Spinnetje

Fieke Gosselaar Astrid Mulder

Spinnetje rock ink

Spinnetje

Š 2016 Alle rechten voorbehouden Tekst: Fieke Gosselaar Tekeningen: Astrid Mulder Redactie: Jan Glas & Bill Mensema Auteursfoto: Rock Ink Ontwerp: Ebel Kuipers Lettertype: DollyPro, Underware

Spinnetje Fieke Gosselaar Astrid Mulder rock ink

t Het net regend as spinnetje veurzichteg onder t fietszoadel vandoan kroept.

‘Huu!’ roupt ze.

[ 4 | 5 ]

Mit heur aacht poten trippelt ze snel weer achteroet as n druppel oet de boom persies op heur kop terechtkomt.

Ze mokt zoch zo klaain as n bolletje en kriebelt heur aigen ronde lief.

‘t Wordt tied dat ik weer n hoes opzuiken goa,’ en ze kikt noar de druppels dij liek onder heur in n poule wotter vallen.

As ze buurtkatte lopen zugt, komt ze endelk weer vanonder t zoadel teveurschien.

Ze strekt heur pootjes, zodat t liekt asof ze daanst.

Nou t dreuge is, kin ze n nij web baauwen goan en dat is toch t mooiste wat der is.

Van t wachten het ze honger kregen. t Spinnetje schut n hail dun zilverdroadje noar t handvat van fietse. Doarnoa klimt ze as n woare atlete haildaal noar boven tou.

[ 6 | 7 ]

[ 8 | 9 ]

Mit n wiskundege blik kikt ze noar vörm van t stuur en berekent zo roazendsnel de beste menaaier veur n web. t Mot n steveg baauwwaark worden.

t Liekt derop dat t nait meer regen gaait.

Ze schut n droad van allerstaarkste kwaliteit noar t midden van t stuur. Van doaroet loat ze zoch vallen aan n sikkom onzichtboar koord en klimt noar boven tou.

Mit heur acht pootjes schoeft ze laangs t zilverdroad en opnij schut ze n dik koord laangs de contouren van t web.

Ze springt der zulf achteraan, bindt alles aan n ander vast.

Ze gaait rond, nog n keer rond en steeds makkelker lopt ze hinneweer.

Heur nije stee is sikkom kloar en den kin ze wachten goan.

Mainsttied duurt t nooit zo laank tot der n mugje nait goud oplet en – bzzzzz – in heur klaauwen zit.

Grode ogen kieken heur aan as ze haile van achtern aanrunnen komt. t Mugje is zo klaain in zo’n staark, vers gesponnen web!

Veurzichteg pakt t spinnetje t aarme daaiertje eerst in.

‘Is lekker waarm, zo’n dekentje.’ zegt ze. ‘Kaalm aan.’

[ 10 | 11 ]

[ 12 | 13 ]

t Spinnetje wacht tot t mugje op smoak is. t Zit hom in combienoatsie van spinrag in de mörndaauw.

Mor net as ze n hap nemen wil, klinkt der n haarde knal. t Gaait zo snel. n Wichtje stapt deure oet, ze rammelt mit heur fietssleudels.

‘Huu, spin!’ roupt ze en mit ain aarmbewegen het ze t haile spinneweb deurmidden ratst!

Spinnetje vlaigt soamen mit t verpakte mugje over struken hin en zo is heur zörgvuldeg beraaide diner verloren goan.

Op onbevangen wijze werkt Astrid Mulder (kunstacademie Minerva, masteropleiding schilderen aan het Frank Mohr Instituut) aan haar visueel dagboek, waarin ze haar avonturen en belevenissen vastlegt in tekeningen met een prentenboekachtige uitstraling, soms als sprookjes met een duistere ondertoon.

Astrid werkt met fineliners, stempels, stiften, pigmentpoeders, typex en water op vergeeld papier, bladzijdes van boeken of oud schetspapier.

Bij Rock Ink was haar werk – feitelijk een ode aan fantasie en vertellingen – al eerder te bewonderen in het e-boek Hongerige Wolf. [ 14 | 15 ] Fieke Gosselaar (op de foto rechts) is strafrechtjuriste bij de Rechtbank Noord-Nederland. Daarnaast schrijft ze poëzie in het Gronings en proza in het Nederlands. Elke vrijdag leest ze een van haar Groningse columns voor op Radio Noord, over de beste koffieautomaat op het werk, katten die het liefst water uit de kraan drinken of ‘heur laif ’ die een mammoetpoot heeft aangeschaft.

Tot nu toe zijn van Fieke verschenen: Tussen de anderen (2014, Ambo Anthos) en Nova Zembla (2013, Kleine Uil), waarvoor Astrid overigens de omslag verzorgd heeft.

[ 16]

Rock Ink is een samenwerkingsverband tussen de twee jeugdvrienden schrijver Bill Mensema (Groningen) & grafisch ontwerper Ebel Kuipers (Sappemeer) om – nu we nog leven – geregeld e-books uit te brengen, grotendeels over muziek, zo nu & dan in het Engels & dan weer in het Nederlands, ontworpen zoals wij het zien. De e-boekjes zijn gratis te lezen op internet.

Ons doel is de verspreiding van ons werk over de hele wereld en in Finland in het bijzonder. www.rockink.nl

rock ink

Noa n dikke regenbui het n spinnetje honger.

Spinnetje mot snel n nij web baauwen om wat te eten te kriegen …