30

dales 14:00 ales 17:00 Salf manifestaziuns, Al Plan 70,00€ curs Erika Castlunger

Cool Summer

Edema creativa COOL SUMMER

Edema 9A: Mert, 16.08.22 - Sa, 20.08.22

Te sál bel da dessigné, da pastelné, da inventé cosses y tó ca döta tüa creativité? Tratan chësta edema ciararunse da ti dé forma a tües idees. Cun de vigni sort de materiai nia digitai... y magari sunse bogn da descedé i talënc che vignun á. I s’incuntun vigni de tl bel gran local dl SaJ.un a la Ila, olache i fajarun i pröms dis dl’edema ativités plü individuales. I atri dis laurarunse fora n’opera düc deboriada, che decorará le local SaJ.un. Al é na bela ocajiun da imparé a se conësce se instësc y le grup cun la creativité de vignun. Vega y ví... al é dessigü da rí! Orar: Post: Cost: Tl prisc laite: Referënt:

dales 9:00 ales 12:00 Zënter dla jonëza SaJ.un, La Ila 70,00€ curs y material Marco Anvidalfarei

Cool Summer

COOL SUMMER

Üties da munt COOL SUMMER

Edema 9B: Mert, 16.08.22 - Sa, 20.08.22

Mituns y mitans! Sëise jogn che á vëia da jí sö pur munt? Oresses passé n per de dis y nöts tla natöra sö por val’ crëp? Spo é chësc program le dërt por te! I starun a dormí sö por munt. I passarun tröp tëmp amesa la natöra y i fajarun n gröm de ativités lëdies, liades al devertimënt, al’aventöra y ala colaboraziun. I cuntarun stories, mangiarun deboriada, jarun a pe, ciantarun y balarun. Na te esperiënza é bela da fá sce i sun n bel grup, porchël: no ponsé do dui iadi... scriete ite! Dis dl’iniziativa Post d’incuntada: Cost: Tl prisc laite: Animadus: Info y program: 32

dal mertesc ala sabeda (4 nöts) Zënter dla jonëza SaJ.un, La Ila 170,00€ acompagnamënt, spëisa, sté suranöt y ativités Anna Tavella, Elisa Boi y Marco Ellecosta gnará mená fora plü inant por e-mail

Cool Summer

Crazy week COOL SUMMER

Edema 10A: Lö, 22.08.22 - Vë, 26.08.22

Oste ciamó te gode i ultims dis de vacanza denanche pié indô ia a scora? Nos te pitun döta l’edema ativités olache te pos ciamó n iade lascé fora tües energies, te gode momënc de action y cöie adöm de bi recorc por to dagní. I piarun ia da Picolin, por arjunje vigni de n’atra destinaziun. I passarun dai trampolins a Neumarkt, al’ega frëida dl rü Isarch, i jorarun a 100 metri sura tera ia da Monte Pana jö, i stlopetarun i aversars pro le Lasergame y i nes godarun ince n de la bela contrada cun la E-Bike. Tratan l’edema arunse ince tëmp por passé momënc de aurela cörta y de devertimënt en compagnia. Ví ciamó n iade a te devertí cun nos! Orar: Post d‘incuntada: Cost: Tl prisc laite: Animadësses:

dales 9:00 ales 15:30 Sorvisc ai Jogn, Picolin 100,00€ acompagnamënt, trasport y ativités Barbara Tolpeit y Elisa Boi

Cool Summer

Lego master COOL SUMMER

Edema 10B + 10C: Lö, 22.08.22 - Vë, 26.08.22

Aste tröpa paziënza? Te sál bel da porvé fora val’ de nü o oste svilupé inant tües abilités da injinier? Spo scriete ite al’edema de modelism. Le lönesc te aspetel na scatora cun milesc de te pici toc de plastica y ala fin dl’edema - do dis de laur, motivaziun y compagnia - podaraste ti ciaré, soghé y spo sambëgn ince te tó a ciasa n bel model che te plajará a te y a tü compagns. Tratan l’edema impararunse che fora de n sotissura vára da fá na bela cossa, sambëgn zënza perde la paziënza. I nes confortun da t’odëi tosc te chësta edema de modelism. Orar: Post: Cost: Tl prisc laite: Referënc:

1. turnus dales 9:00 ales 12:00 2. turnus dales 14:00 ales 17:00 Scora mesana, Al Plan 70,00€ curs y material 1. turnus: Samuel Agreiter 2. turnus: Marco Ellecosta

COOL SUMMER

My Summer

Dala 3. classa scora mesana ala 2. classa scora alta My summer é le proiet da d’isté che ti baia ados a düc i jogn dala 3a classa dla scora mesana ala 2a classa dla scora alta. Ince en chësc ann pitunse ativités y edemes desvalies, por che i jogn ais la poscibilité da passé n bel iste adöm cun sü compagns. I orun ti dé na gran lerch ala creativité, al movimënt y al imparé val’ de nü. N gran fin é che düc i jogn se stais saurí te nüsc proiec, che ai ne sintes nia presciuns da mëssei ester mius co d’atri, mo che ai pois ester insciö desche ai é cun sües capazités y abilités individuales. Te na atmosfera de respet y azetanza, pó le jonn fá esperiënzes ütles y se svilupé te na manira sana. Tratan les edemes de proiet vëgn i partezipanc acompagná da personal pedagogich istruí. Edema 6A: Lö, 30.7.18-Vë, 3.8.18 Por i geniturs che scrí ite mituns cun debojëgns particolars (fisics, psichics, soziai o ater), lasciunse alsavëi che al gnará fat na incuntada o telefonada dan le proiet por imparé a conësce miú le möt y sües esigënzes. Insciö podunse integré al miú le möt y ti dé le sostëgn de chël che al á debojëgn. I lasciun alsavëi che i cursc é gnüs adatá ai orars dles corieres (SAD), a na moda che i jogn pois se sposté autonomamënter. I nes confortun da te odëi tosc y da passé cun te n bel isté! Important: Tla pröma fasa d’iscriziun (dai 8 ai 13 de merz 2022) él ma la poscibilité da scrí ite definitivamënter le partezipant a öna na edema (tan inant che al é lerch). Pro les atres edemes rovará le partezipant te n pröm momënt sön lista d’aspeta (poscibilité da dé dant le degré de priorité); al ciafará spo na conferma, tan inant che al é lerch, ai 14-15 de merz. Sce al é pro n program bele gnü arjunt le numer mascim de partezipanc, él la poscibilité da se lascé mëte sön lista d’aspeta. Chësc vëgn aconsié por podëi eventualmënter reagí y injunté edemes, tan inant che al é poscibl por l’organisaziun. Por che l’ativité pois gní fata, mëssel gní arjunt le numer minim de 8 partezipanc.

Iscriziuns a chësc proiet: dal MERTESC 8 de merz, dales 19:00 36

My Summer

Aventöra söl Lech de Garda MY SUMMER

Edema 1: Lö, 27.06.22 - Vë, 01.07.22

Le Lech de Garda é conesciü lunc y lerch por sües beles spones y l’ega bona cialda. Vigni isté passa tröpa jënt chiló sües vacanzes por se devertí y se palsé fora. Avisa chësc orunse ince nos fá. Pian ia da nosc camping a Peschiera (www.campingsanbenedetto.it) orunse vijité les atraziuns plü conesciüdes tles vijinanzes, sciöche Gardaland, Caneva y d’atres. N pü’ de tëmp messarunse ince ti dediché al jí a cumpré ite, cujiné y s’organisé i dis. Por che al sides na dërta aventöra, orunse nes fá döt instësc. Mancé ne pó nia ativités dlungia y tl lech. Da sëra ne starunse nia a ne fá nia, mo i vijitarun les beles pices cités y se godun l’atmosfera magica. Mo döt n’orunse nia te dí danfora. Ví cun nos a fá chësta aventöra y t’odaras ci che i s’un ponsé fora por te. Dis dl’ iniziativa: Post d’ incuntada: Cost: Tl prisc laite: Animadus: Info y program:

dal lönesc al vëndres (4 nöts) Sorvisc ai Jogn, Picolin 170,00€ (68 punti JABA) acompagnamënt, trasport, spëisa, sté suranöt y ativités Valentin Erlacher, Marco Ellecosta y colaboradëssa gnará mená fora plü inant por e-mail

My Summer

Curs de graffiti MY SUMMER

Edema 2: Lö, 01.08.22 - Vë, 05.08.22

Aste denant metü averda ai dessëgn sö por i mürs dles cités? Te sái bí? Aste vëia da capí co che an fej da ti dé n pü’ plü de vita a n mür grisc? Spo é chësc curs de graffiti le dërt por te. I impararun da n espert co che chëstes operes d’ert vëgn fates. I se incuntun vigni de dan le local dai jogn d’Al Plan. Vigni de laurarunse por rové a fá n dessëgn sön le mür dan scora. Implü ciararunse da fá na picera opera cun les bomboles spray, che te podaras spo te tó para a ciasa. I rovarun ala fin dl’edema che i un capí sciöche chësta tecnica funzionëia. Vistete val’che te pos ajié y ví cun nos a sprinzé sö por mür, cherian na opera d’ert! Orar: Post: Cost: Tl prisc laite: Referënt: 38

dales 9:00 ales 12:00 Local di jogn, Al Plan 70,00€ (28 punti JABA) curs y material Paul Löwe

My Summer

Fora de intapa MY SUMMER

Edema 3: Lö, 08.08.22 - Vë, 12.08.22

Les vacanzes da d’isté é ince fates por se devertí y se gode i dis en compagnia. Nos te pitun döta l’edema ativités olache te pos lascé fora tüa vitalité y alegria. Movimënt, ezitaziun y adrenalina é sön le program de chësta edema. I piarun ia da Picolin demez cun le pulmin, por arjunje les ativités plü matorines y dala hez de nüsc raiuns. Sce al te sá bel da vire l’adrenalina y da te gode de bi momënc, spo scriete ite a n’edema plëna de aventöra. Ví a te devertí cun nos! Orar: Post d‘ incuntada: COOL SUMMER Cost: Tl prisc laite: Animadus:

dales 9:00 ales 15:30 Sorvisc ai Jogn, Picolin 100,00€ (40 punti JABA) acompagnamënt, trasport, ativités Elisa Boi y Marco Anvidalfarei

My Summer

en colaboraziun cun:

Escurjiuns, arpizé y devertimënt MY SUMMER

Edema 4: Mert, 16.08.22 - Sa, 20.08.22

Te sál ince a te bel da passé tëmp alaleria, sö amesa les munts a te gode la bela odüda, le chit y la belëza dla natöra? Tolete le rucsoch, vistete de bugn cialzá y vi cun nos a passé n’edema amesa nostes beles munts. I jarun a fá vies ferates y escurjiuns da na munt al’atra, adöm cun la Lia dla Munt. Te aras l’ocajiun da imparé a conësce jogn y jones nüs, i crëps incër te ia y ince da t’arpizé! Tratan chëst’edema ól ester buna löna y buna vëia, porchël ne manciarál dessigü nia la poscibilité da podëi te incunté y te devertí adöm cun tü compagns! Ti aste ciafé la gola? Spo scriete ite y ví cun nos a fá de beles esperiënzes che te ne te desmentiaras nia tan atira. Lascete ite te chësta aventöra, i te aspetun! Orar: Post d‘incuntada: Cost: Tl prisc laite: Animadus: Info y program: 40

dales 9:00 ales 15:30 Sorvisc ai Jogn, Picolin 100,00€ (40 punti JABA) acompagnamënt, trasport y ativités Samuel Agreiter y Lia da Munt Ladinia gnará mená fora plü inant tres e-mail

Iscriziuns sön proiec.org Co mëssi pa fá?

Jí sot a www.proiec.org L’iscriziun a un di programs por les vacanzes da d’isté pó ma gní fata online sön la plata www.proiec.org.

Cherié n cunt o ajorné le cunt esistënt Da pert dl genitur o autorisé al’educaziun, sce le partezipant n’á nia arjunt la majera eté. Al vëgn aconsié da cherié o ajorné le cunt da atira.

Confermé registraziun Confermé la registraziun tres le link ciafé sön la misciun e-mail dada dant. Prëibel ince ciaré do sot ales mail junk/spam!

Registraziun partezipanc Chirí fora sce fá na iscriziun por se instës o por n möt. Te chësc caje dé dant i dac dl möt.

Seleziun di proiec Assegné ativités al partezipant chirí fora.

Paiamënt Le paiamënt mëss gní fat anter 5 dis de calënder dô la data dl cunt, scenó vëgn l’iscriziun anulada. Sce le paiamënt vëgn fat regolarmënter y la prenotaziun é definitiva, vëgnel mené na e-mail de conferma. IMPORTANT: por les iscriziuns fates tla pröma fasa (dai 7 ai 13 de merz 2022), gnará le cunt mené ai 14-15 de merz 2022.

JABA Dai 13 ai 19 agn

Esperiënzes tratan l’isté, dai 17 de jügn ai 4 de setëmber 2022! Aste danter i 13 y 19 agn? Este interessé da cuché ite tl monn dl laur? Ci aspeteste pa spo? Scriete ite al proiet JABA 2022! Les iscriziuns mët man ai 2 de ma y vá inant döt isté! Le proiet JABA (jogn atifs badioc agësc) te pîta la poscibilité da daidé para te istituziuns publiches dla Val Badia. Sciöche sëgn de reconescimënt por vigni ora che te dëides para, ciafeste n bon che te pos dedô baraté ite te botëghes dal guant o de alimentars, restoranc y i.i. Insciö poste fá esperiënzes nöies tl monn dl laur, renforzé tüa competënza soziala, la responsabilité personala y la segurëza te te instës. Implü te vëgnel pité n passatëmp alternatif tratan l’isté! Te pos chirí fora danter tröpes istituziuns dla Val Badia sciöche por ejëmpl: Comuns, Raiun Sozial, Assoziaziuns turistiches, Sorvisc ai Jogn Val Badia, Ciasa dl Parch natural, museums, fraziuns, Adventure Park y cotan d’atres. I bons che t’abines adöm por vigni ora che te dëides tles istituziuns, poste baraté ite pro deplü partners: restoranc, botëghes, nodadoies, chino, frisers, salons de belëza, Sorvisc ai Jogn y i.i. MEGA IDEA!!!

Iscriziuns: te Sorvisc ai Jogn Val Badia a Picolin o tl Zënter dla jonëza y dla cultura SaJ.un a La Ila tratan i orars d’ofize, dai 2 de ma 2022 inant, por döt isté. 42

JABA

fá la cherta d’iscriziun Les iscriziuns pó gní fates dai 2. de ma 2022 inant t’ofize dl Sorvisc ai Jogn a Picolin y tl Zënter dla Jonëza SaJ.un a La Ila, olache al te gnará mostré le portal internet JABA. I dependënc dl SaJ te dará sostëgn y acompagnamënt, sce tö os. Tó te para 2€ por l cost d’iscriziun. (Sce te n’as nia ciamó 18 agn, lascete acompagné da n genitur)

www.proiec.org/jaba Ciara do dal 1. de jügn inant sot a www.proiec.org/jaba la desponibilité dles istituziuns publiches.

chir fora na istituziun Tö dijes olache t’ós daidé y tan gonot. Tol sö contat y fá fora n termin por podëi mëte man.

dëida para y cöi adöm bons Por vigni ora de sorvisc te gnarál dé na detlaraziun dles ores fates.

barata ite tües detlaraziuns Barata ite tües detlaraziuns te bons, t’ofize dl Sorvisc ai Jogn a Picolin tratan i orars d’ofize, ince bele tratan l‘isté.

vá dai partners JABA Vá dai partners JABA a baraté ite tü bons anter i 31 de otober 2022.

3 bons lapró…. Sce te vas a daidé te almanco 3 istituziuns desvalies, ciafeste 3 bons lapró.

u d a

Val Badia SaJ l d

N rengraziamënt por le sostëgn finanziar di proiec a: Ofizi provinziai dl laur por la jonëza, Ajentöra por la familia, Comuns dla Val Badia, Consëis de Formaziun y Cassa Raiffeisen Val Badia

AUTONOME PROVINZ BOZEN - SÜDTIROL Familienagentur

PROVINCIA AUTONOMA DI BOLZANO - ALTO ADIGE Agenzia per la famiglia