www.resulam.com
Líé'nzɑ̄ cà'sǐ pʉ̌nzhwíé ntám ngə̀' Jour de fête des femmes dans le monde
www.resulam.com
Líé'nzɑ̄ cà'sǐ pʉ̌nzhwíé ntám ngə̀'
Jour de fête des femmes dans le monde Mbí mɑ̄vō! Mbə̀' mbūānì mʉ̀nzhwīē mɑ̄vō Wò yì ò lɑ̀ mɑ́ ìngén hɑ̄ tū ō nɑ́ tū á ndə̀b nkǒ’zí ndʉ̄ɑ̄kǎ’ndāk lɑ́ Ŋū vʉ̄'ʉ̄ ò lɑ̀ ŋɑ̄' á vǎm ò lɑ́ Ndáh ā náh ngén kò ncám nʉ̀ɑ̀ Ndáh ā náh ngén pīī ntū' nshì Ǹ nhɑ̄ ō ntíé ngǎngà Yà ntūmbhì wúzɑ̄ lɑ̌' nɑ́ pēn zō Ǹ dɑ̀ zhǐ'sí mbʉ́ɑ́ nǎk nɑ́ mbō mō Wò bɑ̄ lɑ̌' nkə̄ə̄ yà wúzɑ̄ ntìè' nsə̀' lɑ̀ sì mɑ̄ nshù á lɑ́ Ǹ dɑ̌' tō' mbʉ́ɑ́ ghè'é, ò yɔ̄ mēn mbə̀' njā' nshì náh kōmsī ā, ǹ ndīē mbə̀' lōh Ǹ ndī' dīē, ò nə̄' ngǎk à Page 1 of 2
www.resulam.com
Ǹ ndɑ̌' mbɑ̄ tɑ̀ ncō ghòò, ò ghōō tɑ̀ nshʉ́ɑ́ ā, ngé'é mbɑ̀ ghè’è Ò lɑ̌’ làhā nà' náh nsī' mbɑ̀ɑ̄ntèn ā, ɑ́ pǎ'těn sì zhī ā Ndhī lɑ̌' hɑ̀ɑ̄ ná à, ò lāhā yā' náh mbɑ̄', m̀ mfōh wènòk. Béé nkə̀'nì lě ghɑ̄'mbō! Pɑ́ ǹ ngʉ̄ lāhā tɑ̄ náh mbɑ́' yáá mbú ò? Ǹ ndɑ̌' lī' ghěn zʉ̌'ŋwɑ̀'nì, ò mɑ̄' mēn tók lʉ̀ɑ̌' pʉ̀ɑ̌ à, mɑ́ ń ncō nɑ́ hwīēsì nzɑ̄ M̀ mfhʉ̄ mbūànzɑ̄, ò sōh nā à, ndáh mēn pǎ'mvāt náh nsī' Mɑ̄vō, ǒ sì ghʉ́ mēnsə̀ə̄ yá'nthʉ̄ nɑ́ à Wèn pìé mɑ̄ ā, mɑ̀ nǔ ghʉ̀ ī yǐ ndòm sīēcɑ̄'. Kòrēà Njàmndàk, líé'nzɑ̄ 8, Mbàkngòfāt, 2015. Fáhtìé mɑ̄vǒ Də̌nkām Sīēwèn pí Shck Cǎmnà'.
Page 2 of 2